मुंबई: महाराष्ट्र विधानसभा अर्थसंकल्पीय अधिवेशनाच्या दहाव्या दिवशी (ता. १८) कायदा व सुव्यवस्थेच्या संदर्भात आमदार बापूसाहेब पठारे यांनी सरकारकडे महत्त्वपूर्ण मागण्या मांडल्या. १९ डिसेंबर २०२४ रोजी मध्यरात्री कोयता गॅंगकडून झालेल्या तोडफोडीच्या घटनेवरून त्यांनी सर्वांचे विशेष लक्ष वेधले.

सदर घडलेल्या घटनेच्या पार्श्वभूमीवर बोलताना ते म्हणाले, की “धानोरी व लोहगाव परिसरातील साठेवस्ती, कलवड वस्ती या ठिकाणी डिसेंबर महिन्यात अमली पदार्थ सेवन करून कोयता गॅंगने दुकानाच्या, वाहनांच्या काचा फोडून दहशत माजवण्याचा प्रयत्न केला. येरवडा, विश्रांतवाडी तसेच टिंगरेनगर या भागांमध्येही अशाच पद्धतीच्या अनेक घटना घडून येत आहेत. वारंवार तक्रारी करूनही या गोष्टीला आळा बसत नाही.” गुन्हेगारांवर कारवाई करण्यासंबंधी व या वाढत्या उपद्रवावर आळा घालण्यासाठी लोहगाव भागात स्वतंत्र पोलीस स्टेशन उभारण्याची मागणी पठारे यांनी सरकारपुढे मांडली.
तसेच, अमली पदार्थांवर आळा घालण्यासाठी ठोस उपाययोजना राबवण्यासंबंधी यंत्रणा उभी करण्याबाबत मागणी केली. एकूणच वडगावशेरी मतदारसंघात अशा पद्धतीच्या घटनांमुळे कायदा व सुव्यवस्थेच्या बाबतीत सक्षमता आणणे व नागरिकांसाठी सुरक्षित वातावरण निर्माण करणे फार गरजेचे असल्याचे,पठारे यांनी सांगितले.यावर मुख्यमंत्री तथा गृहमंत्री देवेंद्र फडणवीस यांनी सकारात्मक प्रतिक्रिया देत राज्य सरकार याबाबत सजग असल्याचे स्पष्ट केले. त्यांनी असे नमूद केले, की या घटनांमध्ये विधी संघर्षित बालकांचा सहभाग असल्याचे आढळले असून, दिशा कार्यक्रमाच्या माध्यमातून त्यांच्यात सुधारणा घडवण्याचे प्रयत्न सुरू आहेत.
लोहगाव भागाचा झपाट्याने होणारा विस्तार, वाढती लोकसंख्या व सतत घडणाऱ्या व घडू शकणाऱ्या गुन्हेगारी घटनांवर नियंत्रण ठेवण्यासाठी स्वतंत्र पोलीस स्टेशनची आवश्यकता दिसून येते. सध्याच्या परिस्थितीत उपलब्ध पोलीस दलावर मोठा ताण असून, लोहगावसह आजूबाजूच्या भागांसाठी लोहगाव पोलीस स्टेशनच्या माध्यमातून वेगळी यंत्रणा निर्माण झाल्यास, कायदा-सुव्यवस्था अधिक प्रभावीपणे राखता येऊ शकते.

पुणे : स्नेहालय, अहिल्यानगर संचलित स्नेहाधार पुणे परिवारातर्फे ‌‘स्नेहाधार गौरव पुरस्कार‌’ वितरण सोहळा शनिवार, दि. 22 मार्च रोजी आयोजित करण्यात आला आहे.
कार्यक्रम सायंकाळी 5:30 वाजता निवारा सभागृह, नवी पेठ येथे होणार आहे. पेण येथील प्रामुख्याने महिलांसाठी काम करणाऱ्या ‌‘अहिल्या महिला मंडळ‌’ या संस्थेच्या संस्थापिका वासंती श्रीकांत देव आणि कळसंबर (ता. बीड) येथे अनाथांसाठी ‌‘आपला परिवार‌’ या वृद्धाश्रमाची स्थापना करणाऱ्या मनीषा भाऊराव पवार यांना ‌‘स्नेहाधार गौरव पुरस्कार‌’ सन्मापूर्वक प्रदान केला जाणार आहे. निष्णात गिर्यारोहक, गिरीप्रेमी संस्थेचे संस्थापक उमेश झिरपे यांच्या हस्ते पुरस्कारांचे वितरण केले जाणार आहे, अशी माहिती स्नेहाधार, पुणेच्या सहसंचालिका गौरी पाळंदे यांनी निवेदनाद्वारे कळविली आहे. कार्यक्रम सर्वांसाठी खुला आहे.

माहेर आणि सासरकडून मिळालेला सामाजिक कार्याचा वारसा वासंती देव पुढे चालवित आहेत. समाजातील महिलांना आत्मनिर्भर करावे आणि त्यांच्यात आत्मविश्वास जागृत करावा या हेतूने वासंती देव यांनी समविचारी महिलांना एकत्र करून शिक्षण, आरोग्य, समाजस्वास्थ आणि स्त्री सक्षमीकरण या चतु:सुत्रीचा अवलंब करत पेण येथे सुमारे 25 वर्षांपूर्वी अहिल्या महिला मंडळाची स्थापना केली.

मनिषा पवार या बीड तालुक्यातील कळसंबर येथे ‌‘आपला परिवार‌’ नावाने वृद्धाश्रम चालवत आहेत. ज्यांचे जगाच्या पाठीवर कोणीही नाही अशा अंध, अपंग, बेघर व निराधार आजी-आजोबांचे वृद्धाश्रामत वास्तव्य आहे. पवार यांनी या कार्यासाठी स्वतःचे घर, दोन एकर जमीन संस्थेला दान केली आहे. आजी-आजोबा हिच आपली मुले आहेत या भावनेतून त्यांनी स्वत:ला मूल होऊ दिले नाही आणि आयुष्य समाजासाठी समर्पित केले आहे.

पुणे-छत्रपती शिवाजी महाराज यांच्या संकल्पनेतील स्वराज्यासाठी पंतप्रधान नरेंद्र मोदी, आणि मुख्यमंत्री देवेन्द्रा फडणवीस यांच्या नेतृत्वाखाली आपण सातत्याने परिश्रम घेऊ असे येथे महापालिकेचे माजी सभागृहनेते गणेश बिडकर यांनी म्हटले आहे. जय भवानी जय शिवाजी या जयघोषात राज्यभरात छत्रपती शिवाजी महाराज यांची जयंती मोठया उत्साहाच्या वातावरणात साजरी करण्यात आली.तर पुणे शहराचा पूर्व भाग म्हणून ओळख असलेल्या सोमवारी पेठेतील विजय मित्र मंडळ ट्रस्ट आणि सम्राट ग्रुप चे आधारस्तंभ भाजपचे नेते पुणे महानगरपालिकेतील माजी सभागृह नेते गणेश बिडकर,तसेच विशाल दरेकर आणि संस्थापक अध्यक्ष शुभम पवार हे मागील तीन दशकांपासून भव्य दिव्य भव्य शिवजयंती महोत्सवाचे आयोजन करीत आले आहेत.तर यंदाच्या वर्षी हिरकणी फेम सिने अभिनेत्री सोनाली कुलकर्णी यांनी शिवजयंती महोत्सवाच्या कार्यक्रमाला हजेरी लावून रसिक प्रेक्षकांची मन देखील जिंकली.

या कार्यक्रमा दरम्यान भाजपचे नेते माजी सभागृह नेते गणेश बिडकर म्हणाले, सोमवारी पेठेतील विजय मित्र मंडळ ट्रस्ट आणि सम्राट ग्रुप च्या माध्यमांतून वर्षभर विविध उपक्रम हाती घेण्यात येतात आणि आपण वर्षभर ज्या दिवसाची वाट पाहत असतो,तो दिवस म्हणजे छत्रपती शिवाजी महाराज यांची जयंती आज जगभरात शिवाजी महाराज यांची जयंती मोठया उत्साहाच्या वातावरणात साजरी होत आहे.त्या प्रमाणेच आपल्या पुणे शहरातील पूर्व भाग म्हणून ओळखल्या जाणार्‍या सोमवारी पेठेत देखील मोठया उत्साहाच्या वातावरणात जयंती साजरी केली जात आहे.याबद्दल मला खूप आनंद होत आहे.छत्रपती शिवाजी महाराज यांनी प्रत्येक पिढीला प्रेरणा आणि संदेश देण्याच काम केल आहे.त्यामुळे मी आणि आपण सर्वजण छत्रपती शिवाजी महाराज यांनी दिलेल्या मार्गावर काम करित राहिले पाहिजे.तसेच छत्रपती शिवाजी महाराज यांच्या संकल्पनेतील जो महाराष्ट्र होता.जे स्वराज्य होत,ते सर्वांनी मिळून आणण्याचा प्रयत्न करावा,तसेच पंतप्रधान नरेंद्र मोदी आणि मुख्यमंत्री देवेंद्र फडणवीस हे सरकारच्या माध्यमातून तो प्रयत्न करीत असून या कामासाठी चळवळ उभारली गेली पाहिजे,असे आवाहन देखील त्यांनी यावेळी केले.

तसेच या कार्यक्रमा दरम्यान मर्दानी खेळाचे आणि सुरेख अशा मल्लखांब चे प्रात्यक्षिक तरुणांनी करून दाखविले.तर उपस्थित नागरिकांनी टाळ्या वाजवून जय भवानी जय शिवाजी, छत्रपती शिवाजी महाराज की जय असा जयघोष करीत प्रात्यक्षिक करणार्‍या मुलांचे कौतुक देखील केले.या सोहोळ्यास हर्षल दिघे ,ऋषिकेश मोहिते, मानव मोहिते ,शुभम पगारे, धवल मोहिते, अभिषेक गायकवाड, किशोर गायकवाड, प्रणय पगारे ,आर्यन पिसाळ सुमित रामबाडे,अजिंक्य शेळके, निखिल बहिरट ,वसीम शेख, हेमंत शिंदे सनी परदेशी,रोहित गरुड ,आनंद पाटील यांच्यासह हजारोंच्या संख्येने नागरिक उपस्थित होते.

सूर्यदत्त’मध्ये प्रख्यात प्रतीक अदा शर्मा व अभिनेता ईश्वर सिंग त्यांच्याशी परीक्षा संवाद

पुणे: “अभिनयातून प्रेरणा प्रेरणाचे काम होते. फांदीची कथा प्रेरणात्मक असेल तरच मी ती स्वीकारते. ‘सूर्यदत्त’च्या चांगल्या आर्थिक लाभार्थी क्षेत्रासाठी प्रेरणा. आपल्या मतपूर्तीचा उपयोग. प्रत्येकाने स्वयंप्रेरणे नात्यातील किंवा करियर निर्णय घ्या,” असे प्रख्यात अदा शर्मा यांनी व्यक्त केले.’तुमच्या माझ्या कसम’ याच्या फायनाको कॅम्पस सूर्यदत्त ग्रुप ऑफ इन्स्टिटय़ूट्सच्या बावधन कॅम्पसमध्ये आयोजित विद्यार्थी संवादादरम्यान अदा शर्मा बोलते. ‘मला मराठी आणि मी मराठीतून संवाद साधण्याचा प्रयत्न करतो’ या त्यांच्या वाक्यावर उत्स्फूर्तपणे बोलल्या वाजवून दाद दिली. ‘स्त्रीसूत्र’ उपक्रम त्यांनी ‘र्यदत्त’चे अभिनंदन केले.

कार्यक्रमाला ‘सूर्यदत्त’चे संस्थापक व अध्यक्ष प्रा. डॉ. संजय बी. इंडिया, सहयोगी चॉकलेट चोर स्नेहल नवलखा, प्रेरक वक्ते डॉ. दत्ता कोहिनकर, प्रशांत पितालिया, एस. रामचंद्रन, किरण राव, कुंभाराचे विविध विभागांचे प्राचार्य प्रमुख, शिक्षक-शिक्षक कर्मचारी व विद्यार्थी मोठ्याने उपस्थित होते. अव्वा रेशु अगरवाल (शिक्षण), एड. रूपल चोरडिया (पत्रकारिता), शोभा कुलकर्णी (सूत्रसंचालन व अध्यामिक सेवा) यांना ‘सूर्यदत्त स्त्री पुरस्कार’ प्रदान करण्यात आला. डॉ. दत्ता कोनकर ‘मन दलहि’ विषयावर कार्यशाळा. या कार्यशाळेत १००० परीक्षानी प्रवेश दाखल.

अभिनेता ईश्वाक सिंग म्हणाले, “कष्ट, आवड आणि प्रयत्न या त्रिसूत्रीच्या आधारे आपल्या क्षेत्राची यशस्वी आहे. ग्लॅमरस देशासाठी आपली उत्सुकता जाणून घेण्यासाठी आहे. स्वत:चीच ओळख गरजेची आहे. भेट येत आहे. आपण जरूर पाहा.

प्रा. डॉ. संजय बी. ते म्हणाले, “महिन्याभर सुरू झालेल्या ‘स्त्री’ कार्यक्रमाचे महिन्यांत विद्यार्थी संवादाचे प्रश्न उपस्थित करण्यात आले आहेत. ‘तुमचा माझा कसम’ फॉनल कथा संवदेनशील असून महिला उमेदवार आहेत. काही शिकता यावे, याकरिता हा उपक्रम आहे. प्रत्येकाने योग्य निर्णय घेणे आणि योग्य ज्ञान प्राप्त करणे आपल्या आवडी निवडीबद्दल वागणे आणि कठोर परिश्रम करावे.

डॉ. दत्ता कोहिनकर, “बाह्यमन अंतर्मनाला ज्याप्रकारे सूचना, त्याप्रकारे संप्रेरकांची तुमच्या शरीरातील काम अंतर्भूत करते. स्वतः नियमितपणे सकारात्मक विचार करा आणि स्वतःवर प्रेम करावे. विचार करा, तसे घडत असताना. तुम्ही ९० टक्के सामाजिक व्यक्ती. मनाशी संबंधित असतात. मनावर नियंत्रण हवे. सकारात्मक राहण्यावर भर द्या.”

प्रा. डॉ. सुनील धनगर यांनी सूत्रसंचालन केले. स्नेह नवलखा यांनी आभार मानले.

‘समाजभूषण’ पुरस्काराचे मानकरी भावेश ओझा यांचे प्रतिपादन

पुणे-‘सध्या सामाजेचा तोल ढळताना दिसत आहे, ही चिंतेची बाब आहे. पूर्वी नाना, आबा, अप्पा अशी नावे ऐकू यायची. आता मात्र भाई, खोक्या, आका ही नावे कानावर आदळत आहेत. ही समाजाची अधोगतीच मानली पाहिजे.यातून समाजाला सावरण्यासाठी श्री स्वामी समर्थांचे स्मरणच समाजाला योग्य मार्ग दाखवेल,’ असे प्रतिपादन औंधमधील उद्योजक व सामाजिक कार्यकर्ते भावेश ओझा यांनी आज केले. औंधमधील श्री स्वामी समर्थ प्रतिष्ठानतर्फे त्यांना ‘समाजभूषण’ पुरस्कार रामदासजी मुरकुटे यांच्या हस्ते प्रदान करण्यात आला. त्यावेळी ते बोलत होते. श्री स्वामी समर्थ प्रतिष्ठानचे संस्थापक अध्यक्ष ॲड. श्रीकांत गोविंद पाटील कार्यक्रमाच्या अध्यक्षस्थानी होते. मानपत्र, सन्मानचिन्ह, शाल व श्रीफळ असे पुरस्काराचे स्वरूप होते.

भावेश ओझा म्हणाले की, ‘संस्कार कमी पडत असल्यामुळे समाजात अनैतिकता, भ्रष्टाचार, गुन्हेगारी, वाढत असून, चांगल्या समाजनिर्मितीसाठी प्रत्येकाने श्री स्वामी समर्थांचे स्मरण सतत करण्याचे गरजेचे आहे. त्यांच्या स्मरणाने मनाला आधार मिळतोच, शिवाय चांगले संस्कारही मनावर घडतात,’ असे सांगून त्यांनी गेली २५ वर्षे चालू असलेल्या श्री स्वामी समर्थ प्रतिष्ठानच्या सातत्यपूर्ण कार्याचा गौरव केला.‘मला मिळालेला ‘समाजभूषण’ पुरस्कार श्री स्वामी समर्थांच्या चरणी अर्पण करीत आहे,’ असे ते म्हणाले.

प्रारंभी श्री स्वामी समर्थ प्रतिष्ठानचे संस्थापक अध्यक्ष ॲड. श्रीकांत गोविंद पाटील यांनी स्वागत व प्रास्ताविक केले. ते म्हणाले की,‘उच्चशिक्षित व परदेशात असणारी उत्तम संधी सोडून उद्योजक भावेश ओझा भारतात परतले. पुण्यात औंध येथे स्थायिक झाले असून, ते सातत्याने औंधच्या विकासासाठी प्रयत्नशील राहिले आहेत. तसेच धार्मिक, सामाजिक, सांस्कृतिक क्षेत्रांतील ते योगदान देत आहेत. त्यांचे कर्तृत्व, नेतृत्व आणि दातृत्व श्री स्वामी समर्थांच्या कृपेने सतत फुलत राहील,’ असे ते म्हणाले. संस्थेच्या २५ वर्षांच्या वाटचालीचा आढावाही त्यांनी घेतला.

याप्रसंगी ज्ञानेश्वर तापकीर यांचेही भाषण झाले. हृषीकेश कोल्हे यांनी मानपत्राचे वाचन केले. गंधाली भिडे यांनी सूत्रसंचालन आणि आभारप्रदर्शन केले. औंधमधील उमाशंकर कॉम्प्लेक्स परिसरात उभारण्यात आलेल्या भव्य मंडपात संपन्न झालेल्या या कार्यक्रमात ज्ञानेश्वर तापकीर, सुहास ढोले, तानाजी चोंधे, दत्तात्रय तापकीर, वसंत माळी, दीपक कालापुरे, निवृत्ती कालापुरे, संग्राम मुरकुटे, प्रतिष्ठानचे उपाध्यक्ष योगेश कुलकर्णी व सचिव दिलीप वाणी यांसह शेकडो स्वामीभक्त उपस्थित होते.कार्यक्रमाची सांगता स्वामींच्या आरतीने आणि महाप्रसादाने झाली.

पुणे : जगविख्यात बासरीवादक पद्मविभूषण पंडित हरिप्रसाद चौरसिया यांचे ज्येष्ठ शिष्य आणि प्रसिद्ध बासरीवादक पंडित रूपक कुलकर्णी यांच्या संकल्पनेतून साकारलेल्या ‌‘बांसुरी परंपरा‌’ या अनोख्या सांगितीक महोत्सवात चार पिढ्यांच्या वादनातून बासरीचे सुमधूर स्वर अनुभवायला मिळाले. या सहवादनात 9 ते 75 या वयोगटातील 80 कलाकारांचा समावेश होता.
भारतीय शास्त्रीय संगीताच्या क्षेत्रात गुरू-शिष्य परंपरेच्या माध्यमातून ज्ञान प्रवाहित ठेवताना प्रत्येक गुरूला आपल्या शिष्याची प्रगती पाहून आनंद होतो तसेच हे ज्ञान अखंडितपणे पुढील पिढीकडे दिले जाईल याचे शाश्वत समाधानही मिळते. ‌‘बांसुरी परंपरा‌’ या महोत्सवाच्या माध्यमातून अखंडितपणे सुरू असलेली बारसी वादनाची परंपरा प्रवाहित होताना पाहून पुणेकर रसिकांचे मनही समाधान पावले. तसेच शिष्य वर्गालाही आपल्या गुरूंसमवेत सादरीकरण करण्याचा अनोखी संधी लाभली. पंडित रूपक कुलकर्णी म्युझिक फाऊंडेशन आणि मृगेंद्र मोहाडकर यांच्या ब्लिसफुल विंड्स फाऊंडेशनतर्फे द पूना वेस्टर्न क्लब, भूगाव येथे दोन दिवसीय महोत्सवाचे आयोजन करण्यात आले होते.
‌‘बांसुरी परंपरा‌’ महोत्सवात जगविख्यात बासरीवादक पद्मविभूषण पंडित हरिप्रसाद चौरसिया यांच्यासह त्यांचे ज्येष्ठ शिष्य पंडित रूपक कुलकर्णी यांचे रंगलेले बासरीवादन महोत्सवाचा कळसाध्याय ठरले. कार्यक्रमाच्या सुरुवातीस पंडित रूपक कुलकर्णी यांच्यासह त्यांचे ज्येष्ठ शिष्य तसेच पुढील पिढीतील शिष्य यांच्या बासरी सहवादनाने ऋतुचक्राच्या उलगडलेल्या छटा रसिकांना मोहित करून गेल्या.
भारतीय शास्त्रीय संगीतात राग आणि ऋतू यांचे अनोखे भावबंध जुळलेले दिसतात. ऋतुनुसार मानवी भावनांचे बदलते रूप या स्वराविष्कारातून प्रभावीपणे मांडण्यात आले. बसंत ऋतूतील सादरीकरण करताना राग, प्रेम, आनंद आणि नाविन्यतेचे प्रतिक मानला जाणारा हिंडोल राग सादर करण्यात आला. ग्रीष्म ऋतूचे दाहक दर्शन घडविताना कलाकारांनी वृदांवनी सारंग रागाचे प्रकटीकरण केले.
त्यानंतर पंडित रूपक कुलकर्णी यांनी रचलेली मियाँमल्हार आणि मेघमल्हार रागांचे अनोखे मिश्रण दर्शविणारी रचना ऐकवून वर्षा ऋतूच्या आगमनाने आनंदीत झालेल्या सृष्टीचे जणू गाणेच ऐकविले. शांत आणि प्रसन्न भावना दर्शविणाऱ्या शरद ऋतूचे वर्णन बासरीवादनातून साकारताना नटभैरव रागातील सुंदर रचना सादर केली. हेमंत रागाचे वैशिष्ट्य उलगडताना राग यमनमधील कलात्मकतेने केलेले सादरीकरण रसिकांना भावले. तर शिशिर ऋतूचा स्वराविष्कार सादर करताना राग किरवाणीचे मोहक सादरीकरण करून सर्व कलाकारांनी उपस्थितांची मने जिंकली.
पंडित हरिप्रसाद चौरसिया आणि पंडित रूपक कुलकर्णी यांनी राग खमाजवर आधारित शब्दप्रधान गायकी असणाऱ्या ठुमरीचे स्वर बासरी वादनातून ऐकविल्यानंतर उपस्थित रसिकांनी उत्स्फूर्तपणे दाद देत पंडितजींना मानवंदना दिली. गुरूंच्या छत्रछायेत बहरलेल्या शिष्यांना पाहून रसिकांनी टाळ्यांचा वर्षाव केला. पंडित अरविंदकुमार आझाद (तबला), सौरभ गुळवणी (बेस तबला), शंतनू पांडे (की-बोर्ड) यांनी समर्पक साथसंगत केली.
महोत्सवाच्या पहिल्या दिवशी तनिष्क अरोरा यांचे गायन झाले. त्यानंतर मृगेंद्र मोहाडकर आणि जयकिशन हिंगु यांच्या बासरीवादनाची जुगलबंदी रंगली. पहिल्या दिवसाची सांगता सुप्रसिद्ध गायक पंडित रघुनंदन पणशीकर यांच्या गायनाने झाली. कलाकारांना पंडित भरत कामत, दिपिन दास, सपन अंजारिया (तबला), सुयोग कुंडलकर, आकाश नाईक (संवादिनी) यांनी साथसंगत केली.

‌‘प्यारभरे स्वरोंका और दिल का रिश्ता मन को आनंदित करता है‌’ : पंडित हरिप्रसाद चौरसिया

व्यासपीठावर मोठ्या संख्येने उपस्थित असणाऱ्या शिष्यांना पाहून पंडित हरिप्रसाद चौरसिया यांनी समाधान व्यक्त केले. महाराष्ट्राच्या मातीत जन्मलेली ही मुले सर्वच कला क्षेत्रात उत्तम पद्धतीने ज्ञान संपादन करत आहेत ही गोष्ट खूप आनंददायी आहे, असे सांगून पुढील वर्षी या महोत्सवात येईन आणि त्या वेळी इथे उपस्थित प्रत्येक पुणेकराच्या हातात बासरी असावी अशी इच्छा त्यांनी व्यक्त केली. शिष्यांचे वादन ऐकून प्रसन्नचित्त झालेल्या पंडितजींनी ‌‘प्यारभरे स्वरोंका और दिल का रिश्ता मन को आनंदित करता है‌’ अशा शब्दात भावना व्यक्त केल्या.

‘करम कोलाज’मधून मानवी भावनांचा काळीजकल्लोळ

पुणे : वसंत ऋतूमधील उत्फुल्ल निसर्गरंगांचे मानवी जीवनातले अनेक अंश, विविध कविता आणि गझलांच्या माध्यमातून रविवारी प्रकट झाले. सहा कवयित्रींनी साकारलेला हा विविध भावभावनांचा कल्लोळ करम कोलाजच्या व्यासपीठावरून रसिकांनी अनुभवला आणि मनमोकळी दादही दिली.

निमित्त होते ‘करम प्रतिष्ठान’ आयोजित नामवंत कवयित्रींच्या सुश्राव्य कविता व गझलांच्या मैफिलीचे. ‘करम कोलाज’ या शीर्षकांतर्गत सादर झालेल्या या मैफिलीत प्राजक्ता पटवर्धन, निरुपमा महाजन, वैजयंती आपटे, प्राजक्ता वेदपाठक, वैशाली माळी आणि चिन्मयी चिटणीस या कवयित्रींनी कविता, गझल सादर केल्या. कर्वे रस्त्यावरील सावरकर अध्यासन केंद्र येथे ही मैफिल रंगली.

करम कोलाज संकल्पनेविषयी करम प्रतिष्ठानचे अध्यक्ष भूषण कटककर म्हणाले, आजच्या काळात मराठी भाषेत अत्युत्कृष्ट काव्यलेखन होत आहे. हे अस्सल काव्य लेखन रसिकांसमोर येणे अतिशय गरजेचे आहे. मराठी भाषेला अभिजात दर्जा प्राप्त होणे यात अनेक महान व्यक्तींचे प्रयत्न आहेत. मात्र त्या दर्जाच्या योग्यतेचे लेखन करणाऱ्या कवयित्रींच्या कविता एकत्रित स्वरूपात जनमानसापुढे आणण्याचे काम करम प्रतिष्ठान करत आहे. रसिक या प्रयोगाला उत्कट दाद देत आहेत.

यावेळी बाबूल पठाण, अविनाश सांगोलेकर, ज्योत्स्ना चांदगुडे, सुवर्णा सोहोनी, अलका साने तसेच आनंदी वृद्धाश्रमाच्या संचालिका रोहिणी ताकवले आणि त्यांचे सहकारी महेंद्र वांजळे यांचा सत्कार करण्यात आला. ऋचा कर्वे यांनी कवयित्रींचा परिचय करून दिला. प्रज्ञा महाजन, वासंती वैद्य, मुक्ता भुजबले यांनी संयोजन केले तर शिल्पा देशपांडे यांनी सूत्रसंचालन केले.

सहाही कवयित्रींच्या कविता, गझलांमधून मानवी प्रेमभावना, निसर्ग, ऋतू, हळव्या प्रेमभावनांचे मोरपिशी सूर तर प्रकट झालेच, पण कुटुंब, नाती, घराचा जिव्हाळा, दूरदेशी उडून गेलेली पाखरे, त्यांच्याविना सुनी झालेली आईवडिलांची भावविश्वे, आई, बाबा या आत्मीय नात्यांचे अनेक पदरही उलगडत गेले. या कवितांनी रसिकांना कधी सुखाच्या हिंदोळ्यावर झुलविले तर कधी गहिवरून टाकले.

किती दिवस अबोला
असा घेणार शब्दांनो,
गोड कवितेची ओळ
कधी येणार शब्दांनो, असा प्रश्न चिन्मयी चिटणीस यांना पडला होता, तर

वासे फिरले तशी माणसे निघून गेली फ्लॅटवर
चोवीस तास राबूनसुद्धा फ्लॅट बनला नाही घर, असा साक्षात्कार वैशाली माळी यांनी कवितेतून मांडला. वैशाली यांच्या कवितेतील
फुलपंखी डोळ्यातील मोरपंखी गुन्हा
काळजाच्या ओसरीला येई पुन्हा पुन्हा, या कवितेनंही दाद मिळवली.

वैजयंती आपटे यांच्या कवितेतून
उत्सव माझा हिरवाईचा
नयनांमध्ये तुझ्याच हसला
ऋतू फुलांचे फुलवत येता
बहर तुला मी बहाल केला, असे प्रीतीचे, समर्पणाचे आणि निसर्गाचे अनोखे एकरूपत्व प्रकट झाले.

प्राजक्ता पटवर्धन यांच्या कवितेतून,
दूर चालला लेक उडूनी उंच भरारी घेण्या
घरटे स्मरते त्याच्या साऱ्या हळव्या बालकहाण्या, या शब्दांतून घरोघरची पाखरे उडून जाताना इथेच राहणार्या आईवडिलांचे कातर मन व्यक्त झाले.

निरुपमा महाजन यांनी जत्रा या कवितेतून लेक जरा नजरेआड झाल्यावर बाबाच्या मनाची जी उलघाल होते, त्याचे प्रत्ययकारी चित्रण केले होते.

गेलीच कशी अवचीत सोडुनी हात घट्ट धरलेला
जाणुनी जगाची रीत कल्पनातीत बाप भ्यालेला, या त्यांच्या ओळी रसिकांना अंतर्मुख करून गेल्या.

प्राजक्ता वेदपाठक यांची आई ही कविता तर रसिकांच्या नेत्रकडा पाणावणारी होती.

काय लिहू आईवर
आई शब्दात मावेना
आई अवकाश खुले
माझा परीघ पुरेना, या त्यांच्या शब्दांनी सुरुवातीला पकड घेतली.

आई चव अमृताची
जन्मभर उरणारी
आई प्रार्थनेची ओळ
घरभर तेवणारी, या ओळी मनात साठवतच या मैफिलीची सांगता झाली.

नाट्य परिषद कोथरूड शाखा, शिवसाम्राज्य प्रतिष्ठानतर्फे महिला कलाकारांचा सन्मान

पुणे : समाजाकडून कलाकारांना मिळणारी कौतुकाची थाप आनंददायी आणि प्रेरणादायी असते, असे प्रतिपादन ज्येष्ठ अभिनेत्री शुभांगी दामले यांनी केले. जिथे स्त्रीचा सन्मान केला जातो तिथे देवाचे वास्तव्य असते आणि जिथे देवाचे वास्तव्य असते तिथे सुख, समाधान नांदते, असेही त्यांनी आवर्जून नमूद केले.
अखिल भारतीय नाट्य परिषदेची कोथरूड शाखा आणि शिवसाम्राज्य प्रतिष्ठान यांच्या संयुक्त विद्यमाने कलाक्षेत्रातील महिला कलाकरांचा सन्मान सोहळा यशवंतराव चव्हाण नाट्यगृहात आयोजित करण्यात आला होता. त्या वेळी सत्कारार्थींच्यावतीने शुभांगी दामले यांनी मनोगत व्यक्त केले.
यशवंतराव चव्हाण नाट्यगृहाचे रौप्य महोत्सवी वर्ष आणि जागतिक महिला दिनाचे औचित्य साधून कार्यक्रमाचे आयोजन करण्यात आले होते. या वेळी शुभांगी दामले, संगीत क्षेत्रात रुची असलेल्या शीला देशपांडे, संगीत रंगभूमीवरील ज्येष्ठ अभिनेत्री वर्षा जोगळेकर, संगीत रंगभूमीवरील प्रसिद्ध अभिनेत्री अस्मिता चिंचाळकर, सिने नाट्य अभिनेत्री अश्विनी थोरात, निवेदिका रत्ना दहीवेलकर, उद्योजिका साधना विसाळ, सिने-नाट्य अभिनेत्री नीता दोंदे आणि गायिका राधिका अत्रे यांचा सन्मान करण्यात आला.
देवकीताई पृथ्वीराज सुतार यांच्या हस्ते महिला कलाकारांना सन्मानित करण्यात आले याप्रसंगी अखिल भारतीय नाट्य परिषद कोथरूड शाखेचे अध्यक्ष सुनील महाजन, कार्यवाह सत्यजित धांडेकर, दीपक गुप्ते, नाट्यगृहाच्या व्यवस्थापिका सुजाता देवकर यांची प्रमुख उपस्थिती होती. कार्यक्रमाची सुरुवात नटराज पूजन आणि दीप प्रज्वलनाने झाली. मान्यवरांचे स्वागत सुनील महाजन, सत्यजित धांडेकर यांच्या हस्ते करण्यात आला. सुनील महाजन यांनी प्रास्ताविकात कार्यक्रमाच्या आयोजनामागील भूमिका विशद केली.
सत्कार सोहळ्यानिमित्त ‘ती’च्या आयुष्यातील आनंद क्षणांची उधळण करणाऱ्या ‘चांदण्यात फिरताना’ या सांगितीक कार्यक्रमाचे आयोजन करण्यात आले होते. गफार मोमिन, राधिका अत्रे, भाग्यश्री डुंबरे यांनी गीते सादर केली. कार्यक्रमाची संकल्पना धनंजय पूकर यांची होती. कार्यक्रमाचे निवेदन डॉ. मानसी अरकडी यांनी केले तर सत्यजित धांडेकर यांनी आभार मानले.

महा एनजीओ फेडरेशनच्या वतीने आयोजन

पुणे : कर्तृत्वाने स्त्री आपल्या सामर्थ्याची साक्ष देत असते. शिक्षण, विज्ञान, व्यवसाय, कला, क्रीडा आणि विविध क्षेत्रांत आजच्या स्त्रिया आपली वेगळी ओळख निर्माण करत आहेत. अशा कर्तृत्ववान महिलांचा सन्मान महा एनजीओ फेडरेशनच्या वतीने करण्यात आला. समाजाच्या विविध क्षेत्रांत उल्लेखनीय कार्य करणाऱ्या २५ सेवाव्रती महिलांना ‘राजमाता जिजाऊ पुरस्कार ‘ देऊन गौरव करण्यात आला.

माहेश्वरी विद्या प्रचारक मंडळ, मॉडेल कॉलनी येथे झालेल्या कार्यक्रमात स्वाती शेखर मुंदडा यांच्या हस्ते पुरस्कार प्रदान करण्यात आले. यावेळी कार्यक्रमाच्या अध्यक्षस्थानी महा एनजीओ फेडरेशनचे संस्थापक व महाराष्ट्र गोसेवा आयोगाचे अध्यक्ष शेखर मुंदडा उपस्थित होते. यावेळी महा एनजीओ फेडरेशनचे ज्येष्ठ संचालक मुकुंद शिंदे, संचालक योगेश बजाज,  विजय वरूडकर, अपूर्वा करवा व कोमल गांधी उपस्थित होते. कार्यक्रमाच्या यशस्वी आयोजनासाठी सागर पाटील, चेतन मराठे, चेतन शर्मा आणि रविंद्र चव्हाण यांनी विशेष योगदान दिले.

या सोहळ्यात किशोरी गद्रे, मनिषा सोनवणे, अलका गुजनाल, स्मिता गायकवाड, प्रीती मराठे, वैष्णवी पाटील, आदिती देवधर, सीमा सपकाळ, अनुराधा टल्लू, शिल्पा भट्टड, स्नेहल जगताप, सिद्धी क्षीरसागर, मीरा वानखेडे, चंद्रकला गावित, किरण माशाळकर, अनिता टापरे, डॉ. सोनाली शिंदे, डॉ. विनिता आपटे, डॉ. जान्हवी हासे, स्नेहा देव,  छाया अबक, सोनल डुंगरवाल, शीतल पाटील, अर्चना गुंडारे आणि अनुराधा भाटकर यांना सन्मानित करण्यात आले.

विजय वरूडकर यांनी कार्यक्रमाचे प्रास्ताविक केले. मुकुंद शिंदे यांनी स्वागत आणि आभार मानले.