पुणे-व्यावसायिक आेळख झालेल्या एका सहकाऱ्याने भागीदारीत गुरुकृपा स्पेशालिस्ट फिल्मस हा व्यवसाय सुरू करण्याचे सांगत एकास २ कोटी ३१ लाख रुपयांना गंडा घातला. व्यवसाय ताेट्यात जाऊन कंपनीसाठी खरेदी केलेली चार ते साडेचार काेटीची साधने भागीदाराने स्वत:कडे घेत त्याची परस्पर विक्री केल्याचे तक्रारीत म्हटले आहे.चार काेटी ८३ लाख २३ हजार रुपयांची तक्रारदार यांची आर्थिक फसवणुक केल्याचा अर्ज पोलिसांकडे आला. याबाबत गुन्हे शाखेच्या आर्थिक विभागाने प्राथमिक चाैकशी केली असता, तक्रारदार यांचे दाेन काेटी ३१ लाख २० हजार रुपयांची फसवणूक करण्यात आल्याचे दिसून आले आहे.

हा प्रकार सन २०१९ ते ३१ /१०/२०२४ यादरम्यान घडला आहे. पोलिसांनी दिलेल्या माहितीनुसार, या प्रकरणी डेक्कन पोलिस ठाण्यात आराेपीवर गुन्हा दाखल करण्यात आला आहे. याबाबत चारुदत्त श्रीनिवास मुदगल (५८,रा.डेक्कन जिमखाना,पुणे) यांनी आराेपी नीलेश सुरेश ठाेले व रिना निलेश ठाेले यांच्याविराेधात फिर्याद दाखल केली आहे. आराेपी व तक्रारदार यांची व्यवसायातून आेळख झाली. तक्रारदर हे आराेपीस मागील १५ वर्षापासून मटेरियल सप्लाय करत असून आराेपींनी भागीदारीत गुरुकृपा स्पेशालिटी फिल्मस हा व्यवसाय सुरू केला. तक्रारदाराने माहिती घेतली असता आराेपीने स्वत:च्या संबंधित खात्यात ही रक्कम वळवल्याचे तक्रारीत नमूद करण्यात आले आहे. दरम्यान, पोलिसांनी या घटनेचे गांभीर्य लक्षात घेऊन सखोल तपास सुरू केला आहे. तसेच यात कोण कोण गुंतले आहेत हे देखील तपासण्यात येत आहे. दरम्यान, गेल्या काही वर्षांमध्ये पुणे आणि परिसरात मोठ्या प्रमाणात अर्थिक फसवणुकीच्या घटना घडल्या आहेत. यात अनेक नागरिकांचे मोठ्या प्रमाणात पैसे अडकल्याचेही अनेकांनी तक्रारीत म्हटले आहे.

पुणे, दि. २ : भारत निवडणूक आयोगाकडून इंदापूर विधानसभा मतदारसंघासाठी निवडणूक निरीक्षक म्हणून एम. गौतमी यांची नियुक्ती करण्यात आली आहे, अशी माहिती इंदापूर मतदार संघाचे निवडणूक निर्णय अधिकारी कल्याण पांढरे यांनी दिली आहे.

श्रीमती एम. गौतमी यांचा निवासाचा पत्ता व्हीव्हीआयपी सर्कीट हाऊस, पुणे येथील कक्ष क्रमांक ए-204 असा आहे. त्यांना दुपारी ३ ते सायंकाळी ५ यावेळेत नागरिकांना भेटता येईल. त्यांचा संपर्क क्रमांक ९०२१५०८३१७ असा असून दूरध्वनी क्रमांक ०२०-२९५२३३६६ असा आहे. तर ई-मेल पत्ता genobs.daund.indapur@gmail.com असा आहे. संपर्क अधिकारी श्री. नागनाथ कंजेरी हे असून त्यांचा संपर्क क्रमांक ९५९५९९४४५५ असा आहे.

दरम्यान, श्रीमती एम. गौतमी यांनी इंदापूर विधानसभा मतदारसंघाच्या निवडणूक निर्णय अधिकारी यांच्या कार्यालयास भेट देवून कामकाजाचा आढावा घेतला. श्री. पांढरे यांनी इंदापूर विधानसभा मतदारसंघाच्या निवडणूक निर्णय अधिकारी कार्यालयात स्थापित करण्यात आलेल्या विविध कक्षांची माहिती दिली. तसेच मतदान आणि मतमोजणीच्या अनुषंगाने केलेल्या पूर्व तयारीची देखील माहिती दिली. यावेळी विविध कक्षांचे नोडल अधिकारी उपस्थित होते.

पुणे, दि. 2 : भारत निवडणूक आयोगाच्या निवडणुक खर्च संनियंत्रण यावरील अनुदेशांचा सारसंग्रहमधील लेखे तपासणीच्या तरतूदीनुसार वडगावशेरी विधानसभा मतदारसंघातील उमेदवारांच्या दैनंदिन खर्च तपासणीचे वेळापत्रक जाहीर करण्यात आले आहे. या वेळापत्रकानुसार उमेदवारांच्या दैनंदिन निवडणूक खर्चाची तपासणी खर्च निरिक्षकांमार्फत करण्यात येणार आहे.

वडगावशेरी विधानसभा मतदारसंघाच्या निवडणूक निर्णय अधिकारी यांच्या येरवडा क्षेत्रीय कार्यालय, तीसरा मजला, येरवडा, पूणे येथील निवडणूक खर्च नियंत्रण कक्षात ही तपासणी करण्यात येईल. खर्च तपासणी तीन टप्प्यात होणार असून उमेदवारांच्या दैनंदिन खर्चाची पहिली तपासणी 7 नोव्हेंबर रोजी तर दुसरी 13 नोव्हेंबर रोजी तर तिसरी तपासणी 18 नोव्हेंबर 2024 रोजी सकाळी 10 ते सायंकाळी 5 वाजेदरम्यान होईल, अशी माहिती निवडणूक निर्णय सचिन बारवकर यांनी दिली आहे.

पुणे लक्ष्मीपुजनानंतर सर्वत्र मोठ्या प्रमाणावर फटाक्यांची आतिषबाजी करण्यात येते. या आतिष बाजीमुळे शहरात गेल्या १२ तासात तब्बल ३५ ठिकाणी छोट्या मोठ्या आगीच्या घटना घडल्या. त्यात शिवणे येथील दांगट नगरमधील कपड्याचे गोडावून आणि सासवड रोडवरील सोनाई गार्डनजवळील पाईप गोडावूनला आग लागण्याच्या घटना मोठ्या होत्या. सुदैवाने या आगीत कोणतीही जिवित हानी झाली नाही.

फटाक्यामुळे प्रामुख्याने कचरा पेटणे, झाडावर बाण पडल्याने झाड पेटणे अशा घटना अधिक होत्या. शुक्रवारी सायंकाळी ७.३५ मिनिटांनी कळस येथील रस्त्यावर कचरा पेटल्याची पहिली वर्दी अग्निशमन दलाकडे आली. त्यानंतर आगीच्या घटना एकापाठोपाठ येत होत्या. त्यानंतर आज सकाळी साडेसहा वाजता वाघोली येथील नगर रोडवरील क्रोमा शोरुममागील फ्लॅटमध्ये आग लागल्याची ही ३५ वी घटना होती.१) राञी ७.३५ – कळस येथे रस्यावर कचरा पेटला
२) रात्री ७.३६ – मांजरी, मोरे वस्ती येथे ऊसाच्या शेतामध्ये आग
३) ८.०५ – बालेवाडी फाटा, काका हलवाई स्वीट समोर वायर पेटली
४) ८.०६ – कोथरुड, रामबाग कॉलनी येथे झाडाला आग
५) ८.१२- मार्केटयार्ड, गेट क्रमांक पाचजवळ कचºयाच्या वाहनामधील कचरा पेटल्याने आग
६) ८.१९ – सहकारनगर पोलिस चौकीजवळ नारळाच्या झाडाला आग
७) ८.२२ – मंगलदास रस्ता येथे झाडाला आग
८) ८.२४ – गणेश पेठ, बुरुड आळी येथे ताडपञी पेटल्याने आग
९) ८.३० – काञज, संतोषनगर येथे इमारतीच्या गॅलरीमध्ये आग
१०) ८.३४ – रविवार पेठ, तांबोळी मस्जिद नजीक कपड्याच्या दुकानात आग
११) ८.३८ – बी टी कवडे रस्ता, भारत फोर्ज कंपनी समोर एका ट्रकला आग
१२) ८.४० – लक्ष्मी रोड, विजय टॉकीज जवळ घरामध्ये आग
१३) ८.४५ – कळस स्मशानभूमी जवळ एका शेतामध्ये आग
१४) ८.५४ – टिळक रस्ता, महाराष्ट्र मंडळ शेजारी झाडाला आग
१५) ९.०१ – सिहंगड रोड, नवश्या मारुती जवळ घरामध्ये आग
१६) ९.०३ – औंध, बीआरटीएस रस्ता येथे घरामध्ये आग
१७) ९.११ – गणेश पेठ, डुल्या मारुती मंदिराजवळ छोट्या गोडाउनमध्ये आगीची घटना
१८) ९.२३ – वडगाव बुद्रुक, गोसावी वस्ती येथे घरामध्ये आग
१९) ९.२५ – कल्याणीनगर, गोल जिम चौक येथे मोकळ्या मैदानात आग
२०) ९.२९ – गणेश पेठ, बुरुड आळी येथे पुन्हा ताडपञीला आग
२१) ९.३५ – चंदननगर, खराडी बायपास येथे कचरा पेटला
२२) ९.४० – शिवणे, दांगट पाटील नगर येथे कपड्याच्या गोडाऊनमध्ये आग
२३) ९.४२ – पदमावती, पंचवटी मिञ मंडळ येथे गॅलरीमधे आग
२४) ९.५५ – सासवड रोड, सोनाई गार्डन जवळ पीव्हीसी पाईप गोडाऊनला आग
२५) १०.९१ – गंज पेठ, महात्मा फुले वाड्यानजीक कचरा पेटला
२६) १०.०२ – हडपसर, डिपी रस्ता कचरा पेटला
२७) १०.२७ – बिबवेवाडी, अप्पर डेपो येथे मोकळ्या मैदानात कचरा पेटला
२८) १०.३४ – रास्ता पेठ, आयप्पा मंदिरा जवळ इमारतीत गॅलरीत आग
२९) १९.५१ – खराडी, थिटे वस्ती येथे घरामध्ये आग
३०) ११.०७ – कोथरुड, हॅप्पी कॉलनी येथे टपरीला आग
३१) ११.४५ – गंगाधाम, आई माता मंदिराजवळ कचरा पेटला
३२) पहाटे २.५० – हडपसर, रामटेकडी, आंबेडकर नगर लाकडांना आग
३३) ३.०१ – कॅम्प, पुलगेट बसस्टॉप, सोलापुर बाजार कचरयाला आग
३४) ५.०० – कोंढवा खुर्द,नवाजी चौक, मक्का मश्जिद जवळ बंद घराला आग
३५) ६.३० – वाघोली, नगररोड, क्रोमा शोरूम मागे फ्लॅटमध्ये आग

पुणे : बंदुक घेऊन रोडवरुन दुचाकीवरुन जाणार्‍या दोघांचा व्हिडिओ मोठ्या प्रमाणावर व्हायरल झाला होता. त्यात ‘तो’ काही वाहनचालकांवर ती बंदुक रोखत असल्याचे दिसत होते…. सिंहगड रोड पोलिसांनी या दोघांचा शोध घेऊन त्यांना अटक केली अन ती दिवाळीतील फटाके उडविण्याची बंदुक असल्याचे समजले . हि बंदूक खरी असल्याचे भासवून लोकांमध्ये भ्रम निर्माण करुन दहशत निर्माण करण्याचा प्रयत्न केल्याबद्दल पोलिसांनी या शायनर्स बहाद्दरांवर गुन्हा दाखल केला आहे.अक्षय अंकुश गायकवाड (वय २७, रा. शिवणे), सुनील चंद्रकांत शिंदे (वय २८, रा. वारजे) अशी अटक केलेल्या दोघांची नावे आहेत. हे दोघेही पेंटर असून पेंटिंगची कामे करतात.कात्रज – देहुरोड बायपास रोडवरील ) वडगाव पूल ते वारजे पूल दरम्यान दुचाकीवरुन दोघे जण जात होते. त्यातील मागे बसलेल्याने हातात बंदुक घेतली होती. ती तो सर्वांना दाखवत होता. एका कारला डाव्या बाजूने ओव्हरटेक करताना त्यांच्यावर ती रोखलेली दिसत होती. त्यांच्या मागे असलेल्या कोणीतरी त्यांचा व्हिडिओ काढून तो सोशल मीडियावर टाकला. तो खूप व्हायरल झाला. दिवाळीसारख्या सणामध्ये भर दिवसा गुंड हातात बंदुक घेऊन रस्त्यावर बिनधास्त फिरत असल्याचे या व्हिडिओमुळे प्रतीत होत गेले .

याबाबत सिंहगड पोलीस ठाण्याचे वरिष्ठ पोलीस निरीक्षक राघवेंद्रसिंह क्षीरसागर यांनी सांगितले की, या व्हायरल व्हिडिओवरुन आम्ही दुचाकीस्वारांचा शोध घेऊन त्यांना अटक केली आहे. दिवाळीतील फटाके वाजविणारी बंदुक त्यांच्याकडे होती. त्यांच्या या कृत्यामुळे लोकांमध्ये भिती निर्माण झाली आणि दहशतीची भावना निर्माण करण्याचा प्रयत्न त्यांनी केल्याने त्यांना अटक केली आहे.

पुणे : जुन्या चार चाकी गाडीच्या पार्किंगच्या वादातून निवृत्त लष्करी जवानाने बंदुकीतून गोळीबार करुन शेजारी राहणार्‍या तरुणाला जखमी केले. येरवडा पोलिसांनी या लष्करी जवानाला अटक केली आहे.श्रीकांत शामराव पाटील (वय ४५, रा. श्रीराम मित्र मंडळ, अशोकनगर, येरवडा) असे या लष्करी जवानाचे नाव आहे.

याबाबत दिलशाद शहानवाज मुलानी (वय ३३, रा. श्रीराम मित्र मंडळ, अशोकनगर, येरवडा) यांनी येरवडा पोलीस ठाण्यात फिर्याद दिली आहे. ही घटना गुरुवारी रात्री पावणे अकरा वाजता श्रीराम मित्र मंडळ येथे घडली. या घटनेत शहानवाज मुलानी हे गंभीर जखमी झाले असून त्यांच्यावर उपचार करण्यात येत आहे.

याबाबत पोलिसांनी दिलेल्या माहितीनुसार, शहानवाज मुलानी आणि श्रीकांत पाटील हे शेजारी शेजारी राहतात. त्यांच्यामध्ये जुन्या चार चाकी गाडीच्या पार्किंगवरुन वाद होत असे. गुरुवारी रात्रीही त्यांच्यात याच कारणावरुन वाद झाला. तेव्हा श्रीकांत पाटील घरातून १२ बोअरची बंदुक घेऊन आला. त्याने बंदुकीतून शहानवाज मुलानी यांच्यावर डोक्यावर गोळी मारुन गंभीर जखमी केले आहे. त्यानंतर मुलानी यांना तातडीने रुग्णालयात दाखल करण्यात आले असून त्यांच्यावर उपचार करण्यात येत आहे. पोलिसांनी श्रीकांत पाटील याला अटक केली आहे़ वरिष्ठ पोलीस निरीक्षक रवींद्र शेळके तपास करीत आहेत.

पर्वती मतदारसंघात जनतेचा सांगली पॅटर्न राबविण्याचा निर्धार

पुणे : शरद पवार , अजित पवार एवढेच नव्हे तर अशोक चव्हाण, पृथ्वीराज चव्हाण, नाना पटोले, विजय वडेट्टीवार, बाळासाहेब थोरात , विश्वजित कदम यांच्यासह स्वर्गीय पतंगराव कदम , गिरीश बापट ,आणि शिवसेनेचे मनोहर जोशी सुद्धा आबा बागुलांनी नगरसेवक म्हणून केलेल्या कामाने प्रभावित होते त्यांनी,’आबा बागुलांना आता कुठवर नगरसेवक ठेवता त्यांना आमदार करून आणखी मोठे काम करण्याची संधी द्यायला हवी ‘ असे मत वेळोवेळी व्यक्त केले होते .सर्वपक्षीय नेत्यांचेच नव्हे तर हेच मत स्थानिक कार्यकर्त्याचे नागरिकांचे होते पण पक्ष नेतृत्व देईल त्याची धुरा कार्यकर्त्यांना वाहावी लागली . मतदार कायमच या विषयी संभ्रमात राहिला आणि येथून भाजपच्या उमेदवाराचा विजय कायम होत गेला. आता या पार्श्वभूमीवर काँग्रेस पक्षाचे ज्येष्ठ नेते आबा बागुल यांना उमेदवारी न दिल्याने, पर्वती मतदारसंघातील काँग्रेसच्या कार्यकर्त्यांसह, नागरिकांनीही पर्वती मतदारसंघात सांगली पॅटर्न राबविण्याचा निर्धार केला आहे. अशा आशयाचे बॅनर सुद्धा पर्वती मतदारसंघात सर्वत्र लावण्यात आले आहेत.

आबा बागुल यांच्या सारखा कर्तबगार व विकास करण्याची धमक असलेला उमेदवार असूनही, महाविकास आघाडीत काँग्रेसला हा मतदार संघ घेचून आणण्यात अपयश आले. शेवटपर्यंत प्रयत्न करूनही हा मतदार संघ कॉग्रेसकडे मिळू शकला नाही.
पुणे शहरातील काय पण पंचकृषीतील हजारो वृद्ध माता पित्यांना काशी यात्रा घडविणारा श्रावणबाळ, राजीव गांधी ई लर्निंग ही गोरगरिबांची शाळा चालविणारा व या द्वारे शेकडो मुलांना मोठ मोठ्या हुद्यावर पोहचविणाऱ्या आबा बागुल यांच्यावर वारंवार अन्याय झाला आहे. अशा भावना पर्वती मतदारसंघातील च नव्हे तर पुण्यातील नागरिकांनी व्यक्त केल्या आहेत. गेली कित्येक वर्षे समाजकारण व राजकारणात आपल्या कर्तबगारीने मनाचे स्थान मिळविणाऱ्या आबा बागुल याना वारंवार डावलले जात आहे. त्यामुळे चागला कार्यकर्ता व पर्वती चा विकास याकरिता आबा बागुल यांना निवडून देणे हे पर्वती च्या नागरिकांच्याच हिताचे आहे हे लक्षात घेऊन, पर्वती तील कॉग्रेस कार्यकर्त्यांनी पर्वती विधानसभा मतदारसंघात सांगली पॅटर्न राबविण्याचा निर्धार केला आहे. व त्याबाबतचे पर्वती मध्ये बॅनर ही झळकत आहेत.

पर्वती विधानसभा मतदार संघातील न झालेल्या विकास कामाबद्दल खंत व्यक्त केली. या निवडणुकीत महाविकास आघाडीचा उमेदवार चुकला असून, अजूनही वेळ गेलेली नाही. महाविकास आघाडीचा उमेदवार मोठ्या फरकाने पडून आपली क्षमता दाखवून देणार आहे. त्यापेक्षा महाविकास आघाडीने आबा बागुल यांना पाठींबा द्यावा असेही मत व्यक्त होते आहे .

श्री महालक्ष्मी मंदिर सारसबाग पुणे ; लक्ष्मीपूजनाला देवीला १६ किलो सोन्याची साडी
पुणे :  लक्ष्मीपूजनानिमित्त सारसबागेसमोरील श्री महालक्ष्मी देवीला शुद्ध सोन्यात बनविलेली सुमारे १६ किलो वजनाची साडी मंदिर प्रशासनाकडून नेसविण्यात आली. श्री महालक्ष्मी देवीचे हे सुवर्णवस्त्रातील रुप पाहण्याकरीता देवीभक्तांनी मोठी गर्दी केली. वर्षभरात केवळ दोन वेळा म्हणजेच दसरा आणि लक्ष्मीपूजनाच्या दिवशी ही साडी देवीला नेसविण्यात येते.

श्री महालक्ष्मी मंदिर, श्री बन्सीलाल रामनाथ अग्रवाल धार्मिक व सांस्कृतिक ट्रस्ट च्यावतीने लक्ष्मीपूजनानिमित्त विविध कार्यक्रमांचे आयोजन मंदिरात केले जाते. ट्रस्टच्या प्रमुख विश्वस्त अमिता राजकुमार अग्रवाल, प्रमुख संस्थापक विश्वस्त राजकुमार अग्रवाल,  विश्वस्त अ‍ॅड.प्रताप परदेशी, डॉ.तृप्ती अग्रवाल, भरत अग्रवाल, प्रविण चोरबेले, हेमंत अर्नाळकर, रमेश पाटोदिया, नारायण काबरा, निलेश लद्दड आदी यावेळी उपस्थित होते.

लक्ष्मीपूजनाला देवीला नेसविण्यात आलेली ही सोन्याची साडी दक्षिण भारतातील कारागिरांनी साकारली आहे. सुमारे ६ महिने ही साडी तयार करण्याचे काम सुरु होते. आकर्षक नक्षीकाम करुन ही सोन्याची साडी साकारण्यात आली आहे. दिवाळीच्या निमित्ताने मंदिरात आकर्षक विद्युतरोषणाई व आरास करण्यात आली आहे. तसेच महालक्ष्मी मंदिराच्या वेबसाईट www.mahalaxmimandirpune.org यावरुन आॅनलाईन सुविधांची सोय देखील करण्यात आली आहे, असे अमिता अग्रवाल यांनी सांगितले.