पुणे, दि. १३ नोव्हेंबर, २०२४ : शिवाजीनगर विधानसभा मतदारसंघाचा सर्वांगीण विकास, हेच ध्येय बाळगून गेल्या पाच वर्षांत मनापासून काम केले. औंध, मॉडेल कॉलनी, बोपोडी अशा विविध भागांतील नागरिकांच्या समस्या जाणून त्या सोडविण्याच्या दिशेने भरीव प्रयत्न केले आणि विकासकामांना गती दिली. अशी भावना आमदार सिद्धार्थ शिरोळे यांनी व्यक्त केली.

औंध भागात स्मशानभूमीचे सुशोभीकरण, कुटीर रुग्णालयात सोयीसुविधा, जगदीशनगर सोसायटी, इंदिरा वसाहत, कस्तुरबा वसाहत येथे हायमास्ट दिवे, बॉडी गेट पोलिस लाईन, इंदिरा वसाहत येथे विद्युत तारा भूमिगत करणे, औंध गावात छत्रपती शिवाजी महाराज चौक येथे सुशोभीकरण, सुलभ शौचालयाच्या दुरुस्तीची कामे अशा विविध कामांचा यामध्ये समावेश आहे, असे शिरोळे यांनी सांगितले.

विधानसभा निवडणुकांच्या पार्श्वभूमीवर शिरोळे मतदार संघात सर्वत्र मतदारांच्या भेटी घेत असून नुकतीच त्यांनी औंध येथील प्रिसम सोसायटी, वेस्टर्न रिव्हर व्ह्यू सोसायटी, सेल्वेन हाईटस सोसायटी, निर्मिती होरिझोन सोसायटी यासोबतच दीप बंगला चौक, मित्र नगर कॉलनी परिसरातील रहिवाशांची भेट घेतली.

माजी मुख्यमंत्री स्व. वसंतराव नाईक स्मारक, मॉडेल कॉलनी येथील बर्ड वॉचिंग सेंटरची दुरुस्ती, भोसलेनगर येथे महावितरणचे रिंग मेन युनिट बसविणे, नॉव्हेल्टी हेरिटेज को-ऑप. हौसिंग सोसायटी येथे भूमिगत केबल टाकणे, ही कामेही मार्गी मागील पाच वर्षांत मार्गी लागले आहेत. तसेच गणेश सोसायटी, खाऊ गल्ली लेन, हर्डीकर हॉस्पिटल परिसरात सीसीटीव्ही कॅमेरे बसविण्यात आले आहेत. आनंद यशोदा हौसिंग सोसायटी, मॉडेल कॉलनी येथील लकाकी तळे रोड व अन्य भागात ड्रेनेज लाईन टाकल्या असून या भागातील नागरिकांचे जीवन आणखी सुखकर करण्यासाठी आणखी खूप काही करायचे असल्याचेही शिरोळे म्हणाले.

या परिसरासाठी येत्या काळात शासकीय संस्थांची मैदाने नागरिकांसाठी खुली करणे व इतर मैदाने सुसज्ज करणे, मेट्रो स्थानकांपर्यंत येण्या-जाण्यासाठी फीडर बस आणि रिक्षासेवेची उपलब्धता, मॉडेल कॉलनी, औंध येथील ‘पीएमपीएल’च्या बसथांब्यांचे नूतनीकरण, औंध आयटीआयचे अद्ययावतीकरण, युपीएससी व एमपीएससी स्पर्धा परीक्षांसाठी प्रशिक्षण केंद्रे, ओपन जिम, जलतरण तलाव, तसेच मॉडेल कॉलनीमध्ये ‘एमएनजीएल’चे नेटवर्क पूर्ण करणे, ही कामे प्रस्तावित असून लवकरात लवकर ती पूर्ण होतील असे आश्वासन शिरोळे यांनी दिले.

पुणे-

कोथरूड विधानसभा मतदारसंघात भाजपा महायुतीचे उमेदवार चंद्रकांतदादा पाटील यांनी घरोघरी संपर्कावर भर दिला असून; या भेटींमध्ये मतदारसंघातील प्रथितयश व्यक्तींच्या भेटीगाठी घेऊन मतदानाचे आवाहन करत आहेत. त्याला नागरिकांकडूनही उत्स्फूर्त आणि सकारात्मक प्रतिसाद मिळत असून; ‘दादा तुमचा विजय नक्कीच आहे. आम्ही देखील जास्तीत जास्त मतदानासाठी प्रयत्न करत आहोत,’ अशा भावना व्यक्त होत आहेत.

विधानसभा निवडणुकीला आता एक आठवडा बाकी आहे. मतदानाचा टक्का वाढविण्यासाठी जास्तीत जास्त नागरिकांमध्ये पोहोचण्यासाठी कोथरुड मतदारसंघातील भाजपा महायुतीचे उमेदवार चंद्रकांतदादा पाटील यांनी घरोघरी संपर्कावर भर दिला आहे. बुधवारी प्रभाग क्रमांक ३१ मधील प्रथितयश व्यक्तींच्या घरी भेटी घेऊन मतदानाचे आवाहन करत आहेत. या भेटींमुळे नागरिकांमध्येही उत्साहाचे वातावरण आहे. प्रत्येक भेटीत चंद्रकांतदादा पाटील यांचे अतिशय उत्साहाने स्वागत होत आहे.

कोथरूड मतदारसंघात पाच वर्षे सातत्याने समर्पित लोकसेवा, आणि विविध विकासकामांमुळे नागरिकही समाधानी असून; मतदारसंघात व्यापक जनसमर्थन मिळत आहे.‌ त्यामुळेच, “दादा तुमचा विजय पक्का आहे! आमच्या शुभेच्छा तुमच्या सोबत आहेतच. ही निवडणूक जनतेनेच हाती घेतली असून, आम्ही सर्वजण तुमच्यासाठी रस्त्यावर उतरुन काम करत आहोत, अशी भावना कर्वेनगर मधील लोटस सोसायटीतील रहिवास्यांनी यावेळी व्यक्त केली.

यावेळी शिवसेना नेते किरण साळी, माजी नगरसेवक आणि कोथरुड मतदारसंघाचे महायुतीचे समन्वयक सुशील मेंगडे, माजी नगरसेवक राजाभाऊ बराटे, नगरसेविका वृषाली चौधरी, भाजपा नेते विठ्ठल आण्णा बराटे, विशाल रामदासी, महेश पवळे, दत्ताभाऊ चौधरी, युवा मार्चाचे आदित्य बराटे, राष्ट्रवादी काँग्रेसचे माणिकशेठ दुधाने, संतोष बराटे, प्रतिक नलावडे आदींसह महायुतीचे इतर पदाधिकारी उपस्थित होते.

पठारेंच्या पदयात्रेला नागरिकांचा मोठा उत्साह

पुणे: वडगावशेरी विधानसभा मतदारसंघाचे मतदारसंघाचे महाविकास आघाडीचे अधिकृत उमेदवार बापूसाहेब पठारे यांनी प्रचारादरम्यान खराडी-शिवणे रस्ता तातडीने पूर्ण करून पुणे-नगर रस्त्यावरील वाहतुक कोंडीचा प्रश्न मार्गी लावू, असे आश्वासन दिले आहे.

खराडी भागात झालेल्या प्रचार फेरीमध्ये त्यांनी नागरिकांच्या भेटी घेऊन हे आश्वासन दिले. यावेळी प्रचार फेरीला नागरिकांचा मोठा प्रतिसाद पाहायला मिळाला. यशवंत नगर, बोराटे नगर, राघवेंद्र नगर, तुकाराम नगर, शेजवळ पार्क, सोनाई पार्क, विडी कामगार वसाहत परिसरात पठारे यांनी झंझावती प्रचार केला. प्रचार फेरीत महाविकास आघाडीचे पदाधिकारी, कार्यकर्ते सहभागी होते.

बापूसाहेब पठारे म्हणाले, “खराडी-शिवणे रस्ता झाल्यास नगर रस्त्यावरील वाहतूक कोंडी कमी होईल. एक चांगला पर्यायी मार्ग म्हणून संपूर्ण मतदारसंघासोबतच पुणेकरांना मोठा फायदा होईल. मागील १० वर्षात या रस्त्याकडे अक्षरशः दुर्लक्ष करण्यात आले. हा रस्ता कुणी रखडवला? वाहतूक कोंडीचा प्रश्न सोडवू शकणारा हा रस्ता अर्धवट का सोडला? असे अनेक प्रश्न आहेत. खराडी-वडगावशेरी-कल्याणीनर-वारजे-शिवणे नदीकाठच्या रस्त्याचे काम तातडीने पुर्ण व्हावे, यासाठी मी वारंवार तत्कालीन शासनकर्ते, पालकमंत्री, महानगरपालिका आयुक्त यांच्यासोबत पत्रव्यवहार केला. परंतु, हे काम पूर्ण करण्यात प्रशासन अपयशी ठरले आहे, असेही पठारे यांनी सांगितले.

या पदयात्रेच्या प्रसंगी माजी राज्यसभा खासदार अॅड. वंदना चव्हाण सहभागी होत्या. या पदयात्रेत सहभागी होत त्यांनी बापूसाहेब पठारे नक्की निवडून येतील यात काही शंका नाही, असा विश्वास व्यक्त केला. “आमदारकीच्या काळात पठारे यांनी मतदारसंघात विविध विकासकामे केली असून, त्याचा फायदा मतदानात त्यांना होणार आहे. एक उत्तम लोकप्रतिनिधी म्हणून ते या मतदारसंघाला न्याय देतील”, असेही त्या म्हणाल्या.

पुणे -मराठी भाषेला अभिजात भाषास अभिजात दर्जा देण्याची अनेक वर्ष मागणी झाली पण काँग्रेसने कधी त्याची पूर्तता केली नाही. आम्ही हे काम करून आमची जबाबदारी निभावली आहे. विदेशी गुलामगिरी मानसिकता असलेल्या काँग्रेसने महाराष्ट्राचा सातत्याने अपमान केला आहे. वीर सावरकर यांना सतत ते शिव्या देतात. आघाडीला मी आव्हान देतो की, राहुल गांधी यांच्या तोंडून त्यांनी वीर सावरकर, स्व. बाळासाहेब ठाकरे यांची स्तुती करून दाखवावी. काँग्रेस ला केवळ सत्ता हवी त्याकरीता त्यांनी तुष्टीकरण खेळ खेळला आणि तेच काँग्रेस दलीत, आदिवासी, मागासवर्गीय यांना तोडण्यासाठी प्रयत्नशील आहे. ओबीसी, एससी, एसटी यांच्यात वाद निर्माण करून त्यांना कमजोर करून आरक्षण काढण्याचे काम काँग्रेस करेल. त्यामुळे जनतेने सावध राहावे आणि हम एक रहेंगे तो सेफ रहेंगे. ही निवडणूक देशाला विकासाच्या वाटेवर नेणारी आहे. देश विरोधी ताकद यांना धडा शिकवण्यासाठी ही निवडणूक महत्वाची आहे

असे मत पंतप्रधान नरेंद्र यांनी मंगळवारी पुण्यातील स.प.महाविद्यालय येथे आयोजित प्रचार सभेत व्यक्त केले.
पुणे जिल्ह्यातील २१ आणि सातारा जिल्ह्यातील दहा अशा एकूण ३१ विधानसभा मतदासंघातील महायुती उमेदवार प्रचारार्थ सभेत ते बोलत होते. यावेळी उपमुख्यमंत्री अजित पवार ,केंद्रीय मंत्री रामदास आठवले, केंद्रीय राज्यमंत्री मुरलीधर मोहोळ,मंत्री चंद्रकांत पाटील, मंत्री दिलीप वळसे पाटील, खासदार उदयनराजे , खासदार श्रीरंग बारणे , राष्ट्रवादी काँग्रेस पक्षाच्या नेत्या रुपाली चाकणकर,शिवसेना नेत्या डॉ.नीलम गोऱ्हे, खासदार मेधा कुलकर्णी, प्रदेश महामंत्री राजेश पांडे, भाजप शहराध्यक्ष धीरज घाटे, राष्ट्रवादी काँग्रेस पक्षाचे शहराध्यक्ष दीपक मानकर, शिवसेना शहराध्यक्ष नाना भानगिरे , आरपीआय शहराध्यक्ष संजय सोनवणे , यांच्यासह ३१ मतदारसंघातील उमेदवार उपस्थित होते. याप्रसंगी केशव शंखनाद ग्रुप यांनी शंखनाद करत उपस्थितांची मने जिंकली.

पुण्यातील लाडक्या बहिण आणि भाऊ यांना माझा प्रणाम असे मराठी मध्ये भाषणाला सुरवात करत मोदी म्हणाले, मी महाराष्ट्र मध्ये विविध भागात फिरलो असून जनतेचे अभूतपूर्व समर्थन मला मिळत आहे. विमानतळ ते सभा स्थळ अनेक लोक गर्दी करून अभिवादन करत होते. महाराष्ट्र मध्ये पुन्हा एकदा महायुती सरकार सत्तेत येईल. पुणे आणि भाजप यांचा संबंध विचार, संस्कार, आस्था असा आहे. महायुती सरकार आगामी काळात वेगाने विकास करेल. पुण्यात पुढील पाच वर्ष विकासाची नवीन उड्डाण करण्याची असतील. परकीय गुंतवणूक मध्ये रेकॉर्ड ब्रेक देशात गुंतवणूक झाली असून गुंतवणुकीसाठी महाराष्ट्र आघाडीवर आहे. आयटी आणि इलेक्ट्रॉनिक क्षेत्रात या भागात नवी गुंतवणूक होत असून स्टार्टअप द्वारे तरुणांना लाभ मिळाला आणि रोजगार निर्मिती झाली. पुण्याचा ऑटोमोबाईल क्षेत्र वेगळी ओळख आहे. नागरिकांची स्वप्ने आणि आवश्यकता या माझ्या ऊर्जा आणि योजना कामाचा आधार आहे. पुण्यात मेट्रो जाळे विस्तारीकरण होत आहे त्यामुळे वाहतूक कोंडी कमी होईल. रिंगरोड , मीसिंग लिंक प्रकल्प यावर कोट्यवधी रुपये खर्च होत आहे. पालखी मार्ग देखील वेगाने निर्माण होत असून ११ हजार कोटी रुपये खर्च करण्यात येत आहे. आमच्या वारकऱ्यांसाठी ही समर्पित सेवा आहे. महायुती पूर्वी जे सरकार राज्यात चालवत होते त्या आघाडीला सांगण्यासारखे काही विकास प्रकल्प नव्हते. विकासासाठी एकच विकल्प आहे महायुती आहे तरच राज्याची गती आणि प्रगती आहे. काँग्रेसच्या कट करस्थनाचा भाग कर्नाटक मध्ये दिसून येत आहे. तिथे सरकार बनले पण काँग्रेसने निवडणुकीपूर्वी दिलेली आश्वासने पूर्तता केली नाही. केवळ घोटाळे समोर येत आहे. या लुटीचा पैसा महाराष्ट्र मध्ये पाठवून निवडणूक लढवली जात आहे. राज्याला वाचवण्यासाठी काँग्रेसला सत्तेपासून दूर ठेवले पाहिजे. काँग्रेसने जम्मू काश्मीर विधानसभेत कलम ३७० पुन्हा लागू करण्याचा प्रस्ताव मंजूर केला आहे. महाराष्ट्र मध्ये कोरे संविधान पुस्तके ते वाटप करतात. सात दशक संविधान देशात लागू का नव्हते याबाबत त्यांनी भूमिका मांडावी. जम्मू काश्मीर मध्ये संविधान प्रथमच लागू झाले आहे कारण जनतेने मोदीला सेवा संधी दिली. आम्ही कलम ३७० जमिनीत गाडले आहे. या कलमाने जम्मू आणि काश्मीर देशापासून वेगळे ठेवले, आतंकवादला प्रोत्साहन दिले. आज काश्मिरच्या लाल चौकात तिरंगा डौलाने फडकत असून दिवाळी देखील तिथे साजरी झाली.
सात दशक जी भाषा पाकिस्तान बोलत होती ती भाषा आज काँग्रेस बोलत आहे. जम्मू काश्मीर मध्ये पुन्हा कलम ३७० लागू करण्याची भाषा काँग्रेस बोलत असून ते देश किंवा महाराष्ट्र सहन करणार नाही.

अजित पवार म्हणाले, नेहमी पुणेकर यांनी पंतप्रधान नरेंद्र मोदी यांना पाठिंबा दिला आहे. देशात मोदी सरकार दूरदृष्टी मधून गतीने विकास करत आहे. महाराष्ट्राचा विकासाचा वेग गतीने वाढवला जाईल. निवडणुकीत अनेक नेते येतात आणि आरोप व प्रत्यारोप होत असतात. देशात तिसऱ्यांदा पंतप्रधान पदावर विराजमान होण्याचा मान मोदी यांना मिळाला आणि त्यांनी पहिल्या मंत्रिमंडळ बैठकीत राज्यात वाढवणं या जागतिक बंदर निर्मितीसाठी निधी मंजूर केला. राज्य सरकारने अनेक योजना सुरू केल्या सरकारला मिळणाऱ्या निधीपैकी निम्मा निधी शासकीय पगारावर जातो आणि बाकी निधी विकास कामास वापरला जातो. पण आघाडी सरकारने ज्या घोषणा केल्या त्यासाठी तीन लाख कोटी रुपये लागत असून ते विकास कसा साधणार याबाबत त्यांनी भूमिका स्पष्ट करावी . केंद्र आणि राज्य मध्ये एक विचारांचे सरकार आले तर विकास गतीने होतो त्यानुसार जनतेने आम्हाला ताकद द्यावी.

मुरलीधर मोहोळ म्हणाले, देशातील सर्वाधिक भेटी पुण्याला देणारे पंतप्रधान नरेंद्र मोदी असून त्यांचे पुण्यावर विशेष प्रेम आहे. कोविड काळात देशाने जगातील १०० देशांना लस पुरवली, जी -२० परिषद आयोजन केले. देशातील सर्वसामान्य लोकांच्या कल्याणाचा विचार करून योजना राबवल्या गेल्या आहे. काँग्रेसने देशात गरीबी हटवली नाही पण मोदी सरकारने दहा वर्षात २५ कोटी लोक दारिद्र्य रेषेवर आणले. विमानतळ संख्या १५७ पर्यंत वाढवले. नवे १६ एम्स सुरू करण्यात आले. दिवसाला २८ किमी नवे रस्ते तयार होत आहे. अयोध्या राम मंदिर तयार झाले, जम्मू काश्मीर मध्ये कलम ३७० हटवले गेले. दहा वर्षात महाराष्ट्रसाठी दहा लाख कोटी रुपये पायाभूत सुविधांसाठी केंद्र सरकारकडून दिले गेले आहे. साडेसात हजार कोटी रुपये राज्यातील साखर कारखान्यांना मदत दिली गेली आहे.

रामदास आठवले म्हणाले, ‘ज्या जिल्ह्यांनी अनेकांची जुळवली मने, त्या जिल्ह्याचे नाव आहे पुणे ‘, ‘ आज देशात इतिहास घडत आहे नवा, कारण आजही देशात आहे मोदी यांचा करिश्मा ‘ , ‘जगभर होत आहे नरेंद्र मोदींची स्तुती ,म्हणूनच घडत आहे जगात भारताची स्तुती ‘ पंतप्रधान नरेंद्र मोदी यांच्या उपस्थितीत भव्य सभा होत आहे. माझ्याकडे सामाजिक न्याय मंत्रालयाची जबाबदारी असून ज्यांना न्याय हवा त्यांनी माझ्याकडे या, ज्यांना नको त्यांनी कुठेही जावा. आघाडी ही झोपेत असून त्यांना माहिती नाही आम्ही काय तयार केली आहे. युतीला लोकसभेत कमी मते मिळाली नाही पण त्यांनी खोटा प्रचार केला संविधान बदलणार आहे. काँग्रेस नेते राहुल गांधी यांच्या बापाचे बाप आले तरी संविधान बदलणार नाही. मोदी यांना हरवण्यासाठी सर्वजण एकत्र येत आहे. शरद पवार यांना मी सांगितले होते की, तुम्ही नरेंद्र मोदी यांचे सोबत या कारण विकासाला गती दिली पाहिजे. मला जागा मिळाल्या नाही तरी मी युती सोबत असून आघाडीच्या उमेदवारांचा काटा काढण्यासाठी प्रयत्नशील राहू. चुकीच्या पद्धतीने आघाडी नेत्यांनी मुद्दे मांडून समाजाची दिशाभुल करू नका. आम्ही कोणत्या काँग्रेस नेत्याला कारागृहात टाकले नाही, ज्यांना जेल मध्ये जायचे ते जातात आणि येतात. १७० ते १८० उमेदवार आमचे निवडणुकीत निवडून येतील. सरकार आपले येणार आहे ‘मी काढतो आहे त्यांचा काटा,माझ्या पक्षाला मिळावा सत्तेत वाटा..’

चंद्रकांत पाटील म्हणाले, पंतप्रधान नरेंद्र मोदी यांनी देशाला जगात एका क्रमांकावर नेण्याचा प्रयत्न केला आहे. संरक्षण साहित्य आपण सुरवातीला आयात करत होतो पण आता एक लाख कोटींचे संरक्षण साहित्य निर्यात केले आहे. पुण्यातील विविध विकास कामांसाठी कोट्यवधी रुपयांचा निधी दिला आहे. पुणे आणि सातारा जिल्हा महायुती सरकार येण्यासाठी महत्वपूर्ण असणार आहे.

खासदार मेधा कुलकर्णी म्हणाल्या, पुण्याची भूमी ही संत आणि समाज सुधारक यांची भूमी आहे. पुण्यात पुन्हा एकदा महाविजय संकल्प झाला पाहिजे. महायुती काळात विकास कामांना निधी मोठ्या प्रमाणात केंद्र आणि राज्य शासन यांच्याकडून मिळाली आहे. विकास गंगा पुढे सुरू ठेवण्यासाठी जनतेने महायुतीला साथ द्यावी.

डॉ.नीलम गोऱ्हे म्हणाल्या, पुणे ते मुंबई दरम्यान अटल सेतू माध्यमातून सुखकर प्रवास झाला आहे. रोजगार निर्मिती , कल्याणकारी योजना अंमलबजावणी महायुतीने राबवली आहे. लाडकी बहिण योजना बाबत कोणता निधी कमी पडणार नाही पण त्याबाबत अपप्रचार केला जात आहे. महिला सुरक्षा बाबत सरकार गंभीर असून आवश्यक त्या उपाययोजना करत आहे.

निवडणूक जनतेच्या हाती, घराघरात ‘हिरा’ चाच गजर

पुणे:पर्वती विधानसभा मतदारसंघाच्या निवडणुकीत आता प्रचारात रंगत आली असून अपक्ष उमेदवार आबा बागुल हे आजारी असल्याचे त्यांच्यासाठी आता मतदारच सरसावले आहेत. परिणामी या मतदारसंघात आता जनतेनेच निवडणूक हातात घेतल्याचे चित्र आहे. विशेष म्हणजे घराघरात ‘ हिरा’ चाच गजर होत असल्याने आबा बागुल यांचा प्रचार विरोधकांना धडकी भरवणारा ठरला आहे.

आबा बागुल यांच्या प्रचारार्थ संपूर्ण मतदारसंघ बागुल कुटुंबीय व मित्र परिवार पिंजून काढत आहेत. थेट -भेट, पदयात्रा, कोपरा सभा याद्वारे मतदारांशी संवाद साधत आहेत . त्याला मतदारांकडून उत्स्फूर्त प्रतिसाद मिळत आहे. आबा बागुल आजारी असल्याने त्यांच्या पत्नी जयश्री बागुल यांनी प्रचाराची धुरा हाती घेतली आहे. प्रचार प्रमुख हेमंत बागुल, अमित बागुल, कपिल बागुल, अभिषेक बागुल, सागर बागुल यांनी प्रचाराचे अचूक नियोजन केले आहे.पदयात्रांची आखणी, कोपरा सभांचे वेळापत्रकानुसार प्रचारावर भर दिल्याने संपूर्ण मतदारसंघात मतदारांचा उत्स्फूर्त आणि आश्वासक प्रतिसाद मिळत आहे. त्यामुळे समस्त बागुल कुटुंबियांचे मनोधैर्य उंचावले आहे.विधानसभा मतदार संघात विविध ठिकाणी आयोजित केलेल्या कोपरा सभांमध्ये जयकुमार ठोंबरे, नीता नेटके, बेबी राऊत, सुनीता नेमुर, राजिया बिलारी, इंगवले ताई यांच्यासह महाराणा प्रताप मंडळ, अखिल अप्पर मित्र मंडळ, दुर्गा माता नवरात्री उत्सव, पंचशील मित्र मंडळ, निळं वादळ ग्रुपच्या शेकडो कार्यकर्ते व पदाधिकारी परिश्रम घेत आहेत. त्यामुळे या मतदारसंघात प्रचारात आबा बागुल यांचीच सरशी असल्याचे चित्र आहे.

पुणे : जीएसटी कौन्सिलच्या बैठकीत व्यापाऱ्यांशी संबंधित जीएसटीच्या सर्व विषयांवर चर्चा करण्यासाठी पाठपुरावा करू. व्यापाऱ्यांच्या विविध प्रश्नांवर तातडीने सकारात्मक निर्णय घेऊ असे आश्वासन कसबा विधानसभा मतदारसंघाचे भाजप महायुतीचे उमेदवार हेमंत रासने यांनी दिले. कसबा विधानसभा मतदारसंघातील भाजपा महायुतीचे अधिकृत उमेदवार हेमंत रासने यांना पुण्याच्या मध्यवस्तीतील तुळशीबाग मंडई लक्ष्मी रस्ता भोवरी आळी रविवार पेठ टिंबर मार्केट या मुख्य बाजारपेठेतील व्यापाऱ्यांनी आज मेळावा घेऊन पाठिंबा दिला. यावेळी ते बोलत होते. राजेंद्र काकडे नितीन पंडित उमेश शहा किशोर लोढा दिनेश अमर शहा संजय मनोज पंकज साखरी या मनीष परदेशी संजीव फडतरे नयन ठाकूर वैभव लोढा हरीश शेट्टी गणपत जय हिंद सुनील इनामदार मनीष जाधव संजीव मंचे नितिन चिल्का अमित मनोज भारत लढे विनायक कदम किरण चौहान यांच्यासह महायुतीचे पदाधिकारी कार्यकर्ते यावेळी मोठया संख्येने उपस्थित होते.

रासने म्हणाले की, पुणे ही राज्यातील एक प्रमुख बाजारपेठ असून कसबा मतदारसंघात सर्वाधिक बाजारपेठा आहेत. या परिसरातील व्यापाऱ्यांचे विविध प्रश्न राज्य शासनाकडे प्रलंबित आहेत.तसेच, जीएसटी संदर्भातील मागण्या केंद्रशासनाकडे प्रलंबित आहेत. केंद्रात आणि राज्यात पुन्हा महायुतीचे सरकार येणार आहे. त्यामुळे राज्यशासनाचा प्रतिनिधी म्हणून व्यापाऱ्यांचे प्रश्न केंद्रशासनाकडे तातडीनं सोडविण्यासाठी पाठपुरावा करण्यावर आपला भर असणार आहे. उद्योगधंदे शहरात गुंतवणूक करण्यासाठी इच्छुक आहेत केंद्र आणि राज्य सरकारच्या धर्तीवर त्यांना आकर्षित करण्यासाठी स्वतंत्र कक्ष स्थापन केलाया भागातील विविध प्रश्न सोडविण्यासाठी या भागातील व्यापाऱ्यांची नेहमीच सहकार्य मिळत असल्याने रासने यांनी व्यापाऱ्यांचे आभारही मानले.

पार्किंगचा प्रश्न निकाली काढणार

व्यापारी पेठांमध्ये वर्षभर ग्राहकांची गर्दी असते त्यामुळे, या भागात मोठया प्रमाणात पार्किंगची समस्या असून त्याने कोंडी होते. त्याचा परिणाम व्यावसायावरही होतो. ही बाब लक्षात घेऊन या भागासाठी उपलब्ध जागांवर विस्तारित पार्किंग उभारण्यास प्राधान्य देणार आहे. बाजारपेठ परिसरात सुरक्षितता महत्त्वाची आहे. त्यासाठी सीसीटीव्ही यंत्रणा ची व्याप्ती वाढविणार आहोत. खरेदीसाठी येणाऱ्या महिलांना संरक्षण मिळावे यासाठी विशेष प्रयत्न करण्यावर भर देणार असल्याचे रासने यांनी स्पष्ट केले.