विश्व हिंदू परिषद बजरंग दल कसबा जिल्हा यांचे जिल्हाधिकारी कार्यालयासमोर आंदोलन
पुणे : ‘पश्चिम बंगाल की गलीया सुनी है, ममता सरकार खुनी है’.. ‘हिंदू वरील अत्याचार थांबलाच पाहिजे’..  अशा घोषणा देत पश्चिम बंगाल येथे हिंदूंवर होत असलेल्या होत अत्याचाराचा जाहीर निषेध करण्यासाठी विश्व हिंदू परिषदेच्या वतीने जन आक्रोश आंदोलन करण्यात आले. पश्चिम बंगाल मध्ये लवकरात लवकर राष्ट्रपती शासन लागू करण्याची मागणी यावेळी करण्यात आली.त्याबाबतचे निवेदन जिल्हाधिकारी कार्यालयात महामहिम राष्ट्रपती यांच्या नावाने देण्यात आले.

विश्व हिंदू परिषद बजरंग दल कसबा जिल्हा यांच्यावतीने जिल्हाधिकारी कार्यालय येथे विश्व हिंदू परिषदेच्या कार्यकर्त्यांनी एकत्र येत आंदोलन केले. यावेळी पश्चिम महाराष्ट्र प्रांत मंत्री किशोर चव्हाण, लालजी महाराज, बजरंग दल संयोजक नितीन महाजन, विभाग मंत्री धनंजय गायकवाड, केतन घोडके, विभाग सहमंत्री संतोष अनगोळकर, जिल्हा मंत्री विजय कांबळे, बजरंग दल संयोजक विक्रम घुंगुरवाले, मातृ शक्ती संयोजिका सरिता अंबिके यांसह कार्यकर्ते उपस्थित होते. 

किशोर चव्हाण म्हणाले, पश्चिम बंगाल मध्ये होणारे हिंसक आंदोलन थांबवण्यात ममता बॅनर्जी सरकार यांना अपयश आले आहे. त्यांचा मूक पाठिंबा या आंदोलनाला आहे. हिंदू लोकांचा काही संबंध नसताना त्यांना लक्ष्य करण्यात आले, दुकाने जाळली, गाड्या जाळल्या महिलांवर अत्याचार करण्यात आले. हे हिंसक आंदोलन  पश्चिम बंगालमधील वेगवेगळ्या भागात पसरले. हिंदू धर्म, हिंदू समाज आणि पोलिस प्रशासनाला लक्ष्य करण्यात आले आहे.   त्यामुळे पश्चिम बंगाल येथे राष्ट्रपती शासन लागू करण्याची गरज आहे.  हिंदूंवरील अत्याचारांचा निषेध आंदोलनातून आम्ही करत आहोत. देशभरात आज विविध ठिकाणी आंदोलन होत असून पश्चिम महाराष्ट्र प्रांतात विविध भागात सुमारे ५० पेक्षा अधिक ठिकाणी आंदोलने झाली.

लेखक आनंद माडगूळकर : हटके म्युझिक ग्रुप ‘हटके गीत रामायण’ विश्वविक्रम सोहळा कार्यक्रम
पुणे :  मराठी माणसाच्या काळजातील एक खास कप्पा ‘गीतरामायण’ने व्यापलेला आहे. वेगवेगळ्या व्यवसायांत कार्यरत असलेली अनेक मंडळी या हटके म्युझिकल ग्रुप द्वारे, आपापल्या मार्गाने या अजरामर काव्याचा प्रसार करण्यासाठी एकत्र येतात,हीएक विलक्षण बाब आहे. ‘गीत रामायण’चा आदरभाव पुढील पिढ्यांपर्यंत पोहोचावा यासाठी हटके म्युझिक या ग्रुप सातत्याने प्रयत्नशील आहेत. या काव्यरचनेला जे महाग्रंथासारखे पावित्र्य लाभले आहे,त्यामागचेखरे कारण म्हणजे अश्या प्रकारच्या निष्ठावंत हटके भक्तांचे अविरत कार्य आणिसमर्पणभाव, अशी भावना लेखक आनंद माडगूळकर यांनी व्यक्त केली.

हटके म्युझिक ग्रुप यांची गीतरामायण सादरीकरणाच्या उल्लेखनीय कार्याबद्दल वर्ल्ड रेकॉर्ड इंडियामध्ये जागतिक विक्रमम्हणून नोंद झाली आहे. यानिमित्त हटके गीत रामायण विश्वविक्रम सोहळा कार्यक्रमाचेआयोजन टिळक रस्त्यावरील न्यू इंग्लिश स्कूलच्या गणेश हॉलमध्ये करण्यात आले होते.यावेळी हटके म्युझिक ग्रुपचे संचालक शिरीष कुलकर्णी,  जेष्ठ व्यावसायिक पुष्कराज ग्रुप चे सर्वेसर्वा शैलेन्द्र गोस्वामी, फ्लुइड कंट्रोल्स  चे संचालक तानसेन चौधरी आणि श्रेष्ठ गायक आणि हार्मोनिअम वादक अनिल मोटे आदी उपस्थित होते.

यावेळी गीतरामायणातील निवडक गीते सादर करण्यात आली. हटके म्युझिक ग्रुप या विश्वविक्रमाचे सर्व श्रेय – ज्यांनी गीत रामयणाचे लेखन केले ते आधुनिक वाल्मिकी गदिमा आणि ज्यांनी  संगीत दिले ते सांगीतिक दिग्गज बाबुजी यांना दिले आणि ते वंशा प्रमाणे सर्व माडगूळकर आणि सर्व फडके कुटुंबीयांना धन्यवाद व्यक्त केले.

हटके म्युझिक ग्रुपच्या संगीत सेवेचे उपक्रम अत्यंत मनोभावे आणि सातत्याने पार पाडले आहेत. दि. २० एप्रिल २०२४ रोजीगीतरामायणातील संपूर्ण ५६ गीतांचे सलग आठ तास सादरीकरण विनामूल्य आणि सेवाभावातून करण्यात आले. त्यानंतर गीतरामायण महायज्ञ ५६ या उपक्रमाअंतर्गत हेच गीतरामायण ५६ वेळा विविध ठिकाणी देवालये, सेवाभावी संस्था, वृद्धाश्रम,आणिसमाजासाठी कार्य करणा-या संस्थांमध्ये सादर करण्याचा संकल्प घेऊन एक वर्षात तोपूर्ण सुद्धा झाला. १० दिवस सलग देवालयात सकाळीनिवडक गीतरामायणातील गीतेसादर करण्याचा संगीत सेवेच्या उपक्रम यशस्वीरित्या पार पाडला.

अनिल मोटे म्हणाले,  गीत रामायण हे केवळ एक काव्यसंग्रहनाही, तर त्यातून अनेक गोष्टी शिकता येण्यासारख्या आहेत. गीतरामायण हे मराठी भाषेच्या, उच्चारशुद्धतेच्या, लय, ताल, रागआणि रसांच्या शिक्षणाचेही एक अद्वितीय माध्यम आहे. शिरीष कुलकर्णी म्हणाले, यापुढेही हटके म्युझिक ग्रुप या माध्यमातूननवनवीन कार्यक्रम देत, सांगीतिक विश्वात तेजी आणून, अविरत संगीत सेवा देण्याचा अविरत प्रयत्न करत राहील.

तरुणांनो, बोलते व्हा, व्यक्त व्हा… टोकाचा निर्णय घेऊ नका!

• कनेक्टिंग ट्रस्टची साद; मानसिक तणावमुक्ती व आत्महत्येपासून परावृत्त करण्यासाठी उपक्रम

पुणे: ‘तरुणांनो, टोकाचा निर्णय घेऊ नका. बोलते व्हा, आपले मनमोकळे करा. मनातील नैराश्याचे ओझे दूर करून कणखरपणे उभे राहा,’ अशी साद कनेक्टिंग ट्रस्टने तरुणाईला व समाजात नैराश्य, तणावाने ग्रस्त लोकांना घातली आहे. सोलापुरातील प्रसिद्ध न्यूरोसर्जन डॉ. शिरीष वळसंगकर यांच्या आत्महत्येने खळबळ उडाली आहे. त्याचबरोबर गेल्या तीन महिन्यात पिंपरी-चिंचवड आणि लगतच्या परिसरात २२४ आत्महत्या झाल्याची धक्कादायक माहिती समोर आली आहे. यामध्ये सर्वाधिक प्रमाण हे तरुणांचे असून, १७७ आत्महत्या पुरुषांनी केल्या आहेत. ही आकडेवारी चिंताजनक आहे. तरुण पिढीच्या मानसिक व भावनिक समस्यांकडे अतिशय गंभीरतेने बघायची गरज निर्माण झाली आहे.

या पार्श्वभूमीवर कनेक्टिंग ट्रस्टने टोकाचा निर्णय घेऊ नये, असे आवाहन केले आहे. मानसिक आरोग्य आणि आत्महत्या प्रतिबंध यासाठी २० वर्षांपासून कनेक्टिंग ट्रस्ट हेल्पलाईनद्वारे काम करीत आहे. तणावाखाली, नैराश्यात असलेल्याना भावनिक आधार देत, त्यांना व्यक्त होण्याची संधी देत आत्महत्येपासून परावृत्त केले जात आहे. यासाठी ९९२२००४३०५ आणि ९९२२००११२२ या दोन विनामूल्य हेल्पलाईन आठवड्यातील सातही दिवस सकाळी १० ते रात्री ८ या वेळेत कार्यरत आहेत. कॉलच्या सुविधेसह अपॉइंटमेंटद्वारे प्रत्यक्ष भेटून बोलायची सोयही आहे. विनामूल्य अपॉइंटमेंट ८४८४०३३३१२ ह्या क्रमांकावर फोन, मेसेज करून घेता येते. ईमेलद्वारे व्यक्त व्हायचे असेल, तर distressmailsconnecting@gmail.com यावर बोलता येते. या सर्व सुविधा विनामूल्य आहेत.

कनेक्टिंग ट्रस्टचे प्रकल्प समन्वयक विक्रमसिंह पवार म्हणाले, “गेल्यावर्षी (२०२४) एकूण ९३४० कॉल आले. त्यामध्ये ६५ टक्के पुरुषांचे, तर ३५ टक्के महिलांचे कॉल आले होते. या हेल्पलाईनवर सर्वाधिक कॉल १८ ते ४० वयोगटातील व्यक्तींकडून आल्याचे निरीक्षण आहे. हेल्पलाईनवर कोणतेही सल्ला न देता व कोणतीही वैयक्तिक किंवा नैतिक निकष लावलेले निर्णय न देता केवळ सहृद्ध भावनेने त्यांचे ऐकून घेऊन भावनिक आधार दिला जातो. मन मोकळे होऊन भावनिक ताण कमी होण्यास मदत होते. सध्या ४७ प्रशिक्षित स्वयंसेवक ही हेल्पलाईन चालवत आहेत. या कार्यात नवीन स्वयंसेवकांना जोडण्याची संधी आहे. त्यासाठी जूनमध्ये अडीच महिन्याचे प्रशिक्षण आयोजिले आहे. इच्छुकांनी ९८३४४०६०३३ ह्या क्रमांकावर चौकशी करावी.”

पुणे- येथील दिनानाथ मंगेशकर रुग्णालयाने डिपॉझीट अभावी उपचार नाकारल्याने तनिशा भिसे या गर्भवती महिलेच्या मृत्यू प्रकरणी डॉक्टर सुश्रुत घैसास यांच्यावर गुन्हा दाखल केल्याचे वृत्त येथे आले आहे. ईश्वरी उर्फ तनिषा भिसे या महिलेच्या मृत्यू प्रकरणी उपचारांमध्ये निष्काळजीपणा आणि हलगर्जीपणा केल्याबद्दल भारतीय न्याय संहिता कलम 106 एक नुसार दीनानाथ मंगेशकर रुग्णालयाचे डॉक्टर सुश्रुत घैसास यांच्यावर घटनेच्या 22 दिवसानंतर अलंकार पोलिस ठाण्यात गुन्हा दाखल करण्यात आलेला आहे. याबाबत प्रियांका पठारे यांनी डॉ. घैसास यांच्या विरोधात फिर्याद दाखल केली आहे.

तनिषा भिसे मृत्यू प्रकरणाबाबत सरकारने नेमलेल्या समितीचा अहवाल सादर झाल्यावर डॉ. सुश्रुत घैसास यांनी रुग्णालयाचे मानद प्रसुती तज्ञ पदाचा राजीनामा दिला आहे. मागील दहा वर्ष ते रुग्णालयात काम करत होते. राजीनामा पत्रा मध्ये त्यांनी सांगितले की, माझ्यावर सध्याच्या परिस्थितीत दबाव निर्माण झाला आहे. मला माझ्या कुटुंबाची चिंता आहे, माझ्या कामावर देखील परिणाम होत आहे, मी रात्री झोपू शकत नाही, रुग्णालयाची देखील बदनामी होत आहे. त्यामुळे मी पदाचा राजीनामा देत आहे, असे सांगितले होते.त्यानंतर विश्वस्त मंडळाने त्यांचा राजीनामा मंजूर केला.

ईश्वरी उर्फ तनिषा भिसे मृत्यू प्रकरणात वेगवेगळे चार चौकशी अहवाल पोलिसांना आतापर्यंत प्राप्त झाले आहे. राज्य सरकारने नेमलेल्या आरोग्य विभागाच्या चौकशी समितीकडून दीनानाथ मंगेशकर रुग्णालय तसेच भिसे यांच्यावर उपचार करणाऱ्या डॉक्टर सुश्रुत घैसास यांच्यावर देखील दोषी असल्याचा ठपका ठेवण्यात आला आहे. मात्र, ससून रुग्णालयाने केलेल्या चौकशीमध्ये दीनानाथ मंगेशकर रुग्णालय तसेच डॉक्टर सुश्रुत घैसास यांचा या प्रकरणात कोणताही दोष नसल्याचा सहा पानी अहवाल पुणे पोलिसांना सादर केला. त्यानंतर ससून रुग्णालय अहवालावर मोठ्या प्रमाणात टीका झाली.

ससून रुग्णालयाच्या अहवालानुसार, तनिषा भिसे यांच्या प्रकृतीत इंदिरा आयव्हीएफमध्ये सुधारणा होत नव्हती. त्यानंतरही त्यांना 4-5 दिवस दाखल करून घेण्यात आले. ही एक मोठी चूक होती. गरोदर महिलेच्या प्रकृतीत सुधारणा होत नसल्याचे स्पष्ट झाल्यानंतर तनिषा यांना दुसऱ्या रुग्णालयात पाठवण्याची गरज होती. या सर्वात आयव्हीएफ सेंटरची जबाबदारी महत्त्वाची आहे. त्यांनी रुग्णास लवकर दुसरीकडे पाठवणे गरजेचे होते.

तनिषा भिसे नामक गरोदर महिलेला दीनानाथ रुग्णालयात गंभीर स्थितीत प्रसूतीसाठी आणण्यात आले होते. पण रुग्णालय प्रशासनाने त्यांना 10 लाखांचे डिपॉझिट भरल्यानंतरच दाखल करून घेण्याची भूमिका घेतली होती. यासंबंधीच्या रिसिप्टवर डॉक्टर सुश्रुत घैसास यांची स्वाक्षरी होती. त्यामुळे त्यांच्यावर चौफेर टीकेची झोड उठली होती. सत्ताधारी महायुतीसह विरोधी बाकावरील महाविकास आघाडीच्या सर्वच घटकपक्षांनी यासंबंधी दीनानाथ रुग्णालयाबाहेर निदर्शने केली होती. पण आता ससून रुग्णालयाच्या अहवालात डॉक्टर घैसास व दीनानाथ रुग्णालयाला क्लीनचिट देण्यात आली आहे.

दिनानाथ चे विश्वस्त मंडळ बरखास्त करा,मंगेशकर कुटुंबाची चुप्पी कर्कश्श

पुणे- काँग्रेसचे प्रदेशाध्यक्ष हर्षवर्धन सपकाळ यांनी मुख्यमंत्री देवेंद्र फडणवीस यांच्यावर आरोप केला आहे. डॉक्टर, दीनानाथ रुग्णालय यांना वाचवण्याचं काम देवेंद्र फडणवीस करत असल्याचा आरोप करत सपकाळ यांनी दिनानाथ चे विश्वस्त मंडळ बरखास्त करा अशी मागणी केली आहे त्याच बरोबर मंगेशकर कुटुंबाची चुप्पी कर्कश्श असल्याचाही उल्लेख त्यांनी केला आहे.

सपकाळ म्हणाले, रुग्णालयावर आणि डॉ केळकरवर सदोष मनुष्यवधाचा गुन्हा दाखल झाला पाहिजे. जे त्या ठिकाणचं विश्वस्त मंडळ आहे. ते नियमावलीला बाजूला सारत आहे. संकेतांना बाजूला सारत आहे. तिथे वारेमाप पैसे लुबाडला जात आहे. हे विश्वस्त मंडळ बरखास्त करावं. जिल्हाधिकारी यांच्या अध्यक्षतेखाली त्याठिकाणी दुसरं विश्वस्त मंडळ स्थापित करावं. ही आमची असणारी मागणी आहे. मात्र त्यास सरकार वाचवत आहे. आणि दुसरीकडे मंगेशकर परिवाराने जे साधलेली चुप्पी जी आहे ही देखील कर्कश आहे.आम्ही सातत्यानं आरोप करत होतो की सरकारला प्रकरण दडपायचं आहे. आणि कारण नसताना चुकीची बाजू ते घेत आहेत. खऱ्याला खरं म्हणणं चांगल्याला चांगलं म्हणणं हा चांगुलपणा आहे. मात्र या सरकारने हा चांगुलपणा नष्ट केलेला आहे. एक मातृत्वासाठी असलेल्या एका भगिनीचा मृत्यू होतो आणि त्या मृत्यूचे जे आरोपी आहेत त्या आरोपींना थेट वाचवलं जातंय. एक जी संस्था आहे रुग्णालय जे आहे मंगेशकर रुग्णालय हे रुग्णांच्या सेवेकरता आहे. मात्र ते त्याठिकाणी धंदा करत आहे. त्याठिकाणी सावकारी सुरू आहे. त्याठिकाणी दरोडा घालून पैसे द्या तरच उपचार करू. अशी असंवेदनशील अमानवीय व अधर्माची बाजू ही त्याठिकाणी लावून धरल्या जात आहे.
डॉ घैसास यांच्याकडून वैद्यकीय सेवेचीअपेक्षा आहे. जेव्हा डॉक्टर माणूस होतो. तेव्हा शपथ घेतो की, मी रुग्णांना सेवा प्रदान करेल. मात्र ते लिहून देतात की, दहा लाख रुपये अगोदर जमा करा हे काय लावलंय आणि अशा सगळयांना वाचवण्याचं काम हे देवेंद्र फडणवीस करत आहे. आता आपल्या सगळ्यांसमोर थेट पुरावा आला आहे. ज्यामध्ये तारीख पे तारीख हे आपण ऐकलं होतं. आता रिपोर्ट पे रिपोर्ट सुरु झाले आहे.रिपोर्ट निर्दोष करणार नाही. जोपर्यंत क्लीन चिट देणार नाही तोपर्यंत आम्ही तपासण्या आणि समित्या गठीत करत राहू. असा त्याचा अर्थ आहे.

दीनानाथ मंगेशकर रुग्णालयाने डिपॉझीट अभावी तनिषा भिसे या गर्भवतीला उपचार सुरु करण्यास असमर्थता दाखविली , किंवा उशीर केला , किंवा टाळाटाळ केली हे साधारणपणे दिसत असताना अन्य रुग्णालयात तिच्या मृत्यूचे गंभीर प्रकरण घडून १५ दिवस उलटून गेले आहेत.चौकशांसाठी चार समित्या नेमल्या गेल्या, त्यांचे अहवालही सादर झाले, मात्र अद्याप कोणत्याही ठोस निष्कर्षापर्यंत पोहोचण्यात चौकशी समित्या, शासन, पोलिस प्रशासन या सर्व यंत्रणांना अपयश आले आहे. चौकशीच्या फेऱ्यात अडकलेल्या प्रकरणाच्या मुळाशी पोहोचण्यात शासन आणि पोलिस यंत्रणा संभ्रमात असल्याने आश्चर्य व्यक्त होत आहे. दीनानाथ मंगेशकर रुग्णालयावर कारवाई होणार की नाही, याबाबतचा निर्णय कोण घेणार? याबाबत साशंकता व्यक्त होत आहे. भिसे कुटुंबीयांना पाठीशी असल्याचे आश्वासित करणारे मुख्यमंत्री देवेंद्र फडणवीस याबाबत नेमका काय निर्णय घेणार? याबाबतच्या चर्चेला उधाण आले आहे.

कष्टकऱ्यांचे नेते बाबा कांबळे यांचे पुणे रिक्षा चालकांना आवाहन

पुणे:महाराष्ट्र सरकारने टू व्हीलर टॅक्सीला परवानगी दिली आहे, टू व्हीलर वरून प्रवाशी वाहतूक केली जाणार आहे,यामुळे रिक्षा व्यवसाय अडचणी मादे येण्याची शक्यता आहे, 3 रु किलो मीटरने टू व्हीलर टॅक्सी धावणार असे सांगितले जात आहे, मग रिक्षात कोण बसणार असा प्रश्न आहे, टू व्हीलर टॅक्सी मुळे रिक्षा व्यवसाय अडचणीत येणार आहे, आपला रिक्षा व्यवसाय वाचविण्यासाठी पुणे शहरातील रिक्षा चालकांनी एकत्र येऊन टू व्हीलर टॅक्सी विरोधामध्ये मोठे आंदोलन उभारले आवश्यक आहे, या साठी पुणे शहरात जन जागृती करून सर्व रिक्षा चालक-मालक व रिक्षा संघटनांना एक करण्यासाठी प्रयत्न करण्यात येणार असल्याची माहिती महाराष्ट्र रिक्षा पंचायत संस्थापक अध्यक्ष गोरगरीब कष्टकर यांच्या नेते बाबा कांबळे यांनी दिली,

पुणे मंगळवार पेठ येथील संघटनेच्या कार्यालयात प्रमुख पदाधिकाऱ्यांचे बैठक आयोजित करण्यात आली होती,

या वेळी महाराष्ट्र रिक्षा पंचायत पुणे शहराध्यक्ष मोहम्मद भाई शेख, कार्याध्यक्ष विलास केमसे पाटील, वरिष्ठ उपाध्यक्ष संजय शिंदे, प्रवीण शिखरे, सचिव अविनाश वाडेकर, कुठे आहेत, सहसचिव सुभाष बागडे, सर संघटक राजू शेख, फ्रान्सिस अँथोनी, कोंढवा अध्यक्ष फिरोज सेनागो, पुना स्टेशन अध्यक्ष गणेश कांबळे, उपाध्यक्ष मल्लेश कांबळे, विभाग अध्यक्ष रमेश इंगळे, सह पदाधिकारी मोठ्या संख्येने उपस्थित होते,

सोमवार दि,21-3- 2025 रोजी, दुपारी 3 वाजता पुणे रेल्वे स्टेशन येथून, महात्मा गांधी यांच्या पुतळ्यास पुष्पहार अर्पण करून, जनजागृती कार्यक्रम सुरू करण्यात येणार आहे, पुणे शहरातील सर्व कार्यकर्ते पदाधिकारी कशाला सोमवारी तीन वाजता पुणे स्टेशन येथे मोठ्या संख्येने उपस्थित राहावे असे आव्हान देखील यावेळी पुणे शहर अध्यक्ष महंमद भाई शेख यांनी केले आहे,

पुणे : राष्ट्रीय अग्निशमन सेवा सप्ताहानिमित साईनाथ मंडळ ट्रस्टतर्फे बाजीराव रस्त्यावरील नूतन मराठी विद्यालय आणि कनिष्ठ महाविद्यालयामधील 300 विद्यार्थ्यांना आज (दि. १९) आग विझविण्याचे प्रशिक्षण देण्यात आले.
राष्ट्रीय अग्निशमन सेवा सप्ताहानिमित अग्निशमन विभागातर्फे विविध उपक्रब राबविण्यात येत आहेत. आग कशामुळे लागू शकते, आपत्‌कालिन परिस्थिती उद्‌भवल्यास काय-काय उपाययोजना कराव्यात या विषयी कसबा अग्निशमन केंद्रातील प्रभारी अधिकारी कमलेश चौधरी आणि त्यांच्या सहकाऱ्यांनी विद्यार्थ्यांना मार्गदर्शन केले.
आग विझविण्यासाठी अग्निशमन वाहनात असलेल्या विविध उपकरणांची माहितीही देण्यात आली तसेच या उपकरणांचा वापर कशा पद्धतीने केला जातो याचे प्रात्यक्षिक दाखविण्यात आले. आग विझविण्याचे प्रात्यक्षिक विद्यार्थी आणि शिक्षकांकडून करून घेण्यात आले.
उपक्रमास शाला समितीचे अध्यक्ष पराग ठाकूर याचे सहकार्य लाभले असून डी. बी. देवरुखकर यांच्या सौजन्याने कार्यक्रमाचे आयोजन करण्यात आले होते. अग्निशमन वाहनामधील अधिकारी कमलेश चौधरी, चालक किरण शिंदे, फायरमन अब्दुल पटेल, हरीश बुंदेले, ज्ञानेश्वर गायकवाड व आतिश नाईकनवरे यांनी विशेष सहकार्य केले.
कार्यक्रमाचे आयोजन साईनाथ मंडळ ट्रस्टतर्फे अध्यक्ष पियूष शहा यांनी केले. शहा यांचा हस्ते अग्निशमन दलातील जवानांना मानचिन्ह व स्मृतिचिन्ह देऊन विशेष सत्कार करण्यात आला. पियूष शहा यांनी प्रास्ताविकात अग्निशामन दलातील जवानांच्या कार्याविषयी माहिती देत आभार मानले.
महाविद्यालयाचे मुख्याध्यापक प्रकाश कांबळे, उपप्राचार्या राजश्री हेंद्रे, उषा जांभळे, भारती कपटकर, माधुरी भामरे, बाजीराव शेरमाळे, विद्या चाकणकर आदी उपस्थित होते. रविवार दि. 20 रोजी नटरंग डान्स अकॅडमीमधील 200 विद्यार्थ्यांकरता प्रशिक्षण आयोजित करण्यात आले आहे.

पुणे : रिपब्लिकन युवा मोर्चाचे अध्यक्ष तसेच सामाजिक चळवळीचे नेते राहुल डंबाळे यांना अहिल्यानगर जिल्ह्यातील  श्रीरामपूर येथील डॉ.  बाबासाहेब आंबेडकर मध्यवर्ती जयंती महोत्सव समितीच्या वतीने यंदाच्या वर्षीचा भारतरत्न डॉ. बाबासाहेब आंबेडकर समाज भूषण पुरस्कार रिपब्लिकन पक्षाचे नेते सुभाष दादा त्रिभुवन यांच्या हस्ते समारंभ पूर्वक प्रदान करण्यात आला.

 सदर प्रसंगी चरण त्रिभुवन, अॅड. प्रवीण पटेकर, किरण सोनवणे, प्रतीक डंबाळे, सेवानिवृत्त शिक्षण संचालक राम जाधव आदी मान्यवर उपस्थित होते

भीमा कोरेगाव विजयस्तंभ शौर्य दिनाचे नियोजन, आंबेडकरी समुदायातील सामाजिक व राजकीय चळवळीतील योगदान तसेच अल्पसंख्यांक समाजाच्या प्रश्नांवर देशभर करत असलेल्या कार्याच्या अनुषंगाने डंबाळे यांना हा पुरस्कार देण्यात येत असल्याचे  त्रिभुवन यांनी सांगितले

डॉ. बाबासाहेब आंबेडकरांच्या नावाने मिळणारा पुरस्कार हा कायम महत्वपूर्ण असल्याची भावना राहुल डंबाळे  यांनी व्यक्त केली तसेच बाबासाहेब आंबेडकरांनी लिहिलेले भारतीय संविधान व देशाची एकता व अखंडता सध्या धोक्यात आणली जात असल्याने त्यांच्या संरक्षणासाठी प्रत्येक आंबेडकरी कार्यकर्त्यांनी व समुदायाने सर्वच वंचित व उपेक्षित वर्ग सोबत काम करणे आवश्यक असल्याचे मत त्यांनी व्यक्त  केले. 
दरम्यान याच वेळी वंचित बहुजन आघाडीच्या राज्यप्रवक्त्या उत्कर्षा रूपवते यांना महामाता रमाबाई भिमराव आंबेडकर पुरस्काराने सन्मानित करण्यात आले.  त्यांनी देखील हा पुरस्कार आपल्या रुपवते कुटुंबीयांनी आजवर केलेल्या समाजसेवेची फलित असल्याने या पुरस्कारामुळे आपली जबाबदारी वाढल्याची भावना व्यक्त केली.