काश्मीरचे विभागीय आयुक्त विजयकुमार बिदरी यांनी सांगितले कि,’, महाराष्ट्रातील दोन पर्यटकाचा मृत्यू झाला असून, त्यात दिलीप डिसले, अतुल मोने असे दोघे आहेत. स्थानिक प्रशासनाने दिलेल्या माहितीनुसार, या दहशतवादी हल्ल्यात महाराष्ट्रातील 2 जण जखमी झाले आहेत. त्यातील एक माणिक पटेल हे पनवेलचे आहेत. एस. भालचंद्रराव हे दुसरे जखमी आहेत. सुदैवाने दोघांचीही प्रकृती स्थिर आहे.

नवी दिल्ली- मंगळवारी जम्मू आणि काश्मीरमधील पहलगाम येथे झालेल्या दहशतवादी हल्ल्यात कर्नाटकातील शिवमोगा जिल्ह्यातील एका ४७ वर्षीय व्यक्तीचा मृत्यू झाला. मंजुनाथ राव असे या पीडितेचे नाव आहे. ते त्यांची पत्नी पल्लवी आणि त्यांचा मुलगा अभिजेय यांच्यासोबत कुटुंबासह सुट्टीवर गेले होते. मंजूनाथ यांची पत्नी पल्लवी यांनी या दहशतवादी हल्ल्याचा थरकाप उडवणारा प्रसंग कथन केला. आम्ही तिघे म्हणजे मी, पती आणि आमचा मुलगा तिघेही काश्मीर फिरायला गेलो होतो. साधारण दुपारचे दीड वाजले असतील. आम्ही त्यावेळी पहलगाममध्ये होतो. अचानक एका गटानं गोळ्या झाडायला सुरुवात केली. माझ्या नवरा माझ्या डोळ्यांसमोर मरण पावला. हे सगळं माझ्यासाठी दुस्वप्न आहे, असं पल्लवी यांनी सांगितलं.….पल्लवी यांनी सांगितलं.
हल्ल्यानंतर काही स्थानिक माझ्या मदतीसाठी धावले. तीन जणांनी मला वाचवलं, असंही पल्लवी यांनी सांगितलं. पल्लवी यांच्या म्हणण्यानुसार, हल्लेखोर हे हिंदूंना टार्गेट करत असल्याचे त्यांच्या बोलण्यावरून दिसत होते. तीन ते चार जणांनी आमच्यावर हल्ला केला. माझ्या पतीची गोळ्या झाडून हत्या केली. माझ्या डोळ्यांदेखत त्यांनी जीव सोडला. तुम्ही माझ्या नवऱ्याला आधीच मारलं आहे. मलाही मारून टाका, असं मी त्यांना सांगितलं. त्यावर आम्ही तुला मारू शकत नाही. जा, जाऊन मोदींना सांग, असं त्यातील एक हल्लेखोर म्हणाला.

अनंतनाग जिल्ह्यातील बैसरन व्हॅली परिसरात हा हल्ला झाला, जिथे दहशतवाद्यांनी पर्यटकांवर गोळीबार केला, ज्यामध्ये अनेक जण जखमी झाले आणि अनेक जणांचा मृत्यू झाला.कर्नाटक पोलिस जम्मू आणि काश्मीर पोलिसांच्या संपर्कात आहेत
दुपारी ३ वाजण्याच्या सुमारास पहलगाममधील बैसरन व्हॅलीतील डोंगरावरून दहशतवादी खाली आले आणि त्यांनी पर्यटकांवर गोळीबार सुरू केला, जे या ठिकाणी वारंवार येतात, कारण हिरव्यागार कुरणांमुळे ते ‘मिनी स्वित्झर्लंड’ म्हणून ओळखले जाते.या हल्ल्याला प्रत्युत्तर म्हणून, भारतीय लष्कराच्या व्हिक्टर फोर्ससह सुरक्षा दलांनी परिसरात शोध मोहीम सुरू केली आहे.

अमित शाह श्रीनगरला आहेत,दरम्यान, पहलगाम येथे पर्यटकांवर झालेल्या दहशतवादी हल्ल्याच्या पार्श्वभूमीवर जम्मू आणि काश्मीरमधील परिस्थितीचा आढावा घेण्यासाठी केंद्रीय गृहमंत्री अमित शाह श्रीनगरला रवाना झाले आहेत. पंतप्रधान नरेंद्र मोदी यांनी त्यांच्याशी बोलून केंद्रशासित प्रदेशाला भेट देण्यास सांगितल्यानंतर लगेचच शाह खोऱ्यात रवाना झाले.
शाह यांनीही या हल्ल्याचा निषेध केला आणि ‘एक्स’ वरील एका पोस्टमध्ये म्हटले आहे की त्यांनी पंतप्रधानांना या घटनेची माहिती दिली आहे आणि व्हिडिओ कॉन्फरन्सिंगद्वारे संबंधित अधिकाऱ्यांशी बैठक घेतली आहे.मृतांचा आकडा अद्याप निश्चित केला जात आहे, असे जम्मू आणि काश्मीरचे मुख्यमंत्री ओमर अब्दुल्ला यांनी सांगितले, तर दहशतवादी हल्ला “अलिकडच्या वर्षांत नागरिकांवर केलेल्या कोणत्याही हल्ल्यापेक्षा खूप मोठा” असल्याचे वर्णन केले.अमेरिकेचे उपाध्यक्ष जेडी व्हान्स भारत दौऱ्यावर असताना हा हल्ला दुपारी ३ वाजताच्या सुमारास झाला, असे अधिकाऱ्यांनी सांगितले. फेब्रुवारी २०१९ मध्ये पुलवामा येथे झालेल्या आत्मघाती हल्ल्यात ४७ सीआरपीएफ जवान शहीद झाल्यानंतर काश्मीरमधील हा सर्वात मोठा दहशतवादी हल्ला असू शकतो.

नवी दिल्ली-

जम्मू काश्मीरमधील पहलगाम येथील दहशतवाद्यांनी केलेल्या हल्ल्यात महाराष्ट्रातील दोन पर्यटकांचा मृत्यू झाला आहे. तर कर्नाटकमधील जोडप्यातील पतीला त्याच्या पत्नीसमोरच गोळ्या घालण्यात आल्या.मात्र आता या हल्ल्या संदर्भात एक मोठी माहिती समोर आली आहे. या हल्ल्यामध्ये केंद्रीय गुप्तचर संघटना म्हणजे IB मध्ये काम करणाऱ्या एका अधिकाऱ्यालाही गोळ्या घालण्यात आल्या आहेत. हा अधिकारी मूळचा हैदराबादचा असून कुटुंबासमोरच त्याची हत्या करण्यात आली आहे.

गुप्तचर संघटनेत काम करणारा हैदराबादचा हा अधिकारी कुटुंबासोबत काश्मीरमध्ये गेला होता. त्यावेळी तो एक रील शूट करत होता. त्या दरम्यान त्याला गोळ्या घालण्यात आल्या. त्याच्या कुटुंबासमोरच दहशतवाद्यांनी त्याला गोळ्या घातल्या. यावेळी त्या अधिकाऱ्याची पत्नी आणि मुले समोर होती अशी माहिती आहे.

गेल्या काही दिवसात ते काश्मीरमध्ये कार्यरत होते. या दरम्यान ते पहेलगाममध्ये कुटुंबासोबत फिरायला गेले. त्याचवेळी त्याची हत्या करण्यात आली. पहलगाम दहशतवादी हल्ल्यामध्ये आतापर्यंत 28 जणांना आपला जीव गमवावा लागला आहे. त्यामध्ये दोन परदेशी नागरिकांचा समावेश आहे. कलम 370 हटवल्यानंतर हा एक मोठा हल्ला आहे. या हल्ल्याची जबाबदारी टीआरएफ संघटनेने जबाबदारी स्वीकारली आहे.

अनुपम खेर म्हणाले,’ दहशतवाद्यांना असा धडा शिकवायला हवा की पुढच्या सात जन्मात असे कृत्य करण्याचे त्यांचे धाडस होणार नाही

मुंबई- पहलगाम येथी पर्यटकांवर झालेल्या हल्ल्याची देशातूनच नव्हे तर विदेशातूनही गंभीर दखल घेतली जात असून अमेरिकेचे उपाध्यक्ष जेडी व्हॅन्स यांनी पहलगाम हल्ल्याचा निषेध केला आहे.
भारताच्या दौऱ्यावर असलेले अमेरिकेचे उपाध्यक्ष जेडी व्हॅन्स यांनी पहलगाम हल्ल्याचा निषेध केला. त्यांनी पोस्टमध्ये लिहिले- उषा (पत्नी) आणि मी भारतातील पहलगाम येथे झालेल्या विनाशकारी दहशतवादी हल्ल्यातील बळींबद्दल शोक व्यक्त करतो. गेल्या काही दिवसांपासून, या देशाचे आणि त्याच्या लोकांच्या सौंदर्याने आपण भारावून गेलो आहोत. या भयानक हल्ल्यात आमच्या संवेदना आणि प्रार्थना त्यांच्यासोबत आहेत.

काश्मीरच्या नेत्या मेहबूबा मुफ्ती यांनी उद्या काश्मीर बंदचे आवाहन केले आहे. मात्र यावेळी येथे असलेल्या पर्यटकांची गैरसोय होता कामा नये असेही त्यांनी म्हटले आहे. पर्यटकांवरील भयानक दहशतवादी हल्ल्याच्या निषेधार्थ जम्मूच्या चेंबर अँड बार असोसिएशनने उद्या संपूर्ण बंदचे आवाहन केले आहे. पहलगाममधील क्रूर हल्ल्यात मृत्युमुखी पडलेल्या निष्पाप जीवांच्या सन्मानार्थ या बंदला पाठिंबा देण्यासाठी मी सर्व काश्मिरींना एकजुटीने एकत्र येण्याचे आवाहन करतो.हा केवळ काही निवडक लोकांवर हल्ला नाही तर तो आपल्या सर्वांवर हल्ला आहे.आम्ही दुःख आणि संतापाच्या भावना व्यक्त करतो आणि निष्पापांच्या हत्याकांडाचा निषेध करण्यासाठी या बंदला जोरदार पाठिंबा देतो.

अभिनेता आणि PM नरेंद्र मोदी यांचे स्नेही अनुपम खेर

दहशतवाद्यांना असा धडा शिकवायला हवा की पुढच्या सात जन्मात असे कृत्य करण्याचे त्यांचे धाडस होणार नाही

आरएसएसने म्हटले— हा देशाच्या एकता आणि अखंडतेवर हल्ला
राष्ट्रीय स्वयंसेवक संघाने (आरएसएस) पहलगाम हिंसाचारावर शोक व्यक्त केला आहे. संघाने पोस्टमध्ये म्हटले आहे- जम्मू आणि काश्मीरमधील पहलगाम येथे पर्यटकांवर झालेला क्रूर दहशतवादी हल्ला अत्यंत निंदनीय आणि वेदनादायक आहे. या घटनेत मृत्युमुखी पडलेल्या सर्वांना आम्ही श्रद्धांजली अर्पण करतो आणि जखमींच्या लवकर बरे होण्यासाठी प्रार्थना करतो. हा हल्ला देशाच्या एकता आणि अखंडतेवर हल्ला करण्याचा प्रयत्न आहे. सर्व राजकीय पक्ष आणि संघटनांनी सर्व मतभेदांच्या पलीकडे जाऊन याचा निषेध केला पाहिजे. सरकारने सर्व पीडितांना आणि त्यांच्या कुटुंबियांना मदत करण्यासाठी आवश्यक व्यवस्था करावी. आणि या हल्ल्यासाठी जबाबदार असलेल्यांना शिक्षा करण्यासाठी सरकारने लवकरच योग्य ती पावले उचलावीत.

पंतप्रधान नरेंद्र मोदी-जम्मू आणि काश्मीरमधील पहलगाम येथे झालेल्या दहशतवादी हल्ल्याचा मी तीव्र निषेध करतो. ज्यांनी आपल्या प्रियजनांना गमावले आहे त्यांच्याप्रती मी संवेदना व्यक्त करतो. जखमी लवकरात लवकर बरे व्हावेत अशी मी प्रार्थना करतो. पीडितांना सर्वतोपरी मदत केली जात आहे. या घृणास्पद कृत्यामागील लोकांना न्याय मिळवून दिला जाईल… त्यांना सोडले जाणार नाही! त्यांचा दुष्ट अजेंडा कधीही यशस्वी होणार नाही. दहशतवादाविरुद्ध लढण्याचा आमचा निर्धार अढळ आहे आणि तो आणखी मजबूत होईल.

राहुल गांधी -जम्मू आणि काश्मीरमधील पहलगाम येथे झालेल्या भ्याड दहशतवादी हल्ल्यात पर्यटकांचा मृत्यू आणि अनेक जण जखमी झाल्याची बातमी अत्यंत निंदनीय आणि हृदयद्रावक आहे.
मी शोकाकुल कुटुंबांप्रती माझ्या मनःपूर्वक संवेदना व्यक्त करतो आणि जखमींच्या लवकर पुनर्प्राप्तीची आशा करतो.संपूर्ण देश दहशतवादाविरुद्ध एकजूट आहे. जम्मू आणि काश्मीरमध्ये परिस्थिती सामान्य असल्याचे पोकळ दावे करण्याऐवजी, सरकारने आता जबाबदारी घेतली पाहिजे आणि भविष्यात अशा क्रूर घटना घडू नयेत आणि निष्पाप भारतीयांना अशा प्रकारे आपले प्राण गमवावे लागू नयेत यासाठी ठोस पावले उचलली पाहिजेत.

पहलगाममध्ये झालेल्या भ्याड दहशतवादी हल्ल्ल्याचा मी तीव्र शब्दात निषेध करतो. जे लोक मृत्यूमुखी पडले, त्यांना भावपूर्ण श्रद्धांजली. त्यांच्या कुटुंबीयांच्या, आप्तस्वकियांच्या दु:खात आम्ही सहभागी आहोत. या घटनेत जे जखमी झाले, त्यांच्या प्रकृतीत लवकर सुधारणा व्हावी, अशी मी ईश्वरचरणी प्रार्थना करतो. जम्मू-काश्मीर प्रशासनातील वरिष्ठांच्या आम्ही संपर्कात आहोत. पहलगाम ज्यांच्या अखत्यारीत येते, ते काश्मीरचे विभागीय आयुक्त विजयकुमार बिदरी यांनाही फोन करुन माहिती घेतली. महाराष्ट्रातील दोन पर्यटकाचा मृत्यू झाला असून, त्यात दिलीप डिसले, अतुल मोने असे दोघे आहेत. स्थानिक प्रशासनाने दिलेल्या माहितीनुसार, या दहशतवादी हल्ल्यात महाराष्ट्रातील दोन जण जखमी झाले आहेत. त्यातील एक माणिक पटेल हे पनवेलचे आहेत. एस. भालचंद्रराव हे दुसरे जखमी आहेत. सुदैवाने दोघांचीही प्रकृती स्थिर आहे–देवेंद्र फडणवीस, मुख्यमंत्री

पहलगाम : जम्मू-काश्मीरच्या अति-पर्यटन स्थळांपैकी एक असलेल्या पहलगाममध्ये मंगळवारी दुपारी भीषण दहशतवादी हल्ला झाला. द रेसिस्टन्स फ्रंट (टीआरएफ) या दहशतवादी संघटनेने या हल्ल्याची जबाबदारी स्वीकारली आहे. या हल्ल्यात किमान २७ पेक्षा अधिक पर्यटकांचा मृत्यू झाल्याची माहिती समोर आली आहे. विशेष म्हणजे महाराष्ट्र आणि पुण्यातील पर्यटकांवर देखील हल्ला झाला असून पुण्यातील कर्वेनगरमधील दोन कुटुंबातील पुरुषांना गोळ्या चाटून गेल्या आहेत, त्यामुळे ते जखमी झाल्याचे वृत्त आहे . गनबोटे आणि जगदाळे कुटुंबाची माहिती समोर आली आहे. दरम्यान, पुणे आणि महाराष्ट्रातील पर्यटकांचे नातेवाईक प्रचंड काळजीत पडले असून आपापल्या कुटुंबियांशी संपर्क साधण्याचे आटोकाट प्रयत्न सुरू होते.

आसावरी जगदाळे, प्रगती जगदाळे, संतोष जगदाळे आणि कौस्तुभ गनबोटे, संगीता गनबोटे यांच्यावर हा हल्ला झाला आहे. ही कुटुंब मुळची बारामती तालुक्यातील असून सध्या पुण्यात कर्वेनगरमध्ये वेदान्त नगरीजवळ राहात असल्याची प्राथमिक माहिती मिळाली आहे. यातील संतोष आणि कौस्तुभ यातील एकाच्या अंगाला गोळ्या लागल्या आहेत. हल्ला दुपारी १२ वाजेच्या सुमारास ‘बैसारन’ नावाच्या हिरव्यागार कुरणाजवळ झाला. येथे देशाच्या विविध भागांतील पर्यटक फिरण्यासाठी आले होते. अचानक अज्ञात बंदूकधाऱ्यांनी पर्यटकांवर बेधुंद गोळीबार सुरू केला. आधी पर्यटकांना नाव आणि धर्म विचारण्यात आले. त्यानंतर त्यांना गोळ्या घालण्यात आल्याचे प्रत्यक्षदर्शी नागरिकांनी सांगितले. गोळ्यांच्या आवाजाने परिसरात एकच गोंधळ उडाला आणि लोकांनी पळापळ सुरू केली. जखमींना तात्काळ अनंतनाग व श्रीनगर येथील रुग्णालयात हलवण्यात आले असून त्यांच्यावर उपचार सुरू आहेत. सुरक्षा दलांनी परिसर सील करून शोधमोहीम सुरू केली आहे.मृतांमध्ये महाराष्ट्रातील पुणे आणि मुंबईमधील पर्यटक असल्याची प्राथमिक माहिती मिळाली असून काही पर्यटक गुजरातमधील सूरतमधील आहेत. तर, उर्वरित पर्यटक हरियाणा आणि दिल्ली येथून आले होते, असे यंत्रणांकडून सांगण्यात आले. जम्मू-काश्मीरचे उपराज्यपाल मनोज सिन्हा यांनी मृतांच्या कुटुंबीयांप्रती शोक व्यक्त केला आहे आणि जखमींना शक्य तेवढी वैद्यकीय मदत देण्याचे आदेश दिले आहेत. दरम्यान, केंद्रीय गृहमंत्री अमित शाह तातडीने जम्मू काश्मीरला रवाना झाले आहेत. सौदी अरेबियाच्या दौऱ्यावर असलेल्या पंतप्रधान नरेंद्र मोदी यांनी देखील शाह यांच्याशी फोनवर चर्चा करून तात्काळ पुढील कार्यवाही करण्याच्या सूचना दिल्या.

दरम्यान, बारामतीच्या खासदार सुप्रिया सुळे यांनी एक्सवर पोस्ट करीत ओमर अब्दुल्ला यांना याविषयी आवश्यक असलेली सर्वतोपरी मदत करण्याचे आवाहन केले. तसेच, जगदाळे आणि गणबोटे कुटुंबावर हल्ला झाल्याची माहिती दिली.

टीआरएफ ही लष्कर-ए-तोयबाची संलग्न दहशतवादी संघटना असून गेल्या काही वर्षांत या संघटनेने अनेक नागरिकांवर आणि बाहेरून आलेल्या कामगारांवर हल्ले केले आहेत. धर्माच्या आधारे पर्यटकांवर थेट हल्ला होणे ही अत्यंत गंभीर बाब मानली जात आहे आणि यामुळे पर्यटन व्यवसायाला मोठा धक्का बसण्याची शक्यता आहे.

दहशतवाद्यांनी केलेल्या भ्याड हल्ल्याचा निषेध करतो. जगदाळे आणि गनबोटे कुटुंबाच्या मी संपर्कात आहे. यासोबतच महाराष्ट्रातील पर्यटकांच्या सुरक्षेच्या आणि मदतीच्या अनुषंगाने आमचे प्रयत्न सुरू आहेत. कौस्तुभ यांच्या मुलीशी माझा संपर्क झाला आहे. त्यांना आवश्यक असलेली वैद्यकीय व अन्य मदत, उपचार दिले जात आहेत. या मुलीसमोरच तिच्या वडिलांना गोळ्या घालण्यात आल्या आहेत. मदतकार्य युद्ध पातळीवर सुरू आहे. पंतप्रधान नरेंद्र मोदी यांनी देखील कडक शब्दांत याची निंदा केली आहे. आवश्यक ती सर्व कडक कारवाई केली जाणार आहे. गृहमंत्री अमित शाह तातडीने काश्मीरमध्ये रवाना झाले आहेत. महाराष्ट्रातील पर्यटकांसाठी आम्ही काळजीने सर्व गोष्टी करीत आहोत.

• मुरलीधर मोहोळ, केंद्रीय सहकार आणि नागरी विमान वाहतूक राज्यमंत्री

मुख्यमंत्री ओमर अब्दुल्ला-पहलगाम येथे पर्यटकांवर झालेल्या भयानक दहशतवादी हल्ल्याबद्दल मुख्यमंत्री ओमर अब्दुल्ला यांनी तीव्र दुःख आणि दुःख व्यक्त केले आहे.
या हल्ल्याला “घृणास्पद” असे वर्णन करून, मुख्यमंत्र्यांनी म्हटले आहे की निष्पाप पर्यटकांना लक्ष्य करणे हे क्रूरता आणि अमानुषतेचे कृत्य आहे.”आमच्या पर्यटकांवर झालेला हा हल्ला घृणास्पद आहे. या हल्ल्याचे गुन्हेगार प्राणी आहेत – अमानवी आणि तिरस्कारास पात्र आहेत. निषेधाचे कोणतेही शब्द पुरेसे नाहीत,” असे मुख्यमंत्री यांनी एका कडक शब्दात म्हटले आहे.
मुख्यमंत्री ओमर अब्दुल्ला यांनी हल्ल्यात मृत्युमुखी पडलेल्यांच्या कुटुंबियांना सहानुभूती व्यक्त केली आणि जखमींच्या जलद पुनर्प्राप्तीसाठी प्रार्थना केली.मुख्यमंत्री वरिष्ठ अधिकाऱ्यांशी सतत संपर्कात आहेत आणि आरोग्यमंत्री सकिना इटू यांच्याशी बोलले आहेत, ज्या जखमींवर उपचार आणि व्यवस्थेचे निरीक्षण करण्यासाठी तात्काळ रुग्णालयात दाखल झाल्या आहेत.
त्यांनी पुढे जाहीर केले की ते परिस्थितीचे वैयक्तिकरित्या निरीक्षण करण्यासाठी आणि पीडितांना आणि त्यांच्या कुटुंबियांना सर्व शक्य ती मदत मिळावी यासाठी तात्काळ श्रीनगरला परतणार आहेत.”मी माझ्या सहकाऱ्याशी बोललो आहे
@sakinaitooआणि ती जखमींच्या व्यवस्थेची देखरेख करण्यासाठी रुग्णालयात गेली आहे. मी ताबडतोब श्रीनगरला परत जाईन,” असे ते म्हणाले.तसेच, केंद्रीय गृहमंत्री अमित शहा यांनी पहलगाम पर्यटन रिसॉर्टमधील दुःखद घटनेबद्दल मुख्यमंत्री ओमर अब्दुल्ला यांच्याशी फोनवर बोलले.

पोलिसांच्या वेशात दहशतवादी.
नवी दिल्ली : जम्मू काश्मीरच्या पहलगाममध्ये दहशवाद्यांनी (Terrorist) पर्यटकांवर अंधाधुंद गोळीबार केला. दहशतवाद्यांच्या या हल्ल्यात 27 पर्यटकांना आपला जीव गमवावा लागल्याची शक्यता वर्तवण्यात येत आहे. येथे शस्त्रधारी दोन ते तीन दहशतवाद्यांनी पर्यटकांच्या एका ग्रुपवर भ्याड हल्ला केला. त्यामध्ये, अनेक पर्यटकांचा जीव गेला असून काही गंभीर जखमी देखील झाले आहेत. दहशतवाद्यांनी 40 राऊंड फायर केल्याचे सांगण्यात येते. या हल्ल्यानंतर पंतप्रधान नरेंद्र मोदी आणि गृहमंत्री यांच्याच फोनवरुन बोलणे झाले. त्यानंतर, गृहमंत्री अमित शाह (Amit Shah) तातडीने श्रीनगरकडे रवाना झाले आहेत.२०१९ च्या पुलवामा हल्ल्यानंतर जम्मू आणि काश्मीरमधील हा सर्वात मोठा दहशतवादी हल्ला आहे. मंगळवारी दहशतवाद्यांनी पर्यटकांवर गोळीबार केला, ज्यामध्ये २६ जणांचा मृत्यू झाला. मृतांमध्ये एक इटालियन आणि एक इस्रायली पर्यटक आणि दोन स्थानिक नागरिकांचा समावेश आहे. उर्वरित पर्यटक गुजरात, महाराष्ट्र, कर्नाटक, तामिळनाडू आणि ओडिशातील आहेत.

जम्मू आणि काश्मीरच्या पहलगाम येथे पर्यटकांवर झालेल्या दहशतवादी हल्ल्याने आपण व्यथित झालो आहोत. मृतांच्या कुटुंबियांप्रती माझ्या सहवेदना आहेत. या भ्याड दहशतवादी हल्ल्यातील दहशतवाद्यांना सोडणार नाही, त्यांच्यावर कठोरात कठोर कारवाई करू, असा इशाराच गृहमंत्री अमित शाह यांनी ट्विटरवरुन दिला आहे. तसेच, पंतप्रधान नरेंद्र मोदींना देखील त्यांनी या घटनेची माहिती दिली. त्यानंतर, संबंधित अधिकाऱ्यांसोबत व्हिडिओ कॉन्फरन्सिंगद्वारे बैठक घेतली असून श्रीनगरला गेल्यावर सर्व सुरक्षा एजन्सींसोबत तातडीची सुरक्षा आढावा बैठक घेण्यात येणार आहे. त्यासाठी, आपण श्रीनगरला रवाना होत असल्याचेही अमित शाह यांनी ट्विटरवरुन सांगितले. दरम्यान, अमित शाह दिल्लीतून श्रीनगरला रवाना झाले आहेत.

जखमींची नावे १. विनो भट्ट, गुजरात २. एस बालचंद्रू, महाराष्ट्र ३. अभिजवन राव, कर्नाटक ४. संतरू, तामिळनाडू ५. साहसी कुमारी, ओडिशा ६. डॉ. परमेश्वर ७. माणिक पाटील ८. रिनो पांडे

पहलगाममध्ये पोलिसांच्या वेषात आलेल्या दहशतवाद्यांनी पर्यटकांना आपला निशाणा बनवला. पर्यटकांची नावे विचारून त्यांच्यावर गोळीबार करण्यात आला. या वेळी एक नवविवाहित जोडपेदखील दहशतवाद्यांच्या हल्लातून सुटले नाही. या जोडप्यातील पुरुषाला आधी त्याचा धर्म विचारला आणि मग त्याला गोळ्या घालण्यात आल्याचं त्याच्या पत्नीने सांगितलं. ही महिला आपल्या पतीला वाचवण्यासाठी लोकांना आवाहन करत होती. पण त्याचा काही उपयोग झाला नाही. शेवटी खिन्न मनाने ती मृत पतीच्या शेजारी बसली.

जम्मू-काश्मीरच्या पहलगाममध्ये झालेल्या दहशतवादी हल्ल्यात महाराष्ट्रातील पर्यटकांवर देखील मोठं संकट ओढवलं आहे. एकूण जखमी पर्यटकांमध्ये महाराष्ट्रातील चार पर्यटकांचा समावेश आहे. माणिक पाटील आणि एस भालचंद्र अशी दोघांची नाव समोर आली आहेत. दहशतवादी हल्ल्यात आतापर्यंत 27 जणांचा मृत्यू झाल्याची माहिती समोर आली आहे. मृतांचा हा आकडा आणखी वाढण्याची शक्यता आहे
पोलिसांकडून काश्मीरमधील पर्यटकांसाठी 24 तास मदत सेवा उपलब्ध करुन देण्यात आली आहे. अनंतनाग येथील पोलीस कंट्रोल रुममधून ही सेवा पुरविण्यात आली असून व्हॉट्सअप आणि टेलिफोन नंबरही जारी करण्यात आले आहेत. पर्यटकांनी खालील नंबरवर संपर्क साधण्याचे आवाहन करण्यात आले आहे.
मो – 9596777669
01932225870
व्हॉट्सअप – 9419051940

काश्मीर मधील नागरिकांनी या हल्ल्याचा तीव्र शब्दात निषेध केला असून हा भ्याड हल्ला असल्याचे म्हटले आहे. आम्ही प्रथम हिंदुस्थानी नंतर काश्मिरी असल्याचे त्यांनी म्हटले आहे आणि हल्लेखोरांना तातडीने पकडण्यात यावे असे सांगून कॅण्डल मार्च काढून हल्ल्यात बळी पद्लेलेया पर्यटकांना श्रद्धांजली वाहिली , कोणताही काश्मिरी नागरिक या हाल्लेखोरांना मदत करणार नाही असेही म्हटले आहे.

मुंबई-स्त्री शिक्षणाची मशाल पेटवणाऱ्या आद्य क्रांतीज्योती सावित्रीबाई फुले यांच्या जन्मगावी मौजे नायगाव (ता. खंडाळा, जि. सातारा) येथे भव्य स्मारक आणि महिला प्रशिक्षण केंद्र उभारण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री देवेंद्र फडणवीस होते. मौजे नायगाव येथील या स्मारकासाठी 142 कोटी 60 लाख रुपये तर महिला प्रशिक्षण केंद्रासाठी 67 लाख 17 हजार रुपयांच्या तरतूदीस मंजूरी देण्यात आली.

क्रांतीज्योती सावित्रीबाई फुलेंच्या जयंती दिनी मुख्यमंत्री देवेंद्र फडणवीस यांनी या स्मारकाची घोषणा केली होती. त्यानुसार आज मंत्रीमंडळ बैठकीत निर्णय घेण्यात आला. क्रांतीज्योती सावित्रीबाई यांचे हे स्मारक त्यांच्या कार्याला अभिवादन ठरणार आहे. तसेच सोबतच उभे राहणारे महिला प्रशिक्षण केंद्र या परिसरातील महिलांसाठी सबलीकरणासाठी मार्गदर्शक ठरणार आहे.
महिला प्रशिक्षण केंद्राचे दीर्घकालीन व्यवस्थापन, प्रशासन, तसेच प्रशिक्षण कार्यक्रमांच्या अंमलबजावणीसाठी जिल्हाधिकारी सातारा यांच्या अध्यक्षतेखाली एक उच्चस्तरीय समिती गठीत करण्यात आली आहे. या समितीत जिल्हा परिषद, पोलीस प्रशासन, यशदा, कौशल्य विकास विभाग तसेच ग्रामीण जीवनोन्नती अभियानाचे प्रतिनिधी यांचा समावेश राहणार आहे.

111 दिवसांत 23,838 रुपयांनी महाग
इंडिया बुलियन अँड ज्वेलर्स असोसिएशन (IBJA) नुसार, २४ कॅरेट सोन्याच्या १० ग्रॅमच्या किमतीत ३,३३० रुपयांची वाढ होऊन ती १ लाख रुपयांवर पोहोचली आहे. पूर्वी १० ग्रॅम सोन्याची किंमत ₹९६,६७० होती.त्यानंतर ती ९९१०० झाली आणि संध्याकाळी पुन्हा ८९४८४ वर आली . सोन्या भावातील या अस्थिरतेने मार्केट मधील व्यापाऱ्यांच्या कडील ग्राहक वर्ग दिसेनासा होत चालला आहे.

दिल्ली: २२ कॅरेट सोन्याच्या १० ग्रॅमची किंमत ९३,०५० रुपये आणि २४ कॅरेट सोन्याच्या १० ग्रॅमची किंमत १,०१,५०० रुपये आहे.
मुंबई: २२ कॅरेट सोन्याच्या १० ग्रॅमची किंमत ९२,९०० रुपये आणि २४ कॅरेट सोन्याच्या १० ग्रॅमची किंमत १,०१,३५० रुपये आहे.
कोलकाता: २२ कॅरेट सोन्याच्या १० ग्रॅमची किंमत ९२,९०० रुपये आणि २४ कॅरेट सोन्याच्या १० ग्रॅमची किंमत १,०१,३५० रुपये आहे.
चेन्नई: २२ कॅरेट सोन्याच्या १० ग्रॅमची किंमत ९२,९०० रुपये आणि २४ कॅरेट सोन्याच्या १० ग्रॅमची किंमत १,०१,३५० रुपये आहे.
भोपाळ: २२ कॅरेट सोन्याच्या १० ग्रॅमची किंमत ९०,२०० रुपये आणि २४ कॅरेट सोन्याच्या १० ग्रॅमची किंमत ९८,४०० रुपये आहे.

त्याच वेळी, आज एक किलो चांदीची किंमत ₹३४२ ने घसरून ₹९५,९०० प्रति किलो झाली आहे. पूर्वी चांदीची किंमत प्रति किलो ₹ 96,242 होती. २८ मार्च रोजी चांदीने १,००,९३४ रुपयांचा उच्चांक गाठला होता.
१११ दिवसांत सोने २३,८३८ रुपयांनी महागले
या वर्षी, १ जानेवारीपासून आतापर्यंत, २४ कॅरेट सोन्याच्या १० ग्रॅमची किंमत ७६,१६२ रुपयांवरून १ लाख रुपयांपर्यंत २३,८३८ रुपयांनी वाढली आहे. त्याच वेळी, चांदीची किंमत देखील ९,८८३ रुपयांनी वाढून ८६,०१७ रुपये प्रति किलोवरून ९५,९०० रुपये झाली आहे. त्याच वेळी, गेल्या वर्षी म्हणजेच २०२४ मध्ये सोने १२,८१० रुपयांनी महाग झाले होते.

स्वातंत्र्याच्या वेळी सोने ८८.६२ रुपये ग्रॅम होते
१९४७ मध्ये जेव्हा देशाला स्वातंत्र्य मिळाले तेव्हा सोन्याचा भाव ८८.६२ रुपये प्रति १० ग्रॅम होता, जो आता १ लाख रुपये आहे. म्हणजेच, तेव्हापासून आतापर्यंत सोने ११०४ पट (११०४८४%) महाग झाले आहे. १९४७ मध्ये चांदीची किंमत प्रति किलो सुमारे १०७ रुपये होती आणि आता ती ९५,९०० रुपये आहे.

‘अनिवार्य’ या शब्दाला स्थगिती

मुंबई- महाराष्ट्रात सध्या हिंदी भाषेवरून वातावरण तापले आहे. महाराष्ट्र नवनिर्माण सेनेने हिंदी सक्तीला विरोध केला आहे. राज्य शासनाच्या सुकाणू समितीत असलेल्या शिक्षण तज्ज्ञ रमेश पानसे यांनी देखील हिंदी भाषा पहिलीपासून सक्तीची करणे चुकीचा निर्णय असल्याचे म्हटले आहे. आता या संदर्भात शालेय शिक्षण मंत्री दादा भुसे यांनी महत्त्वाची माहिती दिली आहे. हिंदी भाषेच्या वापरासाठी आम्ही अनिवार्य हा शब्द वापरला होता. आता या शब्दाला शासन स्थगिती देत आहे. हिंदी भाषा ही बंधनकारक असणार नाही, असे दादा भुसे यांनी स्पष्ट केले आहे.

पत्रकार परिषदेत बोलताना दादा भुसे म्हणाले, मी स्पष्टपणे नमूद करतो की, हिंदी भाषेच्या संदर्भात केंद्राकडून थपवले जात आहे असे सांगितले जात आहे, असा कुठलाही भाग नाही. नॅशनल एज्युकेशन पॉलिसी 2020 मध्ये स्पष्टपणे भाषेच्या संदर्भात पॅराग्राफ आहे. तीन भाषा शिकवण्यासंदर्भात, तीन भाषेचा फॉर्म्युला तिथे दिला आहे. केंद्राने कोणतीही भाषा राज्यासाठी बंधनकारक केलेली नाही, असे दादा भुसे यांनी म्हटले आहे.

पुढे बोलताना दादा भुसे म्हणाले, 2020 चे शैक्षणिक धोरण आहे. त्यानुसार 9 सप्टेंबर 2024 ला तीन भाषांपैकी दोन भाषा आपल्या देशाच्या संबंधित असल्या पाहिजेत, असे सांगण्यात आले आहे. राज्य सुकणू समितीच्या बैठकीत तिसरी भाषा हिंदी म्हणून स्वीकारण्याचा निर्णय झाला होता. तसेच या संदर्भातील शासन निर्णयात हिंदी भाषा ‘अनिवार्य’ असा उल्लेख झाल्याने संभ्रम निर्माण झाला आहे. त्यामुळे अनिवार्य या शब्दाला स्थगिती देत आहोत आणि पुढील शासन निर्णय यथावकाश निर्गमित करण्यात येईल, असे त्यांनी स्पष्ट केले आहे.

मराठी आणि इंग्रजी माध्यमांच्या शाळेमध्ये मराठी विषय बंधनकारक आहेच. पण, इतर माध्यमाच्या शाळांमध्ये सुद्धा मराठी भाषा विषय बंधनकारक केला गेला आहे. त्या शाळेत मराठी शिकवणारे शिक्षक सुद्धा मराठी भाषेत पदवी मिळवलेले असले पाहिजे याचेही बंधन असल्याचे दादा भुसे यांनी सांगितले आहे.

सीबीएसईच्या चांगल्या बाबीचा स्वीकार आपल्या अभ्यासक्रमात करणार आहोत. चांगले मुद्दे आपण सीबीएसईकडून घेणार आहोत. व्यापक स्वरूपात इतिहास भूगोल अभ्यासक्रमात दिसेल. तसेच, शिक्षक भरती सुद्धा आपण करत आहोत. 10,500 शिक्षकांची भरती आपण करत आहोत. पवित्र पोर्टलवरुन ही भरती होणार आहे.

शिक्षण विभागाचे 8 विभाग आहेत, त्या प्रत्येक ठिकाणी आपण शाळा तयार करणार आहोत. जे खेळामध्ये प्रविण्य दाखवतात त्यांना निवासी सोयीसुविधा उपलब्ध करून देता येईल. राज्यव्यापी वेगवेगळ्या पद्धतीचे आनंद गुरुकुल निवासी शाळा सुरू होतील, ज्या स्पेशालिटी शिक्षण देतील अशा शाळा तयार करत आहोत, अशी माहिती दादा भुसे यांनी दिली आहे.

पुढे बोलताना दादा भुसे म्हणाले, राज्यातील 65 शिक्षण संघटनाची बैठक आयोजित करण्यात आली होती त्यातून मोठी चर्चा झाली. शिक्षकांची इतर अशैक्षणिक काम कशी कमी करता येतील? यासाठी जीआर काढून शैक्षणिक आणि अशैक्षणिक काम बाजूला करून कमीत कमी इतर काम शिक्षकांना दिली जातील. शासन निर्णयची कडक अंमलबाजवणी केली जाईल

केंद्र सरकारच्या धोरणाशी सुसंगत कार्यप्रणाली स्थानिक स्वराज्य संस्था आणि संस्थांच्या सहकार्याने वेगवेगळ्या भागांतून मलेरिया, डेंग्यू हद्दपार करण्यासाठी कंपनीचे धोरण

मुंबई, २२ एप्रिल २०२५ – दरवर्षी २५ एप्रिल रोजी जागतिक मलेरिया दिन साजरा केला जातो. जागतिक मलेरिया दिन काही दिवसांवर येऊन ठेपला असताना युपीएल एसएएस कंपनीने मलेरिया आणि डेंग्यूच्या समूळ उच्चाटनासाठी सर्वतोपरि प्रयत्न करित असल्याचे आश्वासन दिले आहे. कंपनीने केंद्र सरकारच्या आरोग्याविषयक धोरणांतून तसेच उपाययोजनांतून डेंग्यूसारख्या जीवघेण्या आजारावर आळा घालण्यासाठी तत्परता दर्शवली. केंद्र सरकारच्या राष्ट्रीय मलेरिया निर्मूलन आराखडा आणि राष्ट्रीय मलेरिया निर्मूलन धोरणात्मक योजना यांसारख्या सर्वसमावेशक धोरणांना पाठिंबा देण्यासाठी हे महत्त्वाचे पाऊल मानले जाते. येत्या दोन वर्षांत २०२७ पर्यंत देशातून मलेरियाची एकही केस सापडता कामा नये, हे केंद्र सरकारचे लक्ष्य आहे.

युपीएल एसएएस कंपनी देशभरातील महानगरपालिकांच्या सहकार्याने जनजागृतीपर कार्यक्रमांचे नियोजन करत आहे. मलेरियाच्या केसेसवर नियंत्रण यावे म्हणून कंपनीने शहर आणि ग्रामीण भागात वेगवेगळे प्रकल्प राबवण्यावर भर दिला आहे. गुजरात येथील उदवाडा गावात डासांमुळे होणारे आजार कमी करण्यासाठी क्लीन एण्ड ग्रीन चॅरिटेबल ट्रस्टसोबत कंपनीने डासांच्या उत्पत्तीची उगमस्थाने नष्ट करण्याचा प्रकल्प हाती घेतला. तेलंगणा राज्यातील हैदराबाद शहरातील ग्रेटर हैदराबाद महानगरपालिकेसह विविध कार्यक्रमांचे नियोजन यशस्वीरित्या अंमलात आणले गेले.

गुजरात आणि तेलंगणा राज्यातील डासांमुळे होणारया आजारांवर नियंत्रण आणण्यासाठी कंपनीने अथक परिश्रम घेतले. दोन्ही प्रकल्पांमध्ये डासांची उत्त्पत्ती आणि संबंधित आजार कमी होत असल्याचे निदर्शनास आले. या दोन यशस्वी प्रकल्पानंतर युपीएल एसएएस कंपनीचे सर्व स्तरांतून कौतुक होत आहे. गुजरात, तेलंगणा या राज्यांसह कंपनी आता महाराष्ट्र आणि कर्नाटक सरकारसबोत मलेरिया, डेंग्यूसारख्या आजारांवर नियंत्रण मिळवण्यासाठी विविध कार्यक्रम आखण्याच्या तयारीत आहे. या दोन्ही राज्यांसोबत नव्या प्रकल्पाला सुरुवात झाल्यास कंपनीला शहरी आणि ग्रामीण भागांत राहणा-या लोकांचे जीवनमान सुधारण्यास अधिक प्रखरतेने योगदान देता येईल. सार्वजनिक आरोग्य क्षेत्रात आमूलाग्र बदल घडवण्याचे कंपनीचे मूळ उद्दिष्ट सफल होईल.

कंपनीच्या वाढत्या कार्याचा मुख्य कार्यकारी अधिकारी आशिष डोभाल यांनी आढावा घेतला. ते म्हणाले, ‘‘ आम्ही सुरु केलेली सार्वजनिक आरोग्य मोहिम ही व्यापक क्षेत्रात सुरु आहे. ही मोहिम केवळ शेतीपुरतीच मर्यादित नसून, आम्ही विविध समूहांचा उद्धार आणि पर्यावरणाची काळजी घेण्यासही कटिबद्ध आहोत. केंद्र सरकारच्या आरोग्यविषयक धोऱणांना पाठिंबा देणे, सर्व भारतीयांसाठी निरोगी आणि सुरक्षित जीवनशैली निर्माण करणे हे आमचे उद्देश आहे. म्हणूनच आम्ही डास नियंत्रणासाठी विश्वासार्ह आणि प्रभावी उपाययोजना अंमलात आणली आहे. या उपाययोजनांमुळे कोट्यावधी भारतीयांचे जीवनमान सुधारेल. या बदलांसाठी स्थानिक प्रशासन आणि समुदायांचे सहकार्य गरजेचे आहे. तरच आपल्याला ख-या अर्थाने मलेरिया आणि डेंग्यूमुक्त भारताच्या दिशेने आपली यशस्वी वाटचाल करता येईल.’’

या नवनव्या उपक्रमांबद्दल तसेच कंपनीच्या विस्तारीत कार्याबद्दल कंपनीच्या सार्वजनिक आरोग्य व्यवसायाचे प्रमुख श्री. सुब्रतो पल यांनी माहिती दिली. ते म्हणाले,‘‘ डासांची उगमस्थाने आणि अळ्या नष्ट करणे आणि डासांच्या उत्त्पत्तीवर नियंत्रण ठेवणे हेच कंपनीचे मुख्य धोरण आहे. या धोरणाशी आमच्या भागदारकांनीही सहमती दर्शवली आहे. म्हणूनच आम्ही प्रकल्पाच्या सुरुवातीलाच डासांच्या उत्त्पत्तीची ठिकाणे नष्ट करण्यावर भर देतो. युपीएल एसएएस डासांच्या अळ्या नष्ट करण्यासाटी हरित रसायनाचा वापर करणार आहे. हे रसायन देशात पहिल्यांदाच वापरले जाईल. डासांच्या उत्त्पत्तीला नष्ट करणारे हे अनोखे हरित रसायन जागतिक आरोग्य संघटनेकडून मान्यताप्राप्त असून, या रसायनाच्या वापराने मानवी आरोग्याला कोणताही धोका पोहोचत नाही. या रसायनाच्या वापराने पिण्याचे पाणीही सुरक्षित राहते. तलाव, विहिरी, वाहत्या पाण्याचा जलस्त्रोत, टाक्या, घर तसेच सार्वजनिक ठिकाणी असलेल्या पाण्याच्या स्त्रोतात हे रसायन वापरता येईल. डासांची संख्या नियंत्रणात आल्यास डेंग्यू आणि मलेरियामुळे पसरणा-या आजारांची संख्याही आपोआप आटोक्यात येईल. या आजारांचा प्रसार रोखणे हेच कंपनीचे उद्दिष्ट आहे.’’

युपीएल एसएएसद्वारे डासांची उगमस्थाने असलेल्या जागांवर थंड धुरी देणारी यंत्रे वापरली जातात. धुरी देणारी यंत्रे वापरताना वायू प्रदूषण होणार नाही अशा रितीने डिझाईन केली आहेत. ही यंत्रे हाताळायला सोप्पी आहेत, शिवाय या यंत्रांसाठी ऊर्जाही कमी लागते. हे उपाय जागतिक आरोग्य संघटना आणि राष्ट्रीय रोगवाहक नियंत्रण कार्यक्रम या दोन्हींद्वारे मंजूर केलेल्या सूत्रीकरणावर आधारलेले आहेत. या उपाययोजनांमुळे जलपरिसंस्था, मनुष्य आणि प्राणीही सुरक्षित राहतात.

या सर्व उपाययोजना युपीएल एसएएसच्या पर्यावरण संरक्षण आणि शाश्वत विकासाच्या व्यापक धोरणाला अधोरेखित करतात. या योजनांच्या अंमलबजावणीमुळे आता मनुष्याला निरोगी आणि सुरक्षित परिसंस्थेत आरामदायी जीवन जगता येणे शक्य आहे.