डिजिटल पेमेंट जागरूकता आणणाऱ्या ट्रेन-द-ट्रेनर मॉडेल अंतर्गत निवडक एनजीओजमधील
200 हून अधिक व्यक्तींना प्रशिक्षण देणे

मुंबई: एनपीसीआय भीम सर्व्हिसेस लि. (NBSL) द्वारे समर्थित भारताचे प्रमुख डिजिटल पेमेंट ॲप भीम हे फिन टेक यात्रा 2025 चे प्रमुख भागीदार म्हणून सहभागी झाले आहेत. फिन टेक यात्रा हा 10,000 किमी लांबीचा मोठा प्रवास आहे, ज्याचा उद्देश देशभरातील विविध वित्तीय सेवांमधील प्रमुख कंपन्यांना ओळखणे, ते समजून घेणे आणि त्याच्या प्रगतीसाठी काम करणे हे आहे. समुदायांचे सक्षमीकरण करून आर्थिक समावेशनाला चालना देत भारताच्या डिजिटल पेमेंट क्रांतीला गती देण्याचे या धोरणात्मक सहकार्याचे उद्दिष्ट आहे.

या सहकार्याचा एक भाग म्हणून, निवडक एनजीओ मधील 200 हून अधिक व्यक्तींना ट्रेन-द-ट्रेनर मॉडेल अंतर्गत प्रशिक्षित केले जाईल. यासोबतच डिजिटल पेमेंट जागरूकता पसरवण्यासाठी त्यांना ज्ञान आणि अन्य साधनाने सुसज्ज केले जाईल. तळागाळातील प्रशिक्षकांना सक्षम बनवत डिजिटल पेमेंटचे हे फायदे देशातील सर्वात दुर्लक्षित आणि दुर्गम भागात पोहोचण्याची खात्री हा उपक्रम करतो.

या भागीदारीबद्दल बोलताना, NBSL चे मुख्य व्यवसाय अधिकारी राहुल हांडा म्हणाले, “भीमची फिनटेक यात्रा 2025 सोबतची भागीदारी डिजिटल अंतर मिटवण्यासाठी तसेच नागरिकांना सुरक्षित आणि कार्यक्षम डिजिटल पेमेंट सोल्यूशन्सबद्दल शिक्षित करण्याच्या दिशेने एक महत्त्वाचे पाऊल आहे. हा उपक्रम आर्थिकदृष्ट्या सर्वसमावेशक आणि डिजिटली सशक्त भारत निर्माण करण्याच्या आमच्या ध्येयाशी सुसंगत आहे. या भागीदारीमुळे फिनटेक इकोसिस्टम मजबूत करण्यासाठी मिळणाऱ्या संधींबद्दल आम्ही उत्साहित आहोत.”

भारताला डिजिटलदृष्ट्या स्वतंत्र बनवण्यासाठी फिनटेक यात्रा 2025 ही एक चळवळ आहे. हे एक व्यासपीठ आहे जे स्टार्ट-अप सारखे नवोपक्रम पुरवणाऱ्या आणि वित्तीय संस्था, भांडवलदार आणि मोठे कॉर्पोरेट्स यांसारख्या नावीन्याची आवड असलेल्या इच्छुकांमध्ये संबंध प्रस्थापित करते. अनेक शहरांना भेटी देऊन, फिनटेक इनोव्हेटर्ससोबत बोलून, आणि BHIM सारख्या प्लॅटफॉर्मसह सहयोग करून, ही अनोखी यात्रा संपूर्ण देशात अखंड आणि सुरक्षित डिजिटल पेमेंटचा अवलंब करण्यासाठी तयार आहे.

द फिनटेक मीटअपचे संस्थापक अभिशांत पंत म्हणाले, “भीम सोबतची आमची भागीदारी यंदाच्या या यात्रेतील एक प्रमुख आणि परिवर्तनकारी घटक आहे. UPI इकोसिस्टममध्ये BHIM चे सिद्ध नेतृत्व हे सुनिश्चित करते की आर्थिक समावेशता ही केवळ एक दृष्टी नाही तर देशभरातील लाखो लोकांसाठी वास्तव आहे. डिजिटल अर्थव्यवस्थेचा स्वीकार करण्यासाठी प्रत्येक भारतीयाला सक्षम बनवण्याचे आमचे एकत्रित ध्येय आहे. सुरुवातीच्या टप्प्यातील फिनटेक संस्थापकांना कल्पना प्रमाणीकरण, नेटवर्क सपोर्ट आणि व्हेंचर कॅपिटलच्या संदर्भात मार्गदर्शन पुरवण्याचा आमचा प्रयत्न आहे. जेणेकरुन वित्तीय सेवांमध्ये अधिक डिजिटल होण्यासाठी ते तयार होतील आणि इतरांनाही तयार करतील.”

कर्करोगाविषयीचे उपचार आणि पायाभूत सुविधांवर विशेष लक्ष द्यायला हवे

पुणे-अर्थसंकल्पात कर्करोगाच्या उपचारांसाठी सर्वसमावेशक दृष्टीकोन महत्त्वाचा आहे असे येथे सह्याद्रि हॉस्पिटल्स प्रायव्हेट लिमिटेडचे मुख्य कार्यकारी अधिकारी आणि संचालक अब्रारअली दलाल यांनी म्हटले आहे.

ते म्हणाले,’“आपण आता २०२५ च्या अर्थसंकल्पाच्या तयारीला लागलो आहोत. या बजेटच्या पूर्वतयारीच्या चर्चेत देशातील आरोग्य सेवेचा दर्जा उंचावण्यासाठी आवश्यक अत्याधुनिक सुधारणबद्दल आपल्याला जाणून घेणे महत्त्वाचे ठरेल.

यंदाच्या अर्थसंकल्पात कर्करोगाच्या उपचारांसाठी सर्वसमावेशक दृष्टीकोन महत्त्वाचा ठरेल. आरोग्य सेवेतील तरतुदींत टायर २ आणि टायर ३ शहरांतील कर्करोगाविषयीचे उपचार आणि पायाभूत सुविधांवर विशेष लक्ष द्यायला हवे. कर्करोगाच्या उपचारांसाठी अत्याधुनिक सोयीसुविधा, व्यापक तपासणी आणि रुग्णांना आवश्यक असलेल्या सर्वतोपरी काळजी आदी घटकांचा विचार केला जावा जेणेकरुन रुग्णांचे जीवनमान आणि रुग्णसेवेचा दर्जा उंचावेल. त्याशिवाय वैद्यकीय उपचारांत अत्याधुनिक सेवा उपलब्ध होण्याकरिता कर्करोग रेडिएशन उपकरणांवरील सीमा शुल्क आणि सर्वसामान्य करप्रणालीत (जीएसटी) घट व्हायला हवी. यामुळे अत्याधुनिक आरोग्य सेवेकरिता भारताचा जगभरात नावलौकिक होण्यास मदत होईल.

रुग्णालयाचा दैनंदिन कारभार सुरळीत चालू राहण्यासाठी आवश्यक असणा-या वस्तू आणि सेवा खरेदीवरील सर्वसामान्य कर (जीएसटी) कमी होईल, ही आम्हां सर्वांना आशा आहे. रुग्णांना आरोग्य सेवांवरील जीएसटी सवलतींचा फायदा मिळतो. मात्र रुग्णालयीन प्रशासनाला रुग्णालयातील आवश्यक खरेदी आणि विक्रेत्यांच्या आर्थिक बिलांवर जीएसटीत सूट मिळत नाही. परिणामी, रुग्णालयांना आर्थिक भार सहन करावा लागतो. जीएसटी खर्चाचा थेट परिणाम रुग्णालयाच्या दैनंदिन कार्यक्षमतेवर होतो. रुग्णालयात आवश्यक असलेले अत्याधुनिक वैद्यकीय तंत्रज्ञान, पायाभूत सुविधा आणि प्रशिक्षण यांसारख्या आवश्यक घटकांवर आम्हांला गुंतवणूक करताना मर्यादा येतात. यामुळे रुग्णालयांसाठी जीएसटी दरात कपात केल्यास आर्थिक ताण नक्कीच कमी होईल आणि आम्हांला रुग्णांना परवडणा-या बजेटमध्ये सर्वोत्कृष्ट उपचार देता येतील.

वैद्यकीय कर्मचा-यांची कमतरता हा देखील एक गहन प्रश्न आहे. सरकारने वैद्यकीय शिक्षणासाठी निधी तसेच स्कॉलरशिप उपलब्ध करुन द्यावी. वैद्यकीय शिक्षणाच्या अधिकाधिक संधी उपलब्ध करुन द्यावात तसेच आरोग्य सेवेतील कामकाजांच्या ठिकाणीही सर्व सोयीसुविधा उपलब्ध असाव्यात. टायर २ आणि टायर ३ शहरांत मोबाईल क्लिनिक आणि कम्युनिटी हेल्थ प्रोग्राम सुरु केल्यास आरोग्य सेवा तत्परतेने उपलब्ध तर होईल. त्याशिवाय अनेकांना आरोग्याची निगा राखण्यासाठी प्रतिबंधात्मक उपाययोजनांची तपशीलवार माहिती या केंद्रांमधून मिळू शकेल. 

या सर्व घटकांचा विकास करताना वैद्यकीय पर्यटनाची वृद्धी देखील व्हायला हवी. वैद्यकीय पर्यटनाची  भरभराट झाल्यास निश्चितच आर्थिक सुबत्ता येईल. त्याशिवाय भारत जगभरात उत्तम वैद्यकीय सेवा पुरवणारा देश म्हणून उदयास येईल.

जीडीपी उत्तप्पन्नातून मिळणा-या रकमेतून २.५ टक्के गुंतवणूक आरोग्य क्षेत्रात करण्याची बजेटमध्ये तरतूद करण्यात आली आहे. या वाढीव तरतुदीमळे आरोग्य क्षेत्रातील विकास साधणे शक्य होणार आहे.

हा अर्थसंकल्प सर्व भारतीयांसाठी मजबूत, सर्वसमावेशक आणि अग्रेषित विचारसरणीच्या आरोग्य सेवा प्रणालीला प्रोत्साहन देणारा ठरेल अशी अपेक्षा आहे. शिवाय या बजेटमधून आरोग्यसेवेतील सुलभता आणि समानता वाढवण्याची अनोखी संधी उपलब्ध होईल अशी आशा आहे.”

·         ग्राहकांना वेबसाइटवर बुकिंगची प्रक्रिया वेगाने पूर्ण करता येणार असून त्यासाठी वेळखाऊ डेटा एंट्री करावी लागणार नाही किंवा वेगवेगळ्या स्क्रीन्स उघडाव्या लागणार नाहीत.

·         पायोनियर एजंटिक एआय इनोव्हेशनमुळे गुंतागुंतीची डिजिटल कामे किमान मानवी हस्तक्षेपासह पूर्ण होणार

गुरुग्राम, २२ जानेवारी २०२५ – एयर इंडिया या भारतातील आघाडीच्या जागतिक विमानवाहतूक कंपनीने ईझेड बुकिंग ही आर्टिफिशियल इंटेलिजन्सवर (एआय) आधारित सुविधा सुरू केली आहे. या सुविधेच्या मदतीने ग्राहकांना वेबसाइटवरील त्यांची रिझर्व्हेशन्स सध्याच्या तुलनेत कमी स्टेप्समध्ये आणि टेक्स्ट पाठवून किंवा एआय एजंटशी प्रवासाच्या नियोजनबद्दल बोलून करता येणार आहे.

केवळ महाराजा क्लब, एयर इंडियाच्या लॉयल्टी प्रोग्रॅमच्या सदस्यांसाठी ही सुविधा खास उपलब्ध करण्यात आली असून या सुविधेमुळे ग्राहकांना एयर इंडियाच्या airindia.com या वेबसाइटवर तिकिट बुक करता येणार आहे. बुकिंग करताना ग्राहकांना वेगवेगळ्या कमांड्सचे पालन करण्याची किंवा स्क्रीन्समधून नॅव्हिगेट करण्याची गरज भासणार नाही. ईझेड बुकिंग सुविधा एयर इंडियाच्या ग्राहकांना सुधारित व सफाईदार अनुभव देण्याच्या प्रयत्नांचा एक भाग आहे.

ईझेड बुकिंगला बुद्धीमान ‘एजंटिक एआय’ टुल्सचा पाठिंबा लाभला आहे आणि हे टुल ट्रॅव्हल एजंटप्रमाणे ग्राहकाच्या गरजा ऐकून घेत त्यानुसार प्रवासाचे नियोजन करेल. ‘एजंटिक एआय’मुळे युजर्सना गुंतागुंतीचे काम मशिन लर्निंगच्या मदतीने मानवी हस्तक्षेपाशिवाय वेगाने करता येईल, तर नॅचरल लँग्वेज प्रोसेसिंग आणि ऑटोमेशन तंत्रज्ञानाच्या मदतीने निर्णय घेणे सोपे जाईल.

एयरलाइनच्या ग्राहकांसाठी डिजिटल चॅनेल्सवरील रिझर्व्हेशन करताना पेमेंट करण्यापूर्वी व तिकिट मिळवण्यापूर्वी प्रवासाचे तपशील भरणे, उपलब्ध पर्यायांतून निवड करणे विविध स्क्रीन्समधून नॅव्हिगेशन करणे, प्रवाशांविषयी माहिती भरणे इत्यादींचा समावेश असतो. ईझेड बुकिंगद्वारे ही प्रक्रिया कमीत कमी क्लिक्सद्वारे पूर्ण केली जाईल, शिवाय वेबसाइटवरील मल्टी- स्टेप्स कमी करून पेजेसमधून नॅव्हिगेट करण्याची गरज राहाणार नाही.

ईझेड बुकिंग कशाप्रकारे काम करते –

·         सोप्या आणि कमी स्टेप्स – ग्राहकांना त्यांच्या प्रवासाविषयक गरजा सोप्या, नैसर्गिक भाषेत मांडता येतील. उदा. त्यांना ‘Give me the first flight from Delhi to Mumbai tomorrow’ किंवा ‘I need to go to Chennai from Mumbai next Thursday and return on Friday’ असे प्रवासी एजंटशी बोलल्याप्रमाणे आपल्या गरजा सांगता येतील. ईझेड बुकिंगद्वारे तत्काळ संपूर्ण नियोजन उपलब्ध केले जाईल आणि युजर्सना गरजेप्रमाणे त्यात बदल करता येतील किंवा आहे तसेच मान्य करून तिकिट मिळवण्यासाठी पेमेंट करता येईल.

·         व्हॉइस इनपुट्स: प्रवाशांना टेक्स्ट एंटर करण्याऐवजी ईझेड बुकिंगशी बोलता येईल. यामुळे प्रवासाचा हेतू मांडण्यासाठी आणखी कमी प्रयत्न लागतील आणि मानवी संवाद साधल्यासारखा वाटेल.

·         कमीत कमी कमांड्सह बदल किंवा निवडीचे पर्याय – जर प्रवाशांना त्यांना देण्यात आलेले नियोजन पसंत नसेल, तर त्यांना अतिरिक्त माहिती देऊन सहजपणे त्यात बदल करता येतील व हे बदल टेक्स्ट अथवा व्हॉइस कमांड्सद्वारे सांगता येतील. यामध्ये व्हिज्युअल प्रेझेंटेशन आणि टेक्स्ट किंवा व्हॉइस ड्रिव्हनचे समीकरण साधल्यामुळे रिझर्व्हेशनची प्रक्रिया वेगवान होते. पर्यायाने ग्राहकाला सतत वेगवेगळ्या स्क्रीन्समधून आधी निवडलेले पर्याय परत परत भरत नॅव्हिगेट करावे लागत नाही.

‘ग्राहकांचा अनुभव उंचावण्यासाठी विकसित तंत्रज्ञानाचा लाभ करून देण्यासाठी व त्यांना सफाईदार व इंटेलिजंट डिजिटल इंटरफेज पुरवण्याच्या हेतूने आम्ही आमच्या वेबसाइटवर ईझेड बुकिंग उपलब्ध केले आहे. सुरुवातीला ही सुविधा लॉयल्टी प्रोग्रॅमच्या सदस्यांसाठी असेल. या क्षेत्रात सध्या आघाडीवर असलेल्या या उपक्रमाच्या मदतीने आम्ही आमच्या सर्व डिजिटल चॅनेल्सवर उदयोन्मुख ‘एजंटिक एआय’ क्षमता उपलब्ध करण्याच्या दिशेने प्राथमिक पावले उचलत आहोत. आम्हाला आशा आहे, की प्रवासी या सोप्या, वेगवान आणि सोयीस्कर ईझेड बुकिंग प्रक्रियेचा आनंद घेतील. या सुविधेमुळे आमच्या डिजिटल चॅनेल्सचे अस्तित्व आणखी मजबूत होईल,’ असे एयर इंडियाचे प्रमुख डिजिटल आणि तंत्रज्ञान अधिकारी डॉ. सत्या रामास्वामी म्हणाले.

अत्याधुनिक आर्टिफिशियल इंटेलिजन्स तंत्रज्ञानाच्या वापराचा एयर इंडियाला असलेला अनुभव ईझेड बुकिंग प्रक्रिया ग्राहकस्नेही करण्यात महत्त्वाचा ठरत आहे. ईझेड बुकिंग संकल्पनेच्या डिझाइनचे पेटंट प्रलंबित असून त्याला नुकताच ‘रेड डॉट डिझाइन कॉन्सेप्ट’चा पुरस्कार मिळाला असून तो सिंगापूरच्या रेड डॉट डिझाइन म्युझियममध्ये ठेवण्यात आला आहे.

ईझेड बुकिंगमुळे एयर इंडियाच्या ऑनलाइन ग्राहकांचा अनुभव उंचावणार असून त्यांना मे २०२३ मध्ये लाँच करण्यात आलेल्या एयर इंडियाच्या नाविन्यपूर्ण एआय- ड्रिव्हन चॅटबॉट ‘AI.g’ चा लाभ घेता येणार आहे. जागतिक विमान उद्योगाच्या पहिल्या जनरेटिव्ह एआय चॅटबॉटने ‘AI.g’ ने आतापर्यंत ७ दशलक्ष प्रवाशांच्या शंकांचे निरसन केले आहे. त्यात दररोज वेगवेगळ्या विषयांशी संबंधित ५०,००० प्रश्नांचा समावेश आहे. या चॅटबॉटमध्ये स्वायत्तपणे तब्बल ९७ टक्के प्रश्नांची उत्तरे दिली जातात, तर केवळ ३ टक्के प्रश्न मानवी एजंट्सकडे पाठवली जातात.

प्रवाशांना महाराजा क्लब वेबसाइटवर www.airindia.com लॉग इन केल्यावर टॉप नॅव्हिगेशन बारमध्ये ईझेड बुकिंग सुविधा दिसेल. एयर इंडियातर्फे पुढील काही आठवड्यांत ईझेड बुकिंग सुविधा मोबाइल वेबसाइट आणि मोबाइल अपवरही लाँच केले जाणार आहे.

·         जून २०२४ मध्ये सुरू झालेल्या टाटा टेक्नॉलॉजीज इनोव्हेंटने, मायक्रोसॉफ्ट आणि टाटा मोटर्सच्या सहकार्याने, भारतातील अभियांत्रिकी विद्यार्थ्यांना जनरेटिव्ह एआयचा वापर करून उत्पादन मूल्य साखळीत नवीन उपाय शोधण्यासाठी प्रेरित केले.

·         या हॅकॅथॉनमध्ये २६७ महाविद्यालयातील ९,३८९ विद्यार्थ्यांनी उत्साही सहभाग नोंदवला, ज्यामुळे २,५१६ अद्वितीय प्रकल्पांची निर्मिती झाली. हॅकॅथॉनचा समारोप २२ जानेवारी २०२५ रोजी टाटा टेक्नोलॉजीजच्या हिंजवडी, पुणे कॅम्पसमध्ये आयोजित डेमो डेच्या माध्यमातून संपन्न झाला.

·         पहिल्या तीन संघांना एकूण ४.५ लाख रुपयांचे रोख बक्षीस देण्यात आले, तर डेमो डेमध्ये सहभागी झालेल्या ३९ अंतिम स्पर्धकांना करिअरच्या संधी देण्यात आल्या.

·         टाटा टेक्नॉलॉजीज बिझनेस एक्सलन्स टीम आणि एसएमई (विषय तज्ञ) यांनी ११०० तासांहून अधिक जनरेटिव्ह एआय इनोव्हेशन प्रशिक्षण आणि मार्गदर्शनाची सुविधा दिली जेणेकरून प्रकल्प टीम/टिमला वास्तविक जगातील अनुप्रयोगांसाठी त्यांच्या कल्पनांचा विस्तार करण्यास मदत होईल.

पुणे,  २२ जानेवारी २०२५:

टाटा टेक्नोलॉजीज, एक जागतिक उत्पाद अभियांत्रिकी आणि डिजिटल सेवांची कंपनी, यांनी टाटा टेक्नोलॉजीज इनोवेंट हॅकाथॉनच्या दुसऱ्या पर्वाच्या यशस्वी समारोपाची घोषणा केली. जनरेटिव्ह एआयचा लाभ घेण्यावर लक्ष केंद्रित करून या हॅकाथॉनचे आयोजन मायक्रोसॉफ्ट आणि टाटा मोटर्सच्या सहकार्याने करण्यात आले होते. या हॅकाथॉनचा उद्देश भारतातील तरुण अभियांत्रिकी विद्यार्थ्यांना एक असे व्यासपीठ प्रदान करणे होता, जिथे ते उत्पादन क्षेत्रातील वा वास्तविक-जगातील आव्हानांना उत्तर देणाऱ्या उपाययोजना सादर करू शकतील. हा उपक्रम शैक्षणिक समुदायासोबतच्या कंपनीच्या सहभागामध्ये एक महत्त्वाचा टप्पा आहे, जो संपूर्ण भारतातील तरुण अभियांत्रिकी प्रतिभांमध्ये नवकल्पना आणि सर्जनशीलतेला प्रोत्साहन देतो आणि तरुणांसाठी अधिक चांगले करिअर घडवण्यास मदत होते. पहिल्या दहा संघांनी पुण्याच्या हिंजवडी येथील टाटा टेक्नोलॉजीजच्या मुख्यालयात डेमो डे मध्ये सहभाग घेतला, जिथे त्यांनी त्यांचे नाविन्यपूर्ण प्रोटोटाइप सादर केले आणि प्रेक्षकांना प्रभावित केले. अंतिम मूल्यांकन एक प्रतिष्ठित निर्णायक मंडळाने केले, ज्यामध्ये टाटा टेक्नोलॉजीजचे सीईओ आणि एमडी श्री वॉरेन हॅरिस, टाटा मोटर्स पॅसेंजर व्हेइकल्स लिमिटेड आणि टाटा पॅसेंजर इलेक्ट्रिक मोबिलिटी लिमिटेडचे मुख्य तंत्रज्ञान अधिकारी श्री स्वेन पटुश्का, मायक्रोसॉफ्टचे कार्यकारी संचालक – उत्पादन आणि समूह श्री प्रवीण पंचाग्नुला आणि सीओईपी तंत्रज्ञान विद्यापीठ, पुण्याचे कुलगुरू प्रा. सुनील भिरुद यांचा समावेश होता. टाटा सन्समधील ग्रुप इनोव्हेशनचे वरिष्ठ उपाध्यक्ष श्री. रवी अरोरा यांनी ज्युरींना मार्गदर्शन केले.

चंदीगड विद्यापीठ, मोहाली मधील विजेता संघ, कोडझेफायर, यांना अभियांत्रिकी उत्कृष्टतेसाठी शाश्वत साहित्य एकत्रीकरणासाठी ₹300,000 चे रोख पारितोषिक देऊन गौरविण्यात आले. थापर इन्स्टिट्यूट ऑफ इंजिनीअरिंग अँड टेक्नॉलॉजी पटियाला येथील स्पॅनगिट कोडरला कारमधील सुरक्षित अनुभवासाठी एआय–चालित आवाज रद्द करण्यासाठी ₹100,000 रोख बक्षीस मिळाले, आणि दुसरे पारितोषिक मिळाले. ₹50,000 चे तिसरे पारितोषिक प्लुटोला, श्री कृष्णा कॉलेज ऑफ इंजिनियरिंग अँड टेक्नॉलॉजी, कोईम्बतूर कडून त्यांच्या जनरेटिव्ह एआय साठी नेक्स्ट–जनरेशन इंटरएक्टिव्ह ग्राहक समर्थनासाठी देण्यात आले. मणिपाल युनिव्हर्सिटी जयपूर कडून हॅक्सएस ला त्यांच्या ऑटोमोटिव्ह उत्पादनासाठी एआय –चालित दोष विश्लेषणासाठी विशेष ज्युरी मान्यता प्रदान करण्यात आली. त्यांच्या प्रतिभेला आणि नवोन्मेषाला मान्यता देऊन, टाटा टेक्नॉलॉजीजने टॉप १० टीममधील ३९ टीम सदस्यांना त्यांचे अभियांत्रिकी पूर्ण केल्यानंतर कंपनीसोबत त्यांचे करिअर सुरू करण्याची संधी दिली, तसेच त्यांचे प्रकल्प वाढवत राहण्यासाठी सशुल्क इंटर्नशिपची संधी देखील दिली.

टाटा टेक्नोलॉजीज इनोवेंट डेमो डे सन्मान समारंभात टाटा टेक्नोलॉजीजचे सीईओ आणि एमडी, श्री वॉरेन हॅरिस म्हणाले: “टाटा टेक्नोलॉजीजचे दूरदृष्टीकोन ‘इंजीनियरिंगएबेटरवर्ल्ड’ आमच्या संपूर्ण इकोसिस्टमसोबत, ज्यामध्ये शैक्षणिक समुदाय देखील समाविष्ट आहे, सहकार्य करत स्मार्ट आणि शाश्वत ई-मोबिलिटी उपाय विकसित करण्याच्या आमच्या वचनबद्धतेला प्रतिबिंबित करते. मायक्रोसॉफ्ट आणि टाटा मोटर्ससोबतच्या सहकार्याच्या माध्यमातून, आम्ही विद्यार्थ्यांसाठी वास्तव जगातील आव्हानांची ओळख पटवली, ज्यांना जेनरेटिव एआयचा वापर करून नवीन उपाय विकसित करून सोडवले जाऊ शकते. मी या नवकल्पकांनी या समस्यांसाठी सुलभ आणि किफायतशीर उपाय लागू करण्याच्या पद्धतीने प्रेरित झालो आहे, ज्यामध्ये पुढच्या पिढीच्या तंत्रज्ञानासह उत्कृष्ट मानवी सर्जनशीलतेचा समावेश आहे. आम्ही शीर्ष टीम्सना त्यांच्या प्रकल्पांना पुढे नेण्यासाठी मदत करू.”

टाटा मोटर्स पॅसेंजर व्हेइकल्स लिमिटेड आणि टाटा पॅसेंजर इलेक्ट्रिक मोबिलिटी लिमिटेडचे मुख्य तंत्रज्ञान अधिकारी श्री स्वेन पटुश्का यांनी इनोवेंट डेमो डेच्या शेवटी आपला उत्साह व्यक्त केला: “मी ऑटोमोटिव व्हॅल्यू चेनमध्ये जेन एआयच्या उदयोन्मुख अनुप्रयोगांमुळे खूप रोमांचित आहे. डेमो डेवर युवा नवकल्पकांनी दाखवलेली सर्जनशीलता विलक्षण प्रेरणादायी आहे. टाटा टेक्नोलॉजीजसोबत, मी या प्रकल्पांपैकी काहींचे वास्तविक जगातील अनुप्रयोगांसाठी समर्थन करण्यासाठी उत्सुक आहे.”

श्री. प्रविण पांचाग्णुला, कार्यकारी संचालक – मॅन्युफॅक्चरिंग आणि कंग्लोमरेट्स, मायक्रोसॉफ्ट म्हणाले, “टाटा टेक्नॉलॉजीजसोबत, उद्योगात AI-चालित परिवर्तनाचे नेतृत्व करण्यासाठी आपल्या अभियांत्रिकी प्रतिभेला सक्षम बनवण्यास आम्ही वचनबद्ध आहोत. मायक्रोसॉफ्टमध्ये, आम्ही सर्जनशीलता, सहकार्य आणि सातत्यपूर्ण शिक्षणाला महत्त्व देतो. इनोव्हेंट हॅकाथॉनमध्ये तरुण नवोपक्रमकर्त्यांनी जनरेटिव्ह एआय आणि मायक्रोसॉफ्ट अझ्युरच्या सहाय्यक परिसंस्थेचा उपयोग करून उत्पादन क्षेत्रासाठी प्रभावी उपाय तयार करण्याची क्षमता उघडताना पाहणे खरोखरच प्रेरणादायक आहे.”

युवा अभियांत्रिकी विद्यार्थ्यांमध्ये नवोपक्रमाची संस्कृती वाढवण्याचे महत्त्व अधोरेखित करताना, टाटा टेक्नोलॉजीजचे अध्यक्ष आणि मार्केटिंग आणि बिझनेस एक्सलन्सचे जागतिक प्रमुख श्री संतोष सिंह म्हणाले: “आजचे विद्यार्थी आज आणि उद्याच्या आव्हानांवर उपाय शोधतील. टाटा टेक्नोलॉजीजमध्ये, आम्ही नवोपक्रमाची संस्कृती प्रोत्साहन देण्यासाठी आणि तरुणांना जेन एआयसारख्या भविष्यासाठी तयार कौशल्यांनी सुसज्ज करण्यासाठी वचनबद्ध आहोत, ज्यामुळे ते आपले करिअर घडवू शकतील आणि सॉफ्टवेअर-डिफाइंड भविष्याची निर्मिती करू शकतील. या तरुण नवोपक्रमकांनी दाखवलेला उत्साह आणि सर्जनशीलता आमच्या अपेक्षांपेक्षा अधिक होती, ज्यामुळे सर्वांसाठी एक चांगल्या जगाच्या निर्मितीत नवोपक्रमाच्या सामर्थ्यावर आमचा विश्वास अधिक दृढ झाला आहे. आम्हाला आनंद आहे की आम्ही सर्व फायनलिस्टना नोकरीच्या संधी देऊ शकलो आणि भारतातील जेन एआय उत्साही लोकांची संख्या वाढवण्यासाठी मदत करू शकलो.”

टाटा टेक्नोलॉजीज विजेता टीमों को हार्दिक शुभेच्छा देते आणि सर्व सहभागींचे त्यांच्या उल्लेखनीय जनरल एआय नवकल्पनांसाठी आभार व्यक्त करते, ज्यामुळे टाटा टेक्नोलॉजीज इनोवेंट हॅकाथॉनच्या दुसऱ्या संस्करणाला भव्य यश मिळाले.