महा एनजीओ फेडरेशनच्या वतीने आयोजन

पुणे : कर्तृत्वाने स्त्री आपल्या सामर्थ्याची साक्ष देत असते. शिक्षण, विज्ञान, व्यवसाय, कला, क्रीडा आणि विविध क्षेत्रांत आजच्या स्त्रिया आपली वेगळी ओळख निर्माण करत आहेत. अशा कर्तृत्ववान महिलांचा सन्मान महा एनजीओ फेडरेशनच्या वतीने करण्यात आला. समाजाच्या विविध क्षेत्रांत उल्लेखनीय कार्य करणाऱ्या २५ सेवाव्रती महिलांना ‘राजमाता जिजाऊ पुरस्कार ‘ देऊन गौरव करण्यात आला.

माहेश्वरी विद्या प्रचारक मंडळ, मॉडेल कॉलनी येथे झालेल्या कार्यक्रमात स्वाती शेखर मुंदडा यांच्या हस्ते पुरस्कार प्रदान करण्यात आले. यावेळी कार्यक्रमाच्या अध्यक्षस्थानी महा एनजीओ फेडरेशनचे संस्थापक व महाराष्ट्र गोसेवा आयोगाचे अध्यक्ष शेखर मुंदडा उपस्थित होते. यावेळी महा एनजीओ फेडरेशनचे ज्येष्ठ संचालक मुकुंद शिंदे, संचालक योगेश बजाज,  विजय वरूडकर, अपूर्वा करवा व कोमल गांधी उपस्थित होते. कार्यक्रमाच्या यशस्वी आयोजनासाठी सागर पाटील, चेतन मराठे, चेतन शर्मा आणि रविंद्र चव्हाण यांनी विशेष योगदान दिले.

या सोहळ्यात किशोरी गद्रे, मनिषा सोनवणे, अलका गुजनाल, स्मिता गायकवाड, प्रीती मराठे, वैष्णवी पाटील, आदिती देवधर, सीमा सपकाळ, अनुराधा टल्लू, शिल्पा भट्टड, स्नेहल जगताप, सिद्धी क्षीरसागर, मीरा वानखेडे, चंद्रकला गावित, किरण माशाळकर, अनिता टापरे, डॉ. सोनाली शिंदे, डॉ. विनिता आपटे, डॉ. जान्हवी हासे, स्नेहा देव,  छाया अबक, सोनल डुंगरवाल, शीतल पाटील, अर्चना गुंडारे आणि अनुराधा भाटकर यांना सन्मानित करण्यात आले.

विजय वरूडकर यांनी कार्यक्रमाचे प्रास्ताविक केले. मुकुंद शिंदे यांनी स्वागत आणि आभार मानले.

आंतरराष्ट्रीय सहकार वर्षानिमित्त दि. २२ व २३ मार्च रोजी आयोजन

पुणे : पुणे जिल्हा आणि महाराष्ट्र राज्य सहकारी गृहनिर्माण संस्था आणि अपार्टमेंट्स महासंघ, सहकारी पतसंस्था महासंघ, सहकारी बँक महासंघ यांच्यावतीने महाराष्ट्रातील गृहनिर्माण संस्था आणि  अपार्टमेंट्स यांना मार्गदर्शन व सहकार्य मिळावे, यासाठी पुण्यात महाअधिवेशन आणि प्रदर्शनाचे आयोजन करण्यात आले आहे. शनिवार दिनांक २२ आणि रविवार दिनांक २३ मार्च रोजी सकाळी १० ते ८ यावेळेत स्वारगेट जवळील गणेश कला क्रीडा मंच येथे मेळावा आयोजित करण्यात आला आहे, अशी माहिती महासंघाचे अध्यक्ष सुहास पटवर्धन यांनी पत्रकार परिषदेत दिली.

पत्रकार परिषदेला महासंघाचे सर्व पदाधिकारी उपस्थित होते.

सहकार मंत्रालय केंद्र आणि राज्य, महाराष्ट्र राज्य सहकारी बँक, पुणे व पिंपरी चिंचवड महानगरपालिका, पुणे आणि महाराष्ट्र राज्य सहकारी गृहनिर्माण संस्था महासंघ, पतसंस्था, बँका महासंघ, म्हाडा सिडको, रोटरी,लायन्स, एनएससीसी, अटल, पुणे पत्रकार संघ, क्रेडाई मेट्रो, ज्येष्ठ नागरिक संघ, महिला मंडळे, हास्य क्लब विविध शैक्षणिक संस्था, विद्यार्थी आणि इतर समविचारी संघटनांच्या सहकार्याने आयोजन करण्यात आले आहे.

या मेळाव्यात सहकारी गृहनिर्माण संस्थांसाठी पुर्नविकसन, स्वयं-पुर्नविकसन, घनकचरा, ओलासुका कचरा व्यवस्थापन, ई-चार्जिंग सुविधा, अपारंपरिक ऊर्जा सौर ऊर्जा  सोसायट्यांच्या खरेदी खत, मानीव हस्तांतरण, निवडणुका, तंटामुक्त सोसायटी, टँकर मुक्त संस्था,सहकार मित्र, सहकार संवाद आॅनलाईन पोर्टल,बिगर शेती कर, सायबर क्राईम,  सीसीटिव्ही, रेन वॉटर हार्वेस्टिंग, कृत्रिम बुद्धिमत्ता, सदनिका खरेदी, विक्री, भाड्याने देणे, संस्थांमधील पाळीव प्राणी,सहकारातील असहकार, उदासीनता  इत्यादि विषयांवर चर्चासत्र, परिसंवाद आणि प्रदर्शन आयोजित करण्यात आले आहे. तसेच, ग्रीन सोसायटी पुरस्कार आणि स्पर्धांचे आयोजनही करण्यात आले आहे. म्हाडा ,सिडको प्राधिकरण संबंधित सहकारी संस्थांच्या समस्यांवर विशेष सत्र घेतले जाणार आहे.

दिनांक २२ मार्च हा जागतिक जलदिन आणि २३ मार्च हा जागतिक हवामान दिन, शहीद दिन आहे. या दोन्ही दिवसांचे औचित्य साधून अनेक उपक्रम हाती घेण्यात येणार आहेत. या वेळी एनसीयुआय दिल्ली आणि सहकार विभाग केंद्र, राज्य यांचे साहाय्यानेई गर्व्हनस, आॅनलाईन टेÑनिंग, इलेक्शन अ‍ॅप, डिम्ड कव्हेयन्स, सेल्फ रिडेव्हलपमेंट पुस्तकांचे अनावरण करण्यात येणार आहे.

पुणे आणि महाराष्ट्रातील सर्व सहकारी गृहनिर्माण संस्था, सोसायटीचे पदाधिकारी आणि सदस्यांनी  तसेच समाजातील विविध घटकांनी या संधीचा लाभ घ्यावा, असे आवाहन आयोजकांकडून करण्यात आले आहे. अशा प्रकारे गृह संस्था अप्पर्टमेंट्स विषयीच्या सर्व घटकांना एकत्र आणणारे संपूर्ण महाराष्ट्र किंवा देशातील नव्हे तर जगातील पहिले महा अधिवेशन आहे.

महाअधिवेशनाकरिता पंतप्रधान नरेंद्र मोदी, केंद्रीय सहकार मंत्री अमित शहा ,केंद्रीय सहकार राज्यमंत्री मुरलीधर मोहोळ, खासदार शरदचंद्र पवार, मुख्यमंत्री देवेंद्र फडणवीस, उपमुख्यमंत्री एकनाथ शिंदे, पालकमंत्री अजित पवार, सहकार मंत्री बाबासाहेब पाटील, सहकार राज्य मंत्री डॉ. पंकज भोयर, महसूल मंत्री चंद्रशेखर बावनकुळे, सांस्कृतिक माहिती आणि तंत्रज्ञान मंत्री आशिष शेलार, आमदार प्रवीण दरेकर, आमदार रोहित पवार, केंद्रीय सहकार सचिव नॅशनल को आॅपेरेटिव्ह युनियन आॅफ इंडियाचे अध्यक्ष दिलीप सिंघानिया, मुख्य कार्यकारी अधिकारी डॉ. सुधीर महाजन, सावित्री सिंघ, डॉ. सागर वाडकर, राष्ट्रीय सरकारी संघ , नवी दिल्ली, नॅशनल कोआॅपरेटिव्ह हौसिंग फेडरेशनचे अध्यक्ष आमदार बीजय कुमार सिंग, कार्यकारी अध्यक्ष एन.एस.मेहरा, विद्याधर अनास्कर,  डॉ. नीलम गो-हे ,खासदार सुप्रिया सुळे, माजी खासदार वंदना चव्हाण, माधुरी मिसाळ, अदिती तट करे, अतुल सावे, पंकजा मुंडे, उदय सामंत, प्रवीण दराडे, दीपक तावरे, डॉ. राजेंद्र भोसले, डॉ. योगेश म्हसे, डॉ.सुहास दिवसे, शेखर सिंग, पुणे पोलीस आयुक्त अमितेशकुमार, पिंपरी चिंचवड पोलीस आयुक्त विनय कुमार चोबे, संदीप सिंग गिल, लाच लुचपत पोलीस आयुक्त संजीव कुमार सिंघल, काका कोयटे अ‍ॅड. सुभाष मोहिते, महाराष्ट्र राज्य सहकार विकास महामंडळ, वैकुंठ भाई मेहता राष्ट्रीय सहकारी व्यवसस्थापन संस्थेच्या संचालिका डॉ. हेमा यादव ,डॉ. विठ्ठलराव विखे पाटील सहकार प्रशिक्षण संस्थाचे पदाधिकारी, यशदा चे सह संचालक शेखर गायकवाड , कर्नल शशिकांत दळवी तसेच महाराष्ट्रातील सर्व आजी माजी खासदार, आमदार, पुण्यातील माजी महापौर, नगरसेवक इत्यादींना  निमंत्रित केले आहे. परदेशातील अनेक विद्यार्थी,तज्ञ व्यक्ती यांचाही या सर्व कार्यक्रमात आणि परिसंवादात सहभाग होणार आहे.    

पुणे-पिस्टल, काडतुसे बाळगणा-या अल्पवयीन मुलाला पुणे पोलिसांनी दारूवाला पुलाजवळ पकडले आहे. या संदर्भात पोलिसांनी सांगितले कि,’ दि.१६/०३/२०२५ रोजी एक विधीसंघर्षीत बालक वय १७ वर्षे हा दारुवालापुल चौकाजवळील नागझरी नाल्याजवळ संशयास्पद स्थितीत फिरत असुन त्यांचेकडे पिस्टलसारखे हत्यार आहे. अशी खात्रीशीर बातमी मिळाली असता वरिष्ठांचे मार्गदर्शनाखाली पोलीस उप-निरीक्षक जालिंदर फडतरे, व स्टाफ यांनी दारुवाला पुल चौकाजवळ नागझरीनाला येथे सापळा लावला होता.
त्यानुसार रात्रौ टिळक आयुवैदीक विद्यालयाचे पाठीमागील बाजुस नागझरी नाल्याजवळ आडोशाला संशयीत विधीसंघर्षीत बालक थांबल्याचे दिसल्यावरुन त्यास शिताफिने ताब्यात घेवुन त्याचे नाव पत्ता विचारले असता त्यांने नाव सांगुन त्यांची पंचांसमक्ष अंगझडती घेतली असता त्याचेकडे ५०,०००/- रु. किं. चा एक सिल्वर रंगाचा मॅग्झीन असलेला गावठी कट्टा व १०००/- रु. किं.चे दोन जिवंत काडतुसे मिळुन आल्याने सदर विधीसंघर्षीत बालकाविरुद्ध समर्थ पोलीस स्टेशन येथे गु.र.नं.५१/२०२५ भारतीय शस्त्र अधिनियम कलम ३(२५), महाराष्ट्र पोलीस अधिनियम १९५१ चे कलम ३७ (१) (३) सह १३५ प्रमाणे गुन्हा दाखल करण्यात आला असुन पुढील अधिक तपास करीत आहोत.
सदरची कामगिरी ही अपर पोलीस आयुक्त पश्चिम प्रादेशीक विभाग, प्रविणकुमार पाटील, पोलीस उप आयुक्त परि.१, संदीपसिंह गिल, सहा. पोलीस आयुक्त फरासखाना विभाग, श्रीमती अनुजा देशमाने, समर्थ पोलीस स्टेशनचे वरिष्ठ पोलीस निरीक्षक उमेश गित्ते यांचे मार्गदर्शनानुसार तपास पथकातील पोलीस उप निरीक्षक जालिंदर फडतरे, पोलीस अंमलदार रोहीदास वाघेरे, इम्रान शेख, रहीम शेख, अमोल गावडे, शिवा कांबळे, कल्याण बोराडे, भाग्येश यादव यांनी केली.

पुणे- इन्स्टाग्राम या सोशल मिडीयावर मॉर्फीग केलेले न्यूड फोटो व्हायरल करण्याची धमकी देवून खंडणी मागणा-या १९ वर्षीय बिहारी तरुणाला अ वानवडी पोलीसांनी अटक केली आहे. या संदर्भात पोलिसांनी सांगितले कि,’पिडीत महिला यांचे अनोळखी इसमाने त्यांचे फोटो व नाव वापरुन इन्स्टाग्राम आयडी तयार करून त्याने फोटो व इन्स्टाग्राम आयडी डिलीट करण्यासाठी २,०००/-रु.ची मागणी केली. पैसे दिले नाहीतर फोटो मॉर्फीग केलेले न्यूड फोटो व्हायरल करण्याची धमकी दिली होती. परंतु त्यास पैसे न दिल्याने त्याने फिर्यादी यांचे भावाचे इन्स्टा आयडीवर मॉर्फीग केलेले फिर्यादी यांचे न्युड फोटो पाठविले व आणखी फोटो पाठवयाचे नसेल तर इन्स्टाग्रामवर मॅसेस करुन पैशाची वारंवार मागणी केली म्हणून अनोळखी इसमांविरुध्द वानवडी पोलीस ठाणे येथे गुन्हा रजि. नं. १०४/२०२५, भारतीय न्याय संहिता सन २०२३ चे कलम ७७,७८,७९,३०८(२), आय.टी अॅक्ट ६६ (सी), ६७ प्रमाणे गुन्हा दाखल आहे.
दाखल गुन्हयाचे तपासाचे अनुषंगाने तपास करुन वानवडी पोलीस ठाणे कडील सायबर टिम मधील पो.हवा. अमोल पिलाणे व अतुल गायकवाड यांनी त्याबाबत सोशल मिडीयावरुन माहिती प्राप्त करुन निष्पन्न आरोपी रघुवर बलराम चौधरी, वय. १९ वर्षे, रा. अंबिका जनरल स्टोअर्स बाजूला, शिंदेवस्ती, हडपसर, पुणे, मूळ बिहार यास निष्पन्न केले. त्याचा शोध घेऊन त्यास सोबतच्या स्टाफच्या मदतीने ताब्यात घेऊन त्याचेकडे अधिक चौकशी करता तसेच त्याचे ताब्यातील मोबाईलची पाहणी करता त्याने गुन्हा केल्याचे निष्पन्न झाल्याने त्यास दि.१३/०३/२०२५ रोजी अटक करण्यात आलेली असून त्याची दि. १७/०३/२०२५ पर्यंत पोलीस कस्टडीचे रिमांड मंजूर आहे. दाखल गुन्हयाचा अधिक तपास पोलीस निरीक्षक (गुन्हे) श्री. गोविंद जाधव हे करीत आहे.
सदरची कारवाई ही पोलीस उप-आयुक्त, परिमंडळ ०५ पुणे शहर, डॉ. राजकुमार शिंदे, मा. सहा. पोलीस आयुक्त, वानवडी विभाग, पुणे शहर श्री. धन्यकुमार गोडसे, व वरिष्ठ पोलीस निरीक्षक, वानवडी पो.स्टे. पुणे शहर श्री. सत्यजित आदमाणे, यांचे सुचना व मार्गदर्शनाखाली पोलीस निरीक्षक (गुन्हे) श्री. गोविंद जाधव, पोलीस उप-निरीक्षक आशिष जाधव व पोलीस अंमलदार अमोल पिलाणे, अतुल गायकवाड, सर्फराज देशमुख, सोमनाथ कांबळे व सुजाता फुलसुंदर या विशेष पथकाने केली आहे.

गुरुवार पेठेत प्रभात मित्र मंडळतर्फे शिवजयंती उत्सव ; शिवभक्तांनी व महिलांनी केली सामुहिक शिवआरती
पुणे : अयोध्येतील प्रभू श्रीराम मंदिराची प्रतिकृती असलेल्या दिमाखदार रथावर विराजमान झालेली छत्रपती शिवाजी महाराजांची सिंहासनाधिष्ठीत मूर्ती… रांगोळीच्या पायघडया व फुलांची उधळण…पारंपरिक वेशभूषेत सहभागी झालेल्या महिला… ढोल-ताशांचा गजर आणि मर्दानी खेळांचे सादरीकरण… अशा शिवमय झालेल्या वातावरणात शहराच्या पूर्व भागातील सर्वात मोठा शिवजयंती सोहळा उत्साहात पार पडला. गुरुवार पेठेतील प्रभात मित्र मंडळातर्फे आयोजित शिवजयंती उत्सवात मुख्य अयोध्या रथ हे यंदाचे मुख्य आकर्षण ठरले.

यावेळी कृषी उत्पन्न बाजार समितीचे पुणेचे उपसभापती दत्तात्रय पायगुडे, जनता सहकारी बँकेचे अध्यक्ष रविंद्र हेजीब, राजर्षी शाहू सहकारी बँकेचे अध्यक्ष शांताराम धनकवडे, भविष्य निर्वाह निधी आयुक्त अमित वशिष्ठ, मंडळाचे अध्यक्ष किशोर चव्हाण, सचिव उदय वाडेकर, खजिनदार सचिन भोसले, उत्सव प्रमुख नितीन घोगरे, अमोल व्यवहारे यांसह पदाधिकारी व कार्यकर्ते मोठया संख्येने उपस्थित होते. शिवजयंती उत्सवाचे यंदा ४१ वे वर्ष आहे.

मुख्य रथावरील शिवप्रतिमेचे पूजन मान्यवरांच्या हस्ते झाले. त्यानंतर फुलांची उधळण करीत स्थानिक महिला व कार्यकर्त्यांनी ठिकठिकाणी मिरवणुकीचे स्वागत केले. यावेळी विनोद आढाव यांच्या कसबा पेठेतील त्र्यंबकेश्वर मर्दानी आखाडामधील कलाकारांनी सादर केलेले मर्दानी खेळ पाहण्याकरीता पुणेकरांनी मोठी गर्दी केली होती. तसेच श्री गजलक्ष्मी ढोल-ताशा पथक व सोलापूर टेंभूर्णी येथील ओम श्री हलगी पथकाच्या तालावर उपस्थितांनी ठेका धरला. यावेळी केरळ येथील चेंदा मेलम वाद्यपथक हे उपस्थितांसाठी विशेष आकर्षक ठरले. यावेळी शिवभक्तांनी व महिलांनी सामुहिक शिवआरती देखील केली.

मंडळाचे अध्यक्ष किशोर चव्हाण म्हणाले, सार्वजनिक स्वरुपात शिवजयंती उत्साहात साजरी व्हायलाच हवी. मात्र, घराघरात शिवजयंती साजरी व्हावी, याकरीता मंडळ प्रयत्न करीत आहे. प्रत्यक्ष शिवजयंतीच्या दिवशी पारंपारिक पध्दतीने शिवजयंती साजरी होईल व घरोघरी शिवचरित्राचे वाचन होईल यासाठी मंडळाच्या माध्यमातून जागृती करण्यात येत आहे. याशिवाय परिसरातील नागरिकांकरिता व लहान मुलांकरिता देखील विविध स्पर्धांसारखे उपक्रम राबविण्यात आले आहेत.

आ. शिरोळे यांच्या लक्ष्यवेधीवर गृह राज्यमंत्र्यांचे आश्वासन

मुंबई : राज्यातील शहरी भागांतील सुरक्षा यंत्रणा अधिक मजबूत करण्यासाठी सीसीटीव्ही कॅमेऱ्यांसंदर्भात सर्वसमावेशक धोरण विकसित केले जाईल, असे आश्वासन गृहराज्यमंत्री योगेश कदम यांनी विधानसभेत दिले.आमदार सिद्धार्थ शिरोळे यांच्या लक्षवेधी सूचनेवर उत्तर देताना ते बोलत होते.

पुणे शहरात सुमारे दहा हजार सीसीटीव्ही कॅमेरे बसविण्यात आले आहेत. त्यात पोलीस विभाग, जिल्हा नियोजन, महापालिका, मेट्रो , एसटी, आणि इतर संस्था सीसीटीव्ही कॅमेरे बसवतात. मात्र, यापैकी अनेक कॅमेरे बिघडलेले आहेत. या सीसीटीव्ही कॅमेऱ्यांची देखभाल करणार कोण , याबाबत टाळाटाळ केली जाते. यातून सुरक्षिततेचे गंभीर विषय निर्माण होउ शकतात, याकडे आमदार शिरोळे यांनी लक्ष्यवेधी मांडताना लक्ष वेधले.

सर्व सीसीटीव्ही कॅमेर्यांची जबाबदारी पोलीस खात्याकडे सोपविली पाहिजेत आणि त्याच्या देखभालीसाठी एक सर्वसमावेशक धोरण असले पाहिजे अशी मागणी शिरोळे यांनी केली. रात्रीच्या वेळीही निगराणी राखता येईल असे उच्च तंत्रज्ञान वापरले जावे तसेच सॉफ्टवेअरमध्ये आर्टीफिशिअल इंटेलिंजन्सचा वापर कसा करता येईल, यासाठीही धोरण आखले जावे, अशीही सूचना शिरोळे यांनी केली. वाढते शहरीकरण लक्षात घेता पुण्या मध्ये अजून दहा हजार कॅमेरे बसवण्यात यावे अशी मागणी शिरोळे यांनी केली. गृह राज्यमंत्री योगेश कदम यांनी सकारात्मक भूमिका मांडली. सीसीटीव्ही बसवण्याबाबत एस ओ पी करण्यात येतील आणि पुणे शहरात ए आय युक्त कॅमेरे बसवण्यात येतील असेही आश्वासन त्यांनी दिले.

पुणे- सौ भारती प्रतापराव पवार(वय ७७ ) यांचे थोड्या वेळापूर्वी निधन झाले.सकाळ चे अध्यक्ष प्रतापराव पवार यांच्या त्या पत्नी होत . खासदार सुप्रिया सुळे यांच्या काकी होत .त्यांच्या मागे मुलगा अभिजित पवार ( सकाळ चे व्यास्थाप्कीय संचालक )मुलगी अश्विनी, सून नातवंडे असा परिवार आहे. उद्या मंगळवारी नवी पेठेतील वैकुंठ स्मशानभूमी येथे भारती पवार यांच्यावर अंत्यसंस्कार होणार आहेत.

औंधजवळील बालकल्याण संस्थेमध्ये त्या सुमारे ३५ वर्षे सक्रिय होत्या. तेथे त्या विश्वस्तही होत्या. बालकल्याण संस्थेतील प्रत्येक उपक्रमात त्या सहभागी होत. अनेक मुला-मुलींना त्यांनी तेथे चित्रकलेचे धडे दिले. तेथील अधिकारी, कर्मचाऱ्यांशीही त्यांचे जिव्हाळ्याचे संबंध होते. तसेच ‘सकाळ’ संचलित कोरेगाव पार्क आणि कोथरूड येथील अंधशाळेतही त्या विश्वस्त होत्या. तेथील अनेक उपक्रमांत त्या सहभागी होत.मूळच्या मुंबईतील असलेल्या भारती (अर्थात भारती श्रीपतराव पाटील) यांचे बालपण शिवाजी पार्क परिसरात गेले. त्यांचे शालेय शिक्षण तेथील बालमोहन विद्या मंदिरात झाले. रुईया महाविद्यालयातून त्यांनी कला शाखेची पदवी घेतली. चित्रकलेत त्यांचा हातखंडा असल्यामुळे पुढे त्यात त्यांनी पदव्युत्तर पदवी घेतली. त्यानंतर १९७० मध्ये त्यांचा प्रतापराव पवार यांच्याशी विवाह झाला.सामाजिक कार्याची आवड असल्यामुळे पुण्यात आल्यावर ‘सकाळ’च्या माध्यमातून त्या अनेक उपक्रमांत सहभागी होत.

पुणे-विविध मागण्यांसाठी महपालिका आयुक्तांच्या भेटीला आज महापालिकेत राष्ट्रवादी कॉंग्रेसचे शहर अध्यक्ष दीपक मानकर आले होते. पुणे शहरातील सध्यस्थितीत सुरु असलेली विकासकामे लवकरात लवकर पूर्ण करणे, प्रभागातील मुलभूत सुविधा जसे पाणी पुरवठा, सार्वजनिक शौचालय,ड्रेनेज, पावसाळी लाईन दुरुस्ती करणे, नागरिकांचे विविध प्रश्न या संदर्भात आयुक्त राजेंद्र भोसले यांची भेट घेत विस्तृत चर्चा करत निवेदन दिले. याप्रसंगी आयुक्तांनी सकारात्मक प्रतिसाद देत संबधित विभाग प्रमुखांना कामे मार्गी लावण्याबाबत सूचना केल्याचे राष्ट्रवादीच्या पदाधिकाऱ्यांनी सांगितले .

पुणे -गुलटेकडीतील मीनाताई ठाकरे वसाहतीत किरकोळ वादातून दोन गटात हाणामारी झाल्याची घटना घडली अाहे. याप्रकरणी परस्परविरोधी फिर्यादीनुसार खुनाचा प्रयत्न केल्याप्रकरणी दोन स्वतंत्र गुन्हे दाखल करण्यात आले असून, दोनजणांना अटक करण्यात आली असून या मारहाणीत तीनजण जखमी झाले असून, पसार आरोपींचा शोध पाेलीसांकडून घेण्यात येत आहे.

याबाबत केशव अनिल शिवशरण (वय २०, रा. मीनाताई ठाकरे वसाहत, गुलटेकडी) याने स्वारगेट पोलीस ठाण्यात फिर्याद दिली आहे. त्याने दिलेल्या फिर्यादीनुसार, रोहित सिंग, दर्शन सुतार, संकेत यांच्यासह पाच ते सहा जणांविरुद्ध गुन्हा दाखल करण्यात आला आहे. याप्रकरणी राेहित सिंग याला अटक करण्यात आली असून, आरोपींविरुद्ध यापूर्वी गु्न्हे दाखल झाले असल्याची माहिती पोलिसांनी दिली आहे. आरोपींनी केलेल्या मारहाणीत शिवशरण, राहुल ढोणे, अक्षय कांबळे हे जखमी झाले आहेत. पोलिसांनी दिलेल्या माहितीनुसार, आरोपी आणि तक्रारदार शिवशरण हे मीनाताई ठाकरे वसाहतीत राहायला आहेत. शिवशरण याने आरोपी सिंग याला दुचाकी बाजूला घेण्यास सांगितले. या कारणावरुन त्यांच्यात वाद झाला. या घटनेनंतर सिंग, सुतार आणि साथीदार तेथे आले. त्यांच्याकडे कोयते, बांबू होते. कोयते उगारून आरोपींनी दहशत माजविली. आरोपींनी शिवशरण, ढोणे, कांबळे यांना मारहाण केली. मारहाणीत तिघे जखमी झाले. सहायक पोलीस निरीक्षक राहुल कोलंबीकर तपास करत आहेत.

दरम्यान, रोहित सिंग (वय २८, रा. मीनाताई ठाकरे वसाहत, गुलटेकडी) याने परस्परविरोधी फिर्याद दिली आहे. त्याने दिलेल्या फिर्यादीनुुसार, अभय शेखापुरे, सचिन खुडे, सागर कदम, संतोष कांबळे यांच्यासह सात ते आठ जणांविरुद्ध गुन्हा दाखल करण्यात आला आहे. याप्रकरणी आरोपी सागर कदम याला अटक करण्यात आली आहे. आरोपींनी केलेल्या मारहाणीत दर्शन सुतार, संदेश मेश्राम जखमी झाले आहेत. सचिन माने याच्याबरोबर का फिरतो, अशी विचारणा करुन आरोपींनी मारहाण केली. आरोपींनी बांबू आणि फरशीच्या तुकड्याने मारहाण केली. मारहाणीचा प्रकार सुरू असताना भाचा दर्शन सुतार, संदेश मेश्राम तेथे आले. तेव्हा आरोपींनी त्यांना मारहाण केल्याचे सिंग याने फिर्यादीत सांगितले आहे.

मीनाताई ठाकरे वसाहतीत दोन गटात हाणामारी झाल्याची माहिती मिळताच परिमंडळ दोनच्या पोलीस उपायुक्त स्मार्तना पाटील, सहायक आयुक्त राहुल आवारे यांनी घटनास्थळी भेट दिली. पसार झालेल्या दोन्ही गटातील तीन आरोपींना अटक करण्यात आली असून, त्यांच्याबरोबर असलेल्या साथीदारांचा शोध सुरू असल्याची माहिती पोलिसांनी दिली.