पुणे मनपाचे सेवानिवृत्त कामगार भीमराव हिरामण सातपुते वय ८२ वर्षे यांचे ८ नोव्हेंबर रोजी दुःखद निधन झाले. त्यांच्या पश्च्यात त्यांची पत्नी २ मुले १ मुलगी सूना, नातवंडे व जावई आहे.
८ नोव्हेंबर रोजी सायंकाळी त्यांच्या पार्थिवावरती वैकुंठ येथे अंत्यसंकार करण्यात आले त्यावेळी त्यांचे कुटूंब तसेच सामजिक, राजकीय, सांस्कृतिक आणि शैक्षणिक क्षेत्रातील मान्यवरांनी हजेरी लावली होती.

पुणे :

नऱ्हे -आंबेगाव येथे पाच मजली इमारत कोसळल्याने पुण्यातील विकासाच्या भस्मासुराशी निगडीत अनेक प्रश्न समोर आलेले असल्याने नूतन मुख्यमंत्री यांनी हा अनियंत्रित भस्मासुर रोखण्यासाठी तातडीने पावले उचलावीत अशी मागणी ‘राष्ट्रीय समाज पक्ष’ आणि ‘सेव्ह पुणे इनिशिएटीव्ह’ संस्थे तर्फे करण्यात आली आहे .

अतिक्रमण काढणारी यंत्रणा जिल्हा प्रशासनाकडे येणे आवश्यक आहे असे हि मुख्यमंत्र्यांकडे केलेल्या मागणीत म्हणले आहे . राष्ट्रीय समाज पक्षाचे प्रवक्ते दीपक बिडकर आणि ‘सेव्ह पुणे इनिशिएटीव्ह’ संस्थेचे सचिव ललित राठी यांनी या मागणीबाबत माहिती दिली .

नव्याने बांधलेली, एक मजला अनधिकृत असलेली आणी कम्प्लिशन सर्टिफिकेट नसलेली पाच मजली इमारत कोसळल्यामुळे पुण्यातील वैध -अवैध बांधकामांचा वेग , त्यांना परवानग्या देणाऱ्यांची जबाबदारी ,इमारतींचे परीक्षण -गुणवत्ता नियंत्रण आणी अनियंत्रित विकासाचा भस्मासुरा संबंधी अनेक प्रश्न समोर आले आहेत

यापूर्वीही तळजाई पठार येथे अनधिकृत इमारत कोसळण्याची घटना घडलेली आहे . टेकड्यांवरील अतिक्रमण वाढत आहे . नव्याने समाविष्ट गावांमध्ये अतिक्रमण वाढत आहे . दुसरीकडे विकास आराखड्याशी संबंधित गोष्टी प्रलंबित आहेत.

जिल्हा प्रशासनाकडे अतिक्रमण काढण्यासाठी स्वतः ची यंत्रणा नाही ती मिळविण्यासाठी ‘सेव्ह पुणे इनिशिएटीव्ह’ ने मागील सरकार कडेही प्रयत्न केले होते . ती गरज पूर्ण करण्याचा आग्रह मुख्यमंत्र्यांकडे धरला जाणार आहे .

पुणे :
स्वातंत्र्यपूर्व काळात 1930 मध्ये पतियाळाचे राजे भूपिंदर सिंह यांनी महागडी “रोल्स रॉईस’ कार कचरा वाहतुकीसाठी ठेवली होती, त्याप्रमाणे घन कचरा वाहतुकीच्यासाठी राखीव निधीतून महागडी कार स्वतःसाठी घेण्याचा निर्धार करणारे पुण्याचे महापौर त्या गाडीचा कचरा निर्मुलनासाठी थोडा तरी उपयोग करतील का? असा सवाल “राष्ट्रीय समाज पक्षा’ने विचारला आहे. पक्षाचे प्रवक्ते दीपक बिडकर यांनी पत्रकाद्वारे हा उपरोधिक प्रश्न विचारला आहे.

पुण्याचा कचरा निर्मूलनाचा प्रश्न गंभीर आहे. उरळीचे डम्पिंग बंद होण्याच्या मार्गावर असताना नवी जागा डम्पिंगसाठी उपलब्ध होत नाही. अशावेळी कचरा शहरात वर्गीकृत करून त्यावर प्रक्रिया करणे हा सर्वात चांगला उपाय आहे. त्यासाठी कचरा वर्गीकरण, जन जागृती, प्रक्रिया या मार्गाचा आग्रह पालिकेने सर्व प्रभागात धरायला हवा होता. त्याऐवजी निधीची वर्गीकरणाद्वारे पळवा पळवी करून महागड्या कार खरेदी करण्याचा अवलंब महापौर आणि सत्ताधारी राष्ट्रवादी कॉंग्रेस करीत आहे. हे अत्यंत अनुचित आहे.

महागडी कार स्वताच्या पैशातून घेवून पालिकेला भेट देण्याची क्षमता असलेले नेते जनतेच्या पैशाची उधळ पट्टी का करतात? असा प्रश्नही राष्ट्रीय समाज पक्षाने विचारला आहे.

पतियाळाचे राजे भूपिंदर सिंह महाराजांनी ज्याप्रमाणे देशाचा आत्म सन्मान राखण्यासाठी महागडी “रोल्स रॉईस’ कार कचरा वाहतुकीसाठी ठेवली त्याप्रमाणे कचरा वर्गीकरणासाठी पुणेकर नागरिकांच्या कर रुपी निधीचा सन्मान राखण्यासाठी महापौर महागडी कार कचरा वाहतूक, कचरा निर्मुलनासंबंधी जनजागृती यासाठी वापरून आदर्श निर्माण करणार का? असा उपरोधिक सवाल या पत्रकात करण्यात आला आहे.

“महापौरांनी आपला हट्ट सोडून द्यावा किंवा किमान आठवड्यातील एक दिवस हि गाडी कचरा विषयक जनजागृतीसाठी वापरून निधीचा योग्य कारणासाठी उपयोग करून पापक्षालन करावे. कचरा वेचकांना आठवड्यातून एकदा कामाच्या ठिकाणावरून घरी सोडावे’ असा सल्लाही या पत्रकात देण्यात आला आहे.

शहरात वाढत जात असलेल्या डेंग्यू रुग्णांच्या आरोग्यासाठी पारधी समाज विकास संघटनेच्यावतीने नायडू रूग्णालयामधील रुग्णांना फळेवाटप करण्यात आली . पारधी समाज विकास संघटनेचे नेते यशवंत नडगम , संघटनेचे संस्थापक अध्यक्ष पुरुषोत्तम पवार , उपाध्यक्ष सुरेश चॉकलेट पवार , कार्याधक्ष भाऊसाहेब पवार , जावेद शिंदे , चेतन शिंदे , मीटर पवार , ताई पवार , गणेश थोरात , सतीश दाभाडे , अंजू पवार , सुनील गोरे , प्रमोद दाभाडे , तानाजी वाघमारे , संग्राम थोरात , संजना पवार आदी उपस्थित होते .

पुणे :

१३५ वर्षे परंपरा असलेल्या नवी पेठ विठ्ठल मंदिरात आज सामुदायिक तुलसी विवाह उत्साहाने संपन्न झाला . झाडे वाचवून पर्यावरण जपण्याचा संदेश यावेळी देण्यात आला . प्रमुख पाहुणे म्हणून ‘सेव्ह पुणे हिल्स इनीशिएटिव्ह’ चे संस्थापक आणि राष्ट्रीय समाज पक्षाचे प्रवक्ते दीपक बिडकर उपस्थित होते .

नवी पेठ विठ्ठल मंदिर ट्रष्ट चे अध्यक्ष श्रीकांत पवार ,सरचिटणीस सुभाष तोंडे ,नितीन नवले ,योगेश वराडे ,सुहास कुलकर्णी इत्यादी मान्यवर उपस्थित होते .

त्रिपुरारी पौर्णिमेनिमित्त काल ओकारेंश्र्वर मंदिर येथे त्रिपुरासुमाराचा वध सोहळा पार पडला.

यावेळी हा सोहळा पार पडल्यावर फटाक्यांची आकर्षक आतषबाजीही पुणेकरांनी अनुभवली. यावेळी तांडवनृत्य व दीपोस्तवाचेही आयोजन केले होते. त्याचीच काही क्षणचित्रे…….

पुणे लष्कर भागात नवा मोदीखाना भागात सर्व धर्मीय नागरिकांच्या सहभागाने सामुदायिक तुळशी विवाह थाटामाटात संपन्न झाला . पारंपारिक पद्धतीने हा विवाह सोहळा पार पडला . यावेळी तुळशीचा विवाहासाठी खाण्या मारुती मंदिराचे प्रविण महाराज यांनी मुहूर्तानुसार मंत्रोच्चारण करून दाराना तोरण लावून विद्यत रोषणाईची सजावट करण्यात आली होती. त्यांनतर पुरोहिताकरवी गणपती आणि मातृका पूजा करण्यात आली . यानंतर लक्ष्मी नारायणाची मूर्ती आणि तुळशीपत्रासोबत सोने आणि चांदीची तुळस आसनावर ठेवण्यात आली होती . त्यांनतर गोरज मुहूर्तावर देवाचे (वराचे ) पूजन करण्यात आले . मंत्रोच्चारासहित कन्येस ( तुळशीस ) दान करण्यात आले . यानंतर हवन आणि अग्नीभोवती सप्तपदी पूर्ण करण्यात आली . नंतर वस्त्रे आणि आभूषणे घालण्यात आली . शेवटी मंगलाष्टकांनी विवाह लावण्यात आला . यावेळी ” शुभमंगल सावधान ” चे सूर घुमले . यावेळी झेंडूंच्या माळांनी सजावट करण्यात आली होती . यावेळी मंगलाष्टका प्रविण महाराज यांनी गायली .

या सामुदायिक तुळशी विवाहामध्ये रुक्मिणी यादव , शोभा यादव , शारदा यादव , रंजना यादव , सोनाली भिंगवाड , कमल प्यारम , रतन गाडेकर , सुरेखा गाडेकर , मनकरना पुरम , नीता बंकेवार , लक्ष्मी यादव , कांचन कांबळे , छाया तांबे , अपर्णा कदम या प्रमुख महिलांनी मार्गदर्शनाखाली सामुदायिक तुळशी विवाह थाटामाटात संपन्न झाला . या विवाह सोहळ्यासाठी शशीधर पूरम , मोहनीश यादव , दिलीप प्यारम , राहुल यादव , सागर रैन्नक , विनोद यादव , दुर्गेश यादव , राजू लिंगवत यांनी विशेष परिश्रम घेतले . सर्वांनी शेवटी स्नेह भोजनाचा आस्वाद घेतला .

दिवाळीनिमित द रॉयल कॅनोट बोट क्लब आणि राजपाल इन्व्हेस्टमेंट यांच्या संयुक्त विद्यमाने ” भव्य बॉलीवूड नाईट ” उत्साहात संपन्न झाली . या बॉलीवूड नाईटमध्ये विविध प्रकारचे सांस्कृतिक कार्यक्रम संपन्न झाले . यामध्ये मराठी लावणी , लोकनृत्ये , हिंदी मराठी गीते झाली . या सांस्कृतिक कार्यक्रमाचा सर्वांनी आनंद घेतला . यामध्ये द रॉयल कॅनोट बोट क्लबचे चेअरमन गोपाल डावरा ,राजपाल इन्व्हेस्टमेंटचे चेअरमन अमितसिंग राजपाल , अजितसिंग राजपाल , संतसिंग मोखा , डॉ. प्रभाकर पालवे , लकी जगवानी , धनश्री कोतवाल , मुश्ताक जानी , बाळा हेगडे , किशोर पंजाबी , प्रकाश केदारी , प्रविण नाईक , रमेश ढोलेपाटील , रणजीत हुडा , रगबीर राजपाल , अड. अमर केन्त , द्वारका मित्तल , अड. गुलशन जोहर , सुनिता थदानी आदी मान्यवर सहभागी झाले होते .

यावेळी सर्वांचे स्वागत द रॉयल कॅनोट बोट क्लबचे चेअरमन गोपाल डावरा यांनी राजपाल इन्व्हेस्टमेंटचे चेअरमन अमितसिंग राजपाल , अजितसिंग राजपाल यांनी केले .