पुणे-

डेंग्यू मुक्त अभियान अंतर्गत पुणे कॅम्प मधील कुरेश नगरमध्ये कुरेश मेडिकल अन्ड एज्युकेशनल फ़ाउडेशनतर्फे २६८जणांची मोफत आरोग्य तपासणी शिबीर संपन्न झाले क़ुरेशी मस्जिदच्या सभागृहात झालेल्या या शिबीराचे उद्घाटन अप्पर पोलिस आयुक्त अब्दुल रेहमान यांच्याहस्ते फीत कापून करण्यात आले . यावेळी झेड.व्हि . एम. मल्टीस्पेशालिटी हॉस्पिटलचेप्रमुख डॉ युसुफ तळवी ,कुरेश मेडिकल अन्ड एज्युकेशनल फ़ाउडेशनचे अध्यक्ष हाजी सलाम कुरेशी ,उप्पाध्य्क्षआरिफ चौधरी ,सरचिटणीस हाजी अब्बास कुरेशी ,सहसचिव हाजी शकील कुरेशी ,खजिनदार असिफ शेख ,सदस्य हाजी झुल्फिकार कुरेशी ,अनिश कुरेशी ,अंजुम कुरेशी ,हारून रशीद कुरेशी ,हाजी कदिर कुरेशी ,हाजी फकीर मोहम्मद चौधरी ,झाकीर कुरेशी ,अझिम गुडाकुवाला आदी मान्यवर उपस्थित होते .
या आरोग्य शिबिरासाठी झेड.व्हि . एम. मल्टीस्पेशालिटी हॉस्पिटलनेविशेष सहकार्य केले.

पुणे-शिवसेनेचे ताथवडे-पुनावळे विभागप्रमुख राजेश ऊर्फ राजू सखाराम दर्शले यांचा खून प्रकरणी मुख्य आरोपी सचिन कुदळे याच्यासह त्याच्या दोन साथीदारांना कर्नाटकातील गुलबर्गा येथे अटक करण्यात आली आहे . त्यांच्याकडून दोन पिस्तूल ताब्यात घेण्यात आले आहेत. पूर्वीच्या प्रेमसंबंधास विरोध केल्याने कुदळे याने दर्शले यांचा खून केल्याचे पोलिसांच्या तपासात निष्पन्न झाले आहे. असे हिंजेवाडी पोलिसांचे म्हणणे आहे
सचिन सुदाम कुदळे (वय ३१, रा. माळवाडी-पुनावळे), शाहरूख ऊर्फ पाप्या रशिद शेख (वय २०, रा. भेलकेवाडी, भोर) आणि गौतम श्रीराम मोरे (वय ३३, रा. नेहरूनगर, विठ्ठलगनर, पिंपरी) अशी अटक करण्यात आलेल्या तीन आरोपींची नावे आहेत. दर्शले यांच्या खुनामध्ये प्रत्यक्ष सहभागी असलेले मोहन ऊर्फ बाबु जनार्दन मुजुमले (रा. जमदाडे चाळ, भुजबळवस्ती, वाकड) आणि प्रकाश डोंगरे (रा. डिलक्स टॉकिजजवळ, पिंपरी) या दोन आरोपींना लवकरच पकडण्यात येईल असे पोलिसांनी सांगितले.
शिवसेनेचे ताथवडे-पुनावळे विभागप्रमुख राजेश दर्शले यांचा १८ ऑक्टोबर रोजी रात्री सव्वा आठच्या सुमारास पुनावळे-जांबे रस्त्यावरील ईस्टेरा या बांधकाम साईटवर गोळ्या घालून निर्घृण हत्या करण्यात आली होती. या घटनेनंतर पोलिसांनी तेथे लावण्यात आलेल्या सीसीटीव्हीमधील फुटेज तपासले होते. त्यामध्ये भोर येथील गुन्हेगारी प्रवृत्तीचा शाहरूख ऊर्फ पाप्या शेखला पोलिसांच्या खबऱ्याने ओळखले. त्यानंतर पोलिसांना शाहरूखबद्दल अधिक माहिती घेतली असता तो , सचिन कुदळे आणि त्याचा मित्र आदर्श खुनाच्या घटनेच्या अगोदर व घटनेच्या दिवशी पुनावळे परिसरात आले असल्याची खात्रीशीर माहिती मिळाली. तसेच सचिन कुदळे हा एका खुनाच्या गुन्ह्यांमध्ये जेलमध्ये असताना मित्र आदर्शमुळे आरोपी शाहरूखबरोबर त्याची ओळख झाल्याचे पोलिसांच्या तापासात निष्पन्न झाले.
त्यानंतर पोलिसांनी भोरमध्ये जाऊन आरोपी शाहरूखची माहिती घेतली असता तो तेथे नसल्याचे व काळ्या रंगाची पल्सर मोटारसायकल वापरत असल्याची माहिती पोलिसांना मिळाली. पोलिसांनी त्याचा बीड, उस्मानाबाद, सातारा, वाई, पंढरपूर व सोलापूर येथे शोध घेतला. मात्र तो कर्नाटकातील गुलबर्गा येथे गेल्याची माहिती खबऱ्याकडून पोलिसांना मिळाली. त्यामुळे पोलिसांनी तेथील स्थानिक पोलिसांच्या मदतीने गुलबर्गा येथील डॉ. बाबासाहेब आंबेडकर चौकात सापळा रचून सचिन कुदळे, शाहरूख ऊर्फ पाप्या शेख आणि गौतम मोरे या तिघांना पकडले. या तिघांचीही झडती घेतली असता त्यांच्याकडे दोन पिस्तुल मिळाले.
या आरोपींच्याकडे अधिक चौकशी केली असता सचिन कुदळे याच्या सांगण्यावरून शाहरूख ऊर्फ पाप्या शेख, प्रकाश डोंगरे, बाबु मुजुमले या तिघांनी कट रचून शिवसेनेचे विभागप्रमुख राजेश दर्शले यांचा गोळ्या झाडून खून केल्याची कबुली दिली आहे. राजेश दर्शले यांनी पूर्वीच्या प्रेमसंबंधास विरोध केल्याने तसेच गावातील जमिनी बांधकाम व्यावसायिकांना विकसित करण्यास दिल्यामुळे व माथाडी कामगारांची कामे मिळू दिली नाहीत म्हणून त्याचा राग मनात धरून कुदळे यांनी त्यांचा खून केल्याचे तपासात पुढे आले आहे. याप्रकरणी कुदळे याच्यासह शाहरूख शेख, मोहन मुजुमले व प्रकाश डोंगरे यांच्या विरोधात खुनाचा गुन्हा दाखल करण्यात आला आहे. पोलिस निरीक्षक विश्वजित खुळे यांच्या नेतृत्वाखालील पथकाने दर्शले यांच्या खुनातील आरोपींना पकडले.

पुणे – ‘जात, पैसा आणि गुन्हेगारी हेच राजकारण झाले आहे. लोकांना हे बदलायचे आहे, जातीपातीचे बंध तोडायचे आहेत. परंतु, राजकारण्यांना हा बदल घडू द्यायचा नाही. गरिबांसाठी काम करणे हेच खरे राजकारण. आपल्या संस्कृतीचे ते तत्त्वज्ञान आहे, तेच जैन समाज करीत आहे,‘‘ असे गौरवोद्‌गार काढताना केंद्रीय रस्ते वाहतूक मंत्री नितीन गडकरी यांनी राजकारण्यांवर टीका केली.
बालेवाडी- म्हाळुंगे येथील छत्रपती शिवाजी क्रीडा संकुलात आयोजित “भारतीय जैन संघठन‘च्या राष्ट्रीय अधिवेशात ते बोलत होते. संघटनेचे संस्थापक शांतीलाल मुथा, खासदार अनिल शिरोळे, दिलीप गांधी, संजय काका पाटील, आमदार चैनसुख संचेती, संघटनेचे राष्ट्रीय अध्यक्ष प्रफुल्ल पारख आदी या वेळी उपस्थित होते. पुणे व अन्य जिल्ह्यांतील नवनिर्वाचित आमदारांचा या वेळी गडकरी यांच्या हस्ते सत्कार करण्यात आला.
गडकरी म्हणाले, “”शरीरावर शस्त्रक्रिया करायची तेव्हा चांगला डॉक्‍टर लागतो. निवडणूक आली की मात्र जातीचाच कोणी पाहिजे; परंतु कोणताही राजकारणी त्याच्या जातीचा उद्धार करीत नाही, असे माझे ठाम मत आहे. पंतप्रधान नरेंद्र मोंदींनी अशा राजकारणाला छेद दिला आहे. उत्तर प्रदेशमधील निवडणुकांमध्ये आम्हाला सवर्णांच्या जातीचे “कार्ड‘ही वापरता आले असते; परंतु आम्ही तसे केले नाही, कारण आम्ही जातपात मानत नाही.‘आपल्याकडे गरिबी, कुपोषण या समस्या अजूनही आहेत. देश “धनवान‘; पण जनता गरीब आहे, कारण चांगले काम करणाऱ्यांची संख्या कमी आहे. राजकारणीही समाजकारणाकडे दुर्लक्ष करतात. संघटनेच्या माध्यमातून तुम्ही केवळ जैनांसाठी नव्हे; तर अन्यही शोषित, पीडित समाजासाठी काम करीत आहात. धर्माची शिकवण सत्यात आणत आहात, या भावनेतून काम करीत राहिलात, तर समाज आणि देश बदलेल.‘‘
मुथा म्हणाले, ‘देशात चांगला बदल घडविण्याची क्षमता जैन समाजात आहे. आम्ही सेवा करण्यासाठी नेहमी पुढे असतो. गुजरात, किल्लारी, अंदमान यांसह विविध ठिकाणी उद्‌ध्वस्त झालेला प्रदेश पुन्हा उभा करण्याचे, शाळा उभारणीचे काम संघटनेने केले. मेळघाट, ठाणे जिल्ह्यातील आदिवासी क्षेत्रातील विद्यार्थी पुण्यात आणून त्यांना पदवीपर्यंत शिक्षण देण्याचे काम केले. सरकारकडून शिक्षण क्षेत्राकडे दुर्लक्ष होत असल्याने मूल्य शिक्षण आणि शाळा दर्जा सुधार कार्यक्रम संघटनेने सुरू केला आहे, ते “मोड्यूल‘ राष्ट्रनिर्माणासाठी देशातील सर्व राज्यांना देणार आहे.‘‘

(फाईल फोटो )
पुण्याच्या ससून रुग्णालयातच आणि परिसरातील अस्वच्छता पाहून डेंग्यूच्या डासांची उत्पततेची येथे होवू शकते असा निष्कर्ष काढून पुणे महापालिकेने ससून रुग्णालयाला नोटीस बजावली आहे . हि नोटीस बजावल्याने येथील रुग्णांसह , डॉक्टर , कर्मचारी आदींचे आरोग्य धोक्यात आल्याचे वृत्त , वुत्तवाहिन्यांनी दिले आहे दरम्यान यावर ससून रुग्णालयाचे प्रशासन आणि अधिष्ठाता यांचे म्हणणे समजू शकले नाही

पुणे- पुण्यातील न-हे-आंबेगाव येथे इमारत कोसळून एका तरुणाचा मृत्यू झाल्याप्रकरणी पोलिसांनी बिल्डर आणि जागामालकासह तिघांना शनिवारी अटक केली. त्यांच्याविरुद्ध सदोष मनुष्यवधाचा गुन्हा दाखल केला आहे. न्यायालयाने त्यांना सहा दिवसांची पोलिस कोठडी सुनावली.
किशोर पितांबर वडगामा (वय 48, रा. नऱ्हे गाव), रणजित संभाजी देसाई (वय 40, रा. सहकारनगर) आणि कैलास कृष्णा कंक (वय 48, रा. बिबवेवाडी) अशी अटक केलेल्यांची नावे आहेत.
नऱ्हे ग्रामपंचायतीच्या हद्दीत शुक्रवारी पहाटे तीनच्या सुमारास “पिताराम कॉम्प्लेक्‍स‘ ही इमारत कोसळून संगणक अभियंता संदीप दिलीप मोहिते (वय 29) यांचा मृत्यू झाला. शिवाय इमारतीत राहणाऱ्या नऊ कुटुंबांचे संसार उद्‌ध्वस्त झाले. या घटनेनंतर सिंहगड पोलिसांनी काल चौघांना चौकशीसाठी ताब्यात घेतले होते. त्यानंतर शनिवारी सदोष मनुष्यवधाचा गुन्हा दाखल करण्यात आला.
नऱ्हे ग्रामपंचायत हद्दीत बांधण्यात आलेल्या “पिताराम कॉम्प्लेक्‍स‘ची जागा रणजित देसाई आणि सीताबाई ज्ञानोबा रानवडे यांची आहे. त्या जागेवर व्ही. के. असोसिएट्‌सचे मालक किशोर वडगामा आणि प्रकाश रामचंद्र कंधारे यांनी इमारत बांधली. त्यांच्यासह आरसीसी डिझायनर डेलकॉन कंपनीचे बाळ कुलकर्णी आणि पिताराम कॉम्प्लेक्‍सचे आर्किटेक्‍ट, आरसीसी कन्सल्टंट, कंत्राटदार, बांधकाम साहित्य पुरवठादार आणि त्यांच्या सहाय्यकांची चौकशी करण्यात येत आहे. चौकशीनंतर या दुर्घटनेस जबाबदार प्रशासकीय अधिकारी, लोकप्रतिनिधी आणि संबंधितांवरही गुन्हा दाखल करण्यात येणार असल्याची माहिती पोलिस सूत्रांनी दिली.
पिताराम कॉम्प्लेक्‍समधील रहिवासी इमारत कोसळण्यापूर्वी वेळीच घराबाहेर पडल्याने एक तरुण वगळता सर्वांचे जीव वाचले. केवळ अंगावरील कपड्यानिशी बाहेर पडलेल्या रहिवाशांचे संसार उपयोगी साहित्य ढिगाऱ्याखाली दबल्यामुळे त्यांना अडचणींना सामोरे जावे लागत आहे.
इमारतीमधील काही रहिवाशी नातेवाइकांच्या घरी आणि इतरत्र राहण्यास गेले आहेत. परंतु त्यांचे सोन्याचे दागिने, रोख रक्‍कम, मोबाईल, बॅंक पासबुक, एटीएम कार्ड आणि महत्त्वाची कागदपत्रे ढिगाऱ्याखाली अडकले आहेत. त्या वस्तू आणि कागदपत्रे ढिगाऱ्यातून सापडतील या आशेने काही जण त्याचा शोध घेत आहेत. दुर्घटनेच्या दिवशी ढिगारा उपसताना सापडलेले काही दागिने आणि रोख रक्कम असलेली पर्स आणि पासपोर्ट पंचनामा करून पोलिसांनी संबंधितांना सुपूर्त केला आहे. सर्व काही जमीनदोस्त झाल्यामुळे साधा चहा प्यायचा तरी खिशात पैसे नाहीत. काही रहिवाशांनी शुक्रवारी रात्री बाजूच्या इमारतीत आसरा घेतला. शनिवार उजाडताच ढिगारा उपसताना आपले सामान मिळेल, या अपेक्षेने तेथील रहिवाशी दुर्घटनाग्रस्त इमारतीच्या परिसरात आले. महत्त्वाच्या वस्तू मिळाव्यात यासाठी त्यांचा जीव टांगणीला लागला आहे.सहाव्या मजल्यावर राहणारे प्रकाश यादव यांना पासपोर्ट आणि पत्नीची पर्स मिळाली. पार्किंगमध्ये मोटारीत महत्त्वाची कागदपत्रे अडकली आहेत; परंतु संपूर्ण ढिगारा उपसल्यानंतरच काही वस्तू हाती लागण्याची शक्‍यता आहे.
महापालिका हद्दीलगतच्या गावांमधील अनधिकृत बांधकामाची पाहणी करण्यासाठी तलाठ्यांची पथके नियुक्त करण्यात येतील. येत्या सोमवारपासून ही पाहणी केली जाईल. महापालिकेने मदत केल्यास, अनधिकृत बांधकामाविरुद्ध कारवाई केली जाईल, असे प्रभारी जिल्हाधिकारी प्रदीप पाटील यांनी शनिवारी सांगितले.
दुर्घटना घडल्यानंतर, कारवाईसंदर्भात पाटील म्हणाले, ‘त्या इमारतीच्या पहिल्या दोन मजल्यावर वाहनतळ आणि त्यावर चार मजले बांधण्यास परवानगी देण्यात आली होती. बांधकाम व्यावसायिकाने त्यावर आणखी एक अनधिकृत मजला बांधला होता. तेरा गुंठे जागेवर ही इमारत बांधली होती. त्याला अकृषी प्रमाणपत्र देण्यात आले होते. त्या इमारतीचे प्लिंथ चेकिंग नगररचना विभागामार्फत झाले होते. मात्र, बांधकाम पूर्णत्वाचा दाखला देण्यात आला नव्हता. संबंधित बांधकाम व्यावसायिकांविरुद्ध गुन्हा दाखल करण्यात आला आहे.‘‘
‘प्रांत अधिकारी, निवासी उपजिल्हाधिकारी, नगर रचना विभागाचे व महापालिकेचे अधिकारी यांची बैठक सोमवारी घेण्यात येईल. त्यामध्ये अनधिकृत बांधकामाच्या पाहणीबाबतचा तपशील ठरविला जाईल. त्यानुसार, अशा बांधकामांची पाहणी करून अहवाल तयार केला जाईल. जिल्हाधिकारी कार्यालयाकडे ती बांधकामे पाडण्यासाठी कर्मचारीवर्ग आणि यंत्रसामग्री नाही. महापालिकेने ती उपलब्ध करून दिल्यास, अनधिकृत बांधकामांविरुद्ध कारवाई केली जाईल. यापूर्वीच्या मोहिमेत 22 इमारतींविरुद्ध कारवाई करण्यात आली होती,‘‘ असे त्यांनी सांगितले.पाटील म्हणाले, ‘नोंदणी विभागाच्या दुय्यम सहनिबंधकांनाही अशा इमारतीच्या खरेदी विक्रीची नोंदणी न करण्याची सूचना देण्यात येईल. नोंदणी महानिरीक्षक यांना आम्ही त्यासंदर्भात कळविणार आहोत.‘‘