पुणे–
नवी सांगवी येथील कृष्णा चौकात नव्यानेच सुरु करण्यात आलेल्या  ‘मैट्रीक्स  कैफे’ या हॉटेलचे उदघाटनपिंपरी-चिंचवड च्या महापौर शकुंतला धराडे  यांच्या हस्ते रविवारी सायंकाळी करण्यात आले. याप्रसंगी प्रमुख पाहुणे म्हणून ‘चला हवा येऊ द्या’ चे  सूत्रसंचालक  डॉ. निखिल साबळे आणि अभिनेते निखिल वैरागर उपस्थित होते. ‘मैट्रीक्स  कैफे’ चे संचालक अभिजित घाटगे, शिरीष कीर्तने आणि राकेश देसले यांनी महापौर आणि प्रमुख पाहुण्यांचे हार्दिक स्वागत केले. भाजपचे आमदार लक्ष्मण जगताप तसेच नगरसेविका शैलजा शितोळे यांनीही हॉटेलस्थळी प्रत्यक्ष भेट देवून त्यांना शुभेच्छा दिल्या. याशिवाय अनेक मान्यवर आणि निमंत्रितांनीहि याप्रसंगी उपस्थित राहून ‘मैट्रीक्स  कैफे’ ला शुभेच्छा दिल्या  ‘बिर्याणी, तंदूर, सिझलर्स आणि चायनीजचे चविष्ट पदार्थ हे ‘मैट्रीक्स  कैफे’ चे खास वैशिष्ट राहणार आहे असे ‘मैट्रीक्स  कैफे’ चे संचालक अभिजित घाटगे, शिरीष कीर्तने आणि राकेश देसले यांनी सांगितले.

पुणे : महावितरणच्या पुणे परिमंडल अंतर्गत देखभाल व दुरुस्तीची कामे थेट लॉटरी पद्धतीने देण्यासाठी तसेच

फिडर व्यवस्थापक म्हणून नेमणुकीबाबत बेरोजगार विद्युत अभियंत्यांसाठी सोमवारी (दि. 3 ऑगस्ट) सकाळी 11 वाजता

मेळावा आयोजित करण्यात आला आहे.

महावितरणच्या प्रशासकीय इमारत परिसर, केईम हॉस्पीटलसमोर, रास्तापेठ, पुणे येथील रिक्रिएशन हॉलमध्ये

हा मेळावा होईल.

बेरोजगार विद्युत अभियंत्यांना एकूण वार्षिक कामांपैकी किमान 50 टक्के ठराविक नवीन आणि देखभाल व

दुरुस्तीची कामे बेरोजगार विद्युत अभियंत्यांना लॉटरी पद्धतीने देण्यात येणार आहे. पहिल्या वर्षी प्रत्येकी 10 लाख

रुपयापर्यंतची वार्षिक 50 लाखांची कामे मिळणार आहे. ही कामे मुदतीत पूर्ण केल्यानंतर दुसर्‍या वर्षी 15 लाखांपर्यंतची

एकूण वार्षिक पाच कामे अशी एकूण 75 लाखांपर्यंतची कामे देण्यात येणार आहे.

तसेच वाणिज्यिक व वितरणाची अधिक हानी असलेल्या वाहिन्यांवर फिडर व्यवस्थापक म्हणून बेरोजगार

विद्युत अभियंता किंवा सेवानिवृत्त अभियंते यांची नेमणूक करण्यात येणार आहे. फिडर व्यवस्थापक म्हणून संबंधीत

वाहिनीवरील मीटर रिडींग, बील वाटप, नवीन वीजजोडणी, वीजचोरीविरोधात कारवाई व सर्वसाधारण देखभाल अशी

कामे दिली जाणार आहे. सोबतच आयटीआय झालेले 5 जण सहाय्यक म्हणून राहणार आहे.

या मेळाव्यात देखभाल व दुरुस्ती व फिडर व्यवस्थापनाच्या कामांची माहिती, नोंदणी अर्ज, तांत्रिक माहिती आदींबाबत

मार्गदर्शन करण्यात येणार आहे. या मेळाव्याचा बेरोजगार विद्युत अभियंत्यांनी लाभ घ्यावा, असे आवाहन महावितरणने

केले आहे.

बेकायदेशीर बांधकामामुळे ‘पीएमआरडीए’समोर  मोठे आव्हान 

पुणे:  “पीएमआरडीए च्या विकासासाठी अनेक प्रयत्न सुरु असले तरी त्याच्यासमोर काही मोठी आव्हाने आहेत. त्यातीलच एक म्हणजे बेकायदेशीर बांधकाम.” असे मत पीएमआरडीए चे कार्यकारी अधिकारी महेश झगडे यांनी क्रेडाई-पुणे मेट्रोच्या सर्वसाधारण सभेत व्यक्त केले. 

 

क्रेडाई पुणे मेट्रोची सर्वसाधारण सभा नुकतीच पार पडली. ज्यामध्ये पीएमआरडीए चे कार्यकारी अधिकारी महेश झगडे हे  प्रमुख पाहुणे म्हणून उपस्थित होते. त्यांनी तेथे उपस्थित असलेल्या ३५० हून अधिक सदस्यांशी संवाद साधला. त्यावेळी ते म्हणाले की शहरात अनेक ठिकाणी बेकायदेशीर बांधकाम सुरु आहेत, जे लवकरात लवकर बंद करणे आवश्यक आहे. त्यामुळे पीएमआरडीए च्या विकासासाठी येणाऱ्या अनेक समस्यांना तोंड द्यावे लागत आहे. तसेच बांधकामाची गुणवत्ता आणि बांधकामातील स्थिरता हेदेखील मोठे आव्हान ठरत आहे.  आपल्याला  स्टॉक मार्केट व गोल्ड मार्केट प्रमाणे धोरणे आखावी लागणार आहेत, त्याचप्रमाणे सर्व भागीदारांनी मनापासून सहभागी होण्याचीही गरज असल्याचे ते या सभेत बोलत होते.

 

गेल्या दोन दशकांपासून पीएमआर ची झपाट्याने वाढ होत आहे. पीएमआरडीए च्या अंतर्गत काही गावे धरून ६९०० चौरस मीटर म्हणजेच पुण्याचा ७० टक्के लोकसंख्या असलेला भाग येतो. पीएमआरए  सिंगापूर, हाँगकाँग सारख्या विकसित प्रदेशांची प्रतिकृती नसून पीएमआरडीएची एक वेगळी आणि अद्वितीय ओळख असेल, असे झगडे पीएमआरडीए बद्दल बोलताना म्हणाले. त्यासाठी ते आंतरराष्ट्रीय स्तरावरील भागीदारांशीही संवाद साधत असल्याच्या भावना त्यांनी व्यक्त केल्या.

 

पीएमआरडीए हा प्रकल्प पूर्ण करण्यासाठी क्रेडाई पुणे मेट्रोची महत्वाची भूमिका असेल त्यासाठी संवाद समितीला सतत भेटण्याची आवश्यकताही असल्याचे मत त्यांनी व्यक्त केले. क्रेडाई पुणे मेट्रो पीएमआरडीए चे ध्येय साध्य करण्यासाठी संपूर्ण सहाय्य करेल असे आश्वासन क्रेडाई पुणे मेट्रोचे अध्यक्ष शांतीलाल कटारिया यांनी यावेळी दिले. 

 

.      पीएमआरडीचे खालील काही मुद्य्यांवरील नियोजन… 

आर्थिक विकास योजनेसाठी आयटी, फार्मा तसेच अशा अनेक कंपन्यांचे प्रकल्प उभारण्यात येतील. जलसंपत्ती व्यवस्थापनासाठी शास्त्रीय व आधुनिक तंत्रज्ञानाचा वापर करण्यात येईल. तसेच अंतरराष्ट्रीय निकषांप्रमाणे लोकसंख्येवर नियंत्रण ठेवून किमान तेव्हड्या लोकांना पुरेसा जलसाठा उपलब्ध करून देण्याचे ध्येय असेल. पर्यावरण संवर्धनासाठी सायकल व स्थानिक वाहतुकीचा वापर. तसेच आनंदी व शांतताप्रिय आयुष्यासाठी  संस्कृती व परंपरेचा विकास अशा काही मुद्द्यांवर सभे मध्ये विस्तृत चर्चा झाली.

संगमवाडी ते विश्रांतवाडी बीआरटी मार्गावरील पीएमपीएल बस वाहतूक चाचणी करण्यात आली.

मा.महापालिका आयुक्त कुणाल कुमार, तसेच वाहतूक शाखेचे उपायुक्त सारंग आव्हाड, पी एम पी एलच्या मुख्य कार्यकारी अधिकारी श्रीमती मयुरा शिदेकर, प्रवीण आष्टीकर, सुनील बुरसे, श्रीमती संस्कृती मेमन, प्रमुख अभियंता विवेक खरवडकर, युवराज देशमुख, नामदेव बारापात्रे, कर्नल(सेवानिवृत्त) श्री विनोद व अन्य अधिकारी उपस्थित होते.

संगमवाडी ते विश्रांतवाडी बीआरटी मार्गावरील चाचणी प्रसंगी पी एम पी एलच्या मुख्य कार्यकारी अधिकारी श्रीमती मयुरा शिदेकर, प्रमुख अभियंता विवेक खरवडकर, व अन्य अधिकारी यांच्याशी महापालिका आयुक्त कुणाल कुमार यांनी प्रत्येक बसस्थानकाशी संबधित सर्व कामासंदर्भात चर्चा केली.

प्रामुख्याने बसस्थानकावरील स्वयंचलित दरवाजा, स्वयंचलित दरवाजास समांतर बसच्या दरवाजाचे समांतर अंतर, बसस्थानकातील स्क्रीनवरील सूचना, त्यांचे नियमन, वेळापत्रक, सूचना, उदघोषणा याबाबाबत पाहणी करण्यात आली तसेच एका बसस्थानकावर एक स्क्रीन अजून अतिरिक्त लावण्यात यावा अशी सूचना केली, अन्य व्यवस्थेबाबत श्रीमती मयुर शिदेकर यांनी सांगितले की विश्रांतवाडी टर्मिनल येथे सिग्नल बसविण्यात येणार असून मार्गावरील वॉर्डनच्या नियुक्त्या झाल्याचे त्यांनी सांगितले, बसफेऱ्याचे नियोजन वाहकचालकांच्या नियोजन बाबतही त्यांनी माहिती दिली. चाचणी दरम्यान सुमारे १० बससेचे नियमन करण्यात आल्याने त्यांनी सांगितले.

विश्रांतवाडी स्थानकात नागरिकांकडून स्वागत

संगमवाडी ते विश्रांतवाडी बीआरटी बस चाचणी प्रसंगी विश्रांतवाडी स्थानकात बस थांबल्यानंतर येरवडा, विश्रांतवाडी, येथील मोठ्याप्रमाणावर नागरिकांनी या उपक्रमाचे स्वागत केले. मा.सभासद सिद्धार्थ धेंडे, मा.संजय देवकर, सागर माळकर व अन्य कार्यकर्ते, नागरिकांनी मा.महापालिका आयुक्त कुणाल कुमार यांना गुलाबपुष्प देऊन या बस सेवेचे स्वागत केले. तसेच लवकरातलवकर बीआरटी बस सेवा नागरी सेवेकरिता चालू करावी असे सांगितले व त्याचबरोबर विश्रांतवाडी टर्मिनल येथे सिग्नल व्यवस्था, पादचारी मार्ग व्यवस्था, प्रतिकनगर चौकातून जाताना पादचाऱ्यांकरिता सुरक्षा व्यवस्था, प्रतिकनगर चौकात उड्डाणपूलाचे नियोजन करणे, प्रतिकनगर चौक वाहतुकीस खुला करणे अशा मागण्यांचे निवेदन सौ.सुनंदा संजय देवकर यांच्यावतीने महापालिका आयुक्त कुणाल कुमार यांना देण्यात आले.

बीआरटी चाचणी दरम्यान मा.महापालिका आयुक्त कुणाल कुमार यांनी सर्व संबंधित अधिकारी यांचेशी चर्चा करीत असताना प्रवास मार्गात, बसस्थानकात नागरिक, आरोग्य निरीक्षक, वाहक, चालक, अशा सर्व घटकांशी सविस्तर चर्चा केली.

पुणे-
मराठा सेवा संघ व संभाजी ब्रिगेड यांच्यातर्फे सामाजिक न्याय दिनानिमित्त “शिव-शाहू सन्मान पुरस्कार‘ वितरण सोहळा आयोजित केला होता. या वेळी महापौर दत्तात्रेय धनकवडे, माजी आमदार चंद्रकांत मोकाटे, अप्पा रेणुसे, विशाल तांबे, बाळासाहेब बोडके व संयोजक विकास पासलकर उपस्थित होते.राज्याच्या जलसंधारण विभागाचे सचिव प्रभाकर देशमुख व शहर अभियंता प्रशांत वाघमारे यांना “राजर्षी शाहू महाराज पुरस्कार‘ देण्यात आला.
कोल्हापूरसह विविध ठिकाणी राबविलेल्या सरकारी योजना आणि वैशिष्ट्यपूर्ण उपक्रमांचा उल्लेख देशमुख यांनी केला. ते म्हणाले, “”प्राथमिक शिक्षण व जलसंवर्धनावर जास्त भर दिला. राज्य सरकारने पाच हजार गावे जलयुक्त शिवार योजनेमध्ये आणली आहेत; परंतु आजही अनेक गावांमध्ये जलसंवर्धन आणि चांगले शिक्षण विद्यार्थ्यांपर्यंत पोचले पाहिजे. सध्याच्या काळात आपण आपले काम चांगले करणे, हीच खरी देशभक्ती आहे.‘‘
धनकवडे म्हणाले, “डेक्कन येथील संभाजी पुतळ्याची उंची वाढविणे, संभाजी उद्यानामध्ये चौथऱ्यावर संभाजी महाराजांचा पुतळा बसविण्याबरोबरच बाहेरगावाहून पुण्यात येणाऱ्या विद्यार्थ्यांसाठी वसतिगृह उभारण्याची संभाजी ब्रिगेडने केलेली मागणी पूर्ण करण्याचा निश्‍चित प्रयत्न करू.‘‘
दत्ता कोहिनकर, कर्नल (निवृत्त) सुरेश पाटील, महापालिकेचे क्षेत्रीय अधिकारी संदीप ढोले यांना विशेष सन्मान; तर नितीन सातव, अभयसिंह धाडवे, अरविंद कणसे, मेघराज राजेभोसले, बाळासाहेब पासलकर, प्रवीण माने, सचिन निकम, रामदास माने यांच्यासह विविध क्षेत्रांत उल्लेखनीय कार्य करणाऱ्यांना पुरस्कार देऊन गौरविण्यात आले. विराज तावरे यांनी सूत्रसंचालन केले.