पुणे :-विविधरंगी आकारांमध्ये करण्यात आलेली आकर्षक पुष्परचना… फुलांचा

मनमोहक दरवळ… मनाला प्रसन्नता प्रदान करणाऱ्या गुलाबापासून ते

अॅस्टरपर्यंत मांडण्यात आलेल्या फुलांनी रसिकांची मने अक्षरश: फुलून गेली

होती. निमित्त होते ज्योती कुलकर्णी रिसर्च फाउंडेशनतर्फे भरवण्यात आलेल्या

पुष्परचना प्रदर्शनाचे.   .गुलाब, ऑर्किड, जरबेरा, लास्पर, शेवंती, आदी फुलांचा तसेच

लिलीची पाने, सायकस, केवडा यांची अचूक सांगड घालून केलील्या

मनमोहक कलाकृती पाहण्यास सर्वांनी एकच गर्दी केली.

या स्पर्धेत महिलांनी उत्स्फूर्तपणे सहभाग घेऊन पुष्परचना सादर केल्या.  सरोज

जोशी आणि शीला वाघोलीकर यांनी स्पर्धेचे परीक्षण केले.  स्पर्धेतील पुष्परचना

पाहण्याची सर्वांनी संधी मिळावी यासाठी स्पर्धेनंतर लगेचच प्रदर्शनही भरवण्यात

आले. ज्योती कुलकर्णी रिसर्च फाउंडेशनच्या विश्वस्त सौ. अश्विनी देशपांडे, सौ.

भाग्यश्री कुलकर्णी व सौ. तन्वी कुलकर्णीयादेखील उपस्थित होत्या.डॉ. चारुलता

बापये यांच्या हस्ते कार्यक्रमाचे उद्घाटन झाले.यावेळी त्यांनी प्रत्येक स्पर्धकाकडून

आपल्या आपल्या पुष्परचनेमागची संकल्पना समजून घेण्यावर भर दिला.

डॉ. चारुलता बापये यावेळी म्हणाल्या, महिलांनी आपल्या कल्पकतेतून या

दर्जेदार कलाकृती केल्या आहेत ,याचे करावे तेवढे कौतुक कमीच आहे. पुष्परचना

दिसायला सोपी वाटते परंतु यात अनेक बारकावे असतात ते समजून घेवून

त्याकडे छंद म्हणून पाहण्यापलीकडे जाऊन या क्षेत्राचे व्यावसायिक दुष्टीकोनातून

वाढलेले महत्व लक्षात घेऊन त्यासाठी स्वत:ला अधिकाधिक तयार करणे गरजेचे

आहे.

कला सादर करताना मिळणारा आनंद महत्वाचा त्यातून आपण काय शिकलो

आणि कुठे कमी पडलो हे जाणून घेणे म्हणजेच खर्या अर्थाने प्रगती करणे

आहे.  पुष्परचना करताना मिळाला आनंद हा पुरस्कारापेक्षा कितीतरीपट प्रेरणा

देणारा असतो. अशी भावना परिक्षक सरोज यांनी व्यक्त केली.

ज्योती कुलकर्णी यांनी समाजातील इतर महिलांसाठी विविध संधी देण्यासाठी

त्यांनी परिश्रम घेतले होते. त्यांचा कार्याला पुढे नेण्यासाठी आम्ही ह्या फौंडेशनची

स्थापना केली आहे.दैनंदिन आयुष्यातून आपल्या छंदासाठी  एक व्यासपीठ

मिळावे या उद्देशाने खास महिलांसाठी हा खास उपक्रम राबविला होता.   अशी

भावना सौ. भाग्यश्री कुलकर्णी यांनी यावेळी व्यक्त केली. त्यापुढे

म्हणाल्या ज्योती कुलकर्णी रिसर्च फाऊंडेशनतर्फे कृषी, उद्योग, पर्यावरण या

क्षेत्रात अद्वितीय कामगिरी करणा-या महिलांनाही २७ ऑक्टोबरला पुरस्कार देऊन

सन्मानित करण्यात येणार आहे.  स्त्रियांच्या कल्पकतेला वाव देण्यासाठी घेण्यात

आलेल्या ज्योती फुलराणी या स्पर्धेतील विजेत्या महिलांनाही त्याच

दिवशी  पुरस्कार प्रदान करण्यात येणार आहेत .

कल्पना कृतीत उतरवल्याशिवाय त्याला परिपूर्णता मिळत नाही त्यामुळेच प्रत्येक

स्त्रीने आपल्यातील कलागुणांना ओळखून त्या जोपासून स्वत:चे अस्तित्व

निर्माण करण्यावर भर दिला पाहिजे असा मोलाचा सल्ला यावेळी  सौ. तन्वी

कुलकर्णी यांनी दिला.  सूत्र संचालन सौ. दीपाली जोशी यांनी केले.

पुणे- वाजपेयींच्या नेतृत्वाखालील केंद्रातील सरकारसह सन २०१४ पूर्वीचे राजकारण आणि २०१४ नंतरचे राजकारण

या मध्ये जमीन अस्मानाचा फरक असून आता देशातील राजकारणात काळाकुट्ट नभ दाटून आले आहे असे सांगत आता

राजकारणाचा संपूर्ण पटच बदलला आहे असे मत जेष्ठ समाजवादी नेते भाई वैद्य यांनी व्यक्त केले. स्वातंत्र्यानंतर आपला

देश वेगळ्या वळणाकडे नेण्याचा प्रयत्न सुरु झाला मात्र  त्याला आता वेगळ्या वळणाकडे नेण्याचा प्रयत्न सुरुअ सून

राजकारणाचा नव्याने पट मांडावा लागेल असेही ते म्हणाले.

पुणे नवरात्रौ महोत्सवामध्ये दिला जाणारा यंदाचा ‘महर्षी पुरस्कार’ जेष्ठ समाजवादी नेते भाई वैद्य यांना राज्याचे माजी

मुख्यमंत्री पृथ्वीराज चव्हाण यांच्या हस्ते प्रदान करण्यात आला. त्यावेळी ते बोलत होते. माजी सहकारमंत्री हर्षवर्धन

पाटील, जेष्ठ नेते व माजी आमदार उल्हास पवार, पुणे नवरात्रौ महोत्सवाचे संयोजाक अध्यक्ष उपमहापौर आबा बागुल,

माजी आमदार मोहन जोशी, माजी महापौर अंकुश काकडे, विठ्ठल लडकत, माजी नगरसेवक रवींद्र माळवदकर, गोपाल

तिवारी, नरेंद्र व्यवहारे, प्रा. प्र.ल. गावडे, डॉ. विनोद शहा, महिला कॉंग्रेसच्या माजी प्रदेशाध्य्क्षा कमल व्यवहारे, पुणे

नवरात्रौ महिला महोत्सवाच्या अध्यक्षा  सौ. जयश्री बागुल, डॉ. अभिजित वैद्य व सौ. वैद्य आदी यावेळी उपस्थित होते.

शाल, श्रीफळ, पुणेरी पगडी, चांदीची श्री महालक्ष्मीची मूर्ती, मानपत्र व रोख ११ हजार रुपये असे या पुरस्क्राचे स्वरूप

आहे.

भाई वैद्य म्हणाले, सध्या नवरात्रौ महोत्सव सुरु आहे. देवी दैत्याला मारते हे राजकारणच आहे. राजकारणातही दैत्य

आहेत. त्यामुळे मी राजकारणावर भाष्य करीत आहे. स्वातंत्र्याच्या काळात राजकारणाने संपूर्ण वातावरण भारलेले होते.

तेव्हापासून मी राजकारण पहातोय, अनुभवतोय. आत्ताच्या राजकारणाचा संपूर्ण पटच बदलला आहे. आता अल्पसंख्यांक

भयभीत झाले आहेत. फादर दिब्रिटो, नसुरुदिन शहा यांना भीती वाटणे ही लज्जास्पद बाब आहे. आता तुम्ही आमच्याकडे

या आम्ही तुमच्याकडे येतो असे राजकारण न करता एका  उजवी विचारसरणीविरुध्द   व दुसर्या बाजूला सर्वांना एकत्र

येवून आघाडी करावी लागेल. काही पक्ष हे सिद्धांतवाडी पक्ष आहेत, कॉंग्रेसलाही त्यांच्या वागण्यातील विचारांचा

फेरविचार करावा लागेल असे ते म्हणाले. कॉंग्रेसला उदारमतवादी धोरणाचाही फेरविचार  करावा  लागेल. गेल्या तीन

वर्षात १.२५ लाख शेतकऱ्यांनी आत्महत्या केल्या आहेत. असेच धोरण राहिले तर पुढच्या तीन वर्षांत १ कोटी शेतकर्यांनी

आत्महत्या करू शकतात अशी भीती त्यांनी व्यक्त केली. शिक्षणाचे खाजगीकरण झाल्याने त्यामाध्यमातून शिक्षण क्षेत्रात

पुन्हा चातुर्वर्ण पद्धती दुसर्या मार्गाने येऊ घातली आहे. त्याचा कॉंग्रेसने विचार करायला पाहिजे. काळ मोठा

आव्हानात्मक आहे. संपूर्ण वातावरण, दडपशाही, भीतीचे झाले आहे. त्याची जाणीव साहित्यिकांना झाल्याने त्यांनी

आपले पुरस्कार परत केले. राजकारण्यांना उशिरा जाग येते .नेतृत्वासाठी पक्ष हा विचार बाजूला टाकला पाहिजे व या

वातावरणा विरोधात सर्वांनी एकत्र यायला पाहिजे असे आवाहन त्यांनी केले.

पृथ्वीराज चव्हाण म्हणाले, भाई वैद्य यांनी केलेला काळ्या ढगांचा उल्लेख ही गंभीर बाब आहे. त्यावर विचार व चिंतन

केले पाहिजे. देशात समतेचे वातावरण तयार करण्याचा प्रयत्न कॉंग्रेसने केला मात्र, त्याला छेद दिला जात आहे.

त्याविरुध्द सर्वांनी एकत्र येवून आंदोलन करावेच लागेल.

भाई वैद्य यांनी आपल्या राजकीय जीवनात वावरताना विचारांशी प्रतारणा केली नाही. तसे केले असते तर त्यांना

राजकीय लाभ उठवत सत्तेपासून खूप काही मिळवता आले असते मात्र त्यांनी तसे केले नाही. सामान्य माणसाच्या

अन्यायाविरुध्द  लढण्यासाठी आयुष्य खर्ची करणारे भाई वैद्यआजही  आंदोलने करतात. त्यामध्ये त्यांचा कुठलाही स्वार्थ

नसतो. समाजाचे वाईट होऊ नये असे विचार करणारे भाई वैद्य हे अजातशत्रू आहेत असे गौरोदगार त्यांनी काढले.

उल्हास पवार म्हणाले, भारतीय स्वातंत्र्याच्या लढ्यात झोकून दिलेले भाई वैद्य हे व्यक्तिमत्व आहे. ते अजूनही आंदोलने

करतात. ते एक उत्तुंग व स्वच्छ चारित्र्य असलेले नेते आहेत. आंदोलन कोण करतो याला महत्व असते. भाई वैद्य यांनी

आंदोलन केल्यानंतर शत्रूदेखील त्यांच्याबद्दल शंका घेणार नाही. संघटन, प्रबोधन आणि मग आंदोलन या तीन गोष्टी

महत्वाच्या असतात. भाई वैद्य यांनी आयुष्यभर प्रबोधन केले, संघटन केले व मग आंदोलने केली असे ते म्हणाले.

हर्षवर्धन पाटील म्हणाले, साधी राहणी व उच्च विचारसरणी असलेले भाई वैद्य हे पुण्याचे वैभव आहे. निष्कलंक,

चारित्र्यवान असलेल्या भाई वैद्यांना निष्कलंक असलेल्या माजी मुख्यमंत्र्याच्या हस्ते पुरस्कार प्रदान करण्यात येतो आहे

हा दुग्ध शर्करा योग आहे.

मोहन जोशी, अंकुश काकडे यांनीही आपले मनोगत व्यक्त केले.

आपल्या प्रास्ताविकपर  भाषणात आबा बागुल म्हानले, विचार, संघर्ष व संघटन अशा त्रिसूत्रीचे दर्शन भाई वैद्य यांच्या

व्यक्तीमत्वात होते. त्यांना हा पुरस्कार देताना आपल्याला मनस्वी आनंद होतो आहे.

मानपत्राचे वाचन प्रा. सविता महाजन यांनी केले.कार्यक्रमाचे सूत्रसंचालन योगेश सुपेकर यांनी केल तर आभार घनश्याम

सावंत यांनी मानले. शेवटी संपदा वाळवेकर यांनी गायलेल्या पसायदानाने कार्यक्रमाचा समारोप झाला.

पुणे, : वीजप्रवाह सुरु असतानाही रिमोट कंट्रोलद्वारे मीटरमधील वीजवापराची नोंद थांबविणार्‍या चोरीचा दुसरा

प्रकार महावितरणने उघडकीस आणला. नांदेड येथे कमोदिनी आईस प्लँट या बर्फ तयार करणाच्या कारखान्यात रिमोट

कंट्रोलद्वारे होणारी वीजचोरी आढळून आली. या कारखान्यात तब्बल 1 लाख 91 हजार 918 युनिट्‌सच्या 26 लाख 98

हजार 970 रुपयांची वीजचोरी उघडकीस आली आहे. याप्रकरणी बुधवारी (दि. 14) फौजदारी गुन्हा दाखल झाला आहे.

याबाबत माहिती अशी, की नांदेड येथील सर्व्हे क्र. 10/11/1/अ मधील मे. कमोदिनी आईस प्लँट हा बर्फाचा कारखाना

वीजग्राहक इंद्गजित बाबासाहेब घुले यांच्या मालकीचा आहे. या कारखान्यातील वीजवापराबाबत अद्यावत तंत्रज्ञानाच्या

माध्यमातून केलेल्या विश्लेषणातून संशय निर्माण झाला. त्यामुळे कारखान्यातील वीजयंत्रणेची तपासणी करण्यात आली.

सदर कारखान्यात असलेल्या वीजमीटरच्या यंत्रणेत फेरफार केल्याचे आढळून आले. सिटी सर्कीटमध्ये फेरफार करून त्यात

रिमोट कंट्रोल सर्कीट समाविष्ट केल्याचे दिसून आले. या सर्कीटच्या सहाय्याने वीजप्रवाह सुरु असतानाही रिमोट कंट्रोलद्वारे

मीटरमधील वीज वापराची नोंद सोयीनुसार थांबविता येत असल्याचे दिसून आले. रिमोट कंट्रोलचे सर्कीट अत्यंत छुप्या

पद्धतीने लावल्यानंतरही महावितरणच्या अभियंता व कर्मचार्‍यांनी या वीजचोरीचा छडा लावला. गेल्या 22 महिन्यांच्या

कालावधीत मे. कमोदिनी आईस प्लँटमध्ये 1,91,918 युनिट्‌सच्या 26 लाख 98 हजार 970 रुपयांची वीजचोरी झाल्याचे

सदर कारखान्यातील वीजचोरी उघडकीस आणण्यासाठी मुख्य अभियंता श्री. रामराव मुंडे यांच्या नेतृत्वात अधीक्षक

अभियंता श्री. सुंदर लटपटे, श्री. रमेश मलामे, कार्यकारी अभियंता श्री. उदय चामले, श्री. दत्तात्रय बनसोडे, अतिरिक्त

कार्यकारी अभियंता श्री. दिलीप कोकणे, श्री. विजय सूर्यवंशी, सहाय्यक अभियंता शिवलिंग बोरे, वैशाली पगारे, तंत्रज्ञ शैलेश

बनसोडे, राम पवार आदींनी योगदान दिले.

वीजचोरीप्रकरणी कमोदिनी आईस प्लँटचे मालक इंद्गजित बाबासाहेब घुले विरुद्ध बुधवारी (दि. 14 ऑक्टो.) रास्तापेठ

(पुणे) येथील महावितरण पोलीस ठाण्यात भारतीय विद्युत कायदा कलम 135 व 138 अन्वये गुन्हा दाखल झाला आहे.

फोटो नेम व ओळ –  Power Theft Detected 16/10/2015/वीजचोरीसाठी वीजमीटरच्या यंत्रणेत

छुप्या पद्धतीने रिमोट कंट्रोल सर्कीट बसवून केलेल्या वीजयंत्रणेची पाहणी करताना मुख्य अभियंता श्री. रामराव मुंडे,

अधीक्षक अभियंता श्री. सुंदर लटपटे व महावितरणचे अभियंता. (फोटो इमेल केला आहे.)

पुणे,  ः पुण्याचे ग‘ामदैवत असणार्‍या चतुःशृंगी देवीला नवरात्रीमध्ये एका भाविकाने हिरेजडीत नथ अर्पण केली. या नथीची किंमत सुमारे सात लाख रुपये इतकी आहे. पु. ना. गाडगीळ आणि कंपनीने ही नथ घडविली.
——