पुणे-येथील भवानी पेठ हरकानगरमध्ये चार निशाणाची स्थापना करण्यात आली . यामध्ये पुरुषोत्तम भगत निशाण आखाडा ,  कालू भगत  भगत निशाण आखाडा , रामलाल  भगत निशाण आखाडा या चार निशाणांची स्थापना करण्यात आली . यावेळी निशाणांची स्थापना हरकानगर , नवा मोदीखाना , सोलापूर बाजार न्या भागात भव्य मिरवणूक काढण्यात आली . यावेळी मोठ्या संख्येने भक्त सहभागी झाले होते . यावेळी हरकानगर तरुण मंडळाच्यावतीने सर्व निशाण प्रमुखांचे स्वागत श्रीफळ आणि हार देउन मंडळाचे अध्यक्ष शैलेश चव्हाण यांनी केले . यावेळी गोपी वाघेला , गोपाळ वाघेला , हेमराज साळुंके , नितीन रहिस्वाल , गणेश चव्हाण , योगेश कंडारे , महेश जाधव व भक्त सहभागी झाले होते . यावेळी सर्व निशाणांची पूजा करून स्थापना करण्यात आली . त्यानंतर सर्वानी महाप्रसादाचा लाभ घेतला . रात्री भजन झाले .

पुणे-धायरी कडून राजाराम पुलाकडे वळणाऱ्या वाहनांची गैरसोय कमी होऊन, तसेच राजाराम पूल चौकातील वाहतूक कोंडी टळावी, यासाठी चौकातील मैलाशुद्धीकरण प्रकल्पाची भिंत 15 फूट आत घेण्याच्या कामाला आज सौ.नागपुरे यांच्या प्रयत्नातून सुरुवात करण्यात आली.
पाणीपुरवठा विभाग, व मनपा प्रशासन यांच्यात समानव्य साधून, पाठपुरावा करून या कामास सौ.नागपुरे यांनी गती दिली .मनपा अधिकारी श्री.बोनाला साहेब तसेच वाहतूक अधिकारी.श्री.कर्पे साहेब यांच्याबरोबर 23 जून रोजी प्रत्यक्ष पाहणी सौ.नागपुरे यांनी केली व आज कामास सुरुवात करण्यात आली. पर्यायी रस्ते, प्रत्येक चौकात ट्राफिक पोलीस, चौक रुंदीकरण, सनसिटी भाजी मंडई येथील पूल, या माध्यमातून सिंहगड रस्ता वाहतूक प्रश्न सोडवण्यासाठी प्रयत्न चालू असल्याचे सौ.नागपुरे यांनी सांगितले.

पुणे : पुणे परिमंडलातील नवीन वीजजोडण्या तसेच सदोष वीजमीटर बदलण्यासाठी या महिन्यात सिंगल फेजच्या 23 हजार नवीन वीजमीटरचे संबंधीत कार्यालयांना वाटप करण्यात आले असून सद्यस्थितीत 17400 नवीन मीटर भांडार विभागात उपलब्ध आहेत. त्यामुळे पुणे परिमंडलामध्ये वीजमीटरचा तुटवडा असल्याच्या खोट्या माहितीवर वीजग्राहकांनी विश्वास ठेऊ नये, असे आवाहन महावितरणने केले आहे.

पुणे परिमंडलातील पुणे व पिंपरी चिंचवड शहरासह ग्रामीण भागात नवीन वीजजोडणी, सदोष किंवा नादुरुस्त वीजमीटर बदलण्यासाठी गेल्या एप्रिल 2017 पासून आतापर्यंत एकूण सिंगले फेजचे 64,750 नवीन वीजमीटर परिमंडल अंतर्गत कार्यालयांना वितरीत करण्यात आलेले आहेत. तर जुलै महिन्यातील मागणीनुसार गणेशखिंड मंडल व पुणे ग्रामीण मंडलमध्ये प्रत्येकी 8000 व रास्तापेठ मंडलमध्ये 7000 असे सिंगल फेजचे एकूण 23,000 नवीन वीजमीटर देण्यात आलेले आहेत. दि. 22 जुलैला गणेशखिंड – 5595, रास्तापेठ – 6031 व पुणे ग्रामीण मंडलमध्ये 9186 असे एकूण 20812 मीटर उपलब्ध असताना मागणीनुसार मंगळवारी (दि. 25) आणखी प्रत्येकी 5 हजार मीटर वितरीत करण्यात आले आहे. दि. 10 जुलैपर्यंत या तिनही मंडलमध्ये सिंगलफेज पेडपेडींगच्या नवीन वीजजोडण्यांसाठी 19,219 मीटरची आवश्यकता होती.

शिवाय या व्यतिरिक्त नवीन वीजजोडणी किंवा सदोष मीटर बदलण्यासाठी सद्यस्थितीत पुणे परिमंडलासाठी सिंगल फेजचे 17,400 नवीन वीजमीटर भांडार विभागात उपलब्ध आहेत. मुख्यालयातूनसुद्धा वीजमीटरचा मागणीनुसार पुरवठा होत असल्याने वीजमीटरचा कुठलाही तुटवडा नाही. महावितरणने मटेरियल मॅनेजमेंटची प्रक्रिया ही ‘ईआरपी’च्या (एंटरप्रायजेस रिसोर्स प्लॅनिंग) माध्यमातून ‘ऑनलाईन’ झालेली आहे. त्यामुळे साधनसामग्रीची उपलब्धता व पुरवठा ही प्रक्रिया पूर्वीच्या तुलनेत अधिक गतिमान झालेली आहे. वीजमीटरचा तुटवडा असल्यामुळे ते उपलब्ध नाही, अशा खोट्या माहितीवर वीजग्राहकांनी विश्वास ठेऊ नये, असे आवाहन महावितरणने केले आहे.

आज पुणे महापालिकेत दुपारी 3 वाजता पर्यावरणावरील खास सभा आणि 3-05 वाजता शिवसृष्टी वर खास सभा आयोजित करण्यात आली होती ..
यावेळी पहिली सभा सुरु होताच नगरसेवक साईनाथ बाबर शिवाजी महाराजांच्या वेशभूषेत तर योगेश ससाणे ,महेंद्र पठारे ,भैया जाधव ,वसंत मोरे हे मावळ्यांच्या वेशभूषेतच साभागृहात दाखल झाले आणि घोषणाबाजीत च विरली पहिली सभा ……..
शिवसृष्टीसाठी मनसे, शिवसेना, काँग्रेस व राष्ट्रवादी सर्व विरोधकांनी एकत्र येत खास सभेपूर्वी मावळ्यांच्या वेशभूषेत पुणे महापालिकेत तीव्र आंदोलन केल. यावेळी शिवसृष्टी झालीच पाहिजे, अशी घोषणाबाजी करण्यात आली. यावेळी मनसेचे नगरसेवक साईनाथ बाबर यांनी थेट छत्रपती शिवाजी महाराजांच्या वेशातच सभागृहात प्रवेश केला. तर मनसेचे नगरसेवक वसंत मोरे, राष्ट्रवादीचे नगरसेवक योगेश ससाणे, महिंद्र पठारे, भैय्यासाहेब जाधव यांनी मावळ्यांचा वेश केला होता.

पुणे — आज पुणे महापालिकेची सुरु असलेली खास सभा फेसबुक वरील मायमराठी .नेट च्या पेजवर लाइव्ह पहा….

https://www.facebook.com/MyMarathiNews/