पुणे, दि. 19 : जिल्हा प्रशासनातर्फे माजी पंतप्रधान राजीव गांधी यांना जयंतीनिमित्त अभिवादन करण्यात आले. जिल्हाधिकारी कार्यालयाच्या परिसरात झालेल्या या कार्यक्रमात, प्रादेशिक विभागीय चौकशी अधिकारी जा.मा. गोसावी, सामान्य प्रशासनाच्या उपआयुक्त कविता व्दिवेदी, सामान्य प्रशासनाच्या तहसीलदार मनीषा देशपांडे, सर्वसाधारण शाखेच्या तहसीलदार मीनल कळसकर यांनी मा. राजीव गांधी यांच्या प्रतिमेस पुष्पहार अर्पण करून अभिवादन केले. यावेळी सामान्य प्रशासनाच्या उपआयुक्त कविता व्दिवेदी यांनी उपस्थित अधिकारी व कर्मचाऱ्यांना सद्भावना दिवसाची प्रतिज्ञा दिली.

या कार्यक्रमास जिल्हाधिकारी कार्यालय व जिल्हा माहिती कार्यालयातील अधिकारी, कर्मचारी मोठ्या संख्येने उपस्थित होते.

पुणे-बजाज ऑटोचे अधिकृत डिलर व्होरा ऑटो डिस्ट्रिब्युटर्स प्रा. लि. यांनी ” पंतप्रधान स्वयंरोजगार योजनेअंतर्गत  ”  बेरोजगारांना  स्वयंरोजगार मिळणेकामी  सहाय्य केले . या योज़नेअंतर्गत अकरा जणांना स्वतःच्या मालकीची रिक्षाची चावी पुणे महानगरपालिकेचे नगरसेवक व पी. एम. पी. एल. चे संचालक सिद्धार्थ अनिल शिरोळे  यांच्याहस्ते देण्यात आल्या . या  कार्यक्रमास व्होरा ऑटो डिस्ट्रिब्युटर्स प्रा. लि. चेअरमन आणि  मॅनेजिंग डायरेक्टर तरमिंदरसिंग व्होरा , डायरेक्टर  दशमितसिंग व्होरा , युनियन बँक ऑफ इंडियाचे डेप्युटी जनरल मॅनेजर शैलेश कुमार सिंग ,  चीफ मॅनेजर कौशिक कुमार, बजाज फायनान्सचे प्रतिनिधी श्रीरंग पंडित ,  दलजितसिंग रँक,बजाज ऑटोचे विक्री व्यवस्थापक अनुराग गौरव,   मुख्य व्यवस्थापक बाळासाहेब जाधव आदी मान्यवर उपस्थित होते .

 हा कार्यक्रम व्होरा ऑटो डिस्ट्रिब्युटर्स , ७३२ ,/बी , पुणे सातारा रोड , हॉटेल लोकेश समोर , अरण्येश्वर कॉर्नर , पुणे येथे संपन्न झाला . व्होरा ऑटो डिस्ट्रिब्युटर्स प्रा. लि.च्या मार्फत नवीन परमिट वितरणामध्ये रिक्षा ग्राहकांना ऑनलाईन फॉर्म भरण्यापासून कर्ज सुविधा व गाडी देण्यापर्यंत सहकार्य विनामूल्य देण्यात आलेली आहे . आतापर्यंत  ११०० ऑटो रिक्षांची विक्री करण्यात आलेली आहे . त्या माध्यमातून ११०० जणांना स्वयंरोजगार प्राप्त झाला आहे . आम्ही महिन्याला ५०० वाहने विक्री करण्याचे उद्दिष्ट उद्दिष्ट ठेवले आहे . तसेच पुणे शहरात ५ सेल्स आणि सर्व्हिस सेंटर ग्राहकांच्या सुविधेसाठी आम्ही सुरु करणार आहोत , अशी माहिती व्होरा ऑटो डिस्ट्रिब्युटर्स प्रा. लि. चे चीफ मॅनेजिंग डायरेक्टर यांनी दिली .

पुणे, दि. 19 : पुणे जिल्ह्यातील समस्याग्रस्त पिडित महिलांना स्थानिक पातळीवर तात्काळ मदत मिळावी याकरिता मंगळवार दि. 22 ऑगस्ट 2017 रोजी दुपारी 2 वाजता अल्पबचत भवन, पुणे येथे महाराष्ट्र राज्य, महिला आयोगाच्या अध्यक्षा विजया रहाटकर यांच्या अध्यक्षतेखाली महिला जन सुनावणी ‘महिला आयोग तुमचे दारी’ कार्यक्रमाचे आयोजन करण्यात आले आहे. या सुनावणी कार्यक्रमास तक्रारदार, पिडित महिलांनी उपस्थित राहून आपल्या समस्या लेखी स्वरुपात आयोगा पुढे मांडाव्यात, असे आवाहन प्रादेशिक महिला व बाल विकास अधिकारी, पुणे यांनी प्रसिध्दी पत्रकाव्दारे केले आहे.

पुणे-:- जागतिक मधुमक्षिका दिन निमित्त केंद्रीय मधुमक्षिका पालन संशोधन व प्रशिक्षण संस्था ह्यांच्या सहकार्याने बाल शिक्षण मंदीर , भांडारकर रस्ता शाळेत आज खासदार अनिल शिरोळे ह्यांच्या हस्ते शाळेतील मुलांना प्रत्येकी ५० ग्राम मधाचे वाटप करण्यात आले. दररोज एक चमचा मध हे शरीराला अत्यंत लाभदायक असल्याचे शिरोळे ह्याप्रसंगी बोलताना म्हणाले. शहर भा. ज प चिटणीस सुनील पांडे ह्यांनी आयोजित केलेल्या ह्या कार्यक्रमास स्थानिक नगरसेवक नीलिमा खाडे, सिद्धार्थ शिरोळे, स्वाती लोखंडे, ज्योत्स्ना एकबोटे आदी उपस्थित होते

पुणे-

स्वातंत्र्य दिनानिमित्त पुणे मीडिया वॉच व  १५ ऑगस्ट  चौक यांच्या संयुक्त विद्यमाने पुणे कॅन्टोन्मेंट भागातील विविध सामाजिक कार्यकर्त्यांचा तसेच संस्थांचा स्मृतींचिन्ह देउन पुणे कॅन्टोन्मेंट बोर्डाचे उपाध्यक्ष अतुल गायकवाड यांच्याहस्ते सन्मानित करण्यात आले . पुणे लष्कर भागातील महात्मा गांधी रोडवरील १५ ऑगस्ट  चौक येथे हा पुरस्कार वितरण सोहळा झाला . या सोहळ्यास पुणे मीडिया वॉचचे संचालक महेश जांभुळकर , १५ ऑगस्ट  चौकाचे अध्यक्ष निलेश कणसे , नगरसेवक दिलीप गिरमकर , दलित पँथरचे महाराष्ट्र प्रदेश अध्यक्ष यशवंत नडगम , ऍड. प्रशांत यादव , पूनम बोराटे , जाकीर कुरेशी , अझीम गुडाकूवाला आदी मान्यवर उपस्थित होते .

या पुरस्कार वितरण सोहळ्यामध्ये हिंद तरुण मंडळ व श्रीकृष्ण तरुण मंडळ या सार्वजनिक गणेशोत्सव मंडळांचा सन्मान करण्यात आला .तसेच , कर्तव्य फाऊंडेशन , मिशन ऑफ आंबेडकर  तर सामाजिक कार्यकर्त्यांमध्ये  सुरेश रेड्डी , परेश गायकवाड ,हर्षद बोराटे ,  गणपत मोरे काका , निवास लादे, दशरथ कणसे , उमेश शेडगे , प्रकाश अरगडे , डॉ. अझीम विकार , डॉ. राज , अविनाश शिंदे , फैयाज युसूफ खान आदींचा स्मृतिचिन्ह ,  तिरंगी शाल , पुष्पगुछ देयून  सन्मान करण्यात करण्यात आला .  

गोयल गंगा फाउंडेशनच्या राष्ट्रीय परिषदेत शिक्षण तज्ज्ञांचा सूर

पिंपरी १८: शिक्षण क्षेत्रातील समस्यांना सामोरे जाताना,पालकांची मानसिकता बदलणे हे प्रमुख आव्हान आपल्या देशासमोर आहे. विद्यार्थ्यांना स्वइच्छेनुसार शिक्षण घेण्यासाठी पालक प्रवृत्त झाले पाहिजे. पुढची यशस्वी तरुण पिढी घडवण्यासाठी पालकांनी मुलांवर त्यांचे भवितव्य लादू नये, असा सूर शिक्षण तज्ज्ञांनी येथे व्यक्त केला. निमित्त होते गोयल गंगा फाउंडेशनच्या वतीने गोयल गंगा इंटनेशनल स्कुलमध्ये झालेल्या शिक्षण क्षेत्राविषयक राष्ट्रीय परिषदेचे.

अनेक अनुभवांचे दाखले देत शिक्षण क्षेत्रातील गंभीर समस्यांवर हळुवार भाष्य करणारे जेरोनिनो अल्मेडा,  विग्यानआश्रम संस्थेच्या माध्यमातून ग्रामीण भागातील शिक्षण पद्धतीत आमूलाग्र बदल घडवून अनेक यशस्वी उद्योजक घडवणारे डॉ. योगेश कुलकर्णी, विविध उपक्रमाच्या माध्यमातून चौकटीच्या बाहेर जाऊन विचार करण्याचा सकारात्मक दृष्टीकोन जागृत करणाऱ्या आत्मन अकॅडमीच्या मंजुषा पाटील, नावीण्यपूर्ण उपक्रम राबवून जिल्हा परिषद शाळांचे स्मार्ट शाळेत कायापालट करणारे संदीप गुंड या अनुभवी तज्ज्ञानी या परिषदेच्या माध्यमातून आपली मते मांडली.

यावेळी जेरोनिनो अल्मेडा म्हणाले की, ‘अपयश ही यशाची पहिली पायरी आहे असे एकीकडे सांगताना दुसरीकडे मात्र अपयशी होऊ नकोस असा धाक पाल्याला दाखवतो, यातून जिद्द, चिकाटी, आत्मविश्वास विद्यार्थ्यामध्ये आवश्यक असणाऱ्या गुणांचे पालकांकडून अप्रत्यक्षपणे खच्चीकरण केले जाते हे कुठेतरी थांबायला हवे.’ तर ग्रामीण भागात शिक्षणातून उदयोग, उद्योगातून रोजगार निर्मिती करणे, हे आव्हान यशस्वीपणे पूर्ण करताना आलेल्या समस्या, त्यांवर केलेली मात आणि त्याचा झालेला फायदा याचा आढावा सादरीकरणाच्या माध्यमातून डॉ. योगेश कुलकर्णी यांनी घेतला. तर संकोचित मानसिकता दूर करून चौकटीबाहेर विचार करण्याची मानसिकता शिक्षण क्षेत्रात वृद्धिंगत झाली तर अनेक सकारात्मक  बदलाचे आपण साक्षीदार असू मत मंजुषा पाटील यांनी व्यक्त केले. पहिल्या सत्राच्या समारोहाला संदीप गुंड यांनी मार्गदर्शन केले. ठाणे जिल्ह्यातील जिल्हा परिषद शाळांमध्ये डिजिटल शिक्षण अभियानाचा अवलंब करून घडवून आणलेला आमूलाग्र बदल सादरीकरणाच्या माध्यमातून त्यांनी उपस्थितां पुढे  उलगडला. तसेच मुलांमध्ये शिक्षणाची रुची निर्माण करण्यासाठी त्यांच्या आवडीनुसार शिक्षण पद्धतीत बदल घडवावा असे आवाहनही उपस्थित शिक्षकांना गुंड यांनी केले.

प्रमुख व्यक्तांच्या मार्गदर्शनानंतर ‘नेतृत्व घडवताना’ यांवर चर्चासत्र पार पडले. यामध्ये भूषण पटवर्धन, भरत अगरवाल, सुधीर सिन्हा आणि ऑलिव्ह दास आणि अतुल गोयल यांनी सहभाग घेतला होता. ‘शिक्षण क्षेत्रात केवळ नेतृत्व असून चालणार नाही त्या जोडीला प्रोत्साहनही आवश्यक आहे. चांगला शिक्षकच चांगले नेतृत्व घडवू शकतो.’ असे मत यावेळी सहभागी मान्यवरांनी व्यक्त केले.

या परिषदेत फाउंडेशनच्या विश्वस्त सोनू गुप्ता, जी. जी इंटरनैशनल स्कूलच्या मुख्यध्यापिका भारती भागवानी यांच्यासह सर्व शिक्षक सहभागी झाले होते. शिक्षण क्षेत्रातील बदल, नाविण्यपूर्णता यासंदर्भात प्रामुख्याने या परिषदेत चर्चा झाली. प्रश्नोत्तराच्या सत्रानंतर कार्यक्रमाचा समारोह झाला.

पुणे, दि. 18 : कामाच्या ठिकाणी महिलांवर होणाऱ्या लैंगिक छळापासून संरक्षण प्रतिबंध, मनाई आणि निवारण अधिनियम-2013 कायद्यांतर्गत स्थानिक तक्रार निवारण समितीस सक्षम करण्यासाठी पुणे विभागीय स्तरावर शासकीय कर्मचाऱ्यांकरीता कार्यशाळा आयोजित करण्यात आली आहे. ही कार्यशाळा अल्पबचत भवन सभागृह, पुणे येथे मंगळवार 22 ऑगस्ट, 2017 रोजी सकाळी 10-30 वाजता आयोजित करण्यात आली आहे. तसेच या दिवशी दुपारी 3 वाजता जनसुनावणी ठेवली आहे,यात पीडित महिला थेट तक्रार दाखल करू शकतात.

या कार्यशाळेमध्ये पुणे जिल्ह्यात जिल्हास्तरीय शासकीय कार्यालयात कार्यरत असलेल्या तसेच प्रत्येक तालुक्यातील शासकीय कार्यालयात कार्यरत असलेल्या अंतर्गत महिला तक्रार निवारण समितीस त्यांची जवाबदारी,कर्तव्ये आणि कामाच्या ठिकाणी महिलांचा होणारा लैंगिक छळापासून संरक्षण (प्रतिबंध, मनाई आणि निवारण) अधिनियम-2013 मधील तरतुदींची प्रभावी अंमलबजावणी, या विषयी समिती सदस्यांना या समस्येची कारणे व स्वरूप याविषयी संवेदनशील बनविणे,या कायद्याच्या तरतुदीबाबत मार्गदर्शन केलं जाईल.

तसेच सदस्यांची सकारात्मकता वाढविणे, समिती सदस्य म्हणून जवाबदारी पार पाडण्यासाठी आवश्यक कौशल्य व जवाबदारीची  माहिती देणे,दाखल प्रकरणांच्या चौकशीची कार्यपध्दती, प्रक्रिया स्वरुप आणि व्याप्ती, स्थानिक व अंतर्गत तक्रार समितीच्या सदस्यांची भूमिका, जबाबदारी आणि आवश्यक कौशल्य यावर माहिती देण्यात येणार आहे. या चर्चासत्रात सहभागी होण्याचे आवाहन विभागीय उपआयुक्त, महिला व बाल विकास, पुणे विभाग प्रशांत शिर्के यांनी केले आहे.