ठेकेदारामार्फत विविध खात्यात हे सुरक्षारक्षक गेल्याकाही  वर्षांपासून महापालिका सेवेत कार्यरत आहेत. ठेकेदाराकडून वेळेवर वेतन न मिळणे, भविष्यनिर्वाह निधी ठेकेदारानेच लाटणे यासह अनेक समस्यांनी ग्रासलेल्या या सुरक्षारक्षकांच्या व्यथांकडे कायमच दुर्लक्ष करणाऱ्या पालिका प्रशासनाने आता तडकाफडकी सुरक्षारक्षकांना काढून टाकल्याने त्यांची दिवाळी अंधारात जाईल कि काय ? अशी शक्यता असल्याने याबाबत ओरडा झाल्याने दिवाळीनंतर हि पावले उचलण्याचे ठरले आहे . सध्या १८०० सुरक्षा रक्षक तैनात असून ९०० सुरक्षा रक्षकांचे टेंडर  ‘राजा उदार झाला’ पद्धतीने म्हणजे ठेकेदारच मोठा कुबेर जणू आणि त्यांने केवळ सामाजिक जबाबदारी म्हणून ‘ना नफा ना तोटा’ पद्धतीने हे टेंडर भरल्याचे स्पष्ट झालेले आहे . अशा स्थितीत या ९०० रक्षकांचे पगाराचे पैसे दिल्यानंतर उर्वरित ९०० रक्षकांना द्यायला पालिकेकडे पैसे उरलेले नाहीत . त्यामुळे आपणास एवढ्या रक्षकांची गरजच नाही . केवळ १२०० रक्षक पुरेसे आहेत . अशी भूमिका घेत ६०० रक्षकांना घरी पाठविण्याचा मनसुबा पालिकेत रचला गेला आहे . कंत्राटी कामगार पद्धतीने कसा अत्याचार चालविला आहे याकडे  देशातील एक उदाहरण म्हणून निश्चित पाहता येणार आहे .

पुणे-भारतीय जनता पार्टी पुणे कॅन्टोन्मेंट विधानसभा मतदार संघातील महिला आघाडी सरचिटणीसपदी दीप्ती अजय पाटोळे यांची नियुक्ती करण्यात आली . या नियुक्तीचे पत्र भारतीय जनता पार्टीचे प्रदेशाध्यक्ष रावसाहेब दानवे यांच्याहस्ते देण्यात आले .

दीप्ती अजय पाटोळे या घोरपडी गाव येथील असून त्यांनी स्वयंम सामाजिक संस्थेच्या माध्यमातून सामाजिक कार्य केले आहे . घोरपडी भागात शालेय विद्यार्थ्यांना शालेय साहित्य वाटप , वैद्यकीय क्षेत्रात उल्लेखनीय कार्य केलेल्या डॉक्टरांचा सत्कार व व्यसनमुक्ती साठी विशेष कार्य करत आहे . वैद्यकीय शिबिराचे आयोजन देखील केले आहे . भारतीय जनता पार्टीचे गेले अनेक वर्षांपासून कार्य करीत आहे .

वानवडी येथील महात्मा फुले सांस्कृतिक भवनमध्ये झालेल्या कार्यक्रमात हे नियुक्ती पत्र देण्यात आले . यावेळी भाजप पुणे शहराध्यक्ष योगेश गोगावले , महाराष्ट्र राज्याचे सामाजिक न्याय राज्यमंत्री दिलीप कांबळे ,खासदार अनिल शिरोळे , खासदार संजय काकडे , सभागृह नेते श्रीनाथ भिमाले , नगरसेवक सुनिल कांबळे ,   भारतीय जनता पार्टी पुणे कॅन्टोन्मेंट विधानसभा मतदार संघाचे अध्यक्ष जयप्रकाश पुरोहित , पुणे कॅन्टोन्मेंट बोर्डाचे अध्यक्ष संतोष इंदूरकर आदी मान्यवर उपस्थित होते . 

पुणे-उद्यम विकास सहकारी बँकेने सुनियोजित आणि यथोचित कार्य करताना सामाजिक बांधिलकी देखील जोपासली असे मत येथे आमदार मेधा कुलकर्णी यांनी व्यक्त केले .

उद्यम विकास सहकारी बँकेची वार्षिक सर्वसाधारण सभा उत्साहात पार पडली.यावेळी आमदार मेधा कुलकर्णी यांच्या हस्ते बँकेच्या सभासदांच्या व खातेदारांच्या दहावी व बारावीतील गुणवंत विद्यार्थ्यांचा सत्कार करण्यात आला,यात दहावीत ९८.२०% गुण मिळवणारा कनक खिंवसरा,९८% मिळवणारी तन्वी तारकुंडे,९२% गुण मिळवणारी तनया देव,अमित गाटे यांचा तर ९१ % मिळवणाऱ्या अक्षदा डोईफोडे यांचा विशेष सत्कार करण्यात आला तर बारावी च्या परीक्षेत ८६% गुण मिळवणारा मानस गोडबोले,८१% गुण मिळवणारा निरंजन केसकर यांना सन्मानित करण्यात आले.यावेळी आमदार मेधा कुलकर्णी यांनी बँकेच्या प्रगतीची कौतुक करताना नोटबंदीच्या काळात बँकेच्या कर्मचाऱ्यांनी अहोरात्र केलेले कष्ट आपण अनुभवले असून त्या काळात ग्राहकांशी सौजन्यपूर्ण व्यवहार केल्यामुळेच बँकेस प्रगती साधता आली असे ही त्या म्हणाल्या,तसेच जसे कर्मचाऱ्यांचे कौतुक केले पाहिजे तसेच बँकेच्या संचालकांचा ही या प्रगतीत मोलाचा वाट असल्याचे ही त्या म्हणाल्या.आपल्या सभासदांच्या गुणवंत पाल्यांचा सत्कार करून बँकेने सामाजिक बांधिलकी जोपासली असून त्याबद्दल ही बँक अभिनंदनास पात्र आहे.

उद्यम विकास सहकारी बँकेने ५% लाभांश जाहीर केला असून बँकेस एन पी ए ची टक्केवारी ही कमी करण्यात यश मिळाले असून बँकेची सर्वांगीण प्रगती होत असल्याचे बँकेचे अध्यक्ष संदीप खर्डेकर यांनी सांगितले.,बँकेचे अध्यक्ष संदीप खर्डेकर यांनी सर्व सभासदांचे स्वागत करताना ” बँकेने १०० कोटींचा टप्पा पार केल्यामुळे आता संपूर्ण महाराष्ट्रात बँकेस व्यवसाय करण्यास परवानगी मिळाली असून बँकेचा कार्यविस्तार करण्यासाठी संचालक मंडळ कटिबद्ध आहे.”असे सांगतानाच बँकेच्या सर्व कर्मचाऱ्यांनी नोटबंदी च्या काळात उत्तम कामगिरी केल्याची ही ते म्हणाले.यावेळी प्रमुख अतिथी म्हणून आमदार मेधा कुलकर्णी,बँकेच्या उपाध्यक्ष लीनाताई अनास्कर,संचालक पांडुरंग कुलकर्णी,दिलीप उंबरकर,महेंद्र काळे,मनोज नायर,दिनेश गांधी,शिरीष कुलकर्णी,गोकुळ शेलार इ उपस्थित होते.बँकेचे मुख्य कार्यकारी अधिकारी श्री दीपक देशपांडे यांनी अहवाल वाचन केल्यावर सर्व सभासदांनी एकमताने बँकेच्या ठरावांना मान्यता दिली.
दीपक देशपांडे यांनी सूत्र संचालन केले तर उपाध्यक्ष सौ लीना अनास्कर यांनी आभार प्रदर्शन केले.

पुणे, ३० सप्टेंबर २०१७ : महान विचारवंत साहित्यिक राल्फ वाल्डो इमर्सन यांनी म्हटले आहे, “सर्व जीवनच एक प्रयोग आहे. तुम्ही जेवढे अधिक प्रयोग करता तितके उत्तम.”अन्वम नागपाल (वय १७), आर. सिद्धार्थ (वय २४) आणि अन्विका नागपाल (वय १२) या तिघांनी एकत्र येऊन काचेचे देखणेपण आणि प्रकाशाची चमक यांच्या समन्वयातून ‘अर्बोल द ला लुझ’ (ट्री ऑफ लाईटसाठीचा स्पॅनिश शब्द) ही शिल्पकृती साकारली आहे. वापरलेल्या काचेच्या बाटल्या, विविध प्रकाश आणि इतर सामग्रीचा कुशल वापर करुन त्यांनी निसर्गाचा एक महान चमत्कार आविष्कृत करणारा अनोखा प्रकाशवृक्ष निर्माण केला आहे. त्याचबरोबर फेरप्रक्रिया (रिसायकलिंग) ही रंजक कृती कशी ठरते, याचाही वस्तुपाठ घालून दिला आहे.

 ‘सिम्बॉयसिस’चे संस्थापक व अध्यक्ष, पद्मभूषण डॉ. शां. ब. मुजूमदार यांच्या हस्ते आज ८१, क्लोव्हर हिल्स, एनआयबीएम रोड, पुणे येथे या शिल्पकृतीचे अनावरण झाले.

 ‘अर्बोल द ला लुझ’ ही शिल्पकृती ९ फूट उंच व एक टनाहून अधिक वजनाची आहे. त्यात १०० हून अधिक बाटल्या व किमान २५० प्रकाशांचा वापर करण्यात आला आहे. ही कलाकृती साकारताना या तिघांना अनेक आव्हानांना सामोरे जावे लागले. अन्वम आणि अन्विकाचे वडील अपूर्व नागपाल (अधिक माहितीसाठी संकेतस्थळ – http://www.apurvnagpal.com) गेली अनेक वर्षे वापरलेल्या बाटल्या जमा करत होते. त्यातून त्यांना एक व्हिंटेज कार बनवायची होती. नंतर ती कल्पना सोडून देऊन त्यांनी यातून एक झाड निर्माण करण्याची साधी कल्पना मांडली. तेही तितके सोपे नव्हते.

 यासंदर्भात अन्वम राजपाल म्हणाला, “झाडाच्या प्रत्येक स्तराची जुळणी व जोडणी करणे, त्यातील प्रत्येक फांदीला प्रकाश देणे, तो पोकळ्यांमधून नागमोडी नेणे, या गोष्टी प्रकल्पाचा सर्वाधिक अवघड भाग होत्या. मात्र या आव्हानांवर मात करणे, तसेच गेले सहा महिने हा प्रकल्प काही थोड्या बाटल्यांपासून ते अगदी फांद्या आणि फळांनी परिपूर्ण अशा झाडापर्यंत पूर्ण होताना बघणे हीसुद्धा मोठी मौज होती.”

 सिद्धार्थ म्हणाला, “काचेला आधार देणे व तरीही ती लवचिक ठेवणे जेणेकरुन जसजसा प्रकल्प विकसित होत जाईल तसतशी रचना बदलेल, हा भाग मला सर्वात औत्सुक्याचा वाटला. बाटल्यांच्या कडा, विविध आकाराच्या बाटल्यांची उपलब्धता, त्यांचे रंग अशा सर्व घटकांनी ही रचना निश्चित करण्यात महत्त्वाची भूमिका बजावली आणि रचना साकारताना अनेक स्रोतांकडून मतप्रदर्शनाचीही कमतरता नव्हती.”

 बाटल्या पडू न देता पक्क्या चिकटवण्याच्या कामात अन्विका गढून गेली होती. ती म्हणाली, “आम्ही या बाटल्या चिकटवलेल्या स्थितीत स्थिर राहाव्यात, यासाठी सुपरग्लू, सिलिकॉन, चिकणमाती व अगदी वायर वापरुन अनेक चाचण्या केल्या. अखेर विविध बाटल्या व आकारांची कल्पक रचना करुन आणि विशेषतः झाडाच्या वेगवेगळ्या भागांसाठी निरनिराळ्या माध्यमांचा एकत्रित वापर केल्याने आम्हाला अपेक्षित परिणाम मिळाला.”

 हा प्रकल्प अगदी सहज साकारला नाही. उलट तो दमवणूक करणारा, कठीण, आव्हानात्मक आणि प्रसंगी निराशाजनकही होता. तरीही या तिघांसाठी तो अविस्मरणीय ठरला आणि काही बाटल्यांपासून अख्खे झाड साकारल्यावर ती कलाकृती प्रेरणादायी आणि समाधान देणारी ठरली. वापरलेल्या सामग्रीवर फेरप्रक्रिया करताना आपल्यातील कल्पकतेची उर्मी बाहेर काढणे, हे खरोखर परिपूर्तीचा अनुभव देणारे होते.

 ट्री ऑफ लाईट साकारणाऱ्या तिघा कलाकारांविषयी :

अन्वम नागपाल (वय १७) हा सिम्बॉयसिस इंटरनॅशनल स्कूलचा विद्यार्थी आहे. त्याला विविध क्षेत्रांत रस आहे, ज्यात वादविवाद स्पर्धा (त्याने काही मॉक युएन्समध्ये विजेतेपदही मिळवले आहे.), फूटबॉल (नुकत्याच झालेल्या फूटबॉल कॅम्पमध्ये सर्वोत्तम खेळाडूचे पारितोषिक), चित्रपट, संगीत, कला व छायाचित्रण (कल्पक इन्स्टाग्रामर) यांचा समावेश आहे. तो अनुभवी पर्यटकही आहे. त्याने वयाच्या दुसऱ्या वर्षीच आपली पारपत्र पुस्तिका (पासपोर्ट बुकलेट) पूर्ण केली होती.

 आर. सिद्धार्थ (वय २४) हा नुकताच आयआयएम अहमदाबादमधून उत्तीर्ण झाला आहे. (तेथे त्याने अपूर्व शिकवत असलेला अभ्यासक्रम निवडला होता.) सध्या तो आरबीएल बँकेच्या कॉर्पोरेट बँकिंग विभागाचा कर्मचारी आहे. त्याला इतिहास, वाचन, कला, गेमिंग व धावण्याच्या क्रीडाप्रकारात रस आहे. तो उत्तम खवय्या असून त्याला मित्रांसमवेत नव्या रेस्टॉरंट्समध्ये जाणे आवडते.

 अन्विका नागपाल (वय १२) ही व्हिबग्योर हाय इंटरनॅशनल स्कूलची विद्यार्थिनी आहे. ती नृत्यपारंगत असून अनेक समूहनृत्यांमध्ये तिने प्रशंसनीय कामगिरी करुन दाखवली आहे. तिला हिंदी व इंग्रजी गाणी गाण्याची आवड असून ती गानवृंदामध्ये गायनाचा सराव करते. अन्विकाला जगभर प्रवास करण्याची आकांक्षा आहे. तिने गेल्या तीन फिफा वर्ल्ड कप फूटबॉल स्पर्धांना उपस्थिती लावली आहे.

णे :

गांधी जयंती (दिनांक 2 ऑक्टोबर) हा दिवस ‘जागतिक अहिंसा दिन’ म्हणून पाळला जातो. या निमित्ताने ‘महाराष्ट्र गांधी स्मारक निधी’ आणि ‘युवक क्रांती दल’ यांच्या संयुक्तपणे आज  सकाळी  ‘शांती मार्च’चे आयोजन करण्यात आले होते.

सेनापती बापट पुतळा, अलका चौक, सीटी पोस्ट अशा मार्गे ​​शनिवार वाडा येथे शांती मार्च चा समारोप झाला. शनिवार वाडा येथे ‘थाळीनाद’ करण्यात आला. जाहेदभाई, चित्रलेखा जेम्स् हे धर्मगुरू शांती मार्च मध्ये सहभागी झाले होते. संदीप बर्वे, अप्पा अनारसे, श्रीपाद ललवाणी, मयुरी शिंदे, यल्लपा धोत्रे, सचिन पांडोळे, अजय हाप्पे, अतूल पोटफोडे, जांभुवंत मनोहर आदी कार्यकर्त्यांनी शांतीमार्चचे संयोजन केले. माहेर संस्थेचे सदस्य, ‘कोपरे गाव’ चे ग्रामस्थ, मोहोळ विद्यालयाचे विद्यार्थी उपस्थित होते.

‘युध्द नको बुद्ध हवा’, ‘हम सब एक है’  अशा घोषणा देण्यात आल्या.प्रसंगी बोलताना संदीप बर्वे म्हणाले, ‘भारतीय राज्य घटनेवर निष्ठा असणार्‍या सर्व नागरिकांनी एकत्र येऊन दंगलमुक्त समाजासाठी रस्त्यावर उतरले पाहिजे. यासाठी हा ‘शांती मार्च’ आयोजित करण्यात आला होता. पुणे शहर दंगलमुक्त राखण्याचा आमचा संकल्प व ठाम निर्धार आहे. समाजात अमन सर्वांत महत्त्वाचे असते. ‘ चित्रलेखा जेम्स म्हणाल्या, ‘हिंसामुक्त समाज हा प्रत्येक नागरिकाला अपेक्षित आहे. परंतु दुर्देवाने समाजातील काही घटकांच्या अविचारी कृत्यांमधून समाजातील शांतता ढळते. अशावेळी महात्मा गांधीचे विचार समाजात रुजण्याची आवश्यकता लक्षात येते. त्या दृष्टीने महात्मा गांधींच्या विचारांचे स्मरण व्हावे म्हणून 2 ऑक्टोबर राष्ट्रपिता महात्मा गांधी यांचा जन्मदिन. हा दिवस जगभर ‘जागतिक अहिंसा दिन’ म्हणून साजरा केला जातो. धर्म, जात, रंग, भाषा आणि अनेक कारणांसाठी भिन्न असणारे आपण भारतीय म्हणून एक आहोत. शेकडो वर्षांपासून एकोप्याने राहण्याची आपली समृद्ध परंपरा आहे.’

‘गांधी जयंती व जागतिक अहिंसा दिनाच्या निमित्ताने दंगलमुक्त, हिंसामुक्त समाजाच्या निर्मितीचा सामूहिक संकल्प करण्यासाठी या शांती मार्च चे आयोजन करण्यात येते’​.