ओडिशा कौशल्य विकास प्राधिकरणाशी सुद्धा देआसराने केला सहयोग.

पुणे-देआसरा फाऊंडेशन, नव उद्योजकांना सक्षम करण्याच्या उद्देशाने, देआसराने संपूर्ण देशभरात उद्योगाला चालना देण्यासाठी टाटा ट्रस्ट आणि ओडिशा कौशल्य विकास प्राधिकरण (ओएसडीए) बरोबर सहयोग केला आहे. तांत्रिक शिक्षणाच्या सुधारणेवर लक्ष केंद्रित करणे, कौशल्यांवर आधारीत प्रशिक्षणासाठी योग्य पायाभूत सुविधा विकसित करणे आणि अधिक महत्त्वाचे, उद्योजकता मध्ये विकास यावर भर दिला जाणारा आहे.

ओएसडीए प्रामुख्याने ओडिशामधील कौशल्याच्या विकासाशी निगडीत आहे, ज्या मध्ये प्रामुख्यानी तरुणांना उद्योगाच्या कौशल्याचे प्रशिक्षित दिले जाते. ओएसडीए उद्योगीक शिक्षण आणि प्रशिक्षण देईल,या सहयोगातून देआसरा सुद्धा ओडिशा मधील तरुणांना नवउद्योग उभा करण्यात मदत करणार आहे.तसेच देआसरा  युवकांना व्यावसायिक योजना तयार करण्याची क्षमता प्रदान करेल जे पूर्णपणे कार्यात्मक आणि समजून घेणे सोपे असेल.

असेच टाटा ट्रस्ट हि उद्योजकता वाढविण्यासाठी आणि बेरोजगार युवकांना स्वतःचे व्यवसाय सुरू करण्यासाठी मदत करत असते.यात देआसरा फाऊंडेशनने टाटा ट्रस्टच्या मदतीने एक व्यवहार्य व्यवसाय योजना विकसित करणे, निधीची सुविधा पुरविणे आणि एक फायदेशीर व्यवसाय चालवण्यासाठी इच्छुक उमेदवारांना मार्गदर्शन केले जाणार आहे.

या वेळी देआसरा फाऊंडेशनचे मुख्य कार्यकारी अधिकारी सौ.प्रज्ञा गोडबोले म्हणाले,” या दोन स्थापन केलेल्या संस्थांच्या सहकार्यात्मक दृष्टीकोनामुळे आपण सर्व एकत्रितपणे जास्त तरुण वर्गाला मदत करू शकू जे योग्य दिशेने मार्गक्रमान करतील ज्यामुळे उद्योगजगतात विकास,स्वयंरोजगार आणि रोजगार संधी युवकांना उपलब्ध होईल “

देआसरा, टाटा ट्रस्ट आणि ओएसडीए एकत्रितपणे बेरोजगारीच्या समस्येचे निराकरण करण्यात मदत करू शकतात आणि युवकांना आपल्या भविष्याला मदत करण्याच्या संधी उपलब्ध करून देऊ शकतात.

पुणे– जिल्‍ह्याची देशात ऐतिहासिक, सामाजिक, शैक्षणिक व सांस्‍कृतिक राजधानी म्‍हणून वेगळी ओळख असून जिल्‍ह्यात विविध योजनांच्‍या माध्‍यमातून पुणे हे विकासाचे नवे स्‍मार्ट मॉडेल म्‍हणून विकसित होत आहे.  ‘सिध्‍दी 2017-संकल्‍प 2018’च्‍या माध्‍यमातून विकासाला अधिक गती देण्‍याचा प्रयत्‍न करण्‍यात येत असल्‍याचे अपर जिल्‍हाधिकारी रमेश काळे यांनी सांगितले.

जिल्‍हाधिकारी कार्यालयात झालेल्‍या   ‘सिध्‍दी 2017-संकल्‍प 2018’ या उपक्रमांतर्गत आयोजित पत्रकार परिषदेत ते बोलत होते. यावेळी जिल्‍हा उपनिबंधक आनंद कटके, निवासी उपजिल्‍हाधिकारी राजेंद्र मुठे, जिल्‍हा माहिती अधिकारी राजेंद्र सरग, माहिती अधिकारी वृषाली पाटील यांच्‍यासह इतर उपस्थित होते.

अपर जिल्‍हाधिकारी श्री. काळे यांनी विविध विषयाशी संबंधित माहिती दिली. छत्रपती शिवाजी महाराज शेतकरी सन्मान योजनेबाबत ते म्‍हणाले, पुणे जिल्हयातील  पुणे जिल्हा मध्यवर्ती सहकारी बँकेच्या सभासद शेतक-यांसाठी   या योजनेअंतर्गत  385.57 कोटी रुपये रक्कम प्राप्त झाली. त्‍यानुसार  47 हजार 78 थकबाकीदार सभासद शेतक-यांना रक्कम रु. 244.86 कोटी रुपये शेतक-यांच्‍या खात्‍यावर वर्ग करण्‍यात आली.   वेळेवर कर्ज परत करणा-या 77 हजार 860 सभासद शेतक-यांना  प्रोत्साहनपर   लाभासाठीची  रक्कम  127.83 कोटी रुपये देण्‍यात आली. सदरची रक्कम  शेतक-यांच्या खाती वर्ग करण्याचे काम पूर्ण झाले.

पुनर्गठन केलेल्या 1,031 शेतकरी सभासदांना 4.21 कोटी  रुपये इतक्या रकमेचा  लाभ देण्यात आलेला असल्‍याचेही त्‍यांनी सांगितले.     पुणे जिल्हा मध्यवर्ती सहकारी बँकेच्या एकूण 1 लक्ष 24 हजार 938 सभासद शेतक-यांना  372.69 कोटी इतक्या रक्कमेचा लाभ या योजने अंतर्गत देण्यात आला.  लाभ देण्यात आलेल्या शेतकऱ्यांना एसेमेसव्दारे कळविण्यात आलेले असून मुद्दल व व्याजासह  1.50 लाखापेक्षा जास्त थकबाकी असलेल्या पात्र   शेतकऱ्‍यांनी   1.50 लाखावरील रक्कम भरल्यास शासनातर्फे   1.50 लाख  लाभाची  रक्कम शेतकऱ्यांना अदा करण्यात येणार असल्‍याचे अपर जिल्‍हाधिकारी काळे यांनी स्‍पष्‍ट केले.

   श्री क्षेत्र निरा नृसिंहपूर तीर्थक्षेत्र विकास आराखड्याच्या अनुषंगाने  मुख्यमंत्री यांच्या अध्यक्षतेखाली 2 मार्च 2016 रोजी शिखर समितीची बैठक संपन्न झाली. या बैठकीत  जिल्हाधिकारी, पुणे यांनी केलेल्या आराखडयाच्या सादरीकरणात उच्चाधिकार समितीने दिलेल्या निर्देशानुसार  सविस्तर प्रकल्प अहवाल शिखर समिती समोर सादर केलेला आहे. त्याच अनुषंगाने या  आराखड्यास शिखर समितीने  260.86 कोटी रुपयांच्या आराखड्यास  मंजुरी दिली असल्‍याचे श्री. काळे यांनी सांगितले. श्री क्षेत्र भीमाशंकर तीर्थक्षेत्रासाठी  148.97  कोटी रुपयांचा  आराखडा शासनाकडे  सादर करण्‍यात येणार असल्‍याचे त्‍यांनी सांगितले.

प्रमोद महाजन कौशल्य विकास व उद्योजकता अभियान अंतर्गत कौशल्य विकास प्रशिक्षणासाठी सूचिबध्‍द प्रशिक्षण संस्‍था  279 असून यामध्‍ये7140 विद्यार्थी प्रशिक्षण घेत आहेत. आतापर्यंत प्रशिक्षण पूर्ण केलेले प्रशिक्षणार्थी 9 हजार 810 असल्‍याचे श्री. काळे यांनी सांगितले.

राज्‍यात 1 जुलै ते 7 जुलै 2018 या कालावधीत 13 कोटी वृक्षलागवड करण्‍यात येणार असून पुणे जिल्‍ह्यात 55 लक्ष 91 हजार वृक्ष लागवडीचा संकल्‍प करण्‍यात आल्‍याची माहिती अपर जिल्हाधिकारी काळे यांनी दिली. त्‍यानुसार उद्दिष्‍टपूर्तीसाठी नियोजन करण्‍यात आले आहे.

झिरो पेंडन्‍सी उपक्रमांतर्गत  1 नोव्‍हेबर 2017 ते 31 डिसेंबर 2017 अखेर 2 लाख 60 हजार 64 प्रकरणांची निर्गती करण्‍यात आली.  31 डिसेंबर 2017 अखेर  23 हजार 512 प्रकरणे शिल्‍लक असून त्‍यावर कार्यवाही सुरु असल्याचेही त्‍यांनी सांगितले.

 पुरंदर येथील छत्रपती संभाजीराजे आंतरराष्ट्रीय विमानतळ तसेच लोहगाव विमानतळ विस्तारीकरणाबाबतही त्‍यांनी माहिती दिली. जलयुक्‍त शिवार अभियानामध्‍ये 2017-18 मध्‍ये जिल्‍ह्यातील 190 गावांची निवड करण्‍यात आली असून 5 हजार 855 कामांचा आराखडा तयार केलेला आहे. यापैकी 825 कामे हाती घेण्‍यात आली आहेत.  या अभियानांतर्गत सन 2015-16 मध्‍ये उत्‍कृष्‍ट योगदान दिल्‍याबद्दल राज्‍यपातळीवर प्रथम क्रमांकाचे पारितोषिक पुरंदर तालुकयास मिळालेले असून राज्‍य पातळीवरील  उत्‍कृष्‍ट कामगिरीबाबत पुणे जिल्‍ह्यास  द्वितीय क्रमांकाचे पारितोषिक मिळाल्‍याचे त्‍यांनी सांगितले. 

पुणे – देव डोळे देतो, दृष्टी देत नाही, ती ज्याची त्याने विकसित करावी लागते. अशी दृष्टी विकसित झाल्यास कलाकाराची कला दिसेल, ती कलाकृती आपली वाटू लागेल आणि तिचे संरक्षण होऊ शकेल असे मत प्राचीन मंदिर स्थापत्य आणि मूर्तिशास्त्राचे अभ्यासक उदयन इंदूरकर यांनी व्यक्त केले.

व्यक्ती आणि अभिव्यक्तीचा अनोखा संगम असणार्‍या ‘मुक्तछंद’ या फर्ग्युसन महाविद्यालयाच्या वार्षिक महोत्सवाचे उद्घाटन करताना श्री इंदुरकर बोलत होते. हे या महोत्सवाचे विसावे वर्ष आहे. सांस्कृतिक विभागाचे प्रमुख प्रा. शंकर पवार, चित्रा खरे यांची उपस्थिती होती.

श्री. इंदूरकर पुढे म्हणाले, ‘ग्रीस, रोमन, इजिप्त आदी देशांमध्ये आपल्या आधीपासून मंदिरांची परंपरा होता. ज्यावेळी या देशांमध्ये मंदिरांची निर्मिती होत होती त्यावेळी आपल्या देशामध्ये ग्रंथाची निर्मिती चालू होती. कृषि, आयुर्वेद, गणित, नौकानयन आदी विषयात आपण समृध्द होतो. या परिपूर्ण ज्ञानाचा विवेकपूर्ण आणि व्यवहारी उपयोग आपण केला.’

ते पुढे म्हणाले, ‘राजकीय इतिहास हा देशाचा खरा इतिहास असल्याचे समजले जाते, तसे असेल तर गेल्या पन्नास वर्षांत साठ देशांचे अस्तित्व संपुष्टात आले. देशाचा खरा इतिहास त्याच्या कलांच्या इतिहासात असतो.’ श्री. इंदूरकर यांनी ध्वनीचित्रफितीद्वारे देशातील व जगातील मंदिरांची माहिती दिली. लेणी, स्तूप, शिलालेख, मूर्ती व मंदिरे हा प्रवास उलगडून सांगितला. जैन, बौध्द, हिंदू परंपरेची माहिती दिली.

पुणे-ज्या बीआरटी ने पुण्यात कलमाडी आणि कॉंग्रेसची सत्ता महापालिकेतून उलथवून लावली ,नंतर राष्ट्रवादीला देखील विरोधी बाकावर आणले अशा बीआरटी प्रकरणी…  निधी गेला तरी बेहत्तर पण पुणे-मुंबई महामार्गावर बीआरटी नको अशी भूमिका चक्क सत्ताधारी असलेल्या भाजपच्या पिंपरी महापालिकेतील स्थायी समिती अध्यक्षा सीमा सावळे यांनी घेतली आहे. माणसी एकाहून अधिक खाजगी वाहने ज्या शहरात आहेत . अशा शहरात वाहतूक समस्येच्या नावाखाली,खाजगी वाहनांची कोंडी करून बीआरटी सारख्या योजना  फक्त भ्रष्टाचारासाठी आणल्याचे आजतागायत पुण्यात तरी स्पष्ट झाले आहे . कित्येकदा बीआरटी तयार केली आणि उखडली , सायकल मार्ग हि तसेच वाहतूक समस्या हे भ्रष्टाचारासाठी कुरण मानून योजना आणल्या जात आहेत . अशा पार्श्वभूमीवर सीमा सावळे यांच्या विधानाला महत्व प्राप्त झाले आहे .

पिंपरी-चिंचवड महापालिकेत विरोधी पक्षात काम करत असताना देखील पुणे-मुंबई महार्गावर बीआरटी करण्यास विरोध केला होता. त्याचे दोष दाखवून दिले होते. त्यामुळे मनुष्यहानी होऊ शकते, असे सांगितले होते. त्यामुळे हा प्रकल्प रद्द करावा, अशी मागणी त्यावेळीही केली होती. सत्तेत असतानाही त्या मागणीवर आम्ही ठाम आहोत.असे सीमा सावळे यांनी  आज स्पष्ट केले .पिंपरी-चिंचवड महापालिकेच्या स्थायी समितीची साप्ताहिक सभा आज पार पडली. सभेत पुणे-मुंबई महामार्गावरील निगडी-दापोडी बीआरटीएसबाबत चर्चा झाली. त्यानंतर सावळे यांनी सभेतील माहिती पत्रकारांना दिली.

सीमा सावळे म्हणाल्या, ”महापालिका प्रशासन बीआरटी मार्गावर सुरक्षेच्या उपाययोजना केल्याचा दावा करीत आहे. ही बाब चुकीची आहे. मर्ज इन आणि आऊट येथील उपाययोजना पुरेशा नाहीत. आयआयटीच्या सूचनांचे पूर्णपणे पालन झालेले नाही. तसेच दापोडी ते पिंपरीदरम्यानच रस्त्यावर मेट्रोचे काम सुरू आहे. त्यामुळे येथील मार्गाचे काम पूर्ण झालेले नाही. येथील प्रवास धोक्याचाच ठरणार आहे. हा प्रकल्प सुरू करण्याचा घाट कशासाठी. प्रवाशांच्या सुरक्षेची काळजी न घेतल्यास बीआरटी सुरू होऊ देणार नाही. वेळप्रसंगी निधी परत गेला तरी चालेल परंतु या मार्गावर बीआरटी झाली नाही पाहिजे. आयुक्त म्हणतात बीआरटीची जबाबदारी निश्चित करावी लागेल. मग सगळ्या प्रकल्पांची देखील जबाबदारी निश्चित केली पाहिजे” असे सावळे म्हणाल्या.

पुणे :’महाराष्ट्र कॉस्मॉपॉलिटन एज्युकेशन सोसायटी’च्या ‘मराठी अकादमी’तर्फे मराठी भाषा संवर्धन पंधरवडयानिमित्त काव्य संमेलनाचे आयोजन करण्यात आले होते.

आझम कॅम्पस ग्रीन ऑडिटोरियम येथे हे काव्य संमेलन झाले. गझलकार श्रीनिवास वारुंजीकर यांनी उद्घाटन केले आणि गझल सादर केल्या.

उद्घाटन प्रसंगी वारुंजीकर म्हणाले, ‘आझम कॅम्पसच्या पुढाकाराने मराठी भाषा पंधरवडा साजरा होत आहे, ही उल्लेखनीय गोष्ट आहे. मराठी लेखनात काव्य हा लोकप्रिय काव्यप्रकार आहे. कविता लिहिणे हा आनंददायक प्रकार असतो. भावनांना शब्दात आपण दाद देतो तेव्हा कविता जन्माला येते. मिर्झा गालीब यांची शायरी लिहिण्यावरील निष्ठेने समाजात लोकप्रिय झाली. मराठीतून स्वाक्षरी करण्याचे आवाहन त्यांनी केले. ‘

कार्यक्रमाचे प्रास्ताविक ‘अँग्लो उर्दू बाईज हायस्कुल अँड ज्युनिअर कॉलेज’ च्या प्राचार्य परवीन शेख यांनी केले. मराठी अकादमीच्या संचालक नूरजहाँ शेख यांनी संयोजन केले.

परीक्षण नूतन शेटे, झुबेर पटेल यांनी केले. इम्रान झारेगीर यांनी आभार मानले. केतकी भोसले उपस्थित होत्या. २०० हून अधिक विद्यार्थी सहभागी झाले.