पुणे- आयडीयाज्‌ अ सास कंपनी यांच्या तर्फे स्वर्गीय अंकुर जोगळेकर यांच्या स्मरणार्थ 14व्या अंकुर जोगळेकर मेमोरियल आंतर आयटी क्रिकेट  2017-18 स्पर्धेत इन्फोसिस संघाने अॅटॉस्‌ संघाचा तर अॅमडॉक्स संघाने सिमेंस संघाचा पराभव करून उपांत्य फेरीत प्रवेश केला.

पीवायसी हिंदू जिमखाना येथे सुरू असलेल्या या स्पर्धेत उपांत्यपूर्व फेरीत आशय पालकरच्या अचूक गोलंदाजीच्या बळावर इन्फोसिस संघाने अॅटॉस्‌ संघाचा 7 गडी राखून पराभव करत उपांत्य फेरीत प्रवेश केला. पहिल्यांदा खेळताना आशय पालकर व थॉमसन स्टेव यांच्या अचूक गोलंदाजीपुढे अॅटॉस्‌ संघाचा डाव 20 षटकात सर्वबाद 129 धावांत रोखला. 129 धावांचे लक्ष संदिप सांघाईच्या जलद 41 धावांसह इन्फोसिस संघाने केवळ 18.2 षटकात 3 बाद 130 धावा करून सहज पुर्ण केले. आशय पालकर 22 धावांत 4 गडी बाद करणारा आशय पालकर सामनावीर ठरला.

दुस-या लढतीत आवेश सय्यदच्या जलद अर्धशतकी खेळीच्या जोरावर अॅमडॉक्स संघाने सिमेंस संघाचा 34 धावांनी पराभव करत उपांत्य फेरीत प्रवेश केला. पहिल्यांदा खेळताना  अॅमडॉक्स संघाने 20 षटकात सर्वबाद 192 धावा केल्या. यात रोहित लालवानीने 30 धावा करून आवेशला सुरेख साथ दिली. 192 धावांच्या आव्हानाचा पाठलाग करताना संदिप कानिटकरच्या 40 धावा संघाला विजय मिळवून देऊ शकल्या नाहीत व  ह्रषद खटावकर, भावनीश कोहली व मितेश मयेकर यांच्या अचूक गोलंदाजीपुढे सिमेंस संघ 18.5 षटकात सर्वबाद 158 धावांत गारद झाला. आवेश सय्यद सामनावीर ठरला.

स्पर्धेचा सविस्तर निकाल: उपांत्यपूर्व फेरी:

अॅटॉस्‌- 20 षटकात सर्वबाद 129 धावा(विघ्नेश मोहन 33, महेश भोसले 31, आशय पालकर 4-22, थॉमसन स्टेव 3-27) पराभूत वि इन्फोसिस- 18.2 षटकात 3 बाद 130 धावा(प्रभज्योत सिंग 23, संदिप सांघाई 41(24), आशय पालकर 23, साईनाथ शिंदे नाबाद 23, विघ्नेश मोहन 2-27) सामनावीर- आशय पालकर

इन्फोसिस संघाने 7 गडी राखून सामना जिंकला. 

अॅमडॉक्स- 20 षटकात सर्वबाद 192 धावा(आवेश सय्यद 56(27), रोहित लालवानी 30, अभिषेक पाटणकर 23, राजेश धालपे 3-30, संदिप कानिटकर 2-24, संजय पाटील 2-19) वि.वि सिमेंस- 18.5 षटकात सर्वबाद 158 धावा(हिमांशू अगरवाल 34, संदिप कानिटकर 40(25), राजेश धालपे 23, ह्रषद खटावकर 3-16, भावनीश कोहली 3-22, मितेश मयेकर 2-51) सामनावीर- आवेश सय्यद

अॅमडॉक्स संघाने 34 धावांनी सामना जिंकला. 

पुणे :  प्रधानमंत्री आवास योजने अंतर्गत येत्या पाच वर्षांत सर्वांना स्वस्तातील घरे उपलब्ध करून दिली जातील. अशी माहिती पालकमंत्री गिरीश बापट यांनी सोमवारी दिली.   ‘पीएमआरडीए’ने  औंध  येथील भीमसेन जोशी सभागृहात कार्यशाळा  आयोजित केली होती. त्याचे  उदघाटन बापट यांच्या  हस्ते झाले त्यावेळी ते बोलत होते.

पिंपरी चिंचवड महानगरपालिकेचे महापौर नितीन काळजे,आयुक्त किरण गिते, पिंपरी चिंचवड महानगरपालिकेचे आयुक्त श्रावण हर्डीकर, हुडकोच्या वैजयंती महाबळ, क्रेडाईचे नॅशनलचे प्रेसिडेंट सतीश मगर, क्रेडाई महाराष्ट्रचे शांतीलाल कटारिया, क्रेडाई पुणे मेट्रोचे अध्यक्ष श्रीकांत परांजपे, मराठी बांधकाम व्यावसाईक असोसिएशनचे गजेंद्र पवार  यांच्यासह अनेक विकसक, बांधकाम व्यावसायिक,ग्राहक आणि मान्यवर यावेळी  उपस्थित होते.

बापट म्हणाले,  केंद्र आणि राज्य सरकारने  ठेवलेले उद्दिष्ट 2022 पर्यंत पूर्ण केले जाईल. त्यातून  पुणे जिल्ह्याचे जीवनमान उंचवण्याचा  आमचा प्रयत्न राहील. नोकरी, व्यवसाय व अन्य कारणास्तव लोक शहराकडे स्थलांतरित होत आहेत. त्यामुळे कुटुंबाचे विकेंद्रीकरण होत आहे. शहरात आल्यावर प्रारंभी मिळेल त्या जागेत लोक राहतात. काही कालावधीनंतर ते आपले जीवनमान सुधारण्यासाठी प्रयत्न करतात. यावेळी शहरात स्वत:चे घर असावी .अशी त्यांची नैसर्गिक अपेक्षा असते. पण शहरातील  जागेंच्या दरामुळे सर्वसामान्यांना शहरात घर घेणे शक्य होत नाही. याचाच विचार करून केंद्र सरकार  प्रधानमंत्री आवास योजनेमार्फत  सर्वसामान्यांना स्वस्तात घरे उपलब्ध करून देत आहे.  महाराष्ट्रात २०२२ पर्यंत १९.४० लाख घरे बांधण्यात येणार आहेत. पुणे जिल्ह्यात २ लाख १९ हजार घरे सर्वसामान्यांसाठी उपलब्ध करून दिली जाणार आहेत.  रस्ते, पाणी यांसारख्या भौतिक गरजा ही पुरवण्याची आमची जबाबदारी आहे.  ‘पीएमआरडीए’ आणि ‘म्हाडा’ च्या मदतीने पुणे जिल्याचे हे उद्दिष्ट आम्ही नक्की पूर्ण करू.  किरण गित्ते यांनी सर्वसामान्यांना स्वस्तात घरे देण्यासाठी पीएमआरडीए प्रयत्नशील असून प्रधानमंत्री आवास योजनेबद्दल माहिती देण्यासाठी स्वतंत्र समन्वय कक्ष स्थापन करत असल्याचे सांगितले. तसेच  या योजनेच्या सफलतेसाठी खासगी बांधकाम व्यावासायिकांची मदत घेतली जाणार असल्याचे ही त्यांनी स्पष्ट केले.

श्रावण हर्डीकर यांनी प्रधानमंत्री आवास योजनेची घोडदौड वेगाने सुरु व्हावी यासाठी पिंपरी चिंचवड महानगर पालिकेने ही सहभाग नोंदवला आहे. अशी माहिती दिली.

सतीश मगर यांनी केंद्र आणि राज्य सरकारने आणलेल्या या योजना मुळे बांधकाम क्षेत्राला प्रोत्साहन मिळाले असून यामुळे या व्यवसायाला आलेली मरगळ झटकण्यास मदत होईल. सर्व सामान्यांना परवडणारी घरे उपलब्ध होण्यासाठी क्रेडाई कडूनही लागेल ती मदत देण्यात येईल असे सांगितले.

प्रधानमंत्री आवास योजनेबाबत केंद्र सरकारचे नियम, त्या संदर्भातील अध्यादेश याबाबत माहिती देण्यासाठी पीएमआरडीएने पुढाकार घेवून लोकांच्या शंकांचे निरसन करावे. पीएमआरडीए कडे नोंद असलेल्या व्यावसायिकांनी याबाबतची माहिती ‘ई- मेल’ द्वारे द्यावी अशी सूचना यावेळी पालकमंत्री गिरीश बापट यांनी केली.

मुंबई–महावितरणच्या संचालक (वाणिज्य) या पदावर श्री. सतीश चव्हाण यांची नुकतीच नियुक्ती करण्यात आली असून महावितरण मुख्यालयातील प्रकाशगड मुंबई येथील सांघिक कार्यालयात ते यापूर्वी कार्यकारी संचालक (वाणिज्य) म्हणून कार्यरत होते.

        मुळचे नांदेड येथील रहिवाशी असलेले श्री सतीश चव्हाण यांनी औरंगाबाद येथील शासकीय अभियांत्रिकी महाविद्यालयातून 1987 मध्ये विद्युत अभियांत्रिकीची पदवी संपादन केली आहे. त्यानंतर त्यांनी सुमारे 14 वर्षे भारतासह दक्षिण कोरिया व बांगला देशातील विविध स्टील उद्योगात महत्वपूर्ण पदावर काम केले. तसेच त्यांनी महापारेषण कंपनीतील 400 किव्हो व अतिउच्चदाब बांधकाम विभागात उपकेंद्र व वाहिनी उभारणीच्या कामाची जबाबदारी सुमारे 7 वर्षे सांभाळली.

        2009 साली त्यांची महावितरणमध्ये सरळसेवा भरतीने अधीक्षक अभियंता पदावर निवड झाली. या पदावर त्यांनी 5 वर्षे काम केले. त्यापैकी व्यवस्थापकीय संचालक यांचे विशेष कार्यअधिकारी म्हणून सुमारे 2 वर्षे उत्कृष्टरित्या काम केले. याशिवाय ते भार व्यवस्थापन, मुंबई व पुणे चांचणी विभागातही कार्यरत होते. त्यानंतर सतिश चव्हाण यांची पदोन्नतीद्वारे मुख्य अभियंतापदी म्हणून निवड झाली. औरंगाबाद परिमंडलाचे मुख्य अभियंता म्हणून कार्यरत असताना त्यांनी ग्राहकसेवा सुधारण्यात भरीव कामगिरी केली आहे.

महावितरणमधील महत्वाच्या असलेल्या कार्यकारी संचालक (वाणिज्य) या पदावर त्यांनी दीड वर्षे काम केले. त्यांच्या कामाची दखल घेऊन श्री सतिश चव्हाण यांची संचालक (वाणिज्य) या महत्वाच्या पदावर पदस्थापना करण्यात आली आहे.