पुणे, : छत्रपती शिवाजी महाराजांच्या जीवनावर आधारित ऐतिहासिक शिवसृष्टीसाठी बीडीपीची 50 एकर जागा व पुणे मेट्रोच्या डेपोसाठी कोथरुड येथील कचरा डेपोची जागा देण्यासंदर्भात मुख्यमंत्री देवेंद्र फडणवीस यांनी आज निर्णय घेतला. याबद्दल खासदार संजय काकडे यांनी मुख्यमंत्री देवेंद्र फडणवीस यांच्या प्रती पुणेकरांच्या वतीने आभार व्यक्त केले आहेत. 18 नोव्हेंबर 2017 रोजी खासदार संजय काकडे यांनी मुख्यमंत्री फडणवीस यांना पत्र लिहून शिवसृष्टीसाठी बीडीपीची जागा द्यावी व कचरा डेपोच्या जागेवर पुणे मेट्रोचा डेपो करावा असा तोडगा सर्वप्रथम सूचविला होता. आजच्या निर्णयामुळे काकडे यांच्या तोडग्यावर मुख्यमंत्र्यांनी शिक्कामोर्तब केल्याचे स्पष्ट होत आहे.

कोथरुडमधील ऐतिहासिक शिवसृष्टी व मेट्रो डेपो यांच्या जागेविषयीच्या वादावर मुख्यमंत्री फडणवीस यांच्या निर्णयामुळे आज अखेर पडदा पडला आहे. छत्रपती शिवाजी महाराजांच्या कारकीर्दीवर ही शिवसृष्टीसाठी होत असल्याने शिवप्रेमींच्या मनामध्ये त्याविषयी मोठी आस्था आहे. तसेच, वाहतूक कोंडीतून पुण्याची सुटका करण्यासाठी मेट्रोचा डेपो होऊन त्याचे काम गतीने मार्गी लागणे गरजेचे आहे. या सर्व गोष्टींवरून सुरु झालेल्या आरोप-प्रत्यारोपात शिवसृष्टीला बीडीपी ची जागा द्यावी व कचरा डेपोच्या जागेवर मेट्रो डेपो करावा, अशी मागणी राज्यसभेचे खासदार व भाजपचे सहयोगी सदस्य संजय काकडे यांनी मुख्यमंत्री देवेंद्र फडणवीस यांच्याकडे 18 नोव्हेंबर 2017 रोजी पत्राद्वारे सर्वप्रथम केली होती. त्यासंदर्भात त्यांनी मुख्यमंत्री फडणवीस यांच्याकडे सतत पाठपुरावा केला होता.

पुण्यातील वाहतुकीचा प्रश्न लक्षात घेता मेट्रोचे काम वेळेत होणे आवश्यक आहे. सध्या हे काम प्रगतीपथावर असून त्यास आणखी गती मिळण्यासाठी कचरा डेपोची जागा मेट्रोला त्वरित मिळणे आवश्यक आहे. त्यासंदर्भात निर्णयही झाला होता. मात्र अद्याप त्या जागेचे हस्तांतरण पुणे मेट्रोला झालेले नाही. तसेच, कचरा डेपोच्या जागेवर प्रस्तावित असलेल्या शिवसृष्टीसाठी कोथरुड येथीलच बीडीपीची जागा देण्यात यावी. मुख्यमंत्री फडणवीस यांनी याकामी स्वत: जातीने लक्ष घालावे आणि महापालिका आयुक्तांना यासंदर्भात अंतिम निर्णय घेण्यास सूचना कराव्यात, असे खासदार काकडे यांनी मुख्यमंत्री फडणवीस यांना पाठविलेल्या पत्रात म्हटले होते.

कचरा डेपोची जागा पुणे मेट्रोला व बीडीपीची जागा शिवसृष्टीला मिळणार असल्याने दोन्ही विकासकामे मार्गी लागतील. कोथरुडच्या व पर्यायाने पुण्याच्या वैभवात त्याने भरच पडणार असल्याचेही खासदार काकडे म्हणाले आहेत.

पुणे- – अंधत्व ही आमची अडचण नसून, डोळस समाजाचे अंधत्व हा मुख्य  अडथळा आहे. इच्छाशक्तीच्या बळावर आम्ही जग जिंकू शकतो, आम्हाला ध्येय गाठण्यासाठी सर्वांची साथ अपेक्षित असल्याचे मत स्वतः अंध असून, अंधत्वावर मात करीत अंध व अपगांसाठी संगणक शिक्षण देऊन सक्षमीकरणाचे काम करणारे राहुल देशमुख यांनी व्यक्त केले.
रा. स्व. संघ जनकल्याण समितीचा ‘स्वामी विवेकानंद युवा पुरस्कार’ समितीचे प्रांत सह-कोषाध्यक्ष चंदन कटारिया, प्रांत उपाध्यक्षा पूनम मेहता, पुणे महानगर अध्यक्ष विश्‍वास जोशी यांच्या हस्ते प्रदान करण्यात आला. शास्त्रज्ञ काशिनाथ देवधर, देवता देशमुख, सचिमीचे प्रांत कार्यवाह शैलेंद्र बोरकर, पश्‍चिम महाराष्ट्र प्रमुख गणेश बागदरे यांची प्रमुख उपस्थिती होती. एक्केचाळीस हजार रुपये व सन्मानचिन्ह असे पुरस्काराचे स्वरूप होते.
श्री. देशमुख पुढे म्हणाले, ‘अंधांबाबतच्या गैरसमजांमुळे रेल्वेच्या ङ्गलाटावर झोपून शिक्षण घेतले. समाजात बरे-वाईट अनुभव आले. ध्येयाप्रती आत्मविश्‍वासानाने जाताना खचलो नाही. आपली परिस्थिती बदलण्यासाठी बाहेरून कोणी येईल याचा विश्‍वास नव्हता. आपल्यावर आलेली वेळ इतर अंध व अपंगांवर येऊ नये म्हणून कार्यरत झालो. त्यातून सुमारे ९०० अंध व अपंगांना संगणकाचे प्रशिक्षण देऊन सक्षम करता आले.’
श्री. देवधर म्हणाले, ‘अनेक प्रकारच्या समस्या येतात परंतु त्याचा धैर्याने सामना केला पाहिजे ही स्वामी विवेकानंदांची शिकवण होती. याच प्रेरणेतून राहुल देशमुख यांच्यासारखे कार्यकर्ते घडतात. सर्व समाज एका पातळीवर येऊन समाजाची उन्नती झाली पाहिजे हा विवेकानंदांचा आध्यात्मिक विचार होता. पृथ्वीवरील छोट्याशा जीवाचा ही विचार अध्यात्मात आहे. हीच आध्यात्मिक भारताची ओळख विवेकानंदांनी जगाला करून दिली.’
चंदन कटारिया यांनी प्रास्ताविक केले. समितीच्या महानगर उपाध्यक्षा अलका पेटकर यांनी परिचय करून दिला. अश्‍विनीकुमार उपाध्ये यांनी सूत्रसंचालन केले. विश्‍वास जोशी यांनी आभार मानले.

पुणे-मानवी हस्तक्षेपामुळेच आज वन्यप्राणी शहरी भागावर किंवा नागरी वस्ती असलेल्या ठिकाणी अतिक्रमण करत असून त्यांचे स्थलांतर रोखायचे असल्यास आपली अभयारण्ये व वने सुरक्षित ठेवली पाहिजेत.खरे तर यात लोकशिक्षण महत्वाचे असून वन विभागाने करावयाचे काम लोकप्रतिनिधी करत आहेत हे कौतुकास्पद असल्याचे मत पुणे विभागाचे उपवनसंरक्षक रंगनाथ नाईकडे यांनी व्यक्त केले.नगरसेविका मंजुश्री खर्डेकर,क्रिएटिव्ह फाऊंडेशन आणि वाईल्डलाईफ अनलिमिटेड यांच्या संयुक्त विद्यमाने शहीद ताथवडे उद्यान येथे ‘ नाते निसर्गाशी ” ह्या व्यासपीठाच्या उदघाटनप्रसंगी ते बोलत होते.ह्या व्यासपीठाद्वारे मुलांमध्ये वन्यप्राण्यांविषयी आपुलकी निर्माण होऊन सकारात्मक बदल घडतील व यासाठी वनविभाग संपूर्ण सहकार्य करेल असे ही ते म्हणाले.
सध्या मुले मोबाईल च्या खूप आहारी गेली आहेत अशी तक्रार पालक करत असतात,यासाठी मुलांचे मन अन्यत्र वळविणे महत्वाचे असून त्यासाठीच ” नाते निसर्गाशी ” हे व्यासपीठ निर्माण केले असल्याचे नगरसेविका मंजुश्री खर्डेकर म्हणाल्या.मुलांना जशी खेळांची आवड निर्माण करणे गरजेचे आहे तसेच त्यांना निसर्गाविषयी ची ओढ निर्माण व्हावी यासाठी या व्यासपीठाच्या माध्यमातून निसर्गावरील व वन्यजीवांवरील विविध फिल्म्स दाखविल्या जातील तसेच विविध तज्ञ् मंडळींचे व्याख्यान ही आयोजित केले जाईल व मुलांच्या प्रश्नांना उत्तरे ही दिली जातील असे ही त्या म्हणाल्या.यासाठी क्रिएटिव्ह फाउंडेशन व वाईल्डलाईफ अनलिमिटेड या दोन स्वयंसेवी संस्थांचे सहकार्य लाभले असून आज पहिल्याच कार्यक्रमाला पालकांनी मुलांसह भरभरून प्रतिसाद दिला याचा आनंद वाटतो असे ही त्या म्हणाल्या.आपण मुलांना पर्यावरण रक्षणाचे महत्व समजावून सांगितले कि मुले ते आत्मसात करतात व यासाठी प्रयत्नशील असतात हा माझा अनुभव असल्याचे ही त्या म्हणाल्या.
या वेळी क्रिएटिव्ह फाउंडेशनचे अध्यक्ष संदीप खर्डेकर,वाईल्डलाईफ अनलिमिटेड चे ओंकार बापट,श्रीनिवास घैसास,कौस्तुभ सोमण,भाजप चे राजेंद्र येडे,चंद्रकांत पवार,सुनील होलबोले,अजय काळे,माणिकताई दीक्षित,संगीताताई आदवडे,सुवर्णाताई काकडे,नारायण वायदंडे,किरण देखणे,एरंडवणे ज्येष्ठ नागरिक संघाचे अध्यक्ष अजित गोखले इ नागरिक मोठ्या संख्येने उपस्थित होते.
कार्यक्रमाचे प्रास्ताविक मंजुश्री खर्डेकर यांनी केले तर संदीप खर्डेकर यांनी सूत्र संचालन व ओंकार बापट यांनी नागरिकांच्या प्रश्नांना उत्तरे दिली व आभार प्रदर्शन केले.

पुणे-येथील कर्वे समाज सेवा संस्थेच्या समाजकार्याचे शिक्षण घेणाऱ्या विद्यार्थ्यांनी तंबाखू व तंबाखुयुक्त पदार्थांचे सेवन न करण्याचा तसेच आपल्या संपर्कातील व्यक्तीनाही तंबाखूमुक्त जीवन जगण्यास प्रोत्साहन देण्याचा सामुहिक महासंकल्प संस्थेचे संचालक डॉ दीपक वलोकर यांच्या उपस्थितीत केला.

कर्वे समाज सेवा संस्था व महाराष्ट्र राज्य सामाजिक न्याय आणि विशेष सहाय्य विभाग यांच्या संयुक्त विद्यमाने समाजकार्य महाविद्यालयामध्ये संस्थेचे संचालक डॉ दीपक वलोकर, रजिस्ट्रार विनायक कस्तुरे व प्रा चेतन दिवाण यांच्या मार्गदर्शनाखाली तंबाखूमुक्त जीवन संकल्प उपक्रम राबविण्यात आला त्यावेळी समाजकार्य महाविद्यालयातील विद्यार्थ्यांनी स्वतः संचालक डॉ वलोकर यांच्याकडून तंबाखू व तंबाखूजन्य पदार्थांचे सेवन न करण्याची सामुहिक शपथ घेतली.

डॉ वलोकर यांनी विद्यार्थांना मार्गदर्शन करताना समाजात आपल्या संपर्कात असणार्या नागरिकांना तंबाखूमुक्त जीवन जगण्यासाठी मार्गदर्शन व प्रोत्साहन देण्याचे आवाहन केले.  प्रा चेतन दिवाण यांनी विध्यार्थ्यांच्या संकल्पपूर्तीसाठी शुभेच्छा दिल्या.मकबूल देशिंग व प्रवीण गुंजाळ यांच्यासह अनेक विद्यार्थी उपस्थित होते

पुणे – डेक्कन एज्युकेशन सोसायटीच्या बृहन महाराष्ट्र वाणिज्य महाविद्यालयात (बीएमसीसी) ‘इंटरनॅशनलायझेशन ऑङ्ग कॉमर्स ऍण्ड मॅनेजमेंट एज्युकेशन’ या विषयावर आंतरराष्ट्रीय परिषद आयोजित करण्यात आली होती. शिक्षण तज्ज्ञ प्राचार्य अनिरुध्द देशपांडे यांच्या हस्ते या परिषदेचे उद्घाटन करण्यात आले.
जगातील गुणवत्तापूर्ण अभ्यासक‘म एकाच ठिकाणी शिकवता येतील असे विश्‍व विद्यापीठ उभारणे आवश्यक असल्याचे मत प्राचार्य देशपांडे यांनी या वेळी व्यक्त केले. जर्मनीच्या एङ्गओएम विद्यापीठाचे कुलपती डॉ. हेरॉल्ड बेश्‍चोअरनर यांचे बीजभाषण झाले. रोजगारनिर्मितीसाठी कौशल्य विकास अभ्यासक‘मांची गरज आहे. बाजारपेठेची गरज लक्षात घेऊन अभ्यासक‘मांची गरज केली पाहिजे. त्यासाठी विद्यार्थ्यांचे सातत्यपूर्ण प्रशिक्षण, अभिनव कल्पना, संशोधनाची गरज आहे.
डॉ. आदीत्य अभ्यंकर यांनी उद्योग व प्रशासनात माहिती तंत्रज्ञानाचा वापर, डॉ. विनायकराव गोविलकर यांनी उच्च शिक्षणाचे आंतरराष्ट्रीयीकरण करण्यासाठी राष्ट्रीय धोरण, डॉ. अशोक जोशी यांचे नेतृत्वाची कामगिरी व व्यवस्थापन विकास, शिक्षणाचे आंतरराष्ट्रीयीकरण या विषयातील अभिनव कल्पना या विषयावर मिलिंद दाते यांनी सादरीकरण केले. परिषदेत ३५ पेपर सादर करण्यात आले. डेक्कन एज्युकेशन सोसायटीच्या नियामक मंडळ व परिषदेचे अध्यक्ष डॉ. शरद कुंटे यांनी स्वागत केले. प्राचार्य डॉ. चंद्रकांत रावळ यांनी स्वागत केले.

पुणे- डेक्कन एज्युकेशन सोसायटीच्या फर्ग्युसन कनिष्ठ महाविद्यालयात बारावीच्या विद्यार्थ्यांसाठी निरोप समारंभाचे आयोजन करण्यात आले होते. प्राचार्य डॉ. रविंद्रसिंह परदेशी यांनी मार्गदर्शन केले. पुस्तकांचा अभ्यास करून केवळ परीक्षार्थी बनू नका. जीवनात यशस्वी होण्यासाठी घेतलेल्या अनुभवाचा उपयोग योग्य पध्दतीेने करता येणे आवश्यक असल्याची मत डॉ. परदेशी यांनी यावेळी व्यक्त केले. उपप्राचार्या संध्या देशपांडे, पर्यवेक्षिका डॉ. सविता केळकर यांची प्रमुख उपस्थिती होती. विद्यार्थ्यांनी मनोगते व्यक्त केली.

पुणे, ता. ४ – डेक्कन एज्युकेशन सोसायटीच्या नवलमल  फिरोदिया विधी महाविद्यालयात ‘पब्लिक कन्सर्न ङ्गॉर गव्हर्नन्स ट्रस्ट’च्या सहकार्याने ‘बेटर पोलिसिंग’ या विषयावरील परिसंवादाचे आयोजन करण्यात आले होते. निवृत्त पोलीस महासंचालक जयंत उमराणीकर, उत्तर प्रदेश पोलीस दलाचे निवृत्त महासंचालक प्रकाश सिंग प्रमुख वक्ते होते.
यावेळी बोलताना श्री. सिंग म्हणाले, कायदा-सुव्यवस्था सांभाळण्याबरोबर दहशतवाद, नक्षलवाद, अमली पदार्थांची तस्करी, घुसखोरी रोखण्यासाठी पोलीसांना काम करावे लागते. सर्वोच्च न्यायालयाकडून दिलेल्या निर्देशानुसार पोलिसांच्या कामकाजात सुधारणा करण्यात आल्या आहेत. परंतु अपुरे मनुष्यबळ, पोलिसांच्या घरांचा प्रश्‍न अजूनही कायम आहे.
श्री. उमराणीकर म्हणाले, समाजात पोलीस नेहमीच टीकेचा विषय ठरला आहे. पोलिसांना अनेक पातळ्यांवर काम करावे लागते. पोलीस दलात सुधारणा करण्यासाठी सूचना झाल्या, आयोगाची निर्मिती झाली, प्रत्यक्षात सूचना, सुधारणा कागदावरच राहिल्या. पोलीस दलात सुधारणा करण्यासाठी गांभीर्याने प्रयत्न करणे आवश्यक आहे.
महाविद्यालयाच्या प्राचार्या डॉ. रोहिणी होनप यांनी स्वागत केले. एस. सी. नागपाल, सत्यबीर दोड, ए. व्ही. कृष्णन यांची प्रमुख उपस्थिती होती.