पुणे-एक प्रमुख हाय अल्टिट्यूड ट्रेकिंग अँड माउंटेनिअरिंग कंपनी असलेल्या ॲडव्हेंचर पल्सने भारतीयांच्या सर्वांत मोठ्या जथ्याला आफ्रिका खंडातील सर्वोच्च शिखर असलेल्या माऊंट किलिमांजारोवर नेण्याच्या मोहिमेचे यशस्वी नेतृत्व करुन नुकताच इतिहास घडवला.

किलिमांजारोसारख्या पर्वतावर यशस्वी चढाई करण्याचे सरासरी प्रमाण एरवी ५० टक्क्यांहून अधिक असत नाही, मात्र ॲडव्हेंचर-पल्सच्या गटातील १८ आरोहकांपैकी १७ जणांनी जगातील सर्वांत उंच खड्या पर्वताचे शिखर यशस्वी गाठून यशस्वितेचे प्रमाण तब्बल ९५ टक्के दाखवून दिले आहे. एक आठवडाभर सुरु असलेली ही मोहीम गेल्या १ फेब्रुवारीला स्थानिक वेळेनुसार सकाळी नऊला फत्ते झाली. गटातील केवळ एका गिर्यारोहकाला शिखर चढाई मोहीम सुरु होण्याआधीच परत यावे लागले.

यासंदर्भात बोलताना मोहिमेचे नेते समीर पाथम म्हणाले, “ही थक्क करणारी कामगिरी आहे. माऊंट किलिमांजारो पर्वत समुद्र सपाटीपासून १९,३४० फूट उंचावर असून त्याचे वैशिष्ट्य म्हणजे तो जगातील सर्वांत उंच खडा पर्वत आहे, जगातील सर्वोच्च सात शिखरांच्या मालिकेत (प्रत्येक खंडांतील सर्वांत उंच शिखरे) त्याचा समावेश आहे आणि ते आफ्रिका खंडातील सर्वोच्च शिखर आहे.”

ॲडव्हेंचर-पल्सच्या १८ जणांच्या गिर्यारोहक संघाने गेल्या २५ जानेवारीला ही मोहीम सुरु केली. या संघात समाजाच्या सर्व स्तरांतील नियमित पदभ्रमण करणाऱ्यांचा समावेश होता. यामध्ये चक्क आर्य भाटिया हा दहा वर्षांचा मुलगाही सहभागी होता. (त्याच्यासमवेत त्याची आई पवन सोही होती.) हा मुलगा किलिमांजारो शिखर सर करणारा सर्वांत तरुण भारतीय अमेरिकन ठरला आहे.

संघातील इतर सदस्यात कॅलिफोर्नियातील डब्लिनची रेना, बंगळुरुच्या वासवदत्ता व मेघा, नाशिकची अनुराधा, मुंबईचे ॲशडिन, पूर्वा, सपना व प्रशांत, पुण्यातून पूजा कपूर, प्रतिमा कोरे, इप्सा, कनिष्क पांडे व हितांशु मलानी (दोघेही इयत्ता बारावीचे विद्यार्थी), सलिल करिश्मा व मोहीम नेते समीर पाथम यांचा समावेश होता.

या पदभ्रमणाच्या अनुभवाबाबत विचारले असताना प्रतिमा कोरे म्हणाली, “जगातील सर्वांत उंच खड्या पर्वताच्या व आफ्रिका खंडातील सर्वांत उंच शिखरावर चढाई करण्याची अनुभूती शब्दांत व्यक्त करता येणार नाही. मागे वळून पाहाताना ‘मला ते करायची इच्छा होती’, असे म्हणण्यापेक्षा ‘मी ते केलंय यावर विश्वासच बसत नाही’, असे म्हणणे नेहमीच आनंदाचे असते. या मोहिमेपेक्षा मी या प्रवासाची स्मृती नेहमी जपून ठेवेन. माझी बहीण प्रणोती, गिरीभ्रमणप्रेमी पूजा आणि मोहिमेचे नेते समीर पाथम यांना खूप खूप धन्यवाद. समीर यांनी आफ्रिकेतील किलिमांजारोप्रमाणेच रशियातील एल्ब्रुस, नेपाळमधील एव्हरेस्ट अशा शिखरांवर अनेक मोहिमा यशस्वी नेल्या आहेत. अतिउंचावरील चढायांच्या कलेत ॲडव्हेंचर-पल्सने प्रभुत्व मिळवले असून त्यांना प्रत्येक आरोहकातील चैतन्याचा मोहीम यशस्वी करण्यासाठी कसा उपयोग करुन घ्यायचा, हे अचूक ठाऊक आहे.”

रेना हिनेही हर्षोल्हासित प्रतिक्रिया व्यक्त केली. ती म्हणाली, होय. मी अखेर ते शिखर गाठले आहे. ॲडव्हेंचर-पल्सच्या संपूर्ण संघाच्या प्रेरणादायी मार्गदर्शनाखाली ही कामगिरी शक्य झाली नसती. त्यांनी मला नुसती चढाई करण्याची घाई केली नाही, तर आजूबाजूच्या रम्य आणि चित्तथरारक देखाव्यांची अनुभूती घेण्यासाठी हवा असलेला अवकाशही दिला. मी एक-एक पाऊल काळजीपूर्वक टाकत शिखरापर्यंत गेले, पण गरजेच्या क्षणी ॲडव्हेंचर-पल्सचा संघ तेथे सज्ज होता. मला त्या खडकांवरुन वर ओढून घेण्याची गरज होती आणि या संघाने मला मदतीचा हात देत शिखर सर करण्याचा आनंद मिळवून दिला. या संपूर्ण संघाची मी अत्यंत आभारी आहे.”

ॲडव्हेंचर-पल्सने नोव्हेंबर २०१६ मध्ये महाराष्ट्रातील सर्वांत तरुण पदभ्रमणपटूला नेपाळमधील एव्हरेस्ट बेस कॅम्पला नेऊन, तसेच काही वर्षांपूर्वी पुण्याच्या बिशप स्कूलमधील विद्यार्थ्यांच्या सर्वांत मोठ्या जथ्यालाही एव्हरेस्ट बेस कॅम्पला नेऊन विक्रमी कामगिरीची नोंद केली आहे.

लिमांजारो मोहीम – २०१८ च्या यशामुळे उत्साहित होऊन आता ॲडव्हेंचर-पल्सने येत्या वसंत ऋतूमध्ये माऊंट एव्हरेस्ट मोहिमेचे पुढचे मोठे आव्हान स्वीकारले आहे.

पुणे: येत्या तीन वर्षात राज्यातील 90 टक्के शेतीपंपांना सौर कृषीवाहिन्यांच्या माध्यमातून सौरऊर्जेद्वारे वीजपुरवठा करण्यात येणार आहे. त्यामुळे शेतीपंपांना दिवसा वीजपुरवठा होणार असून सध्याच्या वीजपुरवठ्याचा प्रतियुनिट दरही निम्म्यावर येणार आहे, अशी माहिती राज्याचे ऊर्जा, नवीन व नवीकरणीय ऊर्जा आणि राज्य उत्पादन शुल्क मंत्री चंद्रशेखर बावनकुळे यांनी बुधवारी (दि. 21) दिली.

वारजे येथील आदित्य गार्डन सिटी सोसायटीमध्ये 150 किलोवॅट सौरऊर्जा प्रकल्पाचे उद्‌घाटन ऊर्जामंत्री ना. श्री. बावनकुळे यांच्याहस्ते झाले. यावेळी ते बोलत होते. व्यासपीठावर आमदार श्री. भीमराव तापकिर, महाऊर्जाचे महासंचालक श्री. राजाराम माने, एमएसईबी सुत्रधारी कंपनीचे संचालक श्री. विश्वास पाठक, महावितरणचे प्रादेशिक संचालक श्री. संजय ताकसांडे, नगरसेवक श्री. दिलीप बराटे, नगरसेवक श्री. सचिन दोडके, नगरसेविका सौ. दिपालीताई धुमाळ, नगरसेविका सायलीताई वांजळे तसेच सोसायटीच्या अध्यक्ष सौ. साक्षी महाले आदींची उपस्थिती होती.

ऊर्जामंत्री ना. श्री. बावनकुळे म्हणाले, की पूर्वी सौरऊर्जेवरील वीजनिर्मितीसाठी प्रतियुनिट 16 रुपये खर्च येत होता. केंद्र व राज्य शासनाने सौरऊर्जा निर्मितीच्या धोरणाला वेग दिल्याने सद्यस्थितीत हा खर्च प्रतियुनिट तीन ते साडेतीन रुपयांवर आलेला आहे. त्यामुळे राज्यात सौरऊर्जा निर्मितीला अनुकूल परिस्थिती निर्माण झालेली आहे. शहरी व ग्रामीण भागात सौरऊर्जेवरील प्रकल्पांत वाढ होत आहे. यासोबतच राज्यातील सुमारे 45 लाख शेतीपंपांना दिवसा वीजपुरवठा करण्यासाठी राज्य शासनाने सौर ऊर्जेवरील कृषीवाहिन्यांच्या प्रकल्पाला चालना दिलेली आहे. या महत्वाकांक्षी सौर प्रकल्पाद्वारे येत्या तीन वर्षात राज्यातील 90 टक्के शेतीपंपांना वीजपुरवठा करण्याचे नियोजन आहे. त्यामुळे सध्या पारंपरिक वीजनिर्मितीद्वारे शेतीपंपांना वीजपुरवठ्यासाठी येणारा प्रतियुनिट सहा रुपये खर्चही तीन रुपयांवर येणार आहे. याशिवाय कोळशावरील सुमारे 2500 मेगावॉट विजेची मागणी कमी होईल व त्याचा पर्यावरणाला फायदा होणार असल्याचे ऊर्जामंत्री ना. श्री. बावनकुळे यांनी सांगितले.

यावेळी आमदार भीमराव तापकिर यांनीही मनोगत व्यक्त केले. कार्यक्रमाचे प्रास्ताविक श्री. विवेक रत्नपारखी यांनी केले तर सोसायटीचे माजी अध्यक्ष श्री. सुनील ठाकरे यांनी सूत्रसंचालन केले. नगरसेवक श्री. सचिन दोडके यांनी आभार मानले.

पुणे: पीएमडीटीए यांच्या तर्फे आयोजित तिसऱ्या आयकॉन ग्रुप लिटिल चॅम्पियनशिप सिरीज 2018 स्पर्धेत मुलांच्या गटात अर्णव पापरकर याने 10 व 14 वर्षाखालील या दोन्ही गटात विजेतेपद पटकावत दुहेरी मुकुट संपादन केला. तर, नमिश हूड, मृणाल शेळके, पार्थ देवरूखकर, श्रावणी देशमुख, पूर्वा भुजबळ या खेळाडूंनी आपापल्या प्रतिस्परध्यांचा पराभव करून विजेतेपद पटकावले.

एमएसएलटीए स्कुल ऑफ टेनिस, म्हाळुंगे बालेवाडी येथे पार पडलेल्या पडलेल्या या स्पर्धेत 10 वर्षाखालील मुलांच्या गटात अंतिम फेरीत अव्वल मानांकित अर्णव पापरकरने देव तुकारियाचा 7-1असा पराभव करून विजेतेपदाला गवसणी घातली. याच गटाबरोबरच 14 वर्षाखालील गटात अव्वल मानांकित अर्णव पापरकरने तेराव्या मानांकित निशीथ रहाणेचा 4-1, 4-1 असा पराभव करून या गटाचे विजेतेपद पटकावले. अर्णव हा न्यू इंडिया शाळेत चौथी इयत्तेत शिकत असून बाऊन्स टेनिस अकादमी येथे प्रशिक्षक केदार शहा यांच्या मार्गदर्शनाखाली सराव करतो.

8वर्षाखालील मिश्र गटात अंतिम फेरीत अव्वल मानांकित नमिश हूड याने नीरज जोर्वेकरचा 7-0असा सहज पराभव करून विजेतेपद पटकावले. 10वर्षाखालील मुलींच्या गटात  मृणाल शेळके हिने प्रिशा शिंदेचा 7-1असा पराभव करून विजेतेपद मिळवले. मृणाल एसपीएम पब्लिक शाळेत दुसरी इयत्तेत शिकत असून डेक्कन जिमखाना येथे प्रशिक्षक मदन गोखले यांच्या मार्गदर्शनाखाली सराव करते.

12वर्षाखालील मुलांच्या गटात अंतिम फेरीच्या सामन्यात अव्वल मानांकित पार्थ देवरूखकरने आठव्या मानांकित अर्जुन कीर्तनेचा 4-0, 5-3असा पराभव करून विजेतेपदाला गवसणी घातली. पार्थ हा डीईएस सेकंडरी शाळेत सहावी इयत्तेत शिकत आहे. याच मुलींच्या गटात चौथ्या मानांकित
श्रावणी देशमुखने सिमरन छेत्रीचा 5-3, 5-3असा संघर्षपूर्ण पराभव करून विजेतेपद पटकावले. 14वर्षाखालील मुलींच्या गटात दुसऱ्या मानांकित पूर्वा भुजबळने अव्वल मानांकित गौतमी खैरेला 4-0, 5-3असा पराभवाचा धक्का देत विजेतेपद पटकावले.

स्पर्धेतील विजेत्या खेळाडूंना करंडक व प्रशस्तीपत्रक अशी पारितोषिके देण्यात आली.

स्पर्धेचा सविस्तर निकाल: अंतिम फेरी: 8वर्षाखालील मिश्र गट: नमिश हूड(1)वि.वि.नीरज जोर्वेकर 7-0;

10वर्षाखालील मुले: अर्णव पापरकर(1)वि.वि.देव तुकारिया 7-1;
10वर्षाखालील मुली: मृणाल शेळके वि.वि.प्रिशा शिंदे 7-1;

12वर्षाखालील मुले:
पार्थ देवरूखकर(1)वि.वि.अर्जुन कीर्तने(8) 4-0, 5-3;
12वर्षाखालील मुली:
श्रावणी देशमुख(4)वि.वि.सिमरन छेत्री 5-3, 5-3;

14वर्षाखालील मुले:
अर्णव पापरकर(1)वि.वि.निशीथ रहाणे(13)4-1, 4-1;
14वर्षाखालील मुली:
पूर्वा भुजबळ(2)वि.वि.गौतमी खैरे(1)4-0, 5-3.

पुणे: भारत पेट्रोलियम कॉर्पोरेशन लिमिटेड यांच्या तर्फे आयोजित 23व्या पीएसपीबी आंतर युनिट कबड्डी अजिंक्यपद अजिंक्यपद स्पर्धेत सीपीसीएल संघाने ईआयएल संघाचा 31-17 असा पराभव केला. बीपीसीएल संघाने एमआरपीएल संघाचा 28-19 असा पराभव करत स्पर्धेत सलग दुसरा विजय मिळवला.

पीवायसी हिंदू जिमखाना बास्केटबॉल कोर्ट येथे आजपासून सुरू झालेल्या या स्पर्धेत राऊंड रॉबिन फेरीत सीपीसीएल संघाने ईआयएल संघाचा 32-17 असा एकतर्फी पराभव करत स्पर्धेत आगेकुच केली. सीपीसीएल संघाच्या पेरा रसनने 8 चढायांमध्ये 6 गुण मिळवले तर वासूदेवन याने 10 चढायांमध्ये 8 गुण मिळवत उत्कृष्ट खेळाचे प्रदर्शन करत संघाला विजय मिळवून दिला. जानकीरामन याने कौशल्यपुर्ण पकडी करत ईआयएल संघाचे मनोबल खच्ची केले व मध्यंतरानंतर ईआयएल संघाला ऑल आऊट करून लोन चढवले.  सीपीसीएल संघाने सामन्यात सुरूवातीपासूनच आक्रमक पवित्रा राखत मध्यांतरापुर्वी 17-10 अशी आघाडी घेतली व सामन्याच्या शेवटीपर्यंत ती टीकवून ठेवत संघाला 32-17 असा विजय मिळवून दिला.

दुस-या लढतीत बीपीसीएल संघाने आपल्या विजयी कामगिरीत सातत्य राखत एमआरपीएल संघाचा 28-19 असा पराभव करत स्पर्धेत सलग दुसरा विजय नोंदवला. बीपीसीएल संघाने सुरूवातीपासून आक्रमक खेळ करत मध्यंतरापुर्वी 21-7 अशी भक्कम आघाडी घेतली व एमआरपीएल संघाने मनोबल खच्ची केले. बीपीसीएल संघाच्या दिपचंद सिंगने 10 चढायांमध्ये 9 गुण मिळवून संघाचा डाव भक्कम केला. निलेश शिंदेने आपल्या लैकीकाला साजेशी कामगिरी करत सर्वाधिक पकडी केल्या व संघाला 28-19 असा विजय मिळवून दिला.

स्पर्धेचा सविस्तर निकाल- राऊंट रॉबिन फेरी

सीपीसीएल वि.वि ईआयएल – 32-17(17-10 मध्यांतरापुर्वी)

बीपीसीएल वि.वि एमआरपीएल – 28-19 (21-7 मध्यांतरापुर्वी)

पुणे-  ग्रीन बॉक्स् यांच्या तर्फे आयोजीत 4थ्या ग्रीन बॉक्स् मिनी फुटबॉल अजिंक्यपद स्पर्धेत बायसंन्स, लॅन्सर्स, बोल्टस, पलाडियन्स, रेंजर्स, समुराईज, ग्लॅडिएटर्स, रेझरबँक्स या संघांनी आपापल्या प्रतिस्पर्ध्यांचा पराभव करून आगेकूच केली.

कॅसल रॉयल, एबीआयएल कॅंपस रेंज हिल्स, भोसले नगर येथे सुरू असलेल्या या स्पर्धेत साखळी फेरीत अतितटीच्या झालेल्या लढतीत निखिल माळीच्या हॅट्रीक कामगिरीच्या जोरावर डीएसके पलाडियन्स संघाने हिलीओस सेन्चुरियन्स संघाचा 4-3 असा पराभव केला. केएसएच बोल्टस संघाने युवराज चव्हाण कन्स्ट्रक्शन प्रायव्हेट लिमिटेड गनर्स संघाचा तर गोयल गंगा लॅन्सर्स संघाने एबीआयएल ऍझटेक्स संघाचा अनुक्रमे 2-0 असा पराभव करत स्पर्धेत आगेकुच केली.

माधव लिमये ग्रुप अँड कॅफे गुड लक रेंजर्स संघाने चिताज नाईट्स संघाचा तर निओट्रीक(सिपी)फिनोलेक्स रेझरबँक्स संघाने एसएस रॉय वायकिंग्ज संघाचा 1-0 असा पराभव केला. देवेंद्र कोरोडीच्या दोन गोलांच्या जोरावर रोहन बिल्डर्स(इंडिया)प्रायव्हेट लिमिटेड बायसंन्स संघाने आयएमई फायरबर्डस संघाचा 3-0 असा दणदणीत पराभव केला.

स्पर्धेचा सविस्तर निकाल: साखळी फेरी:

डीएसके पलाडियन्स: 4(निखिल माळी 4,9,17 मी, यश सरदेसाई 12मी) वि.वि  हिलीओस सेन्चुरियन्स: 3(शॉन थॅमसराजे 14, 19मी, लिऑन नेसामनी 8मी)

केएसएच बोल्टस: 2 (यश चव्हाण 12मी, साजल कदम 16मी) वि.वि युवराज चव्हाण कन्स्ट्रक्शन प्रायव्हेट लिमिटेड गनर्स: 0

गोयल गंगा लॅन्सर्स: 2 ( शॉन बॉब  8मी, पृथ्विराज सातव 14मी) वि.वि  एबीआयएल ऍझटेक्स: 0

माधव लिमये ग्रुप अँड कॅफे गुड लक रेंजर्स:  1(निखिल नारायणन 9मी) वि.वि चिताज नाईट्स: 0

निओट्रीक(सिपी)फिनोलेक्स रेझरबँक्स: 1(अक्षय नायर 13मी) वि.वि  एसएस रॉय वायकिंग्ज: 0;

रोहन बिल्डर्स(इंडिया)प्रायव्हेट लिमिटेड बायसंन्स: 3(देवेंद्र कोरोडी 7, 19मी, कृष्णा पाटील 15मी स्वयं गोल) वि.वि  आयएमई फायरबर्डस: 0

अभयराज शिरोळे अँड असोसीएट्स समुराईज: 1(विपुल त्रिवेदी 11मी) बरोबरी वि  एमपी ग्रुप मावरिक्स: 1(शॉन अर्लांड 15मी)

रावेतकर ग्लॅडिएटर्स: 3(रोईथ जयसिंघानी 6मी, कौशल वालेचा 9मी, जयंत कापसे 15मी स्वयं गोल) वि.वि  परांजपे स्पार्टन्स: 1( सौरभ शिंदे 12मी)

पुणे: भारत पेट्रोलियम कॉर्पोरेशन लिमिटेड यांच्या तर्फे  14व्या पीएसपीबी आंतर युनिट बिलियर्ड्स अँड स्नूकर अजिंक्यपद स्पर्धेत अंतिम फेरीत ओएनजीसी संघाने बीपीसीएलचा 3-0असा पराभव करून विजेतेपद संपादन केले.

पीवायसी हिंदू जिमखाना येथे बिलियर्ड्स अँड स्नूकर हॉलमध्ये सुरु असलेल्या या बिलियर्ड्स स्पर्धेत सांघिक गटात अंतिम फेरीत रुपेश शहा, आलोक कुमार यांच्या विजयी कामगिरीच्या जोरावर गतविजेत्या ओएनजीसी संघाने बीपीसीएल संघाचा 3-0असा पराभव केला. रुपेश शहाने सामन्यात सुरेख सुरवात करत आघाडी घेतली. त्यानंतर एस श्रीकृष्णा पुनगरमान करत आघाडी भरून काढली. 48च्या ब्रेकवर असताना एस श्रीकृष्णा सोपा पॉट मिस केला. त्यानंतर रुपेश शहाने वर्चस्व कायम राखत 77 गुणांचा ब्रेक नोंदवत हि फ्रेम एस श्रीकृष्णा विरुद्ध 202(77)-100अशी जिंकून संघाला आघाडी मिळवून दिली. दुसऱ्या सामन्यात आलोक कुमार आणि मनन चंद्रा यांच्यात अतितटीचा सामना झाला. मननने 37गुणांच्या ब्रेकने चांगली सुरुवात केली. त्यानंतर आलोकने संधी मिळताच उपयुक्त ब्रेक नोंदविला व सामना 200(83)-111अशा फरकाने जिंकून आघाडी कायम ठेवली. विजयासाठी 9 गुणांच्या फरकाची गरज होती. त्यासाठी विश्वविजेता पंकज अडवाणी तिसऱ्या सामना खेळला. त्याने देवेंद्रविरुद्ध हि औपचारिकता पूर्ण केली.

3 व 4थ्या क्रमांकासाठी झालेल्या सामन्यात
ध्वज हरिया, आदित्य मेहता यांच्या अफलातून कामगिरीच्या जोरावर इंडियन ऑईल संघाने जीएआयएलचा 2-1 असा पराभव करून तिसरा क्रमांक पटकावला.

सांघिक स्नूकर गटात उपांत्यपूर्व फेरीत जीएआयएल संघाने एनआरएलचा 2-0 असा पराभव केला. आशुतोष पाधीने दुर्लव बोराचा 82-17, 77-12 असा तर इशप्रित चड्डाने स्वप्नव दत्ताचा 77-12, 82-02असा पराभव केला.

स्पर्धेचा सविस्तर निकाल: अंतिम फेरी: सांघिक गट:
ओएनजीसी वि.वि.बीपीसीएल 3-0(रुपेश शहा वि.वि.एस श्रीकृष्णन 202(77)-100; आलोक कुमार वि.वि.मनन चंद्रा 200(83)-111; पंकज अडवाणी वि.वि.देवेंद्र जोशी 9-5);

3 व 4थ्या क्रमांकासाठी लढत:
इंडियन ऑईल वि.वि.जीएआयएल 2-1(ब्रिजेश दमानी पराभूत वि.इशप्रित चड्डा 37-200; ध्वज हरिया वि.वि.आशुतोष पाधी 200-29; आदित्य मेहता वि.वि.अशोक यादव 200-34);

सांघिक गट: स्नूकर: उपांत्यपूर्व फेरी:
जीएआयएल वि.वि.एनआरएल 2-0(आशुतोष पाधी वि.वि.दुर्लव बोरा 82-17, 77-12; इशप्रित चड्डा वि.वि.स्वप्नव दत्ता 77-12, 82-02); 

इंडियन ऑईल वि.वि.ऑईल 2-0(आदित्य मेहता वि.वि.जे फुकन 119(51,67)-00, 75-10; लक्ष्मण रावत वि.वि.रुद्र दत्ता 95-04, 81-06)