पुणे-दीनानाथ मंगेशकर रूग्णालय धर्मादाय आयुक्तांकडे नोंदणीकृत आहे. रूग्णालयात जादुटोणा होतो हे धक्कादायक व निषेधार्ह आहे. म्हणून… दीनानाथ मंगेशकर रूग्णालयाचा परवाना रद्द करावा… कारण एका व्यक्तीचा जीव गेलेला आहे. म्हणून संबंधितांवर कारवाई करावी…अशी मागणी संभाजी ब्रिगेड चे संतोष शिंदे आणि कार्यकर्त्यांनी केली आहे .

या संदर्भात शिंदे यांनी म्हटले आहे कि,डॉ. सतीश चव्हाण या डॉक्टरने महिलेवर उपचार करण्यासाठी चक्क ‘मंत्रतंत्राचा वापर केला’ हे स्पष्ट झाले. मात्र या भोंदूगिरीत रूग्न महिलेचा मृत्यू झाला. हि घटना अतिशय धक्कादायक असून दुर्दैवाने या बनावट भोंदूगिरीत विवाहितेला जिव गमवावा लागला. हा सर्व प्रकार पुण्यातील दीनानाथ मंगेशकर रुग्णालयात घडला आहे.समतावादी चिकित्सक पुण्यातील स्वारगेट परिसरात कर्मठ डॉ. सतीश चव्हाण यांच्याकडे सौ. संध्या सोनवणे (वय २४ वर्ष) या महिला उपचारासाठी आली होत्या. त्यांच्या छातीत दुधाची गाठ झाल्याचा वैद्यकीय अहवाल आला होता. मात्र ऑपरेशन केल्यानंतर तिची प्रकृती खालावली गेली म्हणून त्यांना तातडीने डॉ. दीनानाथ मंगेशकर रुग्णालयात करण्यात आले.त्याठिकाणी असे मंत्रतंत्राचे प्रकार सुरू असल्याने एका महिलेचा जिव गेला. म्हणून संबंधीत दोषी प्रशासनावर ‘मानवी हत्येसह अंधश्रध्दा विरोधी गुन्हा दाखल करून कठोर शासन झाले पाहिजे. तसेच रुग्णालयाचे  वैद्यकीय प्रमाणपत्र रद्दकेले पाहिजे यासह

राज्य सरकारने रूग्णालयास मिळणारे सर्व शासकीय अनुदान बंद करावे.,मृत सौ. सोनवणे यांच्या मुलांना पालकत्व म्हणून रूग्णालयाने ५० लाख रूपये तातडीने मदत करावी.  पुणे शहर व जिल्ह्यात सर्व रूग्णालयात अशासकिय सदस्यांची तातडीने नियुक्ती करून त्यांना हक्क अधिकार द्यावेत.हे प्रतिष्ठित हास्पिटल समस्या व तक्रारींचा ड्डा आहे… तर त्याविरुद्ध आवाज उठवणाऱ्यां कर्मचाऱ्यासह सामान्य लोकांचे हद्दपार केंद्र बनले आहे असेही संभाजी ब्रिगेड ने म्हटले आहे.

यासंदर्भातील निवेदन ब्रिगेडच्या वतीने सहा. धर्मादाय आयुक्त नवनाथ जाधव यांना संभाजी ब्रिगेड चे जिल्हाध्यक्ष संतोष शिंदे, शहराध्यक्ष प्रशांत धुमाळ, अमर जमादार, नगर जिल्हा सचिव टिळक भोस, छायाताई खैरनार, अॕड. विकास शिंदेयांनी दिले .

पुणे-पु. ल. देशपांडे यांच्या 8 नोव्हेंबर 2018 ते 8 नोव्हेंबर 2019 या जन्मशताब्दी वर्षाचे औचित्य साधत पु.ल. परिवार आणि आशय सांस्कृतिकच्या वतीने भारतातील 20 शहरात आणि भारताबाहेरील 5 खंडातील 30 शहरात ‘ग्लोबल पुलोत्सव’ साजरा करण्यात येणार आहे, अशी माहिती आशय सांस्कृतिकचे वीरेंद्र चित्राव यांनी दिली.

यावेळी ज्येष्ठ साहित्यिक द. मा. मिरासदार, सतीश जकातदार, पुण्यभूषण प्रतिष्ठानचे डॉ. सतीश देसाई आदी उपस्थित होते. यावेळी ज्येष्ठ साहित्यिक द. मा. मिरासदार यांच्या हस्ते ग्लोबल पुलोत्सवाच्या लोगोचे उद्घाटन करण्यात आले.

वर्षभर होणाऱ्या या ग्लोबल पुलोत्सवात 500 कलाकार, साहित्यिक, आणि प्रमुख पाहुणे सहभागी होतील. परंपरेनुसार प्रत्येक शहरातील पुलोत्सवात ‘पु. ल. स्मृती सन्मान’, पु.ल.जीवन गौरव’ ‘पु. ल. कृतज्ञता सन्मान’, आणि पु. ल. तरुणाई सन्मान प्रदान करण्यात येणार आहे.

भारतातील पुणे, मुंबई, ठाणे, सांगली, नाशिक, जळगावसह 20 देशात पुलोत्सव साजरा होईल. तर भारताबाहेरील युरोप, आशिया, अमेरिका, कॅनडा, आफ्रिका, ऑस्ट्रेलिया, न्यूझिलंड आदी देशातील 30 शहरात ‘ग्लोबल पुलोत्सव’ हा कार्यक्रम साजरा होणार आहे. पुलोत्सव हा सर्वसमावेशक व्हावा आणि या महोत्सवात पु. ल. प्रेमी आणि विविध शहरातील संस्थांनी सहभागी होण्याचे आवाहन आयोजकांनी केले आहे.

पुणे दि. 15- पुणे जिल्हा सार्वजनिक बांधकाम कर्मचारी सहकारी पतसंस्था पुणे तर्फे आयोजित व लॉरेन्स ॲन्ड मेयो (ऑफ्टीकल्स) यांच्या सहकाऱ्याने जिल्हा माहिती कार्यालय, सभागृह, शासकीय मध्यवर्ती इमारत, तळ मजला येथे शासकीय अधिकारी, कर्मचाऱ्यांसाठी मोफत नेत्र तपासणी शिबीर घेण्यात आले आहे. या शिबीराचे उद्घाटन सार्वजनिक बांधकाम प्रादेशिक विभागाचे मुख्य अभियंता प्रवीण किडे यांच्या हस्ते झाले. कार्यक्रमाच्या अध्यक्षस्थानी माहिती उपसंचालक मोहन राठोड व जिल्हा माहिती अधिकारी राजेंद्र सरग होते. यावेळी सार्वजनिक बांधकाम विभागाचे कार्यकारी अभियंता धनंजय देशपांडे, जे. डी. कुलकर्णी, कर्मचारी पतसंस्थेचे अध्यक्ष प्रताप धापटे उपस्थित होते.

हे शिबीर 15 व 16 मार्च 2018 रोजी सकाळी 11 ते सायंकाळी 5:30 या वेळेत आयोजित करण्यात आले आहे. शिबीराच्या पहिल्या दिवशी मध्यवर्ती इमारतीतील विविध विभागांच्या शंभरहून अधिक अधिकारी, कर्मचाऱ्यांनी नेत्र तपासणीचा लाभ घेतला.

पुणे : अनेक वर्षांची सत्ता गेल्यामुळे विरोधकांच्या डोळ्यापुढे अंधारी आली आहे. वर्ष पुर्ण झाले तरी ती गेलेली नाही. त्यामुळेच ते काळे वर्ष साजरे करत आहेत अशी टीका महापौर मुक्ता टिळक यांनी केली.उद्या राष्ट्रवादी , तसेच कॉंग्रेस आणि शिवसेना भाजपच्या सत्ताकाळातील अंधकारमय वर्ष म्हणून मोर्चा काढून निदर्शने करत आहेत या पार्श्वभूमीवर महापौरांनी त्यांचा सामना करणारे हे वक्तव्य आज पत्रकार परिषदेतून केले . वर्षपुर्तीनिमित्त महापौरांनी पत्रकारपरिषद घेतली .भाजप शहराध्यक्ष योगेश गोगावले तसेच  उपमहापौर डॉ. सिद्धार्थ धेंडे, स्थायी समितीचे अध्यक्ष योगेश मुळीक, माजी अध्यक्ष मुरलीधर मोहोळ, सभागृह नेते श्रीनाथ भिमाले आदी यावेळी उपस्थित होते.

महापालिकेतील वर्षभराच्या सत्ताकाळात मागील पंधरा वर्षात झाली नाहीत तेवढी मोठी व महत्वाची कामे झाली आहे, असा दावा त्यांनी केला. स्पष्ट बहुमत मिळाल्यानंतर महापालिकेत १५ मार्च २०१७ रोजी महापालिकेतील महापौर व अन्य सत्तापदे भारतीय जनता पार्टीने ग्रहण केली. मेट्रो, २४ तास पाणी योजना, नदीकाठ संवर्धन योजना, नदीसुधार योजना पहिल्याच वर्षात मार्गी लावल्याचे महापौरांनी सांगितले. तर मुरलीधर मोहोळ यांनी मिळकतकर देणाऱ्या कुटुंबप्रमुखासाठीची अपघात विमा योजना, वैद्यकीय तसेच परिचारिका महाविद्यालय या योजनांना गती दिल्याचे सांगितले .  भिमाले यांनी मिळकत कर विभागाचे उत्पन्न जीआयएस यंत्रणेमुळे वाढले असल्याचा दावा केला. कॅन्सरमुक्त पुणे, लहूजी वस्ताद स्मारक, शिवसृष्टी या योजनांची माहिती त्यांनी दिली. योगेश मुळीक यांनी आगामी वर्षात या सर्व योजना पुर्ण करण्याकडे लक्ष देणार असल्याचे स्पष्ट केले.
शहराध्यक्ष गोगावले यांनी पक्षाचे काम महापालिकेत जाहिरनाम्यानुसार सुरू असल्याचे सांगितले.
शिवसृष्टी बीडीपीत होणार आहेच एवढेच  नव्हे तर संपुर्ण शहराच्या बीडीपी धोरणाविषयी पक्षनेत्यांची बैठक आयोजित केली आहे. आमदार, खासदार यांनाही त्यासाठी निमंत्रीत करण्यात आले आहे. त्यात चर्चा होईल व नंतर मुख्यमंत्र्यांना त्याबाबत माहिती देण्यात येईल असे भिमाले यांनीयावेळी स्पष्ट केले .

पुणे : येत्या शनिवारी होणाऱ्या सलमान खानच्या कार्यक्रमामुळे परीक्षा सुरू असणाऱ्या विद्यार्थ्यांना त्रास होणार आहे. त्यामुळे कार्यक्रमाच्या ठिकाणी  55 डेसिबलपेक्षा अधिक क्षमतेचा ध्वनीक्षेपक बसविण्यास परवानगी देण्यात येवू नये, असे पत्र स्थानिक नगरसेवक अमोल बालवडकर यांनी हिंजवडी पोलीस स्टेशनला दिले आहे.

याबाबत बालवडकर म्हणाले . अनेक सांस्कृतिक कार्यक्रमांमुळे कार्यकर्त्यांवर गुन्हे दाखल झाले आहेत. त्यात अशा खासगी कार्यक्रमांना परवानगी दिली जात असेल तर ते चुकीचे आहे. आम्ही हा कार्यक्रम होऊ देणार नाही. कार्यकर्त्यांना घेऊन बंद पाडू असा इशाराही त्यांनी दिला.

येत्या शनिवारी पुण्यातील शिवछत्रपती क्रीडा संकुल बालेवाडी येथे सलमान खान यांचा ‘दबंग टूर’ कार्यक्रम पार पडणार आहे. मात्र त्या संदर्भात स्थानिक नगरसेवक बालवडकर यांनी आवाजाच्या संदर्भात पोलिसांकडून देण्यात येणाऱ्या परवानगीबाबत पत्राद्वारे नाराजीही व्यक्त केली आहे. शिवजयंती, दहीहंडी, गणेशोत्सव काळात पोलिसांनी ध्वनी मर्यादा ओलांडलेल्या मंडळांवर आणि कार्यकर्त्यांवर गुन्हे दाखल केले आहेत. अशावेळी लाखो रुपये कामावणाऱ्या आयोजकांना आश्रय दिला जातो, याकडेही त्यांनी लक्ष वेधले आहे. सध्या 10वी आणि 12वीच्या परीक्षा संपल्या तरी 5 ते 9 वीच्या परीक्षा सुरू असल्याने परवानगी नाकारावी, असे पत्र त्यांनी वरिष्ठ पोलीस निरीक्षकांना दिले आहे.