नदी पात्रातील रस्त्यांच्या अर्धवट कामांची आयुक्त राव यांनी केली पहाणी

पुणे – जंगली महाराज रस्ता, खंडोजीबाबा चौक, कर्वे रस्ता येथील वाहतूकीची कोंडी कमी करण्यासाठी नदी पात्रातून रस्ता महापालिकेने करण्याचा प्रकल्प तयार हाती घेतला. रस्त्यांची कामेही काही प्रमाणात करून अर्धवट अवस्थेतील रस्ते वाहतुकीसाठी खुले करून वाहतूक कोंडीत भर टाकली. ही कोंडी कमी करण्यासाठी रजपूत झोपडपट्टी ते म्हात्रेपूल डीपीरोड मुख्य रस्त्याला जोडून द्या अशी मागणी आमदार विजय काळे यांनी आज महापालिका आयुक्त सौरभ राव यांच्याकडे केली.

आमदार विजय काळे यांनी आज आयुक्त सौरभ राव यांना नदी पात्रातील रस्त्याची प्रत्यक्षात असलेली अवस्था जागेवर नेऊन दाखवली. त्यावेळी प्रकल्प विभागाचे अतिरिक्त नगर अभियंता श्रीनिवास बोनाला, विकास आराखड्याचे अधीक्षक अभियंता अनिरूद्ध पावसकर, उपायुक्त सुनील केसरी आणि पथ विभागाचे अधिकारी यावेळी त्यांच्या बरोबर होते.बाबा भिडे पूलाकडून एरंडवणेकडे येणारा रस्ता रजपूत झोपडपट्टीवरून ऐंशी फूटी डीपी रस्त्याला जोडण्याचे नियोजन होते. त्यातील शेवटचा १०० ते २०० मीटर रस्त्याच्या तुकडा तयार नसल्याने सर्व वाहने अरूंद रस्त्यावरून एका वस्तीतून  कशी येतात हे आयुक्तांना आमदार काळे यांनी प्रत्यक्ष दाखवले.

रजपूत झोपडपट्टी ते म्हात्रेपूल डीपी रोड सारखाचा बाबा भिडे पूल ते वैकुंठ स्मशान भूमी रस्ता कसा अर्धवट अवस्थेत सोडण्यात आला आहे हे आमदार काळे यांनी प्रत्यक्ष जागेवर नेऊन आयुक्तांच्या निदर्शनास आणून दिले. हे दोन्ही रस्ते जोडले गेले तर कर्वे रोड आणि शास्त्री रोडवरील वाहतुकीचा ताण कसा कमी होऊ शकतो ? तसेच हा  नदी पात्रातील रस्त्याचा प्रकल्प काय उद्देशाने तयार केला होता ? याचीही महिती आमदार काळे यांनी आयुक्त राव यांना दिली. कर्वे रोडवर आणि नदी पात्रात मेट्रोची कामे सुरू असल्याने वाहतुकीस होणारा अडथळा वाढला असून त्यात दिवसेंदिवस वाढच होत जाणार असल्याचेही आमदार काळे स्पष्ट केले. त्यामुळे या पर्यायी रस्त्यांची फारच आवश्यकता असून कसेही करून हे रस्ते जोडले जाणे आवश्यक असल्याचेही त्यांनी आय़ुक्तांचा निदर्शनास आणून दिले.

नदीपात्रात नव्या आखण्यात आलेल्या निळ्या रेषेत रस्ता येत असल्याने त्याची कामे करता येत नसल्याचे कारण सातत्याने अधिकारी देत होते. मात्र त्याचवेळी मंगल कार्यालयांची तात्पुरती बांधकामे निळ्या रेषेत कशी असा प्रश्न आयुक्त राव यांनी उपस्थित केल्यावर अधिकारी निरूत्तर झाले. सध्या नदी पात्रातून सूचनाही आयुक्तानी केली. नव्याने आखण्यात आलेल्या निळ्या रेषेची अंमलबजावणी कडक होत असल्याने आपण बाबतची बैठक लवकरच घेऊ असेही त्यांनी नमूद केले.

पुणे ःजागतिक मातृदिनानिमित्त ‘क्रिएटिंग पॉसिबिलीटीज्’ संस्थेच्या वतीने तृतीयपंथीयांसाठी सामाजिक काम करणार्‍या तसेच मुलगी दत्तक घेऊन मातृकर्तव्य करणार्‍या तृतीयपंथी कार्यकर्त्या गौरी सावंत यांच्या प्रकट मुलाखतीचा कार्यक्रम आयोजित करण्यात आला आहे.

‘क्रिएटिंग पॉसिबिलीटीज्’चे संस्थापक रिदम वाघोलीकर यांनी पत्रकार परिषदेत ही माहिती दिली. यावेळी आशय वाघोलीकर आणि अनू वाघोलीकर उपस्थित होते.

‘गौरी सावंत द एक्स्ट्राऑर्डिनरी स्टोरी ऑफ द फर्स्ट ट्रान्सजेंडर मदर’ असे या कार्यक्रमाचे नाव असून, ‘एलिजियम बँक्वेट्स’, जंगली महाराज रस्ता येथे रविवारी 13 मे 2018 रोजी सायंकाळी 6 वाजता होणार आहे. ‘क्रिएटिंग पॉसिबिलीटीज्’चे संस्थापक रिदम वाघोलीकर हे गौरी सावंत यांची प्रकट मुलाखत घेणार आहेत.

याच कार्यक्रमात डॉ. सोनिया नगराळे या ‘तृतीयपंथीयांचे कायदेशीर हक्क’ या विषयावर बोलणार आहेत. आशय वाघोलीकर संयोजन करणार आहेत.

‘क्रिएटिंग पॉसिबिलीटीज्’ ही संस्था सामाजिक विषयांवर जनजागृतीचे काम करते.

रिदम वाघोलीकर संस्थापक असून, लता मंगेशकर यांची भाची रचना खडीकर-शहा व्यवस्थापकीय संचालक आहेत.

पुणे-आतापर्यंत  पिण्याच्या पाण्यावर अवलंबून असणाऱ्या तळजाई टेकडीवरील वनसंपदा आणि प्राणी- पक्ष्यांना आता देशातील पहिल्या  कार्यान्वित झालेल्या ग्रे -वॉटर प्रक्रिया प्रकल्पातुन दररोज पाच लाख लिटर पाणी मिळणार आहे,त्यामुळे तळजाई टेकडी आता वर्षभर हिरवीगार राहणार आहे असे प्रतिपादन माजी उपमहापौर आबा बागुल यांनी केले. 

 पुणे महापालिकेच्यावतीने आणि माजी उपमहापौर आबा बागुल यांच्या संकल्पनेतून सहकारनगर येथील कै. वसंतराव बागुल उद्यान येथे कार्यान्वित झालेल्या देशातील पहिल्या ग्रे -वॉटर प्रक्रिया प्रकल्पातून तळजाई टेकडीवर प्रथमच  प्रक्रिया केलेले पाणी जलवाहिनीतून मंगळवारी पोहचले यावेळी या  शुद्ध पाण्याचे  जलपूजन करण्यात आले, त्यावेळी आबा बागुल बोलत होते .याप्रसंगी पर्यावरण क्षेत्रातील तज्ज्ञ राजू धारिया, शैलेंद्र पटेल , सचिन पुणेकर, आर. सी. माहुलकर , आणि वास्तुविशारद महेश नामपूरकर, अजित कोंढाळकर ,   पालिकेचे अधिकारी वर्ग तसेच पुणे शहर जिल्हा काँग्रेस कमिटीचे सरचिटणीस अमित बागुल , नंदकुमार बानगुडे , हेमंत बागुल , सागर आरोळे , धनंजय कांबळे आदींसह पर्यावरण प्रेमी उपस्थित होते.  यावेळी माजी उपमहापौर आबा बागुल म्हणाले कि, तळजाई टेकडीवर १०७ एकर क्षेत्रात वसुंधरा जैव वैविध्य उद्यान हा महत्वाकांक्षी प्रकल्प पुणे महानगरपालिकेकडून साकारला जात आहे. आजपर्यंत या टेकडीवरील वनसंपदेला वाचविण्यासाठी ,प्राणी -पक्षांच्या सुरक्षिततेसाठी पर्यावरणप्रेमी कार्यरत होते. विशेषतः आजपर्यंत या टेकडीवर टँकरद्वारे पिण्याचे पाणी पोहचवले जात होते मात्र   कै. वसंतराव बागुल उद्यान येथे कार्यान्वित झालेल्या देशातील पहिल्या ग्रे -वॉटर प्रक्रिया प्रकल्पातून तळजाई टेकडीवर अडीच किमीच्या  जलवाहिनीद्वारे आता प्रक्रिया केलेले पाणी आज पोहचले आहे. दररोज  पाच  लाख लिटर पाणी येथे मिळणार आहे. परिणामी आता वर्षभर तळजाई टेकडी हिरवीगार राहणार आहे. शिवाय 

वसुंधरा जैव वैविध्य उद्यान प्रकल्पाला या पाण्याचा उपयोग  होणार आहे.तसेच जमिनीत पाणी मुरून भूगर्भातील पाणीसाठाही वाढणार आहे.  वनसंपदा आणि प्राणी -पक्ष्यांसाठी  पाण्याची व्यवस्था आणि टेकडीचे संवर्धन यामुळे पर्यावरणप्रेमींही  सुखावले आहेत.नेहरू स्टेडियमच्या धर्तीवर येथे एक लाख चौरस फुटाचे क्रीडांगणही  पूर्णत्वास आले असून लवकरच सौरउर्जेवरील ३०० किलोवॅटचा आदर्शवत प्रकल्पही  कार्यान्वित होणार आहे. टेकडीवर येणाऱ्या नागरिकांच्या सुरक्षिततेसाठी सीसीटीव्ही यंत्रणाही सुरु होणार आहे. अशी माहिती बागुल यांनी यावेळी दिली. 

राजू धारिया म्हणाले , असे प्रकल्प काळाची गरज आहे. या ग्रे -वॉटर प्रक्रिया प्रकल्पामुळे पिण्याच्या पाण्यावरून होणारा दबावही  कमी होणार आहे.  भूजलपातळी वाढविण्यासाठी आणि पाण्याच्या पुर्नवापराला चालना देण्यासाठी असे प्रकल्प सर्वत्र उभारले पाहिजे आणि तळजाई टेकडीप्रमाणे अन्य टेकड्यांवरही हा प्रकल्प राबवावा आबा बागुल यांनी पर्यावरणासाठी केलेले हे कार्य आदर्शवत आहे. त्यांची दूरदृष्टी कौतुकास्पद आहे. शहरासाठी त्यांनी अनेक उपयुक्त प्रकल्प दिले आहेत. असे ते म्हणाले. 

आर. सी. माहुलकर म्हणाले, जायका प्रकल्पासाठी एक हजार कोटी रुपये खर्ची घालण्यापेक्षा शहरातील मोठ्या नाल्यांवर असे प्रकल्प उभे करण्याचे नियोजन झाले पाहिजे. सचिन पुणेकर म्हणाले, वनसंपदेबरोबरच वन्य जीवांच्या अधिवासाचे संवर्धन होण्यासाठी हा प्रकल्प दिशादर्शक आहे. संपूर्ण देशात असे प्रकल्प होणे आवश्यक आहे. त्यासाठी सर्वांनी पुढाकार घेण्याची गरज आहे. माजी उपमहापौर आबा बागुल यांचे विशेष आभार मानले पाहिजेत. त्यांनी पर्यावरण संवर्धनाला खऱ्या अर्थाने चालना दिली आहे.  शैलेंद्र पटेल यांनी या प्रकल्पाचे कौतुक करून महापालिकेने अशा प्रकल्पांसाठी खास तरतूद अंदाजपत्रकात केली पाहिजे अशी अपेक्षा व्यक्त  केली. यावेळी सर्व पर्यावरणप्रेमींनी ग्रे वॉटर प्रक्रिया प्रकल्पाला चालना देण्यासाठी आणि पाण्याचा पुनर्वापर वाढावा यासाठी पालिकेने बजेटमध्ये १०० कोटी रुपये खास तरतूद करण्याच्या मागणीचे पत्रही आयुक्तांना पाठविले. तसेच आबा बागुल यांच्या प्रत्येक विकासकामांसाठी आम्ही सदैव पाठीशी राहू अशी ग्वाहीही दिली. यावेळी एका पर्यावरणप्रेमीने आम्ही गेली तीस वर्षे या टेकडीवर दररोज पाण्याच्या बाटल्या घेऊन येत आहोत. मात्र आज टेकडीवर पाणी उपलब्ध झाल्याने खऱ्या अर्थाने टेकडी संवर्धनाला संजीवनी मिळाली आहे, अशा प्रकारचे कार्य फक्त आबा बागुल हेच करू शकतात अशा शब्दात त्यांनी गौरव केला.