पणजी – गोव्याची पहिले आणि एक्सक्लुसिव्ह मोबाइल अपवर आधारित टॅक्सी सेवा गोवामाइल्सचे गोव्याचे  मुख्यमंत्री श्री. मनोहर पर्रीकर यांच्याहस्ते सेक्रेटेरियल कॉम्प्लेक्स, पोर्वोरी येथे लाँच करण्यात आले.

 लाँचप्रसंगी  पर्यटन मंत्री श्री. मनोहर आजगांवकर, गोवा पर्यटन विकास महामंडळाचे (जीटीडीसी) अध्यक्ष, श्री. निलेश काब्राल, गोव्याचे मुख्य सचिव श्री. धर्मेदंद्र शर्मा, पर्यटन सचिव, श्री. शेओ प्रताप सिंग, श्री. मेनिनो डिसूझा, संचालक, पर्यटन विभाग आणि इतर मान्यवर उपस्थित होते. गोवामाइल्सचे लाँच स्थानिक नागरिक तसेच पर्यटकांसाठी गोवा व आजूबाजूच्या परिसरातील पर्यटन- प्रवासात क्रांतीकारी बदल आणेल तसेच या नव्या उपक्रमांतर्गत सेवा देणाऱ्या टॅक्सी चालकांचा फायदा करून देईल. राज्यात प्रवेश केल्यानंतर लगेचच गोवामाइल्सद्वारे परवडणाऱ्या आणि सरकारने मंजूर केलेल्या दरांत टॅक्सी आरक्षित करता येईल. गुगल प्ले स्टोअर तसेच अपल स्टोअरद्वारे गोवामाइल्स अप डाउनलोड करता येईल.

लाँचप्रसंगी श्री. पर्रीकर म्हणाले, ‘या नव्या अप आधारित टॅक्सी सेवेमुळे गोव्याला पर्यटकांना परवडणाऱ्या दरात भरपूर प्रवास करण्याची संधी देता येईल. विशेष म्हणजे, त्यांना गोव्यात आल्यापासून परत जाईपर्यंत परवडणाऱ्या दरांत ही सेवा वापरता येईल. हा उपक्रम लाँच केल्याबद्दल मी गोवा टुरिझमचे अभिनंदन करतो आणि या उपक्रमाला भरपूर यश मिळेल अशी सदिच्छा देतो.’

त्यापुढे श्री. आजगांवकर म्हणाले, ‘गोव्यातील अपआधारित टॅक्सी सेवा वाहतूक व्यवस्थेमध्ये क्रांतीकारी बदल घडवून आणेल, ज्याचा या क्षेत्रातील सर्व घटकांना म्हणजेच टॅक्सी चालक, पर्यटक आणि स्थानिकांना फायदा होईल. मला खात्री आहे, की गोव्यातील पर्यटक टॅक्सी चालक आता या डिजिटल यंत्रणेत सहभागी होतील आणि पर्यायाने अशा प्रकारची यंत्रणा यशस्वीपणे राबवणाऱ्या राज्यांच्या यादीत गोवा मागे राहाणार नाही.’

या उपक्रमाच्या फायद्यांवियी श्री. काब्राल म्हणाले, ‘आम्ही सार्वजनिक माहिती अभियान लाँच केले आहे, ज्याद्वारे गोव्यातील एक दशलक्ष लोकांपर्यंत पोहोचून त्यांना गोवामाइल्सची माहिती दिली जाईल. सर्वसामान्य जनतेकडून आम्हाला भरघोस प्रतिसादाची अपेक्षा असून ते हे अप डाउनलोड करून त्याचा पर्यटन तसेच दैनंदिन प्रवासासाठी वापर करतील. ही अप आधारित टॅक्सी सेवा डिजिटल अर्थव्यवस्थेला चालना देईल, पर्यटकांसाठी प्रवास सोपा करेल व टॅक्सी चालकांना चांगले उत्पन्न देईल. या उपक्रमामुळे ग्राहकांना नवा अनुभव मिळेलच, शिवाय टॅक्सी भाडे भरण्यासाठी सोपा व सुरक्षित मार्ग उपलब्ध करून देईल.’ ते पुढे म्हणाले, ‘हे अप डिजिटल यंत्रणेमध्ये गोवन टॅक्सी चालकांना भागीदार बनवणाऱ्या आणि सर्वात जलद व सोयीस्कर यंत्रणा देणाऱ्या तसेच पर्यटकांना सेवेचा चांगला अनुभव देणारे पहिल्या काही अप्सपैकी एक एक आहे.’

गोवामाइल्सचे व्यवस्थापन फ्रंटमाइल्स प्रा. लि. या स्थानिक गोवन कंपनीद्वारे हाताळले जाणार असून टेंडरिंग प्रक्रियेच्या गरजांनुसार एसपीव्ही म्हणून याची निर्मिती करण्यात आली आहे. ही एसपीव्ही ही पिटासिस सॉफ्टवेअर प्रा. लि. या पालक कंपनीची उपकंपनी आहे, जे जीटीडीसीच्या अप आधारित टॅक्सी सेवेचे यशस्वी बिडर होते. पिटासिस सॉफ्टवेअर प्रा. लि. ही गेली सात वर्ष वाहतूक ऑटोमेशन क्षेत्रात कार्यरत असून मास ट्रान्सपोर्टेशन, फ्लीट/क्सी अग्रीगेशन आणि कर्मचारी वाहतूक या क्षेत्रांत कार्यरत आहे. सध्या कंपनीच्या नोंदणीकृत प्रवाशांची संख्या ६० हजारांपेक्षा जास्त आहे.

अपवर आधारित टॅक्सी सेवेच्या लाँचमुळे पर्यटकांना गोवामाइल्स सोयीस्कर आणि वेळेची बचत करणारे आहे हे सहज लक्षात येईल, कारण त्यांना केवळ एका मोबाइल अपद्वारे आरक्षण, देखरेख आणि पैसे भरणे अशा सर्व क्रिया करत येणार आहेत. ट्रॅकिंगसुद्धा अतिशय सोपे ठेवण्यात आले आहे, ज्यामुळे प्रवाशांना त्यांची राइड त्यांच्या सद्य आणि त्यापूर्वी आरक्षित केलेल्या राइडचे ट्रॅकिंग पाहाता येणार आहे. त्याचबरोबर प्रवाशांच्या सुरक्षिततेस काही धोका असल्यास त्यात पॅनिक बटनाची सोयही दिलेली आहे.

या सेवेचा टॅक्सी चालकांनाही फायदा होईल याची खबरदारी गोवामाइल्सने घेतली असून त्यानुसार भारतात इतरत्र व जगभरातील ट्रेंडनुसार त्यांच्या उत्पन्नावर शुल्क आकारले जाणार नाही. टॅक्सी चालकांना दैनंदिन पातळीवर पैसे मिळतील. हेच मोबाइल अप कर आणि विमा कारणांसाठी तसेच जवळच व्यवसाय शोधण्यासाठी वापरता येणार असून त्यामुळे प्रत्येक चालकाला उत्पन्न मिळवण्याची खात्री असेल. उत्पन्नाचा सारांश अपमध्येच पाहाता येईल. स्थानिक गोवन चालकांमध्ये व्यवसायाचे समान विभाजन केले जाईल आणि त्यांना काम करून जास्त पैसे मिळवता येतील व हीच गोष्ट त्यांना अधिक काम करण्यासाठी प्रेरणा देईल.

चालकांसाठी पाळावयाच्या काही सूचना जीटीडीसीने तयार केल्याअसून अधेमधे त्यासंदर्भात प्रत्यक्ष आणि डिजिटल पातळीवर तपासणी करण्याचे काम जीटीडीसी करेल. पालन करणाऱ्यांना ताकीद दिली जाणार असून त्यामुळे ग्राहक समाधानाचा चांगला दर्जा राखला जाईल.

काही टॅप्समध्ये कॅब आरक्षित करा. पुढीलप्रमाणे

•  पिकअप लोकेशन सेट करा (उदा – घर, ऑफिस, रेल्वे स्थानक, सध्याचे लोकेशन इत्यादी)

• ड्रॉप लोकेशन सेट करा (उदा – घर, ऑफिस, रेल्वे स्थानक, सध्याचे लोकेशन इत्यादी)
• नकाशावर दिसत असलेल्या तुमच्या लोकेशनजवळच्या कॅब्ज/टॅक्सी पाहा
• पैसे भरण्याचे विविध मार्ग – रोख पैसे भरा किंवा डेबिट कार्ड, क्रेडिट कार्ड, भीम, यूपीआय असे विविध कॅशलेस पर्याय वापरा.
• वाहनाचा प्रकार निवडा आणि ‘कन्फर्म’ वर टॅप करा.
• सोप्या पद्धतीने निवड करण्यासाठी तुम्हाला वाहनाचा प्रकार आणि दर दिसतील व त्यात तुम्हाला योग्य वाटेल तो पर्याय निवडा.
• त्यानंतर तातडीने इतर तपशील जसे, की चालकाचे नाव, गाडीचा नंबर, गाडीचा प्रकार इत्यादी. चालकाला दिला जाणारा ओटीपी अपमध्येच असेल.
• चालकाला ओटीपी दिल्यानंतर रिअल टाइममध्येच कॅब येण्याची व ड्रॉप केले जाण्याची वेळ पाहा.
• तुमची ट्रिप संपल्यानंतर इन्व्हॉइसचा इतिहास लगेचच ‘माय राइड्स’मध्ये पाहाता येईल आणि आधीच्या ट्रिप्सची माहिती सध्याच्या ट्रिपच्या माहितीखाली दिलेली असेल.
• भाडेशुल्क आणि राइडची वैशिष्ट्ये जाणून घ्या – आरक्षित करण्यासाठी भाडे आणि विविध वैशिष्ट्ये तपासता येतील.
• शेअर – राइडचे तपशील तुमच्या प्रियजनांसोबत शेअर करता येतील.

पुणे: ग्रीनबॉक्स यांच्या तर्फे आयोजित ग्रीनबॉक्स आंतरशालेय 12वर्षाखालील फुटबॉल 2018 स्पर्धेत विद्याभवन स्कुल अ व ब, विबग्योर स्कुल अ व ब, स्प्रिंग डेल स्कुल अ या संघांनी आपापल्या प्रतिस्परध्यांचा पराभव करून विजयी सलामी दिली.

कॅस्टल रॉयल, एबीआयएल कॅम्पस, रेंजहिल्स, भोसलेनगर येथील फुटबॉल मैदानावर आजपासून सुरु झालेल्या या स्पर्धेत सलामीच्या लढतीत ऍरोन मेंडीस(2, 5,15मि.)याने केलेल्या तीन गोलांच्या जोरावर विद्या भवन स्कुल ब संघाने दस्तूर स्कुलचा 6-0असा धुव्वा उडविला. विद्या भवन स्कुल अ संघाने सिम्बायोसिस एसएससी ब संघाचा 3-0असा तर, विबग्योर स्कुल ब संघाने सिम्बायोसिस एसएससी अ संघाचा 4-0असा पराभव करून शानदार सुरुवात केली.

स्पर्धेत दस्तूर हायस्कुल, विद्याभवन स्कुल अ व ब संघ, सिम्बायोसिस एसएससी(एलसीआर) अ व ब संघ, विबग्योर स्कुल अ व ब, स्प्रिंग डेल स्कुल अ व ब संघ, एंजल हायस्कुल लोणी, जेएन पेटिट स्कुल अ व ब, एंजल हायस्कुल उरळी कांचन, आदित्य इंटरनॅशनल स्कुल, आर्यन स्कुल, सेंट व्हिन्सेंट हायस्कुल, हचिंग्ज हायस्कुल, द ऑर्चिड स्कुल, सीएम इंटरनॅशनल स्कुल, बिशप्स हायस्कुल(कॅम्प), माउंट सेंट पॅट्रिक स्कुल, डॉनबॉस्को हायस्कुल, सिम्बायोसिस इंटरनॅशनल स्कुल, इंदिरा नॅशनल स्कुल, कस्तुरबा गांधी स्कुल, बिशप्स कल्याणीनगर, पुणे पोलीस पब्लिक स्कुल, विद्यांचल स्कुल, एचईएम गुरुकुल स्कुल या संघांनी आपला सहभाग नोंदविला आहे.

स्पर्धेचा सविस्तर निकाल: पहिली फेरी:
स्प्रिंगडेल स्कुल अ: 2(ईशान केमकर 14, 16मि.)वि.वि.आदित्य इंटरनॅशनल स्कुल: 1(पंकज चौधरी 19मि);

विबग्योर स्कुल अ: 2(शील घटानी 4मि., आयुश कटनकर 8मि.)वि.वि.स्प्रिंग डेल स्कुल ब: 1(पार्थ भरेकर 3मि.);

विबग्योर स्कुल ब: 4(आदित्य गोयल 2मि., वैभव राजेश 3, 18मि., सिद्धांत आडमुठे 15मि.)वि.वि.सिम्बायोसिस एसएससी अ: 0;

विद्या भवन स्कुल ब: 6(ऍरोन मेंडीस 2, 5,15मि., आदित्य धुमाळ 9मि., अंकित गवारे 20मि., ओम राक्षे 21मि.)वि.वि.दस्तूर स्कुल: 0;

विद्या भवन स्कुल अ: 3(आदित्य पिल्लई 3मि., नील दगडे 7, 16मि.)वि.वि.सिम्बायोसिस एसएससी ब: 0;

पुणे- सैनिक जसा सीमेवर उभा राहून देशाचे संरक्षण करतो, तसाच सफाई कर्मचारी देशामधील अस्‍वच्छता हटवून स्‍वच्‍छता निर्माण करत असतो.  सफाई कर्मचा-यांच्‍या या कामाचे महत्‍त्‍व लक्षात घेऊन त्‍यांच्‍याविषयी असलेल्‍या योजनांची अंमलबजावणी व्‍हायला हवी, असे आवाहन राष्‍ट्रीय सफाई कर्मचारी आयोगाचे सदस्‍य दिलीप के. हाथीबेड यांनी केले. सफाई कर्मचा-यांच्‍या समस्‍या जाणून घेण्‍यासाठी ते राज्‍याच्‍या दौ-यावर आले असून पुणे येथे  बैठकीत ते बोलत होते. यावेळी पिंपरी-चिंचवड महापालिकेचे आयुक्‍त श्रावण हर्डीकर, पुणे मनपाचेअतिरिक्‍त आयुक्‍त राजेंद्र निंबाळकर तसेच विविध विभागाचे अधिकारी उपस्थित होते.

श्री.हाथीबेड म्‍हणाले, देशामध्‍ये स्‍वच्‍छता अभियान राबविले जात आहे. महात्‍मा गांधीजींनंतर स्‍वच्‍छतेला प्रधानमंत्री  नरेंद्र मोदी यांनी महत्‍त्व दिले आहे. समाजातल्‍या शेवटच्‍या माणसाचा विकास व्‍हावा, प्रगती व्‍हावी, असे त्‍यांचे प्रयत्‍न आहेत. सफाई कर्मचारी हा समाजातील शेवटचा घटक आहे. त्‍याच्‍यासाठी केंद्र व राज्‍य शासनाच्‍या योजना आहेत, या योजनांचा लाभ माणुसकीच्‍या नात्‍याने त्‍यांना मिळाला पाहिजे. पुणे महापालिका, पिंपरी-चिंचवड महापालिका, सर्वोपचार ससून रुग्णालय आदींमध्‍ये  सफाई कर्मचा-यांचे विविध प्रश्‍न आहेत. सफाई कर्मचा-यांना गणवेश, हातमोजे, गमबूट, मास्‍क तसेच इतर आवश्‍यक सुविधा, साधनसामग्री उपलब्‍ध करुन दिली गेली पाहिजे. सफाई कर्मचा-यांची दर तीन महिन्‍यांनी नियमित आरोग्‍य तपासणी झाली पाहिजे, ठेकेदारांमार्फत निवडण्‍यात आलेल्‍या  सफाई कर्मचा-यांना नियमानुसार वेतन दिले जाते का, त्‍यांचा प्रॉव्‍हीडंट फंड नियमित कपात करुन जमा केला जातो का याबाबतही माहिती घेण्‍याचे निर्देश त्यांनी दिले.

पुणे महापालिका आणि पिंपरी-चिंचवड महापालिकांतील सफाई कर्मचा-यांच्‍या प्रश्‍नांसदर्भांत स्‍वतंत्र समन्‍वय समित्‍या स्‍थापन करण्‍याची सूचना त्‍यांनी केली. या समित्‍यांमध्‍ये संबंधित अधिकारी, सफाई कर्मचारी संघटनांचे प्रतिनिधी, महिला यांचा समावेश असेल. दर तीन महिन्‍यांनी या समित्‍यांची बैठक होत जाईल.  पोलीस विभागात प्रत्‍येक पोलीस ठाण्‍यात स्‍वतंत्र सफाई कर्मचारी नेमला जावा, यासाठी शासनाकडे  प्रस्‍ताव पाठवण्‍याची सूचनाही त्यांनी केली.

पुणे जिल्‍ह्याच्‍या बैठकीनंतर सोलापूर आणि सातारा जिल्‍ह्यात जाऊन सफाई कर्मचा-यांच्‍या समस्‍या जाणून घेणार असल्‍याचे त्‍यांनी सांगितले. तीन महिन्‍यानंतर विभागीय आयुकत स्‍तरावर आढावा बैठक घेणार असल्‍याचे  ते म्‍हणाले.

पुणे-स्वतःच्या अधिकारासाठी रस्त्यावर यावे लागते, याला हेच सर्व लोक कारणीभूत आहेत. लोकसंख्येनुसार आरक्षण देऊन टाकायला हवे. सोयीच्या राजकारणामुळे आजवर बळी गेले त्यांना कोण कारणीभूत आहे, असा सवाल खासदार छत्रपती उदयनराजे भोसले यांनी पत्रकार परिषदेमध्ये उपस्थित केला.

मराठा आरक्षणावर मार्ग काढण्यासाठी संपूर्ण महाराष्ट्रातल्या समन्वयकांची बैठक बोलावली होती. परिषदेला आलेल्या लोकांनी वेगवेगळ्या सूचना केल्या आहेत, आंदोलनाच्या पुढील दिशा काय असावी, याबाबत यावेळी चर्चा झाली.

आरक्षणावर एवढी चर्चा का केली जाते हे कळत नाही. आजवरच्या सत्ताधाऱ्यांनी या प्रश्नाकडे लक्ष दिले असते तर ही परिस्थिती निर्माण झाली नसती. तीस वर्षे झाली अजून किती वाट बघायची, असा सवाल यावेळी उदयनराजे यांनी केला.

इतर जातींना जसा न्याय दिला तीच अपेक्षा मराठा, मुस्लिम, धनगर समाजाची आहे. स्वतःच्या हक्कांसाठी आवाज उठवला तर केसेस केल्या जातात. अजून किती अंत बघणे योग्य नाही. ही पक्षविरहित बैठक होती. कारण नसताना न्यायव्यवस्थेकडे बोट दाखवले जात असल्याचा आरोपही त्यांनी केला. जागतिक पातळीवरील संयम पुरस्कार द्यायचा झाला तर या समजलाच द्यावा लागेल .लवकर निर्णय घ्या नाही तर उद्रेक होऊ शकतो ..असा उद्रेक झाला तर काय अवस्था होईल …असा हि प्रश्न त्यांनी केला .