पुणे-कर्वेनगरयेथील कर्वे समाज सेवा संस्थेमध्ये समाजकार्य महाविद्यालयाच्या वैद्यकीय व मनोवैद्यकीय समाजकार्य विभागाच्या वतीने एरवाडी दिवस व स्तनपान सप्ताहानिमित्त चर्चासत्र व विविध विषयांचे सादरीकरणाच्या कार्यक्रमाचे आयोजन करण्यात आले होते.
सन २००१ मध्ये तामिळनाडू मधील एरवाडी येथील एका मनोरुग्नालयामध्ये साखळदंडाने बांधून ठेवण्यात आलेल्या २८ मनोरुग्णांचा आगीत होरपळून मृत्यू झाला होता व याच अपघाताची आठवण म्हणून मानसिक आरोग्य क्षेत्रांमध्ये “त्या” मनोरुग्णांना श्रद्धांजली वाहून मनोरुग्णाबाबत जागृती करण्यासाठी हा दिवस सर्वत्र साजरा करण्यात येतो
याच दिवसाचे औचित्य साधून तसेच स्तनपान सप्ताहानिमित्त कर्वे समाज संस्थेच्या प्रथम व व्दितीय वर्षाच्या विद्यार्थ्यांच्यावतीने माहितीपर कार्यक्रमांचे आयोजन करण्यात आले होते. विद्यार्थ्यांनी या दोन्ही दिवस व सप्ताहाचे महत्व यावर सादरीकरण करून चर्चासत्रामध्ये सहभाग घेतला.
संस्थेचे संचालक डॉ दीपक वलोकर, ज्येष्ठ प्रा. डॉ अनुराधा पाटील, प्रा. चेतन दिवाण व प्रा. दादा दडस यांच्या मार्गदर्शनाखाली विद्यार्थ्यांनी विविध विषयांवर सादरीकरण करून चर्चा घडवून आणली.
संस्थेचे संचालक डॉ दीपक वलोकर, प्रा. डॉ अनुराधा पाटील, प्रा. चेतन दिवाण यांनी यावेळी उपस्थित विद्यार्थ्यांशी संवाद साधला.