पुणे :

‘महाराष्ट्र कॉस्मॉपॉलिटन एज्युकेशन सोसायटी’च्या ‘पी.ए.इनामदार कॉलेज ऑफ व्हिजुअल इफेक्ट्स, डिझाइन अ‍ॅण्ड आर्ट (Veda) च्या वतीने अखिल भारतीय कला शिक्षक गौरव पुरस्कार २०१८-१९ चे आयोजन करण्यात आले होते. कार्यक्रमाचे चौथे वर्ष होते.

भारतीय रुपयाच्या नव्या डिझाईनचे डिझायनर डॉ उदय कुमार धर्मालिंगम यांच्या हस्ते वैभव कुमरेश (2 डी अॅनिमेटर), सुधाकर चव्हाण (आर्टिस्ट), नितीन देसाई (चित्रपट निर्मिती), रावसाहेब गुरव (आर्टिस्ट) या कलागुरूंंचा गौरव करण्यात आला, अशी माहिती प्राचार्य ऋषी आचार्य यांनी पत्रकाद्वारे दिली.

यावेळी एम.सी.ई.सोसायटीचे अध्यक्ष डॉ. पी.ए.इनामदार, सचिव लतिफ मगदूम, सहसचिव प्रा.इरफान शेख, प्राध्यापक आणि कर्मचारी वर्ग उपस्थित होते.

१७ व्या आंतरराष्ट्रीय अॅनिमेशन डे निमित्त हा कार्यक्रम आझम कॅम्पसमध्ये रविवारी झाला.

आर्टिस्टच्या कामासाठी उत्कटता असणे आवश्यक आहे. जगावर राज्य करण्यासाठी आपण स्वत:ला शोधण्याचा प्रयत्न करावा असे मार्गदर्शनपर उद्गार डॉ उदय कुमार धर्मालिंगम यांनी काढले.

अखिल भारतीय कला शिक्षक गौरव पुरस्कार’ हा भारतातील सर्व महाविद्यालयातील अ‍ॅनिमेशन, कला, ललित कला आदी क्षेत्रातील शिक्षकांना लक्षणीय योगदान आणि उत्तुंग कामगिरीसाठी देण्यात येतो.

दरवर्षी चार पुरस्कार कला क्षेत्र, ग्राफीक डिझाईन, अ‍ॅनिमेशन, व्हिजुअल इफेक्ट्स, स्पेशल ईफेक्ट्स, क्रिएटिव्ह फोटोग्राफी, पेंटींग क्राफ्ट, शिल्पकला, ललित कला, साहित्य, चित्रपट या क्षेत्रातील कलाकार आणि शिक्षकांना, कलागुरुंना देण्यात येतात.

पुणे– केंद्रीय सतर्कता कामिशनच्या मार्गदर्शक तत्वांनुसार दिनांक 29 ऑक्टोबर ते 3 नोव्हेंबर 2018 दरम्यान बँक ऑफ महाराष्ट्रमद्धे ‘सतर्कता सप्ताह’ आयोजित करण्यात येत आहे. या सप्ताहाचे आयोजन बँकेच्या सर्व शाखा, अंचल कार्यालये आणि महाराष्ट्र ग्रामीण बँक येथे करण्यात येत आहे.

 पुणे पूर्व अंचल येथे आयोजित करण्यात आलेल्या सतर्कता सप्ताहाचा प्रारंभी महापौर मुक्ता टिळक यांनी उपस्थितांना सतर्कता प्रतिज्ञा दिली. स्वत: महापौरांनी इलेक्ट्रोंनिक माध्यमातून वेबसाईटद्वारे ‘ऑन लाईन प्रतिज्ञा’ घेऊन या सप्ताहाचा प्रारंभ केला. यावेळी अंचल प्रमुख श्री मानियार म्हणाले की, प्रत्येक नागरिकाने शपथेप्रमाणे वर्तणूक करून भारताला भ्रष्टाचार मुक्त करायला हवे. यावेळी बँक कर्मचार्‍यांसाह आय पी सक्सेना अकादमीचे प्रशिक्षणार्थी उपस्थित होते.   

 या सप्ताहामध्ये प्रामाणिकपणाची वृद्धी आणि भ्रष्टाचाराचे निर्मूलन करण्याच्या व्यापक कार्यात जनसामान्यांना सामील करण्याच्या उद्दीष्ट संकल्पनेसाठी बँकेद्वारा विविध कार्यक्रमांचे आयोजन करण्यात आले आहे. भ्रष्टाचारमुक्त समाजनिर्मितीच्या कार्यासाठी सर्वसामान्यांच्या प्रबोधनाकरिता नागरिकांना सहभागी करून घेण्यात आले आहे. भ्रष्टाचार निर्मूलन संबंधित विषय घेऊन शाळा, महाविद्यालयीन विद्यार्थी तसेच बँक कर्मचारी यांसाठी वक्तृत्व स्पर्धांचे आयोजन करण्यात आले आहे. बँकेचे कर्मचारी आणि अधिकारी वेबसाईटद्वारे ‘ऑन लाईन प्रतिज्ञा’ घेत आहेत. सप्ताहाचा समारोप 3 नोव्हेंबर रोजी बँकेच्या मुख्य कार्यालयात होईल.

पुणे: पुणे व पिंपरी चिंचवड शहरातील चार चाकी, दुचाकी व अवजड वाहनांचे वाढते प्रमाण व त्यामुळे भेडसावणारी प्रदूषनाची भीषण समस्या यावर कायमस्वरूपी उपाययोजना करण्याचे एक नवीन तंत्रज्ञान कर्वे समाज सेवा संस्थेच्या रिसर्च व कन्सल्टंशी विभागाने कमिन्स ग्रुप इंडिया कंपनीच्या मदतीने विकसित केले असून इंधनाचा अपव्यय टाळीत प्रदूषण मुक्त भारत साठी गेल्या आठवडाभर समाजकार्य कमहाविद्यालयाचे विद्यार्थी पुणे” व पिंपरी –चिंचवड परिसरातील महत्वाच्या सिग्नल्स वर उभे राहून लोकांना यासंबंधी जागृत करण्याचे काम करीत आहेत.

पुणे शहरामध्ये दिवसेंदिवस वाढत्या वाहनांचे प्रमाण व त्यामुळे होणार्या धुराच्या प्रदूषणामुळे पुणेकर श्वसानाच्या विविध आजारांना बळी पडत असून या भीषण समस्येवर एक शास्वत व कायमस्वरूपी उपाययोजना म्हणून प्रथम वाहन चालकांनाच योग्य ते प्रशिक्षण देऊन हे प्रदूषण टाळत इंधनाची देखील बचत करण्यासाठी कर्वे समाज सेवा संस्थेच्या रिसर्च व कन्सल्टंशी विभागाचे प्रमुख व महाविद्यालयाचे प्रभारी संचालक डॉ महेश ठाकूर यांनी प्रथम वाहनचालकांसाठी मोफत प्रशिक्षण कार्यक्रम आयोजित केले तर गेल्या आठवडाभरापासून ते पुणे पोलीस वाहतूक शाखेचे कर्मचारी व विद्यार्थ्यांच्या सहाय्याने ठिकठिकाणी जनजागृती करण्याचे काम करीत आहेत. या उपक्रमाचा फायदा बहुतांशी वाहनचालकांना होत असून शहरातील प्रदूषणाची पातळी कमी करण्यासाठी व इंधनाचा अपव्यय देखील टाळण्यासाठी करण्यात येत असलेल्या मार्गदर्शनाचा फायदा सर्व वाहनचालकांना व परिणामी पुणेकरांना होत असल्याची भावना पुणे शहर वाहतूक विभागाचे पोलीस कर्मचारी व वाहनचालक यांनी व्यक्त केली आहे.

कर्वे समाज सेवा संस्थेचे प्रभारी संचालक डॉ महेश ठाकूर, डॉ. चित्रलेखा राजुस्कर, कमिन्स ग्रुप इंडिया चे व्यवस्थापक सचिन वाघ, उप महाव्यवस्थापक महेश बिराजदार, मानवसंसाधन अधिकारी शलाखा भोसले, कार्यक्रम अधिकारी रुपेश पवार यांच्या मार्गदर्शनाखाली समाजकार्य महाविद्यालयाच्या मानव संसाधन विभागाच्या प्रथम व द्वितीय वर्षाच्या विद्यार्थ्यांनी ठिकठिकानच्या सिग्नल्स वरील वाहनचालकांना लाल सिग्नल सुरु असताना पुढील हिरवा सिग्नल चालू होईपर्यंत दुचाकी- चारचाकी बंद करून इंधनाचा अपव्यय टाळून कशापद्धतीने आपण कार्बन डाय ओक्साईड व इतर घातक घटकांपासून फुफ्फुसांचे किंवा श्वसनाचे आजार टाळू शकतो तसेच सर्वच प्रकारचे प्रदूषण देखील टाळले जाऊ शकते शिवाय इंधनाची देखील बचत करू शकतो यासंबंधी सिग्नल असतानाच्या काळात विविध पोस्टर्स द्वारे तसेच वैयक्तिक मार्गदर्शन करून प्रबोधन व जनजागृती करण्याचे काम केले.

पुणे :

‘भारतीय विद्या भवन‘ आणि ‘इन्फोसिस फाऊंडेशन‘च्या सांस्कृतिक प्रसार कार्यक्रमांतर्गत दिवाळी पहाट च्या निमित्ताने गोल्डन मेमरीज निर्मित ‘गान वंदना’ कार्यक्रमाचे आयोजन करण्यात आले आहे.

‘भारतीय विद्या भवन‘ आणि ‘इन्फोसिस फाऊंडेशन‘च्या सांस्कृतिक प्रसार कार्यक्रमांतर्गत हा ६१ वा कार्यक्रम आहे. कार्यक्रमाच्या माध्यमातून गदिमा आणि सुधीर फडके (बाबूजी ) यांचा जीवनपट उलगडला जाऊन त्यांना सांगितिक मानवंदना दिली जाणार आहे, अशी माहिती ‘भारतीय विद्या भवन’चे मानद सचिव आणि कार्यक्रमाचे संयोजक प्रा. नंदकुमार काकिर्डे यांनी पत्रकाद्वारे दिली.

ग. दि. माडगूळकर (ग.दि.मा) आणि सुधीर फडके (बाबूजी) यांच्या जन्म शताब्दीनिमित्त आयोजित हा कार्यक्रम सोमवार दिनांक ५ नोव्हेंबर रोजी सकाळी ६ वाजता ‘भारतीय विद्या भवन‘चे ‘सरदार महादेव बळवंत नातू सभागृह‘, सेनापती बापट रोड येथे होणार आहे.

‘भारतीय विद्या भवन‘ आणि ‘इन्फोसिस फाऊंडेशन‘ आयोजित हा पहिलाच दिवाळी पहाट कार्यक्रम आहे.

शशांक दिवेकर, चैत्राली अभ्यंकर, हेमंत वाळुंजकर हे गायक गीते सादर करतील. प्रसन्न बाम, राजेंद्र हसबनीस, राजेंद्र साळुंखे हे साथसंगत करतील. कार्यक्रमाचे निवेदन स्नेहल दामले करणार असून, कार्यक्रमाची निर्मिती आणि संकल्पना चैत्राली अभ्यंकर यांचे आहे.

‘गोल्डन मेमरीज’ संस्था गेली चार वर्षे महाराष्ट्रभर गीतांचा प्रसार करीत आहे. ५ नोव्हेंबर २०१८ रोजी संस्थेचा पाचवा वर्धापनदिन आहे. या पाच वर्षात संस्थेच्या वतीने विविध प्रकारचे एकूण ३८७ कार्यक्रम सादर केले आहेत, अशी माहिती गोल्डन मेमरीज संस्थेच्या चैत्राली अभ्यंकर यांनी दिली.