पुणे : “नियमित व्यायाम आणि सकस आहार घेतला, तर मधुमेहासारख्या आजारावर नियंत्रण ठेवता येते; किंबहुना त्याला दूर ठेवता येते. मधुमेहामुळे शरीरारातील प्रत्येक घटकांवर परिणाम होतो. त्यामुळे मधुमेहाला कशाप्रकारे हाताळावे यासाठी मार्ग व पद्धती शोधायला हव्यात,” असे प्रतिपादन प्रसिद्ध हृदयरोगतज्ज्ञ डॉ. परवेज ग्रांट यांनी केले.

जागतिक मधुमेह दिनानिमित्त लायन्स क्लब्ज इंटरनॅशनल, रुबी हॉल क्लिनिक व पतित पावन संघटनेतर्फे आयोजित भव्य मधुमेह-अवयवदान जनजागृती रॅली व मधुमेह तपासणी शिबीर आयोजिले होते. कोथरूड येथील यशवंतराव चव्हाण नाट्यगृहात झालेल्या या कार्यक्रमात डॉ. ग्रांट यांना ‘समाजरत्न’, तर वैद्यकीय सेवा संचालक डॉ. संजय पठारे यांना ‘समाजमित्र पुरस्कार प्रदान करण्यात आला. याप्रसंगी लायन्स क्लब्ज इंटरनॅशनलचे प्रांतपाल रमेश शहा, स्मिता शहा, माजी आमदार मोहन जोशी, धारिवाल फाउंडेशनच्या शोभा धारिवाल, माजी प्रांतपाल डॉ. चंद्रहास शेट्टी, उपप्रांतपाल ओमप्रकाश पेठे, अभय शास्त्री, शाम खंडेलवाल आदी उपस्थित होते.

मधुमेह आणि अवयवदानाविषयी जागृती करण्यासाठी सिटी प्राईड कोथरूड ते यशवंतराव चव्हाण नाट्यगृहापर्यंत आयोजिलेल्या रॅलीचे उद्घाटन पुण्याच्या महापौर मुक्ता टिळक आणि खासदार अनिल शिरोळे यांच्या हस्ते झाले. प्रसंगी नगरसेवक दिलीप वेडे पाटील, प्रदीप धुमाळ यांच्यासह डॉक्टर्स, विद्यार्थी, खेळाडू, मधुमेह रुग्ण, तसेच विविध क्षेत्रांतील प्रतिष्ठित नागरिक यात सहभागी झाले होते. मधुमेहाशी संबधित विविध विषयांवर आयोजित मार्गदर्शन सत्रात इन्शुलीनबाबत समज- गैरसमज या विषयावर मधुमेहतज्ञ डॉ. गौरी दामले, लहान मुलांमधी मधुमेहाची लक्षणे व दक्षता या विषयावर रुबी हॉल क्लिनिकच्या डॉ. मेघना चावला व मधुमेहासाठी आहार याबाबत डॉ. हर्षल एकतपुरे यांनी मार्गदर्शन केले.

डॉ. परवेज ग्रांट म्हणाले, “डॉ. अभय मुथा आणि माझे वडील डॉ. के. बी. ग्रांट खऱ्या अर्थाने या पुरस्काराचे मानकरी आहेत. काही वर्षांपूर्वी माझ्या वडिलांना मिळालेला पुरस्कार यावर्षी मला मिळत आहे याचा मला विशेष आनंद होत आहे.  नियमित व्यायाम आणि योग्य आहाराच्या जोरावर आपण मधुमेहाला दूर ठेवू शकतो. या गोष्टी प्रत्येकाने पाळायला हव्यात.”

शोभा धारिवाल म्हणाल्या, “आजवर लायन्स क्लबचे काम चांगले सुरू आहे. यापुढेही सामाजिक व चांगल्या कामासाठी लायन्स क्लबने प्रस्ताव आणावेत. त्यांच्या या सामाजिक कामामध्ये माझा नेहमी सहभाग असेल.”

मधुमेह जागृतीसाठी २०१४ पासून हा उपक्रम सुरु आहे. यंदापासून अवयवदान जागृतीही केली जात आहे. यासाठी रुबी हॉल क्लिनिकने नेहमीच पाठिंबा दिला असल्याचे डॉ. चंद्रहास शेट्टी यांनी सांगितले. प्रास्ताविक शाम खंडेलवाल यांनी केले.  हेमंत नाईक, अनुराधा डोंगरे, नीला कदम यांनी सूत्रसंचालन केले. आभार राजेंद्र गुगळे यांनी केले.

पुणे : माध्यमांनी तंत्रज्ञानाचा वापर जरूर करावा. मात्र त्यांनी सामान्य लोकांशी आणि भारतीय संविधनाशी बांधिल राहून काम करावे. माध्यमांनी सत्याची बाजू घेवून त्याचा पाठपुरावा करावा, सत्यनिष्ठा हाच फेकन्यूजला प्रतिबंध करण्याचा उत्तम मार्ग असल्याचे प्रतिपादन ज्येष्ठ पत्रकार अरूण खोरे यांनी आज केले.

विभागीय माहिती कार्यालय आणि जिल्हा माहिती कार्यालय यांच्या संयुक्त विद्यमाने राष्ट्रीय पत्रकार दिनाचे औचित्य साधून येथील माहिती केंद्राच्या सभागृहात “डिजीटल युगातील पत्रकारिता :अचारनिती आणि आव्हान” या विषयावर आयोजित चर्चासत्रात श्री. अरुण खोरे बोलत होते. यावेळी उपसंचालक (माहिती) मोहन राठोड, जिल्हा माहिती अधिकारी राजेंद्र सरग उपस्थित होते.

श्री अरूण खोरे म्हणाले, मागणी तसा पुरवठा हा सध्याच्या बाजारपेठेचा नियम आहे. त्यामुळे काही अनावश्यक वाटणाऱ्या गोष्टीही माध्यमातून समोर येत असतात. तंत्रज्ञानाच्या बदलामुळे माध्यमांचे स्वरूप झपाट्याने बदलत आहे. समाजमाध्यमांचा अधिक प्रभाव जनमानसांवर होत आहे. सामाजिक माध्यमांद्वारे सामान्य लोकांच्या मनात गोंधळ आणि संभ्रम पसरविला जातो. समाजमाध्यमावर येणाऱ्या माहितीची कोणतीही खातरजमा न करता तो पुढे पाठविण्याच्या सवयीमुळे यात आणखी वाढ होत आहे. त्यामुळे समाजमाध्यमावर येणाऱ्या प्रत्येक माहितीची खात्री करूनच ती पुढे पाठविली पाहिजे.

माध्यमांची आणि माध्यमकर्मींची सामान्य लोकांशी आणि त्यांच्या प्रश्नांशी बां‍धिलकी असणे आवश्यक आहे. माध्यमकर्मींनी वाचन आणि व्यासंग वाढविण्यावर भर देणे आवश्यक आहे. डिजीटल माध्यमांसाठी नियमावली तयार करण्याची आवश्यकता असल्याचे, श्री. खोरे यांनी सांगितले. माहिती व जनसंपर्क महासंचालनालय शासकीय ध्येयधोरणे आधुनिक तंत्रज्ञानाचा वापर करुन जनसामान्यांपर्यत प्रभावीपणे पोहोचवीत असल्याबद्दल श्री.खोरे यांनी समाधान व्यक्त केले.

श्री. मोहन राठोड म्हणाले, पत्रकारितेच्या क्षेत्रात काही दिवसात मोठा बदल झाला आहे. माहितीचा मोठा खजिनाच सर्वांना खुला झाला आहे. गेल्या काही काळात माध्यमांची संख्या झपाट्याने वाढत असून लोकशाहीच्यादृष्टीने ही अत्यंत चांगली बाब आहे. पत्रकारिता करताना सामाजिक भान ठेवून काम करण्याची आवश्यकता असल्याचे त्यांनी सांगितले.

कार्यक्रमाच्या प्रास्ताविकात राजेंद्र सरग यांनी राष्ट्रीय पत्रकार दिनाचे महत्व विषद केले. सूत्र संचालन वृषाली पाटील यांनी केले. आभार संग्राम इंगळे यांनी मानले.

यावेळी माहिती सहाय्यक जयंत कर्पे, पत्रकार विजयकुमार म्हस्के, शिवाजीराव शिंदे, संतोष काळे, अजय पाटील, किशोर भिडे यांच्यासह माहिती कार्यालयाचे कर्मचारी उपस्थित होते.

दोन अक्षराचा शब्द लाभ, अडीच अक्षराचा शब्द भाग्य, तीन अक्षराचा शब्द नशिब, साडेतीन अक्षराचा शब्द किस्मत आहे. त्याला’मेहनत’ या चार अक्षराच्या शब्दाची जोड दिली तर तुमच्या भाग्याचे सर्व दारे खुली होतात असे सांगत मेहनतीचे आणि आपल्याजीवनाचे नाते दृढ असणे आवश्यक आहे, विद्यार्थ्यांनी हाच मंत्र आपल्या जीवनात अंगिकारला तर जीवनात उच्चपदी आपण नक्कीपोहचाल असा संदेश जैन मुनीश्री पुलकसागरजी महाराज यांनी विद्यार्थ्यांना दिला.
आर. एम. धारिवाल फौंडेशनतर्फे ६२४ विद्यार्थ्यांना शैक्षणिक शिष्यवृत्ती प्रदान करण्याचा कार्यक्रम पुण्यातील माणिकचंद हाऊस येथेजैन मुनीश्री पुलकसागरजी महाराज यांच्या मंगल सानिध्यात पार पडला. त्यावेळी ते बोलत होते. आर. एम. धारिवाल फौंडेशनच्याप्रमुख शोभाताई धारिवाल, फौंडेशनच्या अध्यक्षा जान्हवी धारिवाल, भारताचा आंतरराष्ट्रीय क्रिकेटपटू युसुफ पठाण, प्रणीतसागरजी,महाराज पुनीत बालन यावेळी मंचावर उपस्थित होते. कार्यक्रमास विद्यार्थी व पालक मोठ्या संख्येने उपस्थित होते.मुनीश्री पुलकसागरजी महाराज "हसण्याचा हक्क त्यांनाच असतो जे दुसर्याचे अश्रू पुसतात. तुम्ही तुमच्या जीवनात कोणी बना अगरबनू नका परंतु एक चांगला माणूस बना. देवाचा शोध घेत बसू नका. आज चांगल्या आणि खऱ्या माणसांची आवश्यकता आहे. कारणहीच माणसे भविष्यातील देव आहेत.
विद्यार्थ्यांना शिष्यवृत्ती अनेकजण देतात. मात्र, शोभाताई धारिवाल यांनी केवळ शिष्यवृत्ती नाही तर त्याबरोबरच शाकाहार आणिअहिंसेची, दुसऱ्याच्या पोटावर पाय देऊ नका, दुसऱ्याचे जीवन खराब करू नका अशी शिकवण दिली. शिष्यवृत्तीच्या रूपाने तुम्हालाजी मदत झाली आहे त्याची परतफेड जीवनात काहीतरी बनून करा असे आवाहनही मुनीश्री पुलकसागरजी महाराज यांनी यावेळीकेले. तसेच रसिकलाल धारिवाल यांनी मेहनत करून साम्राज्य उभारले त्याचबरोबर समाजातील दुर्बल घटकांसाठी शैक्षणिक,वैद्यकीय व धार्मिक मदत करून आदर्श घालून दिला असे ते म्हणाले.
शोभा धारिवाल म्हणाल्या, रसिकशेठ धारिवाल त्यांच्या कार्याने मोठे झाले. मी आणि जान्हवी कार्यातून रसिकलाल यांना जिवंत ठेऊव त्यांचे कार्य पुढे सुरु ठेऊ. गरिबी आपल्या चेहऱ्यावर दाखवू नका. प्रत्येकाची क्षमता वेगवेगळी असते. न्यूनगंड येऊ देऊ नका. सध्याइंग्रजीचा जमाना आहे त्यामुळे लिहिण्याबरोबरच विद्यार्थ्यांनी इंग्रजी अस्खलित बोलण्याचे ज्ञान प्राप्त करावे असे आवाहन त्यांनीकेले.
जान्हवी धारिवाल म्हणाल्या, जैन मुनीश्री पुलकसागरजी महाराज यांची तीन महिन्यांपूर्वी भेट झाली. ते कठीण परिस्थितीत धर्माचेपालन करतात. धर्माचे पालन केल्याने आपले कर्म आपोआप सुधारते. आपले वडील रसिकलाल धारिवाल यांनी कधीही हिम्मतसोडली नाही , कोणासमोर मान झुकवली नाही. एखादी गोष्ट मी करू शकत नाही असे त्यांच्या तोंडून मी कधीही ऐकले नाही. तेस्वत: मोठे झाले परंतु ते दानशूरही होते.युसुफ पठाण म्हणाले, जीवनात जे काही आत्ताचे माझे स्थान आहे. ते माझ्या आई-वडिलांमुळे आहे. आपले आई-वडील दोघेही कामकरायचे. वडील एका कंपनीत काम करून नंतर मशिदीत साफसफाईचेही काम करायचे. त्यांनी कधीही कुठली तक्रार करायची नाहीअशी शिकवण आम्हा भावंडांना दिली. त्यामुळे आज मी यश मिळवू शकलो. तुम्हीही तुमच्या जीवनात जेवढ्या तक्रारी कमी करालतेवढे मोठे तुम्ही व्हाल असे त्याने नमूद केले.
प्रारंभी जितेंद्र भूरूक व सहकार्यांनी प्रार्थना सादर केली प्रख्यात हृदयरोग तज्ञ डॉ. रणजित जगताप यांचा विशेष सत्कार यावेळी
करण्यात आला. याप्रसंगी पाच विद्यार्थ्यांना प्रातिनिधिक स्वरूपात मंचावर शिष्यवृत्तीचे चेक देण्यात आले. याप्रसंगी निवडकविद्यार्थ्यांनी कृतज्ञतेच्या भावना व्यक्त केल्या. सर्व विद्यार्थ्यांना याप्रसंगी चेक देण्याची व्यवस्था करण्यात आली होती.सीमा गंगवाल यांनी कार्यक्रमाचे सूत्रसंचालन केले.