बक्षीस समारंभात प्रमुख पाहुणे म्हणून  विज्ञान लेखक आनंद घैसास, ‘वनराई’ चे अध्यक्ष  रवींद्र धारिया, रोटरी (३१३१)चे माजी प्रांतपाल श्री. प्रशांत देशमुख यांनी विद्यार्थ्यांना मार्गर्शन केले.
या स्पर्धेत सहभागी विद्यार्थ्यांच्या सदर निबंधांपैकी निवडक निबंधाचे सादरीकरण स्पर्धकांनी या संमेलनात केले . ह्यातील निवडक विद्यार्थ्यांना एकूण 4 लाख रुपयांची शिष्यवृत्ती ह्या स्पर्धेच्या निमित्ताने स्कायसायक्यु संस्थेने दिली.

माजी राज्यपाल श्रीनिवास पाटील यांचे प्रतिपादन

‘आऊसाहेब’ पुरस्काराचे वितरण

पुणे, : राजमाता जिजाऊंनी पती शहाजीराजे, सुपूत्र शिवाजीराजे व नातू संभाजीराजे अशा तीन पिढ्यांसोबत काम केले. यावेळी त्यांनी सर्वगुण संपन्न स्वराज्य निर्माणासाठी कार्य केले. त्यामुळे आजच्या माता-भगिनींनी जिजाऊंचा आदर्श घेतल्यास सर्वगुण संपन्न समाजाची निर्मिती शक्य आहे, असे प्रतिपादन सिक्कीमचे माजी राज्यपाल श्रीनिवास पाटील यांनी केले.

आदिशक्ती फाउंडेशनच्या वतीने समाजातील कर्तुत्ववान व्यक्तींचा श्रीनिवास पाटील यांच्या हस्ते ‘आऊसाहेब’ पुरस्कार देऊन गौरव करण्यात आला. हा पुरस्कार राजमाता जिजाऊंच्या नावाने दिला जातो. यावेळी रक्तदाब मोजण्यासाठी लागणारा स्फिग्मोमिटर आणि त्यासाठीची पिशवीची निर्माण करणाऱ्या डायमंड ग्रुपच्या सुलभा भाटे, मधुमेही रुग्णांची औषधांपासून मुक्ती करणाऱ्या व त्यासाठीच्या लेझर मशीनची निर्मिती करणारे डॉ. शैलेंद्र पाटील, तांदळाचे प्रसिद्ध व्यापारी राजेंद्र बाठिया, प्लंबर ते बिल्डर असा प्रवास असणाऱ्या मितेश कन्स्ट्रक्शनच्या नीता गजानन जाधव आणि गीर गायींचे पालक व प्रसिद्ध सराफ व्यावसायिक कृष्णा राजाराम अष्टेकर यांचा ‘आऊसाहेब’ पुरस्कार देऊन सन्मान करण्यात आला. याप्रसंगी आदिशक्ती फाउंडेशनचे अध्यक्ष दत्ता पवार, सचिव गिरीश शिंदे, कोषाध्यक्ष संदीप शेळके, कैलास कदम, संभाजी तळेकर, संत साहित्याचे अभ्यासक डॉ. अशोक कामत, डॉ. सुरेश गंगावणे आदी मान्यवर उपस्थित होते.

आदिशक्ती फाउंडेशन नेहमीच वेगवेगळे उपक्रम राबवित असते. समाजामध्ये आपल्या कामाने आदर्श निर्माण करणाऱ्या व्यक्तींच्या सहा माता- पित्यांना ‘आऊसाहेब’ पुरस्कार देऊन गौरविण्यात येते. आता पर्यंत फाउंडेशनतर्फे 96 आदर्श व्यक्तींना गौरविण्यात आले असल्याची माहिती फाउंडेशनचे अध्यक्ष दत्ता पवार यांनी यावेळी प्रास्ताविकादरम्यान दिली.

गावाकडची माणसं शहरात येऊन जेव्हा कर्तृत्व सिद्ध करतात तेव्हा त्या गोष्टीचा अभिमान वाटतो. रात्रंदिवस केलेल्या कष्टाचे चीज झाल्याचं समाधान लाभते. पुरस्कार प्राप्तींना आता साक्षात राजमाता जिजाऊंचाच पुरस्काराच्या रुपाने आशीर्वाद मिळाला आहे. त्यामुळे त्यांचे कार्य यापुढे अधिक जोमाने होईल, असे श्रीनिवास पाटील म्हणाले.

कार्यक्रमाचे सूत्रसंचालन शिल्पा देशपांडे यांनी केले. आदिशक्ती फाउंडेशनचे कोषाध्यक्ष संदीप शेळके यांनी आभार मानले.

पुणे–लीला पूनावाला फाउंडेशने ( एलपीएफ ) नुकतेच पुण्यातील नूर अल बसम हॉल, पुणे येथे पेरेंट्स डे चे आयोजन केले होते. एलपीएफ गरजू मुलींना शिष्यवृत्ती सोबतच स्वताला वेगळ्या पद्धत्तीने सिद्ध करण्याची संधी देतो. यात त्यांचे व्यक्तिमत्व विकास आणि आत्मविश्वास वाढविण्यासाठी विविध प्रशिक्षण कार्यक्रमांचे देखील आयोजन करतो.

शिक्षणाचा भाग म्हणून  आशा सेंटर यूकेच्या सहयोगने लीला पूनावाला फाऊंडेशनने  २००८ पासुन पीस अॅम्बेसेडर प्रॉग्राम सुरू केला आहे. या अंतर्गत दर वर्षी्प्रमाणे या वर्षी देखील लीला पूनावाला फाऊंडशनने आपल्या आठव्या  बॅचच्या २४ मुलींना ३ आठवड्यासाठी (अॉगस्ट सप्टेंबर महिण्यात )यूकेस पाठविले होते. 2018 मध्ये आठव्या बॅचने या उपक्रमाचा लाभ घेतला.
आशा सेंटर, यूके येथे 3 आठवड्यांच्या प्रशिक्षणानंतर सामाजिक नेतृत्व, जागतिक, संस्कृतिक असा समृद्ध वारसा घेऊन भारतात परल्यानंतर या मुली विविध प्रकल्प आणि उपक्रमांमध्ये सक्रियपणे सहभाग घेतात. या वर्षी पेरेंट्स डेच्या निमित्ताने त्यांना पीस अॅम्बेसेडर प्रॉग्राममध्ये त्या जे काही शिकल्या ते दाखवण्याची संधी मिळाली, यावेळी या मुलींनी आपले विभिन्न अनुभव शेयर केले.
कार्यक्रमाच्या प्रमुख पाहुण्या होत्या रुकिया खातून , ज्या समेना फाउंडेशनसाराठी कार्य करतात आणि त्या यूकेच्या प्रवासादरम्यान  देखील सोबत होत्या, तसेच सन्माननिय अतिथी म्हणुन स्नेहा निकुम (लिला फेले २०१५ आणि पीस अम्बेसेडर  ), उपस्थीत होत्या.

पुणे-अखिल भारतीय महात्मा फुले समता परिषद पुणे शहर जिल्हामधील कार्यकर्त्यांचा मेळावा संपन्न झाला . वानवडी येथील जांभुळकर गार्डनमध्ये झालेल्या या  कार्यकर्त्यांचा मेळावास रघुनाथ ढोक , पंढरीनाथ बनकर ,  प्रितेश गवळी , शिवराम जांभुळकर , शंभूसेठ जांभुळकर , अखिल भारतीय महात्मा फुले समता परिषद  महिला आघाडी महाराष्ट्र प्रदेश अध्यक्षा मंजिरी धाडगे ,  समीर धाडगे ,  माजी नगरसेवक संदीप लडकत, रेखा जांभुळकर ,विठ्ठल सातव , प्रा . गौतम बेगाळे , माजी महापौर वैशाली बनकर , नगरसेविका मंजिरी धाडगे , सुनीता भगत , पिंपरी चिंचवड विभाग महिला अध्यक्षा वंदना जाधव , चंद्रशेखर भुजबळ , पोपट चौगुले आदी मान्यवर उपस्थित होते .

समता परिषदेचे काम समाजातील तळागाळातील लोकांपर्यंत  पोहचविले पाहिजे , महात्मा फुले व सावित्रीबाई फुले यांनी दिलेला समतेचा विचार समाजात रुजविण्यासाठी आपण सर्वानी प्रयत्न केला पाहिजे . समता परिषदेच्या माध्यमातून लोकप्रतिनिधी निर्माण झाले तरच समता सैनिकांना न्याय मिळेल असा विश्वास प्रा . गौतम बेगाळे यांनी व्यक्त केला .

ओ बी सी एकत्रित आले तर समता परिषदेची ताकद वाढणार आहे . या ताकदीचा उपयोग समाजाचा विकास करता येईल . असे विठ्ठल सातव यांनी सांगितले . यावेळी सावित्रीबाई फुले पुणे विद्यापीठामध्ये ज्ञानज्योती सावित्रीबाई फुले यांचा पूर्णाकृती पुतळा बसविण्याचा ठराव एकमताने समंत करण्यात आला .

या मेळाव्याचे प्रास्तविक व उपस्थितांचे स्वागत प्रितेश गवळी यांनी केले तर सूत्रसंचालन पंढरीनाथ बनकर व रघुनाथ ढोक यांनी केले तर आभार माजी नगरसेवक संदीप लडकत यांनी मानले .