पुणे : “भारतरत्न डॉ. बाबासाहेब आंबेडकर यांनी देशाला दिलेली भारतीय संविधान सर्वोत्कृष्ट निर्मिती आहे. मात्र, संपूर्ण देश भगवा करण्याच्या प्रयत्नात असलेल्या मोदी सरकारकडून भारतीय संविधानाचे पालन होत नाही. स्वायत्त संस्थांवर मर्जीतील माणसांची नेमणूक करून संविधानाची मोडतोड करण्याचा प्रयत्न होत आहे. जातीयवाद्यांच्या हा प्रयत्न हाणून पाडण्यासाठी संविधानाचा अनादर करणाऱ्यांना आपण हटविणे गरजेचे आहे,” असे स्पष्ट पुरोगामी विचारवंत आणि महाराष्ट्र विद्यार्थी सहायक मंडळाचे सचिव डॉ. विकास आबनावे यांनी व्यक्त केले.

अखिल भारतीय मराठी साहित्य परिषद, तेजस्विनी संस्था आणि आरके फाऊंडेशन आयोजित संविधान जागरण परिषदेत डॉ. आबनावे ‘विधी विधान से संविधान तक’ या विषयावरील व्याख्यानात बोलत होते. कोरेगाव पार्क येथील भारतरत्न मौलाना अब्दुल कलाम आझाद सभागृहात झालेल्या या परिषदेत ज्येष्ठ साहित्यिक आचार्य रतनलाल सोनग्रा, महाराष्ट्र राज्य झोपडपट्टी सुरक्षा दलाचे अध्यक्ष भगवानराव वैराट, आरके फाऊंडेशनच्या अध्यक्ष आरती सोनग्रा, अखिल भारतीय मराठी साहित्य परिषदेचे राष्ट्रीय उपाध्यक्ष राजकुमार काळभोर, ऍड. राहील मलिक यांच्यासह इतर मान्यवर उपस्थित होते. यावेळी ‘निखाऱ्यावर भाजलेल्या माझ्या मुलांनो’ या पुस्तकाच्या सातव्या आवृत्तीचे प्रकाशन झाले.

डॉ. विकास आबनावे म्हणाले, “सध्याचे सरकार दलित-मुस्लिमामांच्या भावनांशी खेळत आहे. केवळ घोषणाबाजी आणि लोकांची दिशाभूल करण्याचे काम मोदी व त्यांचे सहकारी करीत आहेत. संविधानाने आपल्याला मतदानाचा अधिकार दिलेला आहे. त्याचा योग्य वापर करीत आगामी काळात चांगली माणसे सत्तेवर बसविणे आपली जबाबदारी आहे. रांगेतल्या शेवटच्या माणसापर्यंत न्याय देण्याची दिशा संविधानाने दिली आहे. जातिमुक्त भारत आणि कल्याणकारी राज्य स्थापण्यासाठी संविधानाचे काटेकोरपणे पालन व्हावे. सद्यस्थितीत वैचारिक दिवाळखोरी आपल्याला पाहायला मिळत आहे.”

आचार्य रतनलाल सोनग्रा म्हणाले, “भारतीय संविधान हे फार मौलिक आहे. वैचारिक, मानसिक गुलामगिरीतून मुक्त करण्याचे काम संविधान करते. मात्र, अलीकडच्या काळात संविधानाला सुरुंग लावण्याचे काम काही समाजकंटक करीत आहेत. त्यांचा कुटील डाव समजून घेत संविधानाचे महत्व अबाधित ठेवण्यासाठी आपण जागरूक राहिले पाहिजे.”

भगवानराव वैराट यांनीही आपले मनोगत मांडले. आरती सोनग्रा यांनी प्रास्ताविक केले. राजकुमार काळभोर यांनी सूत्रसंचालन केले. अलका जोशी यांनी आभार मानले.

पुणे :’नृत्य आपल्या जीवनात परिवर्तन घडवते , त्यासाठी मेहनत, साधना खूप असली तरी आवड असल्याने आपण मेहनत करतो, आणि व्यक्तिमत्व बदलून जाते, ‘ असा सूर रविवारी उमटला.निमित्त होते आंतरराष्ट्रीय भारतीय नृत्य महोत्सवातील परिसंवादाचे !

‘ नृत्य क्षेत्रातील कारकिर्दीच्या संधी आणि आव्हाने ‘ या विषयावरील परिसंवादाला रविवारी सकाळी चांगला प्रतिसाद मिळाला.त्यात ज्येष्ठ नृत्य गुरु रोशन दात्ये, स्वाती दातार, प्राजक्ता राज या सहभागी झाल्या.नेहा मुथियान यांनी या सर्वांशी संवाद साधला.हा परिसंवाद भारतीय विद्या भवन ( सेनापती बापट रस्ता ) येथे २७ जानेवारी रोजी सकाळी दहा वाजता झाला.

ज्येष्ठ नृत्यगुरु रोशन दात्ये म्हणाल्या , ‘ जुनी पिढी समर्पित भावनेने काम करीत आली. नृत्य कार्यक्रमाच्या मानधनाबाबत जुनी पिढी आग्रही नव्हती. मात्र, मानधनाबाबत आपण अपेक्षा किमान बोलून दाखवली पाहिजे. ‘

स्वाती दातार म्हणाल्या, ‘ खूप लहान वयात नृत्याची आवड पालकांनी मुलांवर लादू नये. चिमुकल्या वयात नृत्याचा विक्रम वगैरे कल्पना घेऊन पालक येतात, तेव्हा समजावून सांगणे अवघड होते. ‘कारकिर्दीच्या अनेक संधी नृत्य क्षेत्रात उपलब्ध होत आहेत. त्यात मेहनत आणि साधना अधिक आहे. त्या तुलनेत पैसे मिळतीलच असे नाही.

नृत्य शिक्षणात आपल्या लय, ताल, सूर, मेहनत, समय व्यवस्थापनासह अनेक गोष्टी शिकतो. यापलिकडे व्यक्तिमत्व विकसन या पातळीवर बरेच परिवर्तन घडत असते. नृत्याबरोबर आपण भोवतालच्या अनेक गोष्टी शिकत जातो, असे प्राजक्ता राज यांनी सांगितले.भारतीय विद्या भवनचे मानद संचालक प्रा.नंदकुमार काकिर्डे तसेच नृत्य क्षेत्रातील मान्यवर, विद्यार्थी , विद्यार्थिनी उपस्थित होते.

नृत्यप्रशिक्षणाला सुरवात केली की लगेच परीक्षा, स्टेज शो व्हाव्यात अशी अपेक्षा असते, त्याबाबत पालकांचेच समुपदेशन करावे लागते, असा अनुभवही मान्यवरांनी या परिसंवादात सांगितला.परिसंवादातील मान्यवरांचा सत्कार प्रा.नंदकुमार काकिर्डे यांनी केला.संयोजक रसिका गुमास्ते यांनी आभार मानलेदरम्यान,रविवारी सकाळी अकरा पासून सत्रात मयुरी हरिदास ( पुणे ) यांचे कथक, अक्षय श्रीनिवासन ( मुंबई ), अबोली धायरकर ( पुणे ) यांचे कथक, उन्नती अजमेरा ( मुंबई ) यांचे मोहिनी अट्टम, पूजा काळे यांचे ओडिसी,मिनाझ खान यांचे कथक, सुष्मिता बिस्वाई ( भुवनेश्वर ) यांचे ओडिसी नृत्य सादरीकरण आयोजित करण्यात आले हाेते . या सर्व नृत्य सादरीकरणांना चांगला प्रतिसाद मिळाला.

पुणे :‘महाराष्ट्र कॉस्मोपॉलिटन एज्युकेशन सोसायटी’, आझम कॅम्पसतर्फे प्रजासत्ताक दिन साजरा करण्यात आला. आझम कॅम्पसच्या व्ही.एम.गनी स्पोेर्ट्स पॅव्हेलिनच्या क्रीडागंणावर सकाळी निवृत्त अतिरीक्त पोलीस महासंचालक अशोक धिवरे   यांच्या हस्ते झेंडावंदन करण्यात आले. कार्यक्रमाच्या अध्यक्षस्थानी संस्थेचे अध्यक्ष  डॉ पी.ए.इनामदार होते. यावेळी विद्यार्थ्यांनी सांस्कृतिक कार्यक्रम आणि प्रात्यक्षिकांतून भारताच्या सर्व राज्यातील संस्कृतीचे सादरीकरण केले.आझम कॅम्पस परिवारातील सर्व संस्था ,ट्रस्ट चे पदाधिकारी ,शिक्षक ,प्राध्यापक ,२५ हजार विध्यार्थी उपस्थित होते .

एन.सी.सी. पथक, अँग्लो उर्दू बॉईज हायस्कूल, आबेदा इनामदार ज्युनिअर कॉलेज, स्कॉलर बॅच, पै  पब्लिक स्कुल ,आझम उर्दू स्कुल ,पै परवाझ ,गोल्डन ज्युबिली, इंग्रजी व उर्दू माध्यमाच्या प्राथमिक शाळा, तैय्यबिय्या अनाथालय, ‘स्कूल ऑफ आर्ट’ आणि ‘आझम स्पोर्टस् अ‍ॅकडेमी’च्या खेळाडूंनी पाहुण्यांना मानवंदना दिली.

कार्यक्रमाचे प्रास्ताविक डॉ पी ए इनामदार  यांनी केले. संस्थेचे सचिव लतिफ मगदूम यांनी  आभार मानले .

कार्यक्रमाचे सूत्रसंचालन  प्रा.रोशनआरा , प्रा. मजिद सय्यद व प्रा. दिलशाद सय्यद यांनी केले. संस्थेचे सचिव लतिफ मगदूम यांनी आभार मानले.

स्कुल ऑफ आर्ट अँड आर्ट अकेडमी च्या अकराव्या वार्षिक प्रदर्शनाचे उद्घाटन अशोक धिवरे यांच्या हस्ते झाले . गणेश कळसकर यांनी पोर्ट्रेट चे प्रात्यक्षिक दाखवले . हेमा जैन ,भरत लोंढे यांनी संयोजन केले .

चार ज्येष्ठ नृत्य गुरूंचा सत्कार

पुणे :आंतरराष्ट्रीय भारतीय नृत्य महोत्सवाचे संचालक शामहरी चक्रा व ‘संस्कृतीकी’ संस्था यांच्या सहयोगाने भारतीय विद्या भवन – इन्फोसिस फाऊंडेशन आयोजित सांस्कृतिक प्रसार कार्यक्रमाअंतर्गत आंतरराष्ट्रीय भारतीय नृत्य महोत्सवाचे उद्घाटन दिनांक २६ जानेवारी सकाळी रोजी करण्यात आले .

भारतीय विद्या भवन च्या सेनापती बापट रस्त्यावरील सरदार महादेव बळवंत नातू सभागृहात हा उद्वाटन समारंभ झाला.

महोत्सवाचा शुभारंभ ज्येष्ठ नृत्यांगना गुरु मनीषा साठे,शमा भाटे ,सुचेता भिडे -चापेकर, रोशन दाते यांच्या हस्ते दीपप्रज्वलनाने झाले. श्यामहरी चक्रा दुपारच्या सत्रात सहभागी झाले.

ज्येष्ठ नृत्यांगना गुरु मनीषा साठे,शमा भाटे ,सुचेता भिडे – चापेकर, रोशन दात्ये यांचा प्रा. नंदकुमार काकिर्डे यांच्या हस्ते सत्कार करण्यात आला.

भारतीय विद्या भवन चे मानद सचिव प्रा. नंदकुमार काकिर्डे यांनी प्रास्ताविक केले.महोत्सव संयोजक रसिका गुमास्ते यांनी सूत्रसंचालन केले.

भरत नाट्यम, कथ्थक, ओडिसी,मणिपुरी, कुचीपुडी, मोहिनी अट्टम , लावणी, फ्लेमेंको, सत्तरिया, छाऊ, कथ्थक, मोहिनी अट्टम इ. नृत्यप्रकार दोन दिवसात सादर केले गेले.

दोन दिवस चाललेल्या या महोत्सवात चेन्नई, बंगलोर, भुवनेश्वर, मुंबई येथील अनुसुया राव, अमरनाथ घोष, प्रियांका भिडे आदी कलाकारांनी कला सादर केली.हा महोत्सव सर्वांसाठी खुला हाेता.

सकाळी 10 ते रात्री 9 या वेळेत महोत्सवाचे कार्यक्रम सुरू होते. सर्वच नृत्यप्रकारांना पुणेकर रसिकांनी चांगली दाद दिली.

शनिवारी दुपारच्या सत्रात प्रियांका भिडे ( मुंबई ) यांनी कथक नृत्य सादर केले. रुचिरा इंगळे आणि सहकाऱ्यांनी लोककला नृत्य सादर केले. गौरी गाडगीळ यांच्या समवेत शिल्प नृत्यालय ट्रस्टच्या विशेष दिव्यांग कलाकारांनी कथक तसेच अनेक नृत्यप्रकार सादर करून वाहवा मिळवली.

रविवारी सकाळी अकरा पासून सुरू झालेल्या सत्रात मयुरी हरिदास ( पुणे ) यांचे कथक, अक्षय श्रीनिवासन ( मुंबई ), अबोली धायरकर ( पुणे ) यांचे कथक, उन्नती अजमेरा ( मुंबई ) यांचे मोहिनी अट्टम, पूजा काळे यांचे ओडिसी,मिनाझ खान यांचे कथक, सुष्मिता बिस्वाई ( भुवनेश्वर ) यांचे ओडिसी नृत्य सादरीकरण आयोजित करण्यात आले होते .

पुणे.दि२६:- आपण साजरा करीत असलेलाप्रजासत्ताक दिन हा लोकशाहीचा उत्सव असून विविधप्रयत्नांमुळे लोकशाही अधिकाधिक मजबूत होत आहे.नागरिक व शेतकऱ्यांच्या कल्याणासाठी केंद्र व राज्यशासनाच्यावतीने लोकोपयोगी योजना राबविण्यात येतात. शासनाबरोबर नागरिकांनीही राज्याच्याविकासामध्ये योगदान द्यावे, असे आवाहन अन्न वनागरी पुरवठा मंत्री तथा पालक मंत्री गिरीश बापट यांनी आजशिवाजीनगर येथील पोलीसमुख्यालयाच्या मैदनावर येथे  केले.

भारतीय प्रजासत्ताक दिनाच्या ६९ व्या वर्धापन दिनानिमित्त शिवाजीनगर येथील पोलीसमुख्यालयाच्या मैदानावर ध्वजारोहण समारंभआयोजित करण्यात आला होता. यावेळी ते बोलत होते. समारंभास स्वातंत्र्य सैनिक, जिल्हा परिषदअध्यक्ष विश्वासराव देवकाते, आमदार मेधा कुलकर्णी,आमदार निलम गोऱ्हे, आमदार माधुरी मिसाळ,महापौर,मुक्ता टिळक, यशदाचे महासंचालक आनंद लिमये,विभागीय आयुक्त डॉ.दीपक म्हैसेकर,जिल्हाधिकारी नवल किशोर राम, निवासीउपजिल्हाधिकारी डॉ.जयश्री कटारे, पोलीस आयुक्तडॉ.के.वेंकटेशम, जिल्हा पोलीस अधीक्षक संदीप पाटील उपस्थित होते.

उपस्थितांना मार्गदर्शन करताना .बापट म्हणाले, जलयुक्त शिवार अभियान, मागेल त्याला,शेततळे, छत्रपती शिवाजी महाराज शेतकरी सन्मानयोजनांच्या अंमलबजावणीमुळे शेतकऱ्यांना फायदाझाला आहे. स्वस्त धान्य दूकानांतून धान्यवितरणासाठी ई-पॉस मशिनचा वापर झाल्यामुळेगरीबांना योग्य प्रमाणात आणि वेळेवर धान्य मिळतअसून त्यामुळे केरोसीनची बचत झाली आहे.प्रधानमंत्री उज्ज्वला योजनेद्वारे महिलांना गॅस जोडणीमिळाल्यामुळे महिलांचे जीवन सुखकर झाले असूनमोठया संख्येने नागरिकांनी गॅसवरील सबसीडी सोडूनदिली आहे. प्रधानमंत्री मुद्रा योजनेद्वारे लघु उद्योगांनाकर्ज पुरवठा करण्यात आला आहे. शहराच्यासभेावताली असलेल्या भागाचा पीएमआरडीएतर्फेकरण्यात येत असलेल्या विकास कामांमुळे आणिहिंजवडी ते शिवाजीनगर मेट्रो प्रकल्पामुळे सभोवतालच्या परिसराचा विकास होणार असून हाभाग इकोनॉमीकल कॉरिडॉर म्हणून ओळखला जाईल,असे सांगितले. मतदारांनी सर्व निवडणूकांमध्ये राष्ट्रीयकर्तव्य भावनेतून मतदान प्रक्रियेत भाग घेण्याचेआवाहन त्यांनी यावेळी केले.

पोलीस दलातील अधिकारी व कर्मचाऱ्यांनाजाहीर करण्यात आलेली पदके आणि अन्यपारितोषिके पालकमंत्र्यांच्याहस्ते वितरीत करण्यातआली. पोलीस दल, गृहरक्षक दल, नागरी संरक्षण दल,एनसीसी व अग्नीशमन दलाने संचलन करुनपालकमंत्र्यांना मानवंदना दिली. यावेळी विविधशाळांतील मुला-मुलींनी आपल्या गुणदर्शनाचे प्रदर्शनकरुन सांस्कृतिक कार्यक्रम सादर केले. कार्यक्रमालाउपस्थित स्वातंत्र्य सैनिक व प्रमुख नागरिकांचीपालकमंत्र्यांनी भेट घेऊन त्यांना शुभेच्छा दिल्या.कार्यक्रमाला राज्य शासनाचे वरिष्ठ अधिकारी,कर्मचारी, ज्येष्ठ नागरिक, सामाजिक संघटनांचेपदाधिकारी,पत्रकार, विद्यार्थी मोठया संख्येने उपस्थित होते.

पिंपरी -: भोसरी विधानसभा मतदार संघाचे विद्यमान आमदार महेश दादा लांडगे तसेच अभिनेता नितेश चव्हाण, अभिनेत्री शिवानी बावकर ( अजिंक्य आणि शीतल – लागीर झालं जी फेम ) यांच्या हस्ते ‘मोशी ग्रांड’ या मोशी – देहू रोडवर नुकतेच उभारलेले व सर्वच बबतीत अत्याधुनिक असलेल्या हॉटेलचे उदघाटन करण्यात आले. यावेळी या हॉटेलचे संस्थापक संतोष बारणे, गणेश जाधव, गणेश कुटे त्याच बरोबर सामाजिक, राजकीय, शैक्षणिक आदी क्षेत्रातील अनेक मान्यवरांनी या सोहळ्याला आवर्जून हजेरी लावली होती.या प्रसंगी बोलताना लांडगे म्हणाले, की मोशी – आळंदी रोडच्या आजूबाजूचा परिसराचा सध्या झपाट्याने कायापालट होत आहे. या भागात व्यवसायासाठी सध्या मोठ्या प्रमाणात संधी उपलब्ध होत असून या भागात वाढणारी नागरी वस्ती व्यवसाय करण्यासाठी सुवर्ण संधी घेवून आली आहे. त्यात मराठी माणसाचा या भागात व्यवसायात वाढणारा टक्का हा अभिनास्पद आहे. मराठी माणूस सध्या या ठिकाणी विविध व्यवसाय करताना दिसत आहे. हॉटेल या क्षेत्रात ठराविकच वर्गाचा सहभाग आहे. मात्र या क्षेत्रात देखील मराठी माणसाचा वाढणारा सहभाग मराठी माणसाला व व्यवसायाला नवसंजीवनी देणारा आहे.

 यावेळी या ‘मोशी ग्रांड’ या हॉटेलचे संस्थापक संतोष बारणे, गणेश जाधव, गणेश कुटे यांनी त्याचे मनोगत व्यक्त करताना म्हणाले, की ग्राहकांना सर्वोतम सेवा देण्याचा आमचा सदैव प्रयत्न राहील. तसेच या भागातील खवय्येगिरी ग्राहकांसाठी ‘मोशी ग्रांड’ चांगला पर्याय आहे. या सोहळ्याला अनेक मान्यवरांनी उपस्थित राहून शुभेच्छा दिल्या.

पुणे – : युवाशक्‍ती हीच देशविकासाची खरी शिल्‍पकार असून येथून पुढे कौशल्‍यात प्राविण्‍य मिळवणारे युवकच देश विकासात मोठ्या प्रमाणात योगदान देतील, असे प्रतिपादन आमदार प्रा. मेधा कुलकर्णी यांनी व्‍यक्‍त केले.

देशभरात सर्वत्र बेरोजगाराची समस्‍या चर्चिली जाता असताना ‘यशस्‍वी’ सारख्‍या संस्‍था कौशल्‍य प्रशिक्षणाच्‍या माध्‍यमातून युवकांना थेट कंपन्‍यांमध्‍ये ऑन द जॉब ट्रेनिंगची संधी उपलब्‍ध करून देत आहे आणि या रोजगारक्षम झालेल्‍या विद्यार्थ्‍यांना कंपन्‍यांमधून रोजगारसंधी उपलब्‍ध होत आहे. ही खरंच कौतुकास्‍पद बाब आहे, असेही मेधा कुलकर्णी यवेळी म्‍हणाल्‍या.

शिका व कमवा आणि ‘नीम’ योजनांच्‍या माध्‍यमांतून कौशल्‍य प्रशिक्षण पूर्ण करणाऱ्या युवकांना नोकरीची संधी देण्‍यासाठी उद्योगजगताने घेतलेला पुढाकार ही सुद्धा उल्‍लेखनीय बाब असल्‍याचे मेधाकुलकर्णी यांनी यावेळी सांगितले.

तर, पुणे श्रमिक पत्रकार संघाचे अध्‍यक्ष राजेंद्र पाटील यांनी यावेळी आपल्‍या मनोगतात सांगितले की, युवक-युवतींना कौशल्‍य विकास प्रशिक्षण शिकवतानाच त्‍यांना स्‍टायपेंडद्वारे कमवण्‍याचीही संधी देणाऱ्या ‘यशस्‍वी’ सारख्‍या संस्‍थांमुळेच स्‍वतःच्‍या पायावर उभे राहू शकणारे स्‍वावलंबी युवक घडत आहेत, ही अभिनंदनीय बाब आहे.

याप्रसंगी आमदार मेधा कुलकर्णी व पुणे श्रमिक पत्रकार संघाचे अध्‍यक्ष राजेंद्र पाटील या मान्‍यवरांच्‍या शुभहस्‍ते ‘यशस्‍वी’ संस्‍थेच्‍या ‘यशोगाथा’ या चतुःमासिकाचे प्रकाशन झाले.

तसेच शिका व कमवा योजना आणि नीम योजनेतून प्रशिक्षण पूर्ण केल्‍यानंतर विविध नामांकित कंपन्‍यांमधून ज्‍या विद्यार्थ्‍यांना रोजगाराची, नोकरीची संधी प्राप्‍त झाली अशा काही विद्यार्थ्‍यांचा प्रशस्‍तीपत्र व सुवर्णपदक प्रदान करून सत्‍कार करण्‍यात आला. तसेच दिल्‍ली येथे नुकत्‍याच झालेल्‍या ‘नॅशनल कन्‍व्‍हेन्‍शन ऑन क्वालिटी कन्‍स्‍पेटस्’ या राष्‍ट्रीय स्‍पर्धेत प्रथम क्रमांक मिळवून जपान येथे होणाऱ्या ‘इंटरनॅशनल कन्‍व्‍हेन्‍शन ऑन क्‍वालिटी कन्‍स्‍पेट्स’साठी निवडण्‍यात आलेल्‍या प्रिकॉल लि. या कंपनीतील ‘यशस्‍वी’ च्‍या प्रशिक्षणार्थ्‍यांचाही यावेळी प्रशस्‍तीपत्र देऊन गौरव करण्‍यात आला. यावेळी विद्यार्थ्‍यांचे गायन, नृत्‍य, समूह नृत्‍य असे विविध कलाविष्‍कार सादर करण्‍यात आले.

यावेळी कार्यक्रमाचे प्रास्‍ताविक संस्‍थेच्‍या मनुष्‍यबळ व्‍यवस्‍थापिका मुग्‍धा हुप्रीकर यांनी तर आभार प्रदर्शन संस्‍थेच्‍या संचालिका स्मिता धुमाळ यांनी केले. यावेळी कार्यक्रमाला ‘यशस्‍वी’ संस्‍थेचे अध्‍यक्ष विश्‍वेश कुलकर्णी, संस्‍थेचे संचालक राजेश नागरे, डॉ. मिलिंद मराठे, अधिष्‍ठाता डॉ. राजेंद्र सबनीस, संचालक संजय छत्रे, संजय सिंग,मकरंद कुलकर्णी, संस्‍थेचे सर्व अध्‍यापक, कर्मचारी व विद्यार्थी मोठ्या संख्‍येने उपस्थित होते. कार्यक्रमाचा समारोप ‘सामूहिक राष्‍ट्रगीता’ने करण्‍यात आला.