पुणे – शहरात कोयत्याने वार करून खून, मारामाऱ्या होण्याच्या घटनांमध्ये वाढ झाल्यानंतर पोलिसांना आता जाग आली आहे. शहरातील जुना बाजार परिसरात पोलिसांनी धडक कारवाई करून तब्बल २३२ कोयते जप्त केले आहेत. या कारवाईवेळी पोलिसांनी ५ कोयते विक्रत्यांनाही अटक केली असून त्यांच्यावर आर्म ऍक्टनुसार कारवाई केली आहे.

जयसिंगज शामराव पवार (वय २४), निलेश तानाजी साळुंखे (वय ३८), दिनेश सुखलाल साळुंखे (वय ४०), फकरुद्दीन जैनुद्दीन लोखंडवाला (४२) आणि कासीम नमुद्दीन छावणीवाला (वय ४२) अशी अटक करण्यात आलेल्यांची नावे आहेत.
पुणे शहरात सध्या गुन्हेगारीचे प्रमाण वाढले आहे. हाणामारी, गंभीर दुखापत करणे, खुनाचा प्रयत्न करणे अशा घटनांमध्ये सर्रास कोयत्याचा वापर होताना दिसून येत आहे. शहरातील दत्तवाडी अलंकार सिंहगड पोलीस स्टेशनच्या हद्दीत झालेल्या खुनाच्या घटनांमध्ये कोयत्‍याचा वापर करण्यात आला होता. यातील आरोपींकडे विचारणा केली असता, त्यांनी जुना बाजारातून कोयते खरेदी केल्याची दिली होती. त्यानंतर पोलिसांनी जुना बाजारातील ५ दुकानांवर धाड टाकून विक्रीसाठी ठेवलेले तब्बल २३२ कोयते व सत्तुर जप्त केले.शस्त्रास्त्र कायद्यान्वये ठराविक आकारापेक्षा मोठे कोयते विकता येत नाहीत. परंतु, जुना बाजार परिसरात हे बंदी असलेले कोयते सर्रासपणे विकले जातात. हे कोयते रविवार आणि बुधवारी भरणाऱ्या मंगळवार पेठेतील जुन्या बाजारात सहज उपलब्ध होत आहेत.

पुणे- एकीकडे अट्टाहास करून चौकाचौकात पोलीस शिपाई उभे करून त्यांना वसुलीचे टार्गेट देणाऱ्या पुण्याच्या पोलीस आयुक्तांना आता लगाम घालण्याची वेळ आली आहे .वाहतूक नियमन तर हे करत नाहीच ,नाही वाहतुकीची कोंडी सोडवीत मात्र सामान्य दुचाकीस्वारांना पळून चालेलला गुन्हेगार समजून ..धावत जाऊन पकडा ,अरेरावी करा आणि त्याच्याकडून वसुली करा अशी हेल्मेट गिरी चालविलेल्या या  पोलीस आयुक्तांना  लगाम घालून .. आता पुरे झाली …हेल्मेटगिरी ..जरा पहा वाढतेय गुन्हेगारी …असे सुनावण्याची वेळ आली आहे. हेल्मेट वापरूनच पुण्यात गुन्हेगार चेहरा लपवून मोकाट फिरत असावेत याकडे त्यांचे लक्ष वेधण्याची वेळ आली आहे .तर दुसरीकडे जे आमदार, खासदार आणि नगरसेवक मौन पाळून हेल्मेट सक्तीच्या विरोधात रस्त्यावर येत नाहीत त्यांना पुणेकरांनी ‘व्यवस्थित ध्यानात’ ठेवण्याची देखील वेळ येवून ठेपली आहे.

नागपुरातून खास जणू मुख्यमंत्र्यांनीच सोशिक आणि नेतृत्व हरवलेल्या पुणेकरांकडून वसुलीसाठी पाठविलेल्या, यासांस्कृतिक  शहरात मागील २० दिवसांत १२ पेक्षा जास्त खून झाल्याच्या दुर्दैवी घटना घडल्याआहेत .रात्रीच्या वेळी लुटमार प्रकार  हि वाढते आहेत .हे धक्कादायक आहे. सार्वजनिक ठिकाणी खून आणि हल्ले झाले आहेत, .एकीकडे अशा घटना आणि दुसरीकडे पोलिसांकडून होणारी वसुली अशा कचाट्यात सोशिक पुणेकर सापडला आहे .नागरिकांमध्ये भीतीआणि दहशत निर्माण झाली आहे.पुणे नेहमीच शांतताप्रिय शहर म्हणून ओळखले जाते आणि अशा ठिकाणी ह्या घटना घडणेम्हणजे शहराच्या प्रतिमेस कलंक लावणारे आहे.पुण्याचे पालकमंत्री आणि खासदार ..मुख्यमंत्र्यांच्या या पोलिसी अवतारापुढे मान तुकवून शेपूट हलवीत निमूटपणे पडून आहेत .एकीकडे उच्च वर्गात शिक्षित आणि प्रतिष्ठेचा टेंभा मिरविणाऱ्या विरोधीपाक्षाच्या महिला खासदारांनी देखील पोलिसांच्याकडून हेल्मेटगिरी च्या नावाने होणाऱ्या लुट्मारीला विरोध न करण्याचीच भीष्मप्रतिज्ञा केली आहे. सुर्यकांत पाठकांसारखे ग्राहक चळवळीतील प्रभावी नेते वैयक्तिक शाररीक व्याधी आणि राजकारण यामुळे प्रभावहीन ठरू लागले आहेत. .

संसाराच्या रहाटगाडग्यात अडकलेली ,सोशिक जनता ५०० रुपये खर्च करून ससेमिरा चुकवू पाहत असली तरी वाहतूक कोंडी आणि गुन्हेगारीची भीती यातून सुटका करवून घेवू शकलेली नाही . दुटप्पी भूमिका घेणारे राजकीय पक्ष ,आणि सत्ताधाऱ्यांची गुलामी करणारे अधिकारी या चक्रात पुणेकरांची अडकलेली मान सोडून काढायला ..पुणेकरांचे नेतृत्व करू पाहणारे ..कोण कोणते भावी खासदार,आमदार  उद्याच्या हेल्मेट सक्ती विरोधातील आंदोलनात सहभागी होताहेत हे पहाणे महत्वाचे ठरणार आहे . उद्या जे आमदार ,खासदार या आंदोलनात सहभागी होणार नाहीत ..त्यांना मात्र धडा शिकवायला ..सोशिक पुणेकरांनी तयार राहायला हवेच एवढे मात्र निश्चित ….

पुणे-शीख समाजाला सर्वोपतरी मदत करणारअसल्याचे आश्वासन  अल्पसंख्यांक आयोगाचे अध्यक्ष हाजी हराफात शेख पुणे शहरातील शीख समाजाच्या शिष्टमंडळाला दिले . क्वीन्स गार्डन मधील नवीन शासकीय विश्रामगुहात झालेल्या अल्पसंख्यांक समाजबांधवांच्या बैठकीस  पुणे शहरातील शीख समाजामधील गुरुद्वारा गुरुनानक दरबारचे अध्यक्ष चरणजितसिंग सहानी , गुरुद्वारा दशमेश दरबारचे अध्यक्ष दर्शनसिंग ढिलोह , गुरुद्वारा गुरुसिंग सभाचे सचिव रणजितसिंग अजमानी व शीख बांधव उपस्थित होते .

यावेळी   अल्पसंख्यांक आयोगाचे अध्यक्ष हाजी हराफात शेख यांना पुणे शहरातील गुरुद्वारांची माहिती देण्यात आली . तसेच गुरुद्वार मार्फत चालणारे धार्मिक सामाजिक कार्याची माहिती देण्यात आली . येरवडा येथील यु पी हॉटेलजवळ असणाऱ्या गुरुद्वारा दशमेश दरबार जागेचा प्रश्न लवकरात लवकर मार्गी लावू . आगामी काळात येणाऱ्या गुरुनानक देवजींच्या ५५० व्या जयंतीनिमित्त होणाऱ्या कार्यक्रमाबाबत चर्चा करण्यात आली . 

पुणे : महाराष्ट्र राज्य पाठयपुस्तक निर्मिती अभ्यासक्रम व संशोधन मंडळातर्फे (बालभारती) वरिष्ठ लघुलेखिका मंदाकिनी प्रकाश रोकडे यांच्या सेवापूर्तीनिमित्त जाहीर सत्कार करण्यात आला. ३३ वर्षांच्या प्रदीर्घ सेवेनंतर मंदाकिनी रोकडे बालभारतीमधून सेवानिवृत्त झाल्या. ‘बालभारती’चे वित्त व लेखा अधिकारी अंकुश नवले यांच्या हस्ते त्यांचा शाल, पुष्पगुच्छ व रोपटे देऊन सत्कार करण्यात आला.

सेनापती बापट रस्त्यावरील बालभारतीच्या सभागृहात झालेल्या या सोहळ्याला मंदाकिनी यांचे पती बंधुताचार्य प्रकाश रोकडे, प्रसिद्ध कवी चंद्रकांत वानखेडे, किशोर मासिकाचे संपादक किरण केंद्रे, बालभारतीच्या साठा व वितरण विभागाचे व्यवस्थापक दत्तात्रय केंज, रेणुका पिल्लई, चंद्रकांत शिंदे, जालिंदर भापकर यांच्यासह सहकारी, नातेवाईक व मित्र परिवार मोठ्या संख्येने उपस्थित होते.

सेवापूर्तीनिमित्त मिळालेल्या रकमेतून मंदाकिनी रोकडे यांनी ‘काषाय प्रकाशन’ या संस्थेला २५ हजार रुपयांची देणगी दिली. ‘काषाय’च्या वतीने प्रा. चंद्रकांत वानखेडे यांनी धनादेश स्वीकारला. यावेळी बालभारतीने आपले आयुष्य घडविल्याची, तसेच कायम ऋणात राहणार असल्याची भावना मंदाकिनी यांनी व्यक्त केली. प्रकाश रोकडे यांनी घर आणि बालभारती या दोहोंवर मंदाकिनी यांनी तितकेच प्रेम केल्याचे सांगितले. नवले यांनी रोकडेंच्या कामाचे कौतुक केले. इतर सहकाऱ्यांनीही त्यांच्या स्नेहाविषयी भावना व्यक्त केल्या. किरण केंद्रे यांनी सूत्रसंचालन केले.

पुणे: .येरवड्यातील त्रिदलनगर सोसायटी परिसरात ८ कुत्री व १० मांजरे मृत अवस्थेत आढळली आहे. ही घटना संशयास्पद असून मुक्या प्राण्यांची विषप्रयोगातून हत्या करण्यात आली असल्याची आरोप प्राणीमित्रांकडून करण्यात येत आहे. बुधवारी ही घटना समोर आली आहे. त्यानंतर येरवडापोलिसांनी घटनेची संपुर्ण माहिती घेऊन सदर मृत कुत्री व मांजरांचे शासकीय पशु रुग्णालयात शवविच्छेदन करण्यात पाठविले. या प्राण्यांचा मृत्यूचे नेमके कारण अद्याप समजू शकलेले नाही. ते शवविच्छेदन अहवाल आल्यानंतरच समोर येईल अशी माहिती पोलिस निरीक्षक दिनकर मोहिते यांनी दिली.
सूत्रांनी दिलेल्या माहितीनुसार, मागील महिन्यातील २८ डिसेंबर २०१८ रोजी त्रिदलनगरमध्ये ५ कुत्रे आणि ९ मांजरी असे एकूण १४ भटके प्राणी एकाच वेळी संशयास्पद मरण पावल्याची घटना घडली होती. त्यानंतर काही दिवसांच्या आतच आणखी ४ प्राण्यांचा येथे मृत्यू झाला होता. त्यावेळी एकूण १८ प्राण्यांच्या मृत्यूमुळे पुणे शहरात एकच खळबळ उडाली होती. ही भटकी कुत्री आणि मांजरं सोसायटीच्या परिसरात सतत भुंकत तसेच घाण करीत असल्याने सोसायटीमधील कोणीतरी व्यक्तीने अन्न पदार्थांमध्ये विषारी औषध घालून त्यांना मारले असल्याची शक्यता प्राणीमित्रांनी व्यक्त केली आहे.
मात्र या घटनेमुळे येरवडा परिसरात खळबळ उडाली आहे.मागील महिन्यात या परिसरातल कुत्री व मांजरांचा संशयास्पदरीत्या मृत्यू झाल्याची माहिती येरवडा पोलिसांना मिळाली होती. या प्राण्यांचा म्रृत्यू विषबाधेतून झाला असल्याचा आरोप प्राणीमित्रांनी केला होता.याप्रकरणी येरवडा पोलिसांचा तपास सुरु आहे.