पुणे-महात्मा गांधीजींच्या पुण्यतिथीदिनी गांधीजींच्या प्रतिमेवर बंदुकीने गोळ्या झाडून नथूरामच्या विचाराचे जाहीर उदात्तीकरण सुरु केलेल्या पूजा पांडे आणि हिंदू महासभेला देशद्रोही घोषित करून त्यांच्यावर कडक कारवाई करावी या मागणीसाठी आज पुण्यातील नरपत गिरी चौकात पुणे शहर कॉंग्रेसने जोरदार निदर्शने केली .
शहर कॉंग्रेसचे अध्यक्ष रमेश बागवे,महापालिकेतील कॉंग्रेसचे गटनेते अरविंद शिंदे ,अविनाश बागवे,लता राजगुरू ,अजित दरेकर ,रफिक शेख ,संगीता तिवारी ,शेखर कपोते ,राजेंद्र भुतडा ,अनिल सोंडकर ,सुजाता शेट्टी ,सदानंद शेट्टी,समीर शेख आदी कार्यकर्ते या निदर्शने आंदोलनात सहभागी झाले होते .
यावेळी माजी गृहराज्यमंत्री आणि शहर कॉंग्रेसचे अध्यक्ष रमेश बागवे म्हणाले, जगभरात महात्मा गांधींच्या विचाराला आदराचे स्थान देण्यात आले आहे. मात्र भारतातील काही हिंदू महासभा असे स्वतःला म्हणवून घेत काही मंडळी गांधीजींचे विचार संपत नाहीत म्हणून अस्वस्थ झाली आहेत. ती नथुरामच्या विचाराचे उदात्तीकरण करून जातीयवाद पसरवित आहेत . या शक्तींना देशद्रोही घोषित करून त्यांच्यावर कारवाई झाली पाहिजे पण या उलट मोदी सरकार याबाबत ‘मौन ‘ पाळून त्यांना साथ देत आहे . याविरोधात आम्ही येथे निदर्शने करत आहोत.