नाशिक, दि.13 : कोविड -19 च्या पार्श्वभूमीवर निर्माण झालेल्या परिस्थितीत गेल्या चार महिन्यांपासून सलून व्यवसाय पूर्णपणे बंद असल्यामुळे नाभिक समाज अडचणीत आला आहे. मात्र सलून व्यवसाय सुरु करण्यासाठी केंद्र सरकारकडून परवानगी नसल्यामुळे राज्य सरकारने सलून शॉप सुरु करण्यासाठी अद्याप परवानगी दिलेली नाही. मात्र केंद्राने परवानगी दिल्यास राज्यात सलून व्यवसाय सुरु करण्यासाठी राज्य शासनाची तयारी असल्याचे राज्याचे अन्न,नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री  छगन भुजबळ यांनी सांगितले आहे.

राष्ट्रीय नाभिक महासंघ संलग्न महाराष्ट्र नाभिक महासंघाच्या पदाधिकाऱ्यांनी आज मंत्री श्री. भुजबळ यांची नाशिक येथील कार्यालयात भेट घेऊन निवेदन देत चर्चा केली. त्यावेळी मंत्री श्री. भुजबळ यांनी उपस्थित पदाधिकाऱ्यांशी चर्चा करत सलून व्यावसायिकांच्या प्रश्नाबाबत महाराष्ट्र शासन सकारात्मक असून मंत्रिमंडळाच्या बैठकीत व्यावसायिकांच्या प्रश्नाबाबत चर्चा करून सकारात्मक निर्णय घेतला जाईल, असे आश्वासन उपस्थित पदाधिकाऱ्यांना दिले. यावेळी आमदार हिरामण खोसकर  महाराष्ट्र नाभिक महासंघाचे पदाधिकारी नारायण यादव, अशोक सूर्यवंशी, सुरेश सूर्यवंशी, नाना वाघ, गणपत सोनवणे, ज्ञानेश्वर बोराडे, रमेश आहेर, संजय गायकवाड, विनोद गरुड, संतोष वाघ आदी उपस्थित होते.

यावेळी महाराष्ट्र नाभिक महामंडळाच्या वतीने देण्यात आलेल्या निवेदनात म्हटले आहे की, कोरोनाच्या परिस्थितीत गेल्या चार महिन्यांपासून सलून व्यवसाय पूर्णपणे बंद आहे. त्यामुळे नाभिक समाज त्रस्त झाला असून कर्जबाजारी होऊन त्यांच्यावर उपासमारीची वेळ आली आहे. या सर्व बाबींचा विचार करून नाभिक समाजाचे सलून व पार्लर सुरु करण्यास परवानगी द्यावी तसेच त्यांना आर्थिक सहाय्य देण्यात यावे अशी मागणीही यावेळी करण्यात आली आहे.

मुंबई, दि.१३: राज्यात आज १५५० रुग्णांना घरी सोडण्यात आले. आतापर्यंत घरी सोडण्यात आलेल्या रुग्णांची एकूण संख्या ४९ हजार ३४६ झाली आहे. दरम्यान, आज कोरोनाच्या ३४२७ नवीन रुग्णांचे निदान झाले असून सध्या राज्यात ५१ हजार ३७९ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

राज्यात सध्या ५५ शासकीय आणि ४२ खाजगी अशा एकूण ९७ प्रयोगशाळा कोरोना निदानासाठी कार्यरत आहेत.आजपर्यंत पाठविण्यात आलेल्या ६ लाख ४१ हजार ४४१ नमुन्यांपैकी १ लाख ०४ हजार ५६८ नमुने पॉझिटिव्ह (१६.३ टक्के ) आले आहेत. राज्यात ५ लाख ८३ हजार ३०२ लोक होम क्वारंटाईनमध्ये आहेत. राज्यात १५८० संस्थात्मक क्वारंटाईन सुविधांमध्ये ७९ हजार ७४ खाटा उपलब्ध असून सध्या २८ हजार २०० लोक संस्थात्मक क्वारंटाईनमध्ये आहेत.

राज्यात ११३ कोरोनाबाधित रुग्णांच्या मृत्यूची नोंद आज झाली आहे.आज नोंद झालेल्या मृत्यूंपैकी आरोग्य मंडळ निहाय मृत्यू असे: ठाणे- ८७ (मुंबई ६९, ठाणे ३, नवी मुंबई ८, पनवेल ६, कल्याण-डोंबिवली १), पुणे- १९ (पुणे १०, सोलापूर ८, सातारा १), औरंगाबाद-३ (औरंगाबाद ३), लातूर -३ (लातूर २, नांदेड १), अकोला-१ (यवतमाळ १).

आज नोंद झालेल्या मृत्यूंपैकी ७३ पुरुष तर ४० महिला आहेत. आज नोंद झालेल्या ११३ मृत्यूपैकी ६० वर्षे किंवा त्यावरील ६५ रुग्ण आहेत तर ३८  रुग्ण हे वय वर्षे ४० ते ५९ या वयोगटातील आहेत. तर १० जण ४० वर्षांखालील आहे. या ११३ रुग्णांपैकी १० रुग्णांच्या इतर अतिजोखमीच्या आजाराबद्दल माहिती उपलब्ध नाही.  उर्वरित १०३ रुग्णांपैकी ८३ जणांमध्ये ( ८०.६ टक्के)  मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत. कोरोनामुळे राज्यात झालेल्या मृत्यूंची संख्या आता ३८३० झाली आहे.

आज नोंद झालेल्या एकूण मृत्यूपैकी ७३ मृत्यू हे मागील दोन दिवसांतील आहेत तर उर्वरित मृत्यू  २७ मे ते १० जून या कालावधीतील आहेत. या कालावधीतील ४० मृत्यूंपैकी मुंबई १९, नवी मुंबई -८, सोलापूर -४, ठाणे -३, पनवेल -३, कल्याण डोंबिवली – १, पुणे -१ आणि सातारा १ मृत्यू  असे आहेत.

राज्यातील जिल्हानिहाय ॲक्टिव रुग्णांचा तपशील

मुंबई महानगरपालिका: बाधित रुग्ण- (५६,८३१), बरे झालेले रुग्ण- (२५,९४७), मृत्यू- (२११३), इतर कारणांमुळे झालेले मृत्यू-(८), ॲक्टिव रुग्ण- (२८,७६३)

ठाणे: बाधित रुग्ण- (१७,३०६), बरे झालेले रुग्ण- (६८१८), मृत्यू- (४२५), इतर कारणांमुळे झालेले मृत्यू-(१), ॲक्टिव रुग्ण- (१०,०६२)

पालघर: बाधित रुग्ण- (२२१६), बरे झालेले रुग्ण- (७१४), मृत्यू- (४८), इतर कारणांमुळे झालेले मृत्यू-(०), ॲक्टिव रुग्ण- (१४५४)

रायगड: बाधित रुग्ण- (१७८१), बरे झालेले रुग्ण- (११४८), मृत्यू- (६४), इतर कारणांमुळे झालेले मृत्यू-(२), ॲक्टिव रुग्ण- (५६७)

नाशिक: बाधित रुग्ण- (१८५२), बरे झालेले रुग्ण- (११७०), मृत्यू- (१०२), इतर कारणांमुळे झालेले मृत्यू-(०), ॲक्टिव रुग्ण- (५८०)

अहमदनगर: बाधित रुग्ण- (२३५), बरे झालेले रुग्ण- (१६६), मृत्यू- (९), इतर कारणांमुळे झालेले मृत्यू-(०), ॲक्टिव रुग्ण- (६०)

धुळे: बाधित रुग्ण- (३५३), बरे झालेले रुग्ण- (१९९), मृत्यू- (२६), इतर कारणांमुळे झालेले मृत्यू-(१), ॲक्टिव रुग्ण- (१२७)

जळगाव: बाधित रुग्ण- (१६३३), बरे झालेले रुग्ण- (६५३), मृत्यू- (१२०), इतर कारणांमुळे झालेले मृत्यू-(०), ॲक्टिव रुग्ण- (८६०)

नंदूरबार: बाधित रुग्ण- (४८), बरे झालेले रुग्ण- (३०), मृत्यू- (४), इतर कारणांमुळे झालेले मृत्यू-(०), ॲक्टिव रुग्ण- (१४)

पुणे: बाधित रुग्ण- (११,७२२), बरे झालेले रुग्ण- (६५६७), मृत्यू- (४६९), इतर कारणांमुळे झालेले मृत्यू-(०), ॲक्टिव रुग्ण- (४६८६)

सोलापूर: बाधित रुग्ण- (१७३८), बरे झालेले रुग्ण- (६५४), मृत्यू- (१२८), इतर कारणांमुळे झालेले मृत्यू-(०), ॲक्टिव रुग्ण- (९५६)

सातारा:  बाधित रुग्ण- (७३१), बरे झालेले रुग्ण- (४१९), मृत्यू- (२८), इतर कारणांमुळे झालेले मृत्यू-(०), ॲक्टिव रुग्ण- (२८४)

कोल्हापूर: बाधित रुग्ण- (६९२), बरे झालेले रुग्ण- (५२१), मृत्यू- (८), इतर कारणांमुळे झालेले मृत्यू-(०), ॲक्टिव रुग्ण- (१६३)

सांगली: बाधित रुग्ण- (२२१), बरे झालेले रुग्ण- (११४), मृत्यू- (७), इतर कारणांमुळे झालेले मृत्यू-(०), ॲक्टिव रुग्ण- (१००)

सिंधुदुर्ग: बाधित रुग्ण- (१५०), बरे झालेले रुग्ण- (७६), मृत्यू- (०), इतर कारणांमुळे झालेले मृत्यू-(०), ॲक्टिव रुग्ण- (७४)

रत्नागिरी:  बाधित रुग्ण- (३९२), बरे झालेले रुग्ण- (२५६), मृत्यू- (१५), इतर कारणांमुळे झालेले मृत्यू-(०), ॲक्टिव रुग्ण- (१२१)

औरंगाबाद: बाधित रुग्ण- (२५६०), बरे झालेले रुग्ण- (१४००), मृत्यू- (१२८), इतर कारणांमुळे झालेले मृत्यू-(०), ॲक्टिव रुग्ण- (१०३२)

जालना: बाधित रुग्ण- (२५८), बरे झालेले रुग्ण- (१५६), मृत्यू- (६), इतर कारणांमुळे झालेले मृत्यू-(०), ॲक्टिव रुग्ण- (९६)

हिंगोली: बाधित रुग्ण- (२३६), बरे झालेले रुग्ण- (१८४), मृत्यू- (१), इतर कारणांमुळे झालेले मृत्यू-(०), ॲक्टिव रुग्ण- (५१)

परभणी: बाधित रुग्ण- (८१), बरे झालेले रुग्ण- (६८), मृत्यू- (३), इतर कारणांमुळे झालेले मृत्यू-(०), ॲक्टिव रुग्ण- (१०)

लातूर: बाधित रुग्ण- (१६३), बरे झालेले रुग्ण- (११८), मृत्यू- (८), इतर कारणांमुळे झालेले मृत्यू-(०), ॲक्टिव रुग्ण- (३७)

उस्मानाबाद: बाधित रुग्ण- (१४३), बरे झालेले रुग्ण- (१००), मृत्यू- (३), इतर कारणांमुळे झालेले मृत्यू-(०), ॲक्टिव रुग्ण- (४०)

बीड: बाधित रुग्ण- (७४), बरे झालेले रुग्ण- (४९), मृत्यू- (२), इतर कारणांमुळे झालेले मृत्यू-(०),ॲक्टिव रुग्ण- (२३)

नांदेड: बाधित रुग्ण- (२०४), बरे झालेले रुग्ण- (१३७), मृत्यू- (१०), इतर कारणांमुळे झालेले मृत्यू-(०), ॲक्टिव रुग्ण- (५७)

अकोला: बाधित रुग्ण- (९९०), बरे झालेले रुग्ण- (५०९), मृत्यू- (४०), इतर कारणांमुळे झालेले मृत्यू-(१), ॲक्टिव रुग्ण- (४४०)

अमरावती: बाधित रुग्ण- (३३५), बरे झालेले रुग्ण- (२४३), मृत्यू- (२१), इतर कारणांमुळे झालेले मृत्यू-(०), ॲक्टिव रुग्ण- (७१)

यवतमाळ: बाधित रुग्ण- (१७६), बरे झालेले रुग्ण- (१३४), मृत्यू- (३), इतर कारणांमुळे झालेले मृत्यू-(०), ॲक्टिव रुग्ण- (३९)

बुलढाणा: बाधित रुग्ण- (११७), बरे झालेले रुग्ण- (७३), मृत्यू- (३), इतर कारणांमुळे झालेले मृत्यू-(०), ॲक्टिव रुग्ण- (४१)

वाशिम: बाधित रुग्ण- (४१), बरे झालेले रुग्ण- (६), मृत्यू- (२), इतर कारणांमुळे झालेले मृत्यू-(०), ॲक्टिव रुग्ण- (३३)

नागपूर: बाधित रुग्ण- (९८२), बरे झालेले रुग्ण- (५३९), मृत्यू- (१२), इतर कारणांमुळे झालेले मृत्यू-(०), ॲक्टिव रुग्ण- (४३१)

वर्धा: बाधित रुग्ण- (१४), बरे झालेले रुग्ण- (७), मृत्यू- (१), इतर कारणांमुळे झालेले मृत्यू-(०), ॲक्टिव रुग्ण- (६)

भंडारा: बाधित रुग्ण- (४९), बरे झालेले रुग्ण- (३८), मृत्यू- (०), इतर कारणांमुळे झालेले मृत्यू-(०), ॲक्टिव रुग्ण- (११)

गोंदिया: बाधित रुग्ण- (६९), बरे झालेले रुग्ण- (६८), मृत्यू- (०), इतर कारणांमुळे झालेले मृत्यू-(०), ॲक्टिव रुग्ण- (१)

चंद्रपूर:  बाधित रुग्ण- (४६), बरे झालेले रुग्ण- (२६), मृत्यू- (०), इतर कारणांमुळे झालेले मृत्यू-(०), ॲक्टिव रुग्ण- (२०)

गडचिरोली: बाधित रुग्ण- (४९), बरे झालेले रुग्ण- (३९), मृत्यू- (१), इतर कारणांमुळे झालेले मृत्यू-(०), ॲक्टिव रुग्ण- (९)

इतर राज्ये: बाधित रुग्ण- (८०), बरे झालेले रुग्ण- (०), मृत्यू- (२०), इतर कारणांमुळे झालेले मृत्यू-(०), ॲक्टिव रुग्ण- (६०)

एकूण: बाधित रुग्ण-(१,०,४५६८), बरे झालेले रुग्ण- (४९,३४६), मृत्यू- (३८३०), इतर कारणांमुळे झालेले मृत्यू-(१३),ॲक्टिव रुग्ण-(५१,३७९)

(टीप- आय सी एम आर पोर्टलवर दर्शविलेल्या बृहन्मुंबई महानगरपालिका क्षेत्रातील  दिनांक ७ मे २०२० पासूनच्या १४७ रुग्णांचा आणि ठाणे जिल्ह्यातील १४० रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही. ही माहिती केंद्र सरकारच्या आय. सी. एम. आर. पोर्टलवर मान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.

अलिबाग,जि.रायगड, दि. 13 :- जिल्ह्यात दि.3 जून रोजीच्या निसर्ग चक्रीवादळामुळे मुरुड, श्रीवर्धन, अलिबाग तालुक्यात खूप मोठ्या प्रमाणावर घरांची, झाडांची, विजेच्या खांबांची पडझड झालेली आहे. गावोगावी मोठ्या प्रमाणावर नागरिकांच्या मालमत्तेचे, फळबागांचे नुकसान झाले आहे.  या नुकसानग्रस्तांचे जनजीवन सुरळीत करण्यासाठी शासनाकडून प्राप्त झालेल्या मदत निधीचे वाटप गतीने करावे, असे निर्देश महसूलमंत्री बाळासाहेब थोरात यांनी आज जिल्हा प्रशासनाला दिले. 

निसर्ग चक्रीवादळामुळे झालेल्या नुकसानीची महसूलमंत्री बाळासाहेब थोरात यांनी आज पाहणी केली, नागाव, काशिद येथील नागरिकांशी संवाद साधून त्यांच्या व्यथा जाणून घेतल्या. त्यानंतर आयोजित आढावा बैठकीत ते बोलत होते. पालकमंत्री कु.आदिती तटकरे, खासदार सुनिल तटकरे, जिल्हा परिषद अध्यक्षा योगिता पारधी, आमदार महेंद्र दळवी, माजी आमदार माणिक जगताप, जिल्हाधिकारी निधी चौधरी, मुख्य कार्यकारी अधिकारी  दिलीप हळदे, पोलीस अधीक्षक अनिल पारस्कर आदी उपस्थित होते

वेधशाळेने चक्रीवादळाचा इशारा दिल्यानंतर मुख्यमंत्री उद्धव ठाकरे यांनी प्रशासनाला दिलेल्या आदेशानुसार प्रशासन सज्ज होते.  याआधी मुख्यमंत्री उध्दव ठाकरे, खा.शरद पवार व अन्य मंत्री महोदयांनी नुकसानग्रस्त भागांना भेट देऊन पाहणी केली आहे. यामध्ये खासदार, आमदार व इतर लोकप्रतिनिधीही सहभागी झाले होते.  नुकसानग्रस्तांसाठी आधी जे मदतीचे निकष होते त्यात शासनाने बदल करुन शासनाकडून वाढीव मदत देण्याचा निर्णय घेण्यात आला आहे. ज्यांच्या घरांचे पूर्णत: नुकसान झाले आहे त्यांच्यासाठी  1 लाख 50 हजार व कपडे, भांडी यासाठी 10 हजार असे एकूण 1 लाख 60 हजार रुपयांची तातडीची मदत दिली जाणार आहे.  याआधी आपत्तीमुळे नुकसान झालेल्या नुकसानग्रस्तांना हेक्टरी 18 हजार रुपये मदत दिली जात होती. आता त्यामध्ये शासनाने वाढ करुन हेक्टरी 50 हजार रुपये केले आहेत, असेही महसूलमंत्र्यांनी यावेळी सांगितले.

कोकणातील शेतीचे मोजमाप हे गुठ्यांमध्ये होत असल्यामुळे प्रति गुंठ्यासाठी अधिकाधिक मदत कशी देता येईल, यासाठी मुख्यमंत्र्यांशी चर्चा करणार असल्याचे सांगून नुकसानग्रस्तांना  मदतीचे वाटप गतीने करण्याची  शासन काळजी घेत आहे. लोकप्रतिनिधींनी मांडलेल्या सोडविण्यासाठी प्रयत्न केला जाईल अशी ग्वाहीदेखील यावेळी महसूलमंत्री श्री. थोरात यांनी दिली.  

रायगड जिल्ह्यात निसर्ग चक्रीवादळामुळे झालेल्या नुकसानीबद्दल जास्तीत जास्त मदत मिळण्यासाठी आग्रहाने भूमिका केंद्र शासनाकडे मांडून अधिक निधी मिळविण्यासाठी प्रयत्न केले जातील. चक्रीवादळात ज्यांच्या घराचे, फळबागांचे, मालमत्तेचे मोठे नुकसान झाले आहे त्यांच्यासाठी ही केवळ मदत नसून हे माझे कर्तव्य आहे, या भावनेतून शासनाकडून दिली जाणारी मदत तळागाळातील नागरिकांपर्यंत पोहोचविली जाईल, असेही महसूलमंत्री यावेळी म्हणाले.

यावेळी नागाव ग्रामपंचायतीमधील काही नुकसानग्रस्त नागरिकांना महसूल मंत्री बाळासाहेब थोरात, पालकमंत्री कु.आदिती तटकरे, आदी मान्यवरांच्या हस्ते नैसर्गिक आपत्ती नुकसान भरपाई म्हणून आर्थिक मदतीचे धनादेश वाटप करण्यात आले. पालकमंत्री कु.आदिती तटकरे, खासदार सुनील तटकरे, जिल्हा परिषद अध्यक्षा योगिता पारधी, आमदार महेंद्र दळवी , माजी आमदार माणिकराव जगताप यांनी यावेळी मनोगत व्यक्त केले.

मुंबई दि.१३ : लॉकडाऊनच्या काळात राज्यामध्ये समाजमाध्यमांचा गैरवापर करून आक्षेपार्ह पोस्टस केल्याप्रकरणी ४७५ विविध गुन्हे महाराष्ट्र  सायबरने दाखल केले असून २५६ व्यक्तींना अटक करण्यात आली आहे, अशी माहिती महाराष्ट्र सायबरच्या विशेष पोलीस महानिरीक्षकांनी दिली.

राज्यातील विविध पोलीस ठाण्यांमध्ये एकूण ४७५ गुन्ह्यांची नोंद कालपर्यंत झाली आहे. जिल्हानिहाय आकडेवारी खालीलप्रमाणे-

आक्षेपार्ह संदेश, पोस्टर्स, व्हिडिओ, ट्विट पोस्टस, शेअर केल्याप्रकरणी प्लॅटफॉर्मनिहाय गुन्हे दाखल

 ■ व्हॉट्सॲप- १९५ गुन्हे

■ फेसबुक पोस्ट्स – १९४ गुन्हे दाखल

■ टिकटॉक व्हिडिओ- २४ गुन्हे दाखल

■ ट्विटर – आक्षेपार्ह ट्विट – ८ गुन्हे दाखल

■ इंस्टाग्राम – चुकीच्या पोस्ट-  ४ गुन्हे

■ अन्य सोशल मीडिया (ऑडिओ क्लिप्स, युट्यूब) गैरवापर –  ५० गुन्हे दाखल

■ वरील सर्व गुन्ह्यांमध्ये आतापर्यंत  २५६ आरोपींना अटक.

■ १०७ आक्षेपार्ह पोस्ट्स समाजमाध्यमांवरून हटविण्यात यश

■ पुणे ग्रामीण मध्ये एका नवीन गुन्ह्याची नोंद

पुणे विभागात नोंद झालेल्या गुन्ह्यांची संख्या ४१ वर

■ सदर गुन्ह्यातील आरोपीने आपल्या फेसबुक प्रोफाईलवर कोरोना महामारीबाबत सरकार ज्या उपाययोजना करत आहेत त्यावर टिपणी करताना त्यास राजकीय रंग देणाऱ्या आशयाचा मजकूर असणारी पोस्ट शेअर केली होती .त्यामुळे परिसरातील शांतता बिघडून कायदा व सुव्यवस्थेचा प्रश्न निर्माण होऊ शकला असता.

महाराष्ट्र सायबरचे आवाहन

डेबिट व क्रेडिट कार्ड वापर

सध्याच्या काळात इंटरनेटचा वापर वाढत असल्याने सायबर भामटे वेगवेगळ्या युक्त्यांचा वापर करून सामान्य नागरिकांना फसवित आहेत . कधी ते नागरिकांना खोट्या ऑफर्सच्या मोहात पाडून एखादे मोबाईल ॲप डाउनलोड करायला लावतात व त्यांच्या फोनचा ताबा मिळवतात . तर कधी sms किंवा ई-मेल करून एखाद्या बक्षिसाचे आमिष दाखवून नागरिकांना एखद्या लिंकवर क्लिक करायला लावतात व त्यातून सर्व वैयक्तिक माहिती व बँक खात्याची माहिती घेऊन फसवितात . तर कधी फोन करून व अतिशय गोड भाषेत बोलून बेमालूमपणे नागरिकांकडून त्यांची सर्व बँक डिटेल्स, डेबिट व क्रेडिट कार्ड पिन क्रमांक ,CVV क्रमांक घेतात व तसेच बोलण्यात गुंतवून फोनवर आलेला OTP पण काढून घेतात व फसवितात . तर कधी कधी तुमच्या मोबाईल किंवा कॉम्प्युटरमध्ये एक malware डाउनलोड करून तुमच्या सर्व फाइल्सला पासवर्ड टाकतात व त्या फाइल्स अनलॉक करण्यासाठी खंडणी मागतात .

महाराष्ट्र सायबर सर्व नागरिकांना विनंती करते कि, तुम्ही  इंटरनेट वापरताना सावध राहा . आपल्या सोशल मिडिया अकाउंटचा पासवर्ड,इंटरनेट बँकिंगचा पासवर्ड ,आपले डेबिट व क्रेडिट कार्डसचे पिन क्रमांक ,CVV क्रमांक ,ईमेलचे पासवर्ड,UPI ,Paytm इत्यादी मोबाईल wallet चे पिन नंबर कोणाला देऊ नका . शक्यतो प्रत्येक नेट बँकिंग अकाउंटचा पासवर्ड वेगळा ठेवा . कोणत्याही  व्यक्तीने एखादे नवीन किंवा अनोळखी मोबाईल अँप तुमच्या मोबाईलवर डाउनलोड करायला सांगितले तर शक्यतो तसे करणे टाळा . तुम्हाला sms किंवा इमेलवर येणाऱ्या अनोळखी लिंकवर क्लीक करून आपली सर्व माहिती कुठेही देऊ नका .

जर काही औषध किंवा खाण्याचे पदार्थ ऑनलाईन ऑर्डर करणार असाल तर शक्यतो Cash on delivery चा पर्याय निवडा . जर वेबसाईटवर क्लिक करणार असाल तर ती वेबसाईट https या पासून सुरु होत असेल व त्याचा डाव्या बाजूला बंद कुलुपाची खूण असेल तर ती वेबसाईट शक्यतो फेक नसते . तसेच कुठल्याही paytm ,UPI किंवा तत्सम wallet मधून एक रुपया ट्रान्सफर करायचे transaction करू नका . तसेच कोणतीही payment wallet कंपनी त्यांच्या ग्राहकांचे KYC (Know Your Customer ) documents फोनवर उपडेट करत नसते . नागरिकांनी हे पण लक्षात ठेवणे तितकेच गरजेचे आहे कि तुमच्या खात्यात जर काही रक्कम जमा होणार असेल तर त्यासाठी कोणी OTP मागत नसतो.

मुंबई दि. १५: मुख्यमंत्री उद्धव ठाकरे उद्या, रविवारी रायगड जिल्ह्याच्या दौऱ्यावर असून चौल, बोर्ली, मुरुड येथे भेट देणार आहेत.  निसर्ग चक्रीवादळाने बाधित झालेल्यांना मुख्यमंत्र्यांच्या हस्ते मदत साहित्य आणि अनुदानाचे वाटप केले जाणार आहे.

सकाळी १० वाजता मुख्यमंत्री मांडवा जेट्टी येथे पोहचतील. त्यानंतर चौल येथे जाऊन ते आप्पासाहेब धर्माधिकारी यांची भेट घेतील, ११ वाजता चौलमधील घरे, पिके नुकसानीची पाहणी करून नंतर त्यांच्या हस्ते सानुग्रह अनुदान, सौर कंदील, इतर साहित्याचे वाटप करण्यात येईल. दुपारी १२ वाजता मुख्यमंत्र्यांचे बोर्ली येथे आणि साडेबारा वाजता मुरुड येथे आगमन होईल. दोन्ही ठिकाणी नुकसानीची पाहणी करून मदतीचे वाटप करण्यात येईल. मुरुड येथे मुख्यमंत्र्यांची पत्रकार परिषद देखील होणार आहे. दुपारी ३ वाजता मांडवा जेट्टी येथून बोटीने मुख्यमंत्री मुंबईकडे रवाना होतील. 

मुंबई, दि. १३: राज्यातील खासगी प्रयोगशाळांमध्ये केल्या जाणाऱ्या कोरोना चाचण्यांसाठी आता जास्तीत जास्त २२०० रुपये इतका दर आकारला जाणार असून रुग्णाच्या घरी जाऊन स्वॅब घेतल्यास त्यासाठी २८०० रुपये इतका दर निश्चित करण्यात आला आहे. सर्वसामान्य रुग्णांचे हित लक्षात घेऊन हा निर्णय घेण्यात आल्याचे आरोग्यमंत्री राजेश टोपे यांनी आज येथे जाहीर केले.

कोरोना चाचण्यांच्या दरासंदर्भात अभ्यास करण्यासाठी आरोग्य विभागाने चार सदस्यांची समिती गठीत केली होती, या समितीने शासनाला अहवाल सादर केला असून त्यांच्या शिफारशीनुसार दरनिश्चित करण्यात आल्याचे आरोग्यमंत्र्यांनी सांगितले.

समितीने निर्धारित वेळेत अहवाल दिल्याने सामान्यांना दिलासा
२ जून रोजी आरोग्य विभागाचे प्रधान सचिव डॉ. प्रदीप व्यास यांनी राज्य आरोग्य हमी सेवा सोसायटीचे मुख्य कार्यकारी अधिकारी डॉ. सुधाकर शिंदे यांच्या अध्यक्षतेखाली शुल्क निश्चिती समिती गठीत केली होती. त्यात आरोग्य संचालक डॉ. साधना तायडे, वैद्यकीय शिक्षण व संशोधन विभागाचे सहसंचालक अजय चंदनवाले, ग्रॅंट शासकीय वैद्यकीय महाविद्यालय व रुग्णालयातील प्रा. अमिता जोशी यांनी सदस्य म्हणून काम पाहिले. या समितीला आठवडाभराचा कालावधी देण्यात आला होता. निर्धारित केलेल्या कालावधीत समितीने आपला अहवाल सादर करून सामान्यांना दिलासा दिल्याचे आरोग्यमंत्री श्री. टोपे यांनी सांगितले.

कोरोना चाचण्यांसाठी सर्वात कमी दर महाराष्ट्रात
याबाबत अधिक माहिती देतांना आरोग्यमंत्री श्री. टोपे म्हणाले की, राज्यात खासगी प्रयोगशाळा कोरोना चाचणीसाठी ४५०० रुपये आकारत होते. घरी जाऊन स्वॅब घेतला त्यासाठी पीपीई कीटचा वापर यामुळे ५२०० रुपये आकारले जात होते. मात्र समितीने केलेला अभ्यास आणि काढलेल्या निष्कर्षावरून आता राज्यात कोरोना चाचणीसाठी जास्तीत जास्त २२०० रुपये आकारले जातील तर घरी जाऊन केलेल्या चाचणीसाठी २८०० रुपये आकारले जातील. संपूर्ण देशात एवढे कमी शुल्क अन्यत्र कुठेही नसल्याचे आरोग्यमंत्र्यांनी सांगितले. या दर निश्चितीमुळे सामान्यांना दिलासा मिळणार असल्याची भावना त्यांनी व्यक्त केली.

महाराष्ट्रात कोरोनाच्या सर्वाधिक चाचण्या
देशात महाराष्ट्रात कोरोनाच्या सर्वाधिक चाचण्या केल्या जात आहेत, सध्या राज्यात ५३ शासकीय आणि ४२ खाजगी अशा एकूण ९५ प्रयोगशाळा कोरोना निदानासाठी कार्यरत आहेत. आतापर्यंत ६ लाख २४ हजार ९७७ नमुन्यांची तपासणी करण्यात आली असून त्यापैकी १ लाख १ हजार १४१ नमुने पॉझिटिव्ह (१६.१८ टक्के ) आले आहेत. मुंबईमध्ये सर्वाधिक चाचण्या झाल्याचे सांगून राज्यात आयसीएमआरच्या मार्गदर्शिक सूचनांनुसारच चाचण्या होत असून त्यात कुठलीही तडजोड केली जात नसल्याचे आरोग्यमंत्री श्री. राजेश टोपे यांनी स्पष्ट केले.