पुणे दि.6: स्वातंत्र्याच्या अमृत महोत्सवानिमित्त जिल्ह्यात 7 डिसेंबरचे (7-12-2021) औचित्य साधून एकाच दिवसात 1 लाख मोफत सातबारा वाटपाचे उद्दीष्ट ठेवण्यात आले आहे.

महसूल व वनविभागाच्या 1 सप्टेंबर 2021 च्या शासन निर्णयानुसार राज्यातील शेतकऱ्याना मोफत सुधारित 7/12 वाटप करण्याची योजना जाहीर करण्यात आली आहे. या योजनेनुसार जिल्ह्यात स्वातंत्र्याच्या अमृत महोत्सवी वर्षानिमित्त सुधारित नमुन्यातील डिजिटल स्वाक्षरीत 7/12 मोफत वाटप करण्याचा शुभारंभ महसूल मंत्री बाळासाहेब थोरात यांच्या हस्ते पुरंदर तालुक्यातील खळद येथे करण्यात आला होता.

जिल्ह्यात एकूण खातेदारांची संख्या 12 लाख 34 हजार 471 इतकी असून त्यापैकी 5 डिसेंबरपर्यंत अखेरपर्यंत 10 लाख 10 हजार 278 सातबारा मोफत वाटप करण्यात आले आहेत.  उर्वरित 2 लाख 24 हजार 193 सातबारा वाटप करावायाचे आहेत. यापैकी 7 डिसेंबरचे (7-12) औचित्य साधून एकाच दिवसात 1 लाख 7/12 वाटप करण्याचे नियोजन जिल्ह्यातील सर्व उपविभागीय अधिकारी व तहसीलदारांनी केलेले आहे. एकूण 557 सजांच्या गावी तलाठ्यांकडून  मोफत 7/12 चे वाटप करण्यात येणार आहे.

शासन निर्णयानुसार लोकाभिमुख प्रशासनाच्या संकल्पनेतून मंडळ स्तरावर दर महिन्याच्या दुसऱ्या बुधवारी फेरफार अदालती आयोजित करण्यात येवून जनतेच्या प्रलंबित साध्या/वारस/तक्रारी फेरफार नोंदी निर्गत करण्यात येत  आहेत. कोविड-19 चा प्रादुर्भाव कमी झाल्याने मागील महिन्यात झालेल्या फेरफार अदालतीमध्ये 3 हजार 369 इतक्या नोंदी निर्गत झालेल्या आहेत. डिसेंबर महिन्यात दुसऱ्या बुधवारी 8 डिसेंबर 2021 रोजी तालुक्यात क्षेत्रीय स्तरावर फेरफार अदालत आयोजित करण्यात येणार आहे.

जिल्ह्यात 6 डिसेंबरपर्यंत मुदत पूर्ण झालेल्या 11 हजार 789  नोंदी प्रलंबित असून या नोंदी मध्ये प्रामुख्याने साध्या / वारस / तक्रार व मुदत पूर्ण झालेल्या सर्व प्रकारच्या नोंदी निर्गती करण्याबाबत जिल्हाधिकारी कार्यालयातील कुळकायदा शाखेकडून  संबंधितांना सूचना देण्यात आलेल्या आहेत. त्यानुसार जास्तीत जास्त नोंदी निर्गत करण्याच्यादृष्टीने फेरफार अदालतीमध्ये प्रयत्न केले जाणार आहेत. फेरफार अदालतीसाठी प्रत्येक मंडळ स्तरावर संपर्क अधिकारी यापूर्वीच नियुक्त केले आहेत.

उपविभागीय अधिकारी आणि तहसिलदार यांनादेखील काही फेरफार अदालतीला उपस्थित राहण्याच्या सूचना देण्यात आलेल्या आहेत. 8 डिसेंबर रोजी होणाऱ्या फेरफार अदालतीमध्ये फेरफार नोंदी प्रलंबित असलेल्या व्यक्तींनी संबंधित मंडळाच्या मुख्यालयी उपस्थित राहून मंडळ अधिकारी यांना आवश्यक ते कागदपत्र उपलब्ध करून द्यावीत आणि  आपल्या नोंदी निर्गत करून घ्याव्यात असे आवाहन जिल्हाधिकारी राजेश देशमुख यांनी केले आहे.

• सभागृह नेते बिडकर यांचे केले कौतुक

पुणे-शाळा, महाविद्यालयीन शिक्षणाबरोबरच ‘कौशल्य विकास शिक्षण’ गरजेचे आहे, यासाठी लाईट हाऊस सारखे उपक्रम अधिकाधिक ठिकाणी सुरू करणे गरजेचे आहे. हीच गरज लक्षात घेऊन सभागृह नेते गणेश बिडकर यांनी आपल्या भागात सुरू केलेला लाईट हाऊस उपक्रम समाजाला दिशा देणारा आहे, अशा शब्दात भारतीय जनता पक्षाचे प्रदेशाध्यक्ष चंद्रकांत पाटील यांनी सभागृह नेते बिडकर यांच्या कामाचे कौतुक केले.
पुणे महानगपालिका आणि पुणे सिटी कनेक्ट यांच्या वतीने सोमवार पेठेतील पालिकेच्या भोलागिरी प्राथमिक शाळेत युवक युवतींना आपल्या पायावर उभे राहता यावे यासाठी लाईट हाऊस सुरू करण्यात आले आहे. पालिकेचे सभागृह नेते बिडकर यांच्या विशेष प्रयत्नांतून हा उपक्रम सुरू करण्यात आला आहे. याचे उद्घाटन प्रदेशाध्यक्ष चंद्रकांत पाटील यांच्या हस्ते सोमवारी झाले त्यावेळी ते बोलत होते. पुणे महानगरपालिकेचे अतिरिक्त आयुक्त ज्ञानेश्वर मोळक, कॅन्टोन्मेंट विधानसभा मतदार संघाचे आमदार सुनील कांबळे, सभागृह नेते गणेश बिडकर, पुणे सिटी कनेक्ट चे चेअरमन गणेश नटराजन, वॅनडरलॅन्ड कंपनीच्या रश्मी आर्या, पालिकेच्या समाज विकास विभागाच्या उपायुक्त रंजना गगे, शिक्षण प्रमुख मीनाक्षी राऊत, भवन विभागाचे प्रमुख शिवाजी लंके, गणेश सोनुने यांच्यासह अन्य अधिकारी यावेळी उपस्थित होते. हा प्रकल्प चालविण्यासाठी वॅनडरलॅन्डच्या वतीने आवश्यक तो निधी उपलब्ध करून दिला जाणार आहे.
बदलत्या काळानुसार शिक्षणामध्ये देखील आवश्यक ते बदल करणे आवश्यक आहे. मात्र आजही आपल्या शिक्षण पद्धतीमध्ये बदल झालेले नाहीत. परिणामी मोठ्या प्रमाणात बेरोजगारी वाढत असल्याचे चित्र आहे, असे पाटील म्हणाले. करोनाच्या काळात अनेकांना आपल्या नोकऱ्या गमवाव्या लागल्या हे वास्तव विसरता येणार नाही. या भागातील १८ ते ३० वयोगटातील तरुण तसेच तरुणींना स्वतःच्या पायावर उभे राहता यावे यासाठी, लाईट हाऊसच्या माध्यमातून विविध प्रशिक्षण दिले जाणार आहेत. विद्यार्थ्यांची ही गरज ओळखून बिडकर यांनी पुढाकार घेत हा उपक्रम सुरू केला ही मोठी आनंदाची गोष्ट असून असे उपक्रम मोठ्या प्रमाणात सुरू कसे होतील, यासाठी प्रयत्न करण्याची गरज असल्याचे पाटील यांनी सांगितले. पुण्यासह संपूर्ण राज्यात असे लाईट हाऊस सुरू करण्यासाठी प्रयत्नशील असल्याचे नटराजन यांनी आपल्या मनोगतात सांगितले. आर्थिक परिस्थितीमुळे शिक्षण घेता येत नाही, अशा विद्यार्थ्यांना प्रशिक्षण मिळावे यासाठी कंपनीच्या वतीने या उपक्रमासाठी निधी उपलब्ध करुन देण्यात आल्याचे आर्या यांनी स्पष्ट केले.
सोमवार पेठेत सुरू करण्यात आलेल्या लाईट हाऊस मध्ये दरवर्षी १८ ते ३० वयोगटातील २५० विद्यार्थ्यांना या कौशल्य विकास कार्यक्रमात सहभागी करून घेतले जाणार आहे. यामध्ये सॉफ्टवेअर टेस्टिंग, हार्डवेअर, डिजिटल मार्केटिंग, स्पोकन इंग्लिश, टॅली, ॲनिमेशन, फोटोग्राफी, मोबाईल रिपेअरिंग, फॅशन डिझायनिंग असे अनेक कोर्स शिकविले जाणार असल्याची माहिती यावेळी देण्यात आली.

देशातील पथदर्शी प्रकल्प म्हणून लाईट हाऊस ची ओळख आहे. शहरातील विविध भागात ११ ठिकाणी लाईट हाऊस सुरू असून सात हजारापेक्षा अधिक विद्यार्थ्यांना याचा फायदा होऊन रोजगार मिळाला आहे. तरुणाईला आपल्या पायावर सक्षमपणे उभे राहता यावे, यासाठी पुढील काळात मोठ्या संख्येने अशा पद्धतीचे लाईट हाऊस सुरू करण्याचा पालिकेचा प्रयत्न आहे.

• गणेश बिडकर, सभागृह नेता, पुणे महानगरपालिका

पुणे-

डेक्कन एज्युकेशन सोसायटीच्या रमणबाग प्रशालेच्या अमृत महोत्सवी वर्षानिमित्त प्रशालेचे माजी विद्यार्थी आणि प्राज इंडस्ट्रीजचे संस्थापक डॉ. प्रमोद चौधरी यांनी ७५ लाख रुपयांची देणगी दिली. शाळेच्या १९६५ च्या माजी विद्यार्थ्यांच्या मेळाव्यात धनादेश सुपूर्द करण्यात आला.

यापूर्वी चौधरी यांनी प्रशालेला पन्नास लाख रुपयांची देणगी दिली होती. त्याचा विनियोग करून विद्यार्थ्यांसाठी पथदर्शक उपक्रम सुरू करण्यात आले आहेत. शाला समितीचे अध्यक्ष अड अशोक पलांडे, प्रबंधक डॉ. सविता केळकर, मुख्याध्यापक सुनील शिवले, उपमुख्याध्यापिका अर्चना पंच, पर्यवेक्षक्‍ दीलीप रावडे, सुरेश वरगंटीवार यांची प्रमुख उपस्थिती होती.

२५ डिसेंबरला भाजपचे अटलशक्ती महासंपर्क अभियान

पुणे, ता. ६ : पुण्यात लोकोपयोगी कामे होत असताना सत्ता आणि संघटन एकत्रित काम करीत आहेत, त्यामुळे शहरात जिथे जार्इल तिथे भाजपचेच अस्तित्व जाणवते, असे मत विधानसभेतील विरोधी पक्षनेते देवेंद्र फडणवीस यांनी व्यक्त केले.

अटलबिहारी वाजपेयी यांच्या जयंतीदिनी (२५ डिसेंबर) शहर भाजपच्या वतीने अटलशक्ती महासंपर्क अभियान राबविण्यात येणार आहे. या अभियानाच्या प्रचारार्थ तयार करण्यात आलेली पुस्तिकेचे प्रकाधन, बोधचिन्ह आणि पक्षाच्या यूट्यूब चॅनेलचे अनावरण फडणवीस यांच्या हस्ते करण्यात आले.

प्रदेशाध्यक्ष चंद्रकांत पाटील, केंद्रीय मंत्री नारायण राणे, शहराध्यक्ष जगदीश मुळीक, महापौर मुरलीधर मोहोळ, आमदार माधुरी मिसाळ, भीमराव तापकीर, मुक्ता टिळक, सुनील कांबळे, सिद्धार्थ शिरोळे, संघटन सरचिटणीस राजेश पांडे, स्थायी समितीचे अध्यक्ष हेमंत रासने, सभागृह नेते गणेश बिडकर, माजी आमदार योगेश टिळेकर, बापूसाहेब पठारे, संघटन मंत्री रवी अनासपुरे, सरचिटणीस गणेश घोष, राजेश येनपुरे, दीपक नागपुरे, दत्ता खाडे, दीपक पोटे, संदीप लोणकर यांची प्रमुख उपस्थिती होती.

मॅन टू मॅन आणि हार्ट टू हार्ट म्हणजेच मतदारांशी थेट संपर्क हे भाजपचे पारंपरिक शक्तीस्थळ आहे. मतदारांपर्यंत केंद्र आणि महापालिकेच्या माध्यमातून केलेली विकासकामे आणि योजना पोहोचवा. त्यासाठी अटलशक्ती महासंपर्क अभियान महत्त्वाचे आहे. सर्व कार्यकर्त्यांनी ते मनावर घ्या. भाजपच्या कार्यकर्त्यांनी मनावर घेतले तर ते काहीही करू शकतात. पुण्यात चांगले काम केले आहे. लोकांमध्ये सकारात्मकतेची भावना आहे. मागच्या महापालिका निवडणुकीतील रेकॉर्ड तोडून आपण त्यापेक्षा जास्त जागा जिंकू शकतो. त्यासाठी बूथ स्तरावरील कार्यकर्त्यांना कार्यरत करण्यासाठी योग्य नियोजन आणि अंमलबजावणी करा.

राणे म्हणाले, पुणेकरांना नागरी सुविधा देऊन, त्यांचे जीवनमान उंचावण्यासाठी काम करा. भाजपचे पुण्यात वर्चस्व आहे. लोकसंपर्क, लोकांचा विश्वास, जागरुकता, नियोजन, जिद्द, निष्ठा आणि प्रामाणिकपणाची जोड यामुळे निवडणुकीत विजय खेचून आणण्याचे कौशल्य प्राप्त करता येते. राजकारणात केवळ आत्मविश्वास कामाचा नाही, तर सैन्याप्रमाणे कार्यकर्त्यांनी निवडणुकीत विजय मिळेपर्यंत जागरुक राहायला पाहिजे.

पाटील म्हणाले, भाजपचे ३३ हजारहून अधिक कार्यकर्ते २५ डिसेंबरला एकाच दिवसात पुणे शहरातील दीड लाखांहून अधिक घरांत जाऊन पंतप्रधान नरेंद्र मोदी आणि भाजपचे कार्य घराघरात पोहचविण्यासाठी अटलशक्ती महासंपर्क अभियान राबविणार आहेत. केंद्र सरकारच्या लोकोपयोगी योजना, महापालिकेची विकासकामे घरोघरी पोहोचविली जाणार आहेत या माध्यमातून संघटनचे सक्षमीकरण आणि जनसंपर्क वाढविण्यात येणार आहे.

शहराध्यक्ष मुळीक म्हणाले, सहा लाख नागरिकांपर्यंत पोहोचण्याची योजना करण्यात आली आहे. त्यासाठी मंडल बैठका, प्रभाग बैठका, शक्ती केंद्र बैठका, बूथ बैठका, बूथ समिती बैठकांचे आयोजन करण्यात आले आहे. विविध योजनांची माहिती देणारी पुस्तिका तयार करण्यात आली आहे. तिचे दीड लाख कुटुंबांमध्ये वितरण करण्यात येणार आहे.

अभियानाचे प्रमुख राजेश पांडे म्हणाले, अभियान यशस्वी करण्यासाठी नियोजन करण्यात आले आहे. त्यासाठी आठ मंडलातील ६० प्रभागप्रमुख, ६०० शक्तीकेंद्र प्रमुख, ३००० बूथप्रमुख आणि ३३ हजार बूथ संपर्क कार्यकर्ते सहभागी होणार आहेत. विविध योजना आणि विकासकामांबरोबर कॉल सेंटर, मतदार नोंदणी, यू ट्यूब चॅनेलची माहिती दिली जाणार आहे.

पुणे-ठाकरे सरकारने दादरच्या इंदुमिल परिसरातील भारतरत्न डॉ. बाबासाहेब आंबेडकर यांच्या स्मारकाबाबत तारखांवर तारखा जाहीर करीत जनतेस झुलवत ठेवले असून बाबासाहेबांच्या स्मृती जिवंत राखणाऱ्या प्रकल्पांची कामे रखडल्याने केवळ मतांच्या राजकारणासाठी ठाकरे सरकार बाबासाहेबांचा वापर करत आहे, असा आरोप भाजपचे शहर चिटणीस श्री. सुनील माने यांनी केला. डॉ. आंबेडकरांच्या ग्रंथसंपदेची छपाईदेखील ठाकरेसरकारच्या नाकर्तेपणामुळेच रखडली असून न्यायालयाने कान उपटल्यानंतरही सरकार हललेले नाही, अशी खंतदेखील त्यांनी व्यक्त केली.त्यांनी सांगितले की , २००४मध्ये काँग्रेसच्या जाहीरनाम्यात आंबेडकर स्मारकाचे आश्वासन दिले होते. काँग्रेसने रखडविलेल्या या स्मारकासाठीमोदी सरकारनेच पुढाकार घेऊन दादरच्या इंदू मिलची २३०० कोटींची जमीन एकही पैसा नघेता महाराष्ट्र शासनाकडे हस्तांतरित केली.  पंतप्रधान नरेंद्र मोदीयांच्या हस्ते २०१५ मध्ये स्मारकस्थळाचे भूमिपूजन झाले. फडणवीस सरकारनेस्मारकाच्या कामास गती दिली. आघाडी सरकारच्या काळात कामथंडावले असून कामाला विलंब होत असल्याचे कारण देत खर्चाचे आकडे वाढविण्याचा उद्योगसुरू आहे. २०१४ मध्ये साडेचारशे कोटी रुपये खर्चाचा हा प्रकल्प ठाकरे सरकारच्यादिरंगाईच्या धोरणामुळे एक हजार कोटींहून अधिक खर्चावर जाणार आहे. काँग्रेसने चालढकल केल्याने अखेर लिलावाच्या अवस्थेत गेलेले लंडनमधीलबाबासाहेबांचे निवासस्थानही फडणवीस सरकारच्या पुढाकारामुळेच महाराष्ट्र सरकारला घेता आले, याची आठवणही श्री. … यांनी करून दिली. जपानमधील विद्यापीठातही पुतळ्याच्या रूपाने उभे राहिलेल्या बाबासाहेबांच्या स्मारकाचेअनावरण देवेंद्र फ़डणवीस यांच्या हस्ते झाले होते. जगभरातील अनेक देश बाबासाहेबांच्या कार्याचा गौरव करत असताना  ठाकरे सरकार मात्र, राष्ट्रीय स्मारकाच्या पूर्ततेसाठी लागोपाठ मुदतवाढ घेत आहे, असा आरोप त्यांनी केला.गेल्यावर्षी स्मारक स्थळावरील डॉ. बाबासाहेब आंबेडकर यांच्या पुतळ्याच्या पायाभरणीसमारंभालाही आघाडी सरकारमधील राजकारणाचे गालबोट लागले होते. सरकारमधील काँग्रेस वराष्ट्रवादीच्या नेत्यांना निमंत्रणे नव्हतीच, पण ज्यांच्या कार्यकाळात याकामास गती मिळाली, ते माजी मुख्यमंत्री देवेंद्रफडणवीस यांनाही डावलले गेले होते. महाराष्ट्रच नव्हे, तरदेशाला अभिमानास्पद असलेल्या एका राष्ट्रीय महत्वाच्या प्रकल्पाच्या कामातहीराजकारण केले जाते, हेच त्या वेळी ठाकरे सरकारने दाखवून दिले होते, अशीटीका त्यांनी केली. डॉ.आंबेडकर यांच्या ग्रंथसंपदेच्या छपाईचे कामही संथगतीने सुरू असून, जगातीलसर्वोत्कृष्ट घटना देशाला देणाऱ्या या महामानवाच्या विचारांचीच ही उपेक्षा आहे, असाआरोप श्री. माने यांनी केला. बाबासाहेबांच्या भाषणांचा समावेश असलेल्या ग्रंथांनाप्रचंड मागणी असतानाही, त्यांच्या प्रकाशनात दिरंगाई करणे म्हणजे बाबासाहेबांचे विचार समाजापर्यंत पोहोचविण्यात अडथळे आणण्यासारखेच आहे, असेते म्हणाले. उच्च न्यायालयाने अलीकडेच याची दखल घेतल्यानंतर आता तरी नाकर्तेपणा बाजूला ठेवावा आणि जगाने स्वीकारलेल्या या महामानवाच्या प्रेरणादायी विचारांना न्याय द्या, अशी मागणीही त्यांनी केली.

 पुणे – कर चोरांना साथ( अभय ) देऊन जे प्रामाणिक करदाते आहेत त्यांच्या पाठीत खंजीर खुपसू नका असे पुन्हा एकदा आवाहन कॉंग्रेसचे गटनेते आबा बागुल यांनी केले आहे.

ते म्हणाले ,’महानगरपालिका प्रशासनाच्या नाकर्तेपणामुळे वारंवार मिळकत कराची अभय योजना आणण्याचा घाट घातला जात असून प्रशासन यास मूक पाठींबा देत आहे. परिणामी पुणे महानगरपालिकेचे कोट्यावधींचे नुकसान होत आहे.  स्थानिक स्वराज्य संस्थांचे मिळकत कर हे प्रमुख उत्पन्नस्त्रोत असल्याने हा कर वेळेत भरावा व वेळेत कर न भरल्यास प्रति महिना २ टकके दंड घेणेबाबत महाराष्ट्र महापालिका अधिनियमामध्ये तरतूद केलेली आहे. हा कायदा राज्यातील सर्वच स्थानिक स्वराज्य संस्थांना लागू आहे. यामध्ये एखाद्या मिळकतीबाबत निर्णय घेण्याची असलेल्या तरतुदीचा चुकीचा अर्थ काढत वारंवार अभय योजना आणणे, म्हणजे करबुडव्यांना सवलत व प्रामाणिक कर भरणाऱ्यांवर अन्याय होतो.

लोकप्रतिनिधींनी कितीही आग्रह केला तरी आपणा महापालिकेच्या हिताचा निर्णय घेऊन कायद्यात तरतूद नसलेली अभय योजना आणू नये. पूर्वी सर्वसामान्यांसाठी मिळकत कराची अभय योजना आणली होती, हि बाब आपण समजू शकतो, परंतु करोडोची थकबाकी असलेल्या मिळकतींना अभय योजना देणे महापालिकेच्या हिताचे नाही.

मिळकत कर वेळेत वसुल करणे हे प्रशासनाचे कर्तव्य असून वेळेत कर वसूल न झाल्यास संबंधित अधिकाऱ्याच्या C.R. मध्ये नोंद करणेबाबत तरतूद आहे.  मिळकत कर वेळेत वसूल न झाल्याने उत्पन्न कमी झाल्याने पुणेकरांना अनेक विकासकामे व प्रकल्पांपासून वंचित रहावे लागले आहे. एच.सी.एम.टी.आर. सारखा शहरातील वाहतूक समस्या सोडविणारा प्रकल्प व अशी अनेक उदाहरणे आहेत.
        मिळकत कर अभय योजना आणण्याची हालचाल चालू झाल्याने माहिती घेतली असता २१७५ कोटींची थकबाकी असून १ ते २ कोटी थकबाकी पर्यंत असलेल्या मिळकतींना सवलत देणेबाबत विचार विनिमय चालू असून हे महापालिकेच्या हिताचे नाही.

        तरी आपण १ ते २ कोटी थकबाकी असलेल्या मिळकतींना मिळकत कराची अभय योजना आनेस कॉंग्रेस पक्षाचा विरोध असून आपण यावर लोकप्रतिनिधींच्या दबावाला बळी पडू नये, हि विनंती

 पुणे- शहर जिल्हा काँग्रेस कमिटीच्या वतीने भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त आज सोमवार     दि. ०६/१२/२०२१ रोजी काँग्रेस भवन, पुणे येथे पुणे शहर जिल्हा काँग्रेस कमिटीचे अध्यक्ष  रमेशदादा बागवे यांच्या हस्ते डॉ. बाबासाहेब आंबेडकर यांच्या प्रतिमेस पुष्पहार अर्पण करून आदरांजली वाहण्यात आहे.

     यावेळी महाराष्ट्र प्रदेश सरचिटणीस ॲड. अभय छाजेड, नगरसेविका लताताई राजगुरू, सेवादल अध्यक्ष श्री. प्रकाश पवार, अल्पसंख्याक सेलचे अधयक्ष यासीन शेख, माजी नगरसेवक शिवाजी बंगर, भगवान कडू, डॉ. अनुप बेगी, मिरा शिंदे, दुर्गा शुक्रे, विठ्ठल गायकवाड, रमाकांत साठे, देविदास लोणकर, अस्लम मिरजकर आदी उपस्थित होते.

     या कार्यक्रमाचे सूत्र संचालन श्री. शिलार रतनगिरी यांनी केले व आभार प्रदर्शन अक्षय रतनगिरी यांनी केले. तसेच यावेळी विविध सेलचे अध्यक्ष, पदाधिकारी, कार्यकर्ते, नागरिक व महिला बहुसंख्येने उपस्थित होते.

पुणे,6 डिसेंबर 2021: महाराष्ट्र राज्य लॉन टेनिस संघटना(एमएसएलटीए) आणि डेक्कन जिमखाना यांच्या वतीने आयोजित आर्यन पंप्स आशियाई ज्युनियर(कुमार) टेनिस अजिंक्यपद स्पर्धेत मुख्य ड्रॉ च्या पहिल्या फेरीत मुलांच्या गटात भारताच्या साहेब सोधी याने मानांकित खेळाडूला पराभवाचा धक्का देत दुसऱ्या फेरीत प्रवेश केला.

डेक्कन जिमखाना टेनिस कोर्टवर सुरु असलेल्या या स्पर्धेत मुलांच्या गटात भारताच्या साहेब सोधी याने थायलंडच्या तिसऱ्या मानांकित व नुकत्याच पार पडलेल्या आयटीएफ ग्रेड 3कुमार टेनिस अजिंक्यपद स्पर्धेतील विजेत्या तानापत निरूद्रोणचा 6-2, 2-6, 7-5असा तीन सेटमध्ये पराभव केला. भारताच्या सहाव्या मानांकित चिराग दुहानने कझाकस्तान च्या आरतूर खेरडीनव्होचा टायब्रेकमध्ये 7-6(6), 6-1 असा पराभव करून आगेकूच केली. भारताच्या आठव्या मानांकित युवान नांदलने मानव जैनचा 4-6, 7-5, 6-3 असा पराभव करून दुसरी फेरी गाठली. अनर्घ गांगुलीने वाईल्ड कार्डद्वारे प्रवेश केलेल्या जैष्णव शिंदेचा टायब्रेकमध्ये 7-6(5), 6-0 असा पराभव केला.

मुलींच्या गटात पहिल्या फेरीत कशिश बोटेने परी चव्हाणला 6-4, 3-6, 6-4 असे तीन सेटमध्ये पराभूत केले. पुण्याच्या रुमा गायकैवारीने कोतिष्ठा मोडकचा 6-2, 6-2 असा सहज पराभव केला. कोल्हापूरच्या सोनल पाटील हिने लक्ष्मी गौडाला 7-5, 6-0 असे नमवले.

स्पर्धेचा सविस्तर निकाल: पहिली फेरी: मुले:

युवान नांदल (भारत) [8] वि. वि. मानव जैन (भारत) 4-6, 7-5, 6-3;

चिराग दुहान (भारत) [6] वि.वि.आरतूर खेरडीनव्हो (कझाकस्तान) 7-6(6), 6-1;

इस्लाम ओरिनबासर (कझाकस्तान)वि. वि. आर्यन शाह (भारत)2-6, 6-3,6-4;

रुशील खोसला (भारत) वि.वि. स्कंध प्रसन्न राव (भारत) 6-2, 6-1;

डॅनिल फेल्कर (कझाकस्तान)वि.वि.मुनी अनंत मणी (भारत) 6-2, 6-4;

मॅक्स बा ट्युटेन्को(कझाकस्तान) [5] वि.वि.रेथिन प्रणव सेंथिल कुमार (भारत) 6-3, 6-4;

डेनिम यादव (भारत) [7] वि. वि. दक्ष अगरवाल (भारत) 7-6(7), 6-1;

अनर्घ गांगुली(भारत)वि.वि.जैष्णव शिंदे (भारत)7-6(5), 6-0;

साहेब सोधी (भारत) वि.वि. तानापत निरूद्रोण (थायलंड) [3] 6-2, 2-6, 7-5;

पहिली फेरी: मुली:

हयु किनोशिता (जपान) [6]वि.वि.रिया उबवेजा (भारत) 6-2, 6-2;

कशिश बोटे (भारत)वि.वि.परी चव्हाण (भारत)6-4, 3-6, 6-4;

रुमा गायकैवारी (भारत) वि.वि.कोतिष्ठा मोडक (भारत) 6-2, 6-2;

क्रिस्ती बोरो (भारत) वि.वि.चहाना बुधभट्टी (भारत) 6-1, 6-7(5), 6-0;

होनोका उमेदा (जपान)वि.वि.अन्या जेकब (भारत) 1-6, 6-2, 6-2;

श्रुती अहलावत (भारत) [3] वि.वि.नेमा सारा किस्पोटा (भारत) 6-1, 6-1;

सोनल पाटील (भारत) वि.वि.लक्ष्मी गौडा (भारत) 7-5, 6-0;

सारा साईतो (जपान) [4]वि.वि.नंदिनी दीक्षित (भारत) 6-2, 6-1;

सुहिता मारुरी (भारत) [8] वि.वि. प्रियांशी पानिग्राही (भारत) 6-0,6-0;

यू-युन ली (तैपैई) [2]वि.वि.आर्नी रेड्डी येल्लू (भारत) 6-1, 6-1;

एरकझेन एरीस्टेंबिकोव्हा (कझाकस्तान)वि.वि.भूमी शेखर (भारत) 6-0, 6-0.

पुणे-

आंतरराष्ट्रीय आणि देशांतर्गत विमान सेवा सुरू झाल्यापासून, पुण्यात विमानप्रवास करून येणाऱ्या प्रत्येकाची महापालिकेच्या वतीने RT-PCR टेस्ट केली जात होती. त्यातीलच फिनलँड येथून प्रवास करून आलेल्या एका व्यक्तीला ओमायक्रोन व्हेरियंटची लागण असल्याचे समोर आले आहे. लागण झालेल्या व्यक्तीची प्रकृती चांगली आहे. तरीदेखील खबरदारीचा उपाय म्हणून त्या व्यक्तीच्या इमारतीमधील सर्वांची RT-PCR टेस्ट करण्यात आलेली आहे. पुणेकर नागरिकांनी, कोणत्याही अफवांना बळी पडून घाबरून जाण्याची गरज नाही. महापालिकेच्या वतीने सर्व आरोग्य यंत्रणा सतर्क आणि सुसज्ज ठेवण्यात आलेली आहे. परदेशातून आलेल्या आणि पॉझिटिव्ह आढळलेल्या व्यक्तींना संस्थात्मक विलगीकरणात ठेवण्यात येणार आहे. ज्या नागरिकांनी अजूनही कोरोना प्रतिबंधक लस घेतलेली नाही, त्यांनी ती त्वरित घेणे अत्यंत गरजेचे आहे.

मुरलीधर मोहोळ, महापौर, पुणे

 सेवा-कर्तव्य-त्याग सप्ताहात १९७१ च्या युद्धातील वीर सैनिकांचा सन्मान

पुणे : “भारताच्या पहिल्या महिला पंतप्रधान इंदिरा गांधी यांनी १९७१ च्या भारत-पाकिस्तान युद्धावेळी धाडसाने आणि धीराने प्रत्येक प्रश्न हाताळला. बांगलादेश मुक्ती संग्रामात इंदिराजींचे आणि माणिक शॉ यांच्या नेतृत्वातील भारतीय सैन्याचे मोठे योगदान आहे. देशाला अणुशक्ती संपन्न बनविण्याचा निर्णय घेत इंदिराजींनी भारताला प्रगतीपथावर नेतानाच शत्रू राष्ट्राला भारताकडे वाकड्या नजरेने बघू नका, असा इशारा दिला. स्वतंत्र भारताला मजबूत राष्ट्र म्हणून ओळख मिळवून देण्यात इंदिरा गांधी आणि भारतीय सैन्याचे अविस्मरणीय आहे,” असे प्रतिपादन राज्याचे पशुसंवर्धन, दुग्धविकास, क्रीडा व युवक कल्याण मंत्री सुनील केदार यांनी केले. इंदिराजींना खुद्द अटलबिहारी वाजपेयी यांनी ‘दुर्गा’ अशी उपमा दिली होती, ही आठवणही त्यांनी यावेळी सांगितली.

अखिल भारतीय काँग्रेस पक्षाच्या अध्यक्षा खासदार सोनिया गांधी यांच्या वाढदिवसानिमित्त आयोजित सेवा-कर्तव्य-त्याग सप्ताहांतर्गत १९७१ च्या भारत-पाकिस्तान युद्धातील वीर सैनिकांचा, वीरमाता व वीरपत्नींना सुवर्ण विजय महोत्सवानिमित्त सन्मानित करण्यात आले. यावेळी संयोजक माजी आमदार मोहन जोशी, काँग्रेसचे शहराध्यक्ष रमेश बागवे, पिंपरी-चिंचवड काँग्रेसचे शहराध्यक्ष कैलास कदम, प्रदेश कमिटीचे वीरेंद्र किराड, माजी महापौर कमल व्यवहारे, नगरसेवक विनोद मथुरावाला, लता राजगुरू, रफिक शेख, शेखर कपोते, प्रशांत सुरसे, चेतन अग्रवाल आदी उपस्थित होते.

सुनील केदार म्हणाले, “इतिहास नीटपणे माहित असेल, तर उज्ज्वल भविष्याचा प्रवास चांगला होतो. अनेक शूर-वीरांच्या बलिदानातून, योगदानातून हा स्वतंत्र भारत देश सक्षमपणे प्रगतीपथावर चालत आहे. मात्र, आजच्या पिढीतील अनेकांना स्वातंत्र्य लढ्याचे महत्व समजत नाही. त्यामुळे शूर-वीरांचा हा जाज्वल्य इतिहास नव्या पिढीला नीटपणे सांगण्याची आवश्यकता आहे. सैन्यातील लोकांसोबत बोलताना सुद्धा स्फूर्ती चढते. देशाचा नागरिक म्हणून आपले कर्तव्य आणि जबाबदारी ओळखली पाहिजे. इतिहास समजून घेत, शूर-वीरांच्या कार्यातून प्रेरणा घेतली पाहिजे.  स्वातंत्र्यलढ्यासह पाकिस्तान, चीन यांच्यासोबत झालेल्या युद्धांचा इतिहास आपण अभ्यासला पाहिजे.प्रास्ताविकात मोहन जोशी म्हणाले, “युद्धातील वीर जवान, बलिदान दिलेल्या जवानांच्या वीरमाता, वीरपत्नींचा सन्मान करताना आम्हाला अभिमान वाटतो. भारतीय सैन्याच्या १९७१ मधील या शौर्याचा स्वर्ण विजय महोत्सव आपण साजरा करतो.” कर्नल साळुंखे, कर्नल पाटील यांनीही आपले अनुभव सांगितले. लेखा नायर यांनी सूत्रसंचालन केले. चैतन्य पुरंदरे आभार मानले.

या वीरांचा झाला सन्मान

१९७१ च्या युद्धातील योगदानाबद्दल कर्नल सदानंद साळुंके, शहीद मेजर दडकर यांच्या वीरपत्नी गीता दडकर, कर्नल संभाजी पाटील, लेफ्टनंट कर्नल सुरेश शिंदे, सुभेदार संपत कोंडे, वायुदलातील रामचंद्र शेंडगे, विठ्ठल बाठे, शहीद हवालदार प्रल्हाद दिघे (वीरपत्नी लक्ष्मीबाई दिघे), शहीद लक्ष्मण जाधव, शहीद तुळशीराम साळुंके (वीरपत्नी मंगलाताई साळुंके), शहीद मारुती माने (वीरपत्नी श्रीमती माने), गोविंद मासाळकर यांना सन्मानित करण्यात आले. सोबतच शहीद सौरभ फराटे (वीरमाता मंगल फराटे), शहीद शिवाजी भोईटे (स्वप्ना भोईटे), मेजर लेखा नायर यांचाही यावेळी सन्मान करण्यात आला.