पुणे, 15 मे 2022: पुणे मेट्रोपॉलिटन जिल्हा टेनिस संघटना(पीएमडीटीए) यांच्या तर्फे आयोजित व एमएसएलटीए आणि एआयटीए यांच्या मान्यतेखाली होत असलेल्या एमएसएलटीए-पीएमडीटीए एआयटीए 18वर्षाखालील चॅम्पियनशीप सिरीज टेनिस अजिंक्यपद स्पर्धेत मुलांच्या गटात अभिराम निलाखे, ईशान दिगंबर यांनी तर, मुलींच्या गटात सिद्धी खोत, श्रावणी देशमुख या खेळाडूंनी आपापल्या प्रतिस्पर्धी खेळाडूंचा पराभव करत मुख्य फेरीत प्रवेश केला.
एमएसएलटीए स्कुल ऑफ टेनिस, म्हाळुंगे बालेवाडी कोर्टवर सुरू असलेल्या या स्पर्धेत अंतिम पात्रता फेरीत मुलांच्या गटात अभिराम निलाखेने पंधराव्या मानांकित आर्यन घाडगेचा 7-5, 6-2 असा तर, अथर्व बिराजदारने आदित्य तलाठीचा 6-4,4-6,6-4 असा तीन सेटमध्ये संघर्षपूर्ण पराभव केला. ईशान दिगंबर याने सातव्या मानांकित चन्नामल्लिका यलेचा 6-2, 6-3 असा पराभव केला.
मुलींच्या गटात सहाव्या मानांकित सिद्धी खोतने चौथ्या मानांकित निशिता देसाईचा 6-3, 1-6, 6-3 असा पराभव केला. पाचव्या मानांकित प्रिशा शिंदेने अनन्या देशमुखचा 6-0, 6-0 असा एकतर्फी पराभव केला. श्रावणी देशमुख हिने रितिका कापलेचा 6-2, 6-3 असा सरळ सेटमध्ये पराभव करून मुख्य फेरी गाठली.
स्पर्धेचा सविस्तर निकाल: अंतिम पात्रता फेरी: मुले: आश्विन नरसिंघानी वि.वि.अर्जुन किर्तने 6-3, 6-3;पियुश जाधव वि.वि.आर्यन हूड 6-3, 6-3;सिद्धार्थ मराठे [12] वि.वि.विश्वजीत सणस6-3, 6-2;अथर्व बिराजदार वि.वि.आदित्य तलाठी 6-4,4-6,6-4;अभिराम निलाखे वि.वि.आर्यन घाडगे[15] 7-5, 6-2;मिहीर कांतावाला वि.वि.ओम पाटील 6-3, 6-2;ईशान दिगंबर वि.वि.चन्नामल्लिका यले [7] 6-2, 6-3;सौमिल चोपडे[8]वि.वि.अनुश घनबहादूर 6-3, 6-1;
मुली:सेजल भुतडा[1] वि.वि.श्रेया पठारे 6-3, 6-4;ग्रेटा अनिल[2]वि.वि.यग्मसेनी चक्रवर्ती [8] 6-1, 6-0;हर्षरी आशेर [3]वि.वि.श्रेया होनकन 6-4, 6-0;आर्या शिंदे वि.वि.काव्या देशमुख 7-5, 6-0;सिद्धी खोत[6]वि.वि.निशिता देसाई [4] 6-3, 1-6, 6-3;वैष्णवी चौहान वि.वि.कनिका बाबर 6-2, 5-7, 6-0;प्रिशा शिंदे [5] वि.वि.अनन्या देशमुख 6-0, 6-0;श्रावणी देशमुख वि.वि.रितिका कापले 6-2, 6-3.

‘बंधुता दिनानिमित्त २ जून रोजी शंकर आथरे यांच्या अध्यक्षतेखाली काव्यमहोत्सवाचे आयोजन

पुणे : ज्येष्ठ विचारवंत आणि वनराई प्रतिष्ठानचे अध्यक्ष डॉ. गिरीश गांधी यांना बंधुता परिवाराच्या वतीने दिला जाणारा पहिलाच ‘बंधुता : सत्यार्थी जीवन साधना पुरस्कार’ जाहीर झाला आहे. सत्यशोधकी पगडी, प्रबोधनाची लेखणी, सन्मानचिन्ह आणि मानपत्र असे पुरस्काराचे स्वरूप आहे.
ज्येष्ठ साहित्यिक, माजी संमेलनाध्यक्ष डॉ. श्रीपाल सबनीस यांच्या हस्ते २ जून रोजी नवी पेठेतील एस. एम. जोशी सभागृहात आयोजित काव्यमहोत्सवात गांधी यांना हा पुरस्कार प्रदान करण्यात येणार असून, यावेळी माजी विभागीय आयुक्त चंद्रकांत दळवी, बंधुताचार्य प्रकाश रोकडे, प्रसिद्ध साहित्यिक प्रा. चंद्रकांत वानखेडे आदी उपस्थित राहणार आहेत, अशी माहिती बंधुता प्रतिष्ठानचे अध्यक्ष प्रा. प्रशांत रोकडे यांनी दिली. 
राष्ट्रीय बंधुता साहित्य परिषद, बंधुता प्रतिष्ठान, काषाय प्रकाशन पुणे, रयत शिक्षण संस्थेचे डॉ. बाबासाहेब आंबेडकर महाविद्यालय औंध आणि भगवान महावीर शिक्षण संस्थेचे प्रीतम प्रकाश महाविद्यालय भोसरी या संस्थांच्या वतीने बंधुताचार्य प्रकाश रोकडे यांच्या वाढदिवसानिमित्त बंधुतादिन साजरा करण्यात येणार आहे. त्याचे औचित्य साधून या दिवशी एकदिवसीय बंधुता काव्य महोत्सव आयोजित करण्यात आला आहे. 
ज्येष्ठ निवेदक कवी शंकर आथरे यांच्या अध्यक्षतेखाली होणाऱ्या या काव्यमहोत्सवाचे उद्घाटन सकाळी १० वाजता ज्येष्ठ कवी सिराज शिकलगार (सांगली) यांच्या हस्ते होईल. यावेळी प्रा. डॉ. अशोककुमार पगारिया, प्राचार्य डॉ. अरुण आंधळे, हरिश्चंद्र गडसिंग, डॉ. माधवी खरात, व प्रकाश जवळकर उपस्थित राहतील. काव्य महोत्सवाच्या संयोजनासाठी प्राचार्य डॉ. सदाशिव कांबळे, संगीता झिंजुरके आणि प्रा. अनंत सोनवणे यांनी विशेष पुढाकार घेतला आहे.
दुपारच्या सत्रात बंधुता प्रबोधन यात्री काव्यसंमेलन होईल. ३० पेक्षा अधिक निमंत्रित यात सहभागी होतील. स्वागताध्यक्ष डॉ. विजय ताम्हाणे यांची प्रमुख उपस्थिती राहील. यावेळी डॉ. नयनचंद्र सरस्वते यांच्या ‘आई म्हणते…’ या काव्यसंग्रहाचे प्रकाशन होईल. तसेच नारायण खेडकर (सिल्लोड) यांना ‘बंधुता प्रकाशपर्व साहित्य’ पुरस्कार,  नामदेव जाधव (पलूस) यांना ‘बंधुता प्रकाशयात्री साहित्य’ पुरस्कार, दिनेश मोडोकर (पाथर्डी) यांना ‘बंधुता प्रकशगाथा साहित्य’ पुरस्काराने सन्मानित केले जाईल. 
पुरस्कार वितरणाने कार्यक्रमाचा समारोप होईल. त्यामध्ये प्रदीप इक्कर (जालना), मिलिंद घायवट (ठाणे), गोपाळ कांबळे (पुणे), कुशल राऊत (अकोला), अमोल घटविसावे (अहमदनगर), तुकाराम कांबळे (नांदेड), अनिल काळे (हिंगोली), सचिन शिंदे (उमरखेड) यांना ‘बंधुता शब्दक्रांती’ पुरस्काराने, तर प्रवीण देवरे (मुंबई), रवींद्र यशवंतराव (मुरबाड), विनोद सावंत (पलूस), राजेश साबळे (ठाणे), मनोहर कांबळे (खेड), पल्लवी पतंगे (मुंबई), ज्ञानेश्वर शिंदे (कोपरगाव), विद्या अटक (पुणे) यांना ‘बंधुता मायमराठी’ पुरस्कराने गौरविण्यात येईल, असे रोकडे यांनी नमूद केले.

पुणे, 14 मे 2022: पुणे मेट्रोपॉलिटन जिल्हा टेनिस संघटना(पीएमडीटीए) यांच्या तर्फे आयोजित व एमएसएलटीए आणि एआयटीए यांच्या मान्यतेखाली होत असलेल्या एमएसएलटीए-पीएमडीटीए एआयटीए 18वर्षाखालील चॅम्पियनशीप सिरीज टेनिस अजिंक्यपद स्पर्धेत मुलांच्या गटात पियुश जाधव, अभिराम निलाखे या खेळाडूंनी आपापल्या प्रतिस्पर्धी खेळाडूंचा पराभव करून पात्रता फेरीच्या तिसऱ्या चरणात प्रवेश केला. 
एमएसएलटीए स्कुल ऑफ टेनिस, शिवछत्रपती म्हाळुंगे बालेवाडी येथे आजपासून सुरु झालेल्या या स्पर्धेत दुसऱ्या पात्रता फेरीत मुलांच्या गटात पियुश जाधव याने दुसऱ्या मानांकित अनिकेत चोभेचा 9-2 असा तर, अभिराम निलाखेने पाचव्या मानांकित मीर वेरेकरचा 9-3 पराभव करून आगेकूच केली.सिद्धार्थ मराठे व आर्यन हूड यांनी अनुक्रमे अर्णव बनसोडे व यशराज जेरवाल यांचा 9-1 अशा सारख्याच फरकाने पराभव केला. आनंद विहारीने आर्यन पटेलला 9-4 असे पराभूत केले. सन्मय तेलंगने साईराज श्रोत्रीवर 9-7 असा संघर्षपूर्ण विजय मिळवला. 
स्पर्धेचा सविस्तर निकाल: दुसरी पात्रता फेरी: मुले: पियुश जाधव वि.वि.अनिकेत चोभे[2] 9-2; अभिराम निलाखे वि.वि.मीर वेरेकर[5] 9-3;सक्षम चव्हाण वि.वि.संकल्प पवार 9-5;करण भामरे वि.वि.अर्णव चावला 9-0;अर्चित डहाळे[6]वि.वि.ऋषिकेश चितळे 9-3;ओम पाटील वि.वि.वेदांत माणकेश्वर 9-1;सन्मय तेलंग वि.वि.साईराज श्रोत्री 9-7;आर्यन हूड वि.वि.यशराज जेरवाल 9-1;सिद्धार्थ मराठे वि.वि.अर्णव बनसोडे 9-1;आनंद विहारी वि.वि.आर्यन पटेल 9-4; 

पुणे : श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे सोमवार, दिनांक १६ मे रोजी सकाळी ९ वाजता मंदिरात शहाळे महोत्सव आयोजित करण्यात आला आहे. गणपती बाप्पांना तब्बल ५ हजार शहाळ्यांचा महानैवेद्य अर्पण केला जाणार आहे. वैशाख पौर्णिमेच्या पवित्र दिवशी श्री गणेशाचा पुष्टिपती विनायक जयंती हा अवतार झाला होता.

वैशाख वणव्यापासून तमाम भारतीयांचे रक्षण व्हावे. दुष्काळ, पाण्याचे दुर्भिक्ष शेतक-यांच्या समस्या गणरायाच्या कृपेने निर्विघ्न व्हाव्यात, या सद््भावनेने शहाळ्यांचा महानैवेद्य अर्पण करण्यात येणार आहे. तसेच दुस-या दिवशी ससून रुग्णालयातील रुग्णांना शहाळ्यांचा प्रसाद देण्यात येणार आहे. सोमवारी पहाटे ४ वाजता पंडित सुरेश तळवळकर यांचा स्वराभिषेक कार्यक्रम त्यानंतर गणेशजन्म महाअभिषेक व गणेशयाग होणार आहे.

पुणे : राष्ट्रवादी कॉंग्रेसच्या कार्यकर्त्यांची गुंडगिरी खपवून घेतली जाणार नाही, वेळ आल्यास जशास तसे उत्तर देऊ असा इशारा भाजपचे शहराध्यक्ष जगदीश मुळीक यांनी दिला.

भाजपचे प्रवक्ते विनायक आंबेकर यांनी केलेल्या फेसबुक पोस्टवर आक्षेप घेत राष्ट्रवादी कॉंग्रेसच्या गुंडांनी त्यांच्या कार्यालयात घुसून शिवीगाळ केली आणि हल्ला केला, या घटनेचा मुळीक यांनी तीव्र शब्दांत निषेध केला.

मुळीक म्हणाले, पुणे शहरातील कायदा आणि सुव्यवस्था धोक्यात आली आहे. पोलीस प्रशासनावर शासनाचा वचक राहिलेला नाही. आता राष्ट्रवादीच्या गुंडांनी कायदा हातात घेऊन दहशत निर्माण करीत आहेत. महाविकास आघाडी सरकारला सर्वच आघाड्यांवर येत असलेल्या अपयशामुळे खचून राष्ट्रवादीच्या कार्यकर्त्यांनी हिंसाचार सुरू केला आहे. जनता या अराजकतेला कंटाळली असून, महाविकास आघाडीला धडा शिकविल्याशिवाय राहणार नाही.

मुळीक पुढे म्हणाले, ‘शहर भाजपच्या वतीने फडगेट पोलीस चौकीत तक्रार नोंदविली आहे. हल्लेखोरांवर तातडीने गुन्हा दाखल करून कारवाई करावी, अन्यथा तीव्र जनआंदोलन केले जाईल.’

पुणे – साहित्यसम्राट अण्णा भाऊ साठे साहित्य संमेलनानिमित्त महात्मा फुले वाडा ते  राजश्री शाहू संमेलन नगरी(सावित्री बाई फुले स्मारक ) ग्रंथदिंडी काढण्यात आली यावेळी कामगार नेते व ज्येष्ठ समाजसेवक डॉ.बाबा आढाव यांनी महात्मा फुले यांच्या गीताचे गायन करून सुरुवात केली .

त्यांनतर ग्रंथ दिंडीचे पूजन डॉ.बाबा आढाव ,माजी मंत्री रमेश बागवे ,संमेलनाध्यक्ष विठ्ठल भंडारे यांनी केले.  महात्मा फुले , डॉ .बाबासाहेब आंबेडकर ,राजश्री शाहू ,आण्णा भाऊ साठे आणि महापुरुषांचे प्रतिमांचा मिरवणूकित सहभाग करण्यात आला होता . यावेळी आण्णा भाऊ साठे यांच्या विचारांचे घोष वाक्य देखील   घेऊन अनेक लोक सहभागी झाले होते .या दिंडीत वारकरी संप्रदायाचे महाराज ज्येष्ठ किर्तनकार माधवराव डोंगरे व  वारकरी समुदाय सहभागी झाले होते .सुरुवातीला राज्याच्या   विविध भागातील हलगी वादक वादन करीत होते .त्यापाठोपाठ वारकरी त्यामागे ग्रंथदिंडी आणि पाठीमागे सहभागी लोक मोठ्या प्रमाणात सहभागी झाले होते. संमेलन उद्यापासून राजश्री शाहू संमेलन नगरी (सावित्रीबाई फुले सभागृह ) पुणे येथे होत आहे .

संमेलनाध्यक्ष विठ्ठल भंडारे ,ज्येष्ठ कामगार नेते डॉ.बाबा आढावा,माजी मंत्री रमेश बागवे ,मुक्ता साळवे साहित्य परिषद संस्थापक व संमेलनाचे आयोजक सचिन बगाडे,,लहुजी वस्ताद साळवे स्मारक समिती चे अध्यक्ष ( महाराष्ट्र शासन)विजयबापू  डाकले , स्वागताध्यक्ष अविनाश बागवे ,मुक्ता साळवे साहित्य परिषदेचे अध्यक्ष सोपान खुडे , ,ज्येष्ठ ग्रामीण साहित्यिक जयवंत अवघडे,हनुमंत साठे  ,इतिहास संशोधक प्रा.सुहास नाईक ,ज्येष्ठ सामाजिक नेते अंकल सोनवणे ,पुणे शहर जिल्हा मातंग समाज सचिव संजय केंदळे,लेखक ,चित्रपट दिग्दर्शक सुरेश पाटोळे , पटकथा लेखक बाळ बारस्कर ,किर्तनकार माधवराव डोंगरे ,ज्येष्ठ सामाजिक कार्यकर्ते अंकल सोनवणे संमेलनाचे निमंत्रक निमंत्रक अनिल हतागळे,रवी पाटोळे ,निलेश वाघमारे ,सुरेखाताई खंडाळे , प्रा.बबिता लोंढे ,नंदा गवळी यासह पुणे शहरातील महाविद्यालयीन विद्यार्थी , महीला ,युवक व विविध सामाजिक ,राजकीय संघटनाचे कार्यकर्ते साहित्यसम्राट आण्णा भाऊ साठे साहित्य संमेलन निम्मित आयोजित ग्रंथदिंडी मध्ये मोठ्या संख्येने सहभागी झाले होते.

पुणे-

राष्ट्रवादी काँग्रेसचे नेते शरद पवार यांच्यासारख्या महाराष्ट्रातील ज्येष्ठ नेत्याबद्दल आक्षेपार्ह शब्दात पोस्ट करणारी केतकी चितळे म्हणजे समाजातील वाईट प्रवृत्ती असून तिचा वेळीच बीमोड करणे आवश्यक आहे. अभिनय क्षेत्रात काम मिळत नाही म्हणून स्वतःला प्रसिद्धीच्या झोतात आणण्यासाठी चितळे ने केलेला हा प्रयत्न म्हणजे तिला मिळालेल्या संस्काराचे दर्शन आहे. अशा विकृत मनोवृत्ती असणाऱ्या व्यक्तींवर पोलिसांनी कडक कारवाई करावी.अशी मागणी माजी विरोधी पक्षनेत्या दिपाली प्रदीप धुमाळ यांनी केली आहे.

त्या म्हणाल्या ,’केतकी चितळे, वकील नितीन भावे आणि निखील भामरे यांची पोस्ट समाजात तेढ निर्माण करणारी व असंतोष पसरवणारी आहे. त्यांचा बोलविता धनी कोण आहे याचा शोध पोलिसांनी घ्यावा. संत तुकाराम महाराज यांच्या अभंगाची छेडछाड करून महाराष्ट्र घडवण्यासाठी अविरत झटणाऱ्या पवार साहेब यांच्यावर आक्षेपार्ह पोस्ट करून महाराष्ट्राच्या संस्कृतिला परंपरेला छेद देण्याचा प्रयत्न अशा समाज कंटकांकडून सुरू असून त्यांना वेळीच त्यांची जागा दाखवावी लागणार आहे.कलाकारांनी आपल्या अभिनय कौशल्याने रसिकांचे मनोरंजन करायचे असते पण या स्वतःला अभिनेत्री म्हणवणाऱ्या केतकी चितळे मध्ये वेगळेच कलागुण असून ते समाजाला घातक असल्याने तिच्यावर पोलिसांनी योग्य कारवाई करून बंदोबस्त करावा.

पुणे-राष्ट्रवादी काँग्रेसचे ज्येष्ठ नेते शरद पवार यांच्यावर आक्षेपार्ह भाषेत टीका केल्या प्रकरणी दूरचित्रवाहिनीवरील मालिकांमध्ये काम करणारी केतकी चितळे हिच्या विरोधात राष्ट्रवादी काँग्रेसकडून कारवाई करण्याची मागणी करण्यात आली आहे. याबाबत राष्ट्रवादी काँग्रेसच्या पदाधिकाऱ्यांनी पुणे पोलिसांच्या सायबर पोलीस ठाण्यात तक्रार अर्ज दिला आहे. केतकी चितळेने फेसबुकवर एक कविता पोस्ट केली आहे.

या कवितेच्या माध्यमातून तिने राष्ट्रवादी काँग्रेसचे अध्यक्ष, ज्येष्ठ नेते शरद पवार यांच्यावर आक्षेपार्ह भाषेत टीका केली आहे. राष्ट्रवादी काँग्रेसचे शहराध्यक्ष प्रशांत जगताप, प्रवक्ते प्रदीप देशमुख, रवींद्र माळवदकर, समीर शेख, उदय महाले, गणेश नलावडे, प्रीती धोत्रे आदींनी सायबर पोलिस ठाण्यात तक्रार अर्ज दिला असून चितळे विरोधात गुन्हा दाखल करण्याची मागणी त्यांनी तक्रार अर्जाद्वारे केली आहे. राष्ट्रवादीचे कार्यकर्ते ॲड. विकास शिंदे यांनी सायबर पोलीस ठाण्यात ही फिर्याद दाखल केली आहे.

पुणे जिल्हा गाळमुक्त ल.पा.योजनेअंतर्गत पाझर तलावातील गाळ काढण्याचा शुभारंभ
पुणे दि.१४- पुणे जिल्हा परिषद व पुणे नाम फाऊंडेशन यांच्या संयुक्त विद्यमाने पुणे जिल्हा गाळमुक्त ल.पा.योजनेअंतर्गत बारामती तालुक्यातील पाझर तलावातील गाळ काढण्याचा शुभारंभ उपमुख्यमंत्री अजित पवार यांच्या हस्ते भिलारवाडी येथे करण्यात आला. पावसाळ्यात परिसरातील धरणातील पाणी सोडावे लागत असताना पाझर तलाव भरण्याचा प्रयत्न करण्यात येईल, असे त्यांनी यावेळी सांगितले.

कार्यक्रमाला मुख्य कार्यकारी अधिकारी आयुष प्रसाद, अतिरिक्त मुख्य कार्यकारी अधिकारी भारत शेंडगे, जिल्हा जलसंधारण अधिकारी पांडुरंग कांजाळकर, स्नेहा देव, नाम फाऊंडेशनचे मल्हार पाटेकर, गणेश थोरात आदी उपस्थित होते.

श्री.पवार म्हणाले, पाझर तलावातील गाळ शेतकऱ्यांनी आपल्या शेतात घेऊन जावा. तसेच पावसात पुन्हा गाळ तलावात येणार नाही याची दक्षता घ्यावी. जिल्ह्यात इंदापूर, बारामती, दौंड तालुक्यात पावसाचे प्रमाण कमी असल्याने पाण्याचे प्रमाण कमी असते. म्हणून या भागातील ल.पा.योजनेतील गाळ काढण्यात येणार आहे. ११४ ल .पा. योजनेतील गाळ काढण्याचा हा महत्वाकांक्षी कार्यक्रम नाम फाऊंडेशनच्या मदतीने हाती घेण्यात आला आहे. पाझर तलावातील पाणी जमिनीत मुरल्यास परिसरातील विहिरींच्या पाण्याची पातळी वाढेल. सामाजिक बांधिलकी म्हणून नाम फाऊंडेशनने यात घेतलेला पुढाकार कौतुकास्पद आहे.

परिसरात मोठ्या प्रमाणात पिण्याच्या पाण्याच्या योजना योजना मंजूर केल्या आहेत. पुढील २५ वर्षातील गरज लक्षात घेऊन पिण्याच्या पाण्याचे नियोजन करण्याच्या सूचना अधिकाऱ्यांना देण्यात आल्या आहेत. शेतकऱ्यांना दिवसा किंवा रात्री वीज पुरवठा देण्यात येईल यासाठीदेखील प्रयत्न करण्यात येत आहे. मान्सून वेळेपूर्वीच येण्याचा अंदाज हवामान विभागाने व्यक्त केला आहे. शेतकऱ्यांना बियाणे, खते आणि इतर आवश्यक बाबी वेळेवर मिळाव्यात यासाठी नियोजन करण्यात येत आहेत. शेतकऱ्यांनी खरीपपूर्व हंगामाची कामे लवकरात लवकर पूर्ण करावी, असे त्यांनी सांगितले.

परिसरातील विकासकामांसाठी सर्व सहकार्य करण्यात येणार असल्याची ग्वाही त्यांनी दिली. सौर पंपाद्वारे पाणी देण्याबाबत योजना तयार करण्याच्या सूचना अधिकाऱ्यांना देण्यात आल्या असून त्याबाबत सहकार्य करण्यात येईल, असेही श्री.पवार म्हणाले.

यावेळी आयुष प्रसाद म्हणाले, नाम फाऊंडेशनच्या सहकार्याने पाणी टंचाई क्षेत्रातील ११४ पाझर तलावातील गाळ काढण्यात येणार असून जिल्हा परिषद सेस फंडातून १ कोटी २२ लक्ष रुपये डिझेलसाठी देण्यात येणार आहे. नाम फाऊंडेशनकडून जेसीबी व पोकलंड यंत्रण उपलब्ध करून देण्यात येणार आहे. काढण्यात येणारा गाळ शेतकऱ्यांना मोफत देण्यात येणार आहे. उर्वरीत गाळ गायरान जमिनीवर आणि सामाजिक वनीकरण क्षेत्रावर टाकण्यात येणार आहे. भूजल पुनर्भरणासाठी ३०३ रिचार्ज शाफ्ट बांधण्यात येत आहेत. नवीन पाणी साठवण संरचनेसाठी जिल्हा वार्षिक योजनेच्या माध्यमातून ८ कोटी रुपये मंजूर करण्यात आले आहेत.

गाळ काढण्यामुळे पाण्याचा साठा वाढेल आणि भूजलस्तर वाढण्यास मदत होईल. गाळ काढण्यात येणाऱ्या तलाव परिसरातील १०३ गावांना टँकरद्वारे पाणीपुरवठा करण्यात येत आहे. जल जीवन मिशनच्यादृष्टीने याचा लाभ होण्यासोबत प्रत्यक्ष-अप्रत्यक्षरित्या ५ हजारपेक्षा अधिक शेतकऱ्यांना गाळ काढण्याचा थेट लाभ होईल. पुढील २० ते २५ दिवसात गाळ काढण्याचे सूक्ष्म नियोजन करण्यात येणार आहे, असे त्यांनी सांगितले.

श्री.थोरात यांनी यावेळी नाम फाऊंडेशनच्या कामाची माहिती दिली. गाळ काढण्यासाठी सर्व प्रकारच्या यंत्रांची मदत फाऊंडेशनतर्फे करण्यात येईल. नाम फाऊंडेशनच्या कामात युवकांचा चांगला सहभाग मिळत असल्याचे त्यांनी सांगितले.

कार्यक्रमाला उपविभागीय अधिकारी दादासाहेब कांबळे, अपर पोलीस अधिक्षक मिलींद मोहिते, पुणे जिल्हा सह.बँकेचे संचालक संभाजी होळकर, तहसीलदार विजय पाटील, गटविकास अधिकारी अनिल बागल यांच्यासह अधिकारी, कर्मचारी, परिसरातील गावांचे सरपंच, ग्रामपंचायत सदस्य आणि नागरिक उपस्थित होते.