पुणे,दि.१६:“शांततापूर्ण जीवन जगण्यासाठी ध्यान साधना अत्यंत महत्वाची आहे. बुद्धांचे विचारच शांततामय जीवनाची ताकद आहे. वर्तमान काळात वाढत जाणार्‍या हत्या आणि आत्महत्या यांतील मधला मार्ग शांतीचा आहे. त्यासाठी बुद्धांच्या ज्ञान मार्गावर चालून जीवन समृद्ध करता येते.” असे उद्गार  ज्येष्ठ साहित्यिक प्रा. रतनलाल सोनग्रा यांनी काढले.
एमआयटी वर्ल्ड पीस युनिव्हर्सिटीच्या वतीने तथागत भगवान गौतम बुद्ध पौर्णिमा साजरी करण्यात आली.
या प्रसंगी एमआयटी वर्ल्ड पीस युनिव्हर्सिटी संस्थापक अध्यक्ष प्रा. डॉ. विश्वनाथ दा. कराड, कुलगुरू डॉ. रविकुमार चिटणीस, प्र कुलगुरू डॉ. मिलिंद पांडे, डॉ. प्रसाद खांडेकर, कवि डॉ. संजय उपाध्ये, पीस स्टडीचे अधिष्ठाता डॉ. मिलिंद पात्रे, विद्यापीठाच्या डॉ. बाबासाहेब आंबेडकर अध्यासनाचे प्रमुख प्रा. विनोद जाधव व प्रा. विक्रांत गायकवाड उपस्थित होते.
प्रा. रतनलाल सोनग्रा म्हणाले,“बौध्द धर्माच्या उदात आठ पट मार्गाचे प्रतिनिधित्व करतात. बुद्धांनी जगाला शांतीचा संदेश देऊन अहिंसा व करूणा सारखी शिकवण दिली. बौध्द धर्माचा अवलंब करणे म्हणजे शांतता, एकता आणि अहिंसा होय. जगाला सत्य, शांती आणि मानवतेचा संदेश देणारे तथागत बुद्धांचे पंचशील तत्व मानवी जीवनाला योग्य दिशा देणारे आहेत.”
प्रा. डॉ. विश्वनाथ दा. कराड म्हणाले,“भगवान गौतम बुद्धांचे पंचशिल तत्व आणि संत श्री ज्ञानेश्वर माऊलींचे पसायदान हेच संपूर्ण जगाला शांतीचा मार्ग दाखवू शकेल. बुद्धांनी विश्वधर्म, मानवकल्याण आणि जातिभेदाच्या भिंती ओलांडून संपूर्ण मानवजातीला एकत्र आणण्याचे महत्कार्य केले आहे. तसेच, विश्व कल्याणाचा खरा ग्रंथ भगवद्गीता आहे. कसे जगावे आणि कसे जगू नये, जीवनाचा उद्देश काय, आपले कर्तव्य काय आहे हे त्यात नमूद आहे. जीवन सुखमय होण्याचे सूत्र म्हणजे त्याग आणि समर्पण आहे. संपूर्ण जगात भारताची ओळख भगवान बुद्ध् आणि महात्मा गांधी यांच्या नावाने आहे.”
डॉ. मिलिंद पांडे म्हणाले,“ बुद्धांचे विचार हे जीवनाला प्रेरणा देणारे आहेत. त्याच आधारावर डॉ. विश्वनाथ कराड यांनी रामेश्वर रूई येथे बुद्ध स्तूपाची निर्मिती करून समाज एकत्रित आणण्याचा प्रयत्न केला आहे. नेपाळ येथे झालेल्या भूकंपानंतर नागरिकांसाठी शेकडो घरांची निर्मिती केली. शांतता नांदावी यासाठी जगातील सर्वात मोठ्या विश्वशांती डोमची निर्मिती करून अविरतपणे  शांती स्थापनेचे कार्य ते करीत आहेत. आजच्या काळात सायन्स इन सायलेन्स ही संकल्पना खूप गरजेची आहे.”
डॉ. संजय उपाध्ये म्हणाले,“ गौतम बुद्धांबरोबरच महापुरूषांचे विचार भारताबाहेर पोहचविण्यासाठी सर्वांना समोर यावे लागेल. नकारात्मतेची भावना काढून एमआयटी वर्ल्ड पीस युनिव्हर्सिटीच्या प्रत्येक कार्यात सर्वांनी सहभाग घ्यावा. ”
त्यानंतर प्रा. विक्रांत गायकवाड, मिनाक्षी आर्या, डॉ. मिलिंद पात्रे यांनी भगवान गौतम बुद्धांचे विचार मांडून त्यातून बोध घेण्यास सांगितले.
डॉ. आर.एम. चिटणीस यांनी प्रास्ताविक मांडले

पुणे -आज JW मेरियट येथे पुणे शहर महिला काँग्रेस कमिटीच्या वतीने केंद्रीय मंत्री स्मृती इराणी यांना देशातील वाढती महागाई, घरगुती गॅसचे वाढलेले दर यामुळे त्रस्त झालेल्या नागरिकांच्या भावना केंद्र सरकार पर्यंत पोहचविण्यासाठी चूल व देश चालविण्यासाठी पंतप्रधान मोदी अयशस्वी असल्याने स्मृती ईराणी यांच्या मार्फत त्यांना बांगड्या भेट म्हणून देण्यासाठी गेलेल्या पुणे शहर महिला काँग्रेसच्या महिला काँग्रेसच्या कार्यकर्त्यांना भाजपा कार्यकर्त्यांनी रोखले दोघात वाढत्या झटापटी होण्यापूर्वी कॉंग्रसच्या सर्व महिला आंदोलकांना पोलिसांनी ताब्यात घेतले आहे.

यावेळी केंद्र सरकारच्या विरोधात व स्मृती इराणी यांच्या विरोधात ‘हाय, हाय महंगाई मोदीजीने लाई!, जबसे भाजपा सत्ता में है आयी, कमरतोड महंगाई लायी।, क्योकि गॅस भी कभी सस्ती थी,स्मृती जी याद हैं ना? अशा प्रकारच्या घोषणा मोठ्या प्रमाणात देण्यात आल्या.देशातील महागाईच्या विरोधात लढताना व जनतेचे प्रश्नांवर काम करतांना पोलिसांनी अशा प्रकारे ताब्यात घेणे निषेधार्ह आहे. गांधीजींच्या सत्याग्रहाच्या धोरणानुसार आम्ही महागाई, बेरोजगारी, भ्रष्टाचाराच्या विरोधात आम्ही जनतेच्या प्रश्नांवर लढत राहू. यासाठी पोलिसांनी आम्हाला शंभरवेळा जरी अटक केले तरी आम्ही तयार आहोत .असे आंदोलक महिला म्हणाल्या.

भाजपा महाराष्ट्र प्रदेश उपाध्यक्ष माधव भंडारी व महाराष्ट्राचे साखर आयुक्त शेखर गायकवाड यांची प्रमुख उपस्थिती
पुणे : स्टेशनरी कटलरी अ‍ँड जनरल मर्चंटस् असोसिएशनतर्फे व्यापारी एकता दिनानिमित्त पुरस्कार वितरण समारंभाचे आयोजन करण्यात आले आहे. असोसिएशनतर्फे देण्यात येणारा व्यापार भूषण पुरस्कार यंदा भांडारकर रस्त्यावरील गिरीकंद ट्रॅव्हल्सचे विश्वास जोशी यांना प्रदान करण्यात येणार आहे. याशिवाय उत्कृष्ट विक्रेता, उत्कष्ट महिला व्यापारी, कै.साधनाताई गोरे स्मृती पुरस्कार देखील प्रदान करण्यात येणार आहेत. सोमवार, दिनांक ३० मे रोजी सायंकाळी ५.३० वाजता एस.एम.जोशी सभागृहात हा समारंभ होणार आहे, अशी माहिती असोसिएशनचे अध्यक्ष शिरीष बोधनी यांनी पत्रकार परिषदेत दिली.  
पत्रकार परिषदेला असोसिएशनचे कार्याध्यक्ष सूर्यकांत पाठक, उपाध्यक्ष सचिन जोशी, सचिव गणपतराज जैन, खजिनदार मोहन कुडचे, नितीन पंडित, मदनसिंह रजपूत, सुरेश नेऊरगावकर आदी उपस्थित होते. 

पुरस्कार वितरण कार्यक्रमाच्या अध्यक्षस्थानी भाजपाचे महाराष्ट्र प्रदेश उपाध्यक्ष माधव भंडारी हे असणार आहेत. तर, प्रमुख पाहुणे म्हणून राज्याचे साखर आयुक्त शेखर गायकवाड उपस्थित राहणार आहेत. व्यापार भूषण पुरस्काराचे स्वरुप पुणेरी पगडी, सन्मानचिन्ह, सन्मानपत्र, शाल, श्रीफळ असे आहे. पुरस्काराचे यंदा २४ वे वर्ष आहे.  
शिरीष बोधनी म्हणाले, दरवर्षी २५ मे या व्यापारी एकता दिनाचे औचित्य साधून पुरस्कार वितरण समारंभाचे आयोजन करण्यात येते. व्यापारातून समृद्धी साधताना आपले कर्तृत्व सिद्ध करणाºया असामान्य व्यक्तिमत्त्व असलेल्या व्यापाºयांना विविध पुरस्काराने सन्मानित करण्यात येते. 
सूर्यकांत पाठक म्हणाले, यंदाच्या वर्षी उत्कृष्ट विक्रेता पुरस्कार नारायण पेठेतील दिप्ती कन्झुमर प्रोडक्टसचे मयूर शर्मा, उत्कृष्ट महिला व्यापारी पुरस्कार घोरपडे पेठेतील अश्विनी मसाले च्या अश्विनी पवार आणि कै. साधनाताई गोरे स्मृती पुरस्कार तुळशीबागेतील एस.एम.लांजेकर च्या दिक्षा लांजेकर-माने, फिनिक्स पुरस्कार स्वानंद एजन्सीचे कुमार शिंदे आणि उत्कृष्ट दुकान पुरस्कार लोखंडे तालीम जवळील अंबिका स्टोअर्सचे राहुल छेडा यांना प्रदान करण्यात येणार आहे. या पुरस्कारांचे स्वरुप सन्मानचिन्ह, सन्मानपत्र, श्रीफळ असे असणार आहे.
दुकानातील स्वच्छता, सादरीकरण, आधुनिकता आणि ग्राहकांशी संबंध आदी गोष्टी पाहिल्या जातात. तसेच व्यापा-यांच्या उद्योगातील वाढत्या प्रगतीचा आलेख पाहून पुरस्कारार्थींची निवड समितीतर्फे केली जाते. यापूर्वी गुडलक सेल्स डेपोचे खिमजी गाला, दोराबजी अ‍ॅन्ड कंपनीचे थ्रिटी पूनावाला आणि फरशिद पटेल, कॉटन किंगचे प्रदीप मराठे, ग्राहक पेठचे सूर्यकांत पाठक, रांका ज्वेलर्सचे फतेचंद रांका, सुदर्शन स्टेशनरीचे कृष्णचंद्रजी आर्य (करमचंदानी), लक्ष्मीनारायण चिवडा कंपनीचे बाबूशेठ डाटा, जवाहर टेÑडींग कंपनीचे चकोर गांधी, जयराज ग्रुपचे राजेश शहा आदींना व्यापारभूषण पुरस्काराने सन्मानित करण्यात आले आहे.

पुणे- येथील देशात नामवंत असलेली संस्था नंदकिशोर कल्चरल सोसायटीच्या वतीने पहिला नृत्यसम्राट पं बिरजू महाराज महोत्सव कथक महायज्ञ नुकताच पं जवाहरलाल नेहरू सांस्कृतिक भवन येथे संपन्न झाला . यामध्ये पं बिरजू महाराज यांच्या ज्येष्ठ शिष्या पद्मश्री शोवना नारायण (दिल्ली) व पं बिरजू महाराज यांचे सुपुत्र पं दीपक महाराज यांनी बहारदार कथक नृत्य सादर केले. प्रारंभी पं बिरजू महाराज यांच्या प्रतिमेस पुष्पांजली अर्पण करून श्रद्धांजली वाहण्यात आली. त्यानंतर नृत्यसम्राट पं बिरजू महाराज पुरस्कार वितरणसोहळा संपन्न झाला. संस्थेच्या वतीने देण्यात आलेला हा पहिला पुरस्कार जागतिक कीर्तीच्या कथक नर्तिका पद्मश्री शोवना नारायण यांना कोहिनुर ग्रुपचे अध्यक्ष श्री कृष्णकुमार गोयल यांच्या हस्ते प्रदान करण्यात आला तर पं बिरजू महाराज यांचे सुपुत्र पं दीपक महाराज यांना माजी आमदार उल्हास पवार व माजी आमदार मोहन जोशी यांच्या हस्ते पुरस्कार देण्यात आला. पुरस्काराचे स्वरूप मानपत्र, स्मृतिचिन्ह,शाल, पं बिरजू महाराज जींच्या फोटोची प्रतिमा असे होते. यावेळी लिज्जत पापड समूहाचे अध्यक्ष सुरेश कोते, आई सी सी आर च्या पुणे विभागाच्या संचालीका निशी बाला, पिंपरी चिंचवड विभागाच्या सहाय्यक आयुक्त सुषमा शिंदे, कथक नर्तक पं डॉ नंदकिशोर कपोते, सुनील महाजन , निकिता मोघे आदी मान्यवर उपस्थित होते.
पुरस्काराला उत्तर देताना आपल्या भाषणात पदमश्री शोवना नारायण म्हणाल्या ” मला गुरूच्या नावाने मला हा जो पुरस्कार मिळाला आहे हे मी माझे भाग्य व गुरूंचा आशीर्वाद समजते. डॉ नंदकिशोर कपोते यांनी आपल्या गुरूंच्या नावाने पुरस्कार सुरू केला आहे त्यातून त्यांची गुरूप्रति अगाध भक्ती दिसून येते. ” तर पं दीपक महाराज म्हणाले,” या पुरस्कारामुळे माझ्यावर फार मोठी जबाबदारी आलेली आहे. माझे वडील पं बिरजू महाराज यांची ही नृत्य परंपरा मी पुढे नेण्याचा जास्तीत जास्त प्रयत्न करेन.नंदकिशोर कपोते यांनी या पहिल्या पुरस्कारासाठी माझी निवड केली त्याबद्दल मी त्यांचा आभारी आहे”.कृष्णकुमार गोयल म्हणाले ” पं.बिरजूमहाराज या दिग्गज कलाकाराच्या नावाने हा राष्ट्रीय दर्जाचा पुरस्कार डाॅ.पं.नंदकिशोर कपोते यांनी सुरु केला ही अभिमानाची गोष्ट आहे.” तर उल्हास पवार म्हणाले ” या राष्ट्रीय पुरस्कारामुळे आज पद्मश्री शोवना नारायण व पं.दीपक महाराज यांचे दश॔न आज पुणेकरांना घडले.त्यांच्या अप्रतिम नृत्याचा आस्वाद सर्वांना घेता आला”. या वेळी निशी बाला,मोहन जोशी,सुषमा शिंदे यांनी ही आपले मनोगत व्यक्त केले.
या नंतर पं.दीपक महाराज यांनी कथक नृत्य सादर करून रसिकांना मंत्रमुग्ध केले.त्यांनी थाट चे मनमोहक प्रकार , तकिट तकिट घिन लडी, जोरदार जुगलबंदी आदी प्रकार सादर केले. त्यानंतर पदमश्री शोवना नारायण यांनी कथक नृत्य सादर करून रसिकांवर मोहिनी घातली. या ७४ व्या वयात ही त्यांनी विविध लयकारी , तोडे, चककर पेश करून प्रेक्षकांना आश्चर्य चकित केले. गौतम बुद्धा वरील यशोधरा अभिनय सादर करुन त्यांनी सर्वांना मोहीत, भाव विभोर केले.प्रेक्षकांनी उभे राहून टाळयां च्या गजरात दाद दिली. कार्यक्रमाचे सूत्रसंचालन किर्ती रामदासी यानी केले तर मानपत्राचे वाचन किरन जावा यांनी केले.

पुणे-डॉ.श्री.नानासाहेब धर्माधिकारी प्रतिष्ठान हे एक सेवाभावी समाजाभिमुख उपक्रम राबविणारे प्रतिष्ठान असून पुणे शहरातील विविध भागांत दर वर्षी त्यांचेमार्फत स्वच्छता अभियान राबविले जाते. स्वच्छ भारत अभियानाचे महाराष्ट्र राज्याचे महामहीम राज्यपालांनी नियुक्त केलेले स्वच्छता दूत डॉ.श्री.नानासाहेब धर्माधिकारी प्रतिष्ठानचे अध्यक्ष “पद्मश्री” पुरस्कार सन्मानित डॉ. श्री. आप्पासाहेब धर्माधिकारी व डॉ.श्री. सचिनदादा धर्माधिकारी यांच्या मार्गदर्शनाखाली आज दि. १५/०५/२०२२ रोजी डॉ. श्री. नानासाहेब धर्माधिकारी प्रतिष्ठान व पुणे महानगरपालिका यांच्या संयुक्त विद्यमाने पद्मश्री पुरस्कार सन्मानित डॉ. श्री. आप्पासाहेब धर्माधिकारी यांच्या वाढदिवसाप्रित्यर्थ पुणे महानगरपालिका कार्यक्षेत्रात सर्व क्षेत्रीय कार्यालयाअंतर्गत कोथरूड, केळेवाडी मधील मोगल चौक ते ARAI कंपनी गेट, किष्किंधानगर, सुतारदरा मैदान, पर्वती टेकडी, पर्वती जनता वसाहत चुनाभट्टी कॉर्नर, गोसावीवस्ती, वारजे कर्वेनगर जलशुद्धीकरण प्रकल्प, होम कॉलनी वडारवाडी, खानवस्ती रोड, रामनगर, येरवडा कळस धानोरी, स्वीपर चाळ, भैयावाडी, मदारवस्ती, धनकवडी, राऊतबाग धनकवडी, कात्रज नवीन वसाहत, कात्रजतलाव, गुगळे प्लॉट, इत्यादी ठिकाणी मोठया प्रमाणावर स्वच्छता अभियान राबविण्यात आले.

या स्वच्छता अभियानाचा शुभारंभ मा. श्रीमती रुख्मिणी गलांडे, एसीपी, पुणे शहर तसेच मा. श्रीमती आशा राऊत, उप आयुक्त घनकचरा व्यवस्थापन पुणे मनपा व समन्वयक स्वच्छ भारत अभियान यांच्या हस्ते झाला. यावेळी दिपाली धुमाळ . लघुअण्णा निवंगुणे, बारामती लोकसभा अध्यक्ष बाबा धुमाळ, माजी नगरसेवक पुणे महानगरपालिका व इतर मान्यवर उपस्थित होते. आशा राऊत( उप आयुक्त घनकचरा व्यवस्थापन व समन्वयक स्वच्छ भारत अभियान) व आरोग्य अधिकारी श्रीमती केतकी घाटगे यांनी डॉ. नानासाहेब धर्माधिकारी प्रतिष्ठानच्या स्वयंसेवकांना कचरा उचलण्यासाठी कर्मचारी व कचरा गाड्या उपलब्ध करून देणेबाबात सर्व क्षेत्रीय कार्यालयाचे आरोग्य निरीक्षक आणि विभागीय आरोग्य निरीक्षक यांना सूचना केल्या.

यामध्ये शहरातील विविध ठिकाणच्या ६० झोपडपट्ट्यामधील ८.५ किलोमीटर परिसरातील ४,४५४ स्वयंसेवक यांचेमार्फत एकूण १९० टन ६० किलो कचरा गोळा करण्यात आला.

पुणे महानगरपालिकेने स्वच्छता अभियान यशस्वी करणेसाठी केलेले सहकार्य अत्यंत मोलाचे आहे असे सांगून प्रतिष्ठानने पुणे महानगरपालिकेच्या सर्व अधिकारी व कर्मचाऱ्यांचे आभार मानले.