पुणे-राष्ट्रवादी कॉंग्रेसने आज केंद्रीय मंत्री स्मृती इराणी यांना वाढत्या महागाईचा जाब विचारायला जबरदस्त आंदोलने शहरात केली . पहिलेच आंदोल जिथे स्मृती इराणी यांचा कार्यक्रम सुरु होता त्या जे डब्ल्यू हॉटेल च्या प्रवेश दारातच झाला राष्ट्रवादीचे सारेच आक्रमक चेहरे येथे पोहोचल्याने कार्यकर्त्यांनी मोठी गर्दी केली पण दरवाजात या सर्वांना पोलिसांनी अडवून ताब्यात घ्यायला सुरुवात केली. यावेळी पोलीसानाचा निषेध नेत्यांनी केला .हे आंदोलन सुरू असताना राष्ट्रवादी काँग्रेस पार्टीच्या १०० ते १५० कार्यकर्त्यांना पोलिसांनी ताब्यात घेतले.या प्रसंगी शहराध्यक्ष प्रशांत जगताप, जेष्ठनेंते अंकुश काकडे,वैशाली नागवडे,प्रदीप देशमुख,बाळासाहेब बोडके,निलेश निकम, किशोर कांबळे,मृणालिनी वाणी,रुपाली पाटील,उदय महाले,गणेश नलावडे,विक्रम जाधव,मानली भिलारे,राजू साने, कार्तिक थोटे , अनिता पवार,वैशाली थोपटे आदींसह मोठ्या संख्येने पदाधिकारी व कार्यकर्ते उपस्थित होते.

शहराध्यक्ष प्रशांत जगताप म्हणाले कि,’२०१४ साली अवघ्या ५ रुपयांनी गॅस सिलेंडरची किंमत वाढून ३६५ रुपये झाल्याने रस्त्यावर उतरून निदर्शने करणाऱ्या परंतु आज भाजप सरकारच्या काळात तब्बल १००२ रुपये गॅस सिलेंडर होऊन देखील चकार शब्द देखील न काढणाऱ्या केंद्रीय मंत्री स्मृती इराणी यांच्या विरोधात राष्ट्रवादी काँग्रेस पार्टीच्यावतीने सेनापती बापट रोड येथे आंदोलन घेण्यात आले.
स्मृती इराणी आज एका पुस्तक प्रदर्शनासाठी पुणे शहरात आल्या असता पुणे शहर राष्ट्रवादी काँग्रेस पार्टीच्या कार्यकर्त्यांनी त्यांच्या मार्गावर काळे झेंडे दाखवत , घोषणा देत स्मृती इराणी यांचा निषेध केला. याप्रसंगी ” महागाई ची राणी, स्मृती इराणी” , ” स्मृती भाभी जवाब दो” , ” बहुत हुई महागाई की मार,चले जाओ मोदी सरकार” या घोषणांनी संपूर्ण परिसर दणाणून सोडला होता.
याप्रसंगी बोलतांना शहराध्यक्ष .प्रशांत जगताप म्हणाले की,”देशातील प्रत्येक कुटुंब महागाईच्या झळा सोसत असताना केंद्रातील मोदी सरकार मात्र याची दखल घेत दिलासा देण्यास तयार नाही.अश्या परिस्थितीमध्ये ज्या अभिनेत्री स्मृती इराणी यांच्या महागाई विरोधी अभिनयावर विश्वास ठेवत ज्या सर्वसामान्य नागरिकांनी २०१४ मध्ये भाजपला मतदान केले त्या नागरिकांना स्मृती इराणी यांच्याकडून खूप मोठ्या अपेक्षा होत्या परंतु गेल्या ७ वर्षात गॅस सिलेंडरची किंमत ३६५ वरून तब्बल १००२ वर गेल्याने नागरिकांचा मोदी सरकार वर रोष असल्याचे आजच्या आंदोलनात पाहायला मिळत आहे.२०१४ साली याच भाजपने तत्कालीन पंतप्रधानांना महागाई साठी दोषी ठरवत बांगड्या पाठवल्या होत्या आज मात्र तत्कलिन परिस्थिती पेक्षा कितीतरी जास्त महागाई झाल्याने आजच्या पंतप्रधानांना देखील तीच भेट देण्याची वेळ आली आहे.”

पुणे :राष्ट्रवादी काँग्रेसच्या अर्बन सेलच्या वतीने आयोजित नदी सुधार योजना विषयावरील चर्चासत्राला सोमवारी चांगला प्रतिसाद मिळाला. पालिकेचे अधिकारी, सल्लागार,पर्यावरणप्रेमी नागरिक, संस्थांनी या चर्चासत्रात मते मांडली. शहराला प्रदूषणामुळे नदीकडे पाठ फिरवावी लागू नये,नदी सुधार म्हणजे पोरखेळ होऊ नये , असा सूर चर्चासत्रात उमटला.
पुणे पालिकेतर्फे  प्रकल्प अधीक्षक अभियंता युवराज जगताप यांनी नदी सुधार योजनेचे सादरीकरण केले.  प्रकल्पाचे सल्लागार गणेश आहिरे ( अहमदाबाद ) , पर्यावरणप्रेमी कार्यकर्ते सारंग यादवाडकर यांनी सादरीकरणे केली.
तज्ज्ञांची मते लक्षात घ्या : खा. वंदना चव्हाण

संयोजक खा. वंदना चव्हाण म्हणाल्या, ‘ पुण्याची नदी जीवित राहिली पाहिजे. प्रदूषित होता कामा नये.मल: निस्सारण योजना शंभर टक्के क्षमतेने चालू नाहीत. नागरिक म्हणून आपल्या पालिकेकडे अपेक्षा आहेत. नागरिक म्हणून आम्ही पालिकेला सहकार्य करायला तयार आहोत. स्वयंसेवी संस्था, तज्ज्ञांची मते पालिकेने विचारात घेतले पाहिजे. लोकसहभाग आवश्यक आहे. स्वयंसेवी संस्था विरुद्ध पालिका असे चित्र उभे राहता कामा नये.
जायका योजनेतून पाणी स्वच्छ झाले पाहिजे. पण, धरणांच्या कडेच्या गावातून प्रदूषित पाणी मिसळले जात आहे. नदीकडे पाठ करावी लागता कामा नये. नदी सुधार योजनेनंतर पुराची स्थिती येता कामा नये.पूररेषा वाढलेली आहे, पण नकाशात ती रेषा आत आलेली दिसते.नीलेश नवलखा यांना सूत्रसंचालन केले.नितीन कदम यांनी तुळशीची रोपे देऊन  स्वागत केले.गोपाळ तिवारी यांनी आभार मानले
सभागृहात प्रशांत जगताप,  राजलक्ष्मी भोसले, अभय छाजेड,उज्ज्वल केसकर,गोपाळ तिवारी, आमदार सुनील टिंगरे,दीपाली धुमाळ, नीता परदेशी, प्रशांत बधे,विवेक वेलणकर, नरेंद्र चुघ, शिवा मंत्री, डॉ. सतीश देसाई, डॉ. सुनील जगताप, अश्वीनी कदम, मीनल सरवदे , नंदा लोणकर, शिवसेनेचे डॉ. अमोल देवळेकर, मनसेचे योगेश खैरे, संतोष पाटील, पालिकेचे अधिकारी मंगेश दिघे   उपस्थित होते.
पुणे पालिकेचे प्रकल्प अधीक्षक अभियंता युवराज देशमुख म्हणाले,नदी सुधार योजना आणि जायकाचा नदी शुध्दीकरण प्रकल्प एकाच वेळी सुरू होत आहे.
नदीचे पाणी स्वच्छ करण्यासाठी भगीरथ प्रयत्न करावे लागणार आहेत. मलः निस्सारण प्रकल्प तपासावे लागणार आहेत. नदी सुधार योजनेत वेगवेगळे शास्त्रीय सर्वेक्षणे करताना नागरिकांची मतेही नोंदवली आहेत. या प्रकल्पाला पर्यावरण खात्याची परवानगी आहे.
पालिका स्वयंसेवी संस्थांना उत्तरदायी राहण्याचा प्रयत्न करीत आले आहे.
नदी सुधार प्रकल्प हा पुनरुज्जीवनाचा प्रकल्प : सल्लागार गणेश अहिरे

नदी सुधार योजनेचे सल्लागार गणेश अहिरे  (अहमदाबाद )म्हणाले, ‘ शहरीकरणामुळे नदीवर परिणाम होत आहे. प्रदूषित नदी पूर्ववत करायला खूप प्रयत्न करावे लागणार आहे. शहरात ४४ किलोमीटरची नदी आहे.कचरा, प्रदूषित पाण्यापासून नदी वाचवण्याचा प्रयत्न  सुधार योजनेत केला जाणार आहे. पुराचा धोका कमी केला जाणार आहे. नागरिकांना फिरता येईल अशा जागा असणार आहेत.व्यावसायिक बांधकामे नसतील.
परिसंस्था, जैवविविधता  जपण्याचा प्रयत्न होणार आहे. हा सर्वंकष, परिपूर्ण असा नदी पुनरूज्जीवनाचा प्रकल्प ७६८ हेक्टरवर असणार आहे. जुने घाट, मंदिरे, वारसा स्थळे जपले जाणार आहेत
आपल्या अस्तित्वासाठी नदी जपा   : सारंग यादवाडकर

सारंग यादवाडकर म्हणाले, ‘ गुजरातचे दौरे गुप्तपणे झालेत ,प्रकल्पाचे टेंडर निघाले आहे. तरी पालिकेचे अधिकारी सल्लागाराच्या खांद्यावर बंदूक ठेऊन काम करत आहे. पुणे हे पूरप्रवण शहर आहे. एक दोन तासात पुराचा फटका बसून जातो. प्रश्न आपल्या अस्तित्वाचा आहे. नदी प्रदूषणाचा दुष्परिणाम उजनीकाठच्या लोकांना, जनावरांना भोगावे लागत आहेत. नदी सुधार योजनेनंतरही प्रक्रिया न केलेले प्रदूषित पाणी नदीत मोठया प्रमाणात येणार आहेत. आताचे चार पूल पाडल्यावर दैनंदिन जीवन नीट चालेल का?७ पूल उंचावण्याचे तंत्र आपल्याकडे आहे का ?
ढगफूटी, अतीवृष्टीच्या वाढणाऱ्या पुराचा विचार या नदी सुधार प्रकल्पात करण्यात आलेला नाही. या प्रकल्पानंतरही पूर पातळी ५  ते १७ फुटाने वाढणार आहे. या प्रकल्प आरेखनात गंभीर चुका आहेत. कृत्रिम भरावामुळे वहनक्षमता धोक्यात येणार आहे, ज्याचे गंभीर परिणाम होणार आहेत.
हायड्रोलिक स्टडी चुकीचा आहे.पर्यावरण परवानगी मिळणे धक्कादायक आहे. नदीत काँक्रिटायझेशन व्हायला  नको.नद्या कशा  हव्यात, हे नागरिकांनी ठरवायला हवे, ते शास्त्रीय पध्दतीने व्हायला हवे.

पुणे दि.१६- डाळिंब फळावरील खोड भुंगेरा नियंत्रणासाठी कृषि विभागाने विशेष प्रयत्न करावे. यामुळे होणारे शेतकऱ्यांचे नुकसान टाळणे अत्यंत गरजेचे आहे. त्यासोबत शेतकऱ्यांना दर्जेदार बियाणे मिळावे याकडे लक्ष द्यावे, असे प्रतिपादन राज्याचे उपमुख्यमंत्री अजित पवार यांनी केले.

विधान भवन येथे आयोजित पुणे विभागीय खरीप हंगाम-2022 पूर्वतयारी आढावा बैठकीत ते बोलत होते. बैठकीस कृषिमंत्री दादाजी भुसे, सहकार मंत्री बाळासाहेब पाटील, राज्यमंत्री डॉ.विश्वजित कदम, राज्यमंत्री दत्तात्रय भरणे, कृषि विभागाचे प्रधान सचिव एकनाथ डवले, विभागीय आयुक्त सौरभ राव, कृषी आयुक्त धीरज कुमार आदी उपस्थित होते.

उपमुख्यमंत्री श्री.पवार म्हणाले,ऊस खोडवा व पाचट व्यवस्थापनाबाबत शेतकऱ्यांना मार्गदर्शन करण्यात यावे. या कार्यक्रमाला गती देण्यासाठी सहकार विभागानेही पुढाकार घ्यावा. ‘विकेल ते पिकेल’ योजनेअंतर्गत मागणी असलेल्या पिकांना प्रोत्साहन द्यावे. बीडच्या धर्तीवर पीक विमा योजना राबविण्यासाठी केंद्र सरकारला विनंती करण्यात आली आहे. पीक विमा योजनेबाबत शेतकऱ्यांना फायद्याचा निर्णय घेण्यात येईल, यासाठी याच आठवड्यात बैठक आयोजित करण्यात येईल.

केंद्र सरकारच्या फलोत्पादन योजनेअंतर्गत मिळणाऱ्या निधीचा पुर्ण उपयोग करावा. शेतकऱ्यांना गरजेप्रमाणे खते, बियाणे मिळतील, याची दक्षता घ्यावी, यासाठी गुणनियंत्रण पथकाने दक्ष रहावे, असे निर्देशही उपमुख्यमंत्री पवार यांनी दिले.

जिल्हा परिषदेमार्फत उपयुक्त योजना राबवा

जिल्हा परिषदेमार्फत विविध योजना राबविताना शासनाच्या निधीचा विनियोग योग्य कारणासाठी होईल याची दक्षता घ्यावी. शैक्षणिक सुधारांच्या कामांवर आणि उपक्रमांवर विशेष लक्ष द्यावे. मुख्य कार्यकारी अधिकारी यांनी याविषयीचा आढावा घ्यावा. बिरसा मुंडा कृषि क्रांती योजना आणि डॉ.बाबासाहेब आंबेडकर कृषि स्वावलंबन योजनेचा मागील वर्षीचा अखर्चित निधी वापरण्याच्या अनुमतीबाबत विचार करण्यात येईल असे त्यांनी सांगितले.

श्री. भुसे म्हणाले, बाजारात कुळीथसारख्या पिकांना चांगली मागणी आहे. अशा पिकांना ‘विकेल ते पिकेल’ अभियान अंतर्गत प्रोत्साहन देण्यात येत आहे. शेतकऱ्यांना या पिकांमुळे  चांगले उत्पन्न मिळू शकेल. डाळिंबावरील कीड नियंत्रणासाठी विशेष कार्यक्रमाची आखणी करण्यात येत आहे. विभागात साडे तेरा लाख हेक्टर खरिपाचे क्षेत्र आहे. या क्षेत्रासाठी खत आणि बियाणांचे सर्व नियोजन करण्यात आले आहे. ऊसाचे जास्तीत जास्त क्षेत्र ठिबक सिंचनाखाली आणण्याचा प्रयत्न करावा. गुणवत्ता नियंत्रण पथकाने विशेष दक्षता बाळगावी अशा सूचना त्यांनी केल्या.

केंद्रालाही खत वेळेवर उपलब्ध करून देण्याची विनंती करण्यात आली आहे. कृषि आयुक्त पातळीवर याबाबतच्या अडचणी दूर करण्यासाठी नियंत्रण कक्ष स्थापन करण्यात आला आहे. कृषि अधिकाऱ्यांनी डोंगराळ भागात प्राधान्याने खत व बियाणे पोहोचविण्यासाठी प्रयत्न करावे. शेतकऱ्यांना ७-८ बियाणांचे किट देण्याचा प्रयत्न आहे. जिल्हास्तरावर ते शेतकऱ्यांना उपलब्ध करून द्यावे. कृषि विभागाने ५० टक्के महिला शेतकऱ्यांना योजनांचा लाभ देण्याचा निर्णय घेतला असल्याने महसूल विभागाने अधिकाधिक महिलांचे नाव सातबाऱ्यावर लावले जाईल यासाठी मोहीम स्तरावर प्रयत्न करावे,असे आवाहन श्री.भुसे यांनी केले.

बैठकीला पुणे विभागातील जिल्हाधिकारी, मुख्य कार्यकारी अधिकारी, राज्यातील कृषि संचालक आणि विभागातील कृषि विभागातील  अधिकारी उपस्थित होते.

यावेळी सिंगल सुपर फॉस्फेट खतविषयक जनजागृतीसाठी तयार करण्यात आलेल्या भित्तीपत्रकाचे प्रकाशन करण्यात आले.

यावेळी सदारीकरणाद्वारे खरीप हंगाम २०२२-२३ साठी करण्यात आलेल्या नियोजनाची माहिती देण्यात आली. पुणे विभागात ३१ हजार ३७० मे.टन खतांचे नियोजन करण्यात आले असून १४ हजार ३६६ मे.टन साठा संरक्षित करण्यात आला आहे. ४९ हजार ४२७ क्विंटल बियाणांचा पुरवठा करण्यात आला आहे. यावर्षी ६४ भरारी पथके स्थापन करण्यात आले असून ६९ तक्रार नियंत्रण केंद्र स्थापित करण्यात आले आहे. चांगले काम करणाऱ्या शेतकऱ्यांची रिसोर्स बँक तयार करण्यात आली असून ११७७ शेतकऱ्यांचा यात समावेश करण्यात आला आहे. विभागात खरीप पीक कर्जासाठी १० हजार २०२ कोटींचा लक्षांक ठेवण्यात आला  असल्याची माहिती यावेळी देण्यात आली.

पुणे दि.१६: गृहमंत्री दिलीप वळसे पाटील यांच्या हस्ते शिरूर तालुक्यात करंदी येथील जिल्हा परिषद प्राथमिक शाळेच्या वर्गखोल्यांचे उद्घाटन करण्यात आले. शिरूर तालुक्यातील गावातील विकासकामासाठी निधी कमी पडू देणार नाही, अशी ग्वाही श्री. वळसे पाटील यांनी यावेळी दिली.

श्री.वळसे पाटील यांच्या हस्ते शिरूर तालुक्यातील विविध गावांत विकासकामांची उद्घाटने करण्यात आली. यावेळी आमदार अशोक पवार, माजी आमदार पोपटराव गावडे, सरपंच सुभद्रा ढोकले, उपसरपंच बबन ढोकले आदी उपस्थित होते.

गृहमंत्री वळसे पाटील म्हणाले, आंबेगाव व शिरूर तालुक्यातील गावांमध्ये बंधाऱ्याची कामे गतीने हाती घेण्यात येतील. नवीन बंधाऱ्यांसाठी भरीव निधीची तरतूद करण्यात आली आहे. धामारी गावातील सभामंडपासाठीही आर्थिक तरतूद करण्यात आली असून विविध विकास कामांसाठीही निधीची तरतूद करण्यात आली असल्याचे त्यांनी सांगितले.

सर्वसामान्य नागरिक केंद्रस्थानी ठेवत शासनाचे काम सुरू  आहे. आपल्या गावचा सर्वांगिण विकास झाला पाहीजे, यासाठी ग्रामस्थांचा पुढाकार अत्यंत महत्वाचा ठरणार आहे. गावातील विकासकामासाठी निधी कमी पडू देणार नसल्याचेही ते म्हणाले.

पुणे दि. १६: पर्यटन राज्यमंत्री कु.आदिती तटकरे यांच्या हस्ते देहू येथे श्री संत तुकाराम महाराज संस्थान श्री क्षेत्र देहू व शरद क्रीडा व सांस्कृतिक प्रतिष्ठान  पुणे यांच्या संयुक्त विद्यमाने कमलाबाई रसिकलाल धारिवाल यांच्या स्मरणार्थ उभारण्यात आलेल्या अत्याधुनिक आरओ प्रकल्पयुक्त पाणपोई व जगद्गुरु तुकोबारायांच्या थेट डिजिटल दर्शन सेवेचा शुभारंभ  करण्यात आला.

  यावेळी आमदार सुनील  शेळके, उद्योगपती दिना धारिवाल, प्रकाश धारिवाल, श्री संत तुकाराम महाराज संस्थान देहूचे अध्यक्ष नितिन महाराज मोरे, शरद क्रीडा व सांस्कृतिक प्रतिष्ठानचे अध्यक्ष लक्ष्मीकांत मोहनलाल खाबिया, उपाध्यक्ष नंदकुमार बंड, विश्वस्त संदीप राक्षे, स्मिता चव्हाण व देहूचे ग्रामस्थ उपस्थित होते.

         राज्यमंत्री कु. तटकरे म्हणाल्या, एलईडी पटलाच्या माध्यमातून भाविकांना  जगद्गुरू संत श्री तुकाराम महाराजांचे  दर्शन घेता येईल.  कोरोनाच्या संसर्गामुळे गेल्या दोन वर्षात आषाढी पालखी सोहळा  झाला नव्हता. यंदा मोठ्या प्रमाणात वारकरी पंढरीच्या वारीत सहभागी होण्याची शक्यता आहे. गर्दीमुळे सर्वच भाविकांना दर्शन घेता येत नाही. त्यामुळे नवी सुविधा उपयुक्त ठरेल. पाणपोईच्या माध्यमातून भाविकांना शुद्ध आणि स्वच्छ पाणी पुरेशा प्रमाणात मिळू शकेल. अशी सेवा देणे कौतुकास्पद असल्याचे त्यांनी सांगितले.

         संत तुकाराम महाराजांचे शिल्प इंद्रायणी नदीत उभे करण्यासाठी प्रयत्न करणार असून त्यासाठी  आवश्यक  प्रस्ताव सादर करण्यात यावा. भाविकांची वाढती संख्या पाहून भाविकांसाठी आवश्यक सोयीसुविधा उपलब्ध करून देणे गरजेचे असल्याचेही त्या म्हणाल्या.

             आमदार शेळके  यांनीदेखील यावेळी मनोगत व्यक्त केले.

पुणे : “अहिल्याबाई होळकरांनी राज्य राखले, राणी लक्ष्मीबाई स्वबळावर लढल्या. या सन्मानित महिला या आपल्या आयुष्यात अहिल्याबाई, राणी लक्ष्मीबाईचेच रूप आहेत. प्रत्येक स्त्रीमध्ये एक रणरागिणी दडलेली असतेच,” असे मत निवृत्त जिल्हा न्यायाधीश दिलीप देशमुख यांनी व्यक्त केले.
परिस्थितीशी दोन हात करणाऱ्या तेजस्विनीना वंचित विकास संचालित अभया मैत्रिगटाच्या वतीने अभया सन्मानाने गौरविण्यात आले. ज्येष्ठ अभिनेत्री लीला गांधी, जयमाला इनामदार, लर्निंग लिंक्स फाउंडेशनच्या स्वाती दुधाले, वंचित विकासचे अध्यक्ष विजयकुमार मर्लेचा, उपाध्यक्ष तानाजी गायकवाड, संचालिका मीना कुर्लेकर, सुनीता जोगळेकर, देवयानी गोंगले, मीनाक्षी नवले, माया भांगे उपस्थित होते.
अर्चना धडे, दिपा पांडे, मनीषा पांढरे, सुनीता शहा, शोभा चितळे, वनमाला भिसे, प्रभा शिवणेकर यांचा सन्मान करण्यात आला. तसेच कोरोना काळात लढवय्या वृत्तीने परिस्थितीशी सामना करत उद्योजकता प्रशिक्षण पूर्ण केलेल्या महिलांना प्रमाणपत्र वितरण करण्यात आले. 
दिलीप देशमुख म्हणाले, “पुणे संकल्पनांचे शहर आहे. इथे नवनवीन संकल्पना घेऊन लोक पुढे येतात आणि त्या तडीस नेतात. अशा लढवय्या महिलांवर पुस्तक काढायला हवे. प्रत्येक महिलेचा प्रवास प्रेरणादायी आहे. वंचित विकास संस्थेचा हा उपक्रम महिलांना सन्मानाने जगण्याची दिशा दाखवणारा आहे.”

स्वाती दुधाले म्हणाल्या, “पुणे आणि परिसरातील महिलांसाठी उद्योजिका प्रशिक्षण कार्यक्रम राबवत आहे. महिला सक्षमीकरणात ती आर्थिकदृष्ट्या स्वावलंबी होणे महत्वाचे असते. महिलांनी आर्थिक व्यवस्थापन व खंबीर मानसिकतेच्या जोरावर स्वतःच्या पायावर उभे राहिले पाहिजे.”

पुरस्काराला उत्तर देताना शोभा चितळे म्हणाले, “हा पुरस्कार माझ्यासारख्या पीडित बंधू-भगिनींना समर्पित करते. समाजमनात प्रबोधन करण्याची खूप गरज आहे.” देवयानी गोंगले यांनी सूत्रसंचालन व आभार मानले.

केंद्रीय मंत्री स्मृती इराणी यांच्या कार्यक्रम स्थळा समोर लोकशाही मार्गाने निदर्शने

पुणे- बालगंधर्व रंग मंदिरात केंद्रीय मंत्री स्मृती इराणी आल्या असताना याच चौकात कॉंग्रेसचे रमेश बागवे आणि मोहन जोशी यांच्या नेतृत्वाखाली जोरदार पण लोकशाही मार्गाने निदर्शने करण्यात आली . तिरडी आंदोलन प्रसंगी पत्रकारांशी बोलतांना पुणे शहर जिल्हा काँग्रेसचे अध्यक्ष रमेश बागवे म्हणाले, “ज्या पद्धतीने आमच्या महिला कार्यकर्त्यांना अटक केले आहे ते निषेधार्ह आहे. लोकांच्या भावना व प्रश्न ऐकून न घेता मोदी सरकार पोलिसांच्या मदतीने दडपून टाकू पाहत आहे. पण जन भावना अशी दडपली जाणार नाही तर ती आणखी भडकेल तेव्हा सरकारने वेळीच शहाणे व्हावे आणि महागाई विरोधात तातडीने पावले उचलावीत “

महिला काँग्रेसच्या अध्यक्षा व कार्यकर्त्यांना पोलिसांनी केल्याच्या अटकेचा निषेध करताना महाराष्ट्र प्रदेश काँग्रेसचे उपाध्यक्ष मोहन जोशी म्हणाले, “केंद्र सरकारची ही दडपशाही निषेधार्ह असून याविरोधात काँग्रेस पक्ष गल्ली ते दिल्लीपर्यंत आवाज उठवेल. यापुढे लोकांचे प्रश्न घेऊन काँग्रेस लोकांची आवाज बनून मोदी सरकारला धडा शिकवेल. मोदी सरकार जनतेचा आवाज दाबून राज्य करु पाहत आहे.”यावेळी पुणे शहर महिला काँग्रेस, पुणे शहर जिल्हा काँग्रेस, महाराष्ट्र प्रदेश काँग्रेस कमिटीचे कार्यकर्ते व पदाधिकारी मोठ्या संख्येने उपस्थित होते.

आज सकाळी १२.०० वाजता JW मेरियट हॉटेल येथे पुणे शहर महिला काँग्रेस कमिटीच्या वतीने केंद्रीय मंत्री स्मृती इराणी यांना देशातील वाढती महागाई, घरगुती गॅसचे वाढलेले दर यामुळे त्रस्त झालेल्या नागरिकांच्या भावना केंद्र सरकार पर्यंत पोहचविण्यासाठी चूल व देश चालविण्यासाठी पंतप्रधान मोदी अयशस्वी असल्याने स्मृती ईराणी यांच्या मार्फत त्यांना बांगड्या भेट म्हणून देण्यासाठी गेलेल्या पुणे शहर महिला काँग्रेसच्या अध्यक्षा सौ. पूजा आनंद यांच्यासह महिला काँग्रेसच्या कार्यकर्त्यांना पुणे पोलिसांनी ताब्यात घेतले.

जवळपास ५ तास डिटेन केल्यानंतर पोलिसांकडून पुणे शहर महिला काँग्रेसच्या अध्यक्षा सौ. पूजा मनिष आनंद व कार्यकर्त्यांना सोडून दिले. त्यानंतर पुणे शहर महिला काँग्रेस व पुणे शहर जिल्हा काँग्रेसच्या पदाधिकाऱ्यांनी अतिशय जोमाने सायंकाळी ४.३० वाजल्यापासून सायंकाळी ७ वाजेपर्यंत बालगंधर्व रंगमंदिरासमोर तिरडीवर गॅस बांधून गॅसची तिरडी यात्रा काढली. यावेळी काँग्रेस कार्यकर्त्यांनी संतप्त प्रतिक्रिया व घोषणा दिल्या. यावेळी केंद्र सरकारच्या विरोधात व स्मृती इराणी यांच्या विरोधात ‘हाय, हाय महंगाई मोदीजीने लाई!, जबसे भाजपा सत्ता में है आयी, कमरतोड महंगाई लायी।, क्योकि गॅस भी कभी सस्ती थी,स्मृती जी याद हैं ना?, हम सब एक है नरेंद्र मोदी फेक है अशा प्रकारच्या घोषणा मोठ्या प्रमाणात देण्यात आल्या.

यावेळी बोलतांना पुणे शहर महिला काँग्रेसच्या अध्यक्ष सौ.पूजा आनंद म्हणाल्या, “देशातील महागाईच्या विरोधात लढताना व जनतेचे प्रश्नांवर काम करतांना पोलिसांनी अशा प्रकारे ताब्यात घेणे निषेधार्ह आहे. गांधीजींच्या सत्याग्रहाच्या धोरणानुसार आम्ही महागाई, बेरोजगारी, भ्रष्टाचाराच्या विरोधात आम्ही जनतेच्या प्रश्नांवर लढत राहू. यासाठी पोलिसांनी आम्हाला शंभरवेळा जरी अटक केले तरी आम्ही तयार आहोत. लोकशाहीमार्गाने व गांधीजींच्या सत्याग्रहाद्वारे, जनतेला सोबत घेवून मोदी सरकारची हुकूमशाही आम्ही मोडून काढू.”

पुणे- केंद्रीय मंत्री स्मृती इराणी यांच्या पुणे दौऱ्यात सेनापती बापट रस्त्यावरील हॉटेल जे डब्लू मेरीयट येथे उतरल्याचे समजताच येथे महागाई विरोधात आंदोलन करणाऱ्या आक्रमक कार्यकर्त्यांनी धडक तर दिली मात्र त्यांना हॉटेल मध्ये घुसू न देता पुणे पोलिसांनी चोख कामगिरी बजावली .यातील अनेकांना पोलीस गाडीत बसवून ताब्यात घेऊन नेण्यात आले तर अनेक जणानां आपापले माघारी जावे लागले . या दरम्यान पोलीस दडपशाही करतात असा आरोप करत या कार्यकर्त्यांनी पोलिसांचाही निषेध चालविला होता. अंकुश काकडे , प्रदीप देशमुख, प्रशांत जगताप ,रुपाली पाटील आणि राष्ट्रवादीच्या आक्रमक कार्यकर्त्यांची प्रचंड मोठी फौज येथे धडकली . महागाईच्या विरोधात प्रचंड नारेबाजी झाली , राष्ट्रवादीचे झेंडे फडकविण्यात येत होते, घरगुती गैस सिलेंडर च्या प्रतीमा हाथी होत्या पण हि सारी नारेबाजी होत असताना पोलिसांनी अगदी सूत्रबद्ध पणे थोडा वेळ यांना नारेबाजी करत येथे रोखून धरले आणि नंतर ताब्यात घेऊन गाडीत बसवून घेऊन गेले.

हा उपक्रम भारतातील ८००० क्लिनिक्समधे ९ भाषांत उपलब्ध करत १ कोटी स्त्रियांपर्यंत पोहोचण्याचे ध्येय

पुणे, १० मे २०२२– स्त्रियांच्या रक्तक्षय, स्तनपान आणि मासिकपाळी यांसारख्या आरोग्यविषयक समस्यांबद्दल जागरूकता वाढवण्यासाठी औषध उत्पादन क्षेत्रातील प्रमुख कंपनी एमक्युअर फार्मास्युटिकल्सने एमवोकल हा उपक्रम लाँच केला आहे. हा उपक्रम फेडरेशन ऑफ ओबेस्टेस्ट्रिक्स अँड गायनॅकॉलिजिस्ट ऑफ इंडिया (एफओजीएसआय) यांच्या सहकार्याने लाँच करण्यात आला आहे. ऑग्युमेंटेड रिअलिटी (एआर) आणि वैयक्तिक डिजिटल असिस्टंट यांसारख्या आधुनिक तंत्रज्ञानाच्या मदतीने या उपक्रमाने भारतातील १ कोटी स्त्रियांपर्यंत पोहोचण्याचे ध्येय ठेवले आहे. एमवोकल कॅम्पेन नऊ भारतीय भाषांमध्ये (हिंदी, इंग्रजी, ओरिया, मराठी, तमिळ, तेलुगु, कन्नड, मल्याळम आणि बंगाली) उपलब्ध केले जाईल.

एमवोकल कॅम्पेनअंतर्गत विविध हॉस्पिटल्स व दवाखान्यांतील वेटिंग एरियामध्ये क्यूआर कोड दर्शवणारे स्मार्ट किऑस्क बसवले जातील. यामुळे डॉक्टरांना भेटण्यापूर्वीच्या दीर्घ प्रतीक्षा काळाचा वापर रुग्णांना माहिती मिळवण्यासाठी करता येईल. हा क्यूआर कोड स्कॅन करणाऱ्या स्त्रियांना ऑग्युमेंटेड रिअलिटी (एआर) व्हिडिओज पाहायला मिळतील. वारंवार विचारले जाणारे प्रश्न आणि वैयक्तिक डिजिटल असिस्टंटचाही त्यात समावेश असेल. रुग्णांना त्यांचे मूलभूत आरोग्य व जीवनशैलीशी संबंधित डिजिटल संवादात भाग घेण्याची विचारणाही केली जाईल. एआर जर्नीदरम्यान वैयक्तिक आरोग्य असिस्टंटतर्फे दिल्या जाणाऱ्या प्रोत्साहनामुळे रुग्णांना त्यांच्या समस्या डॉक्टरांना सांगण्यास मदत होईल तसेच डॉक्टरांनी योग्य माहिती असलेले रुग्ण मिळतील.

भारताच्या पाचव्या नॅशनल फॅमिली हेल्थ सर्व्हेनुसार (२०१९-२०२१) १५ ते १९ वर्ष वयोगटातील स्त्रियांमध्ये रक्तक्षयाचे प्रमाण तब्बल ५९.१ टक्के असून ४९ वर्ष वयापर्यंतच्या गर्भवती स्त्रियांमध्ये हेच प्रमाण ५२.२ टक्के आहे. डिजिटल पातळीवर उपलब्ध असलेली माहिती आणि माहितीपर व्हिडिओज यांच्या मदतीने एमवोकल कॅम्पेन रक्तक्षयाबद्दल जागरूकता निर्माण करेल आणि स्त्रियांना त्यावर उपाययोजना करण्यासाठी प्रोत्साहन देईल. स्तनपानांच्या फायद्यांविषयी मोठ्या प्रमाणावर चर्चा केली जात असली, तरी एमवोकल कॅम्पेन स्त्रियांच्या आरोग्यासाठी त्याचे महत्त्व आणि लाभ समजून घेण्यास त्यांना मदत करेल. एमवोकलतर्फे जागरूकता निर्माण केल्या जात असलेल्या विषयांमध्ये मासिक पाळीचे आरोग्य तिसऱ्या क्रमांकावर आहे. आजही भारतात मासिक पाळी हा विषय निषिद्ध मानला जातो आणि त्याविषयी असलेले विविध गैरसमज बदलणं गरजेचं आहे.

एमक्युअर फार्मास्युटिकल्सच्या भारतातील व्यवसायाचे अध्यक्ष प्रतीन वेते म्हणाले, ‘स्त्रियांच्या आरोग्याशी संबंधित विविध समस्यांवर बोलणे आजही निषिद्ध मानले जाते. यामुळे जागरूकतेचा अभाव तयार होतो आणि पर्यायाने बहुतांश स्त्रियांच्या आरोग्यावर दुष्परिणाम होतो. एमवोकलसारखा अत्यावश्यक उपक्रम लाँच करत स्त्रियांना आपल्या आरोग्याच्या समस्या हाताळण्यासाठी सहजपणे व वैद्यकीयदृष्ट्या तपासण्यात आलेली माहिती उपलब्ध करून देताना समाधान वाटत आहे. या उपक्रमाची सर्वात चांगली बाजू म्हणजे, ही माहिती स्त्रियांच्या वैयक्तिक गरजेशी संबंधित असते आणि त्यांना डॉक्टरांशी महत्त्वाच्या मुदद्यावर चर्चा करण्याबाबत मार्गदर्शन केले जाते. ’

एमक्युअर फार्मास्युटिकल्सच्या कार्यकारी संचालक श्रीमती नमिता थापर स्त्रियांचे आरोग्य व त्याच्याशी संबंधित शिक्षण क्षेत्रात हिरीरीने काम करत असून त्यांनी एमक्युअरच्या यासंदर्भातील प्रयत्नांना दिशा दिली आहे. स्त्रियांच्या आरोग्यवर आधारित त्यांनी युट्यूबवर सुरू केलेल्या ‘अनकंडिशन युअरसेल्फ विथ नमिता’ या अशाप्रकारच्या पहिल्याच टॉक शो ला इंटरनेटवर चांगला प्रतिसाद मिळाला. या शोमध्ये त्या रुग्ण, डॉक्टर्स आणि तज्ज्ञांशी स्त्रियांच्या आरोग्यविषयक समस्यांबद्दल संवाद साधतात.

स्त्रियांच्या आरोग्याविषयीचा संवाद सुरू ठेवत एमक्युअरने तयार केलेल्या इंडियन वुमन्स हेल्थ रिपोर्ट २०२१ नुसार ८४ टक्के नोकरदार स्त्रियांना मासिक पाळीच्या दरम्यान रूढी- परंपरांचा सामना करावा लागला असून त्यांना पवित्र ठिकाणी जाण्यास मनाई करण्यात आल्याचे नमूद करण्यात आले आहे. ६७ टक्के स्त्रियांनी आजही भारतीय समाजात त्यांच्या आरोग्याविषयी बोलणे निषिद्ध असल्याचे सांगितले.

एमक्युअर फार्मास्युटिकल्सच्या वितरण आणि पोर्टफोलिओ धोरण विभागाचे वरिष्ठ संचालक सौरभ गंभीर म्हणाले, ‘स्त्रियांना त्यांच्या आरोग्याच्या अडचणींबद्दल बोलताना अवघडल्यासारखे वाटत असल्यामुळे आम्ही त्यांना सक्षम करण्यासाठी एमवोकल चळवळ सुरू केली. याद्वारे त्यांना आपल्या आरोग्याला प्राधान्य देण्यासाठी आवश्यक माहिती व प्रोत्साहन दिले जाणार आहे. विकसनशील अर्थव्यवस्था या नात्याने आपण स्त्रियांच्या आरोग्यविषयक समस्यांना प्राधान्य देणे आणि त्याविषयीचा संवाद मुख्य प्रवाहात घडवून आणणे आवश्यक आहे.’