पुणे, 26 मे 2022: ओम दळवी मेमोरियल ट्रस्ट यांच्या तर्फे आयोजित मित्तल ब्रदर्स व हेड इक्विपमेंट प्रायोजित व एमएसएलटीए आणि एआयटीए यांच्या मान्यतेखाली होत असलेल्या ओम दळवी मेमोरियल वनप्लेस करंडक चॅम्पियनशीप सिरीज 12 वर्षांखालील राष्ट्रीय मानांकन टेनिस अजिंक्यपद स्पर्धेत मुलींच्या गटात सृष्टी सूर्यवंशी हिने एकेरी व दुहेरी या दोन्ही गटाच्या अंतिम फेरीत प्रवेश करत दुहेरी मुकुटाकडे वाटचाल केली आहे. 

महाराष्ट्र पोलीस जिमखाना, औंध येथे सुरु असलेल्या या स्पर्धेत मुलींच्या गटात उपांत्य फेरीत चौथ्या मानांकित सृष्टी सूर्यवंशीने काल अव्वल मानांकित खेळाडूवर विजय मिळविणाऱ्या ईश्वरी कारेकरचा 6-4, 6-1 असा पराभव करून अंतिम फेरी गाठली. दुसऱ्या सामन्यात दुसऱ्या मानांकित रितिका डावलकरने सातव्या मानांकित ऐश्वर्या स्वामिनाथनचा 6-2, 6-2 असा सहज पराभव करून आपले आव्हान कायम राखले.  दुहेरीत याच गटात सृष्टी सूर्यवंशी व रितिका डावलकर या अव्वल मानांकित जोडीने काव्या तुपे व ऐश्वर्या स्वामिनाथन यांचा 6-0, 6-4 असा तर, रित्सा कोंडकर व काव्या पांडे यांनी शिबानी गुप्ते व मायरा टोपणो यांचा 6-7(5), 6-4, 10-6 असा पराभव करून अंतिम फेरीत धडक मारली.

मुलांच्या गटात अव्वल मानांकित स्मित उंद्रेने सय्यम पाटीलचे आव्हान 6-2, 6-2 असे मोडीत काढले. सर्वज्ञ सरोदेने चौथ्या मानंकित वीरेन चौधरीवर 6-1, 6-4 असा विजय मिळवला. तनिष्क देवरेने अंशुल पुजारीचा 6-2, 6-4 असा तर, सहाव्या मानांकित आर्यन कीर्तनेने दुसऱ्या मानांकित वरद उंद्रेचा 6-4, 6-2 असा पराभव करून उपांत्य फेरी गाठली.

स्पर्धेचा सविस्तर निकाल: मुख्य ड्रॉ(उपांत्य फेरी): मुले:
सर्वज्ञ सरोदे वि.वि.स्मित उंद्रे[1]4-6, 6-2, 6-2;
आर्यन कीर्तने[6] वि.वि.तनिष्क देवरे 7-6(5), 6-4;

मुली:
सृष्टी सूर्यवंशी[4] वि.वि.ईश्वरी कारेकर 6-4, 6-1;
रितिका डावलकर[2]वि.वि.ऐश्वर्या स्वामिनाथन[7]6-2, 6-2;

दुहेरी: मुले:उपांत्य फेरी:
स्मित उंद्रे/वरद उंद्रे[1]वि.वि.आर्यन कीर्तने/नमिश हूड[3]  6-3, 2-6, 10-7; 
वीरेन चौधरी/अथर्व डकरे[2] वि.वि. अंशुल पुजारी/सर्वज्ञ सरोदे  6-4, 5-7, 13-11;

मुली:
सृष्टी सूर्यवंशी/रितिका डावलकर[1]वि.वि.काव्या तुपे/ऐश्वर्या स्वामिनाथन[4] 6-0, 6-4;  
रित्सा कोंडकर/काव्या पांडे[2]वि.वि.शिबानी गुप्ते/मायरा टोपणो 6-7(5), 6-4, 10-6.

पुणे,  25 मे 2022: फर्ग्युसन कॉलेज आणि नंदन बाळ टेनिस अकादमी यांच्या तर्फे आयोजित व एमएसएलटीए आणि एआयटीए यांच्या मान्यतेखाली होत असलेल्या डी.ई.एस. फर्ग्युसन कॉलेज एआयटीए चॅम्पियनशीप सिरीज 16वर्षांखालील  टेनिस अजिंक्यपद स्पर्धेत उपांत्यपूर्व फेरीत मुलांच्या गटात लक्ष गुजराथी, अभिराम निलाखे, ओमकार शिंदे, पियुश जाधव यांनी तर, मुलींच्या गटात देवांशी प्रभुदेसाई, रितिका मोरे, अभिलिप्सा मल्लिक, श्रावणी देशमुख यांनी आपापल्या प्रतिस्पर्धी खेळाडूंचा पराभव करून उपांत्य फेरीत प्रवेश केला. 
फर्ग्युसन कॉलेज टेनिस कोर्ट येथे सुरु असलेल्या या स्पर्धेत मुलींच्या गटात अभिलिप्सा मल्लिक हिने आपली अनपेक्षित निकालाची मालिका कायम ठेवत तिसऱ्या मानांकित साईइती वराडकरचा 6-3, 7-6(8-6) असा पराभव केला. श्रावणी देशमुखने काल अव्वल मानांकित खेळाडूवर सनसनाटी विजय मिळवणाऱ्या वैष्णवी सिंगचा 6-2, 6-0 असा सहज पराभव करून उपांत्य फेरी गाठली. चौथ्या मानांकित देवांशी प्रभुदेसाईने रिशीता पाटीलचा 6-3, 6-2 असा सरळ सेटमध्ये पराभव केला. आठव्या मानांकित रितिका मोरेने श्रीमोई कामतचे आव्हान 6-3, 6-1 संपुष्ठात आणले. 
मुलांच्या गटात उपांत्यपूर्व फेरीत अव्वल मानांकित लक्ष गुजराथीने कडवी झुंज देत अवनीश चाफळेचा 4-6, 6-2, 6-4 असा पराभव करून आगेकूच केली. अभिराम निलाखे याने अमोघ दामलेवर 6-2, 6-4 असा विजय मिळवला. बिगरमानांकीत ओमकार शिंदेने तिसऱ्या मानांकित राघव अमीनचा 3-6, 7-6(2), 6-4 असा तीन सेटमध्ये पराभव करून उपांत्य फेरीत धडक मारली. पियुश जाधवने निमय महाडिकला 6-0, 6-1 असे पराभूत केले. 
दुहेरीत उपांत्यपूर्व फेरीत अर्णव बनसोडे व अभिराम निलाखे यांनी तिसऱ्या मानांकित मनन अगरवाल व अनिकेत चोभे यांचा 6-3, 6-3 असा तर, अर्जुन कीर्तने व अद्विक नाटेकर यांनी ओमकार शिंदे व अनुज तशीलदार यांचा 6-2, 6-7(6-8), 10-2 असा पराभव केला. 
निकाल: मुख्य ड्रॉ(उपांत्यपूर्व फेरी): मुले:लक्ष गुजराथी[1] वि.वि.अवनीश चाफळे 4-6, 6-2, 6-4;अभिराम निलाखे वि.वि.अमोघ दामले 6-2, 6-4; ओमकार शिंदे वि.वि.राघव अमीन[3] 3-6, 7-6(2), 6-4; पियुश जाधव वि.वि.निमय महाडिक 6-0, 6-1;  
मुली:श्रावणी देशमुख वि.वि.वैष्णवी सिंग 6-2, 6-0; देवांशी प्रभुदेसाई[4] वि.वि.रिशीता पाटील 6-3, 6-2; अभिलिप्सा मल्लिक वि.वि.साईइती वराडकर[3] 6-3, 7-6(8-6);रितिका मोरे[8] वि.वि.श्रीमोई कामत 6-3, 6-1; 
दुहेरी: मुले: उपांत्यपूर्व फेरी:लक्ष गुजराथी/स्वराज ढमढेरे[1] वि.वि.अमोघ दामले/शिवम पाडिया 6-2, 6-4;  आशुतोष कवडेकर/निमय महाडिक वि.वि.शार्दूल खवळे/क्रिशांक जोशी 5-7, 6-2, 10-8; अर्णव बनसोडे/अभिराम निलाखे वि.वि.मनन अगरवाल/अनिकेत चोभे[3] 6-3, 6-3; अर्जुन कीर्तने/अद्विक नाटेकर वि.वि.ओमकार शिंदे/अनुज तशीलदार 6-2, 6-7(6-8), 10-2; 
मुली: क्षीरीन वाकलकर/दुर्गा बिराजदार वि.वि.भक्ती ताजने/ईश्वरी मार्कंडे[3] 6-1, 6-4;रिशीता पाटील/श्रीमोई कामत वि.वि.श्रीया साई/निशिता देसाई[4] 6-2, 6-1;आर्या शिंदे/रिद्धी शिंदे वि.वि.वैष्णवी सिंग/रितिका मोरे[2] 6-4, 2-6, 10-8.  

पुणे: ओम दळवी मेमोरियल ट्रस्ट यांच्या तर्फे आयोजित मित्तल ब्रदर्स व हेड इक्विपमेंट प्रायोजित व एमएसएलटीए आणि एआयटीए यांच्या मान्यतेखाली होत असलेल्या ओम दळवी मेमोरियल वनप्लेस करंडक चॅम्पियनशीप सिरीज 12 वर्षांखालील राष्ट्रीय मानांकन टेनिस अजिंक्यपद स्पर्धेत मुलींच्या गटात ईश्वरी कारेकर, ऐश्वर्या स्वामिनाथन यांनी तर, मुलांच्या गटात सर्वज्ञ सरोदे, आर्यन कीर्तने या खेळाडूंनी मानांकित खेळाडूंवर विजय मिळवत आगेकूच केली.  
महाराष्ट्र पोलीस जिमखाना, औंध येथे सुरु असलेल्या या स्पर्धेत मुलींच्या गटात ईश्वरी कारेकर हिने आपली अनपेक्षित निकालाची मालिका कायम ठेवत अव्वल मानांकित स्वरा जावळेचा 6-4, 1-6, 6-1 असा पराभव करून आणखी एका सनसनाटी निकालाची नोंद केली. सातव्या मानांकित ऐश्वर्या स्वामिनाथनने तिसऱ्या मानांकित रित्सा कोंडकरचा 7-5, 6-1 असा तर, चौथ्या मानांकित सृष्टी सूर्यवंशीने शिबानी गुप्तेचा 6-4, 6-3 असा पराभव करून उपांत्य फेरीत धडक मारली. दुसऱ्या मानांकित रितिका डावलकरने पाचव्या मानांकित काव्या पांडेचा 6-1, 6-4 असा पराभव केला. 
मुलांच्या गटात अव्वल मानांकित स्मित उंद्रेने सय्यम पाटीलचे आव्हान 6-2, 6-2 असे मोडीत काढले. सर्वज्ञ सरोदेने चौथ्या मानंकित वीरेन चौधरीवर 6-1, 6-4 असा विजय मिळवला. तनिष्क देवरेने अंशुल पुजारीचा 6-2, 6-4 असा तर, सहाव्या मानांकित आर्यन कीर्तनेने दुसऱ्या मानांकित वरद उंद्रेचा 6-4, 6-2 असा पराभव करून उपांत्य फेरी गाठली.  स्पर्धेचा सविस्तर निकाल: मुख्य ड्रॉ(उपांत्यपूर्व फेरी): मुले:स्मित उंद्रे[1]वि.वि.सय्यम पाटील  6-2, 6-2;  सर्वज्ञ सरोदे वि.वि.वीरेन चौधरी[4]  6-1, 6-4; तनिष्क देवरे वि.वि.अंशुल पुजारी 6-2, 6-4;  आर्यन कीर्तने[6] वि.वि.वरद उंद्रे[2] 6-4, 6-2; मुली: ईश्वरी कारेकर वि.वि.स्वरा जावळे[1] 6-4, 1-6, 6-1; सृष्टी सूर्यवंशी[4] वि.वि.शिबानी गुप्ते  6-4, 6-3; ऐश्वर्या स्वामिनाथन[7]वि.वि.रित्सा कोंडकर[3] 7-5, 6-1; रितिका डावलकर[2]वि.वि.काव्या पांडे[5]6-1, 6-4; 
दुहेरी: मुले:उपांत्यपूर्व फेरी: स्मित उंद्रे/वरद उंद्रे[1]वि.वि.आदिनाथ कचरे/शौर्या गडदे 6-0, 6-2; आर्यन कीर्तने/नमिश हूड[3] वि.वि.पृथ्वीराज दुधाने/नील देसाई 6-2, 6-2; अंशुल पुजारी/सर्वज्ञ सरोदे वि.वि.प्रजीत मदिरेड्डी/आश्रित माज्जी 6-4, 6-3;  वीरेन चौधरी/अथर्व डकरे[2] वि.वि.रतन कुबसाद/अर्चन पाठक 6-3, 6-4;
मुली: सृष्टी सूर्यवंशी/रितिका डावलकर[1]वि.वि.हर्षा देशपांडे/रितू ग्यान 6-2, 6-1; काव्या तुपे/ऐश्वर्या स्वामिनाथन[4] वि.वि.सान्वी राजू/आर्या पाठक 6-1, 6-1; 
रित्सा कोंडकर/काव्या पांडे[2]वि.वि.अनुष्का जोगळेकर/ओजसी देगमवार 6-0, 6-0.

 अभिनेते विक्रम गोखले, प्रविण तरडे यांची उपस्थिती
पुणे : स्वातंत्र्यवीर सावरकर यांच्या १३९ व्या जयंतीनिमित्त स्वा. सावरकर जयंती समिती पुणे तर्फे व्याख्याते व सावरकरप्रेमी शरद पोंक्षे यांच्या व्याख्यानाचे आयोजन करण्यात आले आहे. शनिवार, दिनांक २८ मे रोजी सायंकाळी ५ वाजता सदाशिव पेठेतील भरत नाटय मंदिर येथे हा कार्यक्रम होणार असून शरद पोंक्षे हे स्वातंत्र्यवीर सावरकर विचार दर्शन याविषयावर व्याख्यान देणार आहेत. 
कार्यक्रमात शब्दांमृत प्रकाशन तर्फे शरद पोंक्षे यांच्या दुसरं वादळ या पुस्तकाचे प्रकाशन देखील होणार आहे. यावेळी ज्येष्ठ अभिनेते विक्रम गोखले, अभिनेते व दिग्दर्शक प्रविण तरडे यांसह विविध क्षेत्रातील मान्यवर उपस्थित राहणार आहेत. 
स्वातंत्र्यवीर सावरकर जयंती सावरकरप्रेमींनी ठिकठिकाणी साजरी करावी, याकरिता समिती गेली काही प्रयत्न करीत आहे. पहिल्या वर्षी पुण्यामध्ये एकाच ठिकाणी हा कार्यक्रम झाला. मात्र, मागील वर्षी तब्बल २५० ठिकाणी सावरकर जयंती साजरी करण्यात आली होती. यंदा देखील गणेशोत्सव मंडळे, सोसायटया, सामाजिक संस्था आदींनी विविध ठिकाणी सावरकर जयंती सार्वजनिक स्वरुपात साजरी करावी, असे आवाहन समितीतर्फे करण्यात आले आहे. 
समितीतर्फे सूर्यकांत पाठक, विद्याधर नारगोळकर, विश्वनाथ भालेराव, मकरंद माणकीकर, श्रीकांत जोशी, प्रकाश दाते, अतुल व्यास, उल्हास पाठक, अजय कुलकर्णी, सुजाता मवाळ आदींनी कार्यक्रमाचे संयोजन केले आहे. हा कार्यक्रम सर्वांसाठी विनामूल्य खुला असून पुणेकरांनी मोठया संख्येने सहभागी व्हावे, असे आवाहन समितीतर्फे करण्यात आले आहे.

पुणे, दि.२५:आषाढी वारी पालखी सोहळ्यासाठी पाणी, शौचालय, वाहतूक व्यवस्था, रस्ते, आरोग्य सुविधा आदी सर्व सोयी सुविधा योग्य पद्धतीने उपलब्ध करून देण्यासह पालखी सोहळा यशस्वी करण्यासाठी सर्व यंत्रणांनी समन्वयाने काम करावे, असे निर्देश जिल्हाधिकारी डॉ. राजेश देशमुख यांनी दिले.

जगद्गुरू श्री संत तुकाराम महाराज संस्थान आणि संतश्रेष्ठ श्री संत ज्ञानेश्वर महाराज संस्थान पालखी सोहळ्याबाबत पूर्वतयारी आढावा बैठक डॉ. देशमुख यांच्या अध्यक्षतेखाली संपन्न झाली. यावेळी पुणे महानगर पालिकेचे अतिरिक्त आयुक्त डॉ. कुणाल खेमनार, पिंपरी-चिंचवड महानगर पालिकेचे अतिरिक्त आयुक्त विकास ढाकणे, जिल्हा परिषदेचे मुख्य कार्यकारी अधिकारी आयुष प्रसाद, निवासी उपजिल्हाधिकारी हिम्मत खराडे, श्री संत ज्ञानेश्वर महाराज देवस्थानचे मुख्य विश्वस्त ॲड. विकास ढगे-पाटील, श्री संत तुकाराम महाराज पालखी सोहळा प्रमुख ह.भ.प. माणिक मोरे आदी उपस्थित होते.

दोन वर्षानंतर पालखी सोहळा होणार असल्याने मोठ्या प्रमाणात भाविक संख्या राहण्याचा अंदाज असल्याचे सांगून डॉ. देशमुख म्हणाले, भाविकांची कोणतीही अडचण होणार नाही यासाठी प्रशासन प्रयत्नशील असून त्यासाठी गेली ३-४ महिन्यापासून पालखीबाबत नियोजन सुरू आहे. उपविभागीय अधिकारी, तहसीलदार, गटविकास अधिकारी यांच्यासोबत पालखी सोहळा प्रमुखांसमवेत बैठका घेऊन तसेच पालखी मार्ग, पालखी मुक्काम येथील पाहणी केली आहे.

जिल्ह्याला वारीची असलेली दीर्घ परंपरा कायम ठेवण्यासाठी सर्व यंत्रणा नेहमीप्रमाणे संपूर्ण योगदान देतील असा विश्वास व्यक्त करून जिल्हाधिकारी म्हणाले, या वर्षीचा पालखी सोहळा आगळा वेगळा राहील यादृष्टीने सर्व नियोजन प्रभावीपणे करण्यात येईल. पालखीमार्ग, पालखी मुक्काम या ठिकाणच्या लक्षात आलेल्या सर्व त्रुटी १० जूनपर्यंत दूर कराव्यात. यावर्षीची वारी अधिक प्रभावीपणे ‘निर्मल वारी’ व्हावी यासाठी सर्व ते प्रयत्न करू असेही ते म्हणाले.

मुख्य कार्यकारी अधिकारी श्री. प्रसाद म्हणाले, यावर्षी गतवेळच्या वारीपेक्षा दीडपट अधिक शौचालयांची व्यवस्था करण्यात आली आहे. शौचालयांच्या ठिकाणी वीज, पुरेसे पाणी आदी व्यवस्थेचे नियोजन करण्यात आले आहे. पालखी मार्गावर रुग्णालयांतील खाटा आरक्षित करणे, पुरेसा औषध पुरवठा आदी आरोग्य सुविधा केल्याचेही ते म्हणाले.

बैठकीत जिल्हाधिकारी डॉ. देशमुख यांनी संबंधित उपविभागीय अधिकारी, मुख्याधिकारी, गटविकास अधिकारी, सार्वजनीक बांधकाम विभागाचे अभियंता आदींकडून पूर्वतयारीचा आढावा घेतला.

पालखी सोहळा प्रमुखांकडून जिल्हाधिकारी डॉ. देशमुख यांचा संत ज्ञानेश्वर यांची प्रतिमा देऊन सन्मान करण्यात आला.

बैठकीस श्री संत ज्ञानेश्वर महाराज देवस्थान व श्री संत तुकाराम महाराज देवस्थानचे पदाधिकारी, संबंधित तालुक्यांचे तहसीलदार, महानगरपालिका, नगरपरिषदेचे मुख्याधिकारी, आरोग्य विभाग, पोलीस, अग्निशमन विभाग, पशुसंवर्धन विभाग, घनकचरा व्यवस्थापन, परिवहन विभाग, राज्य मार्ग परिवहन महामंडळ आदी विभागांचे अधिकारी उपस्थित होते.