पु णे, २१ जून: “पंतप्रधान नरेंद्र मोदी यांनी जगभरात योगाचा प्रचार केला आहे. त्यांनी योगाच्या माध्यमातून क्रांती घडविली आहे. योग साधना करून प्रत्येक व्यक्ती आपल्या जीवनात क्रांती घडवू शकतो.” असे विचार खासदार गिरीष बापट यांनी व्यक्त केले.
एमआयटी वर्ल्ड पीस युनिव्हर्सिटी, तर्फे ८ आंतरराष्ट्रीय योगदिनाचे औचित्य साधून आयुष मंत्रालय आणि पतांजली योग पीठ यांच्या सहकार्याने कोथरूड येथील एमआयटी डब्ल्यूपीयूच्या प्रांगणात योग महोत्सावाचे आयोजन केले. मानवतेसाठी योग ही संकल्पना या वर्षी ठेवण्यात आली होती.  
यावेळी एमआयटी डब्ल्यूपीयूचे संस्थापक अध्यक्ष प्रा.डॉ. विश्वनाथ दा. कराड, तेरी पॉलिसी सेंटरचे अध्यक्ष डॉ. राजेंद्र शेंडे, पतंजली योग समितीचे राज्य प्रभारी योग शिक्षक बापू पाडळकर, संस्कृतचे गाढे अभ्यासक पं.वसंतराव गाडगीळ, एमआयटी डब्ल्यूपीयूचे कुलगुरू डॉ.आर.एम.चिटणीस, प्र कुलगुरू डॉ. मिलिंद पांडे, स्कूल ऑफ योगाचे विभागप्रमुख प्रा. निरंजन खैरे व स्कूल ऑफ पीस स्टडीचे अधिष्ठाता प्रा.डॉ.मिलिंद पात्र हे उपस्थित होते.  
या प्रसंगी पतंजली योग समिती (पुणे जिल्हा प्रभारी) योग शिक्षक गोविंद गाडगीळ यांनी उपस्थित हजारो विद्यार्थी, शिक्षक व शिक्षकेत्तर कर्मचारी, पतांजली योग प्रशिक्षक  यांना योगाचे प्रशिक्षण देऊन मार्गदर्शन केले.
प्रा.डॉ. विश्वनाथ दा. कराड म्हणाले,“योग साधना व ओमकारातून  मानवाला शांती मिळू शकते. योग साधनेमुळे तरूणांमध्ये स्वत्व, स्वधर्म आणि स्वाभिमान जागृत करता येते. ७३० वर्षापूर्वी ज्ञानेश्वर माऊली यांनी योगाची संकल्पना संपूर्ण मानवजाती समोर मांडली. माऊली हे महान योगी होते. योग महर्षी शेलार मामा यांनी योगाला तळागळापर्यंत पोहचविले. तसेच रामदेव बाबा यांनी संपूर्ण जगभरात योगा पसरविला आहे. चारित्र्य आणि शिस्तीचे पालन केल्यास जीवन समृद्ध होईल.”
डॉ. राजेंद्र शेंडे म्हणाले,“ मानवतेसाठी योगा अत्यंत महत्वाचे तर आहेच पण यामध्ये एकसंघपणा आणि मानवतेचा अर्थ दडलेला आहे. निसर्गाने मानवाला दिलेली सर्वात मोठी देणगी म्हणजे योग आहे. निसर्ग आणि मानवता यातील एक दुवा म्हणजे योगा आहे. भविष्यात वातावरण बदल व बायोडाइर्व्हसिटीचा सामना करण्यासाठी विज्ञान, अध्यात्म व शाश्वत विकास महत्वाचा आहे. त्यातूनच शांती निर्माण होऊ शकते.”
डॉ. आर.एम.चिटणीस यांनी प्रास्ताविक केले. डॉ. मिलिंद पात्रे यांनी आयोजना मागची भूमिका स्पष्ट केली.
प्रा. अतुल कुलकर्णी आणि प्रा.पोर्णिमा बागची यांनी सूत्रसंचालन केले. प्रा. निरंजन खैरे यांनी आभार मानले.

शास्त्रीजी म्हणाले होते ‘जय जवान, जय किसान’ पण मोदीजींचा नारा ‘मर जवान, मर किसान’

पुणे – केंद्र सरकारने सैन्यभरतीसाठी नुकत्याच जाहीर केलेल्या ‘अग्निपथ’ योजनेवरून युवकांमध्ये संपूर्ण देशभर अस्वस्थतेचे वातावरण निर्माण झाले असून सुमारे १४ राज्यांतील तरुण रस्त्यावर उतरले आहेत. ही योजना केंद्र सरकारने कोणत्याही समाजघटकांशी चर्चा न करता नेहमीप्रमाणे अतिशय घाईघाईने रेटली आहे. परंतु यामुळे सैन्यदलासारख्या अतिशय महत्वाच्या संस्थेवर आघात होत असल्याची टिका करत शहरात आज राष्ट्रवादी काँग्रेस पक्षाच्या वतीने मराठा युद्ध स्मारक कॅम्प येथे आंदोलन करण्यात आले.याप्रसंगी शहराध्यक्ष प्रशांत जगताप , प्रवक्ते प्रदीप देशमुख रवींद्र माळवदकर, किशोर कांबळे मृणालिनी वाणी ,अजिंक्य पालकर ,मनोज पाचपुते, गोविंद जाधव , पुजा झोळे ,राहूल तांबे , सौ. सुगंधा तिकोणे,मंगेश मोरे, धनंजय पायगुडे,सौ.वंदना मोडक, आदिल सय्यद , विकास झेंडे व इतर कार्यकर्ते मोठ्या संख्येने उपस्थित होते.

राष्ट्रवादी चे शहर अध्यक्ष जगताप म्हणाले की,’
सध्याची सैन्यभरतीची प्रक्रिया अतिशय उत्तम दर्जाची असून यातून निवड झालेल्या अधिकारी आणि जवानांनी वेळोवेळी सीमेवर शौर्य गाजवून देशाचे रक्षण केले आहे. याशिवाय देशांतर्गत शांतता राखण्यासाठी देखील जवानांचे मोठे योगदान आहे. त्यांच्या या योगदानाचा देशातील प्रत्येक जनतेला अभिमान आहे. सैन्यभरतीची ही अतिशय सक्षम यंत्रणा असताना अग्निपथ सारखी योजना अचानक राबविण्याची सरकारला का घाई आहे असा सवालही पक्षाकडून विचारण्यात आला आहे.
या देशाने आतापर्यंत तीन-चार युद्धांचा प्रत्यक्ष सामना केले आहे. जेंव्हा देशावर परचक्र आणि अन्नटंचाई असे दुहेरी संकट होते तेंव्हा तत्कालिन पंतप्रधान लालबहादूर शास्त्री यांनी ‘जय जवान,जय किसान’ अशी घोषणा देऊन देशाच्या उभारणीतील जवान आणि किसान यांचे महत्त्व अधोरेखित केले होते. परंतु केंद्रातील सरकार बहुमताच्या अहंकारात एवढे अंध झाले की, त्यांनी देशाच्या विकासाचा मूलमंत्र असणारी ही घोषणाच संपविण्याचा घाट घातला आहे. शेतकऱ्यांना पूर्णतः चिरडल्यानंतर आता हे जवानांकडे वळले असून ‘मर जवान, मर किसान’ असा यांचा उघड नारा आणि अजेंडा असल्याचे आता उघड झाले आहे.
आपल्या हातून देशसेवा घडावी तसेच आपल्या कुटुंबाचा चरितार्थ ही चालावा अशा दुहेरी उद्देशातून देशभरातील अनेक युवक सैन्यदलामध्ये भरती होण्यासाठी वर्षानुवर्षे प्रयत्न करीत असतात. मात्र केंद्र सरकारने जाहीर केलेल्या धोरणानुसार सैनिक भरती होणाऱ्या युवकांना फक्त चारच वर्षे नोकरी मिळणार असून सैन्यदलाच्या या कंत्राटीकरणामुळे त्याचे पुढील भवितव्य अंधःकारमय असणार आहे एकीकडे बुलेट ट्रेन सारख्या अनावश्यक योजनांवर एक लाख कोटी रुपयांचा खर्च केला जातो अनेक उद्योगपती मित्रांची कर्जे मोदी सरकारकडून रद्द केली जातात. पण दुसरीकडे देशाच्या संरक्षणाकरता पैसे शिल्लक नाही असे सांगितले जाते यातूनच ते देशाच्या संरक्षण क्षत्राविषयी गंभीर नाहीत हेच दिसत आहे , देशातील सार्वजनिक उपक्रम मोडीत काढताना ते पन्नास वर्षे शंभर वर्षे एवढ्या मोठ्या काराराने भाड्याने दिले जातात मात्र गोरगरीब युवकांना पूर्णवेळ नोकरी न देता तो कालावधी मात्र फक्त चारच वर्षांचा असतो यामागे सरकारची व्यापारी मानसिकता दिसून आलेली आहे अशी टिका यावेळी पक्षाकडून करण्यात आली.
केंद्रीय मंत्री जी कृष्णन रेड्डी व भाजपचे राष्ट्रीय सरचिटणीस कैलास विजयवर्गीय यांनी सैनिकांबद्दल केलेल्या वक्तव्याचाही तीव्र निषेध करण्यात आला.

पुणे- गेल्या वर्षी आजच्या दिवशी चारही धरणात मिळून ७ .७०/२६.४२% टीएमसी एवढा पाणी साठा होता, आज संध्याकाळी मात्र या चारही धरणात मिळून एकूण ३.३२ टीएमसी /११.४० % पाणी शिल्लक आहे,आज खडकवासला- ०.३१ टीएमसी /१५.९४% ,पानशेत- १.४९/१४.०२,वरसगाव- १.५२/११.८२,टेमघर- ०/० असा पाणी साठा होता. यंदा गेल्या वर्षाच्या तुलनेत चारही धरणात मिळून निम्म्याहून कमी पाणी साठा होता, मात्र आता मान्सून सुरु झाल्याने पाणी साठा होण्याच्या आशा निर्माण झाल्या आहेत

दरम्यान मान्सूनचा पाऊस आज पुण्यात रिमझिम बरसला , खडकवासला धरण साखळीतील चारही धरणात देखील बरसला. मान्सून कधी येणार याची प्रतीक्षा होती. लांबलेल्या मॉन्सूनच्या सरी अखेर सोमवारी सकाळी रीमिझीम रिमझिम बरसल्या . खडकवासला धरण साखळीतील खडकवासला, पानशेत, वरसगाव व टेमघर या चार धरणात बऱ्या पैकी पाऊस झाला . खडकवासला येथे दोन मिलिमीटर पाऊस पडला. पानशेत येथे १०, वरसगाव येथे १० मिलिमीटर तर व टेमघर येथे १५ मिलिमीटर पाऊस पडल्याची नोंद झाली आहे. तर एक जून पासून खडकवासला येथे ०, पानशेत ३२, वरसगाव ३४ व टेमघर २३ मिलिमीटर पाऊस झाला .

पाटबंधारे विभागाने आज सायंकाळी असलेल्या पाणी साठ्याबाबत प्रसारित केलेली माहिती पुढील प्रमाणे –

1)Khadakwasala –
02/02/0.31/15.94%/+9/578.33
NMRBC- 00
ww-00
Total water released over spillway KDK dam =00 TMC till now.

2)Panshet– 10/32/1.49/14.02%/-23/610.82
PH-00
ww-00
LLIO-455

3)Warasgaon–
10/34/1.52/11.82%/-32/612.40
ww-00
PH–530
HLIO-00
LLIO-00

4)Temghar–
15/23/0.00/0.00%/Nil/ 660.80
ICPO– 00
ww–00
PH–00

Total Inflow 4 Dam=00 mcft

Total contents of 4 Dams-
3.32 TMC/11.40%
Last year-
7.70 TMC/ 26.42%

पुणे- श्री संत संताजी महाराज जगनाडे यांच्या नावाने महाराष्ट्रातील पहिले उद्यान कासेवाडी – लोहियानगर प्रभागातील सेव्हन लव्हज चौक, शंकर शेठ रोड या ठिकाणी उभारण्यात आले आहे .त्याचा लोकअर्पण सोहळा येथे संपन्न झाला या कार्यक्रमासाठी प्रमुख उपस्थिती काँग्रेस पक्षाचे ज्येष्ठ नेते उल्हास पवार, राज्याचे माजी गृह राज्यमंत्री रमेश बागवे, पुणे म.न.पा चे माजी गटनेते आबा बागुल,शिवसेना नगरसेवक विशाल धनवडे, स्थानिक नगरसेवकअविनाश बागवे, श्री संत संताजी महाराज जगनाडे तेली संस्था सुदुंबरे चे अध्यक्ष सतीश उबाळे, वाघोली चे सरपंच सौ. उबाळे, तेली समाजाचे प्रतिष्ठित सर्व प्रमुख व इतर मान्यवर उपस्थित होते.

यावेळी उल्हास पवार यांनी आपल्या भाषणात येणा-या पिढीला जगनाडे महाराजाच्या कामाची माहिती, सर्व वारकरी संप्रदाय तसेच भागवत समाजाची माहिती देणारे व समाजसेवेची प्रेरणा देणारे , दिशादर्शक हे उद्यान ठरणार आहे.. असे मत त्यांनी व्यक्त केले.
रमेश बागवे यांनी पुर्वीच्या काळात देखील जगनाडे महाराज व तुकाराम महाराज यांच्या वर करमठ वादयान कडून अन्याय होत होता. तसेच अताचे काही लोक प्रयत्न करतायत ते सर्व समाज बांधवांनी एकत्र येवून ते हाणून पाडला पाहिजे असे मत मांडले.
महाराष्ट्रात कुठेच जगनाडे महाराज यांचे नाव असलेले सार्वजनिक उद्यान, समाजमंदिर, वास्तू किंवा चौक, नाही त्यामुळे अनेक वर्षांपासून तेली समाजाच्या मागणीनुसार हे उद्यान साकारण्यात आले आहे..या उद्यानात महाराष्ट्रातील सर्व संतांची माहिती, त्यांचे अभंग, भागवत समाज व वारकरी संप्रदाय ची परंपरा तथा इतिहासाची माहिती दर्शविणारे चित्र येथे आहे असे स्थानिक नगरसेवक अविनाश बागवे यांनी सांगितले.प्रास्ताविक सुदुंबरे संस्थांचे उपाध्यक्ष विजयकुमार शिंदे यांनी केले तर आभार क्रांतिवीर लहूजी वस्ताद साळवे प्रतिष्ठान चे विठ्ठल थोरात यांनी केले.

पुणे, दि. 20:- आषाढी वारीकरीता येणाऱ्या वारकऱ्यांना वारीबाबत माहिती होण्यासाठी व त्यांना आवश्यक त्या सोयी-सुविधासाठी उपलब्ध करुन देण्यासाठी जिल्हा प्रशासनाच्यावतीने ‘आषाढी वारी 2022’ ॲप विकसित करण्यात आले आहे.

या ॲपमध्ये श्री संत ज्ञानेश्वर महाराज आणि जगद्गुरु श्री संत तुकाराम महाराज पालखी सोहळा मार्गाचे वेळापत्रक व गावनिहाय नकाशा, पंढरपूर येथील श्री विठ्ठलाच्या थेट दर्शनाची सोय, पालखीचे विश्वस्त व पालखी सोहळा प्रमुख यांचे संपर्क क्रमांक, वैद्यकीय सुविधा त्यामध्ये तालुका आरोग्य अधिकारी, फिरते वैद्यकीय पथक, शासकीय रुग्णालये व वैद्यकीय अधिकारी प्राथमिक आरोग्य केंद्रातील वैद्यकीय अधिकरी, खासगी वैद्यकीय व्यावसायिक, पाण्याच्या सुविधेच्या दृष्टीने मार्गावरील टॅकर सुविधा, अन्न पुरवठा आणि वितरणबाबत, विद्युत सेवा, पशुधन बाबत सेवेसाठी संबंधित अधिकाऱ्यांचे संपर्क क्रमांक देण्यात आले आहेत.

पालखी सोहळ्याशी संबंधित विविध विभागांच्या वरिष्ठ अधिकाऱ्यांचे संपर्क क्रमांकदेखील या ॲपमध्ये देण्यात आले आहेत.  भाविकांनी गुगल प्लेस्टोवरील https://play.google.com/store/apps/details?id=com.deecto.ashadhiwari या लिंकवरुन आषाढी वारी 2022 हे ॲप डाऊनलोड करुन घ्यावे. तसेच भाविकांनी वारीदरम्यान अडचणीच्या वेळी या ॲपवरील संबंधित संपर्क अधिकारी व कर्मचारी यांच्याशी संपर्क साधण्याचे जिल्हा प्रशासनाच्यावतीने आवाहन करण्यात आले आहे.

पुणे-भारतीय जनता पक्षाचे प्रदेशाध्यक्ष चंद्रकांतदादा पाटील यांनी आपल्या वाढदिवसानिमित्त कोथरुडमधील वृत्तपत्र आणि दूध वितरकांना सस्नेह भेट देऊ केली असून, पावसाळ्याच्या पार्श्वभूमीवर वृत्तपत्र आणि दूध वितरकांना दोन हजारापेक्षा जास्त रेनकोटचे वाटप केले.

या वाटपावेळी भाजपा संस्कृतिक आघाडीचे प्रदेश प्रमुख शैलेश गोजमगुंडे, भाजपा कोथरुड मंडल अध्यक्ष पुनित जोशी, माजी नगरसेविका हर्षाली माथवड, अल्पना वर्पे, नगरसेवक जयंत भावे, पुणे शहर भाजपा सरचिटणीस दीपक पोटे, चिटणीस अनिता तलाठी, कोथरुड मंडल सरचिटणीस श्रीधर मोहोळ, दिनेश माथवड, विठ्ठल (आण्णा) बराटे, अनुराधा एडके, गिरीश भेलके, उपाध्यक्ष राज तांबोळी, राहुल कोकाटे, लहू बालवडकर, रुपेश भोसले, युवा मोर्चाचे गणेश वर्पे, अभिजीत राऊत, दीपक पवार, स्वप्नील राजीवडे, कुणाल तोंडे, महिला मोर्चा अध्यक्षा हर्षदा फरांदे, सांस्कृतिक आघाडीचे सुचित देशपांडे, आशुतोष वैशंपायन, ओबीसी आघाडीचे विजय राठोड, अजित जगताप, विशाल रामदासी, विवेक मेथा, जगन्नाथ कुलकर्णी, सचिन दळवी, अभिजीत ठाकूर यांच्यासह भाजपाचे सर्व पदाधिकारी उपस्थित होते.

भाजपा प्रदेशाध्यक्ष आ. चंद्रकांतदादा पाटील दरवर्षी आपला वाढदिवस दरवर्षी लोकोपयोगी उपक्रमाद्वारे साजरा करतात. गेल्या वर्षी रिक्षा चालकांना कोरोनाच्या संकटातून बाहेर काढण्यासाठी एक हजार रुपये किमतीचे सीएनजीचे कुपन वाटप; तसेच आर्थिकदृष्ट्या दुर्बल कुटुंबातील नागरिकांचे मोफत लसीकरण केले होते.

यावर्षी आ. पाटील यांनी वृत्तपत्र वितरक आणि दूध वितरकांचे पावसापासून संरक्षणासाठी व्हावे, यासाठी रेनकोट वाटप करण्याचा संकल्प केला होता. त्यासाठी आपल्या वाढदिवसानिमित्त हार, तुरे नको! वृत्तपत्र आणि दूध वितरकांना रेनकोट आणि घरकाम करणाऱ्या ताईंसाठी छत्री वाटपासाठी आर्थिक योगदान देण्याचे आवाहन कार्यकर्त्यांना केले होते. त्याला अनुसरून अनेक कार्यकर्त्यांनी आपले योगदान दिले होते. त्यानंतर लोकसहभागातून वृत्तपत्र वितरक आणि दूध वितरकांना रेनकोटचे वाटप करण्यात आले. कोथरुडमधील जवळपास दोन हजारापेक्षा जास्त वृत्तपत्र आणि दूध वितरकांनी याचा लाभ घेतला.

दरम्यान, उद्या दिनांक २१ जून २०२२ रोजी कोथरुडमधील रिक्षाचालकांनाही रेनकोटचे वाटप करण्यात येणार आहे. दुपारी १२ ते ५ या वेळेत आ. चंद्रकांतदादा पाटील यांच्या कोथरुड मधील जनसंपर्क कार्यालयात याचे वाटप करण्यात येणार असून, यासाठी रिक्षाचालकांनी आधार कार्ड आणि वाहन कागदपत्रे घेऊन जनसंपर्क कार्यालयाशी संपर्क साधून, याचाही लाभ घेण्याचे आवाहन करण्यात आले आहे.

पुणे-चंद्रकांतदादा हे नेत्यापेक्षा कार्यकर्ते म्हणून जास्त प्रसिद्ध आहेत आणि त्यांच्यात समाजाप्रती जी संवेदनशीलता आहे ती प्रत्येक कार्यकर्त्याने अंगीकारली पाहिजे असे भाजपा चे संघटन सरचिटणीस राजेशजी पांडे म्हणाले. दादा निस्पृह कार्य करण्यात अग्रेसर असून योग्य वेळी योग्य मदत करायची हा त्यांचा गुण असल्याचे ही ते म्हणाले.भाजपचे प्रदेशाध्यक्ष आणि कोथरूड चे आमदार चंद्रकांतदादा पाटील यांच्या आवाहनानुसार त्यांच्या वाढदिवसाच्या निमित्ताने क्रिएटिव्ह फाउंडेशन तर्फे घरेलू कामगार महिलांना छत्री आणि रेनकोट चे वाटप करण्यात आले त्या वेळी ते बोलत होते. पावसाळ्याच्या तोंडावर घरेलू कामगार भगिनींना छत्री व रेनकोट चे वाटप हे खऱ्या अर्थाने सेवाभावी कार्य असून राजकारण करताना प्रत्येकाने सेवाभावी वृत्ती जोपासणे गरजेचे आहे ,आपल्या नेत्याला वाढदिवसाच्या शुभेच्छा देताना सामाजिक बांधिलकीची जाणीव ठेऊन काम करणे आणि गरजवंतांना योग्य मदत करणे हेच आपले संस्कार असून यातूनच समाजातील एकोपा वाढतो असेही मुरलीधर मोहोळ म्हणाले.
. यावेळी कार्यक्रमाच्या संयोजिका माजी नगरसेविका व शिक्षण समिती अध्यक्ष मंजुश्री खर्डेकर, क्रिएटिव्ह फाउंडेशन चे अध्यक्ष संदीप खर्डेकर, भाजप सरचिटणीस व माजी नगरसेवक दीपक पोटे, भाजप कोथरूड मंडल अध्यक्ष पुनीत जोशी, शहर चिटणीस प्रशांत हरसुले,चिटणीस सुनील पांडे,माजी स्वीकृत सदस्य मिताली सावळेकर, मंडल सरचिटणीस दिनेश माथवड, प्रभाग अध्यक्ष राजेंद्र येडे, सरचिटणीस निलेश गरुडकर, ऍड. प्राची बगाटे, कोथरूड महिला मोर्चा उपाध्यक्ष पल्लवी गाडगीळ, महिला मोर्चा चिटणीस संगीता आदवडे,शंतनू खिलारे पाटील,युवा मोर्चा उपाध्यक्ष प्रतीक खर्डेकर,ओबीसी आघाडीचे अभिजित फरांदे, सौ. संगीता वांद्रे, वृषभ मोकाटे, आय टी सेल च्या संयोजिका कल्याणी खर्डेकर इ मान्यवर उपस्थित होते.पावसाळ्यात जेव्हा भगिनी घरकाम करायला जातात तेव्हा त्या अनेकवेळा भिजत जातात व स्वतःच्या प्रकृती कडे दुर्लक्ष करतात, हे लक्षात घेऊन त्यांना छत्री / रेनकोट याची भेट देत असल्याचे नगरसेविका मंजुश्री खर्डेकर म्हणाल्या.क्रिएटिव्ह फाउंडेशन ही विश्वस्त संस्था कायमच समाजकार्याला प्राधान्य देत आली आहे व हे करताना आपण समाजाचे जे देणे लागतो त्यातून काही अंशी उतराई होते असे भावपूर्ण उद्गार फाउंडेशन चे अध्यक्ष संदीप खर्डेकर यांनी काढले. समाजातील दानशूर आणि गरजवंत यांच्यातील मध्यस्थ म्हणून क्रिएटिव्ह फाउंडेशन गत 20 वर्षांपासून कार्यरत असून यातून मिळणारा आत्मिक आनंद अनमोल असल्याचे ही संदीप खर्डेकर म्हणाले. कोथरूड मंडल अध्यक्ष पुनीत जोशी यांनी चंद्रकांतदादांच्या वाढदिवसाच्या निमित्ताने घेतलेल्या विविध उपक्रमांची माहिती दिली. यावेळी नगरसेवक दीपक पोटे यांनी देखील मनोगत व्यक्त केले.
संदीप खर्डेकर यांनी संयोजन व सूत्रसंचालन, मंजुश्री खर्डेकर यांनी प्रास्ताविक, प्रशांत हरसूले यांनी आभार प्रदर्शन केले तर संगीताताई वांद्रे आणि वृषभ मोकाटे यांनी संयोजन साहाय्य केले.

पुणे-पुण्यातील पाणीटंचाई कृत्रिमरीत्या वाढवून तिचे रूपांतर पाणीबाणीमध्ये केलेले आहे. पुणे मनपा प्रशासनाला पाणीचोरीला पायबंद घालण्यात अपयश आले आहे. टँकर लॉबीला प्रस्थापित नगरसेवकांचे आणि भ्रष्ट प्रशासकीय अधिकाऱ्यांचे संरक्षण असून या पाणीबाणी विरोधात आज सोमवारी दिनांक २० जून रोजी सकाळी ११ वाजता आम आदमी पक्षातर्फे हंडा मोर्चाचे आयोजन करण्यात आले. या आंदोलनात कार्यकर्ते, त्रस्त नागरिक प्रतिनिधी मोठ्या संख्येने सहभागी झाले.

पुणे महानगरपालिके मध्ये नव्याने समाविष्ट झालेल्या 23 गावांमध्ये तीव्र पाणीटंचाई आहेच. त्याशिवाय पुणे महानगरपालिकेच्या हद्दीतील परिघावरील भागांमध्ये देखील मोठ्या प्रमाणावर पाणी टंचाई जाणवत आहे. याबाबत वारंवार पुणे महानगरपालिकेला निवेदने देऊन सुद्धा परिस्थितीमध्ये कोणताच फरक न पडल्याने आज या हंडा मोर्चाचे आयोजन करण्यात आले होते असे
आप पुणे शहर जल हक्क आंदोलन समितीचे आबासाहेब कांबळे (8390906656) यांनी सांगितले

पुणे महानगरपालिकेच्या हद्दीतील अनेक परिसरांमध्ये मनपाद्वारे पाणी पोहोचत नाही आणि त्याच्यामुळे नाइलाजास्तव शेकडो सोसायट्यांना दरमहा लाखो रुपयांचा भुर्दंड सहन करून पाणी विकत घ्यावं लागतं. पाणीपट्टी भरणाऱ्या नागरिकांना टँकरचे पैसे सुद्धा द्यावे लागतात हा दुहेरी कर नागरिकांवर अन्याय कारक आहे. पुणे महानगरपालिकेच्या कार्यक्षेत्रामध्ये ४०% पाण्याची गळती होत आहे. मोठ्या प्रमाणावर पाणी चोरी देखील होत आहे. टॅंकर लॉबीचे शहरावर वर्चस्व असून त्यांना नगरसेवक आणि भ्रष्ट प्रशासकीय अधिकाऱ्यांचे संरक्षण लाभलेले आहे आणि त्याचा भुर्दंड पुणेकरांना सहन करावा लागत आहे, असे आप पुणे जल हक्क आंदोलन समितीचे सुदर्शन जगदाळे (9527911911) यांनी म्हटले आहे.

पुणे मनपातर्फे अनेक बिल्डिंगना बेकायदेशीरित्या पाणी प्रतिज्ञापत्र घेऊन बांधकामाला परवानगी दिली जाते. नंतर बिल्डर पाणीपुरवठा करत नाही. मनपा देखील पाणीपुरवठा करत नाही आणि नागरिक पाण्याअभावी वाऱ्यावर सोडले जातात. हा बेकायेशीर प्रकार थांबला पाहिजे असे विद्यानंद नायक यांनी म्हटले आहे.

यावेळी सुदर्शन जगदाळे, आबासाहेब कांबळे, अमोल काळे, निलेश वांजळे, विद्यानंद नायक, अन्वर बाबा शेख, उमेश बागडे, फेबियन आण्णा सॅमसन, यशवंत बनसोडे, आरती करंजावणे, ज्योती ताकवले, सुनंदा जाधव, वैशाली डोंगरे, सीमा गुट्टे, सचिन कोतवाल, शहर संघटक एकनाथ ढोले यांच्यासह अनेक कार्यकर्ते, नागरिक सहभागी झाले होते.

टँकर लॉबीच्या दबावाखाली पुणे शहरात तीव्र पाणीटंचाई निर्माण केली गेली असून त्यामूळे टँकर लॉबीचे उखळ पांढरे झाले आहे. या टँकर लॉबीला प्रस्थापित नगरसेवक आणि प्रशासनाचे संरक्षण आहे. पुण्यातील विशेषत: बाणेर, बालेवाडी, हडपसर, फुरसुंगी, काळे पडळ, साडे सतरा नळी, मोहम्मदवाडी, खडी मशीन चौक, उंद्री, पिसोली, वडकी नाला, येवलेवाडी, कोंढवा बू. वानवडी, कात्रज, आंबेगाव पठार,आंबेगाव बू. , नऱ्हे, वडगाव बू. सिंहगड रोड, धायरी, नांदेड फाटा, किरकटवाडी, कोल्हेवाडी, खडकवासला, वारजे_ माळवाडी गणपती माथा, कोंढावे- धावडे, NDA गेट, बावधान, ससरोड, सुसगाव, बाणेर, बालेवाडी, म्हाळुंगे, दापोडी, बोपोडी, मुळा रोड, विश्रांतवाडी, कळस, धानोरी, लोहगाव, विमान नगर, खराडी, चंदन नगर बायपास, मांजरी, वाघोली या भागांमध्ये तीव्र पाणटंचाई निर्माण केली गेल्याने या परिसरातील हजारो गृह सोसायट्यांना पिण्यासाठी पाणी विकत घ्यावे लागत आहे. त्यासाठी अक्षरशः लाखो रुपये प्रत्येक महिन्याला एका सोसायटीला मोजावे लागत आहे. महागाईच्या जमान्यात तुटपुंज्या पैशात घर चालवणारे वस्तीत राहणाऱ्या लोकांना सुद्धा पाणी विकत घेण्याची वेळ आली आहे.

माननीय उच्च न्यायालयाने आदेश देऊन सुद्धा पुणे मनपाने शहराच्या परीघावरील नवीन समाविष्ट गावांना आणि पूणे मनपा हद्दीतील जुन्या भागांना पुरेसा पाणी पुरवठा केलेला नाही. नको त्या योजनांवर, भ्रष्ट कंत्राटावर, फुटकळ खरेदीवर, वायफळ बांधकामांवर कोट्यावधी रुपये खर्च करणारी पुणे मनपा नागरिकांना पाणी देण्यासाठी मात्र हात वर करत आहे.

मनपाला तिच्या जबाबदारीची जाणीव करून देण्यासाठी डॉ अभिजीत मोरे, आबासाहेब कांबळे, विद्यानंद नायक, सीमा गुट्टे, ज्योती ताकवले यांच्या शिष्ट मंडळाने आयुक्त विक्रम कुमार आणि पाणीपुरवठा विभाग प्रमुख अनिरुद्ध पावसकर यांच्या सोबत चर्चा केली. यावेळी पाणी टंचाई बाधित सोसायट्यांची यादी आम आदमी पक्षाने दिली. संबंधित सोसायट्यांना पाणीपुरवठा केला जाईल असे आश्वासन यावेळी आयुक्तांनी दिले. तसेच टँकर पुरवठा वाढविण्याबाबत उद्याच्या बैठकीत निर्णय घेतला जाईल असे आश्वासन अनिरुद्ध पावसकर यांनी दिले. तसेच आपच्या शिष्टमंडळासोबत पुढील आठवड्यात आढावा बैठक आयोजित करण्याचे पावसकर यांनी मान्य केले. यावेळी पाणी प्रतिज्ञा पत्र लिहून घेण्याचा भोंगळपणा बंद करण्याची मागणी आम आदमी पक्षातर्फे करण्यात आली.