पुणे- हडपसर मांजरी फार्म येथील द्राक्ष संशोधन केंद्राजवळ नाकेबंदी करत असताना वाहतूक पोलिसांच्या जागरूकतेमुळे पुणे पोलिसांनी ३ कोटी ४२ लाख रुपयांच्या नोटांनी भरलेल्या बॅगा व नोटा मोजण्याची मशीन कारमधून (एमएच १३ सीके २१११) जप्त केल्या आहेत. सकाळी ७ वाजेपर्यंत रोकड मोजण्याचे काम सुरू होते. गुन्हे शाखा, हडपसर पोलिस तसेच वाहतूक पोलिसांच्या मदतीने ही कोट्यवधींची रोकड पकडली. या प्रकरणात प्रशांत धनपाल गांधी (४७, रा. लासुर्णे. ता. इंदापूर) यांना गुन्हे शाखेने ताब्यात घेतले.

शहरात वाहतूक पोलिस तसेच स्थानिक पोलिसांच्या वतीने नाकेबंदी करण्यात येत होती. सोमवारी रात्री दहाच्या सुमारास वाहतूक विभागातील कर्मचारी शेवाळवाडी परिसराजवळ असलेल्या द्राक्ष संशोधन केंद्राजवळ संशयित वाहनांची तपासणी करत असताना त्याला एक व्यक्ती आणि एक महिला संशयास्पदरीत्या ब्रेझा कारमधून येताना दिसली. त्याने लागलीच कार थांबवून गाडीची तपासणी केली असता त्यात पैसे सापडले.

पुणे येथे महाराष्ट्र रिक्षा पंचायत पदाधिकाऱ्यांची बैठक संपन्न

ओला उबेर रॅपिडो या भांडवलदार कंपन्यांना रिक्षा चालकांचा विरोध कायम

पुणे-अग्रिकेटर पॉलिसी मोबाईल ॲप बाबत हरकती व सूचना नोंदविनयचे आव्हान महाराष्ट्र सरकारच्या वतीने करण्यात आले आहे, याबाबत महाराष्ट्र रिक्षा पंचायत वतीने हरकत नोंदविण्यात आली असून ओला उबेर रॅपिडो या कंपन्यांना बंदी घालून सरकारने स्वतःचा मोबाईल ॲप विकसित करावा अशी मागणी करण्यात आली असल्याची माहिती महाराष्ट्र रिक्षा पंचायत अध्यक्ष कष्टकऱ्यांचे नेते बाबा कांबळे यांनी दिली,

पुणे येथे महामाता रमाई भीमराव आंबेडकर स्मारक मध्ये महाराष्ट्र रिक्षा पंचायत प्रमुख पदाधिकाऱ्यांची व रिक्षा स्टॅन्ड प्रमुखांची प बैठक आयोजित करण्यात आली होती यावेळी ते बोलत होतेयावेळी बाबा कांबळे म्हणाले

अनेक वर्षापासून आम्ही ओला उबेर रॅपिडो सारख्या भांडवलदार कंपन्यांचे विरोधामध्ये लढा देत असून पिंपरी चिंचवड पुण्यामध्ये महाराष्ट्र रिक्षा पंचायत च्या वतीने मोठा लढा उभा करून कंपनी वरती बंदी आणण्यास भाग पाडले तसेच ओला उबेर या भांडवलदार कंपन्यावरती बंद आणावी अशी वेळोवेळी मागणी केली आहे,

याचाच एक भाग म्हणून पुणे आरटीओ कार्यालयाने ओला उबेर रॅपिडो बंद करण्याचा अत्यंत चांगला निर्णय घेतला असून यामुळे रिक्षाचालकांचा फायदा होईल असे आम्हाला वाटते, मोबाईल ॲप टेक्नॉलॉजी द्वारे गेल्या अनेक वर्षापासून पुणे मुंबई सह महाराष्ट्रातील व देशातील मोठ्या शहरांमध्ये ऑटो तसेच चार चाकी वाहनांना प्रवासी सेवा दिली जाते, ऑटो रिक्षाला मीटर व तसेच सर्व प्रकारचे नियम बंधन असल्यामुळे ऑटो रिक्षांमधून मोबाईल ॲप सेवा देण्यास कोणत्याच प्रकारचे हरकत नाही , परंतु ओला उबर व इतर भांडवलदार कंपन्या मात्र 30 ते 40 टक्के कमिशन घेऊन रिक्षा चालकांची लूट करत आहेत व त्यांच्याकडून जादा कमिशन घेतात व या कंपन्या मालामाल गब्बर होत असून रिक्षा चालकांची मात्र नुकसान होत आहे, यामुळे भांडवलदार कंपन्यांनी सुरू केलेल्या मोबाईल ॲप ला परमिशन नाकारणे या निर्णयाच्या आम्ही स्वागत करत आहोत
या मुळे सरकारच्या लक्षात एक गोष्ट आम्ही अनुच्छितो मोबाईल ॲप सेवा बंद झाल्यामुळे, व रिक्षा चालक व प्रवाशांना मोबाईलला तंत्रज्ञानाची सवय झाल्यामुळे व या तंत्रज्ञानामुळे अनेक रिक्षा चालकांचा रोजगार अवलंबून असल्यामुळे, रिक्षा चालकांचे नुकसान होऊ नये यासाठी महाराष्ट्र सरकारने स्वखर्चाने मोबाईल ॲप तयार करावे व या ॲपच्या माध्यमातून रिक्षा चालकांना व नागरिकांना आवाहन करून या सेवेचा उपयोगात आणावा, अशी आपली आग्रही मागणी आहे,
सरकारच्या वतीने मोबाईल ॲप सुरू केल्यास रिक्षा चालकांचे प्रवाशांची होणारी आर्थिक फसवणूक टळेल व तसेच रिक्षा चालकांना चांगल्या प्रकारची टेक्नॉलॉजी व सुविधा मिळेल, एन आय या संस्थेने आरटीओचे सॉफ्टवेअर डेव्हलप केले आहे त्यांच्याकडे अप सुविधा डेव्हलप करण्याची देखील तंत्रज्ञान व माहिती असल्यामुळे यांना तातडीने रिक्षा चालक मालकांसाठी
मोबाईल ॲप टेक्नॉलॉजी बनवण्याचे काम सोपवावे व ते जनतेसाठी रिक्षा चालकांसाठी खुले करावे अशी आमची आग्रहाची मागणी आहे, असे यावेळी बाबा कांबळे म्हणावे

यावेळी बैठकीमध्ये मोबाईल ॲप टेक्नॉलॉजी बाबत सरकारकडे सूचना व हरकती पाठवण्यासाठी एकूण 16 मागण्या मंजूर करण्यात आल्या त्या खालील प्रमाणे

१) महाराष्ट्र सरकारच्या वतीने रिक्षा चालक व प्रवाशांसाठी मोबाईल ॲप टेक्नॉलॉजी विकसित करून ती तातडीने सुरू करण्यात यावी,
२) ओला उबेर रॅपिडो या भांडवलदार कंपन्यांनी सुरू केलेले ॲप व टेक्नॉलॉजी वरती तातडीने बंदी घालून या कंपन्यांना बेकायदेशीर प्रवासी व्यवसाय केल्याप्रकरणी त्वरित बंदी घालण्यात यावी,
३) ओला उबेर रीपिडो सारख्या भांडवलदार कंपन्यांच्या मांडीला मांडी लावून त्यांच्यासोबत शासनाकडे मोबाईल टेक्नॉलॉजी ॲप साठी आपलिकेशन साठी परवानगीची मागणी करत दुसऱ्या बाजूला रिक्षा संघटना च्या नावाखाली रिक्षा चालकांना गुमराहा करून जनतेची रिक्षा चालकांची व शासनाची फसवणूक करणाऱ्या रिक्षा संघटना वरती बंदी घालून त्यांच्यावर योग्य ते कायदेशीर कारवाई करण्यात यावी,
४) टू व्हीलर रॅपिडो व इतर कोणत्याही कंपनीत टू व्हीलर वाहनासाठी प्रवासी वाहतूक करण्यास कुठल्याही नियमाच्या आधारे परवानगी देऊ नये,
५) पुणे आर टी ओ विभागाने मोबाईल टेक्नॉलॉजी ॲप बाबत घेतलेला निर्णय महाराष्ट्र मध्ये सर्व आरटीओ कार्यालय मध्ये लागू करण्यात यावा,
या मागण्यांचे एकूण सोळा ठराव यावेळी मंजूर करण्यात आले.

यावेळी पुणे शहराध्यक्ष मोहम्मद शेख, कार्याध्यक्ष विलास केमसे उपाध्यक्ष हर्षद अन्सारी, मुराद काजी,रिक्षा ब्रिगेड प्रमुख बाळासाहेब ढवळे, पुणे जिल्हा अध्यक्ष लक्ष्मण शेलार पिंपरी चिंचवड शहर अध्यक्ष संतोष गुंड, घरकाम महिला सभा अध्यक्ष आशा कांबळे, अडवोकेट काजल कांबळे, आधी उपस्थित होते.

मानसिक आरोग्य सांभाळण्यासाठी सकारात्मक व धोरणात्मक बदल, कृतीची गरज

– ‘एम्पॉवर’च्या सर्वेक्षणातून ‘कामाच्या ठिकाणी मानसिक आरोग्य व निरोगीपणाचे प्रमाण’ यावर प्रकाश

– देशातील आठ शहरात ३००० कर्मचाऱ्यांचा अभ्यास; वर्क-लाईफ बॅलन्स, प्रेरणेचा अभाव आणि वेतन कपातीचा संघर्ष

पिंपरी, दि. ९ मे २०२३ : कामाचा वाढता ताण, बहु-कार्य पद्धती आणि क्रॉस-फंक्शनल कौशल्य, दूरस्थ कार्यपद्धतीचा अवलंब, अल्प वेतन व वेतन कपातीची, नोकरी टिकवण्याची टांगती तलवार यामुळे ८१ टक्के लोकांना ‘वर्क-लाईफ बॅलन्स’ साधण्यासाठी कॉर्पोरेट क्षेत्रातील ८१ टक्के कर्मचाऱ्यांची ओढाताण होत असून, त्यातही महिलांचे प्रमाण ५६ टक्के असल्याचा निष्कर्ष समोर आला आहे.

आदित्य बिर्ला एज्युकेशन ट्रस्टचा उपक्रम असलेल्या ‘एम्पॉवर’ आणि ‘आयपीसोस’, ग्लोबल मार्केट रिसर्च अँड पब्लिक ओपिनियन या संस्थांच्या संयुक्त विद्यमाने ‘कामाच्या ठिकाणी मानसिक आरोग्य व निरोगीपणाचे प्रमाण’ याचे सर्वेक्षण करण्यात आले. भारतात प्रमुख शहरातील कॉर्पोरेट कर्मचाऱ्यांना कराव्या लागणाऱ्या आव्हाने व समस्यांवर यामध्ये प्रकाश टाकण्यात आला आहे. जवळपास पाच महिने चाललेल्या या सर्वेक्षणात ३००० पेक्षा अधिक कॉर्पोरेट कर्मचाऱ्यांच्या मानसिक व शारीरिक आरोग्याचे परीक्षण व अभ्यास करण्यात आला आहे. पुण्यासह भारतातील महत्वाच्या शहरातील दहा क्षेत्रात कार्यरत कर्मचाऱ्यांचे सर्वेक्षण झाले आहे. 

या सर्वेक्षणाविषयी ‘एम्पॉवर’ पुणे सेंटरच्या प्रमुख व मानसोपचार तज्ज्ञ डॉ. स्नेहा आर्या आणि मानसोपचारतज्ज्ञ आणि ‘एम्पॉवर’च्या क्लिनिकल ऑपरेशन्स अँड रूरल इनिशिएटिव्हचे सहयोगी उपाध्यक्ष डॉ. अंबरीश धर्माधिकारी यांनी पत्रकार परिषदेत ही माहिती दिली. यावेळी सर्वेक्षणाचा अहवाल प्रकाशित करण्यात आला.

डॉ. स्नेहा आर्या म्हणाल्या, “समुपदेशनासाठी येणाऱ्या २४ ते ४० वयोगटातील तरुणांच्या संख्येत लक्षणीय वाढ झाली आहे. पुण्यातील व्यक्तींसाठी कामाशी संबंधित तणाव आणि वर्क-लाईफ समतोलाचा अभाव ही चिंताजनक बाब बनली आहे. सततचा कामाचा ताण, कामाचे दीर्घ तास आणि नेहमी चालू असलेली कार्यसंस्कृती यामुळे बर्नआउट, चिंता आणि नैराश्य यांसारखाय मानसिक आरोग्याच्या समस्या निर्माण होत आहेत. कामाच्या ठिकाणासह त्यांचे वैयक्तिक व सामाजिक जीवन, नातेसंबंध यावर परिणाम होत आहे. महिला कर्मचाऱ्यांना यामध्ये अधिक त्रास होत आहे.”

डॉ. अंबरीश धर्माधिकारी म्हणाले, “नोकरी, व्यवसायाच्या संधींचे भांडार असलेल्या पुण्यात सतत, बहु-कार्य पद्धती आणि क्रॉस-फंक्शनल कार्यपद्धती रूढ होत आहे. परिणामी, तणावाचे सर्वाधिक प्रमाण इथे आहे. कोरोनाने मानसिक आरोग्य चर्चेत आले. कॉर्पोरेट जगताचे स्पर्धात्मक स्वरूप कर्मचाऱ्यांच्या तणावाच्या पातळीत भर घालत आहे. कंपन्यांनी कर्मचाऱ्यांसाठी समुपदेशन, मानसिक आरोग्य सेवा, वर्क लाईफ बॅलन्सला पूरक धोरणे, संवादी व सर्वसमावेशक भावना रुजवणे गरजेचे आहे. संस्थांनी कर्मचाऱ्यांच्या कल्याणाला प्राधान्य द्यावे.”

असे झाले सर्वेक्षण

पुण्यासह मुंबई, कोलकाता, दिल्ली, चेन्नई, हैद्राबाद, बंगलोर, अहमदाबाद या शहरांतील बँकिंग, आटोमोबाइल, आयटी, हॉस्पिटॅलिटी, ई कॉमर्स, हेल्थकेअर, एज्युकेशन, एफएमसीजी, बीपीओ, ड्युरेबल्स या क्षेत्रात ३००० कर्मचाऱ्यांचे सर्वेक्षण झाले. त्यामध्ये मॅनेजर, सिनियर मॅनेजर, अकाउंट मॅनेजर, डायरेक्टर, असोसिएट व्हाईस प्रेसिडेंट, व्हाईस प्रेसिडेंट, मॅनेजिंग डायरेक्टर, सीईओ आदी कर्मचाऱ्यांचा समावेश आहे. सुमारे पाच महिने चाललेल्या या सर्वेक्षणात नोकरी, कामाचा समतोल, कौटुंबिक आणि नातेसंबंधांत तणाव, आर्थिक अस्थैर्यता याचा अभ्यास करण्यात आला. १६२७ पुरुष, तर १३७३ महिलांचा यात समावेश आहे.

शारीरिक आरोग्यावर परिणाम

पुण्यातील कर्मचार्‍यांमध्ये प्रेरणेचा अभाव आणि तणाव याही प्रमुख समस्या आहेत. वेतन कपातीमुळे शहरातील कर्मचार्‍यांवर लक्षणीय परिणाम झाला आहे. वेतन कपातीचा परिणाम ४८ टक्के कर्मचार्‍यांवर झाला असून, ४६ टक्के कर्मचार्‍यांना अपुऱ्या पगाराचा फटका बसला आहे. आरोग्य आणि तंदुरुस्तीच्या बाबतीत, पुण्यातील व्यक्तींसाठी पाठदुखी ही एक महत्त्वाची चिंता आहे. ४६ टक्के प्रतिसादकर्त्यांनी ही समस्या म्हणून नोंदवली आहे. याव्यतिरिक्त, पुण्यातील ३४ टक्के लोक गुडघेदुखीची तक्रार करतात.

कॉर्पोरेट बर्नआउट, कर्मचार्‍यांमधील मानसिक आरोग्य, तणाव चिंताजनक पातळीवर आहे. समस्येचे निराकरण करण्यासाठी ठोस कृतीची आवश्यकता आहे. ‘एम्पॉवर’च्या माध्यमातून मानसिक आरोग्याविषयी समुदेशन, संवाद सत्रे चालविण्यासाठी आणि मानसिक आरोग्याच्या चर्चांना पूर्णविराम देण्यासाठी, तसेच मानसिक आरोग्य विषयक जागरूकता वाढविण्यासाठी प्रयत्न केले जात आहेत. सरकार आणि कॉर्पोरेट दोन्ही स्तरांवर धोरणात्मक बदल करून मानसिक आरोग्यावर लक्ष केंद्रित करावे. मानसिक आरोग्याला प्राधान्य देऊन आपल्या देशाच्या भल्यासाठी एक निरोगी, अधिक उत्पादक कार्यबल तयार करण्यासाठी योग्य ती पावले उचलायला हवीत.

– डॉ. नीरजा बिर्ला, संस्थापक अध्यक्षा, आदित्य बिर्ला एज्युकेशन ट्रस्ट आणि ‘एम्पॉवर’

पुण्यातील २० हजार विद्यार्थ्यांचा सहभाग

पुणे : इस्कॉनतर्फे गीताजयंती निमित्त घेण्यात आलेल्या जगातील सर्वात मोठ्या मूल्यशिक्षण प्रतियोगीतेचा भव्य बक्षिस वितरण समारंभ कात्रज कोंढवा रस्त्यावरील इस्कॉन मध्ये कमलनयन बजाज अतिथी भवनात साजरा झाला.

कार्यक्रमाला प्रमुख पाहूणे म्हणून पुणे जिल्हा सहायक पोलीस आयुक्त नारायण शिरगावकर, व्हिआयटी काॅलेजचे संचालक राजेश जालनेकर, बालभारतीचे संचालक कृष्णकुमार पाटील आदी उपस्थित होते.

इस्कॉन ही एक जगप्रसिद्ध संस्था आहे. जी समाजात आध्यात्मिक ज्ञानाचा प्रसार करण्यासाठी प्रसिद्ध आहे. शालेय विद्यार्थ्यांच्या जिवनात गीतेवर आधारीत मूल्य शिक्षण प्रतियोगीता इस्कॉन दरवर्षी आयोजित करत असते. 
विद्यार्थ्यांनी भगवद्गीतेचा अभ्यास करुन मूल्य शिक्षणावर आधारित उत्तरे द्यावयाची असतात. संगणकाद्वारे उत्तर पत्रिकांची तपासणी होते. मुलाखतीनंतर प्रत्येक जिल्ह्यातील प्रथम क्रमांक मिळवणाऱ्या विद्यार्थ्याला पारितोषिक दिले जाते. या प्रतियोगितेने आता एक भव्य रूप धारण केले आहे. मागच्या दहा वर्षात ४०० जिल्ह्यात ७ लाख विद्यार्थ्यांनी भाग घेतला. त्यामुळे ही जगातील सर्वात मोठी मूल्यशिक्षण स्पर्धा म्हणून ओळखली जाते. पुणे जिल्ह्यातील २१० पेक्षा जास्त शाळांतून २० हजार विद्यार्थ्यांनी यात भाग घेतला.

नारायण शिरगावकर यांनी मनोगत व्यक्त करीत “मूल्यशिक्षण हा जीवनाचा अविभाज्य घटक आहे आणि याशिवाय समाजात सुख शांती समाधान अनुभवास येणार नाही. शालेय जीवनातच यांचे शिक्षण मिळाले पाहीजे” असे मार्गदर्शन त्यांनी केले.

भारतभरात २५ जिल्ह्यात ७ मल्टीनॅशनल कंपनींनी यात पुरस्कार प्रायोजीत केले आहेत. मोटो व्हॉल्ट तर्फे प्रत्येक जिल्ह्यात १  इलेक्ट्रिक सायकल, हरक्युलीस बिसए तर्फे प्रत्येक जिल्ह्यात ४ सायकल, पोट्रोनिक्सतर्फे स्मार्ट वॉच, सँडीस्क तर्फे पेनड्राईव, क्विक हिल तर्फे बॅग, अनफोल्डयू तर्फे एक वर्षाचा फ्री शालेय अभ्यासक्रम, फिनोलिक्स पाईप्स तर्फे विद्यार्थ्याना कॅलेंडर देऊन अभिनंदन करण्यात आले. वरद राजदास यांनी आभार प्रदर्शन केले.

महाराणा प्रताप जयंतीनिमित्त समस्त राजपूत समाजातर्फे आयोजन

पुणे : गवा, गेंड्याच्या कातडीपासून बनवलेल्या ढाली, तलवारी, चिलखत, वाघनखे, कट्यार, दांडपट्टा, ठासणीच्या बंदुका अशी २५० ते ३०० वर्षांपूर्वीची ३०० हून अधिक शस्त्रे पुणेकरांना पाहायला मिळाली.  वीरशिरोमणी महाराणा प्रताप, छत्रपती शिवाजी महाराज यांसह वीर पुरुषांनी त्याकाळी वापरलेल्या शस्त्रांचे महत्व समजून घेत, भारताच्या शौर्याच्या इतिहासाला यानिमित्ताने उजाळा देण्यात आला. 
समस्त राजपूत समाजाच्या वतीने महाराणा प्रतापसिंह यांच्या ४८३ व्या जयंतीनिमित्त बाजीराव रस्त्यावरील महाराणा प्रताप उद्यानात शस्त्र प्रदर्शनाचे आयोजन करण्यात  आले होते. प्रदर्शनाचे उदघाट्न खडक पोलीस स्टेशनच्या पोलीस निरीक्षक संगीता यादव यांच्या हस्ते झाले. त्यावेळी  ॲड.प्रताप परदेशी, स्वप्नील नाईक, किशोर रजपूत, प्रमोद  परदेशी, गोपी पवार, विजय परिहार, प्रेम राठोड हे उपस्थित होते. 
वीरशिरोमणी महाराणा प्रतापसिंह यांच्या जयंतीनिमित्त हा आगळावेगळा उपक्रम घेण्यात आला. यावेळी त्यांच्या प्रतिमेस पुष्पहार देखील अर्पण करण्यात आला. यद्मदत रणजित हजारे, राहूल राठोड, नितीन राठोड यांच्या रॉयल लेगसी ट्रस्ट यांनी प्रदर्शनाचे आयोजन केले होते. प्रदर्शनाला माजी महापौर प्रशांत जगताप, अजय खेडेकर, विजय कुंभार यांसह अनेक समाजिक संस्थाचे प्रतिनिधी हजर होते.

पुणे-देशाची गुपिते पाकीस्तानला देणाऱ्या संघस्वयंसेवक डॉ. प्रदीप कुरुलकर या DRDO चा प्रमुख शास्त्रज्ञास कठोर शासन करण्यात यावे अशी मागणी पुणे राष्ट्रवादी काँग्रेसच्या वतीने करण्यात आली. यासाठी आज निदर्शने करण्यात आली. डॉ कुरुलकर ISI साठी हेरगिरी करताना पोलिसांनी पुण्यात पकडला ,याने आजपर्यंत ISI ला काय गोपनीय माहिती पुरवली आणि देशाचं किती नुकसान केलंय, याचीही चौकशी व्हावी या मागणीकरीता राष्ट्रवादी कॉंग्रेस पक्षाच्या वतीने बालगंधर्व चौक येथे करण्यात आलेल्या निदर्शनास उत्तम प्रतिसाद लाभला.
डॉ कुरूलकर हा माझ्या चार पिढ्या संघाचे काम करीत आहेत व माझ्यावर संघाचे संस्कार आहे मी आर एस एस चा शाखा प्रमुख असून त्याकरीता कार्य करत असल्याचे अभिमानाने सांगतानाच्या व्हीडीओ क्लिप प्रसार माध्यमांमघ्ये पहायला मिळत आहेत , ज्या संघटनेच्या स्वयंसेवकाला देशद्रोहाच्या गुन्ह्यत अटक होते त्या संघटनेने अजूनही त्या व्यक्तीचे निलंबन केलेले नाही यावरूनच या संघटनेचे देशप्रेम लोकांना समजून येत आहे , जर सदरील व्यक्ती ही इतर कोणत्याही समाजातील असती तर याच मंडळीनी संपूर्ण भारत आज नंगानाच केला असता संबंधित यंत्रणांनी कोणत्याही दबावास बळी न पडता सदर व्यक्तीची कठोर चौकशी करून त्याच्याबाबत सर्व पुरावे गोळा करून त्यास जास्तीत जास्त कठोर शिक्षा व्हावी ही प्रमुख मागणी यावेळी करण्यात आली
सदर प्रसंगी,भारत माता की जय ,पाकिस्तान मुर्दाबाद,पाकिस्तान चा ऐंजट कोण , आर एस एस चा स्वयंसेवक ..स्वयंसेवक
जबाव दो जबाब दो नरेंद्र मोदी जबाब दो…या घोषणा देण्यात आल्या.
शहराघ्यक्ष प्रशांत जगताप , प्रवक्ते प्रदीप देशमुख , विनोद पवार , सुवर्णा माने , प्रदीप हुमे , वंदना साळवी , सुनिल पडवळ , विशाल गद्रे , राहूल तांबे व इतर कार्यकर्ते मोठ्या संख्येने उपस्थीत होते .

पालकमंत्री चंद्रकांतदादा पाटील यांच्या अध्यक्षतेखाली कुकडी कालवा सल्लागार समितीची बैठक संपन्न

पुणे, दि. ९: अहमदनगर जिल्ह्यातील लोकप्रतिनिधींची आणि शेतकऱ्यांची मागणी लक्षात घेता कुकडी डाव्या कालव्यातून २२ मे पासून चौथे आर्वतन सोडण्याच्या सूचना पालकमंत्री चंद्रकांतदादा पाटील यांनी दिल्या.

कुकडी प्रकल्प व घोड प्रकल्प कालवा सल्लागार समितीची बैठक पालकमंत्री श्री. पाटील यांच्या अध्यक्षतेखाली विधानभवन येथे संपन्न झाली. यावेळी आमदार प्रा. राम शिंदे, रोहित पवार, अतुल बेनके, अशोक पवार (दूरदृष्यप्रणालीद्वारे), कालवा सल्लागार समितीचे सदस्य सुदाम पवार, पुणे जिल्हा परिषदेचे मुख्य कार्यकारी अधिकारी आयुष प्रसाद, महाराष्ट्र कृष्णा खोरे विकास महामंडळाचे कार्यकारी संचालक अतुल कपोले, मुख्य अभियंता (वि. प्र.) हेमंत धुमाळ आदी उपस्थित होते.

श्री. पाटील म्हणाले, धरणातून कालव्यात सोडण्यात आलेले पाणी अपेक्षित क्षमतेने कालव्याच्या शेवटच्या क्षेत्राला (टेल) मिळावे; पाण्याची गळती रोखण्यासाठी महामंडळाच्या अधिकाऱ्यांनी उपाययोजना कराव्यात. नदीवरील तसेच कालव्यावरील अनियंत्रित व अनधिकृत पाणीउपशावर नियंत्रण आणावे. या प्रकल्पातून पुणे, अहमदनगर आणि सोलापूर जिल्ह्यातील शेती, पिण्यासाठी आणि उद्योगाना पाणी दिले जाते. पाण्याचे आवर्तन सोडताना स्थानिक लोकप्रतिनिधींच्या सूचना विचारात घ्याव्यात. त्यामुळे सर्व घटकांना समन्यायी पद्धतीने पाणी मिळेल याकडे लक्ष द्यावे.

धरणातील गाळ काढल्यास धरणातील पाणीसाठी वाढण्यास मदत होते. त्याबाबत शासनाने निर्णय घेतला आहे. त्यामुळे धरणातील गाळ काढून शेतकऱ्यांच्या शेतापर्यंत नेण्याबाबत नियोजन करावे. पिंपळगाव जोगे धरणातील पारनेर हद्दीतील १५ कि.मी. अस्तरीकरणाच्या कामाला नियामक मंडळाच्या मंजूरीनंतर सुरुवात करावी, अशा सूचना पालकमंत्री श्री. पाटील यांनी दिल्या.

आगामी पावसाळ्याच्या पार्श्वभूमीवर जलसंपदा विभागात मनुष्यबळ कमतरतेचा मुद्दाही यावेळी चर्चिला गेला. सध्या शासनाने स्वातंत्र्याच्या अमृतमहोत्सवी वर्षानिमित्त रिक्त पदे भरतीचा निर्णय घेतला आहे. त्यासाठी महाराष्ट्र लोकसेवा आयोगाच्या माध्यमातून प्रक्रिया ही सुरु आहे. तूर्तास क आणि ड संवर्गातील पदे कंत्राटी पद्धतीने भरून काम सुरू करावे, अशा सूचनाही पालककमंत्री श्री. पाटील यांनी यावेळी जलसंपदा विभागाच्या अधिकाऱ्यांना दिल्या.

यावेळी पाणी सोडण्याच्या नियोजनाबाबत उपस्थित आमदार महोदयांनी विविध सूचना केल्या. बैठकीच्या सुरवातीला कुकडी सिंचन मंडळाचे अधीक्षक अभियंता संतोष सांगळे यांनी प्रकल्पातील उपलब्ध पाणीसाठा व उन्हाळी हंगाम २ च्या नियोजनाबाबत सादरीकरण केले.

बैठकीस कार्यकारी अभियंता स. ज. माने, उ. द. धायगुडे, स्वप्निल काळे आदी उपस्थित होते.
0000