पुणे- संभाजी ब्रिगेड ने पुण्यात मंगला चित्रपटगृहातील ‘हर हर महादेव’ चित्रपट बंद पाडला. संभाजी ब्रिगेड चे महाराष्ट्र प्रदेश संघटक संतोष शिंदे, अविनाश अरविंद मोहिते महानगर अध्यक्ष संभाजी ब्रिगेड पुणे शिवश्री संदीप मनोहर कारेकर सचिव महानगर पुणे नरेश पडवळ संघटक पुणे अमर गजघाटे अध्यक्ष चित्रपट आघाडी पुणे अभिजीत मोरे उपाध्यक्ष चित्रपट आघाडी पुणेतसेच, अखिल भारतीय मराठा महासंघ संजय पासलकर, संपर्क प्रमुख पश्र्चिम महाराष्ट्र, अजय पाटील उपाध्यक्ष महाराष्ट्र् प्रदेश, रविंद्र कंक कार्याध्यक्ष पुणे जिल्हा, सौ. सविताताई बलकवडे कार्याध्यक्ष पुणे शहर महिला, मयुर गुजर सरचिटणीस पुणे शहर, मंगेश साखरे कार्याध्यक्ष पुणे शहर, महेश बांदल, अर्चित बांदल, हर्षवर्धन बांदल… आदी उपस्थित होते. यांनी यावेळी , ‘हर हर महादेव’ चित्रपट दाखवणे थांबवा. चित्रपटगृहात पडदे फाटल्याशिवाय थेटर मालकांना अक्कल येणार नाही. आमच्यासाठी छत्रपती शिवाजी महाराज सर्वोच्च आहेत. इतिहासाची मोडतोड करून ‘हर हर महादेव…’ चित्रपट तयार केला आहे. ‘वेडात मराठे वीर दौडले सात…’ हा सुद्धा चित्रपट शेंबडी आणि फॉल्टी पोरांना घेऊन तयार करण्यात आलेला आहे. विचित्र रूपाचे मावळे दाखवण्याचा प्रयत्न होत आहे. इतिहासातील हरामखोरी थांबवा. छत्रपती शिवाजी महाराजांचा कर्तुत्वान इतिहास बदनाम करू नका…! गाठ संभाजी ब्रिगेडशी आहे. चित्रपटगृहाचे पडदे फाडल्याशिवाय तुम्हाला अक्कल येऊ येणार नाही. असा यावेळी इशारा देताच पुण्यातील सर्व सिनेमागृहांमधील ‘हर हर महादेव ‘ चित्रपट प्रदर्शित करणे बंद करण्यात आले.

हर हर महादेव चित्रपटातील कलाकारांना व निर्माता दिग्दर्शक आणि लेखकांना संभाजी ब्रिगेडच्या वतीने पुण्यातून प्रशांत धुमाळ यांनी खरा इतिहास समजून सांगत असताना सुद्धा मनुवादी मानसिकता खरा इतिहास समजून घ्यायला तयार नाही म्हणून आता शिवप्रेमी मावळे कार्यकर्ते सरदार व वंशज या सगळ्यांना जोडण्याचं काम संभाजी ब्रिगेडला करावा लागेल असेही यावेळी संतोष शिंदे यांनी सांगितले.

पुणे, दि. ७ : भारताचे मुख्य निवडणूक आयुक्त राजीव कुमार आणि निवडणूक आयुक्त अनुपचंद्र पांडे यांच्या प्रमुख उपस्थितीत १ जानेवारी २०२३ या अर्हता दिनांकावर आधारित देशपातळीवरील छायाचित्रासह मतदार यादीचा विशेष संक्षिप्त पुनरीक्षण कार्यक्रमाचा देशपातळीवरील शुभारंभ ९ नोव्हेंबर रोजी पुणे येथे होणार असल्याची माहिती मुख्य निवडणूक अधिकारी श्रीकांत देशपांडे यांनी आज जिल्हाधिकारी कार्यालयात झालेल्या पत्रकार परिषदेत दिली.

शहरी मतदार आणि युवकांचा मतदार प्रक्रियेतील सहभाग वाढविण्यासाठी पुणे येथे हा कार्यक्रम आयोजित करण्यात आला असल्याचे नमूद करून श्री. देशपांडे म्हणाले, मतदार यादीचा विशेष संक्षिप्त पुनरीक्षण कार्यक्रम आगामी काळातील निवडणुकांच्यादृष्टीने महत्वाचा आहे. यानिमित्ताने मतदार जागृतीसाठी विविध उपक्रमाचे आयोजनही करण्यात येणार आहे.

मुख्य निवडणूक आयुक्त आणि निवडणूक आयुक्त यांच्या उपस्थितीत मतदार नोंदणीविषयी जनजागृती करण्यासाठी ९ नोव्हेंबर रोजी बालेवाडी येथे सकाळी ६.३० वाजता सायकल रॅलीचे आयोजन करण्यात आले असून यामध्ये विविध क्षेत्रातील मान्यवर व्यक्ती सहभागी होणार आहेत. या माध्यमातून पुणे शहराच्या विविध भागातील नागरिकांमध्ये जनजागृतीसोबतच त्यांच्याशी संवाद साधण्यात येणार आहे. या सायकल रॅलीमध्ये नागरिकांनी मोठ्या प्रमाणात सहभागी व्हावे असे आवाहन त्यांनी केले.

सावित्रीबाई फुले पुणे विद्यापिठात ९ नोव्हेंबर रोजी सकाळी ११ वाजता मतदान नोंदणी अभियानाच्या माध्यमातून नवीन मतदार नोंदणी करण्यात येणार आहे, शिवाय याठिकाणी केंद्र सरकारच्या माहिती व प्रसारण मंत्रालयाच्या विभागीय कार्यालयातर्फे मतदार जागृतीसाठी प्रदर्शनाचे आयोजन करण्यात आले आहे. निवडणूक प्रक्रियेत समाविष्ट करुन घेण्याच्यादृष्टीने निवडणूक आयोग वंचित घटकांनाही महत्व देत असल्याने दोन्ही निवडणूक आयुक्त याच ठिकाणी तृतीयपंथीय समुदायाशी संवाद साधणार आहे.

उद्योग क्षेत्रातील संघटित व असंघटित कामगारांचा निवडणूक प्रकियेत सहभाग वाढविण्यासाठी हिंजेवडी येथील टेक महिंद्रा कंपनीच्या सभागृहात विविध उद्योगसंस्थांमध्ये स्थापन झालेल्या मतदार जागृती मंचच्या प्रतिनिधींशी संवादाचा कार्यक्रम आयोजित करण्यात आला आहे. त्यासोबतच विद्यार्थ्यांना निवडणूक प्रकियेत सहभागी करण्यासाठी, मतदार नोंदणी विषयी जागृती करण्यासाठी सिम्बायोसिस विद्यापीठ येथे 10 नोव्हेंबर विद्यार्थ्यांशी संवाद साधण्यात येणार आहे.

पुनरीक्षण उपक्रमांतर्गत एकत्रीकृत प्रारुप मतदार यादी ९ नोव्हेंबर २०२२ रोजी प्रसिद्ध करण्यात येणार आहे. दावे व हरकती स्वीकारण्याचा कालावधी ९ नोव्हेंबर ते ८ डिसेंबर २०२२ असा आहे. दावे व हरकती स्वीकारण्याच्या कालावधीमध्ये राज्याचे मुख्य निवडणूक अधिकारी यांनी निश्चित केलेल्या दोन शनिवार आणि रविवार विशेष मोहिमा राबविण्यात येणार आहे. तर २६ डिसेंबर २०२२ पर्यंत दावे व हरकती निकालात काढले जाणार आहेत. मतदार यादीची अंतिम प्रसिद्धी ५ जानेवारी २०२३ रोजी करण्यात येणार आहे.

भारत निवडणूक आयोगाने मतदार नोंदणी नियम १९६० मध्ये केलेल्या सुधारणेनुसार १ जानेवारी, १ एप्रिल, १ जुलै व १ ऑक्टोबर असे अर्हता दिनांक उपलब्ध झाले आहेत. प्रारुप यादी प्रसिद्ध झाल्यानंतर १ जानेवारी या अर्हता दिनांकावर नोंदणीसाठी पात्र असलेले अर्जदार आणि त्यापुढील १ एप्रिल, १ जुलै, १ ऑक्टोबर या अर्हता दिनांकावर नोंदणीसाठी पात्र असलेले अर्जदार आगाऊ अर्ज सादर करु शकतील. १ जानेवारी या अर्हता दिनांकावर आधारित पात्र मतदारांच्या अर्जावर वरील नमूद केलेल्या वेळापत्रकानुसार कार्यवाही करुन अंतिम प्रकाशनासह मतदार यादी अद्ययावत करण्यात येईल.

छायाचित्रासह मतदार यादीच्या विशेष संक्षिप्त पुनरीक्षण कार्यक्रम शुभारंभ निमित्ताने भारत निवडणूक आयोगाच्या उपस्थितीत होणाऱ्या विविध जनजागृती कार्यक्रमात सहभाग घेण्याचे आवाहनही मुख्य निवडणूक अधिकारी श्री.देशपांडे यांनी केले आहे.

पुणे, दि. 7 – मराठी विज्ञान परिषदेच्या मुंबई शाखेने आयोजित केलेल्या राज्यस्तरीय विज्ञान नाट्य स्पर्धेत पिंपरी येथील हिंदुस्थान अँटिबायोटिक्स माध्यमिक स्कूलच्या (एच. ए.) ‘द बिगिनिंग’ या एकांकिकेला चार वैयक्तिक पारितोषिकांसह विजेतेपद मिळाले.
शिक्षक जगदीश पवार यांना लेखन, दिग्दर्शन आणि प्रकाश योजनेसाठी प्रथम क्रमांकाची तीन पारितोषिके आणि सृष्टी पाटील या विद्यार्थिनीला उत्कृष्ट अभिनयाचे पारितोषिक मिळाले. आदिती झरकर, सृष्टी पाटील, हर्षदा वाघचौरे, सृष्टी भागवत, ऋषभराज सिंह, सौम्य साबळे आणि तन्वी हनपुडे या विद्यार्थ्यांचा विजयी संघात समावेश होता.
रोख एकतीस हजार रुपये, सन्मानचिन्ह, प्रशस्तिपत्र असे पारितोषिकाचे स्वरूप होते. सहभागी विद्यार्थ्यांना दहावीच्या परीक्षेसाठी अतिरिक्त 15 गुण मिळणार आहेत. मंगल साठे, रमेश गाढवे यांनी विद्यार्थ्यांना मार्गदर्शन केले.
वृत्तनिवेदिका शिबानी जोशी आणि दिग्दर्शक देवेंद्र प्रेम यांनी स्पर्धेचे परिक्षण केले. शाला समितीचे अध्यक्ष खेमराज रणपिसे, शालाप्रमुख एकनाथ बुरसे, उपशालाप्रमुख दीपा अभ्यंकर, पर्यवेक्षिका आशा बनसोडे व सुनीता पाटील यांनी विजेत्या संघाचे अभिनंदन केले आहे.

१० ते १२ नोव्हेंबर या कालावधीत विश्वराजबाग लोणी काळभोर येथे होणाऱ्या परिषदेत
सुशील कुमार माहापात्रा, नितु सिंग, रविलीन कौर यांना ‘जर्नालिझम फॉर पीस’ पुरस्कार

पुणे, ७ नोव्हेंबर : एमआयटी वर्ल्ड पीस युनिव्हर्सिटीच्या स्कूल ऑफ मीडिया अँड कंमुनिकेशन, पुणे तर्फे तीन दिवसीय चौथ्या राष्ट्रीय माध्यम व पत्रकारिता परिषदेचे आयोजन करण्यात आले. दि. १० ते १२ नोव्हेंबर २०२२ या कालावधीत लोणी काळभोर येथील विश्वराज बागेत असलेल्या जगातील सर्वात मोठा घुमट अर्थात तत्वज्ञ संतश्री ज्ञानेश्वर विश्वशांती सभागृहात ही परिषद होणार आहे, अशी माहिती ‘एमआयटी’चे प्र-कुलगुरू डॉ. मिलिंद पांडे आणि परिषदेचे निमंत्रक व स्कूल ऑफ मिडिया कम्युनिकेशनचे धीरज सिंग यांनी पत्रकार परिषदेत दिली.

प्रसंगी ‘एमआयटी’चे कुलसचिव डॉ. प्रशांत दवे, संचालक डॉ. महेश थोरवे, स्कूल ऑफ मीडिया अँड कंमुनिकेशनच्या प्रा. डॉ. मिथिला बिनीवाले उपस्थित होते. मुंबई प्रेस क्लब, पुण्यातील आर. के. लक्ष्मण म्यूझियम, फॉरेन करस्पॉन्डन्ट क्लब ऑफ साउथ एशिया, नवी दिल्ली आणि पुणे श्रमिक पत्रकार संघ यांच्या सहयोगाने ही परिषद होत आहे. एमआयटी वर्ल्ड पीस युनिव्हर्सिटीचे कार्याध्यक्ष प्रा. राहुल विश्वनाथ कराड यांच्या संकल्पनेतून आणि नेतृत्वाखाली होत असलेल्या परिषदेची यंदाची संकल्पना ‘संवाद, सर्वसमावेशकता आणि शांतता’ अशी आहे.

डॉ. मिलिंद पांडे म्हणाले, “परिषदेचे उद्घाटन येत्या गुरुवारी (दि. १०) सकाळी १०.३० वाजता ‘एएनआय’च्या संपादिका स्मिता प्रकाश, खासदार जवाहर सरकार यांच्या हस्ते होणार आहे. यावेळी आर. के. लक्ष्मण म्यूजियमच्या संचालिका उषा लक्ष्मण, ‘आयसीएचआर’चे अध्यक्ष पद्मश्री राघवेन्द्र तन्वर, न्यूज २४ च्या संपादिका अनुराधा प्रसाद, द डेली मिलापचे वरिष्ठ संपादक ऋषी सुरी, श्रमिक पत्रकार संघाचे अध्यक्ष स्वप्नील बापट, ‘सकाळ’चे संपादक सम्राट फडणीस, प्राची कुलकर्णी, प्रा. प्रियंकर उपाध्ये आदी सन्माननीय अतिथी म्हणून उपस्थित राहणार आहेत. अध्यक्षस्थानी एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ. विश्वनाथ दा. कराड असतील.”

धीरज सिंग म्हणाले, “यावर्षीपासून शांततेसाठी पत्रकारिता करणाऱ्या पत्रकारांना ‘जर्नालिझम फॉर पीस’ पुरस्कार देऊन गौरविण्यात येणार आहे. यंदाचा पहिला पुरस्कार एनडीटीव्हीचे सहयोगी संपादक सुशील कुमार माहापात्रा (ब्रॉडकॉस्टींग), नितु सिंग (डिजिटल) आणि डाउन टू अर्थ मुक्तपत्रकार रविलीन कौर (प्रिन्ट) यांना प्रदान करण्यात येणार आहे. ५० हजार रूपये रोख, स्मृतिचिन्ह व सन्मानपत्र असे पुरस्काराचे स्वरूप आहे. परिषदेचा समारोप शनिवारी (दि. १२) सकाळी १० वाजता होणार असून, सुप्रसिद्ध पत्रकार प्रा. के. जी. सुरेश प्रमुख पाहुणे म्हणून उपस्थित राहतील.” देशातील पत्रकार व पत्रकारितेतील विद्यार्थी या परिषदेत सहभागी होतील. ही परिषद मोफत आहे. मात्र, नियोजनाकरिता www.mitwpu.ncmj.com या संकेतस्थळावर नोंदणी करावी, असेही धीरज सिंग यांनी नमूद केले.

प्रा. डॉ. मिथिला बिनीवाले म्हणाल्या, “भारतीय पत्रकारितेची ७५ वर्षे, ओटीटी : क्बॉक ब्लस्टरचे काय झाले, भूतकाळ-वर्तमान आणि भविष्याचे दस्तऐवजीकरण करणे, नवीन माध्यमात नव्या नोकर्‍यांची संधी, संघर्षाच्या काळात शांततेचा आवाज या विषयांवर पाच सत्रे होणार आहेत. दिग्दर्शक दिव्यांशु मल्होत्रा, अभिनेता, लेखक व गीतकार दिपेश सुमित्रा जगदीश, पटकथा लेखक सुलग्ना चॅटर्जी, अभिनेता सायनदीप सेनगुप्ता, दुरदर्शनचे माजी संचालक मुकेश शर्मा, कन्नड चित्रपट उद्योगाचे संचालक के. एस. श्रीधर, डॉक्युमेंटरी चित्रपट निर्माता मिरयम चंडी मेनाचेरी, जेडडीएफ जर्मन टेलिव्हिजन येथील निर्माता राघवेंद्र वर्मा, पुणेकर न्यूजचे व्यवस्थापकीय संपादक, बीआयएमएस इंडियाचे सीईओ मुबारक अन्सारी, द मॉर्निंग कॉन्टेक्स्टचे व्यवस्थापकीय संपादक टी. सुरेंदर आणि रेडिओ सिटी येथे डिजिटल सामग्रीचे प्रमुख आमिर तमीम यांच्यासह प्रतिष्ठित माध्यमाचे संपादक, पत्रकार आदी सत्रांमध्ये चर्चा करणार आहेत. याशिवाय, ‘मीडिया टू मीडिया कनेक्ट’ व ‘यूथ टू यूथ’ अशी दोन सत्रे होतील.”