पुणे : शिक्षण प्रसारक मंडळी ची वार्षिक सर्वसाधारण सभा पुण्यात नुकतीच पार पडली असून सभेमध्ये संस्थेचे विद्यमान अध्यक्ष अ‍ॅड.सदानंद उर्फ नंदू फडके यांची अध्यक्षपदी पुन्हा पुढील ५ वर्षांसाठी म्हणजेच २०२३-२०२८ या कालावधीसाठी निवड करण्यात आली आहे. तर, उपाध्यक्षपदी गजेंद्र पवार, अनिलकुमार रुईया, डॉ.पवन पोदार यांची नियुक्ती झाली आहे.

संस्थेच्या लेडी रमाबाई सभागृहात झालेल्या सभेचे अध्यक्षपद सूर्यकांत पाठक यांनी भूषविले. सभेस शि.प्र.मंडळी नियामक मंडळाचे अध्यक्ष अ‍ॅड.एस.के.जैन, उपाध्यक्ष श्रीकृष्ण चितळे व इतर नियामक मंडळ सदस्य देखील उपस्थित होते. तसेच शि.प्र. मंडळीचे ज्येष्ठ सभासद डॉ.न.म.जोशी, ज.गं.फगरे यांसह पुणे व सोलापूर येथून देखील इतर सदस्यही सभेला होते.   अ‍ॅड.एस.के.जैन, अ‍ॅड.नंदू फडके, गजेंद्र पवार यांनी मनोगत व्यक्त केले.संस्थेच्या चिटणीस राधिका इनामदार सूत्रसंचालन केले. श्रीकृष्ण चितळे यांनी आभार मानले. सरस्वती वंदनेने सभेची सुरुवात आणि पसायदानाने सांगता झाली.  
अ‍ॅड.नंदू फडके गेली ४२ वर्षे वकिली व्यवसाय करीत आहेत. प्रथम वर्ग दंडाधिकारी न्यायालयापासून ते सर्वोच्च न्यायालयापर्यंत त्यांनी अनेक कामे बघितली आहेत. अष्टांग आयुर्वेद महाविद्यालयाचे अनेक वर्षे उपाध्यक्ष म्हणूनही कार्यरत होते. तसेच गेली १० वर्षांहून अधिक काळ ते भांडारकर प्राच्य विद्या संशोधन मंडळाचे अध्यक्ष आणि शिक्षण प्रसारक मंडळी संस्थेचे गेली ५ वर्षे अध्यक्ष म्हणून काम बघत आहेत.

गजेंद्र पवार हे बांधकाम व्यावसायिक असून पिनॅकल ग्रुपचे चेअरमन आणि व्यवस्थापकीय संचालक आहेत. याशिवाय मराठी बांधकाम व्यावसायिक संघटना, महाराष्ट्र हौसिंग कॉर्पोरेशन, क्रिकेट मास्टर अ‍ॅकॅडमी यांसारख्या अनेक संस्था व संघटनांवर ते कार्यरत आहेत. सामाजिक क्षेत्रात देखील ते कार्यरत असून निरामय ट्रस्ट पुणेचे विश्वस्त म्हणून काम पहात आहेत, अशी माहिती शि.प्र.मंडळी संस्थेच्या चिटणीस राधिका इनामदार यांनी दिली.

वाहतूक कोंडी टाळण्यासाठी उपाययोजनांची कामे लवकरात लवकर पूर्ण करण्याचे यंत्रणांना निर्देश

पुणे, दि. १: पुणे शहरात पावसाळ्यामध्ये होणाऱ्या वाहतूक कोंडीच्या अनुषंगाने सर्व उपाययोजनांची कामे संबंधित यंत्रणांनी लवकरात लवकर पूर्ण करावीत, असे निर्देश पुणे शहर पोलीस आयुक्त रितेश कुमार आणि पुणे मनपा आयुक्त विक्रमकुमार यांनी दिले.

मान्सूनपूर्व तयारीच्या अनुषंगाने पुणे पोलीस आयुक्तालयात काल (गुरुवारी) आयोजित बैठकीत हे निर्देश देण्यात आले. यावेळी पुणे स्मार्ट सिटीचे मुख्य कार्यकारी अधिकारी संजय कोलते, पोलीस सहआयुक्त संदीप कर्णिक, पुणे महानगरपालिकेचे अतिरिक्त आयुक्त विकास ढाकणे यांच्यासह वरिष्ठ पोलीस अधिकारी तसेच महामेट्रो, टाटा मेट्रो, पी.एम.आर.डी.ए., सार्वजनिक बांधकाम विभाग, कटक मंडळ, पी.एम.पी.एम.एल.चे अधिकारी उपस्थित होते.

या बैठकीमध्ये पुणे शहरामध्ये पावसाळ्यामध्ये होणारी वाहतूक कोंडी होऊ नये याकरिता करावयाच्या उपाययोजनांबाबत चर्चा करण्यात आली. पावसाचे पाणी साचणारी ठिकाणे, मेट्रो मार्ग, मेट्रो स्थानकांची कामे व त्याचा राडारोडा रस्त्यावर असल्याने होणारी वाहतूक कोंडी, शहरात सुरु असलेली उड्डाणपुलांची कामे, स्मार्ट सिटीच्या कामांतर्गत सुरु असलेल्या खोदकामामुळे पावसाचे पाणी साचण्याची ठिकाणे आदींच्या अनुषंगाने उपाययोजनांविषयी विचारविनिमय करण्यात आला.

गटारे, नालेसफाईचे काम गतीने पूर्ण करावे तसेच गटारांची तुटलेली झाकणे बदलावीत असे निर्देश यावेळी देण्यात आले. पावसाळी (स्टॉर्मवॉटर) पाईप लाईन, पिण्याच्या पाण्याची पाईपलाईन वगैरे कामामुळे रस्त्यात पडलेला राडारोडा काढून घेण्याविषयी सूचना देण्यात आल्या.

पावसाळ्यामध्ये वाहतूक नियमानाकरीता पुणे मनपा, महामेट्रो, टाटा मेट्रो यांच्याकडून वाहतूक शाखेस अतिरिक्त वॉर्डन पुरविण्याचे निर्देश मनपा आयुक्तांनी दिले.

आंबील ओढा, कोळेवाडी नाला, दळवी नगर चौक, आंबेगांव नाला, जांभुळवाडी नाला आदींच्या नालेसफाईबाबत यावेळी चर्चा करण्यात आली. पीएमपीएमएल बसेस नादुरुस्त होऊ नयेत यासाठी दक्षता घ्यावी. वाहतूकीस अडथळा ठरणारी अतिक्रमणे तात्काळ काढावीत असेही सांगण्यात आले.

अचानक पाऊस झाल्यास उद्भवणाऱ्या आपत्कालीन परिस्थितीमध्ये तात्काळ उपाययोजना करण्यात याव्यात. सर्व संबंधित यंत्रणांचा एकमेकांशी समन्वय रहावा याकरीता सर्व संबंधित स्वायत्त संस्थांच्या कार्यालयामध्ये नियंत्रण कक्ष तयार करण्यात येणार असून जलद प्रतिसादासाठी सर्व विभागांच्या अधिकाऱ्यांमध्ये तातडीने संदेशाचे आदानप्रदान करण्याच्या सूचनाही यावेळी देण्यात आल्या.

पुणे- पुण्याच्या संस्कृतीचे महत्व आणि गोडवे नेहमीच गायले जाते ,शिक्षणाचे माह्रेघर म्हणूनही पुणे ओळखले जाते पण आता अशा पुण्यात जन्माला घातलेले अर्भक (मुल ) रस्त्यावर सोडण्याच्या प्रकारात काही कमतरता होताना दिसत नाहीये .महात्मा गुले आणि सावित्री माई फुले यांनी रूढी परंपरा ना लाथाडून बनवू पाहिलेल्या सुसंस्कृत पुण्यात आता तातडीने अशा घटनांकडे लक्ष देऊन उचित सामाजिक पावले उचलण्याची गरज निर्माण झाली आहे. विमानतळ पोलीस आणि येरवडा पोलीस यांना आपल्या हद्दीत जन्माला घातलेले आणि रस्त्यावर सोडलेली २ मुले प्राप्त झाली आहेत.वास्तविक पाहता अशा घटना वारंवार सुरु आहेत ,पण या प्रकरणी आता पुण्याने गंभीर दाखल घेण्याची वेळ आली आहे पहाटे ४ वाजता विमानतळ पोलीस ठाण्याच्या हद्दीतील केंद्रीय विद्यालयाच्यारस्त्याच्या कडेच्या भिंतीलगत एक अर्भक मिळून आले आहे.गोरी छान १ ते दीड फुट हाईट असलेली ५ एक दिवसांची मुलगी कोणीतरी येथे सोडून निघून गेले आहे.फौजदार वाकडे 9175603088याप्रकरणी तपास करत आहेत. पोलीस नाईक विजय भोसले यांनी याप्रकरणी अज्ञात व्यक्ती विरोधात गुन्हा दाखल केला आहे.

आगाखान पूल कल्याणीनगर पदपथाच्या कठड्याजवळ रात्री साडेआठ ते नऊ च्या दरम्यान साधारणतः ४ ते ५ दिवसांची आणखी मुलगी (अर्भक )कोणीतरी सोडून गेले आहे.बबलू शेख यांनी या संदर्भात फिर्याद दिली असून फौजदार गायकवाड 7709130917अधिक तपास करत आहेत .

पुणे- इलेक्ट्रोनिक बस आणल्या, बीआरटी ला स्वतंत्र लेन हवी , बस स्थानकांवर, बसेसवर जाहिरातीतून प्रचंड महसूल हवा ,शिवाय पुणे आणि पिंपरी महापालिकेने दरवर्षी शेकडो कोटीची मदत तर कार्याला हवी शिवाय फुकटच्या जागा डेपो आणि पार्किंगसाठी द्यायला हव्यात कारण हि सामाजिकदृष्ट्या राबविलेली सार्वजनिक सेवा आहे,धंदा नाही ..हे सारे खरे असले तरी पीएमपीएमएलने नागरिक किती वर्षे प्रवास करतात ..सुरुवातीची ३/ ४ वर्षे नंतर आपापली दुचाकी घेतात आणि कामाला सुटतात हि वास्तवता आहे अशाच पार्श्वभूमीवर आता पीएमपी ला आणखी एका मोठ्या संकटाने ग्रासले आहे. पण ज्याकडे ना पोलिसांचे लक्ष ना,पीएमपीएमएल च्या प्रशासनाचे लक्ष .. ते म्हणजे या बस प्रवासात होणाऱ्या चोऱ्या …

कुठे किती चोऱ्या झाल्या ? चोऱ्यांचे हॉट स्पॉट कोणते ? गेल्या प्रत्येक सहामाहीचा डाटा या दोघांकडे उपलब्ध नाही,ना त्यावर काई उपाय योजना करण्याची मानसिकता नाही .

दरम्यान नेहमीप्रमाणे चोऱ्या माऱ्या सुरूच आहेत .वाघोली च्या एका ४६ वर्षीय महिलेचे पाटस ते हडपसर प्रवासा दरम्यान अज्ञात चोरट्याने गर्दीचा फायदा घेऊन पर्स मध्ये ठेवलेले ५० हजार रुपये किंमतीचे दागिने चोरून नेले .काल सकाळी हा प्रकार घडला . हद्प्सारचे पोलीस अंमलदार अशोक निकम 8888829480 याप्रकरणी तपास करत आहेत.

स्वारगेट येथून कात्रज ला निघालेली महिला बस मध्ये चढत असताना तिच्या मनगटातील ८७५०० रुपयांची सोन्याची पातळी कट करून चोरट्याने पळविली सायंकाळी पावणेसह वाजता हि चोरी झाली .आंधळे नावाचे अंमलदार याप्रकरणी तपास करत आहेत ज्यांचा मोबाईल क्रमांक नाही पण ̈020/24452769 हा नंबर देण्यात आला आहे.

घरगुती, वाणिज्यिक व औद्योगिक ग्राहकांकडे दहा हजारांवर सौर ऊर्जा प्रकल्प

पुणे, दि. ०१ जून २०२३: महावितरणकडून छतावरील सौर ऊर्जा निर्मिती प्रकल्पांना वेग देण्यात आला असून पुणे परिमंडलात चांगल्या प्रतिसादामुळे तब्बल २५३.९४ मेगावॅट क्षमतेचे १० हजार १७० सौर ऊर्जा प्रकल्प कार्यान्वित झाले आहेत. यामध्ये सर्वाधिक वैयक्तिक व सोसायटीच्या घरगुती ७ हजार ५८० ग्राहकांकडील ७२ मेगावॅटच्या सौर प्रकल्पांचा समावेश आहे. तर ९६.७९ मेगावॅट क्षमतेचे आणखी ३ हजार ५८० प्रकल्पांचे काम सुरू आहे.

महावितरणच्या घरगुती वर्गवारीतील ग्राहकांसाठी (घरगुती, गृहनिर्माण रहिवासी संस्था व निवासी कल्याणकारी संघटना) छतावरील (रुफटॉप) सौर ऊर्जा निर्मिती यंत्रणा बसविण्यासाठी केंद्र शासनाकडून ४० टक्क्यांपर्यंत अनुदान देण्यात येत आहे. या योजनेच्या अंमलबजावणीसाठी महावितरणचे अध्यक्ष व व्यवस्थापकीय संचालक श्री. विजय सिंघल सातत्याने आढावा घेत आहेत. तर संचालक (प्रकल्प) श्री. प्रसाद रेशमे यांनी परिमंडलांना भेटी देत या योजनेला वेग दिला आहे.

घरगुती ग्राहकांसाठी १ ते ३ किलोवॅटपर्यंत ४० टक्के आणि ३ किलोवॅटपेक्षा अधिक ते १० किलोवॅटपर्यंत २० टक्के अनुदान देण्यात येत आहे. उदा. ३ किलोवॅट क्षमतेच्या सौर ऊर्जा यंत्रणेसाठी सुमारे १ लाख २४ हजार रुपयांचा खर्च येतो. त्यामध्ये ४० टक्के अनुदानाप्रमाणे सुमारे ४९ हजार ६०० रुपयांचे केंद्रीय वित्त सहाय्य मिळेल व संबंधीत ग्राहकास प्रत्यक्षात सुमारे ७४ हजार ४०० रुपयांचा खर्च करावा लागेल. तसेच सामुहिक वापरासाठी ५०० किलोवॅटपर्यंत परंतु प्रत्येक घरासाठी १० किलोवॅट मर्यादेसह गृहनिर्माण रहिवासी संस्था (Group Housing Society) व निवासी कल्याणकारी संघटना (Residential Welfare Association) ग्राहकांना २० टक्के अनुदान देण्यात येत आहे.

पुणे परिमंडलामध्ये आतापर्यंत उच्च व लघुदाबाच्या ७५८० घरगुती ग्राहकांकडे ७२ मेगावॅट, १३६४ वाणिज्यिक- ३६.११ मेगावॅट, ६४१ औद्योगिक- ११०.२८ मेगावॅट आणि इतर ५८५ ग्राहकांकडे ३५.५५ मेगावॅट क्षमतेचे छतावरील सौर ऊर्जा प्रकल्प कार्यान्वित झाले आहेत. तर १७.८३ मेगावॅटचे २८८० घरगुती, १५.०१ मेगावॅटचे ३४३ वाणिज्यिक, ५५.६४ मेगावॅटचे २२४ औद्योगिक तर ८.३१ मेगावॅटचे १३३ इतर वर्गवारीतील सौर प्रकल्प उभारणीचे काम सुरू आहे.

पुणे परिमंडलामध्ये छतावरील सौर ऊर्जा प्रकल्पांना मोठा वेग देण्यात आला आहे. यामध्ये गणेशखिंड येथील विश्रामगृहाच्या छतावर सौर ऊर्जा निर्मिती प्रकल्प उभारण्यात आला असून त्याद्वारे अभियंता व तांत्रिक कर्मचाऱ्यांना प्रशिक्षण देण्यात आले. तसेच निवडसूचीवरील ‘सौर’च्या ४५ एजन्सीजच्या प्रतिनिधींना विशेष प्रशिक्षण देण्यात आले आहे. सोबतच सर्व ४१ उपविभाग कार्यालयांतील सहायक अभियंता (गुणवत्ता नियंत्रण) आणि ‘सौर’ एजन्सीजच्या प्रतिनिधींची संयुक्त कार्यशाळा नुकतीच झाली.

मनोगत : मुख्य अभियंता श्री. राजेंद्र पवार – छतावरील सौर ऊर्जा प्रकल्पांमुळे घरगुती वैयक्तिक व सोसायट्यांच्या वीजबिलांच्या खर्चात कपात होऊन त्यांना मोठा आर्थिक फायदा होत आहे. प्रकल्प उभारणीचा खर्च चार ते पाच वर्षांमध्ये भरून निघतो व त्याचा पुढे सुमारे २५ वर्ष लाभ होतो. यासह सौर प्रकल्पाच्या यंत्रणेला लावलेल्या नेटमिटरिंगद्वारे वर्षाअखेर शिल्लक वीज प्रतियुनिटप्रमाणे महावितरणकडून विकत घेतली जात आहे. वीजबिलातील आर्थिक बचत व पर्यावरणस्नेही म्हणून वीजग्राहकांनी छतावरील सौर ऊर्जा योजनेचा लाभ घ्यावा.

————————