पुणे दि. १० : वडगाव शिंदे, दहिवान वस्ती येथे खासदार गिरीश बापट यांनी उपलब्ध करून दिलेल्या 30.०० लक्ष रुपये निधीतून साकवचे काम पूर्ण झाले आहे.
वडगाव शिंदे येथील दहिवान वस्ती येथे नागरिकांना शेतात व वस्तीवर ये-जा करण्यासाठी ओढ्यावर साकव तसेच रस्ता नसल्यामुळे गैर सोय होत होती. पावसाळ्यामध्ये ओढ्याला पाणी असल्यामुळे नागरिकांना तर अधिकच अडचणी येत. नागरिकांची होणारी गैर सोय दूर करण्यासाठी तसेच स्थानिक नागरिकांनी बापट यांच्याकडे याठिकाणी साकव करण्यासाठी निधी उपलब्ध होण्याकरिता विनंती केली. त्यानुसार बापट यांनी जिल्हा वार्षिक योजनेतून 30.०० लक्ष रुपये उपलब्ध करून दिले. या उपलब्ध झालेल्या निधीतून या ठिकाणी साकव उभारण्यात आला. हा साकव पूर्ण झाल्यामुळे गावातील नागरिकांना ये-जा करणे सोयीचे झाले आहे.
यापुढेही वडगाव शिंदे गावातील विकास कामासाठी निधी उपलब्ध करून देण्यासाठी माझा नक्कीच प्रयत्न राहील असे बापट यांनी सांगितले.

चंद्रकांत दादा पाटील यांच्या विधाना विरोधात आपचे इशारा आंदोलन!

पुणे-राज्याचे उच्च व तंत्र शिक्षण मंत्री भाजपचे चंद्रकांत पाटील यांनी काल ‘फुले, आंबेडकर आणि कर्मवीर पाटील यांनी शाळेसाठी भीक मागितली असे विधान केल्याच्या निषेधार्थ भाजपला इशारा म्हणून आम आदमी पार्टी तर्फे कोथरूड येथील कर्वे पुतळ्याजवळ आंदोलन करण्यात आले. त्यावेळेस ‘भीक नको शिक्षण हक्क हवा’, ‘गणपती बाप्पा, चंद्रकांत पाटील यांना अक्कल दे!’ ‘चंद्रकांत पाटील हाय हाय’ अशा घोषणा देण्यात आल्या.
महात्मा फुले ,डॉ आंबेडकर , कर्मवीर पाटील यांच्या संदर्भात मंत्री चंद्रकांतदादा पाटील यांनी केलेले विधान अत्यंत निर्लज्ज स्वरूपाचे आहे. चंद्रकांत दादा पाटलांनी पुन्हा शाळेत प्रवेश घेऊन इतिहासाचा अभ्यास करावा आणि हे लक्षात घ्यावे की महात्मा फुलेंनी इंग्रजांकडे, हंटर आयोगाकडे मोफत, सक्तीचा शिक्षण हक्क प्रस्ताव मांडला होता, डॉक्टर आंबेडकरांनी संविधानाच्या मार्गाने हा शिक्षणाचा हक्क बहुजनांना मिळवून दिला आणि कर्मवीर भाऊराव पाटील यांनी शाळा सुरू करून बहुजनांना संधी उपलब्ध करून दिली. असे असताना त्यांच्या रचनात्मक कामा संदर्भातले हे विधान अत्यंत निषेधार्थ आहे असे आप चे जिल्हा अध्यक्ष मुकुंद किर्दत यांनी म्हंटले.

ज्ञान हा एका विशिष्ठ समाजाचा अधिकार असताना हा सर्व ज्ञानाचा साठा बहुजनांसाठी खुला करण्याचं काम या थोर लोकांनी केलं.मोठ्या कंपन्यांना हजारो कोटी च्या सवलती देणाऱ्या सरकारला अनुदानासाठी ची जबाबदारी घ्यावीशी वाटत नाही हे धोरण गरिबाला शिक्षणापासून वंचित ठेवेल.त्यामुळे आता हा सर्व समाजाला शिक्षण हक्क प्राप्त झाल्यानंतर आम्हाला आता ‘ सी एस आर ‘ची भीक नको आणि यापुढे चंद्रकांत दादा यांनी अशी विधाने करू नयेत अन्यथा आम आदमी पार्टी रस्त्यावर उतरेल व या शिक्षणाच्या माहेर घरातून त्यांना तोंड काळे करायला भाग पाडेल असा इशारा आप तर्फे देण्यात आला.

आज च्या आंदोलनात आम आदमी पार्टीचे पदाधिकारी मुकुंद किर्दत,एकनाथ ढोले, नीलेश वांजळे,अभिजीत वाघमारे , आदित्य जाधव, ऋषिकेश मारणे, फेबियन सॅमसन, मनोज चोरडिया, आरती करंजावणे, सीमा गुट्टे, वैशाली डोंगरे, श्रद्धा शेट्टी, सुजित आगरवाल,मनोज शेट्टी, माधुरी गायकवाड , उमेश शेट्टी, अमोल मोरे, सुरेखाताई भोसले, कीर्तीसिंग चौधरी, अविनाश भाकरे, किशोर मुजुमदार, उमेश बागडे, श्रीकांत चांदणे, नितीन पायगुडे, विक्रम गायकवाड, मिलिंद सरोदे, थोरात मनोज, चंद्रकांत गायकवाड, गजानन भोसले, सय्यद अली, सुहास पवार, निखिल कंद, शिवाजी डोलारे, संदेश सोलेकर, प्रथमेश भोसले, विवेक गोसावी, तुषार कासार, फैजान शेख, किशोर मस्के,तात्यासाहेब आवटे, जयश्री डिंबळे, दिनेश वर्मा, किरण इंगळे, निखिल कंद व इतर कार्यकर्ते सामील झाले होते

पुणे : राज्याचे उच्च व तंत्र शिक्षण मंत्री चंद्रकांत पाटील यांच्यावर शाईफेक करण्यात आली. चंद्रकांत पाटील यांच्यावर पुणे जिल्ह्यातील पिंपरी चिंचवड येथे शाईफेक करण्यात आलीय. चंद्रकांत पाटील यांनी काल भाषण करताना महात्मा जोतिबा फुले, सावित्रीबाई फुले, डॉ. बाबासाहेब आंबेडकर आणि कर्मवीर भाऊराव पाटील यांच्याविषयी बोलताना वादग्रस्त विधान केलं होतं. शाळा काढण्यासाठी महापुरुषांनी भीक मागतल्याचं धक्कादायक विधान त्यांनी केलं होतं. त्यांच्या वक्तव्यावर सर्वत्र टीका झाल्यानंतर त्यांनी आपल्या वक्तव्यावर स्पष्टीकरण करत दिलगिरी व्यक्त केली होती. पणत्यानंतर . त्यांच्यावर पिंपरीत शाईफेक करण्यात आली. उद्घाटन कार्यक्रमाला जाण्यापूर्वी भाजपचे कार्यकर्ते मोरेश्वर शेंडगे यांच्या घरी चहापानासाठी थांबले. यानंतर घरातून बाहेर पडल्यावर काही क्षणात अज्ञाताने त्यांच्या अंगावर शाई फेकली. यामुळे मोठा गोंधळ उडाला. पोलिसांची धावपळ उडाली. पाटील यांना पुन्हा शेडगे यांच्या घरी नेले.

आपल्या कार्यकर्त्याच्या घरुन निघत असताना चंद्रकांत पाटील यांच्यावर अचानक एका व्यक्तिनं शाई फेकली. यावेळी पोलिसांनी त्या व्यक्तिला लगेच ताब्यात घेतलं. चंद्रकांत पाटील मुर्दाबाद अशी घोषणाबाजी देखील यावेळी शाई फेकणारा व्यक्ती करत होता. त्या व्यक्तिचं नाव अद्याप समजलेलं नाही. श्रीमान महासाधू मोरया गोसावी यांच्या संजीवन समाधी सोहळ्याच्या उद्घाटन समाधीसाठी चिंचवड गावात आले होते, त्यावेळी त्यांना हे काळे झेडे देखील दाखवण्यात आले. 

चंद्रकात पाटील यांनी केलेल्या वक्तव्याच्या विरोधात नॅशनल स्टुडंट्स युनियन ऑफ इंडियाचे विद्यार्थी (NSUI) आक्रमक झाले होते. महापुरुषांबद्दल केलेल्या बदनामीकारक वक्तव्यावरुन कार्यकर्ते आक्रमक झाले आहेत. कार्यकर्त्यांनी चंद्रकांत पाटील मुर्दाबाद अशा घोषणा करत भर रस्त्यात त्यांचा ताफा अडवण्याचा प्रयत्न केला. यावेळी कार्यकर्त्यांनी हातात बाबासाहेब आंबेडकर, ज्योतीबा फुले यांचे फोटो हातात घेतले होते. ते फोटो दाखवत त्यांना काळे झेंडे देखील दाखवले. चंद्रकांत पाटील यांच्या या वक्तव्यावरून काँग्रेसने आक्रमक भूमिका घेतली आहे. वेगवेगळ्या शहरात कॉंग्रेसकडून निषेध व्यक्त केला जात आहे.

चंद्रकांत पाटील यांच्या कार्यक्रमादरम्यान होणाऱ्या संभाव्य गोंधळाच्या पार्श्वभूमीवर पोलिसांचा बंदोबस्त करण्यात आला आहे. मोरया गोसावी संजीवन समाधी सोहळ्यासाठी ते राहणार उपस्थित आहेत.  महापुरुषांबद्दल केलेल्या बदनामीकारक वक्तव्य केल्यामुळे कार्यक्रमात गोंधळ होण्याची शक्यता होती. त्यामुळे पदाधिकाऱ्यांच्या घराजवळ पोलिसांचा चोख बंदोबस्त लावण्यात आला होता. असं असतानाही चंद्रकांत पाटील यांच्या चेहऱ्यावर एका व्यक्तिनं शाईफेक केली.

चंद्रकांत पाटील यांच्याविरोधात बॅनरबाजी करण्यात आली आहे. शहर युवक काँग्रेसच्या वतीने चंद्रकांत पाटील यांच्याविरोधात बॅनर लावण्यात आले आहेत. पुण्यातील कोथरुड  भागात लावण्यात आले आहेत. “भिकेमध्ये मिळालेला कोथरूड मतदार संघ” असा उल्लेख या बॅनरमध्ये करण्यात आला आहे. यावर काळ्या रंगाच्या बॅकग्राऊंडमध्ये त्यांचा कार्टूनसारखा फोटो बॅनरवर लावण्यात आलं आहे. शहरात कोथरुड भागातच नाही तर इतर भागात देखील असे बॅनर लावण्यात आले आहेत. या बॅनरची सध्या शहरात जोरदार चर्चा सुरु आहे. 

नोव्हेंबरमध्ये 3 कोटी 56 लाख 60 हजार रुपयांची 175 वीज चोरीची प्रकरणे उघडकीस

पुणे : गेल्या नोव्हेंबरमध्ये महावितरणच्या भरारी पथकाने पुणे प्रादेशिक विभागात 3 कोटी 56 लाख 60 हजार रुपयांची 175 वीज चोरीची प्रकरणे उघडकीस आणली असून यामुळे वीज चोरांचे धाबे दणाणले आहे.
उघडकीस आणलेल्या वीज चोरीमध्ये मोठया प्रमाणात औद्योगिक व व्यावसायिक ग्राहकांचा समावेश आहे. यात 4 प्रकरणात मोठ्या प्रमाणावर वीज चोरी केल्याचे तपासात उघड झाले आहे.
प्राप्त माहितीनुसार नोव्हेंबरमध्ये पुणे ग्रामीण भागातील उरुळीकांचन परिसरात रात्रीच्यावेळी भरारी पथकाने धाड टाकुन पेट्रोल पंपाची वीजचोरी उघडकीस आणलेली आहे. सदर व्यावसायिक ग्राहकाने मीटरला जंपर टाकुन बायपास करून वीजचोरी करण्याची तरतुद केलेली होती. ग्राहकास 90 हजार 179 युनिटचे रू. 19 लाख 42 हजार 182 रूपयांचे वीजचोरीचे बील देण्यात आले आहे.
दुसऱ्या प्रकरणात पुणे शहर भागातील 80 केडब्ल्यु जोडभार असलेल्या व्यावसायिक ग्राहकाची वीजचोरी पकडण्यात आली. सदर व्यावसायिक ग्राहकाने मीटरच्या आधी एल.टी. केबलला टॅप करून मीटर बायपास करून वीजचोरी केलेली होती. सदर ग्राहकानी 80 हजार 438 युनिटसची चोरी केल्याचे तपासात उघड झाले असून त्यांना 28 लाख 14 हजार रूपयांचे वीजचोरीचे बील देण्यात आले आहे.
तिसऱ्या प्रकरणात कोल्हापुर मधील इचलकरंजी भागातील 91 एच.पी. जोडभार असलेल्या औद्योगिक ग्राहकाची वीजचोरी उघडकीस आलेली आहे. सदर औद्योगिक ग्राहकाने मीटरमध्ये छेडछाड करून वीजचोरी केल्याचे तपासात आढळून आले व 90 हजार 208 युनिटस्  चोरी केल्यामुळे त्यांना 15 लाख 21 हजार 710 रूपयांचे वीजचोरीचे बील देण्यात आले आहे.
चवथ्या प्रकरणात सोलापुर मधील नातेपुते भागातील 60 एच.पी. जोडभार असलेल्या औद्योगिक ग्राहकाची वीजचोरी उघडकीस आलेली आहे. सदर औद्योगिक ग्राहकाने दुसऱ्या डिस्ट्रीब्युशन ट्रान्सफॉर्मरवरून एल.टी. केबल टाकुन मीटर बायपास करून वीजचोरी केल्यामुळे त्यांना  69 हजार 555 युनिट्सची वीज चोरी केल्यामुळे  11 लाख 55 हजार 300 रूपयांचे वीजचोरीचे बील देण्यात आले आहे.
सदर वीजचोरीची रक्कम भरण्यासाठी ग्राहकांना नियमानुसार मुदत देण्यात आली असून विहित कालावधीत या ग्राहकांनी वीजबिलाची रक्कम भरली नाही तर त्यांच्याविरूध्द  विद्युत अधिनियम – 2003 नुसार कारवाई करण्यात येणार आहे. 
विद्युत अधिनियम 2003 च्या कलम 135 व 136 नुसार वीज चोरी हा दंडनीय अपराध असून यात आरोपींना  सश्रम कारावसाच्या  शिक्षेची तरतूद आहे. त्यामुळे ग्राहकांनी वीज चोरीपासून परावृत्त व्हावे, असे महावितरणने आवाहन केले आहे.
आगामी काळात वीजचोरांच्या विरोधात मोठ्या प्रमाणात वीज चोरी शोध मोहीम राबविण्याचे निर्देश महावितरणचे अध्यक्ष आणि व्यवस्थापकीय संचालक श्री विजय सिंघल यांनी दिले आहेत. त्यांच्याच मार्गदर्शनाखाली सुरक्षा व अंमलबजावणी विभागाचे उप संचालक सुमित कुमार हे पुणे प्रादेशिक विभागातील वीज चोरांवर कडक पाळत ठेवत आहे.

पुणे, दि.१० : राष्ट्रीय आपत्ती व्यवस्थापन प्राधिकरण नवी दिल्ली यांच्याकडून राज्यातील २० जिल्ह्यामध्ये आपत्ती मित्रांची निवड करून त्यांना प्रशिक्षण देण्याच्या योजनेंतर्गत पुणे जिल्ह्यातून ५०० स्वयंसेवकांसाठी १६ डिसेंबरपासून प्रशिक्षणाचे आयोजन करण्यात आले आहे. इच्छुकांनी प्रशिक्षणासाठी नाव नोंदणी करावी, असे आवाहन जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.राजेश देशमुख यांनी केले आहे.

राष्ट्रीय आपत्ती प्रतिसाद बल सुदुंबरे, मावळ या ठिकाणी प्रशिक्षणाचे आयोजन करण्यात आले आहे. प्रशिक्षणासाठी विविध तालुक्यातून ५०० आपत्ती मित्रांची निवड करावयाची आहे. जिल्ह्यातील आपत्ती व्यवस्थापन क्षेत्रामध्ये कार्य करण्यास इच्छुक असणारे युवक-युवतीं, माजी सैनिक, राष्ट्रीय सेवा योजना आणि एनसीसीचे विद्यार्थी, नेहरू युवा केंद्राचे युवक-युवती, होमगार्ड, पोलीस मित्र, वनमित्र, नागरी संरक्षण दलाचे स्वयंसेवक तसेच विविध संस्थेचे युवक-युवती नाव नोंदणी करू शकतात.

प्रशिक्षणासाठी इच्छुक स्वयंसेवकाचे वय १८ वर्षे ते ४० वर्षापर्यंत असावे. प्रशिक्षणार्थी १२ दिवसांचे निवासी प्रशिक्षण पूर्ण करण्यास तयार असावा. प्रशिक्षणानंतर प्रशासनास आपत्कालीन प्रसंगी सहकार्य करण्यास तयारी असावी. आपत्ती मित्रांनी प्रशिक्षण पूर्ण केल्यानंतर त्यांना प्रमाणपत्र देण्यात येवून त्यांचा ५ लाख रुपयांचा अपघाती विमा उतरविण्यात येणार आहे.

इच्छुकांनी अधिक माहितीसाठी ०२०-२६१२३३७१ किंवा ९३७०९६००६१ या हेल्पलाईन क्रमांकांवर संपर्क साधावा. जिल्ह्यातील जास्तीत जास्त युवक-युवतींनी संबंधित तहसिलदार कार्यालयात नाव नोंदणी करावी, असे आवाहन करण्यात आले आहे.

पुणे, दि. १०: ‘उमेद’ महाराष्ट्र राज्य ग्रामीण जीवनोन्नती अभियानामार्फत स्वयंसहाय्यता समुहातील महिलांनी तयार केलेल्या उत्पादनांना बाजारपेठ उपलब्ध होण्यासाठी जिल्हा ग्रामीण विकास यंत्रणा जिल्हा परिषद पुणेमार्फत १२ डिसेंबर २०२२ रोजी तांदूळ महोत्सव नवीन जिल्हा परिषद येथे आयोजित करण्यात आलेला आहे.

या महोत्सवात जिल्ह्यातील वेल्हा, मुळशी, मावळ, आंबेगाव, भोर, हवेली, खेड, पुरंदर व जुन्नर या तालुक्यातील महिला स्वयंसहाय्यता समुह सहभागी होणार आहेत. यामध्ये पुणेकरांना अस्सल इंद्रायणी सेंद्रिय तांदुळ आणि त्याचबरोबर कोलम, वाडा कोलम, आंबेमोहर, काळा तांदुळ, बासमती स्थानिक वाणाचा दप्तरी आदी विविध प्रकारचा तांदुळ खरेदी करण्याची संधी उपलब्ध होणार आहेत.

सर्व पुणेकर नागरिक तसेच सर्व शासकीय कार्यालयातील अधिकारी कर्मचाऱ्यांनी तांदुळ महोत्सवास भरघोस प्रतीसाद देत खेरदी करावी असे आवाहन जिल्हा परिषदेचे मुख्य कार्यकारी अधिकारी आयुष प्रसाद यांनी केले आहे.

१८ व्या सेवा कर्तव्य त्याग सप्ताहाचा समारोप
पुणे : “गेल्या काही वर्षात लोकशाही, राज्यघटना आणि महापुरुषांवर सातत्याने आघात होत आहेत. लोकशाहीचे मूल्ये, तत्वांना पायदळी तुडवले जात आहे. समाजात द्वेष पसरवून अराजकता माजवण्याचा प्रयत्न केला जात आहे. लोकशाहीचे, राज्यघटनेचे संरक्षण करण्यासाठी विद्यार्थी, तरुणांसाठी राज्यघटनेच्या मूल्यांवर, तत्वांवर शिबिरे घेऊन जागृती करायला हवी,” असे प्रतिपादन काँग्रेसचे नेते माजी महसूल मंत्री आमदार बाळासाहेब थोरात यांनी केले. भारतीय जनता पार्टीचे नेते बेभान झाले असून, त्यांना वठणीवर आणण्यासाठी निवडणुकीतून उत्तर देण्याची गरज असल्याचे त्यांनी नमूद केले.
श्रीमती सोनिया गांधी यांच्या वाढदिवसानिमित्त आयोजिलेल्या १८ व्या सेवा कर्तव्य त्याग सप्ताहाचा समारोप बाळासाहेब थोरात यांच्या उपस्थितीत झाला. काँग्रेस भवनात झालेल्या या कार्यक्रमाच्या अध्यक्षस्थानी सेवा कर्तव्य त्याग सप्ताहाचे संयोजक व महाराष्ट्र प्रदेश काँग्रेसचे उपाध्यक्ष माजी आमदार मोहन जोशी होते. यावेळी माजी मंत्री रमेश बागवे,आबा बागुल माजी आमदार दीप्ती चवधरी, माजी महापौर कमल व्यवहारे,रजनी त्रिभुवन, अविनाश बागवे,दत्ता बहिरट, संजय बालगुडे, वीरेंद्र किराड, माजी नगरसेवक रविंद्र धंगेकर, चंदुशेठ कदम, लता राजगुरू, मनीष आनंद, सुजाता शेट्टी, रफिक शेख, पिंपरी-चिंचवडचे शहराध्यक्ष कैलास कदम, रोहन सुरवसे, युवक काँग्रेसचे शहराध्यक्ष राहुल सिरसाट, भूषण रानभरे, शिवा मंत्री, कैलास गायकवाड, प्रवीण करपे, विजय खळदकर, रमेश सोनकांबळे, सतीश पवार, रमेश सकट, राजेंद्र भुतडा, अजित जाधव, सुनील धाडगे, चंद्रशेखर कपोते, रतनगिरी शिलार, प्रशांत सुरसे, रामदास मारणे, भरत सुराणा, बाळासाहेब अमराळे, भीमराव पाटोळे, बाळासाहेब मारणे, भगवान धुमाळ, ऍड. शब्बीर खान, सीमा सावंत, स्वाती शिंदे, प्राची दुधाने, रमेश पवळे, किशोर मारणे, रमेश अय्यर, चेतन अगरवाल,  जया किराड, गौरव बोराडे, कान्होजी जेधे, अजय पाटील, अस्लम बागवान, निलेश बोराटे, द. सु. पोळेकर, रेखाताई घलोत, अनुसया गायकवाड, साहिल केदारी, विशाल मलके, श्रीकृष्ण बराटे आदी उपस्थित होते. 
बाळासाहेब थोरात म्हणाले, “सोनिया गांधी यांच्या अध्यक्षतेखाली ‘युपीए’ सरकारने सामान्य नागरिक केंद्रस्थानी ठेवून निर्णय घेतले. मुक्त अर्थव्यवस्थेला चालना दिली. माहिती अधिकार, शिक्षणाचा अधिकार, अन्न सुरक्षा योजना, रोजगार हमी योजना अशा लोकोपयोगी निर्णय घेतले गेले. त्यांच्या या ऋणातून उतराई होण्याचा प्रयत्न मोहन जोशी या सप्ताहाद्वारे करत आहेत. सलग १८ वर्षे हा उपक्रम यशस्वीपणे राबवण्याचे काम केवळ मोहन जोशी करू शकतात. भारत जोडो यात्रेला ते माझ्याबरोबर सहसमन्वयक म्हणून काम पाहत होते. त्यांचे काम एखाद्या लॅपटॉपप्रमाणे आहे. सगळ्या गोष्टींच्या बाबतीत ते अपडेट असतात. पक्षासाठी एकनिष्ठ व कर्तव्य भावनेने करत असलेल्या मोहन जोशी यांचे कार्य कौतुकास्पद आहे.”
“आज देशात वेगळी परिस्थिती आहे. नोटबंदी, जीएसटीसारखे चुकीचे निर्णय लादले गेले. त्यातून महागाई वाढत आहे. स्वायत्त संस्थांचे अस्तित्व धोक्यात येत आहे. महाराष्ट्राची सातत्याने अवहेलना सुरु आहे. प्रकल्प गुजरातला जाताहेत, कर्नाटकचे मुख्यमंत्री रोज दडपशाहीची भाषा वापरात आहेत. राज्यातील सरकार, मुख्यमंत्री त्यावर बोलत नाही. याउलट छत्रपती शिवाजी महाराज, फुले-शाहू-आंबेडकर यांच्यासह इतर महापुरुषांचा अवमान करण्याची चढाओढ भाजप त्यांच्या नेत्यांमध्ये लागल्याचे दिसते. त्यामुळे बेताल आणि बेभान वागणाऱ्या भाजपचा बुरखा फाडून खरा चेहरा जनतेसमोर आणण्याचे काम आपल्याला करावे लागेल,” असे बाळासाहेब थोरात यांनी नमूद केले.
बाळासाहेब थोरात पुढे म्हणाले, “राहुल गांधी यांच्या भारत जोडो यात्रेला उत्स्फूर्त प्रतिसाद मिळत आहे. देशासाठी कठीण असणाऱ्या या कालखंडात राहुल गांधी पायी चालत महागाई, बेरोजगारी, द्वेषभावना याला वाचा फोडत आहेत. सामान्यांचा, शेतकऱ्यांचा आवाज बुलंद करण्याचे काम या यात्रेतून होत आहे. हजारोंच्या संख्येने लोक उत्स्फूर्तपणे सहभागी होत आहे. एका चांगल्या हेतूने देशहितासाठी निघालेल्या राहुल गांधींच्या यात्रेमुळे सकारात्मक ऊर्जा निर्माण झाली आहे. देशवासियांना आशेचा किरण दाखवण्याचे काम या यात्रेने केले आहे. गुजरातमध्ये भाजपाला चांगल्या जागा मिळाल्या असल्या, तरी त्यांचा नैतिक पराभव तिथे झाला आहे. आप, एमआयएम पक्षाने काँग्रेसची मते खाल्ल्याने भाजपाला गुजरातमध्ये यश मिळाले. मात्र हिमाचलमध्ये काँग्रेस आणि दिल्लीमध्ये आप पक्षाला मिळालेला वीज भाजपाला जनतेने दाखवलेला लाल कंदील आहे,” 
प्रास्ताविकात मोहन जोशी यांनी सप्ताहात झालेल्या विविध उपक्रमांची माहिती दिली. मोहन जोशी म्हणजे, “श्रीमती सोनिया गांधी यांच्या वाढदिवसाचे औचित्य साधून २ ते ९ डिसेंबर या कालावधीत हा अठरावा सप्ताह उत्साहात साजरा झाला. शहराच्या विविध भागात काँग्रेसच्या पदाधिकाऱ्यांनी विविध सामाजिक उपक्रम राबवले. आरोग्य शिबिरे, शालेय साहित्याचे वाटप, शिष्यवृत्तीचे वाटप, जनजागृतीचे कार्यक्रम, क्रीडा स्पर्धा अशा वैविध्यपूर्ण कार्यक्रमांनी यंदा हा सप्ताह एका वेगळ्या उंचीवर गेला आहे.”
आबा बागुल, कैलास कदम यांनीही मनोगते व्यक्त केली. वीरेंद्र किराड यांनी सूत्रसंचालन केले. रवींद्र धंगेकर यांनी आभार मानले. 

पुणे – 9डिसेंबर 2022 रोजी पुणे आणि पिंपरी तील मेट्रो च्या प्रकल्पातील शंभरावे एस्किलेटर बसविण्याचे काम पूर्ण झाले. हा एस्किलेटर दापोडी स्थानकावर बसविण्यात आला. अत्यंत गर्वाची बाब म्हणजे हे बसविण्यात आलेले शंभर एस्किलेटर ‘मेक इन इंडिया’ धोरणांतर्गत पुण्यात तयार झालेले आहेत.

The 100th escalator in the Dapodi metro station Pune had been installed, taking a lot of pride to tell you all that this comes under the Indian government policy – Make In India.

एकूण १६६ एक्सलेटर बसविण्यात येणार आहेत. त्यातील शंभरावा एक्सलेटर दापोडी स्थानकात बसविण्यात आला. हा एक्सलेटर शिंडलर कंपनीच्या पुण्यातील कारखान्यात तयार करण्यात आला आहे. तसेच मेट्रो प्रकल्पांत एकूण १३७ लिफ्ट बसविण्यात येणार असून त्यापैकी ७१ लिफ्ट बसविण्यात आल्या आहेत. भविष्यात प्रवासी संख्या वाढू शकते, हे लक्षात घेऊन एक्सलेटर आणि लिफ्ट बसविण्यात येत आहेत. बसविण्यात आलेले शंभर एक्सलेटर हे ‘मेक इन इंडिया’ धोरणांतर्गत पुण्यात तयार झालेले आहेत. लिफ्ट आणि एक्सलेटरमुळे प्रवाशांना वेगाने मेट्रो स्थानकातील प्लॅटफॉर्मवर जाणे-येणे शक्य होणार आहे. तसेच दिव्यांगजन व जेष्ठ नागरिक कोणाच्याही मदतीशिवाय मेट्रो करू शकतील.

सर्व मेट्रो स्थानकांवर दोन्ही बाजूला लिफ्टची व्यवस्था केल्यामुळे व्हीलचेअर वापरणारे दिव्यांग कोणाच्याही मदतीशिवाय सहजरित्या मेट्रो प्रवास करू शकतात. याप्रसंगी महामेट्रोचे व्यवस्थापकीय संचालक डॉ. ब्रिजेश दीक्षित म्हणाले, ”पुणे मेट्रोची स्थानके ही अत्याधुनिक असून जागतिक दर्जाची मानांकनानुसार आहेत. प्रवाशांना जलद रीतीने ट्रेनमध्ये बसणे व ट्रेनमधून बाहेर पाडण्यासाठी या सुविधा गरजेच्या आहेत. आज बसविण्यात आलेला शंभरावा एस्किलेटर हा भारतात आणि पुणे शहरात बनविण्यात आला आहे.”पिंपरी चिंचवड महापालिका ते स्वारगेट (१७ किलोमीटर) आणि वनाज स्थानक ते रामवाडी स्थानक (१६ किलोमीटर) असे ३३ किलोमीटर मेट्रोचे काम सध्या दोन्ही शहरांत सुरू आहे. त्यातील पिंपरी चिंचवड ते फुगेवाडी (७ किलोमीटर) आणि वनाज ते गरवारे (५ किलोमीटर) या मार्गांचे उदघाटन ६ मार्च रोजी झाली आहे. मेट्रो प्रकल्पाचे शहरातील ८५ टक्के काम पूर्ण झाले आहे. येत्या काही आठवड्यात गरवारे कॉलेज ते शिवाजीनगर न्यायालय आणि फुगेवाडी ते शिवाजीनगर न्यायालय हा मेट्रोचा पुढील टप्पा सुरू होणार आहे.