पुणे- कात्रज ,मांगडेवाडी येथील हॉटेल सुमा मल्हार फमिली रेस्टॉरंट चे हॉटेल चालक मनोहर रघुनाथ मांगडे (वय ४४ ,रा. मांगडे वाडी ,पुणे ) आणि वेटर ऋषिकेश जयसिंग देशमुख या दोघांनी आपल्या हॉटेलात आलेल्या ग्राहकांशी काही कारणावरून भांडणे करून त्यांच्यावर चाकूने वार करून आणि डोक्यात लाकडी दांडक्याने मारहाण करून त्यांना जीवे ठार मारण्याचा प्रयत्न केल्याच्या आरोपावरून भारती विद्यापीठ पोलिसांनी त्यांना अटक केली आहे .

या संदर्भात पोलिसांनी सांगितले कि निशांत जाधव (वय 25 रा. धनकवडी) यांनी भारती विद्यापीठ पोलीस ठाण्यात फिर्याद दिली आहे. फिर्यादी हे त्यांच्या मित्रासोबत मल्हार रेस्टॉरंट येथे जेवण्यासाठी गेले होते. तेथे मित्रांसोबत मस्करी करत असताना हॉटेलचा वेटर तेथे आला व त्याने आरडा-ओरड करु नका असे सांगितले. मात्र पुन्हा गप्पा सुरु केल्या त्यानंतर हॉटेलचा मालक तेथे ला व त्याने फिर्यादी व त्यांच्या मित्रांशी वाद गालण्यास सुरुवात केली. यातून फिर्यादी यांना जीवे मारण्याच्या उद्देशाने फिर्यादीच्या बरगडीवर वार करण्यात आला, तसेच फिर्यादीचे मित्र यांच्याही कंबरेवर चाकुने वार करण्यात आला, लाकडी दांडक्याने डोक्यावर व डोळ्यावर मारून गंभीर जखमी केले. यावरून खुनाच्या प्रयत्नाचा गुन्हा भारती विद्यापीठ पोलीस ठाण्यात दाखल केला आहे.पोलीस उप निरीक्षक अतुल थोरात अधिक तपास करीत आहेत.

पुणे, दि.११: राज्यशासन खेळाला प्रोत्साहन देण्यासाठी नेहमीच प्रयत्नशील आहे. विद्यार्थ्यांनी स्वतःच्या सर्वांगीण विकासासाठी शिक्षणाबरोबरच क्रीडाकौशल्य विकसित करण्यावर लक्ष द्यावे, असे प्रतिपादन उच्च व तंत्र शिक्षण मंत्री तथा जिल्ह्याचे पालकमंत्री चंद्रकांतदादा पाटील यांनी केले.

रामचंद्र अभियांत्रिकी व पदविका महाविद्यालय लोणीकंद येथे तंत्र शिक्षण संचालनालय व महाराष्ट्र राज्य तंत्रशिक्षण मंडळ यांच्या संयुक्त विद्यमाने आंतर पदविका अभियांत्रिकी विद्यार्थी क्रीडा संघटनाअंतर्गत आयोजित राज्यस्तरीय क्रीडा महोत्सव उदघाटनप्रसंगी ते बोलत होते. यावेळी महाराष्ट्र राज्य तंत्रशिक्षण मंडळाचे संचालक डॉ. विनोद मोहितकर, सचिव डॉ. महेंद्र चितलांगे, तंत्र शिक्षण संचालनालयाचे पुणे विभागीय सहसंचालक डॉ. दत्तात्रय जाधव, जिल्हा क्रीडा अधिकारी महादेव कसगावडे, शासकीय तंत्रनिकेतनचे प्राचार्य तथा आंतर पदविका अभियांत्रिकी विद्यार्थी क्रीडा संघटनेचे अध्यक्ष डॉ. विठ्ठल बांदल, महाविद्यालयाचे अध्यक्ष मारुती भुमकर, प्राचार्य डॉ. अविनाश देसाई आदी उपस्थित होते.

पालकमंत्री म्हणाले, या राज्यस्तरीय क्रीडा स्पर्धेत ७ हजार विद्यार्थी आणि २ हजार ५०० विद्यार्थिनींनी सहभाग नोंदविला असून विभागस्तरावरुन ३२२ विद्यार्थी आणि २३० विद्यार्थीनी या ठिकाणी सहभागी झाले आहे. जास्तीत जास्त क्रीडा उपक्रम घेण्याचा सूचना संचालनालयाला देण्यात आल्या आहेत. पुढच्या वर्षी होणाऱ्या स्पर्धेत खेळाडूंचा सहभाग वाढविण्यासाठी प्रयत्न करावेत, असेही ते म्हणाले.

राज्य शासनाने राज्यस्तरावर पदक प्राप्त करणाऱ्या खेळाडूला वर्ग तीन च्या पदावर, राष्ट्रीयस्तरावर पदक प्राप्त खेळाडूला वर्ग दोन च्या तर आंतरराष्ट्रीयस्तरावर पदक प्राप्त करणाऱ्या खेळाडूला वर्ग एक च्या पदावर महाराष्ट्र लोकसेवा आयोगाची परीक्षा उत्तीर्ण न करता नियुक्ती देण्याचा निर्णय घेतलेला आहे. पदक प्राप्त करणाऱ्या खेळाडूंना वेगवेगळ्या खात्यात उपजिल्हाधिकारी, पोलीस उपअधीक्षक, तहसीलदार अशा विविध पदावर नियुक्ती देण्यात आल्या आहे, असेही श्री. पाटील यावेळी म्हणाले.

डॉ. मोहितकर म्हणाले, तंत्र शिक्षण अभ्यासक्रमाबरोबरच विद्यार्थ्यांच्या शारीरिक आणि मानसिक अशा सर्वांगीण विकासाला प्रोत्साहित करण्याच्या हेतूने आंतर पदविका अभियांत्रिकी विद्यार्थी क्रीडा संघटने स्थापना १९६६ या वर्षी करण्यात आली. राज्यात सांघिक आणि वैयक्तिक या दोन प्रकारात मुलांच्या १४ विभागीय आणि मुलींच्या ५ विभागीय स्तरावर स्पर्धा होतात. दर वर्षी या स्पर्धेत मोठ्यासंख्येने विद्यार्थी सहभागी होत असून यामुळे मानसिक ताणतणाव कमी होण्यासह सांघिकवृत्ती, नेतृत्व गुण आदी गुण विकसित होण्यास मदत होते, असेही ते म्हणाले.

श्री. भूमकर म्हणाले, राज्यातील खेळाडूंच्या अंगी असलेल्या गुणांना वाव देण्यासाठी या स्पर्धेचे आयोजन करण्यात आले आहे. उत्तम खेळ खेळा, त्यासाठी नियोजनबद्ध सराव करा, जीवनात कधीही हार मानू नका, जीवनात खूप मोठी प्रगती करा, असा संदेश त्यांनी विद्यार्थ्यांना दिला.

पालकमंत्री श्री. पाटील यांना संस्थेच्यावतीने सन्मानपत्र प्रदान करण्यात आले. तसेच संघटनेच्या सुधारित स्पर्धा नियमावलीचे अनावरणही करण्यात आले.

यावेळी राजलक्ष्मी जेधे या विद्यार्थिनीने खेळाडूंना खेळाची शपथ दिली.

विजेत्यांना पालकमंत्र्यांकडून बक्षिसे

या स्पर्धेत प्रत्येक क्रीडा प्रकारामध्ये प्रथम क्रमांक पटकावणाऱ्या विद्यार्थ्याला ५ हजार रुपये आणि विद्यार्थिनीला १० हजार रुपयांचे पारितोषिक भेटवस्तू स्वरूपात स्वतःतर्फे देण्याची घोषणा पालकमंत्री श्री. पाटील यांनी यावेळी केली.

000

पुणे-भाजपचे नेते आणि राज्याचे मंत्री चंद्रकांत पाटील यांनी काही दिवसांपूर्वी महात्मा फुले आणि आंबेडकरांबाबत केलेल्या वक्तव्यावरून चिंचवड येथे काल त्यांच्या चेहर्‍यावर शाई फेक झाल्या प्रकरणी पोलिस कर्मचाऱ्यांना निलंबित करण्यात आलं आहे.

चंद्रकांत पाटील शाईफेक प्रकरणात 11 पोलिस कर्मचाऱ्यांवर निलंबनाची कारवाई करण्यात आली आहे. यामध्ये 8 पोलिस कर्मचारी आहेत. तर यामध्ये 3 पोलिस अधिकारी आहेत. चंद्रकांत पाटलांवरील शाईफेकीनंतर पोलिसांच्या भूमिकेवर प्रश्नचिन्हं उपस्थित झालं होतं. कडेकोट बंदोबस्त असताना हा प्रकार घडला कसा यावरून प्रश्नचिन्हं उपस्थित होतं आहे. त्यामुळे निलंबनाची कारवाई करण्यात आली आहे.

मंत्री चंद्रकांत पाटील पिंपरी दौऱ्यावर असताना त्यांच्यावर झालेल्या शाईफेक प्रकरणी समता सैनिक दल संघटनेच्या दोन कार्यकर्त्यांना, तसेच वंचित बहुजन आघाडीच्या पिंपरी चिंचवड सचिवांना अटक केली आहे. समता सैनिक दलाचे संघटक आरोपी मनोज भास्कर घरबडे, समता सैनिक दल सदस्य धनंजय भाऊसाहेब ईचगज आणि वंचित बहुजन आघाडी सचिव विजय धर्मा ओवाळ यांना हे कृत्य केल्याप्रकरणी चिंचवड पोलिसांनी अटक केली. या तिघांवरही भादवि कलम 307,353,294,500,501,120 (ब) 34 क्रिमिनल अमेंन्डमेंन्ट ऍक्ट कलम 7 महाराष्ट्र पोलीस कायदा कलम 37(1)135 अन्वे गुन्हा दाखल करण्यात आलाय.

पुणे : अंडरवॉटर स्पोर्ट्स फेडरेशन ऑफ इंडिया (USFI) द्वारे आयोजित दुसऱ्या नॅशनल फिनस्विमिंग चॅम्पियनशिप पुणे 2022 स्पर्धा शिवछत्रपती क्रीडा संकुल, म्हाळुंगे – बालेवाडी येथे सूरू असून. स्पर्धेत दोन दिवसात पश्चिम बंगालने 19 सुवर्णपदकासह 50 पदके पटकावत आघाडी कायम राखली , तेलंगणाला 13 सुवर्णपदकांसह 23 तर केरळला 8 सुवर्णपदकासह 21 पदके मिळाली.

मागील दोन दिवसांपासून मोठया उत्साहात सुरु असलेल्या नॅशनल फिनस्विमिंग चॅम्पियनशिप पुणे 2022 स्पर्धेत देशातील सर्व राज्ये व केंद्रशासित प्रदेशाचे एकूण 34 संघ सहभागी झाले आहेत. स्पर्धेच्या दोन दिवसांत पश्चिम बंगालला 17 रौप्य आणि 17 कांस्य , केरळला 9 रौप्य आणि 4 कांस्य, तर तेलांगणला 5 रौप्य तर 5 कांस्य पदके मिळाली. याशिवाय तामिळनाडू, उत्तरप्रदेश, उत्तराखंड, छत्तीसगड, गुजरात, गोवा, महाराष्ट्र, पाॅंडेचेरी संघाच्या खेळाडूंनी पदकांची लयलूट केली.

दुसऱ्या दिवसाचे महत्वाचे निकाल
400 मीटर- बीआई फिन स्विमिंग- सिनिअर
पुरुष- जनन मोम्ब्रिन, ( पाॅडेचेरी ) सुवर्णपदक, चार्ल्स येन्नुला ( तेलंगणा) रौप्य, प्रतिक पासी ( छत्तीसगड) कांस्य,
महिला- दिपान्विता मंडल ( पश्चिम बंगाल) सुवर्ण, सोहेली मंडल( पश्चिम बंगाल) रौप्य, श्रीनिती एन (तामिळनाडू) कांस्य

200 मीटर बीआई फिनस्विमिंग- सिनिअर
पुरुष- चार्ल्स येन्नुला ( तेलंगणा) सुवर्ण, आयुष रौत( पश्चिम बंगाल) रौप्य, सुबीर मलिक ( पश्चिम बंगाल)
महिला- साची ग्रामोपाध्ये (गोवा) सुवर्ण,

200 मीटर सरफेस ( मोनोफिन) ज्युनिअर डी
मुले- सिद्धार्थ कालिया( तेलंगणा) सुवर्ण, जय जसवंत आर ( तामिलनाडू) रौप्य, आदिदेव प्रदीप( केरळ) कांस्य
मुली- आदिती बिस्वास( पश्चिम बंगाल) सुवर्ण, मेहरीन असीफ (केरळ) रौप्य, देवल प्रशांत पांड्या( गुजरात) कांस्य

200 मीटर सरफेस ( मोनोफिन) ज्युनिअर सी
मुले- पाथुरी भुवास ( तेलंगणा) सुवर्ण, ध्रुव टंक ( गुजरात) रौप्य, अदिदेव प्रदिप (केरळ) कांस्य
मुली- अभिरामी पी.जे (केरळ), पवित्रा श्री एस. डी. ( तामिलनाडू) रौप्य, प्रिशा, टांक (गुजरात) कांस्य,

200 मीटर सरफेस ( मोनोफिन) ज्युनिअर बी
मुले-अर्जून कंदोई ( तेलंगाणा) सुवर्ण, जी. जैसे ( केरळ) रौप्य, संदीप मंडल( पश्चिम बंगाल) कांस्य,
मुली- जिनल पित्रोदा (गुजरात) सुवर्ण, थेरस मारिया( केरळ) रौप्य, बांसुरी मकवाना (गुजरात) कांस्य,

पुणे-चिंचवड पोलीस चौकी बाहेर आंबेडकरी चळवळीतील कार्यकर्त्यांची त्याचवेळी चंद्रकांत पाटील समर्थक यांची गर्दी झाली. त्यामुळे पोलीस चौकी समोर जोरदार घोषणाबाजी झाली.

डॉ. बाबासाहेब आंबेडकर, महात्मा फुले, कर्मवीर भाऊराव पाटील यांच्या विरोधात वादग्रस्त वक्तव्य करणाऱ्या उच्च व तंत्रशिक्षण मंत्री चंद्रकांत पाटील यांच्यावर शाई फेक करण्यात आली. शाई फेक करणाऱ्या तरुणाची ओळख पटली आहे. शाई फेकणाऱ्याचे मनोज गरबडे असे नाव आहे. तो आंबेडकरी चळवळीतील कार्यकर्ता म्हणून पिंपरी-चिंचवड परिसरात परिचित आहे.मनोज हा पिंपरी-चिंचवड परिसरात समता सैनिक दलासाठी काम करणारा कार्यकर्ता म्हणून परिचित आहेत. डाॅ. बाबाासहेब आंबेडकर यांच्या जयंतीनिमित्त समता सैनिक दलाकडून आयोजित कारण्यात येणाऱ्या कार्यक्रमांमध्ये त्याचा पुढाकार असतो. नुकतीच मनोजच्या पुढाकाराने पिंपरीत संविधात जनजगृती अभियान तसेच सहा डिसेंबरला रक्तदान शिबिराचे आयोजन करण्यात आले होते. मनोज सोबत पोलिसांनी ताब्यात घेतलेल्या दोन जणांची चौकशी पोलीस चौकशी सुरू आहे.

पुणे- मंत्री चंद्रकांतदादा पाटील यांच्या निषेधार्थ त्यांच्या जनसंपर्क कार्यालयाबाहेर राष्ट्रवादी काँग्रेस पार्टीच्या वतीने आंदोलन करण्यात आले.यावेळी राष्ट्रवादीचे शहर अध्यक्ष प्रशांत जगताप, बंडू केमसे, दिपाली धुमाळ,,बाबा उर्फ प्रदीप धुमाळ , लक्ष्मीताई दुधाने, प्रदीप देशमुख, गिरीश गुरनानी, मिलिंद वालवडकर, किशोर कांबळे, दीपक जगताप, सुषमा सातपुते, हर्षवर्धन मानकर आदींसह मोठ्या संख्येने पदाधिकारी व कार्यकर्ते उपस्थित होते.

1 मे 1960 साली महाराष्ट्र राज्य स्थापन झाले. या महाराष्ट्र राज्याच्या स्थापनेनंतर एकूण 63 वर्षात वेगवेगळ्या विचारांची वेगवेगळ्या पक्षांची सरकारे या महाराष्ट्रात स्थापन झाली. परंतु इतक्या वर्षांमध्ये कुठल्याही राजकीय पक्षाने अथवा नेत्याने जे चुकीचे धाडस केले नाही ते धाडस राज्यातील सत्ताधारी भारतीय जनता पार्टीचे नेते व मंत्री करत आहेत. भारतीय जनता पार्टीचे नेते व मंत्री चंद्रकांत पाटील यांनी ते धाडस करत महाराष्ट्राच्या महापुरुषांचा अवमान केला आहे. महाराष्ट्राची ओळख ही छत्रपती शिवरायांचा, डॉ.बाबासाहेब आंबेडकरांचा, महात्मा ज्योतिबा फुलेंचा महाराष्ट्र म्हणून जगभरात आहे. त्या महात्मा ज्योतिबा फुले व डॉक्टर बाबासाहेब आंबेडकर यांनी भीक मागून शाळा चालवल्या, अशा प्रकारचे अवमानजनक वक्तव्य पुण्याचे वाचाळवीर पालकमंत्री चंद्रकांत पाटील यांनी केले आहे. अशा प्रकारचे चुकीचे वक्तव्य करत चंद्रकांत पाटील यांनी डॉ. बाबासाहेब आंबेडकर व महात्मा फुले यांचा अवमान केला आहे. या वक्तव्याच्या निषेधार्थ राष्ट्रवादी काँग्रेस पार्टीच्या वतीने चंद्रकांत पाटील यांच्या जनसंपर्क कार्यालयाबाहेर हे आंदोलन केले.

यावेळी बोलताना शहराध्यक्ष प्रशांत जगताप म्हणाले की , छत्रपती शिवराय, डॉ. बाबासाहेब आंबेडकर, महात्मा ज्योतिबा फुले या महापुरुषांचा आवमान केल्याने भारतीय जनता पार्टीने चंद्रकांत पाटील यांची तात्काळ मंत्री मंडळातून हकलपट्टी करावी आणि त्यांच्यावर ॲट्रॉसिटी ॲक्टनुसार गुन्हा दाखल करण्यात यावा. तसेच भारतीय जनता पार्टीने संपूर्ण राज्याची माफी मागावी अशी मागणी प्रशांत जगताप यांनी यावेळी केली. तसेच इथून पुढे कुठल्याही राष्ट्रपुरुषांचा अवमान सहन केला जाणार नाही, राष्ट्रवादी काँग्रेस पार्टी या विरोधात आणखी तीव्र स्वरूपाच्या आंदोलन करेल असा इशारा देखील देण्यात आला.यावेळी “चंद्रकांत पाटील मुर्दाबाद” , “चंद्रकांत पाटील हाय हाय” , “चंद्रकांत पाटील यांचे करायचे काय..? खाली डोकं वर पाय” , “वाचाळविर भाजपचा धिक्कार असो” , अशा प्रकारच्या घोषणा देण्यात आल्या.

पुणे-केंद्रीय वित्त आणि कॉर्पोरेट मंत्री निर्मला सीतारामन  आज पुण्यातील सिंबॉयसिस आंतरराष्ट्रीय (अभिमत) विद्यापीठाच्या  19 व्या दीक्षांत समारंभात प्रमुख पाहुण्या म्हणून उपस्थित होत्या. यावेळी विद्यार्थ्यांना मार्गदर्शन करतांना त्या म्हणाल्या, की एक उत्तम भविष्यासाठी स्वतःमध्ये  बदल घडवण्यासाठी तयारी करा. “भारताने आता टंचाईपासून ते समृद्धतेपर्यंतचा प्रवास केला आहे. गेल्या दोन दशकात, लँडलाईन फोन्सपासून ते मोबाइल वॉलेट्स पर्यंत आपण परिवर्तनाचा जणू महासागर पाहिला आहे.”

भारताच्या जी-20 अध्यक्षपदाविषयी बोलतांना केंद्रीय वित्तमंत्र्यांनी, विद्यार्थ्यांना आवाहन केले की त्यांनी, “ एक पृथ्वी, एक कुटुंब, एक  भाविष्य” या संकल्पनेसाठी योगदान द्यावे. “पंतप्रधान नरेंद्र मोदी यांनी, एक डिसेंबर 2022 पासून जी-20 चे अध्यक्षपद स्वीकारले आहे. भारताच्या अध्यक्षपदाचे उद्दिष्ट “ वसुधैव कुटुंबकम: एक पृथ्वी,एक कुटुंब, एक भविष्य” असे आहे. पंतप्रधानांनी लाईफ ही संकल्पना देखील निर्माण केली आहे, ज्याचा अर्थ ‘पर्यावरणअनुकूल जीवनशैली’ असा आहे. परिवर्तन आणणे आणि परिवर्तनासाठी स्वतः सज्ज असणे यांचा लाईफ- संकल्पनेत समावेश  आहे. आपल्याला आपल्या जीवनशैलीत असे बदल घडवायचे आहेत ज्यामुळे,आज आपण पर्यावरणावर जो भार टाकतो आहोत, तो पडणार नाही. आणि असे बदल केले तरच, आपल्याला  पुढच्या पिढ्यांसाठी नैसर्गिक स्त्रोत शिल्लक ठेवता येतील  नाहीतर, आपल्याला हवामान बदलाशी संबंधित गंभीर संकटांचा सामना करावा लागेल.” 

मूल्याधारीत शिक्षणावर भर देतांना, वित्तमंत्री म्हणाल्या की जेव्हा, कोविडोत्तर काळात, सगळ्या जगाची जवळपास पुनर्रचना होत आहे, अशावेळी, मूल्याधारीत शिक्षणाची नितांत गरज आहे. त्यांनी विद्यार्थ्यांना आवाहन केले, की, काय योग्य आणि काय अयोग्य याचा निर्णय घेण्यासाठी, आपले हृदय आणि अंतरात्मा काय म्हणतो, याचा विचार करा, आणि त्यानुसारच निर्णय घ्या. “काहीही करायचे असेल, तर त्याचा योग्य मार्ग काय आहे, हे तुमचे मन आणि तुमच्या अंतरात्म्याचा आवाज तुम्हाला बरोबर सांगत असते. सांस्कृतिक दृष्ट्या वारसा परंपरेने समाजात चालत आलेली मूल्ये, आपल्यात ही विवेकबुद्धी वापरण्याची क्षमता देतात. ही क्षमताच आपल्याला काय योग्य, काय अयोग्य, यातला फरक स्पष्ट करत, आपल्याला अधिक सुजाण बनवत असते.” 

या दीक्षांत समारंभात केंद्रीय वित्तमंत्र्यांनी विद्यार्थ्यांना डी लिट पदवी (मानद डॉक्टर ऑफ लेटर्स पदवी), सुवर्ण पदके आणि इतर पुरस्कार प्रदान केले. पुण्यातील सिम्बायोसिस आंतरराष्ट्रीय अभिमत विद्यापीठाच्या 13 परिसरात, एमबीएच्या विद्यार्थ्यांशीही त्यांनी संवाद साधला.

ओमानच्या परराष्ट्र व्यापार आणि आंतरराष्ट्रीय सहकार्य, वाणिज्य उद्योग आणि आंतरराष्ट्रीय सहकार मंत्रालयाचे सल्लागार पंकज खिमजी आणि आयसीएमआरच्या पंडित राष्ट्रीय अध्यासनाचे डॉ. रमण गंगाखेडकर, यांनाही या वर्षी विद्यापीठाने डी.लिट.पदवी प्रदान केली.

दीक्षांत समारंभाच्या अध्यक्षस्थानी सिम्बायोसिस विद्यापीठाचे संस्थापक आणि कुलगुरु डॉ. एस बी मुजुमदार होते.