पुणे, दि.२६: समाज कल्याण विभाग पुणे व जिल्हाधिकारी कार्यालय पुणे यांच्या संयुक्त विद्यमाने पुणे जिल्ह्यातील तृतीयपंथीयांना विविध योजनांचा लाभ एकाच छताखाली मिळावा यासाठी विशेष शिबिराचे आयोजन करण्यात आले.

भवानी पेठ येथील संत ज्ञानेश्वर समाज मंदिर येथे आयोजित या शिबिर कार्यक्रमास समाज कल्याण सहाय्यक आयुक्त संगिता डावखर, मनपा क्षेत्रिय कार्यालयाच्या सहाय्यक आयुक्त अस्मिता तांबे, समाज कल्याण निरीक्षक नेत्राली येवले, तालुका समन्व्यक मंगेश गाडीवान, सोस्वा ट्रेनिंग इन्स्टिट्युट व तृतीया फाऊंडेशन पुणेचे सदस्य, मंगलमुखी किन्नर चॅरिटेबल ट्रस्ट पुणेच्या प्रेरणा वाघेला, आशिका पुणेकर, कादंबरी, मित्र क्लिनिकचे मधु गुरु आदी उपस्थित होते.

यावेळी सहाय्यक आयुक्त संगिता डावखर म्हणाल्या, तृतीयपंथीयांना ओळखपत्र वाटप करण्यामध्ये राज्यात पुणे जिल्हा प्रथम क्रमांकावर असून जिल्ह्यात आतापर्यंत ३४३ तृतीयपंथीयांना ओळखपत्र वाटप करण्यात आले आहे.

तृतीयपंथीयांना मतदानाचा हक्क व त्याचे महत्व सांगून जास्तीत जास्त तृतीयपंथीयांनी मतदार नोंदणी करावी. तसेच https://transgender.dosje.gov या पोर्टलवर नोंदणी करावी, असे आवाहनही त्यांनी केले.

याप्रसंगी तृतीयपंथी ओळखपत्रासाठी ४२, मतदार ओळखपत्रांसाठी ३५, संजय गांधी निराधार योजनेसाठी ७७ आणि आधार कार्डसाठी १८ तृतीयपंथीयांनी नोंदणी करून योजनांचा लाभ घेतला.

कै. अंकुशराव लांडगे शैक्षणिक सामाजिक ट्रस्ट भोसरीचे प्रतिनिधी, संजयगांधी निराधार योजना, मतदार नोंदणी व आधार कार्ड नोंदणी विभागाचे कर्मचारी व तृतीयपंथी उपस्थित होते.
००००

पुणे : PMPML चे कर्मचाऱ्यांना अखेर सातवा वेतन आयोगानुसार वेतन मिळणार आहे. महापालिकेच्या धर्तीवर सातव्या वेतन आयोगानुसार डिसेंबर महिन्याच्या वेतनात आयोगाच्या फरकानुसार वाढणाऱ्या वेतनाची 50 टक्के रक्कम जमा केली जाणार आहे.

पीएमपी कर्मचाऱ्यांच्या सातव्या वेतन आयोगाबाबत बाळासाहेबांची शिवसेना पक्षाचे शहर प्रमुख नाना भानगिरे यांनी मुख्यमंत्र्यांकडे पाठपुरावा केला होता.

आज PMPML मध्ये या मागणीबाबत बैठक घेण्यात आली त्यात हा निर्णय घेण्यात आल्याचे नाना भानगिरे यांनी सांगितले पीएमपीएमएलचे अध्यक्ष आणि व्यवस्थापकीय संचालक ओम प्रकाश बकोरिया यांनी ही बैठक घेतली,डिसेंबर महिन्याच्या वेतनापासूनच सातव्या वेतन आयोगाच्या फरकानुसारची 50 टक्के वेतनवाढ दिली जाणार असल्याचे सांगितले आहे. त्यामुळे, सुमारे 11 हजार कर्मचाऱ्यांना याचा लाभ होणार आहे,त्याबाबत उद्या ( मंगळवारी) अधिकृत आदेश काढला जाणार आहे

तर जानेवारी 2023 मध्ये आयोगा बाबत मुख्यमंत्री एकनाथ शिंदे आणि दोन्ही महापालिका आयुक्तांची संयुक्त बैठक घेऊन सातवा वेतन आयोग लागू केल्यानंतर उर्वरीत 50 टक्केवाढीनुसार, वेतन देण्यास सुरूवात केली जाणार आहे.

नाना बनगिरे यांनी ओमप्रकाश बकोरिया यांना निवेदन केले की कर्मचाऱ्यांना हक्काचे घर मिळावे यासाठी जागा निश्‍चित करणे , वैद्यकीय बिलांसाठी तातडीनं निधी उपलब्ध करून तसेच डेपोच्या परिसरात महिला व पुरूषांसाठी स्वतंत्र स्वच्छतागृह उभारणे , कर्मचाऱ्यांसाठी कॅन्टीन सुरू करण्यात यावे,PMPML चे अध्यक्ष यांनी सर्व मागण्या लवकरात लवकर निर्णय घेऊन त्याची अंमलबजावणी करण्यात येणार आहे असे आश्वासन दिले .

नाना भानगिरे यांच्यासह कामगार प्रतिनिधी नरेंद्र आवारे, श्रवण तौर, उमेश पांढरे यावेळी उपस्थित होते.

पुणे- सिनेमात काम देतो सांगून अनेकांची फसवणूक सातत्याने सुरूच असताना आणखी एक भयंक ,संताप जनक घटना घडल्याचे निदर्शनास आले आहे. यामध्ये अल्पवयीन मुलींवर होणाऱ्या अत्याचाराच्या घटना दिवसेंदिवस उघडीस येऊ लागल्या आहेत. अशीच एक घटना पुण्यातून समोर आली आहे. चाकण येथील औद्योगिक क्षेत्रातील एका नामांकित उद्योजकाने ऑडिशन घेण्याच्या बहाण्याने १३ वर्षीय अल्पवयीन मुलीवर अत्याचार केला आहे.या प्रकरणी पीडितेच्या आईने दिलेल्या फिर्यादीवरुन पोलिसांनी गुन्हा दाखल केलाआहे. गुन्हा दाखल होताच आरोपी उद्योजक फरार झाला असून पोलीस त्याचा शोध घेत आहेत. राजेंद्र दगडू गायकवाड असे या उद्योजकाचे नाव आहे.पीडित मुलीच्या आईने पोलिसांना दिलेल्या तक्रारीनुसार, आरोपी उद्योजक राजेंद्र गायकवाड हा पीडितेच्या घरी आला होता. यावेळी त्याने पीडित मुलीला फिल्म इंडस्ट्रीमध्ये काम देण्याचं आमिष दाखवलं. त्यानंतर आरोपीने ऑडिशन घेण्याच्या कारण सांगून पीडितेच्या आई-वडीलांना घरातून बाहेर पाठवलं आणि आरोपीने ऑडिशन घेण्याच्या बहाण्याने पीडित मुलीला कपडे उतरवायला लावले. पीडित मुलीने कपडे उतरवताच आरोपीने तिच्या अज्ञानपणाचा फायदा घेत तिच्यावर बलात्कार केला. याबाबत कुणाला सांगितल्यास जीवे मारण्याची धमकी देखील दिली.पीडित मुलीला धमकी देऊन राजेंद्र गायकवाड हा तिथून पसार झाला. या सर्व घटनेनंतर पीडित मुलगी घाबरली. तिने हा सर्व प्रकार आई-वडीलांना सांगितला. मुलीवर अत्याचार झाल्याचं लक्षात येताच, पीडितेच्या आई-वडिलांनी तातडीने पोलीस स्टेशनला जाऊन तक्रार दाखल केली.या प्रकरणी पीडित मुलीच्या आईने दिलेल्या तक्रारीनुसार, पोलिसांनी आरोपी राजेंद्र दगडू गायकवाड याच्यावर पोस्को कायद्याअंतर्गत बलात्काराचा गुन्हा दाखल केला आहे. गुन्हा दाखल होताच आरोपी राजेंद्र हा फरार झाला असून पोलीस त्याचा शोध घेत आहेत. या घटनेनं परिसरात मोठी खळबळ उडाली आहे.

पुणे-

राष्ट्रीय रस्ता सुरक्षा परिषद कार्यक्रमाचे आयोजन मोटर ड्रायव्हिंग स्कूल ओनर्स महाराष्ट्र राज्य यांचे वतीने क्रिएटीसिटी मॉल अर्बन बँक्वेट हॉल येरवडा येथे आयोजित करण्यातआले होते , या राष्ट्रीय रस्ता सुरक्षा परिषदेचे उद्घाटन माजी प्रिन्सिपल सेक्रेटरी महेश झगडेव माजी परिवहन आयुक्त महाराष्ट्र राज्य व परिवहन आयुक्त कार्यालय महाराष्ट्र राज्य रस्ता सुरक्षा विभागाचे प्रमुख व उप परिवहन आयुक्त महाराष्ट्र राज्य भरत कळसकर यांच्या हस्ते फुगे सोडून करण्यात आले.माजी परिवहन आयुक्त महाराष्ट्र राज्य महेश कुमार सरतापे, वरिष्ठ पोलीस निरीक्षक महाराष्ट्र पोलीस गुप्तचर अकॅडमी पुणे बल मलकित सिंग कार्यकारी समिती ऑल इंडिया मोटर काँग्रेस नवी दिल्ली अमृतलाल मदन अध्यक्ष ऑल इंडिया मोटर काँग्रेस नवी दिल्ली प्रेरणा सिंग रस्ता सुरक्षा जागतिक कीर्तीच्या अभ्यासक या मान्यवरांच्या हस्ते दीप प्रज्वलन झाले या राष्ट्रीय परिषदेमध्ये राष्ट्रीय व आंतरराष्ट्रीय क्षेत्रात रस्ता सुरक्षा चे काम करणाऱ्या मान्यवरांना रस्ता सुरक्षा विशेष योगदान दिल्याबद्दल गौरवण्यात आले . देशात अशा प्रकारचा उपक्रम पहिल्यांदाच होत आहे.
उद्घाटन समारंभात मोटार ड्रायव्हिंग स्कूल ओनर्स असोसिएशन महाराष्ट्र राज्य यांच्या वेबसाईटचे उद्घाटन महेश झगडे भरत कळसकर संजीव भोर उपप्रादेशिक परिवहन अधिकारी पुणे बल मलकित सिंग अमृतलाल मदन महेश कुमार सरतापे प्रेरणा सिंग या मान्यवरांच्या हस्ते करण्यात आले असोसिएशनच्या कार्याबद्दल व आत्तापर्यंतच्या उपक्रमाबद्दल माहिती मोटार ड्रायव्हिंग स्कूल ओनर्स महाराष्ट्र राज्य अध्यक्ष राजू घाटोळे यांनी दिली. प्रास्ताविक सुनिता चौ हान कार्याध्यक्ष यांनी केले मोटार ड्रायव्हिंग स्कूल ओनर्स असोसिएशन महाराष्ट्र राज्य वेबसाईट बाबत व संकल्पनेबाबत संपूर्ण माहिती असोसिएशनचे राज्य प्रवक्ता विवेक खाडे यांनी दिली. संकल्पना प्रशांत पांडे मुंबई यांची होती. सदर कार्यक्रमाला 250 सरकारमान्य मोटर ड्रायव्हिंग स्कूल संचालक व विविध क्षेत्रातील अधिकारी परिवहन क्षेत्रातील मान्यवर उपस्थित होते. आभार प्रदर्शन शिवाजी काकडे सचिव मोटार ड्रायव्हिंग स्कूल ओनर्स असोसिएशन महाराष्ट्र राज्य यांनी केले. कार्यक्रमाचे सूत्रसंचालन प्रशांत काकडे यांनी कार्यक्रम यशस्वी करण्यासाठी सुनिता चौहा न राजेश कोटगिरे उपाध्यक्ष महेश चव्हाण उपाध्यक्ष प्रवीण महाकाळ उपाध्यक्ष सहदेव वंजारे महेंद्र सोनवणे सचिव सुनील मोरे उपाध्यक्ष सोमनाथ गायकवाड अनुज शिंदे टेक्निकल टीम महाराष्ट्र अनिल अडागळे आशिष पवार गणेश बाजारे प्रशांत बिराजदार दत्ता वाळुंज ठेंग बाळासाहेब धारमाळकर राजेश माळवतकर अर्चना इरकल राधिका पोटे सर्व कार्यकर्त्यांनी कार्यक्रम यशस्वी होण्यासाठी महत्वपूर्ण योगदान दिले.

अमनोरा-पीवायसी एचटीबीए कप बॅडमिंटन स्पर्धा ; हवेली तालुका बॅडमिंटन संघटना आणि पीवायसी  हिंदू जिमखाना क्लब यांच्या संयुक्त विद्यमाने आयोजन

पुणे : हवेली तालुका बॅडमिंटन संघटना (एचटीबीए) आणि पीवायसी हिंदू जिमखाना क्लब यांच्या संयुक्त विद्यमाने आयोजित अमनोरा-पीवायसी एचटीबीए बॅडमिंटन कप अजिंक्यपद स्पर्धेत आंचल जैन, अस्मिता शेडगे, ओजल रजक, सानिका पाटणकर यांनी आपापल्या प्रतिस्पर्ध्यावर मात करून उपांत्यपूर्व फेरीत प्रवेश केला.
पीवायसी हिंदू जिमखान्याच्या बॅडमिंटन कोर्टवर ही स्पर्धा सुरू आहे. या स्पर्धेतील १९ वर्षांखालील मुलींच्या दुसऱ्या फेरीत आंचल जैनने संयुक्ता मानेला १५-१, १५-४ असे, तर अग्रमानांकित अनन्या गाडगीळने श्रेया गुरवला १५-२, १५-१ असे सहज नमविले. अस्मिता शेडगेने खुशी सिंगवर १५-१२, १३-१५, १५-१३ असा, तर अनन्या देशपांडेने अपूर्वा घावतेवर १५-८, १५-६ असा, श्रेया शेलारने जिज्ञासा चौधरीवर १५-७, १५-९ असा विजय मिळवला. ओजल रजकने अनाहिता शर्माचे आव्हान १५-८, १५-१२ असे परतवून लावले. ओजलची आता उपांत्यपूर्व फेरीत दुसऱ्या मानांकित सानिका पाटणकरविरुद्ध लढत होईल. सानिकाने श्रेया भोसलेवर ८-१५, १५-१०, १८-१६ असा संघर्षपूर्ण विजय मिळवला.

विनीत, जयेशची आगेकूच
पुरुष एकेरीच्या चौथ्या फेरीत अग्रमानांकित विनीत कांबळेने अथर्व चव्हाणला १५-४, १५-१० असे नमवून उपांत्यपूर्व फेरीत प्रवेश केला. यानंतर जयेश महाजनने वेंकटेश अगरवालला १५-१३, १७-१५ असे, प्रणव गावडेने अभिजित कदमला १७-१५, १६-१४ असे, ईशान मेहेंदळेने ऋतुराज नाईकला १५-११, १३-१५, १५-९ असे नमविले. दुसऱ्या मानांकित चिराग भगतने विवेक मिसाळला १५-८, १५-५ असे पराभूत करून आगेकूच कायम राखली.

निकाल : १९ वर्षांखालील मुले – तिसरी फेरी – वर्धन डोंगरे वि. वि. अनय चौधरी १५-१३, १५-६; सर्वेश हाउजी वि. वि. पार्थ फिर्के १५-३, १५-७; ईशान देशपांडे अश्वजित सोनावणे १५-८, ९-१५, १५-१३; कृष्णा जसुजा वि. वि. अर्णव लुणावत १५-११, १५-११; वेदांत सरदेशपांडे वि. वि. मिमांशू गोगोई १५-१२, ११-१५, १५-१२; चैतन्य खरात वि. वि. जयंत कुलकर्णी १५-७, १५-५; सुजल लखारी वि. वि. वात्सल्य गर्ग १५-५, १५-१२; लौकिक ताथेड वि. वि. प्रणव गावडे १५-१३, ११-१५, १५-८.

११ वर्षांखालील मुले – चौथी फेरी – मिहिर इंगळे वि. वि. शरमन सपकाळ १५-४, १५-६; मीर अली वि. वि. अनुज भोसले १५-४, १५-५; यश मोरे वि. वि. अन्वय समग १५-६, ११-१५, १५-११; शरव जाधव वि. वि. पार्थ शिंदे १५-११, १५-१२; जतिन सराफ वि. वि. अर्जुन श्रीगडीवार १५-१३, १५-९.
११ वर्षांखालील मुली – तिसरी फेरी – ध्रुवी कुंबेफाळकर वि. वि. रिधिमा पवार १५-१२, १५-१३; गार्गी कामठेकर वि. वि. आद्या गाडगीळ १५-५, १५-९; समन्वया धनंजय वि. वि. क्रिशांगी असिजा १५-६, १५-७; जॅस्नम चहल वि. वि. स्वास्ती रूगे १५-८, १५-१०; उत्कर्षा शर्मा वि. वि. रिषिका रसाळ १५-११, १५-१०; ख्याती कत्रे वि. वि. दिविशा मान १५-३, १५-४.

१३ वर्षांखालील मुले – चौथी फेरी – राघवेंद्र यादव वि. वि. अभिक शर्मा १५-७, १५-१२; विराज सराफ वि. वि. जतिन सराफ १५-८, १५-५; कपिल जगदाळे वि. वि. सिद्धार्थ पनिस्कर १५-८, १५-१३; तनिष्क आडे वि. वि. सयाजी शेलार १५-८, १५-११; स्वरित सातपुते वि. वि. आर्यन निबे १५-२, १५-४; ध्रुव बर्वे वि. वि. आरुष अरोरा १५-१०, १५-९.

१३ वर्षांखालील मुली – चौथी फेरी – सोयरा शेलार वि. वि. सानिका बागळे १५-४, १५-७; आयुषी मुंडे वि. वि. अभिज्ञा ठोंबरे १५-१३, १५-९; अनुशा सुजान वि. वि. अनुष्का रुपडे १५-८, १५-३; सई आगवणे वि. वि. जनिशा असिजा १५-९, १६-१४; आर्या कुलकर्णी वि. वि. प्राजक्ता गायकवाड १५-११, १०-१५, १५-१२.

१५ वर्षांखालील मुले – पाचवी फेरी – सार्थक पाटणकर वि. वि. विहान मुर्ती १५-१२, १५-५; अर्जुन देशपांडे वि. वि. ओजस सोरटे १५-०, १५-५; निक्षेप कात्रे वि. वि. श्रेयस एम. १५-७, १५-१०; चैतन्य परंडेकर वि. वि. ऋषभ दुबे १५-११, १५-८.

नागरिकांनी वैयक्तिक क्रमांकाच्या संदेशाला प्रतिसाद देऊ नये: महावितरण

पुणे, दि. २६ डिसेंबर २०२२: वैयक्तिक मोबाईल क्रमांकावरून नागरिकांना ‘एसएमएस’, ‘व्हॉटस् ॲप’द्वारे बनावट संदेश पाठवण्याच्या प्रकारात गेल्या काही दिवसांपासून मोठी वाढ झाली आहे. नागरिकांनी कोणत्याही परिस्थितीत वैयक्तिक क्रमांकावरून आलेल्या बनावट संदेश किंवा कॉलवर विश्वास ठेऊ नये. तसेच वैयक्तिक क्रमांकावरून रक्कम भरण्यासाठी पाठविण्यात आलेली कोणतीही ऑनलाइन लिंक ओपन किंवा कोणतेही सॉफ्टवेअर डाऊनलोड करू नये असे आवाहन महावितरणकडून करण्यात आले आहे. वीजबिलांचा सुरक्षित भरणा करण्यासाठी ग्राहकांसाठी महावितरणचे मोबाईल ॲप व www.mahadiscom.in ही वेबसाईट उपलब्ध आहे.

गेल्या काही दिवसांपासून नागरिकांना वैयक्तिक मोबाईल क्रमांकावरून ‘एसएमएस’, ‘व्हॉटस् ॲप’द्वारे बनावट संदेश व थेट कॉल येण्याच्या प्रकारात वाढ झाली आहे. कल्याणीनगर, धानोरी, विश्रांतवाडी, नगररोड आदी भागात अनेक नागरिकांना बनावट संदेश प्राप्त झाले आहेत. ‘मागील महिन्याचे वीजबिल अपडेट नसल्याच्या कारणावरून आज रात्री ९.३० वाजता वीजपुरवठा खंडित करण्यात येणार आहे. करिता ताबडतोब सोबत दिलेल्या वैयक्तिक मोबाईल क्रमांकावर संपर्क साधावा’, असा बनावट ‘एसएमएस’ किंवा ‘व्हॉटस् ॲप’ संदेश पाठविण्यात येत आहेत. मोबाईल कॉल देखील करण्यात येत आहेत.

विशेष म्हणजे ज्यांचा वीजबिलांशी काहीही संबंध नाही अशा नागरिकांना किंवा वीजबिल पूर्वीच भरलेले आहे अशा वीजग्राहकांना देखील हा बनावट संदेश पाठविण्यात येत आहे. सावधगिरी न बाळगता नागरिकांनी या बनावट संदेशांना किंवा कॉलला प्रतिसाद दिल्यानंतर फक्त ‘ऑनलाइन’द्वारेच वीजबिल भरण्यास सांगणे, त्यासाठी वैयक्तिक मोबाईल क्रमांकावरून ऑनलाईन पेमेंटची लिंक पाठविणे किंवा सॉफ्टवेअर (जे मोबाईल किंवा संगणक हॅक करतात) डाऊनलोड करण्यास सांगितले जात आहे. नागरिकांनी या बनावट संदेशांना प्रतिसाद दिल्यास मोबाईल किंवा संगणक हॅक करून संबंधित बॅक खात्यातील शिल्लक रक्कम लंपास करण्यात येत आहे.

महावितरणकडून कोणत्याही वैयक्तिक मोबाईल क्रमांकावरून अशा प्रकारचे ‘एसएमएस’ व ‘व्हॉटस् ॲप’ मेसेज पाठविण्यात येत नाही. तर ज्या ग्राहकांनी ग्राहक क्रमांकासोबत त्यांच्या मोबाईल क्रमांकाची नोंदणी केली आहे केवळ त्याच वीजग्राहकांना संगणकीय प्रणालीद्वारे ‘एसएमएस’ पाठविण्यात येतात. या संदेशाचे सेंडर आयडी (Sender ID) हे VM-MSEDCL, VK-MSEDCL, AM-MSEDCL, JM-MSEDCL असे आहेत. तसेच या अधिकृत संदेशाद्वारे वीजग्राहकांना कोणत्याही वैयक्तिक मोबाईल क्रमांकावर संपर्क साधण्याबाबत कळविले जात नाही. बँकेचा ओटीपी शेअर करण्याबाबत किंवा कोणत्याही प्रकारचे सॉफ्टवेअर डाऊनलोड करण्यास सांगितले जात नाही. सोबतच वैयक्तिक क्रमांकावरून ‘व्हॉटस् ॲप’ संदेश पाठविले जात नाही असे महावितरणकडून स्पष्ट करण्यात आले आहे.

महावितरणकडून अधिकृत सेंडर आयडीद्वारे फक्त ‘एसएमएस’ पाठविले जातात. यामध्ये पूर्वनियोजित देखभाल व दुरुस्ती, तांत्रिक किंवा अन्य कारणांमुळे वीजपुरवठा खंडित झाल्यास तो पूर्ववत होण्यास लागणारा संभाव्य कालावधी तसेच दरमहा वीजबिलांची रक्कम, स्वत:हून मीटर रिडींग पाठविण्याचे ग्राहकांना आवाहन, मीटर रिडींग घेतल्याची तारीख व वापर केलेली एकूण युनिट संख्या, वीजबिलाची रक्कम, देय दिनांक, वीजपुरवठा खंडित करण्याची रीतसर नोटीस आदींची माहिती पाठविण्यात येते.

परंतु, सध्या वैयक्तिक मोबाईल क्रमांकावरून नागरिकांना पाठविण्यात येणारे ‘एसएमएस’, ‘व्हॉटस् ॲप’ संदेश तसेच मोबाईल कॉल बनावट आहेत. त्यास कोणताही प्रतिसाद देऊ नये. बिलाच्या पेमेंटसाठी लिंक ओपन किंवा कोणतेही सॉफ्टवेअर डाऊनलोड करू नये. बनावट संदेशामध्ये नमूद केलेल्या वैयक्तिक मोबाईल क्रमांकावर संपर्क साधू नये. काही शंका व तक्रारी असल्यास वीजग्राहकांनी चोवीस तास सुरु असलेल्या १९१२, १८००२१२३४३५ किंवा १८००२३३३४३५ या टोल फ्री क्रमांक किंवा नजीकच्या कार्यालयाशी संपर्क साधावा, असे आवाहन महावितरणकडून करण्यात आले आहे.

पुणे- कॉंग्रेस पक्षाच्या सर्वधर्मसमभाव या धोरणानेच एक संघ भारत सुरळीत पणे प्रगतीच्या दिशेने मार्गक्रमण करू शकतो या विचाराच्या प्रभावाने आज दलित पॅंथरच्या महिला अध्यक्षा उषा राजगुरू आणि त्यांच्या सहकाऱ्यांनी कॉंग्रेस भवन येथे जाऊन कॉंग्रेस पक्षात प्रवेश केला . यावेळी शहराध्यक्ष अरविंद शिंदे ,माजी मंत्री रमेश बागवे , दीप्ती चौधरी, कमल व्यवहारे, अभय छाजेड, अजित दरेकर यांनी या सर्व कार्यकर्त्यांचे स्वागत केले . आणि पक्षाची स्वातंत्र्य चळवळी पासून असलेली ध्येये धोरणे यावर माहिती देत कॉंग्रेसला आपल्या सहकार्यांने निश्चित शहरातले मार्गक्रमण सोपे होईल अशी आशा व्यक्त केली .

पुणे : पुणे लोकसभा मतदारसंघातील भाजप खासदार गिरीश बापट रुग्णालयात दाखल आहेत. श्वसनाचा त्रास होत असल्याने गेल्या २० ते २५ दिवसांपासून गिरीश बापट यांच्यावर पुण्यातील दीनानाथ मंगेशकर रुग्णालयात उपचार सुरु आहेत. त्यांच्या प्रकृती बाबत सर्व क्षेत्रातील लोकांना ,मान्यवरांना चिंता व्यक्त होते आहे. या पार्श्वभूमीवर राष्ट्रवादी काँग्रेसचे अध्यक्ष शरद पवार यांनी आज दीनानाथ रुग्णालयात जाऊन खासदार गिरीश बापट यांच्या प्रकृतीची विचारणा केली. त्यांनी गिरीश बापट यांच्यासोबत संवाद देखील साधला. यावेळी बापट यांनी, मी आता बरा आहे, लवकरच परत येईन, असा शब्द शरद पवारांना दिला.

गिरीश बापट यांचा स्वभाव आणि पुण्यामध्ये भाजपसाठी त्यांनी केलेल्या कामाची नेहमीच प्रशंसा होते. पुण्यामध्ये राजकीय संस्कृती जोपासणारे बापट पहिले असल्याचंही बोललं जातं. म्हणून राजकीय नेत्यांची मैत्री किंवा आधाराचं नातं पाहायला मिळतं.शरद पवार भेटण्यासाठी आले असता, तुम्ही जास्त बोलू नका, आराम करा, असा सल्ला पवारांनी दिला. बापट यांना श्वसनाचा त्रास असल्या कारणाने, तुम्हाला जास्त बोलत येत नाही, किती महिन्यांपासून हा आजार सुरू आहे? अशी एकूण प्रकृती बाबत विचारणार करणारे प्रश्न शरद पवार यांनी विचारले.मी गेल्या दोन महिन्यांपूर्वी एका कार्यक्रमात गेलो होतो, तेव्हापासून मला आजार सुरू झाला, असं गिरीश बापट म्हणाले.

पुणे- येत्या २८ डिसेंबर रोजी भारतीय राष्ट्रीय काँग्रेस पक्षाचा १३७ वा वर्धापन दिन संपन्न होणार आहे. या दिनाचे औचित्य साधून पुणे शहर जिल्हा काँग्रेस कमिटीच्या वतीने पुणे शहरातील शालेय विद्यार्थ्यांच्या कला गुणांना वाव मिळावा ह्या हेतूने मराठी,हिंदी व इंग्रजी या भाषांमध्ये वत्कृत्व स्पर्धेचे आयोजन शहराध्यक्ष अरविंद शिंदे यांच्या संकल्पनेतून नुकतेच काँग्रेस भवन, शिवाजीनगर पुणे येथे करण्यात आले होते. स्पर्धेचे उद्घाटन पुण्याच्या पहिल्या महिला महापौर कमल व्यवहारे यांच्या हस्ते झाले.

सदर स्पर्धेमध्ये इ. ८ वी ते इ. १० वी व इ. ११ वी ते इ. १२ वी ह्या वर्गातील विद्यार्थ्यांनी सहभाग घेतला होता. वत्कृत्व स्पर्धेमध्ये महात्मा गांधी एक वैचारिक नेतृत्व, भारतीय संगणक क्रांतीचे जनक, भारतीय स्वातंत्र्याची ७५ वर्षे हे विषय देण्यात आले होते. तसेच ५ क्रमांकाना आकर्षक बक्षीसे (एज्युकेशनल टॅब, सायकल, स्मॉट वॉच, हेड फोन इ.) देण्यात आली. शहराध्यक्ष अरविंद शिंदे यांच्या हस्ते पारितोषिक वितरण करण्यात आले. इ. ८ वी ते इ. १० वी मध्ये साफिया शेख हिस प्रथम क्रमांक, श्रावणी संकपाल हिस द्वितीय क्रमांक, मारियम पटेल हिस तृतीय क्रमांक, सृष्टी पांड्ये हिस चतुर्थ क्रमांक, पराग ओक याचा पाचवा क्रमांक आला तर स्नेहा ओंबासे, उत्कर्षा रणपिसे, आदिराज सोनवणे यांनी उत्तेजनार्थ पारितोषिके पटकाविले.

इ. ११ वी ते इ. १२ वी या गटामध्ये रणवीर डोंगरे याने प्रथम क्रमांक, श्रावणी नेटके हिने द्वितीय क्रमांक तर अर्णव पाटोळे याने उत्तेजनार्थ पारितोषिके पटकाविले.कार्यक्रमाचे संयोजन माजी नगरसेविका नीता रजपूत यांनी केले होते.यावेळी रफिक शेख, सुनील शिंदे, अजित दरेकर, फैय्याज शेख, द. स. पोळेकर, मेहबूब नदाफ, सीमा सावंत, सचिन आडेकर, राजेंद्र भुतडा, गुलाम खान, विक्की खन्ना, सौरभ अमराळे, सुजित यादव, दिपक निनारिया, संतोष पाटोळे, लतेंद्र भिंगारे आदी उपस्थित होते.