पुणे -३५वा पुणे फेस्टिव्हल यंदा दि. १९ ते २८ सप्टेंबर या कालावधीत दिमाखदारपणे संपन्न होणार आहे. त्याची पूर्वतयारी व नियोजन यासाठी पुणे फेस्टिव्हलच्या संयोजन समितीची विस्तृत बैठक पुणे फेस्टिव्हलचे अध्यक्ष सुरेश कलमाडी यांच्या अध्यक्षतेखाली पार पडली. यावेळी पुणे फेस्टिव्हलचे उपाध्यक्ष कृष्णकुमार गोयल व सर्व समित्यांचे प्रमुख उपस्थित होते. कलाकारांचे कार्यक्रम, पाहुणे, निमंत्रणे, मंच सजावट, पार्किंग, व्हीआयपी रिसेप्शन, हॉटेलमधील निवास, पोलीस परवानगी, क्रीडा स्पर्धांचे नियोजन, महिला महोत्सव व अन्य सांस्कृतिक कार्यक्रम, प्रसिध्दी आदि विविध समित्यांच्या कामाचा आढावा या बैठकीत घेण्यात आला. अॅड अभय छाजेड यांची मुख्य संयोजक (Chief Coordinator) म्हणून नेमणूक केल्याचे अध्यक्ष सुरेश कलमाडी यांनी जाहीर केले. पुणे फेस्टिव्हलच्या स्थापने पासून सलग ३५ वर्षे पुणे फेस्टिव्हलशी जोडल्या गेलेल्या पुणे फेस्टिव्हलच्या पॅट्रन ज्येष्ठ अभिनेत्री नृत्यांगना खा. हेमा मालिनी यांचा दरवर्षी प्रमाणे यंदा देखील मोठा सहभाग असेल असे सुरेश कलमाडींनी नमूद करून सर्व पूर्वतयारी बद्दल समाधान व्यक्त केले.
DCM अजित पवारांनी PM मोदींचे केले कौतुक; म्हणाले – त्यांच्यासारखा दुसरा नेता देशात नाही
नाशिक-उपमुख्यमंत्री झाल्यावर आणि काल अर्थ खाते मिळाल्यावर आज अजित पवारांच्या नाशिक जिल्हा दौऱ्यात जोरदार शक्तीप्रदर्शन झाले त्यांनी शरद पवारांना मोठा धक्का दिला. या वेळी आयोजित पत्रकार परिषदेमध्ये त्यांनी पंतप्रधान नरेंद्र मोदींच्या कामाचे कौतूक केले. त्यांचा सारखा नेता भारतात दुसरा नसल्याचे अजित पवार यांनी म्हटले आहे. आगामी काळात होणाऱ्या एनडीएच्या बैठक आपण सहभागी राहणार असल्याचे अजित पवारांनी सांगितले.मोदी यांनी ९ वर्षात अनेक चांगले निर्णय घेतल्याचे नमूद केले आणि काश्मीर मधील ३७० कलम हटविण्याच्या निर्णयाचे त्यांनी स्वागत केले.पहा नेमके ते काय म्हणाले….
दादा ,आता म्हणणार काय ..निवडणुका घ्या ….
नाशिक- नाशिक-दादा ,तुम्ही सत्तेत नसताना ,सारखे निवडणुका घ्या, महापालिका आणि स्थानिक स्वराज्य संस्थांच्या निवडणुकांसाठी आग्रही होता ..आता सत्तेत गेलात ..आता ..काय भूमिका … समान नागरी कायद्याचे काय दादा … पहा यावर काय उत्तरे दिली नवे उपमुख्यमंत्री अजित पवार यांनी …
‘खड्डे आणि पावसाळी कामांसाठी विशेष पथके नेमा’,शिवसृष्टी आणि भिडे वाड्याच्या कामाला गती द्या ..दीपक मानकर
- ‘राष्ट्रवादी’ची महापालिका आयुक्तांकडे मागणी
पुणे (प्रतिनिधी) : ‘सध्या पावसाळ्याला सुरुवात झाली आहे. अजून म्हणावा तसा पाऊस पडत नसला, तरी पुणेकरांच्या समस्या वाढण्याची शक्यता आहे. कारण कमी कालावधीच्या पावसात शहरातील रस्त्यांवर आताच खड्डे दिसू लागले आहेत. जोरदार पाऊस सुरू झाला, की या खड्ड्यांचे स्वरूप आणखी तीव्र होते. अशी परिस्थिती पुण्याच्या वाट्याला दर पावसाळ्यात येत असते. या पार्श्वभूमीवर रस्त्यांवरील खड्ड्यांची पाहणी करण्यासाठी आणि त्यावर तातडीने डागडुजी करण्यासाठी आपण विशेष पथक अर्थात ‘टास्क फोर्स’ नेमून नियंत्रण नेमावे आणि शहरातील काही ठिकाणी मोठ्या प्रमाणात पाणी साचत असून याचा फटका नागरिकांना आणि छोट्या व्यावसायिकांना फटका बसतो. या पार्श्वभूमीवर पाणी साचणारे भाग निश्चित (Identify) करुन त्या भागात तातडीने उपाययोजना करणे आवश्यक आहे, अशी मागणी शहर राष्ट्रवादीच्या वतीने शहराध्यक्ष दीपक मानकर यांनी महापालिका आयुक्त विक्रम कुमार यांच्याकडे केली आहे.
पावसाळ्याच्या अनुषंगाने मागण्यांचे निवेदन आयुक्त विक्रम कुमार यांची भेट घेऊन मानकर यांनी दिले. खड्डे तातडीने बुजवण्याठी विशेष पथके नेमण्याबरोबरच यासाठी ‘टोल फ्री क्रमांक’ सुरु करुन यास Whats App द्वारे जोडल्यास नागरिकांना आपल्याशी संपर्क साधने सहज शक्य होईल, असेही मानकर यांनी केलेल्या मागणीत म्हटले आहे.
‘कमी वेळात अधिक पाऊस झाल्यास शहरातील काही ठिकाणी मोठ्या प्रमाणात पाणी साचत असून याचा फटका नागरिकांना आणि छोट्या व्यावसायिकांना फटका बसतो. या पार्श्वभूमीवर पाणी साचणारे भाग निश्चित (Identify) करुन त्या भागात तातडीने उपाययोजना करणे आवश्यक आहे, अशी मागणी मानकर यांनी केली आहे.
याबाबत अधिक माहिती देताना मानकर म्हणाले, पुणेकरांना भेडसावणाऱ्या समस्या मार्गी लावण्यासाठी आम्ही उपमुख्यमंत्री अजित पवार यांच्या नेतृत्वाखाली सज्ज असून प्रश्नांचा पाठपुरावा करणे आणि ते सोडविण्यासाठी आम्ही कटिबद्ध आहोत. पावसाळा कामतांसंदर्भात केलेल्या मागण्यांचा आयुक्त सकारात्मक निर्णय घेऊन कार्यवाही करतील, हा विश्वास आहे’.
शिवसृष्टी आणि भिडेवाडा स्मारकांच्या कामाला गती द्यावी : मानकर
पुणे महापालिकेच्या माध्यमातून भव्य-दिव्य शिवसृष्टी साकारण्यासंदर्भातचा निर्णय झाला असला तरी याबाबत कोणतीही प्रगती झालेली नाही. या पार्श्वभूमीवर शिवसृष्टीच्या कामाला गती द्यावी आणि भिडेवाडा येथे साकारण्यात येणाऱ्या राष्ट्रीय स्मारकाच्या कामाला गती द्यावी, या मागण्याही मानकर यांनी आयुक्तांकडे केल्या आहेत.
प्रधानमंत्री आवास योजनेच्या निकषात उत्पन्न मर्यादेत वाढ केल्याबद्दल मुख्यमंत्र्यांकडून प्रधानमंत्र्यांचे आभार
मुंबई, दि. १५ : – मुंबई महानगर क्षेत्र –एमएमआर मध्ये आर्थिक दुर्बल घटकांसाठी (EWS) प्रधानमंत्री आवास योजनेतील परवडणाऱ्या घरांसाठी उत्पन्न मर्यादेत वाढ करण्याचा निर्णय केंद्र शासनाने घेतला आहे, उत्पन्नाची मर्यादा आता तीन लाखांवरुन सहा लाख रुपये करण्यात आली असून या निर्णयाबद्दल मुख्यमंत्री एकनाथ शिंदे यांनी प्रधानमंत्री नरेंद्र मोदी आणि केंद्रीय गृहनिर्माण आणि शहरी कामकाज मंत्री हरदिप सिंह पुरी यांचे आभार मानले आहेत. या निर्णयामुळे म्हाडा, सिडकोच्या घरांसाठी अर्ज करणाऱ्या लाखो नागरिकांना दिलासा मिळाला असून सर्वसामान्यांचं हक्काच्या घराचं स्वप्न साकार होण्यास मदत होणार आहे.
प्रधानमंत्री आवास योजना (नागरी) अंतर्गत मुंबई महानगर क्षेत्रासाठी आर्थिक दुर्बल घटकांसठी उत्पन्नाचे निकष तीन लाखांवरून सहा लाख रुपये करण्याची विनंती मुख्यमंत्री श्री. शिंदे यांनी केंद्राकडे २१ जून २०२३ रोजी पत्राद्वारे केली होती, त्यानंतर उपमुख्यमंत्री देवेंद्र फडणवीस यांनी याचा पाठपुरावा केला. या विनंतीला केंद्राने सकारात्मक प्रतिसाद देऊन उत्पन्नाच्या निकषात वाढ केली असल्याचे राज्य शासनाला कळविले आहे.
पनवेल ते इंदापूर या रखडलेल्यामार्गाचे कामाची एक लेनगणपतीपूर्वी सुरू होणार
कशेडी घाटातील भुयारी मार्गाची
एक लेनही लवकरच सुरू करणार
सार्वजनिक बांधकाम मंत्री रविंद्र चव्हाण यांची ग्वाही
रत्नागिरी –
राज्याचे सार्वजनिक बांधकाम मंत्री रविंद्र चव्हाण यांनी आज शुक्रवारी मुंबई- गोवा राष्ट्रीय महामार्गावरील रस्त्याच्या कामांची पाहणी केली व कामांचा आढावा घेतला. या पाहणी दरम्यान पळस्पे फाटा, वाखण, इंदापूर-कासू रस्ते आणि घाट बांधकामाच्या स्थितीचा आढावा घेतला. यावेळी मंत्री चव्हाण यांनी पनवेल ते इंदापूर मार्गाचा पहिला टप्पा हा गणेशोत्सवाच्या पुर्वी पूर्ण होऊन एक मार्गिका सुरू होईल तर डिसेंबर २०२३ अखेर पर्यंत पूर्ण मुंबई-गोवा महामार्ग सुरळीतपणे सुरू होईल असा विश्वास सार्वजनिक बांधकाम मंत्री रविंद्र चव्हाण यांनी आज
व्यक्त केला. सदर रस्त्याच्या कामात असणारे सर्व अडथळे लवकरात लवकर सोडवून हा महामार्ग वेळेत पुर्ण करण्याचे सक्त निर्देश मंत्री चव्हाण यांनी अधिकाऱ्यांना दिले.
पनवेल येथून या पाहणी दौऱ्याला सुरुवात झाली.तर झारप येथे दौऱ्याची सांगता झाली . भर पावसात अधिकाऱ्यांच्या समवेत मंत्री चव्हाण यांनी पाहणी केली.त्यावेळी कार्यकर्त्यांनी मंत्री चव्हाण यांचे अनेक ठिकाणी पुष्पगुच्छ देऊन कोकण नगरीत स्वागत केले.
यावेळी प्रसिद्धी माध्यमांशी बोलताना मंत्री चव्हाण यांनी सांगितले की,राज्यात शिंदे फडणवीस सरकारच्या माध्यमातून मागील वर्षभरात विकासाची रखडलेली कामे वेगाने मार्गी लागत आहेत. मंत्री चव्हाण यांनी केंद्र सरकार आणि राज्यातील मुख्यमंत्री आणि उपमुख्यमंत्री यांच्या माध्यमातून जनतेला न्याय मिळत असल्याबद्दल समाधान व्यक्त केले.
गेली अनेक वर्ष मुंबई – गोवा महामार्गाच्या रखडलेल्या रस्त्याच्या कामांमध्ये विविध कारणांमुळे अडचणी येत होत्या. पूर्वीचे कॉन्ट्रॅक्टर्स आता नव्याने आलेले कॉन्ट्रॅक्टर्स आणि अधिकारी वर्ग या सगळ्यांचा समन्वय घडवून ते काम केल जात आहे. बँकांचे असणर्या मोठ्या समस्या यामध्ये आहेत. बँक त्यांच्याकडून जे पैसे देते त्या पहिल्या कॉन्ट्रॅक्टरला जातात आणि मग प्रत्यक्षात काम करणार्या कॉन्ट्रॅक्टरला ते पैसे मिळत नाहीत. या सर्व अडचणी सोडवून हे काम पूर्ण करण्यासाठी प्रयत्न सुरू आहेत असेही मंत्री चव्हाण यांनी स्पष्ट केले.
गणपतीच्या अगोदर सिंगल लेन हा कोणत्याही परिस्थितीत पूर्ण झाला पाहिजे या दृष्टिकोनातून आपण प्रयत्न करतोय आणि आम्हाला खात्री आहे, की गणपतीच्या अगोदर हा सिंगल लेन १०० टक्के पूर्ण होईल. तसेच डिसेंबर पर्यंत दुसरी लेन पूर्ण करण्याचा निर्णय शासनाने घेतला आहे. शासन अतिशय वेगळ्या पद्धतीने सर्व प्रयत्न करून हा रस्ता पूर्ण झाला पाहिजे या दृष्टिकोनातून प्रयत्नशील आहे असा विश्वासही मंत्री चव्हाण यांनी व्यक्त केला.
पावसामध्ये हा सिंगल लेन गणपतीच्या अगोदर सुरू झाला पाहिजे यासाठी सर्व नॅशनल हायवेचे सर्व अधिकारी कॉन्ट्रॅक्टर्स या संबंधितांची बैठक झाली होती. नवीन टेक्नॉलॉजीच्या सहहाय्याने काय करता येऊ शकतं यासगळ्या गोष्टींसाठी सर्वजण प्रयत्न करत आहोत असे सांगून मंत्री चव्हाण म्हणाले की, सुस्थितीतील सिंगल लेन करण्याच्या दृष्टिकोनातून शर्थीचे प्रयत्न केले जातील आणि सिंगल लेन गणपतीच्या अगोदर सुरू होईल.
मुंबई गोवा महामार्गावरील पनवेल ते इंदापूर दरम्यानच्या पहिल्या टप्प्यामधला असणारा ४२ किमी पहिला सिंगेललेन सुस्थितीमध्ये आहे. १२ किमीमधील सिंगल लेनचे व्हाईट टॉपिंग झालेले आहे. उरलेलं काम गणपतीच्या अगोदर पूर्ण होईल, अशी खात्री कॉन्ट्रॅक्टर आणि अधिकारी देत आहेत. तसंच
उरलेला कासू पासून ४२ किमीचा रस्ता खराब अवस्थेत आहे. सिटीबीटी अशी नवीन टेक्नॉलॉजी आहे त्या मशीनच्याद्वारे खालचा बेस संपूर्ण काढण्याचं काम होतं आणि त्यातून पुन्हा चांगल्या पद्धतीने ते काम परत केलं जातं. सध्या २ मशीन त्यांच्या उपलब्ध आहेत. अजून ८-१० मशीन घेऊन ४२ किमीच्या उरलेल्या रस्त्याचे काम पूर्ण करण्याचे निर्देश दिले. असेही मंत्री चव्हाण यांनी स्पष्ट केले.
रत्नागिरी महामार्गाची पाहणी केली. या पाहणी दौऱ्यामध्ये वडखळ ते नागोठणे कडे जाणाऱ्या रस्त्यावरील खड्डे बुजविण्याचे
आदेश मंत्री चव्हाण यांनी दिले.
कशेडी घाटातील भुयारी मार्ग लवकर सुरू होणार
मंत्री चव्हाण यांनी भविष्यात कोकणातील एक्सप्रेस वे म्हणून ओळख निर्माण करणाऱ्या पोलादपूर ते खेडला जोडणाऱ्या कशेडी घाटातील 9 किमी अंतरावरील 1800 मीटरच्या भुयारी मार्गाची पाहणी केली.गणेशोत्सवात मुंबई- गोवा महामार्गावरील कशेडी घाटाला पर्याय असणारा बोगदा वाहतुकीसाठी सुरु करण्याच्या दृष्टीने युद्ध पातळीवर काम करण्याचे निर्देश अधिकाऱ्यांना दिले. पर्यायी मार्ग म्हणून कशेडी घाटातून गेली दोन वर्ष बोगद्याचे काम सुरु होते. त्यापैकी एका बोगद्याचे काम पूर्ण झाले आहे.बोगद्याच्या आतील रस्त्याचे काँक्रेटीकरणाचे काम सुरू आहे.
सदर कामाची पाहणी मंत्री चव्हाण यांनी केली. काँक्रीट रस्त्याला पाणी लागल्यास सिमेंट वाहून जाऊन रस्ता खराब होतो त्याचा दर्जा ढासळतो. ही बाब लक्षात घेता तंत्रज्ञानाचा वापर केल्याचे मंत्री चव्हाण यांनी सांगितले
नव्या बोगद्यामुळे कशेडी घाट ते रायगड जिल्ह्यातील पोलादपूर हे अंतर अवघ्या दहा मिनिटांत पार होणार आहे. हे अंतर पार करण्यासाठी अवघड वळणांमुळे जवळपास 20 ते 25 मिनिटांचा कालावधी लागतो. त्यात बचत होणार आहे.
खासदार प्रकाश जावडेकर यांच्या हस्ते बचतपत्र धारक महिला ग्राहकांचे तसेच अधिकारी – कर्मचारी वर्गाचे कौतुक
पुणे-
पुणे शहर टपाल विभागातर्फे आज “महिला सन्मान बचत पत्र” (MSSC) खाते उघडण्याच्या मोहिमेत विशेष कामगिरी करणाऱ्या कर्मचाऱ्यांचा सत्कार सोहळा आयोजित करण्यात आला होता. सदर कार्यक्रमात “महिला सन्मान बचत पत्र विशेष मोहीम” आणि ‘महादेव कोळी आदिवासी समूह’ भारतीय टपाल विभाग, पुणे क्षेत्रद्वारे विशेष आवरण/पाकिटाचे (Special Cover) अनावरण करण्यात आले.
या कार्यक्रमास प्रमुख पाहुणे म्हणून राज्यसभा खासदार प्रकाश जावडेकर उपस्थित होते.
देशातील महिलांची आर्थिक समृद्धी खात्रीने करण्यासाठी, भारत सरकारने 1 एप्रिल 2023 पासून “महिला सन्मान बचत पत्र” योजना सुरू केली आहे. या योजनेंतर्गत पुणे पोस्टल रिजनने दिनांक 1 एप्रिल 2023 ते 30 जून 2023 या अवघ्या तीन महिन्यांच्या कालावधीमध्ये 31,615 “महिला सन्मान बचत पत्र” खाती उघडली आहेत. ज्याची गुंतवणूक सुमारे 237 कोटी रुपयांपेक्षा जास्त आहे. पुणे शहर पूर्व विभागाने “महिला सन्मान बचत पत्र” खाते उघडण्यासाठी दिनांक 23 ते 26 जून 2023 या तीन दिवसांची विशेष मोहीम राबविली. या मोहिमेत तब्बल 10,430 खाती उघडली आहेत, ज्यांची गुंतवणूक रक्कम 39 कोटी रुपयांपेक्षा जास्त आहे. हा एक विक्रम आहे.
याप्रसंगी आपले मनोगत व्यक्त करताना प्रकाश जावडेकर यांनी भारतीय टपाल विभागाच्या कामगिरीचे कौतुक केले. “महादेव कोळी” जमाती वरती विशेष आवरण काढून टपाल विभागाने आदिवासी समाज बांधवांना एका वेगळ्या प्रकारे सन्मानित केल्याचे नमूद केले. टपाल विभागाच्या पुणे पोस्टल रिजनने अल्पावधीत हजारोंच्या संखेने महिलांची “महिला सन्मान बचत पत्र” खाते उघडून एक प्रकारे या सर्व महिलांना आर्थिक दृष्ट्या सक्षम बनविण्याचे काम केल्याचे नमूद केले. “महिला सन्मान बचत पत्र” म्हणजे स्वातंत्र्याच्या अमृत महोत्सवी वर्षात महिलांना आर्थिक दृष्ट्या सक्षम करण्यासाठी पंतप्रधान नरेंद्र मोदींच्या मार्गदर्शनाखाली सुरु केलेली ही विशेष योजना असून सदर योजना हजारो महिलांपर्यंत पोहचविण्याचे काम भारतीय टपाल विभाग करीत असल्याचे नमूद केले.
6XH5.jpeg)
3ZTD.jpeg)
पोस्ट खात्याने विविध योजना आणल्या आहेत. पोस्टात आता विमा, आधार कार्ड, पासपोर्ट मिळत आहे. आपले पोस्टमन डिजिटल झाले आहेत.भारतातील UPI प्लॅटफॉर्मने डिजीटल आर्थिक व्यवहारात अमेरिकेलाही मागे टाकले आहे. पोस्ट विभागाने महिला सन्मान बचतपत्र अभियान अतिशय उत्तम राबवले आहे, असेही त्यांनी यावेळी सांगितले.
या कार्यक्रमाला श्रीमती माधुरी मिसाळ, आमदार, पर्वती मतदारसंघ, पुणे, श्री. संग्राम गायकवाड, आयकर आयुक्त, पुणे, रामचंद्र जायभाये, पोस्टमास्तर जनरल, पुणे आणि श्रीमती सिमरन कौर, संचालक टपाल सेवा, पुणे क्षेत्र इत्यादी मान्यवर उपस्थित होते.
वंदे भारत ट्रेनमध्ये अजितदादांचीच क्रेझ
मुंबई, दि. 15:- वेळ सकाळी सहा वीसची… ठिकाण ठाणे रेल्वे स्टेशन… राज्याचे उपमुख्यमंत्री अजित पवार यांचा कार्यक्रमासाठी वंदे भारत ट्रेनने नाशिककडे प्रवास… या प्रवासात एक ज्येष्ठ नागरिक उपमुख्यमंत्री अजित पवार यांच्या शेजारी बसतात भारावून जाऊन त्यांना सांगतात “दादा तुम्ही कामाचे लोक, आम्हाला बाकी कशाशी घेणे-देणे नाही. अजितदादा म्हणजे कामाचा माणूस, आम्ही जनरल पब्लिक तुमच्याबद्दल आदर…अशीच जनतेची कामे करा, बेस्ट लक दादा”… आज वंदे भारत ट्रेनमध्ये अशाच अनेकांच्या भावना होत्या.
आज शनिवारी (दि.15 जुलै) नाशिक येथे आयोजित ‘शासन आपल्या दारी’ कार्यक्रमासाठी उपमुख्यमंत्री अजित पवार वंदे भारत ट्रेनने सकाळी नाशिककडे रवाना झाले. नेहमी प्रमाणे वृत्तपत्रे वाचत अजित पवार यांचा प्रवास सुरु झाला. मात्र या प्रवासात सहप्रवासी असलेले एक ज्येष्ठ नागरिक उपमुख्यमंत्री अजित पवार यांच्या शेजारी येऊन बसले. “दादा तुम्ही कामाचे लोक, आम्हाला बाकी कशाशी घेणे-देणे नाही. अजितदादा म्हणजे कामाचा माणूस, आम्ही जनरल पब्लिक तुमच्याबद्दल आदर…अशीच जनतेची कामे करा, बेस्ट लक दादा”… अशा शब्दात त्यांनी जणू राज्यातल्या जानेतेचीच प्रतिनिधीक भावना व्यक्त केली. उपमुख्यमंत्री अजित पवार यांनी सुद्धा जे शक्य आहे, लोक हिताचे आहे ते करत राहणार, काही सूचना असतील तर करा असे सांगत आपल्या सोबत असणाऱ्या विशेष कार्य अधिकाऱ्यांना त्यांची नोंद घेण्यास सांगितले. प्रवासात इतर प्रवाशांना त्रास होऊ नये, कोणाला अडवू नका अशा सूचना आपल्या सुरक्षा राक्षकांना केल्या. अशा प्रकारे वंदे भारत ट्रेनने अजितदादांची क्रेझ अनुभवली.
जिल्ह्यातील ४९ आधार केंद्र सुरू करण्यास परवानगी
पुणे: भारतीय विशिष्ट ओळख प्राधिकरणाकडून देण्यात येणाऱ्या सूचनांचे पालन न केल्याने प्रमाणपत्र तात्पुरते गोठविण्यात आलेल्या ९६ आधार केंद्र चालकांपैकी ४९ आधार केंद्रचालकांना पूर्ववत केंद्र सुरु करण्यास परवानगी देण्यात आली असून ही सर्व केंद्र सद्यस्थितीत कार्यरत आहेत.
जिल्ह्यातील ९६ आधार केंद्रचालकांना ऑनलाईन प्रशिक्षण देऊन त्यांची परीक्षा घेण्यात आली. त्यात ८२ केंद्रचालक उत्तीर्ण झाले आहेत. त्यातील ४९ केंद्र चालकांनी केंद्र सुरू केले आहे, १० ऑपरेटरांना एका वर्षाकरीता भारतीय विशिष्ट ओळख प्राधिकरणाकडून बंधन घालण्यात आलेले आहे. उर्वरीत एकूण ३७ पैकी १८ ऑपरेटर हे भारतीय विशिष्ट ओळख प्राधिकरणाकडून एएमएस पोर्टलवरती अगोदरच नोंदवलेले असल्यामुळे, पूर्ववत करण्यात तांत्रिक मान्यता घेण्यात येत आहे. भारतीय विशिष्ट ओळख प्राधिकरण कार्यालयाच्या अधिकाऱ्यांकडून येत्या काही दिवसात हे ऑपरेटर व उर्वरीत सर्व आधार ऑपरेटर कार्यरत होणार असल्याबाबत सांगण्यात आले आहे, असे आधार समन्वयक तथा उपजिल्हाधिकारी अमिता तळेकर धुमाळ यांनी कळविले आहे.
000
शिवछत्रपती राज्य ११७ क्रीडा पुरस्कार जाहीर..पहा नावे ..
मुंब : सन 2019-20,2020-21 व 2021-22 असे तीन वर्षांचे एकूण ११७ क्रीडा पुरस्कार क्रीडा व युवक कल्याण मंत्री गिरीश महाजन यांनी आज सेवासदन या शासकीय निवासस्थानी पत्रकार परिषदेत जाहीर केले.
शिवछत्रपती राज्य क्रीडा जीवन गौरव पुरस्कार सन २०१९-२० श्रीकांत शरदचंद्र वाड (ठाणे), सन २०२०-२१ दिलीप बळवंत वेंगसरकर आणि सन २०२१-२२ आदिल जहांगिर सुमारीवाला, (मुंबई) यांना जाहीर करण्यात आला आहे.
मंत्री श्री. महाजन म्हणाले की, राज्यात क्रीडा संस्कृतीचा वारसा जपला जाऊन त्याचे संवर्धन व्हावे, क्रीडा क्षेत्रात उल्लेखनीय कार्य करणा-या क्रीडा महर्षी, मार्गदर्शक, खेळाडूंच्या कार्याचा गौरव करण्यासाठी शिवछत्रपती राज्य क्रीडा पुरस्कार देण्यात येतात.
विविध पुरस्कार पुढीप्रमाणे
| पुरस्काराचे नाव | पुरस्कार संख्या |
| शिवछत्रपती राज्य क्रीडा जीवन गौरव पुरस्कार | 2 |
| उत्कृष्ट क्रीडा मार्गदर्शक पुरस्कार मार्गदर्शक | 13 |
| जिजामाता पुरस्कार ( क्रीडा मार्गदर्शक पुरस्कार ) | 1 |
| शिवछत्रपती राज्य क्रीडा पुरस्कार (खेळाडू ) | 81 |
| शिवछत्रपती राज्य क्रीडा साहसी पुरस्कार | 5 |
| शिवछत्रपती राज्य क्रीडा पुरस्कार ( दिव्यांग खेळाडू) | 14 |
| एकूण | 116 |
परिशिष्ट ब
उत्कृष्ट क्रीडा मार्गदर्शक/जिजामाता पुरस्कार सन2019–20
| उत्कृष्ट क्रीडा मार्गदर्शक | जिजामाता पुरस्कार | ||||
| खेळ | नाव | खेळ | नाव | ||
| 1 | जिम्नॅस्टीक्स | डॉ.आदित्य श्यामसुंदर जोशी, औरंगाबाद | 1 | सॉफ्टबॉल | श्रीमती दर्शना वासुदेवराव पंडित, नागपूर |
| 2 | खो-खो | श्री.शिरीन नरसिंह गोडबोले, पुणे | |||
| 3 | दिव्यांग खेळांचे क्रीडा मार्गदर्शक | श्री.संजय रामराव भोसकर, नागपूर | |||
| थेट पुरस्कार-कबड्डी | श्री.प्रशांत परशुराम चव्हाण, ठाणे | ||||
| थेट पुरस्कार-कबड्डी | श्री.प्रताप विठ्ठल शेट्टी, ठाणे | ||||
| थेट पुरस्कार-कबड्डी | श्री.अमरसिंह निंबाळकर, पुणे |
उत्कृष्ट क्रीडा मार्गदर्शक/जिजामाता पुरस्कार सन 2020–21
| उत्कृष्ट क्रीडा मार्गदर्शक | ||
| खेळ | नाव | |
| 1 | जिम्नॅस्टीक्स | श्री.संजोग शिवराम ढोले, पुणे |
| 2 | स्केटिंग | श्री.राहुल रमेश राणे, पुणे |
| 3 | सॉफ्टबॉल | डॉ.अभिजित इंगोले, अमरावती |
| 4 | दिव्यांग खेळांचे क्रीडा मार्गदर्शक | श्री.विनय मुकुंद साबळे, औरंगाबाद |
उत्कृष्ट क्रीडा मार्गदर्शक/जिजामाता पुरस्कार सन 2021–22
| उत्कृष्ट क्रीडा मार्गदर्शक | ||
| खेळ | नाव | |
| 1 | जिम्नॅस्टीक्स | श्री.सिद्धार्थ महेंद्र कदम, औरंगाबाद |
| 2 | धनुर्विद्या | श्री.चंद्रकांत बाबुराव इलग, बुलढाणा |
| 3 | सॉफ्टबॉल | श्री.किशोर प्रल्हाद चौधरी, जळगाव |
परिशिष्ट क
शिवछत्रपती राज्य क्रीडा पुरस्कार खेळाडू सन2019–20
| अ.क्र. | खेळाचे नाव | पुरूष | महिला |
| 1 | आर्चरी | — | श्रीमती स्नेहल विष्णू मांढरे, सातारा |
| 2 | ॲथलेटिक्स | श्री. पारस सुनील पाटील, पुणे | श्रीमती अंकिता सुनील गोसावी, पुणे |
| 3 | आट्यापाट्या | श्री विजय लक्ष्मण न्हावी, जळगाव | श्रीमती शीतल मेघराज शिंदे, उस्मानाबाद |
| 4 | बॅडमिंटन | — | श्रीमती तन्वी उदय लाड, मुंबई उपनगर(थेट पुरस्कार ) |
| 5 | बॉक्सिंग | श्री.सौरभ सुरेश लेणेकर, मुंबई उपनगर | — |
| 6 | सायकलिंग | — | श्रीमती प्रणिता प्रफुल्ल सोमण, अहमदनगर |
| 7 | तलवारबाजी | श्री.जय सुरेश शर्मा, नाशिक | — |
| 8 | कबड्डी | — | श्रीमती सायली उदय जाधव, मुंबई उपनगर |
| 9 | कयाकिंग-कनॉईंग | श्री सागर दत्तात्रय नागरे, नाशिक | — |
| 10 | खोखो | श्री. प्रतिक किरण वाईकर, पुणे | श्रीमती आरती अनंत कांबळे, रत्नागिरी |
| 11 | मल्लखांब | श्री.दीपक वामन शिंदे, मुंबई उपनगर( थेट पुरस्कार ) | श्रीमती प्रतीक्षा लक्ष्मण मोरे, कोल्हापूर( थेट पुरस्कार ) |
| 12 | पॉवरलिप्टींग | — | श्रीमती नाजूका तातू घारे, ठाणे |
| 13 | शूटींग | — | श्रीमती भक्ती भास्कर खामकर, ठाणे |
| 14 | स्केटिंग | श्री.अरहंत राजेंद्र जोशी, पुणे | श्रीमती श्रुतिका जयकांत सरोदे, पुणे |
| 15 | सॉप्टबॉल | श्री अभिजित किसनराव फिरके , अमरावती | श्रीमती हर्षदा रमेश कासार, पुणे |
| 16 | स्पोर्टस क्लायबिंग | — | श्रीमती सिध्दी शेखर मणेरीकर, मुंबई उपनगर |
| 17 | जलतरण | श्री.मिहीर राजेंद्र आंब्रे, पुणे | श्रीमती साध्वी गोपाळ धुरी, पुणे |
| 18 | डायव्हींग/वॉटरपोलो | — | श्रीमती मेधाली संदीप रेडकर, मुंबई उपनगर |
| 19 | वेटलिप्टींग | — | श्रीमती अश्विनी राजेंद्र मळगे, कोल्हापूर |
| 20 | कुस्ती | श्री.सोनबा तानाजी गोंगाणे, पुणे | श्रीमती सोनाली महादेव तोडकर, बीड |
शिवछत्रपती राज्य क्रीडा पुरस्कार खेळाडू सन2020–21
| अ.क्र. | खेळाचे नाव | पुरूष | महिला |
| 1 | आटयापाटया | श्री विशाल निवृत्ती फिरके, जळगाव | श्रीमती शीतल बापूराव ओव्हाळ, उस्मानाबाद |
| 2 | शूटिंग | — | श्रीमती यशिका विश्वजित शिंदे, मुंबई शहर |
| अ.क्र. | खेळाचे नाव | पुरूष | महिला |
| 3 | सॉप्टबॉल | — | श्रीमती स्वप्नाली चंद्रकांत वायदंडे, कोल्हापूर |
| 4 | बेसबॉल | — | श्रीमती रेश्मा शिवाजी पुणेकर, पुणे |
| 5 | वुशू | — | श्रीमती मिताली मिलिंद वाणी, पुणे |
| 6 | सायकलिंग | श्री सूर्या रमेश थटू, पुणे | श्रीमती प्रियांका शिवाजी कारंडे, सांगली |
| 7 | अश्वारोहण | श्री अजय अनंत सावंत, पुणे(थेट पुरस्कार ) | — |
| 8 | कबड्डी | श्री.निलेश तानाजी साळुंके, ठाणे | श्रीमती मीनल उदय जाधव,मुंबई उपनगर |
| 9 | खोखो | श्री अक्षय संदीप भांगरे, मुंबई उपनगर | श्रीमती प्रियंका पंढरी भोपी, ठाणे |
| 10 | स्केटिंग | श्री अथर्व अतुल कुलकर्णी, पुणे | श्रीमती आदिती संजय धांडे, नागपूर |
| 11 | टेबल टेनिस | श्री.सिध्देश मुकुंद पांडे, ठाणे | — |
| 12 | पॉवरलिप्टींग | — | श्रीमती श्रेया सुनील बोर्डवेकर, मुंबई शहर |
| 13 | कॅरम | श्री अनिल दिलीप मुंढे, पुणे | — |
| 14 | जलतरण | — | श्रीमती ऋतुजा भीमाशंकर तळेगावकर, नागपूर |
| 15 | कुस्ती | श्री सूरज राजकुमार कोकाटे, पुणे | श्रीमती कोमल भगवान गोळे,पुणे |
शिवछत्रपती राज्य क्रीडा पुरस्कार खेळाडू सन2021–22
| अ.क्र. | खेळाचे नाव | पुरूष | महिला |
| 1 | आर्चरी | श्री मयूर सुधीर रोकडे, सांगली | श्रीमती मोनाली चंद्रहर्ष जाधव, बुलढाणा |
| 2 | ॲथलेटिक्स | श्री सर्वेश अनिल कुशारे, नाशिक | — |
| 3 | आटयापाटया | श्री अजित मनोहर बुरे, वाशिम | श्रीमती वैष्णवी भाऊराव तुमसरे, भंडारा |
| 4 | बॅडमिंटन | — | श्रीमती मालविका प्रबोध बनसोड, नागपूर |
| 5 | बॉक्सिंग | श्री.हरिवंश रवींद्र टावरी, अकोला | — |
| 6 | बेसबॉल | श्री अक्षय मधुकर आव्हाड, अहमदनगर | श्रीमती मंजुषा अशोक पगार, नाशिक |
| 7 | शरिरसौष्ठव | श्री राजेश सुरेश इरले, पुणे | — |
| 8 | कनोईंग व कयाकिंग | श्री देवेंद्र शशिकांत सुर्वे, पुणे | — |
| अ.क्र. | खेळाचे नाव | पुरूष | महिला |
| 9 | बुध्दीबळ | श्री संकल्प संदीप गुप्ता, नागपूरथेट पुरस्कार | — |
| 10 | सायकलिंग | — | श्रीमती मयुरी धनराज लुटे, भंडारा |
| 11 | तलवारबाजी | श्री अभय कृष्णा शिंदे, औरंगाबाद | श्रीमती वैदेही संजय लोहिया, औरंगाबाद |
| 12 | लॉन टेनिस | कु.अर्जुन जयंत कढे, पुणे | — |
| 13 | जिम्नॅस्टिक -एरोबिक | श्री. ऋग्वेद मकरंद जोशी, औरंगाबाद | — |
| 14 | खोखो | श्री अक्षय प्रशांत गणपुले, पुणे | श्रीमती अपेक्षा अनिल सुतार, रत्नागिरी |
| 15 | पॉवरलिफ्टींग | श्री साहील मंगेश उतेकर, ठाणे | श्रीमती सोनल सुनील सावंत, कोल्हापूर |
| 16 | रोईंग | श्री निलेश धनंजय धोंडगे, नाशिक | — |
| 17 | रग्बी | श्री भरत फत्तू चव्हाण, मुंबई शहर | — |
| 18 | शूटिंग | — | श्रीमती अभिज्ञा अशोक पाटील, कोल्हापूर |
| 19 | स्केटिंग | श्री यश विनय चिनावले, पुणे | श्रीमती कस्तुरी दिनेश ताम्हणकर, नागपूर |
| 20 | सॉफ्टबॉल | श्री.सुमेध प्रदीप तळवेलकर, जळगाव | — |
| 21 | स्पोर्टस क्लायबिंग | श्री ऋतिक सावळाराम मारणे, पुणे | — |
| 22 | जलतरण | — | श्रीमती ज्योती बाजीराव पाटील, मुंबई शहर |
| 23 | वेटलिफ्टींग | श्री संकेत महादेव सलगर, सांगली | — |
| 24 | कुस्ती | श्री.हर्षवर्धन मुकेश सदगीर, पुणे | कुमारी स्वाती संजय शिंदे, कोल्हापूर |
शिवछत्रपती राज्य क्रीडा पुरस्कार (दिव्यांग खेळाडू) २०१९-२०
| पुरुष | महिला | ||||
| अ.क्र. | खेळ | नाव | अ.क्र. | खेळ | नाव |
| १ | अॅथलेटिक्स | श्री.योगेश्वर रवींद्र घाटबांधे | १ | अॅथलेटिक्स | श्रीमती भाग्यश्री रमेश माझिरे |
| २ | इतर खेळ प्रकार-व्हीलचेअर बास्केटबॉल | श्री.मीन बहादूर थापा | २ | इतर खेळ प्रकार – बॅडमिंटन | श्रीमती आरती जानोबा पाटील |
| 3 | थेट पुरस्कार – बुद्धीबळ | श्रीमती मृणाली प्रकाश पांडे |
शिवछत्रपती राज्य क्रीडा पुरस्कार (दिव्यांग खेळाडू) २०२०-२१
| पुरुष | महिला | ||||
| अ.क्र. | खेळ | नाव | अ.क्र. | खेळ | नाव |
| १ | जलतरण | श्री.दीपक मोहन पाटील | १ | जलतरण | श्रीमती वैष्णवी विनोद जगताप |
| २ | इतर खेळ प्रकार – व्हील चेअर बास्केटबॉल | श्री.सुरेश कुमार कार्की | २ | इतर खेळ प्रकार – पॅरा आर्चरी | श्रीमती मिताली श्रीकांत गायकवाड |
शिवछत्रपती राज्य क्रीडा पुरस्कार (दिव्यांग खेळाडू) २०२१-२२
| पुरुष | महिला | ||||
| अ.क्र. | खेळ | नाव | अ.क्र. | खेळ | नाव |
| १ | अॅथलेटिक्स | श्री.प्रणव प्रशांत देसाई | १ | अॅथलेटिक्स | श्रीमती आकुताई सीताराम उलभगत |
| २ | इतर खेळ प्रकार व्हील चेअर बास्केटबॉल | श्री.अनिल कुमार काची | २ | इतर खेळ प्रकार – व्हील चेअर तलवारबाजी | श्रीमती अनुराधा पंढरी सोळंकी |
| 3 | थेट पुरस्कार-अॅथलेटिक्स | श्रीमती भाग्यश्री माधवराव जाधव |
परिशिष्ट ड
शिवछत्रपती राज्य क्रीडा पुरस्कार(साहसी) सन 2019–20
| अ.क्र. | साहस प्रकार | नाव |
| 1 | जल | श्री.सागर किशोर कांबळे |
| 2 | जमीन | श्री.कौस्तुभ भालचंद्र राडकर |
शिवछत्रपती राज्य क्रीडा पुरस्कार(साहसी)सन 2020–21
| अ.क्र. | साहस प्रकार | नाव |
| 1 | जमीन | श्री.कृष्ण प्रकाश |
| 2 | थेट पुरस्कार | श्री.केवल हिरेन कक्का – तेनझिंग नॉर्गे पुरस्कार |
शिवछत्रपती राज्य क्रीडा पुरस्कार(साहसी) सन 2021–22
| अ.क्र. | साहस प्रकार | नाव |
| 1 | जमीन | श्री.जितेंद्र रामदास गवारे |
गायीच्या दुधाला प्रतिलिटर ३४ रुपयांचा किमान दर – दुग्धविकास मंत्री राधाकृष्ण विखे-पाटील
मुंबई : राज्यात दुधाला किमान भाव मिळावा, दुधाच्या खरेदी दरात कपात होऊन दूध उत्पादक शेतकऱ्यांचे आर्थिक नुकसान होऊ नये या उद्देशाने गायीच्या दुधाला प्रतिलिटर किमान ३४ रूपये भाव देण्याचा महत्त्वपूर्ण निर्णय शासनाने घेतल्याची माहिती दुग्धविकास मंत्री राधाकृष्ण विखे-पाटील यांनी दिली.
राज्यातील दूध दर प्रश्नाबाबत विविध दूध उत्पादक शेतकरी संघटना व पशुखाद्य उत्पादक प्रतिनिधींसोबत पशुसंवर्धन व दुग्ध व्यवसाय विकास मंत्री श्री. विखे-पाटील यांच्या अध्यक्षतेखाली नुकतीच महत्त्वाची बैठक झाली.
सहकारी आणि खासगी दूध संघांचा परिचालन खर्च, तसेच दूध उत्पादक शेतकऱ्यांचा उत्पादन खर्च विचारात घेऊन, शेतकऱ्यांच्या दुधाला रास्त भाव मिळावा, या अनुषंगाने दूध दर निश्चितीसाठी शासन निर्णयान्वये समिती गठित करण्यात आली होती. सहकारी व खासगी दुग्ध क्षेत्रातील प्रमुख प्रतिनिधींचा सदस्य म्हणून समावेश असलेल्या या समितीने शासनास केलेल्या शिफारशीनुसार राज्यात गायीच्या दुधासाठी (३.५/८.५) गुणप्रतिकरिता किमान खरेदी दरास मान्यता देतानाच दर विनाकपात दूध उत्पादक शेतकऱ्यांना अदा करणे अभिप्रेत राहिल, असा निर्णय शासनाने घेतल्याचे मंत्री श्री. विखे-पाटील यांनी सांगितले.
दुधाला रास्त भाव मिळावा यासोबतच देशातील स्थानिक व आंतरराष्ट्रीय बाजारपेठेचा आढावा घेऊन समितीने दर ३ महिन्यांनी किमान दूध खरेदी दर निश्चितीबाबत शासनास शिफारस करावी. विशिष्ट अपवादात्मक परिस्थिती निर्माण झाल्यास, शासनाकडून प्राप्त निर्देशानुसार ३ महिन्याच्या आतही समितीने दूध दराबाबत शासनास शिफारस करावी, किमान दूध दराची अंमलबजावणीबाबत जिल्हा दुग्ध व्यवसाय विकास अधिकारी यांनी दुग्धव्यवसाय विकास आयुक्त यांच्यामार्फत शासनास दरमहा अहवाल सादर करावा असे निर्देश समितीला देण्यात आल्याची माहिती मंत्री श्री. विखे-पाटील यांनी दिली आहे.
दोन कामगारांच्या मृत्यू प्रकरणी केबल चालक मालकावर गुन्हा दाखल
विजेच्या हाय टेन्शनच्या तारांना केबलचा स्पर्श अन दोघांना बसला शॉक
पुणे-केबल कामगारांच्या सुरक्षिततेत हलगर्जीपणा बाळगल्याप्रकरणी पुण्यातील एन पी केबल नेटवर्क मालकाविरूद्ध कोथरुड पोलिस ठाण्यात गुन्हा दाखल करण्यात आला आहे. केबल टाकण्यापुर्वी खबरदारी न घेतल्यामुळे विजेच्या हाय टेन्शनला स्पर्श झाल्यामुळे दोघा कर्मचार्यांचा मृत्यू झाल्याची घटना चार मे रोजी कोथरुडमधील सुतारदरा परिसरात घडलेली होती.
याप्रकरणी कागदपत्रांच्या तपासणीसह इतर अहवालानंतर दोषी आढळल्याप्रकरणी एन पी केबल नेटवर्क मालकाविरुद्ध गुन्हा दाखल करण्यात आला आहे. कुंडलिक लक्ष्मण शिंदे आणि स्वप्निल शिवराम बोडके ( दोघेही रा. कोथरुड,पुणे ) अशी मृत्यू झालेल्या कामगारांची नावे आहेत. याप्रकरणी लक्ष्मण शिंदे (रा. कोथरुड,पुणे )यांनी कोथरुड पोलिस ठाण्यात तक्रार दाखल केलेली आहे.
पोलिसांनी दिलेल्या माहितीनुसार, एन पी केबल विनापरवाना व्यवसाय करीत असून त्यांच्याकडे कुंडलिक आणि स्वप्निल कामाला होते. मात्र, संबंधित मालकाने त्यांच्या सुरक्षिततेसाठी कोणतीही उपाययोजना केली नव्हती. तशाही परिस्थितीत तो कामगारांकडून कामे करवून घेत होता. चार मे रोजी दुपारी बाराच्या सुमारास कोथरूडमधील सुतारदार परिसरात कुंडलिक आणि स्वप्निल केबल टाकण्याचे काम करीत होते. त्यावेळी त्यांना सुरक्षिततेच्या दृष्टीकोनातून कोणतीही साधणे पुरविण्यात आली नव्हती.परिसरातील हाय टेन्शनच्या तारांना केबलचा स्पर्श झाल्यामुळे दोघेही गंभीररित्या जखमी झाले. उपचारादरम्यान, त्यांचा मृत्यू झाल्याचे डॉक्टरांनी घोषित केले. दरम्यान, तपासाअंती एन पी केबल नेटवर्क मालकाने कामगारांसाठी सुरक्षितता न बाळगता खबरदारी घेतली नाही. त्यामुळे त्यांचा मृत्यू झाल्याप्रकरणी संबंधिताविरूद्ध गुन्हा दाखल करण्यात आला आहे. याप्रकरणी पोलिस उपनिरीक्षक किसन राठोड पुढील तपास करीत आहेत.
रिक्षासह टॅक्सी परवानाधारकाची गैरवर्तणुकीची तक्रार मुंबईत व्हॉटसॲपद्वारे नोंदवू शकणार
मुंबई: ऑटोरिक्षा व टॅक्सी परवानाधारकांनी गैरवर्तन करणे, भाडे नाकारणे, विहित दरापेक्षा जादा भाडे घेणे या विरुद्ध तक्रार करायची असल्यास प्रादेशिक परिवहन कार्यालय, मुंबई (पश्चिम) यांनी व्हॉट्सअप क्रमांक ९९२०२४०२०२ व ई-मेल mh02.autotaxi complaint@gmail.com जारी केला आहे. प्रवाशांनी या क्रमांकावर व्हॉट्सअपच्या माध्यमातून वाहन क्रमांक, ठिकाण आणि गुन्ह्याचे स्वरूप अशा स्वरूपात तक्रार दाखल करावी, जेणेकरुन संबंधित दोषी वाहनधारकांवर मोटार वाहन कायद्यातील तरतुदीनुसार करवाई करता येईल.
याबाबत महाराष्ट्र राज्य मानवी हक्क आयोगाने ऑटोरिक्षा व टॅक्सी परवानाधारकांच्या गैरवर्तनाबाबत तक्रार करण्यासाठी सु-मोटो याचिका दाखल केली आहे. या याचिकेच्या २३ जून २०२३ रोजी सुनावणी दरम्यान आयोगाने ऑटोरिक्षा व टॅक्सी परवानाधारकांच्या गैरवर्तन, भाडे नाकारणे, विहित दरापेक्षा जादा भाडे घेणे याकरीता परिवहन विभागामार्फत प्रवाशांच्या तक्रारीकरीता व्हॉट्सअप क्रमांकाचे स्टिकर प्रवाशांना दिसेल, अशा पद्धतीने प्रदर्शित करण्याबाबत निर्देश दिले आहेत. त्यानुसार प्रादेशिक परिवहन कार्यालय मुंबई यांनी व्हॉट्सअप क्रमांक जारी केला आहे. प्रवाशांनी प्रवासादरम्यान होणाऱ्या गैरसोयीबाबत या क्रमांकावर तक्रार नोंदवावी, असे आवाहन प्रादेशिक परिवहन अधिकारी, मुंबई (पश्चिम) यांनी केले आहे.
महापालिकेतर्फे बेवारस वाहने जप्त करण्याची मोहीम सुरू
पुणे- शहरात रस्त्याच्या कडेला, पादचारी मार्गावर महिनोंमहिने चारचाकी, दुचाकी, तीनचाकी वाहने उभे करून वाहतुकीस अडथळा निर्माण केला आहे. अशा वाहनांवर महापालिकेने जप्तीची कारवाईची मोहीम सुरू केली आहे. अशाप्रकारे आत्तापर्यंत २२ वाहने जप्त केली आहेत. नागरिकांनी त्यांची वाहने काढून घ्यावेत असे आवाहन महापालिकेने केले आहे.शहरात वाहनांची संख्या वाढत असल्याने वाहतूक कोंडीचा प्रश्न गंभीर झाला आहे. त्यातच पार्किंगची समस्याही निर्माण झाली आहे. शहरातील अनेक नागरिक त्यांची बंद पडलेली वाहने रस्ता, पादचारी मार्गावर लावतात.त्यामुळे वाहतुकीस अडथळा निर्माण होतोच, पण कचरा टाकून अस्वच्छतेमुळे दुर्गंधी निर्माण होत असल्याचे चित्र शहरात आहे. त्यापार्श्वभूमीवर अतिक्रमण निर्मूलन विभागाने ही मोहीम हाती घेतली आहे.महापालिकेने जप्त केलेली वाहने एका महिन्याच्या आत शुल्क भरून सोडवून घेता येतील. यामध्ये प्रवासी बस, ट्रकसाठी २५ हजार रुपये, हलकी वाहने (१० टना पर्यंत) २० हजार रुपये, कार, जीपसाठी १५ हजार, रिक्षा, टेम्पोसाठी १० हजार तर दुचाकीसाठी ५ हजार रुपये शुल्क आहे. त्यामुळे नागरिकांनी रस्त्याचा लावलेले त्यांची बंद स्थितीतील वाहने नोटीस लावल्यानंतर सात दिवसाच्या आत तेथून काढून घ्यावेत असे आवाहन प्रशासनाने केले आहे.