पुणे : सहकारनगर पोलिसांनी कालच १६ जणांच्या टोळीला मोक्का लावून कारवाई केलेली असताना वाहन तोडफोडीचे सत्र कायम असून, कात्रज भागात वादातून एका सोसायटीच्या परिसरात लावण्यात आलेल्या सहा वाहनांची तोडफोड करण्यात आल्याची घटना घडली. या प्रकरणी भारती विद्यापीठ पोलिसांनी पाचजणांना अटक केली आहे.मधुकर उर्फ अप्पा ग्यानबा भिलारे (वय ४७), आकाश नानासाहेब गरवडे (वय २७), अमित उत्तम भिलारे (वय ३६), फिरोज हसन शेख (वय २४), मुस्तफा मेहबूब शेख (वय २१, सर्व रा. भिलारेवाडी, कात्रज) अशी अटक करण्यात आलेल्यांची नावे आहेत. या प्रकरणी साथीदारांविरुद्ध गुन्हा दाखल करण्यात आला आहे. याबाबत भिमाजी भिकाजी सावंत (वय ३३, रा. ओमसाई निवास, भिलारेवाडी, कात्रज) यांनी भारती विद्यापीठ पोलीस ठाण्यात फिर्याद दिली आहे.

सावंत यांचा आरोपींशी वाद झाला होता. आरोपी भिलारे, गरवडे, शेख आणि साथीदार ओम साई निवास सोसायटीच्या परिसरात आले. त्यांनी शिवीगाळ केली. साेसायटीच्या आवारात लावण्यात आलेल्या दोन मोटारी, रिक्षा, दुचाकी, तसेच टँकरवर दगडफेक केली. कोयते आणि बेसबाॅल स्टीक उगारून दहशत माजविली. पोलीस उपनिरीक्षक ढमे तपास करत आहेत.

पंधरा दिवसांपूर्वी सहकारनगर भागातील तळजाई वसाहतीत वैमनस्यातून टोळक्याने २६ वाहनांची तोडफोड केली होती. वारजे भागात वाहन तोडफोडीची घटना घडली होती. या घटनेची गंभीर दखल घेऊन पोलीस आयुक्त रितेश कुमार यांनी सहकारनगर, तसेच वारजे पोलीस ठाण्यातील वरिष्ठ पोलीस निरीक्षकांसह पोलीस कर्मचाऱ्यांना निलंबित करण्याचे आदेश दिले होते.मात्र पुण्याच्या या उपनगरांतील दारूचे धंदे ,अवैध अड्डे , बेकायदा बांधकामे ,दादागिरी दहशत वाद या सर्वांना हळूहळू ,किंवा कालांतराने बड्यांचा वरदहस्त मिळत आल्याचे दिसून आलेले आहे.याकडे दुर्लक्ष करून चालणार नाही .पोलिसांकडून उचलली जाणारी कारवाई ची पावले खंबीर असल्याचे दिसत असताना दुसरीकडे भारती विद्यापीठ पोलिसांनी लहान मुले गुन्हेगारीकडे वळू नयेत , योग्य मार्गावर जीवनक्रम त्यांचा असावा म्हणून समाजोपयोगी उपक्रम देखील हातही घेतले आहे तरीही गुन्हेगारी वाढत असल्याने चिंता व्यक्त होते आहे.

• शहर राष्ट्रवादीच्या पहिली कार्यकारिणी उत्स्फूर्त प्रतिसादात
• उपमुख्यमंत्री अजित पवार यांना ताकद देण्याचा निर्धार

पुणे (प्रतिनिधी) : ‘शहरातील कार्यकारिणीमध्ये सर्व घटकांतील ज्येष्ठ, महिला, पुरुष, युवक युवती, विद्यार्थी आणि विद्यार्थिनींना सहभागी करून सर्वांना काम करण्याची योग्य संधी देण्यात येणार असून पुणे शहरातून मोठी ताकद उपमुख्यमंत्री अजित पवार यांच्या पाठिशी उभी केली जाईल’, असा निर्धार राष्ट्रवादीचे शहराध्यक्ष दीपक मानकर यांनी कार्यकारिणी बैठकीत केला.

शहर राष्ट्रवादीची पहिली कार्यकारिणी शहराध्यक्ष मानकर यांच्याच अध्यक्षतेखाली संपन्न झाली. त्यावेळी ते बोलत होते. उत्फूर्त वातावरणात झालेल्या या बैठकीस महिला प्रदेशाध्यक्षा रुपाली चाकणकर, प्रवक्त्या रुपाली ठोंबरे, कार्याध्यक्ष प्रदिप देशमुख, कार्याध्यक्षा पूनम पाटील, माजी महापौर राजलक्ष्मी भोसले, दत्तात्रय धनकवडे, शंकर केमसे, अप्पा रेणुसे, बंडू गायकवाड प्रकाश कदम, महेश शिंदे, सुभाष जगताप, बाळासाहेब बोडके, प्रदीप गायकवाड, प्रिया गदादे, भैय्यासाहेब जाधव, सदानंद शेट्टी, बाबा पाटील यांच्यासह आजी-माजी लोकप्रतिनिधी, इतर मान्यवर, पदाधिकारी, कार्यकर्ते उपस्थित होते.

शहरात राष्ट्रवादी मजबूत करतानाच सर्वांना सोबत घेऊन जाण्याचा निर्धार करत मानकर पुढे म्हणाले, ‘अजितदादांच्या नेतृत्वाखाली आगामी काळात पुणे शहरात पक्ष संघटना मजबूत करून पक्षाचे धोरण आणि भूमिका ही पुणेकरांचे हित लक्षात घेऊनच असेल. शिवाय लवकर राष्ट्रवादी काँग्रेस पार्टीचे पुणे शहर कार्यालय नव्याने उभे केले जात असून ते माझ्या वैयक्तिक नाही तर पक्षाच्या नावेच असेल, ही हमी देतो.’

राज्याचे उपमुख्यमंत्री अजितदादा पवार यांच्यासह नवनियुक्त मंत्री महोदयांच्या अभिनंदनाचा ठराव या बैठकीत करण्यात आला.

श्रीमंत दगडूशेठ हलवाई सार्वजनिक गणपती ट्रस्टतर्फे आयोजन

पुणे : जगाच्या कल्याणाकरिता, आरोग्यसंपन्न समाजाकरिता सुरु असलेल्या अकरा दिवसीय अतिरुद्र महायज्ञाची सांगता ३३ कोटी देवता याग व पूर्णाहुतीने झाली. श्रीमंत दगडूशेठ गणपती मंदिरात महा सुदर्शन होम, संतान गोपाल कृष्ण होम, विष्णू सहस्त्रनाम अर्चना, रुद्र होम आणि गणेश याग यांसह विविध प्रकारच्या धार्मिक विधींनी यज्ञाला प्रारंभ झाला होता. वेदमूर्ती नटराजशास्त्री यांसह एकाच वेळी तब्बल १२५ ब्रह्मवृंद यामध्ये सहभागी झाले.

श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ तर्फे अतिरुद्र महायज्ञ मंदिरात करण्यात आला. त्याच्या सांगता प्रसंगी ट्रस्टचे उपाध्यक्ष सुनिल रासने, कोषाध्यक्ष महेश सूर्यवंशी, राजू शेठ सांकला, रंजना सांकला आदी उपस्थित होते. सलग अकरा दिवस रुद्र होम, गणेश याग यांसह विविध अभिषेक देखील करण्यात आले. गणपती मंदिरात सभामंडपात भव्य होमकुंड साकारण्यात आले होते.

गंगा, यमुना, इंद्रायणी, पंचगंगा, मुठा, अष्टविनायक येथील नद्या, ज्योर्तिलिंग नद्या, रामेश्वरम २१ कुंडांचे जल याकाळात वापरले गेले. तसेच, २१ आयुर्वेदिक औषधी वापर होम-हवनाच्या वेळी करण्यात आले. सर्व नद्यांच्या एकत्रित केलेल्या मंत्रोच्चारीत पाण्याचा श्रींना जलाभिषेक करण्यात आला. अतिरुद्र होम हा या धार्मिक विधींतील सर्वोच्च बिंदू होता. याशिवाय मेधा दक्षिणा मूर्ती होम, स्वयंवर पार्वती होम, महालक्ष्मी होम श्री सुक्त, नवग्रह होम, अरुणाप्रश्न याग, महालक्ष्मी होम श्री सुक्तदेखील झाले. अतिरुद्र याग व इतर धार्मिक कार्यक्रमांत भाविक मोठया संख्येने सहभागी झाले होते.

पुणे -शिवसेना पुणे शहराचे निष्ठावान ,आक्रमक शहरप्रमुख संजय मोरे यांच्या वाढदिवसानिमित्त आज शिवसेना संपर्कप्रमुख पुणे जिल्हा आ सचिनअहिर , पश्चिम महाराष्ट्र संपर्क समन्वयक रवींद्र मिर्लेकर यांनी शुभेच्छा दिल्या .
वाढदिवसाच्या निमित्ताने शिवसेना पुणे शहराच्या वतीने नाना पेठ येतील पीजीआय हॉल येथे आखाड भोजनाचा कार्यक्रम झाला .
यावेळी संजय मोरे यांना शुभेच्छा देण्यासाठी मित्र पक्षाचे आमदार रवींद्र धांगेकर , आ मोहन जोशी , माजी मंत्री रमेश बागवे , मा नगरसेवक रवींद्र माळवदकर ,अविनाश बागवे, सुशीला नेटके, मनीष साळुंके , बाळासाहेब अमराळे, मोहम्मद चिस्ती ,
तसेच शिवसेनेचे शहरप्रमुख गजानन थरकुडे, महादेव बाबर, पृथ्वीराज सुतार , अशोक हरणावळ, बाळासाहेब ओसवाल , प्रशांत बधे, पल्लविताई जावळे , विशाल धनवडे, तानाजी लोणकर , योगेश मोकाटे, युवासेनेचे सहसचिव मोहसीन शेख, रेणुका साबळे, शिवसेना पदाधिकारी , महिला , युवासेना, युवती सेना पदाधिकारी असंख्य शिवसैनिक इतर पक्षातील पदाधिकारी , पत्रकार मित्र, सामाजिक कार्यकर्ते उपस्थित होते .

पुणे-बारामती लोकसभा मतदार संघातील आणि पुणे महापालिका हद्दीत समाविष्ट झालेल्या काही गावांमध्ये दिवसाआड पाणीपुरवठा केला जातो. या गावांत पुन्हा गुरुवारी पाणी बंद ठेवले अजून विस्कळीतपणा येतो. त्यामुळे अशा गावांत गुरुवारी पाणी बंद ठेऊ नये. अशी मागणी खासदार सुप्रिया सुळे यांनी महापालिका आयुक्त विक्रम कुमार यांच्याकडे केली आहे.

खासदार सुळे यांच्या पत्रानुसार बारामती लोकसभा मतदार संघातील पुणे महानगर पालिकेत समाविष्ट गावांना दिवसाआड आणि अनियमित पाणी पुरवठा होतो. तसेच नव्याने समाविष्ट धायरी, न-हे, नांदोशी सणसनगर या गावात विभागानुसार फक्त अर्धातास ते एक तास ऐवढाच पाणी पुरवठा केला जातो. त्यातच काही ठिकाणी महावितरणकडून त्या परिसरातील लाईट गेली तर त्या परिसरात पाणी पुरवठा सुरळीत होत नाही. सद्य स्थितीत अनेक सोसायटयांमध्ये व गावांमध्ये असलेल्या पाण्याच्या कुपनलिका उन्हाळ्यामुळे बंदा पडलेल्या आहेत. त्यामुळे आत्ताच नागरीक पाणी समस्यांमुळे हैराण आहेत. सुळे यांनी म्हटले आहे कि, जर पुणे महानगर पालिकेने दिवसाआड पाणी देणा-या गावामध्ये गुरुवारी पाणी पुरवठा बंद ठेवला तर त्या परिसरामध्ये पाण्यासाठी नागरीकांमध्ये मोठ्या प्रमाणात अस्वस्थता निर्माण होऊ शकते. त्यामुळे ज्या गावात दिवसाआड पाणी पुरवठा आहे त्या ठिकाणचे पाणी आहे त्या प्रमाणे चालू ठेवावे. त्या मध्ये कोणत्याही प्रकारचा बदल करू नये. अशी मागणी सुळे यांनी केली आहे.

पुणे-गद्दारी करून गेलेल्या मिंध्ये गटाची सध्याची सरकार मधील अवस्था वाईट झाली असून आज निष्ठावान सैनिकांना आपण मातोश्री सोबत असल्याचा अभिमान वाटतो, तसेच आपल्याला पुणे शहरातील शिवसैनिकांचे कौतुक वाटते असे उदगार शिवसेना नेते आ.सचिन अहिर यांनियेथे काढले.

शिवसेना ( उद्धव बाळासाहेब ठाकरे ) पक्ष पुणे शहराच्या वतीने आज नानापेठ येथे पुणे शहरातील पदाधिकारी यांची बैठक घेण्यात आलीया बैठकीला मार्गदर्शन करण्यासाठी शिवसेना पुणे जिल्हा संपर्क प्रमुख आ सचिनजी अहिर , पश्चिम महाराष्ट्र समन्वयक रवींद्रजी मिर्लेकर , उपस्थित होते .
महाराष्ट्रातील चालू घडामोडी आणि आगामी वाटचाली विषयावर यावेळी मार्गदर्शन करण्यात आले
यावेळी बोलताना संपर्कप्रमुख सचिन अहिर यांनी पक्षप्रमुख उद्धव साहेब ठाकरे यासोबत सामान्य जनता असून गद्दारी करून गेलेल्या मिंध्ये गटाची सध्याची सरकार मधील अवस्था वाईट झाली असून आज निष्ठावान सैनिकांना आपण मातोश्री सोबत असल्याचा अभिमान वाटतो, पुणे शिवसेनेची आक्रमकता पाहता पुणे शहरातील शिवसैनिकांचे कौतुक वाटते असे बोलले .
तर रवींद्र मिर्लेकर यांनी पक्षबांधणी विषयावर भर देण्यासाठी तसेच पक्षप्रमुख उद्धव ठाकरे यांचे विचार लोकांपर्यंत घरा घरात पोहचविण्याचे काम आता प्रत्येक पदाधिकाऱ्यांचे असल्याचे म्हणाले .
यावेळी लोकजनशक्ती पार्टीचे पुणे अध्यक्ष आदिनाथ भाकरे, रुपेश ओव्हाळ , विनोद कसबे इतर कार्यकर्ते आणि दांडेकर पूल भागातील सामाजिक कार्यकर्ते आदर्श ननावरे यांनी त्यांच्या साथीदारांसोबत शिवसेना पक्षात प्रवेश केला .
यावेळी व्यासपीठावर शिवसेना शहरप्रमुख संजय मोरे , गजानन थरकुडे, महादेव बाबर , युवासेना सहसचिव मोहसीन शेख, प्रशांत बधे, दिलीप तांबोळी , पृथ्वीराज सुतार , बाळा ओसवाल, अमोल देवळेकर , गजानन पंडित , विशाल धनवडे, अशोक हरणावळ, महिला आघाडीच्या सविता मते , कल्पना थोरवे , पल्लवी जावळे युवा सेनेचे रेणुका साबळे ,राम थरकुडे , युवराज पारीख , निकता मारटकर, अनंत घरत , किशोर राजपूत , राजेश मोरे, भारत कुंभारकर, नंदू येवले , नितीन रावलेकर, बाळासाहेब मालुसरे, मकरंद पेठकर , अजय परदेशी , उत्तम भुजबळ , राहुल जेकटे , नितीन दरेकर , सुरज लोखंडे , नितीन वाघ , जान मोहम्मद, राजेश शेलार , तानाजी लोणकर , मदन गाडे, योगेश मोकाटे, पुरुषोत्तम विटेकर, इतर असंख्य शिवसैनिक महिला पदाधिकारी , युवा युवती सेना पदाधिकारी उपस्थित होते .

पुणे ः
भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत  आयोजित ‘ अनुभव ‘  या   नृत्य कार्यक्रमाला  चांगला  प्रतिसाद मिळाला. नृत्यांजली डान्स ऍकॅडमीच्या विद्यार्थिनी  शिष्या सहभागी झाल्या. हा कार्यक्रम शनीवार, १५ जुलै   २०२३ रोजी सायंकाळी सव्वा सहा   वाजता  भारतीय विद्या भवनचे सरदार महादेव बळवंत नातू सभागृह,(सेनापती बापट रस्ता) येथे  उत्साहात पार पडला.गणेश वंदनेने प्रारंभ झाला.पुष्पांजली,आलारीपू,जतीस्वर,शब्द,कीर्तन, तिल्लाना नृत्यप्रकारांनी चांगला प्रतिसाद मिळाला.भरतनाट्यम,लोकनृत्य,संथाल,कुमी,लंबाडी,बिहू,भांगडा,गरबा नृत्यांचे प्रभावी सादरीकरण करण्यात आले.
 हा कार्यक्रम विनामूल्य होता.भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर होणारा हा  १७२ वा कार्यक्रम  होता.भारतीय विद्या भवनचे मानद सचिव प्रा.नंदकुमार काकिर्डे यांनी स्वागत केले.

पुणे-सहकारनगर भागात वाहनांची तोडफोड करुन दहशत माजविणाऱ्या गुंड टोळीविरुद्ध पोलीस आयुक्त रितेश कुमार यांनी महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्याचे आदेश दिले. आतापर्यंत पोलीस आयुक्तांच्या आदेशाने शहरातील ३६ गुंड टोळ्यांवर मोक्का कारवाई करण्यात आली आहे.१) सिध्दार्थ विजय गायकवाड, वय २२ वर्षे रा.अण्णाभाऊ साठे वसाहत, अरण्येश्वर, पुणे ( टोळी प्रमुख) २) राम राजाभाऊ उमाप, वय २३ वर्षे, रा. सदर ३) सनी ऊर्फ किरण कैलास परदेशी, वय २७ वर्षे, रा. सदर ४) अमोल ऊर्फ नाना जालिंदर बनसोडे,वय ३१ वर्षे, रा. सदर ५) समीर रज्जाक शेख, वय २३ वर्षे, रा. सदर ६ ) राजाभाऊ ऊर्फ जटाळया लक्ष्मण उमाप, वय ५० वर्षे,रा.सदर ७)गणेश ऊर्फ भुषण कैलास परदेशी, वय ३० वर्ष, रा. सदर ८) नब्बा ऊर्फ नरेश सचिन दिवटे, वय- २६ वर्षे,रा.स.नं.१३३,दांडेकर पुल, पुणे ९ ) हर्षद आप्पा ढेरे, वय-२२ वर्षे, रा. आंबेडकरनगर, मार्केटयार्ड, पुणे १०) शुभम ऊर्फ डुई अनिल ताकतोडे, वय १९ वर्षे, रा. सदर ११ ) विशाल शिवाजी पाटोळे, वय १९ वर्षे, रा. सदर १२)चेतन महादेव कांबळे, वय २६ वर्षे, रा. सदर १३) गौरव अरविंद नाईकनवरे, वय २२ वर्षे रा.६४/१२ जय हिदं नगर, अपर इंदिरानगर बिबवेवाडी पुणे अशी या आरोपींची नावे असून २ फरार आहेत तर २ विधीसंघार्षित बालके आहेत .या १३ हि आरोपींना सहकारनगर पोलीसंनी दहशत पसरविण्याच्या गुन्ह्याखाली अटक केलेली आहे. पोलिसांनी सांगितले कि,’दिनांक दि.२६/०६/२०२३ रोजी फिर्यादी हे लहुजी शक्ती सेना येथील ऑफिसजवळ थांबले असता, तेथे सिध्दार्थ गायकवाड, राजु उमाप व त्याचा मुलगा राम उमाप, विधीसंघर्षीत बालक व त्यांचे इतर साथिदार फिर्यादी यांचे जवळ हातात लोखंडी धारधार हत्यारे घेवुन हवेत फिरवुन, सिध्दार्थ गायकवाड याने दत्ता जाधव यास तुम्हा दोघांना व तुमच्या गँगला आम्ही बघुन घेतो, तुम्ही सुधरा नाहीतर मर्डर करीन अशी धमकी दिली. सिध्दार्थ गायकवाड याने फिर्यादीस लोखंडी हत्याराचा धाक दाखवुन त्यांचे खिश्यातुन बळजबरीने १,०००/- रूपये काढुन घेवुन,तुला बघुन घेतो अशी धमकी दिली. त्यानंतर राजु उमाप, सिध्दार्थ गायकवाड, लखन खंडागळे, दोन विधीसंघर्षीत बालक, राम उमाप, समिर शेख, हर्ष ढेरे, डई, गौरव नाईक, नटया, चेतन, लाडया, गणेश, नब्बा, सनी परदेशी व ७ ते ८ इतर इसमांनी लोखंडी हत्यार घेवुन परिसरातील वाहनांची तोडफोड करून नुकसान केले. म्हणुन सदरबाबत सहकारनगर पोलीस स्टेशन गुन्हा रजि. नं. १४५/२०२३, भारतीय दंड संहिता कलम ३९५,३२३,४५२,१४३, १४४, १४७, १४८, १४९,४२७, ५०४, ५०६ आर्म अॅक्ट कलम ४ (२५) महाराष्ट्र पोलीस अधिनियम कलम ३७(१)(३)१३५, मपोकाक. १४२ क्रिमीनल लॉ अमेंडमेंट अॅक्ट कलम ३ व ७ अन्वये गुन्हा दाखल करण्यात आला आहे.दाखल गुन्ह्याच्या तपासा दरम्यान यातील आरोपी नामे (आ.क्र.१ ते १३ यांना अटक करण्यात आली आहे.) तसेच इतर ०२ विधीसंघर्षीत बालके यांना ताब्यात घेण्यात आले असुन, इतर ०२ ( टोळी सदस्य) पाहिजे(wanted)आरोपी आहेत.
गुन्ह्याचे तपासा मध्ये सदर आरोपी सिध्दार्थ विजय गायकवाड, वय – २२ वर्षे, रा. अण्णाभाऊ साठे वसाहत, अरण्येश्वर,पुणे ( टोळी प्रमुख) याने त्याचेसह अन्य सदस्यांसाठी प्रत्येक गुन्हयात काही सामाईक व काही नवीन साथीदार यांना सोबत घेवुन स्वतःची संघटीत टोळी तयार करून, अवैद्य मार्गाने अर्थिक फायदा मिळविण्याचे उद्देशाने स्वतःचे गुन्हेगारी टोळीचे वर्चस्व व दहशत प्रस्थापित ठेवण्यासाठी, संघटित गुन्हेगारी संघटनेचा प्रमुख म्हणुन किंवा संघटनेच्या वतीने एकट्याने किंवा संयुक्तपणे, हिंसाचाराचा वापर करुन अथवा हिंसाचाराची धमकी देवुन किंवा दपटशहा दाखवुन, सहकारनगर, भारती विदयापीठ, स्वारगेट, दत्तवाडी, कोंढवा, मार्केटयार्ड, बिबवेवाडी पोलीस ठाणे हद्दीत दरोडा, जबरी चोरी, प्राण घातक शस्त्र जवळ बाळगणे, सदोष मनुष्यवधाचा प्रयत्न, गंभीर दुखापत, बेकायदेशीर जमाव जमवून, लोकांमध्ये हल्ले करून, घातक शस्त्र जवळ बाळगणे, नागरीकांच्या मालमत्तेचे नुकसान करणे, आपल्या टोळी सदस्यांकडुन गुन्हे घडवुन आणणे व दहशत निर्माण करणे, पोलीसांनी कायदा व सुव्यवस्था राखणेकामी काढलेल्या आदेशांचा भंग करणे, गुन्हयासाठी बेकायदेशीर घातक शस्त्राचा वापर करुन दहशत निर्माण करणे अशा प्रकारचे गंभीर स्वरूपाचे चढत्या क्रमाने गुन्हे दाखल आहेत. प्रत्येक गुन्हा करताना त्याने वैयक्तिक व टोळीचे वर्चस्व वाढावे व आर्थिक फायदा व्हावातसेच जनमानसात दहशत राहावी हाच उद्देश ठेवुन गुन्हे केलेले आहेत. अशा प्रकारचे गुन्हे दाखल असुन, त्यांचेवर प्रतिबंधात्मक कारवाई करून देखील सुध्दा त्यांनी सहकारनगर, भारती विदयापीठ, स्वारगेट, दत्तवाडी, कोंढवा, मार्केटयार्ड, बिबवेवाडी या भागात सक्रीय असल्याचे अभिलेखाची पडताळणी केल्यानंतर, पुर्वीच्या टोळीत फुट पडुन दोन टोळ्या तयार होवुन, टोळी वर्चस्वावरुन व स्वतःचा आर्थिक फायदा होणेसाठी त्यांनी पुन्हा गुन्हे केलेले आहेत.सदर टोळीवर एकुण ०४ गुन्हे एकत्र केल्याची नोंद असुन, स्वंतत्रपणे एकुण १० गुन्हे असे एकुण १४ गुन्हे केल्याची नोंद आढळुन आली आहे. टोळीचा मुख्य सुत्रधार सिद्धार्थ विजय गायकवाड याने व त्याचे संघटीत टोळीतील साथीदार यांनी त्यांनी आपल्या गुन्हेगारी टोळीचे वर्चस्व व आर्थीक फायदयासाठी यातील आरोपी यांनी संघटीतपणे दहशतीचे मार्गाने स्वतःचे बेकायदेशिरपणे आर्थिक फायदया करीता सदरचा गुन्हा केल्याचे दिसुन आल्याने,तसेच त्यांचे वर्तनात सुधारणा होत नसल्याने प्रस्तुत गुन्हयात महाराष्ट्र संघटित गुन्हेगारी नियंत्रण अधिनियम सन १९९९ चे कलम ३ (१) (ii),३(२), ३(४) प्रमाणेचा अंर्तभाव करणे कामी सहकारनगर पोलीस स्टेशनचे वरिष्ठ पोलीस निरीक्षक सुरेंद्र गजेंद्र माळाळे यांनी पोलीस उप-आयुक्त, परि – ०२, स्मार्तना पाटील यांचे मार्फतीने अपर पोलीस आयुक्त, पश्चिम प्रादेशिक विभाग, प्रविणकुमार पाटील यांना सादर केलेला होता.
सदर प्रकरणाची छाननी करून सहकारनगर पोलीस स्टेशनकडील गुरनं. १४५/२०२३, भारतीय दंड संहिता कलम ३९५, ३२३, ४५२, १४३, १४४, १४७, १४८, १४९,४२७, ५०४, ५०६, आर्म अॅक्ट कलम ४ (२५), महाराष्ट्र पोलीस अधि.कलम ३७ (१) (३) १३५, मपोकाक. १४२ क्रिमीनल लॉ अमेंडमेंट अॅक्ट कलम ३ व ७ प्रमाणे असलेल्या गुन्हयात महाराष्ट्र संघटित गुन्हेगारी नियंत्रण अधिनियम सन १९९९ चे कलम ३ (१) (ii), ३(२), ३(४) प्रमाणेचा अंर्तभाव करण्याचीअपर पोलीस आयुक्त पश्चिम प्रादेशिक विभागप्रविणकुमार पाटील यांनी मान्यतादिली आहे. सदर गुन्हयाचा पुढील तपास नारायण शिरगावकर, सहा.पोलीस आयुक्त, स्वारगेट विभाग, पुणे शहर हे करीत आहेत.