पुणे : देशाला पंतप्रधान नरेंद्र मोदी यांच्याशिवाय दुसरा पर्याय नाही. त्यामुळे भारतीय जनता पक्षाला येत्या लोकसभा निवडणुकीत लोकसभेच्या ३६५ जागांवर विजय मिळेल, अशी अपेक्षा पालकमंत्री चंद्रकांत पाटील यांनी शनिवारी (ता.२९) येथे एका जाहीर कार्यक्रमात बोलताना व्यक्त केली.भाजपचे नवनियुक्त शहराध्यक्ष धीरज घाटे यांचा चंद्रकांत पाटील यांच्या हस्ते आज सत्कार करण्यात आला. या सत्कार समारंभात ते बोलत होते.

यावेळी माजी खासदार संजय काकडे, अमर साबळे, प्रदीप रावत, आमदार भीमराव तापकीर, सिद्धार्थ शिरोळे, सुनील कांबळे, माजी आमदार योगेश टिळेकर, जगदीश मुळीक, संदीप खर्डेकर पुण्याचे माजी महापौर मुरलीधर मोहोळ, राजेश पांडे, धीरज घाटे, रवी अनासपुरे आदी यावेळी व्यासपीठावर उपस्थित होते.पाटील पुढे म्हणाले, ‘‘दर तीन वर्षांनी पक्षात बूथ प्रमुख ते राष्ट्रीय अध्यक्ष पदापर्यंतच्या सर्व पदाधिकारी निवडीची प्रक्रिया ही केवळ भाजपमध्येच केली जात आहे. अन्य कोणत्याही पक्षात भाजपसारखी पदाधिकारी निवडीची पद्धत रूढ नाही.यानुसार भाजपच्या पुणे शहराध्यक्षपदी धीरज घाटे यांची नियुक्ती करण्यात आलेली आहे. कोरोना संसर्गाच्या काळात राज्यात भाजपचे सरकार सत्तेत नव्हेत. तरीसुद्धा अशा काळात पक्षाचे कार्यकर्ते टिकवून ठेवण्याचे काम जगदीश मुळीक यांनी केले. शिवाय घाटे हे सामान्य घरातून आलेले कार्यकर्ते आहेत. त्यामुळे त्यांना संघर्ष नवा नाही.’’पक्षाच्या वरिष्ठ नेत्यांनी माझ्यावर विश्वासाने मोठी जबाबदारी टाकली आहे. मुळात मी गणेशोत्सव मंडळाचा कार्यकर्ता म्हणून राजकारणास सुरवात केलेली आहे. त्यामुळे सातत्याने आक्रमक विचाराने विविध आंदोलने केल्याचे घाटे यांनी सत्काराला उत्तर देताना सांगितले. यावेळी संजय काकडे, मुरलीधर मोहोळ यांचीही भाषणे झाली. राजेश पांडे यांनी प्रास्ताविक केले.

लोकसभेच्या ३६५ जागांवर विजय मिळेल-पालकमंत्री चंद्रकांत पाटील

पुणे : शहरातील नगरसेवकांनी सुचविलेली नागरी हिताची कामे महापालिका आयुक्त करणार नसतील तर त्यांना बदलले पाहिजे असे स्पष्ट संकेत माजी खासदार संजय काकडे यांनी येथे काल भाजपच्या एका कार्यक्रमातून दिले,आणि ९८ नगरसेवकांपैकी किती नगरसेवक कार्यक्रमाला उपस्थित आहेत,किती नगरसेवक आयुक्तांच्या कामाबाबत समाधानी आहेत याची माहिती पालकमंत्री आणि भाजपा शहर अध्यक्ष यांनी घ्यावी असेही त्यांनी म्हटले आहे.शहर पातळीवर या सर्व नगरसेवकांची दरमहा बैठक व्हावी अशी अपेक्षाही त्यांनी व्यक्त केली.

भाजपचे नवनियुक्त शहराध्यक्ष धीरज घाटे यांचा पालकमंत्री चंद्रकांत पाटील यांच्या हस्ते आज सत्कार करण्यात आला.या सत्कार समारंभात ते बोलत होते.यावेळी माजी खासदार अमर साबळे,प्रदीप रावत,आमदार भीमराव तापकीर,सिद्धार्थ शिरोळे,सुनील कांबळे,माजी आमदार योगेश टिळेकर,जगदीश मुळीक,पुण्याचे माजी महापौर मुरलीधर मोहोळ,संदीप खर्डेकर,राजेश पांडे,रवी अनासपुरे आदी यावेळी व्यासपीठावर उपस्थित होते.

देशाला पंतप्रधान नरेंद्र मोदी यांच्याशिवाय दुसरा पर्याय नाही. त्यामुळे भारतीय जनता पक्षाला येत्या लोकसभा निवडणुकीत लोकसभेच्या ३६५ जागांवर विजय मिळेल,अशी अपेक्षा यावेळी पालकमंत्री चंद्रकांत पाटील यांनी बोलताना व्यक्त केली.

पाटील पुढे म्हणाले,‘‘दर तीन वर्षांनी पक्षात बूथ प्रमुख ते राष्ट्रीय अध्यक्ष पदापर्यंतच्या सर्व पदाधिकारी निवडीची प्रक्रिया ही केवळ भाजपमध्येच केली जात आहे.अन्य कोणत्याही पक्षात भाजपसारखी पदाधिकारी निवडीची पद्धत रूढ नाही.यानुसार भाजपच्या पुणे शहराध्यक्षपदी धीरज घाटे यांची नियुक्ती करण्यात आलेली आहे. कोरोना संसर्गाच्या काळात राज्यात भाजपचे सरकार सत्तेत नव्हेत.तरीसुद्धा अशा काळात पक्षाचे कार्यकर्ते टिकवून ठेवण्याचे काम जगदीश मुळीक यांनी केले.शिवाय घाटे हे सामान्य घरातून आलेले कार्यकर्ते आहेत.त्यामुळे त्यांना संघर्ष नवा नाही.’’क्षाच्या वरिष्ठ नेत्यांनी माझ्यावर विश्वासाने मोठी जबाबदारी टाकली आहे. मुळात मी गणेशोत्सव मंडळाचा कार्यकर्ता म्हणून राजकारणास सुरवात केलेली आहे.त्यामुळे सातत्याने आक्रमक विचाराने विविध आंदोलने केल्याचे घाटे यांनी सत्काराला उत्तर देताना सांगितले.यावेळी मुरलीधर मोहोळ यांचीही भाषणे झाली.राजेश पांडे यांनी प्रास्ताविक केले.

पुणे-संभाजी भिडे यांनी केलेल्या वक्तव्याच्या प्रकरणी महाराष्ट्राच्या गृह विभागाने तात्काळ त्यांच्यावर गुन्हे दाखल करत, त्यांना अटक करावी. या मागणीसाठी राष्ट्रवादी काँग्रेस पार्टी ने येथे आंदोलन केले.या आंदोलन प्रसंगी शहर अध्यक्ष प्रशांत जगताप , अंकुश काकडे, रवींद्र मालवदकर, सुषमा सातपुते, किशोर कांबले, मृणाल वाणी, तन्वीर शैख़ , आजिंक्य पालकर, आशीष माने, शेखर धावड़े, गणेश नलावडे, सानिया झुंझारराव, उदय महाले आणि सर्व सेल अध्यक्ष, कार्याध्यक्ष, पदाधिकारी व कार्यकर्ते मोठ्या संख्येने उपस्थित होते.

प्रशांत जगताप यावेळी म्हणाले कि,’ वारंवार समाजातील तेढ निर्माण होईल, अशी वक्तव्य करत तरुणांची माथी भडकविणाऱ्या मनोहर भिडे नामक व्यक्तीने पुन्हा एकदा मुक्ताफळे उधळली आहेत.देशाचे राष्ट्रपिता महात्मा गांधीजी व त्यांच्या आईच्या चारित्र्यावर शिंतोडे उडवण्याचा हा घाणेरडा प्रकार आहे. या देशात गेल्या नऊ वर्षात अनेक व्यक्तींवर देशद्रोहाचे गुन्हे दाखल केले असले, तरी देशाच्या राष्ट्रपित्यावर अवमानकारक शब्दांमध्ये वक्तव्य करणाऱ्या व्यक्तीवर कुठलाही गुन्हा दाखल होत नाही, हे आपल्या देशाचे दुर्दैव आहे. विशेषतः गेल्या काही दिवसांमध्ये भारतीय जनता पार्टीच्या नेत्यांनी देशातील सर्वच महापुरुषांबद्दल अशा प्रकारची वक्तव्य केली आहेत.भाजप सरकारच्या काळात जर सातत्याने आपल्या महापुरुषांचा अवमान होणार असेल या पुढील काळात नागरिकांनी या घटनेची गांभीर्याने नोंद घेणे गरजेचे आहे.

पुणे दि २९ –
‘तिरंगा राष्ट्र ध्वजाच्या निमित्ताने ‘संविधान प्रणीत प्रजासत्ताक भारताचा, स्वातंत्र्य दिनाचा व आता राष्ट्रपिता महात्मा गांधींचा’ सतत अवमान करणाऱ्या संभाजी ऊर्फ मनु भिडे या विकृत प्रवृत्तीचा महाराष्ट्र प्रदेश काँग्रेस तीव्र निषेध करीत असून, ही विकृत प्रवृतीचे भाजप समर्थन करीत नाही, हे सिध्द करण्यासाठी संघ व भाजप ने ‘मनोहर भिडेंच्या राष्ट्रीय ध्वज – तिरंगा व राष्ट्रपिता महात्मा गांधी यांचे विषयी केलेल्या निंदनीय वक्तव्यांचा तातडीने निषेध करावा.. अन्यथा अशा विकृत व देशद्रोही पैदाईश आपल्या आहेत असे देशवासियांना मानावे लागेल अशी प्रखर टिका काँग्रेस चे राज्य प्रवक्ते गोपाळ तिवारी यांनी केली..!
“महात्मा गांधींच्या अहींसेच्या तत्वावर व नेतृत्वावर विश्वास ठेवुन, जीवन झोकुन देऊन हजारो स्वातंत्र्य सैनीकांच्या शहीदत्वातुन, नेहरू, पटेल, आझाद, बोस आदींच्या प्रदीर्घ संघर्षातुन मिळालेल्या ‘स्वातंत्र्याची व स्वातंत्र्य दिनाची’ निर्भत्सना करीत, १५ ॲागस्ट स्वातंत्र्यदिनी ‘दुखवटा पाळण्याचे’(?) अघटित व देश विरोधी आवाहन नुकतेच मनोहर उर्फ संभाजी भिडें नी केले होते..!
त्या नंतर पुनश्च देशाचे श्रध्दास्थान असलेल्या राष्ट्रपिता महात्मा गांधीवर तथ्यहीन, खोटे व विकृतजन्य आरोप व शिंतोडे ऊडवणाऱ्या कथित संभाजी ऊर्फ मनु भिडे यांचेवर राज्यातील भाजप नेतृत्वाच्या दावणीला बांधलेले तीन अर्धवट चाकांचे त्रिकुट सरकार’ हे भिडे प्रवृत्तीला पाठीशी घालत आहेत काय (?) असा संतप्त सवाल करून, त्रिकुट सरकारने तातडीने कारवाई करावी व निषेध ही करावा.. अन्यथा ‘भाजप नेतृत्वाच्या’ अधीन राज्यातील त्रिकुट सरकार देशद्रोही कृत्यात सामील आहे, असेच समजण्यात येईल असा इशारा देखील महाराष्ट्र प्रदेश कांग्रेस तर्फे राज्य प्रवक्ते गोपाळ तिवारी यांनी दिला..

पुणे-संपूर्ण शहरात खड्डयांचे साम्राज्य पसरले असून याकडे प्रशासनाचे लक्ष वेधण्यासाठी कसबा मनसे तर्फे प्रभाग क्र. 15 आणि 18 मध्ये चिंचेची तालीम , सुभाष नगर, शितलादेवी चौक या परिसरातील पडलेल्या खड्डया मुळे प्रशासनाचा निषेध करण्यासाठी भर पावसात ” खड्डे पेटवा “आंदोलन करण्यात आले .
येथे खड्ड्यांना हार फुले वाहून ” अच्छे दिन ” ला श्रद्धांजली वाहण्यात आली कारण याच अच्छे दिन वाल्यांनी स्मार्ट सिटी चे स्वप्न दाखवून जनतेला खड्डयात घातले आहे .
कसबा विभाग महाराष्ट्र नवनिर्माण सेना कसबा विभाग यांच्या वतीने आज प्रभाग 15 आणि प्रभाग अठरा येथे खराब रस्ते, खड्डेमयरोड आणि मोठ्या प्रमाणावर 165 खचलेले ड्रेनेज चेंबर आणि पावसाळी चेंबर याच्या विरोधात आज भर पावसात प्रभाग १५ येथील सुभाष नगर , चिंचेची तालीम व प्रभाग १८ येथील राम मंदिर, सत्यवान मारुती, शितळा देवी चौक , काचे आळी, बलवार आळी जैन मंदिर , नेहरू चौक तसेच राष्ट्रभूषण चौक ते पानघंटी चौक येथील खचलेले चेबर विरोधात आंदोलन झाले . हेच का ते अच्छे दिन ??
याचा निषेध करण्यासाठी मनसे तर्फे अभिनव असे ” खड्डे पेटवा” आंदोलन केले व तात्काळ सदर भागातील तसेच पुणे शहरातील खड्डे दुरुस्ती करावी अन्यथा महापालिका मध्ये असेच उग्र आंदोलन केले जाईल असा इशारा देण्यात आला .

या आंदोलनाचे मार्गदर्शक शहर अध्यक्ष साईनाथ बाबर , उपशहर अध्यक्ष आशिष देवधर,शहर संघटक प्रल्हाद गवळी,विभाग अध्यक्ष गणेश भोकरे ,शहर सचिव रवि सहाणे,विभाग सचिव वसंत खुटवड व नियोजन उपविभाग अध्यक्ष संग्राम तळेकर विशाल ओदेल, अमित चौधरी यांनी केले

पुणे, दि.२९: खडकवासला प्रकल्प क्षेत्रात पुरेसा पाऊस झाल्याने आणि प्रकल्पात समाधानकारक पाणीसाठा झाल्याने पुणे शहरासाठी प्रत्येक आठवड्यात करण्यात येणारी पाणी कपात येत्या सोमवारपासून रद्द करण्याचे निर्देश राज्याचे उच्च व तंत्रशिक्षण मंत्री तथा जिल्ह्याचे पालकमंत्री चंद्रकांतदादा पाटील यांनी दिले.

यासंबंधाने शासकीय विश्रामगृह येथे आयोजित आढावा बैठकीस महानगरपालिका आयुक्त विक्रम कुमार, जिल्हाधिकारी डॉ.राजेश देशमुख, जलसंपदा विभागाचे अधीक्षक अभियंता प्रसन्न जोशी, कार्यकारी अभियंता श्वेता कुऱ्हाडे, महानगरपालिकेच्या पाणी पुरवठा विभागाचे मुख्य अभियंता अनिरुद्ध पावसकर आदी उपस्थित होते.

खडकवासला प्रकल्पातील पाणीसाठा २१.६२ टीएमसी असून गतवर्षी याच कालावधीत हा साठा २१.४२ टीएमसी होता. वर्षभरात पिण्याचे पाणी व शेतीसाठी साधारण ३० टीएमसी पाण्याची आवश्यकता असते अशी माहिती यावेळी देण्यात आली.

शेतीसाठी लागणारे पाणीही देण्यात यावे आणि धरणाच्या पाण्यावर अवलंबून असलेले तलावही भरण्यात यावेत. येत्या काळात पावसाचे प्रमाण लक्षात घेऊन पुढील आढावा घेण्यात यावा असे निर्देशही श्री.पाटील यांनी दिले.

पुणे- अमरावती येथे मनोहर भिडे यांनी आपले राष्ट्रपिता महात्मा गांधी यांच्याबद्दल अत्यंत अपमानकारक विधाने करून त्यांचा अपमान केला. मनोहर भिडे सारखी व्यक्ती राष्ट्रपित्याबद्दल टिकाटिप्पणी करतो ही गोष्ट संपूर्ण देशासाठी लाजिरवाणी आहे. सर्वधर्मसमभाव ही आपल्या देशाची खरी ओळख आहे, पण ही ओळख पुसण्याचा मनोहर भिडे सारख्या मनुवादी प्रवृत्तीचा प्रयत्न आहे. या मनुवादी मनोहर भिडेच्या निषेधार्थ आज पुणे शहर जिल्हा काँग्रेस कमिटीच्या वतीने कसबा पेठ येथील फडके हौद चौकात तीव्र आंदोलन करण्यात आले.

     यावेळी निषेध व्यक्त करताना शहराध्यक्ष अरविंद शिंदे म्हणाले की, ‘‘देशाचे राष्ट्रपिता महात्मा गांधी यांच्या संदर्भात अत्यंत अवमानकारक विधान केले आहे जे समग्र देशासाठी अत्यंत अस्वस्थ करणारे आहे. मनोहर भिडे वारंवार असं बोलतो, त्याला पाठीशी नेमका कोण घालतो याचा शोध घेणे आवश्यक आहे. मनोहर भिडे यांचा हेतू महाराष्ट्राचे वातावरण अस्थिर करण्याचा आहे हे ओळखले पाहिजे. कोणाच्या राजकीय फायद्यासाठी तो वारंवार अशी विधाने करतो ? पुरोगामी विचार संपवण्यासाठी एक यंत्रणा काम करते, महापुरुष हे सर्वकालीन असतात, त्यांच्या विचारांचे आणि कृतीचे समाजाच्या उभारणीत मोठे योगदान असते. असे असताना हा सततचा खोडसाळपणा सरकारने सहन करू नये.  महापुरूषांच्या विषयी या विकृत भिडेने अत्यंत अवमानकारक वक्तव्य केल्याच्या निषेधार्थ संभाजी भिडेवर गुन्हा दाखल करून त्वरीत कठोर कारवाई करावी.’’

     या आंदोलनामध्ये माजी महापौर कमल व्यवहारे, अजित दरेकर, संगीता तिवारी, लता राजगुरू, रफिक शेख, रजनी त्रिभुवन, मेहबुब नदाफ, सुनिल शिंदे, सुजित यादव, हनुमंत पवार, बळीराम डोळे, अक्षय माने, रविंद्र माझिरे, बुवा नलावडे, जयसिंग भोसले, प्रियंका रणपिसे, रमेश सकट, रमेश सोनकांबळे, रवि आरडे, संतोष पाटोळे, विशाल जाधव, विकी खन्ना, भगवान कडू, विनोद रणपिसे, प्रकाश पवार, अभिजीत गोरे, आशितोष शिंदे, योगेश भोकरे, युवराज मदगे, अनुसया गायकवाड, छाया जाधव, उषा राजगुरू, सुंदरा ओव्हाळ, निलिनी दोरगे, पपिता सोनावणे, सिमा सावंत, वैशाली रेड्डी, शिवानी माने, मिलिंद अहिर, नरसिंह अंदोली, मयुर भोकरे, अमित मोरे, राज गेलोत, देवीदास लोणकर, सचिन भोसले, अनिल पवार, हरिदास अडसूळ आदी सहभागी झाले होते.  

पुणे, दि.२९: प्रधानमंत्री नरेंद्र मोदी यांच्या हस्ते मंगळवारी पुणे मेट्रोच्या फुगेवाडी ते सिव्हील कोर्ट आणि गरवारे कॉलेज ते रुबी हॉल मार्गिकेचे लोकार्पण होत असल्याच्या पार्श्वभूमीवर राज्याचे उच्च व तंत्रशिक्षण मंत्री तथा जिल्ह्याचे पालकमंत्री चंद्रकांतदादा पाटील यांनी रुबी हॉल, सिव्हिल कोर्ट आणि शिवाजी नगर मेट्रो स्थानकांची पाहणी केली आणि रुबी हॉल स्थानक ते शिवाजी नगर मेट्रो स्थानकादरम्यान प्रवासदेखील केला.यावेळी आमदार सिद्धार्थ शिरोळे, विभागीय आयुक्त सौरभ राव, मेट्रोचे व्यवस्थापकीय संचालक श्रावण हर्डीकर, पुणे महानगरपालिका आयुक्त विक्रम कुमार, जिल्हाधिकारी डॉ.राजेश देशमुख, मेट्रोचे कार्यकारी संचालक डॉ. हेमंत सोनवणे यांच्यासह मुरलीधर मोहोळ, राजेश पांडे आदी उपस्थित होते.

मेट्रोने प्रवास करण्याचे आवाहन
यावेळी पालकमंत्री श्री. पाटील म्हणाले, या दोन मार्गांमुळे पुणे आणि पिंपरी चिंचवड शहर जोडले जाणार असून पुणे शहरातील महत्वाच्या ठिकाणी प्रवासदेखील सुलभ होणार आहे. नवीन मार्ग शिवाजी नगर, सिव्हिल कोर्ट, आरटीओ, पुणे रेल्वेस्टेशन, पीएमसी, संभाजी उद्यान, डेक्कन इत्यादी महत्वाच्या भागांना जोडत असल्याने पुणेकर नागरिकांना याचा फायदा होणार आहे.

मेट्रो मार्गामुळे पुणेकरांना प्रवासाचा चांगला पर्याय उपलब्ध होणार असून शहरातील वाहतूक कोंडी दूर होण्यास मदत होईल. नागरिकांना मेट्रो स्थानकापर्यंत प्रवास करण्यासाठी इलेक्ट्रिक बस आणि पार्किंगची सुविधादेखील असणार आहे. त्यामुळे नागरिकांनी मेट्रोद्वारे प्रवास करावा, असे आवाहन त्यांनी केले.श्री. पाटील यांनी मेट्रो चालविणाऱ्या महिला चालकाशी संवाद साधून त्यांचे अभिनंदन केले.

असा आहे मेट्रो मार्ग
पुणे मेट्रोच्या फुगेवाडी ते सिव्हील कोर्ट या ६.९ किलोमीटरच्या मार्गिकेवर ४ स्थानके आहेत, तर गरवारे कॉलेज ते रुबी हॉल या ४.७ किलोमीटरच्या मार्गिकेवर ७ स्थानके आहेत. अशाप्रकारे आतापर्यंत एकूण २१ स्थानकांसह २३.६६ किमी लांबीचा मेट्रो मार्ग पुणे आणि पिंपरी चिंचवड शहरात कार्यान्वित करण्यात आला आहे. यामुळे प्रवासाचा वेळ ५० टक्क्यांनी कमी होणार आहे. डेक्कन, शिवाजीनगर आणि पुणे महानगरपालिका येथे पीएमपीएमएल सेवेबरोबर समन्वय साधण्यात येणार आहे.
000

पालकमंत्री चंद्रकांतदादा पाटील यांच्या प्रयत्नातून तात्पुरता रस्ता उपलब्ध

पुणे – कोथरूड मधील म्हातोबानगर रस्त्याचे काम गेली अनेक वर्ष रखडले होते. मात्र, पालकमंत्री चंद्रकांतदादा पाटील यांच्या प्रयत्नामुळे इथल्या नागरिकांना मोठा दिलासा मिळाला असून, नामदार पाटील यांच्या प्रयत्नातून इथल्या नागरिकांसाठी तात्पुरत्या स्वरूपात रस्ता तयार करुन देण्यात आला आहे. त्यामुळे इथले नागरिक समाधान व्यक्त करत आहेत.

कोथरूड मधील म्हातोबानगर रस्त्याचे काम गेली अनेक वर्ष रखडले होते. मुख्य रस्त्याला जोडणारा रस्ता सुस्थितीत नसल्याने दरवर्षी पावसाळ्यात इथल्या नागरिकांना मोठा त्रास सहन करावा लागत होता. त्यामुळे इथल्या नागरिकांचा त्रास कमी करण्यासाठी यंदा लोकसहभागातून तात्पुरत्या स्वरूपात रस्ता तयार करुन देण्यात आला आहे, यामुळे इथले नागरिक समाधान व्यक्त करत आहेत.

स्मशानभूमीतील स्वच्छतेकरीता कायमस्वरुपी मशीन
पुणे :  वैकुंठ स्मशानभूमीचा परिसर मोठा आहे. अंत्यविधी झाल्यानंतर तेल, तुप, फुले याचा पसारा होतो. तेल, तूप हे केवळ पाण्याने निघत नाही. जेटींग मशीनने स्वच्छता करणे हे सोईचे होते. यासाठी वैकुंठ स्मशानभूमीत काॅन्ट्रॅक्टवर काही तासांसाठी हे मशीन आणले जात होते. परंतु  स्मशान फंड कमिटीतर्फे वैकुंठ स्मशानभूमीसाठी कायमस्वरुपी हे मशीन देण्यात आले. सात लाख पन्नास हजाराचे मशीन महानगरपालिकेला सुपूर्त करण्यात आले. 
यावेळी ज्येष्ठ सामाजिक कार्यकर्ते आनंद सराफ, महानगरपालिकेचे मुख्य अभियंता हितेंद्र कुरणे, गणेश उगाळे, राजेंद्र शिपेकर, इंद्रजीत कर्वे, स्मशान फंड कमिटीचे बाळासाहेब साने, संजय गोखले, सुनील नेवरेकर, अॅड. सागर कुलकर्णी उपस्थित होते. यावेळी वाहन चावी पालिकेच्या अधिकाऱ्यांकडे सुपूर्त करण्यात आली.
आनंद सराफ म्हणाले, शहराची स्वच्छता आणि आरोग्य जपणा-या श्रमजीवींची उपेक्षा करु नये. त्यांच्या कार्याची उचित दखल घेतली पाहिजे. ते करत असलेले कार्य समाजाच्या दृष्टीने अत्यंत महत्त्वाचे आहे. त्यामुळे त्यांचा सन्मान वेळोवेळी करायला हवा. प्रशासन आणि नागरिकांच्या सामंजस्यातून अनेक सोयीसुविधा सुलभतेने साकारतील अशी आशा कुरणे यांनी व्यक्त केली.
 बाळासाहेब साने यांनी कार्यक्रमाचे प्रास्ताविक केले. सुनील नेवरेकर यांनी आभार मानले.

पुणे, ता. २९ : ज्येष्ठ पत्रकार आणि वृत्तपत्र विद्या क्षेत्रातील ख्यातनाम प्राध्यापक, विद्यार्थीप्रिय शिक्षक जोसेफ पिंटो यांचे अल्पशा आजाराने शनिवारी पहाटे पुण्यात निधन झाले. ते ७२ वर्षांचे होते. त्यांच्या मागे दोन भाऊ व एक बहीण, तसेच पत्नी व कन्या, जावई असा परिवार आहे.
दीपक फर्टिलायझर्समध्ये काही काळ वरिष्ठ पदावर नोकरी केल्यानंतर ज्यो पिंटो यांनी वृत्तपत्र क्षेत्रात आपला ठसा उमटविला. सुरुवातीला संडे ऑब्झर्व्हर या दैनिकात काम केल्यानंतर त्यांनी गोमंतक टाईम्स व महाराष्ट्र हेरॉल्ड या दैनिकांमध्ये मुख्य संपादक म्हणून काम केले. 
संपादकीय क्षेत्रात स्वतंत्र ठसा उमटवणाऱ्या पिंटो यांनी वृत्तपत्र विद्या क्षेत्रात ज्ञानदानाचेही कार्य केले. सावित्रीबाई फुले पुणे विद्यापीठाच्या संज्ञापन व वृत्तपत्रविद्या विभागासह (रानडे इन्स्टिट्यूट), सिंबायोसिस महाविद्यालय, आबासाहेब गरवारे महाविद्यालय, नानासाहेब परुळेकर महाविद्यालय इत्यादी अनेक वृत्तपत्र विद्या महाविद्यालयांमध्ये शिस्तप्रिय परंतु अतिशय लोकप्रिय शिक्षक म्हणून त्यांचा नावलौकिक होता. त्यांच्या मार्गदर्शनाखाली तयार झालेले विद्यार्थी वेगवेगळ्या वृत्तपत्रांमध्ये आणि वृत्तवाहिन्यांमध्ये वरिष्ठ पदांवर काम करत आहेत. 
पिंटो यांनी स्वतःच्या महाविद्यालयीन जीवनापासूनच लोकविज्ञान संघटना या संस्थेमार्फत सामाजिक कार्य केले. वैकुंठ स्मशानभूमीत त्यांच्यावर अंत्यसंस्कार करण्यात आले. त्यावेळी वृत्तपत्र क्षेत्रातील अनेक ज्येष्ठ पत्रकार, त्यांचे विद्यार्थी व स्नेहीजन उपस्थित होते. सावित्रीबाई फुले पुणे विद्यापीठाच्या संज्ञापन व वृत्तपत्रविद्या विभागासह पुणे श्रमिक पत्रकार संघ आणि पुणे पत्रकार प्रतिष्ठान यांच्या वतीने पिंटो यांना श्रद्धांजली अर्पण करण्यात आली.