भाजपच्या बालेकिल्ल्यात काँग्रेसची मुसंडी, कसबा मतदारसंघात रवींद्र धंगेकर यांची आघाडी

लागोपाठ चार वर्षे स्थायी समिती अध्यक्षपद भोगल्याने रासनेंची दमछाक … बालेकिल्ल्याला सुरुंग महापालिकेच्याच २ पदाधिकाऱ्यांच्या कारभाराने

पुणे -पुण्यातील कसबापेठ विधानसभा मतदार संघ आणि चिंचवड या दोन्ही ठिकाणी झालेल्या पोटनिवडणुकीचा निकाल आज लागणार आहे. सकाळी 8 वाजेपासून मतमोजणीला सुरू आहे. पुणे महापालिकेत तब्बल १०० नगरसेवकांचे म्हणजे हत्तीचे बळ घेऊन सत्ता प्राप्त केलेल्या भाजपची आज त्यांचा ४० वर्षे बालेकिल्ला मानला जाणारा कसबा राखण्यासाठी झालेली दम छाक पाहूनही त्यामागचे कारण वरिष्ठ नेत्यांना समजत नसेल तर नवलच म्हणावे लागणार आहे. १०० नगरसेवक असताना केवळ मोहोळ आणि रासने यांच्यावर सलग केलेली कृपादृष्टी आणि या दोहोंनी केलेला लॉबी ,आणि भेदभावाचा, पाय खेचाखेची चा कारभार यामुळेच हा बालेकिल्ला ढासळला आहे. केवळ खासदार गिरीश बापट यांना केसरीवाड्यात प्रचारासाठी आणल्याने बापटांच्या विषयी सहानुभूती निर्माण झाली होती आणि यामुळे धंगेकर यांचे मताधिक्य काही प्रमाणात कमी झाले अन्यथा धंगेकर यांचे मताधिक्य आणखी वाढले असते .

कसबा मतदारसंघ

​​​​​चिंचवड मतदारसंघ

• कसबा मतदारसंघात 13व्या फेरीअखेर हिंदू महासंघाचे अध्यक्ष आनंद दवे यांना केवळ 123 मते मिळाली आहेत.

दहाव्या फेरीअखेरीस….

रवींद्र धंगेकर : 38286
हेमंत रासने : 34022

कसबा मतदारसंघ

​​​​​चिंचवड मतदारसंघ

कसबा मतदारसंघ

​​​​​चिंचवड मतदारसंघ

• आठव्या फेरीत रवींद्र धंगेकर 30527 मतांनी आघाडीवर आहेत. हेमंत रासने यांना 27187 मते मिळाली आहेत. तर, चिचंवडमध्ये अश्विनी जगताप यांनी 4 हजार मतांनी आघाडी मिळवली आहे.
• सातव्या फेरीत रविंद्र धंगेकर एकूण 25904 मतांसह आघाडीवर आहेत. भाजपचे हेमंत रासने यांना 24633 मते मिळाली आहेत.

कसबा मतदारसंघ

​​​​​चिंचवड मतदारसंघ

कसबा मतदारसंघ

​​​​​चिंचवड मतदारसंघ

• कसबा व चिंचवड पोटनिवडणुकीत मतमोजमीच्या सहा फेऱ्या पार पडल्या आहेत. कसब्यात मविआचे रविंद्र धंगेकर हे जवळपास 4 हजार मतांनी आघाडीवर आहेत. तर, चिंचवडमध्ये भाजपच्या अश्विनी जगताप यांनीही 3 हजार मतांनी आघाडी मिळवली आहे.
• कसबा मतदारसंघातील अपक्ष उमेदवार अभिजीत बिचुकले यांना केवळ 4 मते मिळाली आहेत.

• चिंचवड पोटनिवडणुकीत पोस्टल मतमोजणीमध्ये भाजपच्या अश्विनी जगताप आघाडीवर आहेत. मविआचे नाना काटे व अपक्ष उमेदवार राहुल कलाटे पिछाडीवर आहेत.
• कसबा पोटनिवडणुकीत पोस्टल मतमोजणीमध्ये काँग्रेसचे रवींद्र धंगेकर आघाडीवर आहेत. भाजपचे हेमंत रासने पिछाडीवर आहेत.
• अश्विनी जगताप दुसऱ्या फेरीत 676 मतांनी आघाडीवर
• कसब्यातून काँग्रेसचे उमेदवार रवींद्र धंगेकर 3000 मतांनी आघाडीवर आहेत. 

कसबा पेठेत पहिल्या फेरीत अशी होती मतसंख्या

रवींद्र धंगेकर: ५८४४

हेमंत रासने: २८६३

अभिजीत बीचुकले: ४

आनंद दवे: १२

नोटा: ८६

पुणे-     अखिल भारतीय मराठा शिक्षण परिषदेचे अनंतराव पवार कॉलेज ऑफ इंजिनिअरिंग  अँड रिसर्च पर्वती पुणे महाविद्यालच्या प्रथमवर्ष अभियांत्रिकी विभाग व अंतर्गत गुणवत्ता कक्ष यांचे संयुक्त विद्यमाने  राष्ट्रीय विज्ञान दिनाच्या निमित्त ‘अंडरस्टॅन्डींग द युनिव्हर्स वुईथ सायंटिफिक टेम्पर’ या विषयावर ऑनलाईन व्याख्यानाचे आयोजन करण्यात आले होते.या व्याख्यानाची सुरवात संतोष टाकले शासत्रज्ञ भाभा ॲटोमीक रिसर्च सेंटर मुंबई,प्राचार्य डॉ.सुनिल ठाकरे, प्रा.गणेश कोंढाळकर, डॉ. बालाजी सेलूकर,डॉ.गायत्री कांबळे, प्रा.रमा गायकवाड  यांचे उपस्थितीत झाली. या प्रसंगी मार्गदर्शन करताना संतोष टाकले यांनी भौतिकशास्त्रज्ञनोबेल पुरस्कार विजेते  चंद्रशेखर वेंकट रामन यांचे ‘रमन परिणाम’ व त्यांचे कार्य याविषयी मार्गदर्शन केले. भारतीयांचे गणित व खगोलशास्त्र याचे असणारे ज्ञानाचे दाखले देऊन प्राचीन भारतीय वैज्ञानिक शोध,सूर्यमंडळ, क्रांती, उत्क्रांती, जीवसृष्टीची निर्मिती,रॉकेट विज्ञान,विविध रायानिक अभियाक्रिया या विषयी मार्गदर्शन केले. विद्यार्थ्यांनी अंधश्रद्धा डोळसपणे खोडून वैज्ञानिक दृष्टिकोन बाळगावा आसे आवाहन या प्रसंगी केले. सदर व्याख्यानासाठी संतोष टाकले, डॉ.सुनिल ठाकरे, डॉ. बालाजी सेलूकर,डॉ.गायत्री कांबळे, प्रा.गणेश कोंढाळकर, प्रा.रमा गायकवाड,  प्राध्यापक व विद्यार्थि बहुसंख्येने उपस्थित होते. या कार्यशाळेचे नियोजन प्राचार्य डॉ.सुनिल ठाकरे यांचे मार्गदर्शनाखाली समन्वयक डॉ. बालाजी सेलूकर,डॉ.गायत्री कांबळे यांनी केले. महाविद्यालयाने सदर व्याख्यान  आयोजित केल्याबद्दल अखिल भारतीय मराठा शिक्षण परिषदेच्या सरचिटणीस म.सौ.प्रमिला गायकवाड यांनी सर्वांचे अभिनंदन केले.

पुणे–

पुणे जिल्ह्यातील बहुचर्चित कसबापेठ आणि चिंचवड विधानसभा पोटनिवडणुकीसोबतच गुरुवारी पूर्वांचल भागातील त्रिपुरा, मेघालय आणि नागालँड येथील सार्वत्रिक विधानसभा निवडणुकांची मतमोजणी आणि निकाल जाहीर होणार आहेत.

कसब्यात भाजपचे हेमंत रासने आणि काँग्रेसचे रवींद्र धंगेकर, तर चिंचवडमध्ये भाजपच्या अश्विनी जगताप आणि राष्ट्रवादीचे नाना काटे यांच्यात लढत आहे. चिंचवडमध्ये ठाकरे गटाचे बंडखोर उमेदवार राहुल कलाटे हेदेखील रिंगणात आहेत. दरम्यान, त्रिपुरा येथे १६ फेब्रुवारी रोजी तर मेघालय आणि नागालँड विधानसभांसाठी २७ फेब्रुवारी रोजी मतदान झाले होते

पुणे : शिक्षण मंडळाच्या दहावीच्या परीक्षेस गुरूवार दि.२ मार्च पासून सुरूवात हाेणार आहे. यंदा राज्यातील नउ विभागीय मंडळातील ५ हजार ३३ केंद्रावर १५ लाख ७७ हजार २५६ विद्यार्थी परीक्षा देणार आहेत. दि. २ ते २५ मार्च या कालावधीत परीक्षा पार पडणार आहेत. यंदा बारावीसाेबतच दहावीच्या विद्यार्थ्यांनाही परीक्षेच्या निर्धारित वेळेपेक्षा दहा मिनिटे जास्त दिले जाणार आहेत अशी माहिती महाराष्ट्र राज्य माध्यमिक व उच्च माध्यमिक शिक्षण मंडळाचे अध्यक्ष शरद गाेसावी यांनी दिली.

राज्यातील पुणे, नागपूर, औरंगाबाद, मुंबई, काेल्हापूर, अमरावती, नाशिक, लातूर आणि काेकण या नउ विभागीय मंडळातील २० हजार १० शाळांमधील १५ लाख ७७ हजार २५६ विद्यार्थ्यांनी परीक्षेसाठी नाेंदणी केली आहे. परीक्षेच्या निर्धारित वेळेपूर्वी सकाळच्या सत्रात साडेदहा आणि दुपारच्या सत्रात अडीच वाजता किमान अर्धा तास अगाेदर परीक्षा केंद्रावर पाेहाेचावे. विद्यार्थ्यांना निर्धारित वेळेवर सकाळी ११ आणि दुपारी ३ वाजता प्रश्नपत्रिकेचे वितरण करण्यात येणार आहे.

विभागीय स्तरावर भरारी पथके

परीक्षेच्या कालावधीत काॅपीला आळा घालण्यासाठी मंडळामार्फत राज्यरात २७१ भरारी पथकांची नेमणूक करण्यात आली आहे. यासाेबतच प्रत्येक जिल्ह्यांत जिल्हाधिकाऱ्यांच्या अध्यक्षतेखाली दक्षता समिती कार्यरत आहेत. विभागीय मंडळानेही विशेष भरारी पथकांची स्थापना केली आहे.

पुणे मंडळात २ लाख ६८ हजार विद्यार्थी

मुंबई विभागीय मंडळातून सर्वाधिक ३ लाख ५२ हजार ४८० तर पुणे मंडळातून २ लाख ६८ हजार २०० विद्यार्थी ६३५ केंद्रांवर परीक्षा देणार आहेत. औरंगाबाद : १ लाख ८० हजार ५३८, नागपूर : १ लाख ५३ हजार ५१९, काेल्हापूर : १ लाख ३० हजार ६५३, अमरावती : १ लाख ६० हजार ३७०, नाशिक : १ लाख ९७ हजार २०६, लातूर : १ लाख ५ हजार ८३४ आणि काेकण : २८ हजार ४५६ विद्यार्थी परीक्षा देणार आहेत.

परीक्षार्थी विद्यार्थी संख्या तक्ता

मुले : ८ लाख ४४ हजार ११६
मुली : ७ लाख ३३ हजार ०६७

पुणे-खडकवासला येथील राष्ट्रीय संरक्षण प्रबाेधिनी (एनडीए) मध्ये कायमस्वरुपी नाेकरी लावून देताे तसेच एनडीएतील इलेक्ट्रीक वर्क टेंडर मिळवून देण्याच्या अमिषाने एका इसमाला भामटयांनी 28 लाख रुपयांचा गंडा घातला आहे. याप्रकरणी दाेन आराेपींवर आर्थिक फसवणुकीचा गुन्हा सिंहगड राेड पाेलिस ठाण्यात दाखल करण्यात आला आहे अशी माहिती पाेलिसांनी बुधवारी दिली आहे.

प्रसाद गाेविंद वझे (रा.काेंढवे धावडे, उत्तमनगर,पुणे) व परमेश्वर अंकुश शिंदे (रा.सिंहगड राेड,पुणे) असे गुन्हा दाखल झालेल्या आराेपींची नावे आहे. याबाबत सिंहगड राेड पाेलिस ठाण्यात विजय याेगीराज साखरे (वय 42,रा.नऱ्हे,पुणे) यांनी फिर्याद दाखल केली आहे. हा प्रकार मे 2022 ते 15 ऑक्टोबर 2022 यादरम्यान घडलेला आहे.

पाेलिसांनी दिलेल्या माहितीनुसार, तक्रारदार विजय साखरे यांचे ओळखीचे आराेपी प्रसाद वझे व परमेश्वर शिंदे यांनी आपसात संगनमत करुन तक्रारदार यांचे पत्नी व त्यांचे नातेवाईक यांनी एनडीए मध्ये कायमस्वरुपी नाेकरी लावून देताे असे अमिष दाखवले. तसेच एनडीए मधील इलेक्ट्रीक वर्क टेंडर मिळवून देताे असे सांगुन तक्रारदार यांचेकडून ऑनलाइन व राेख स्वरुपात वेळाेवेळी एकूण 28 लाख रुपये घेण्यात आले.

परंतु त्यांचे पत्नी किंवा नातेवाईकांना नाेकरीस न लावता किंवा इलेक्ट्रीक टेंडरची ऑर्डर मिळवून न देता आणि दिलेले पैसे परत न करता आर्थिक फसवणुक करण्यात आली आहे. याबाबत पुढील तपास सहाय्यक पाेलिस निरीक्षक व्ही. जाधव करत आहे.

पुणे-

नागरिकांमध्ये दहशत निर्माण करण्यासाठी पिस्तूल बाळगणार्‍या एका सराईत आरोपीला लोणीकंद पोलिसांनी अटक केली आहे. त्याच्याकडून पिस्तूल आणि दोन काडतुसे असा 34 हजारांचा मुद्देमाल जप्त करण्यात आला आहे. विशाल ऊर्फ इशाप्पा जगन्नाथ पंदी (वय- 21 रा. माऊली पार्क, बकोरी रोड, पुणे) असे अटक केलेल्या सराईत गुन्हेगाराचे नाव आहे.

लोणीकंद पोलिस ठाण्याच्या हद्दीत पोलिस पेट्रोलिंग करीत असताना एक सराईत आरोपी पिस्तूल घेउन बकोरी रस्ता परिसरात थांबल्याची माहिती पोलिस नाईक स्वप्निल जाधव यांना मिळाली. त्यानुसार वरिष्ठ पोलिस निरीक्षक गजानन पवार यांच्या मार्गदर्शनाखाली, तपास पथकाचे सहायक पोलिस निरीक्षक गजानन जाधव यांच्या पथकाने सराईत गुन्हेगार विशाल पंदी यास ताब्यात घेतले.

त्याच्याकडे अंगझडतीत पिस्तूल आणि दोन काडतुसे मिळून आली. ही कामगिरी अपर आयुक्त रंजन शर्मा, उपायुक्त शशिकांत बोराटे, एसीपी किशोर जाधव, वरिष्ठ पोलिस निरीक्षक गजानन पवार, पोलिस निरीक्षक मारुती पाटील एपीआय गजानन जाधव, बाळासाहेब सकाटे, स्वप्निल जाधव, विनायक साळवे, कैलास साळुंके, अजित फरांदे, सागर जगताप, अमोल ढोणे, आशिष लोहार, मल्हारी सपुरे, सचिन चव्हाण यांनी केली आहे.

शेतकऱ्याच्या दुप्पट उत्पन्नाची घोषणा ही चेष्टाच होती: आप

पुणे- काही दिवस कांद्याला भाव नसल्यामुळे तो विषय ऐरणीवर आलेला आहे. कांदा उत्पादक शेतकऱ्याची स्थिती अत्यंत विदारक झालेली आहे. जागतिक बाजारपेठेत कांद्याची टंचाई असताना देशात मात्र कांद्याला भाव मिळत नाही. शेजारच्या देशामधील आर्थिक संकटामुळे निर्यात मर्यादित होत आहे. शेतकऱ्याला हाताशी किलोमागे एक दोन रुपये मिळत आहेत. सरकारच्या उदासीन आणि शेतकरी विरोधी धोरणाचा आम आदमी पार्टीतर्फे आज विधान भवन पुणे येथे निषेध करण्यात आला. तसेच विभागीय आयुक्त व इतर अधिकाऱ्यांना निवेदनासोबत कांदा भेट दिला.

शेतकऱ्याला कांदा असो अथवा वांगी असो भाव मिळत नसल्यामुळे शेतात नांगर फिरवणे, उत्पादन टाकून देणे याशिवाय पर्याय नाही. सरकारच्या एकूणच शेतकरी विरोधी धोरणाचा हा परिणाम आहे. आणि त्यामुळेच २०२२ मध्ये शेतकऱ्याला उत्पन्न दुप्पट होईल असे सांगणाऱ्या भाजप सरकारचा निषेध करण्यासाठी हे आंदोलन करीत असल्याचे आप जिल्हा अध्यक्ष मुकुंद किर्दत यांनी सांगितले.

देशांतर्गत महागाई आणि भाव हे योग्य पातळी राहावेत अशा पद्धतीने निर्यात धोरण राबवायला हवे. परंतु सरकार मुख्यत्वे दलाल धार्जिणे धोरण राबवत असल्यामुळे व्यापाऱ्याच्या सोयीचे धोरण अमलात येते आणि यात शेतकरी या कोलमडून पडतो. असे या वेळेस पुरंदर तालुका अध्यक्ष दत्तात्रय कड यांनी सांगितले.

जानेवारीच्या सुरुवातीला कांद्याला तेराशे पन्नास रुपये क्विंटल हा भाव मिळाला होता परंतु फेब्रुवारी अखेरीस हा भाव 500 रुपये वर आला आहे. त्यामुळे त्याचा उत्पादन खर्च ही निघत नाही . हीच स्थिती वांग्या विषयी सुद्धा आहे. त्यामुळे या पिकाला हमीभाव देणे गरजेचे आहे असे आप चाकण संयोजक संदीप शिंदे यांनी सांगीतले.
शेतकऱ्यांपेक्षा वरचढ असलेली दलालांची साखळी बाजारपेठेतील वाहतूक ,साठवणूक व्यवस्था तसेच इतर पायाभूत सुविधांचा अभाव आणि या कृषी उत्पादनांचे नियोजन,नेमका अंदाज घेण्यासाठी ठरणारी यंत्रणा तसेच निर्यात धोरणाचा गैरवापर, शेतकऱ्यांचे अज्ञान या सगळ्यामुळे शेती हा व्यवसाय आतबट्ट्याचा ठरत आहे. असे आम आदमी पार्टीने पंतप्रधान यांचेसाठी विभागीय आयुक्तांकडे दिलेल्या निवेदनात म्हंटले आहे.

या वेळेसच्या आंदोलनात आपचे जिल्हा अध्यक्ष मुकुंद किर्दत, पुरंदर तालुका अध्यक्ष दत्तात्रय कड , चाकण संयोजक संदिप शिंदे, दौंड तालुका अध्यक्ष रवींद्र जाधव, संदीप चोंडकर,शहाजी कोलते, निर्मल साबळे, अभिजित वाघमारे, साहिल जवळेकर, शिवाजीनगर आप अध्यक्ष सतिश यादव, जिल्हा सचिव अक्षय शिंदे, आकाश चव्हाण, मुनेश चव्हाण, तन्मय जाधव, आदित्य जाधव, रूद्र ठाकर आदी उपस्थित होते.

कसबापेठ विधानसभा मतदार संघ पोटनिवडणूकीच्या मतमोजणीची तयारी पूर्ण

पुणे, दि. १: कसबा पेठ विधानसभा मतदार संघाच्या मतमोजणीची सर्व तयारी पूर्ण झाली असून आज निवडणूक निरीक्षक नीरज सेमवाल तसेच निवडणूक निर्णय अधिकारी स्नेहा किसवे- देवकाते यांच्या उपस्थितीत मतमोजणीसाठी नेमलेल्या अधिकारी- कर्मचाऱ्यांना प्रशिक्षण देण्यात आले.

भारतीय खाद्य निगम (एफसीआय) गोदाम, कोरेगाव पार्क येथील मतमोजणी केंद्रात झालेल्या या प्रशिक्षणावेळी उपजिल्हाधिकारी सिद्धार्थ भंडारे, संजय तेली, सहायक निवडणूक निर्णय अधिकारी राधिका हावळ- बारटक्के आदी उपस्थित होते.

श्रीमती किसवे- देवकाते आणि श्री. भंडारे यांनी आज प्रशिक्षणादरम्यान मतमोजणी कर्मचाऱ्यांना मतमोजणी करताना घ्यायची काळजी, भरायचे विविध नमुने (फॉर्म) आदीबाबत सूचना दिल्या. इव्हीएम वरील उमेदवारनिहाय मतांची मोजणी व नोंद, फॉर्म भरणे, निवडणूक आयोगाच्या एन्कॉर ऑनलाईन प्लॅटफॉर्म मध्ये माहिती भरणे, मतमोजणीनंतर पुन्हा इव्हीएम सीलिंग करणे, साहित्य पुरवठा याबाबत प्रशिक्षण दिले. मतमोजणी प्रक्रियेदरम्यान भारत निवडणूक आयोगाच्या सर्व निर्देशांचे काटेकोर पालन करावे, अशा सूचना यावेळी देण्यात आल्या.

मतमोजणीच्या २० फेऱ्या
मतमोजणी २ मार्च रोजी सकाळी आठ वाजता भारतीय खाद्य निगम (एफसीआय) गोदाम, कोरेगाव पार्क पुणे येथे सुरू होणार आहे. त्यासाठी मतमोजणीच्या २० फेऱ्या होणार आहे. ईव्हीएम मतमोजणीसाठी १४ टेबल तर टपाली मतपत्रिकांसाठी आणि सर्व्हिस वोटर्ससाठीच्या इटीपीबीएससाठी (इलेक्ट्रॉनिकली ट्रान्समिटेड पोस्टल बॅलेट सिस्टीम) प्रत्येकी एक टेबल ठेवण्यात आला आहे. सर्वप्रथम टपाली आणि ईटीपीबीएसची मोजणी होईल. त्यानंतर ईव्हीएम मतमोजणीला सुरुवात होणार आहे. मतमोजणीसाठी प्रत्येक टेबलवर १ मतमोजणी पर्यवेक्षक, १ मतमोजणी सहायक आणि १ सूक्ष्म निरीक्षक असे एकूण सुमारे ५० अधिकारी- कर्मचारी नेमण्यात आले आहेत.

मतमोजणीच्या प्रत्येक फेरीनंतर उमेदवार निहाय मतांची उद्घोषणा निवडणूक निर्णय अधिकारी ध्वनीक्षेपकाद्वारे करतील. सर्व फेऱ्या पूर्ण झाल्यानंतर यादृच्छिक (रँडम) पद्धतीने ५ व्हीव्हीपॅट मशीनमधील स्लिपची मोजणी केली जाणार आहे. कंट्रोल युनिट वरील मतांची संख्या आणि व्हीव्हीपॅट स्लिप्स ची पडताळणी केली जाणार आहे.

मतमोजणी केंद्रावर माध्यम कक्ष, पोलीस समन्वय कक्ष, निवडणूक उमेदवार व प्रतिनिधी यांच्यासाठी कक्ष याबाबतची व्यवस्था करण्यात आली आहे. वाहनतळ व्यवस्था गाडगे महाराज विद्यालय कोरेगाव पार्क या ठिकाणी असलेल्या मैदानावरील मोकळ्या जागेत असणार आहे, अशी माहिती निवडणूक निर्णय अधिकारी श्रीमती किसवे- देवकाते यांनी दिली.

चिंचवड विधानसभा मतदार संघ पोटनिवडणूकीच्या मतमोजणीची तयारी पूर्ण

निवडणूक निर्णय अधिकाऱ्यांकडून मतमोजणी कर्मचाऱ्यांना प्रशिक्षण

पुणे, दि. १: चिंचवड विधानसभा पोटनिवडणुकीच्या मतमोजणीची सर्व तयारी पूर्ण झाली असून मतमोजणीसाठी नियुक्त करण्यात आलेल्या पर्यवेक्षक, सहायक आणि सूक्ष्म निरीक्षकांना आज निवडणूक निर्णय अधिकारी सचिन ढोले यांनी मतमोजणी विषयक प्रशिक्षण दिले.

निवडणूक निरिक्षक एस. सत्यनारायण यांच्या उपस्थितीत थेरगाव येथील शंकर आण्णा गावडे कामगार भवन येथे झालेल्या या प्रशिक्षणावेळी सहाय्यक निवडणूक निर्णय अधिकारी अजित पाटील, शिरीष पोरेडी, शितल वाकडे आदी उपस्थित होते.

मतमोजणी प्रक्रियेच्या अनुषंगाने कर्तव्ये, जबाबदाऱ्या आणि आवश्यक कामकाज याबद्दल या प्रशिक्षणामध्ये सविस्तर माहिती आणि सूचना देण्यात आल्या.

टेबलनिहाय देण्यात आलेल्या कंट्रोल युनिट वरील मतमोजणी कशाप्रकारे करावी याबाबतचे तांत्रिक प्रशिक्षण तसेच मतमोजणी करताना विहित नमुन्यात माहिती भरण्याबाबत प्रशिक्षणात सविस्तर माहिती देण्यात आली. मतमोजणी कर्मचाऱ्यांनी मतमोजणी करताना घ्यायची काळजी, भरायचे विविध नमुने (फॉर्म) आदीबाबत सूचना दिल्या. इव्हीएम वरील उमेदवारनिहाय मतांची मोजणी व नोंद, फॉर्म भरणे, निवडणूक आयोगाच्या एन्कॉर ऑनलाईन प्लॅटफॉर्म मध्ये माहिती भरणे, मतमोजणीनंतर पुन्हा इव्हीएम सीलिंग करणे, साहित्य पुरवठा याबाबत प्रशिक्षण दिले. मतमोजणी प्रक्रियेदरम्यान भारत निवडणूक आयोगाच्या सर्व निर्देशांचे काटेकोर पालन करावे, अशा सूचना यावेळी देण्यात आल्या.

मतमोजणीच्या ३७ फेऱ्या
मतमोजणी उद्या गुरुवार २ मार्च रोजी सकाळी ८ वाजेपासून थेरगाव येथील शंकर आण्णा गावडे कामगार भवन येथे होणार असून मतमोजणीच्या एकूण ३७ फेऱ्या होणार आहेत. यासाठी प्रत्येकी १४ टेबल अधिक टपाली मतपत्रिकांसाठी १ टेबल असे एकूण १५ टेबल असणार आहेत. १८ पर्यवेक्षक, १८ सहायक आणि १८ सूक्ष्म निरीक्षकांची मतमोजणी कामकाजासाठी नेमणूक करण्यात आली आहे. मतमोजणी सुरू होण्यापूर्वी मतमोजणीसाठी नियुक्त केलेल्या कर्मचाऱ्यांची संगणकीय प्रणालीने सरमिसळ (रँडमायझेशन) करण्यात येणार आहे. त्यानुसार प्राप्त झालेल्या टेबलवरील कामकाज त्या कर्मचाऱ्यांना सोपवले जाणार आहे.

भारत निवडणूक आयोगाच्या नियमानुसार तसेच मार्गदर्शक सूचनांप्रमाणे मतमोजणी प्रक्रिया होईल. टपाली मतपत्रिकांसाठी आणि सर्व्हिस वोटर्ससाठीच्या इटीपीबीएससाठी (इलेक्ट्रॉनिकली ट्रान्समिटेड पोस्टल बॅलेट सिस्टीम) प्रत्येकी एक टेबल ठेवण्यात आला आहे. सुरुवातीला टपाली आणि ईटीपीबीएसची मतमोजणी होईल. मतमोजणी सुरू होण्याच्या निर्धारित वेळेपर्यंत प्राप्त टपाली मतदानाची मोजणी करण्यात येईल. त्यानंतर ईव्हीएम मतमोजणीला सुरुवात होणार आहे. मतमोजणीसाठी प्रत्येक टेबलवर १ मतमोजणी पर्यवेक्षक, १ मतमोजणी सहायक आणि १ सूक्ष्म निरीक्षक असे अधिकारी- कर्मचारी नेमण्यात आले आहेत.

मतमोजणीच्या प्रत्येक फेरीनंतर उमेदवार निहाय मतांची उद्घोषणा निवडणूक निर्णय अधिकारी ध्वनीक्षेपकाद्वारे करतील. सर्व फेऱ्या पूर्ण झाल्यानंतर यादृच्छिक (रँडम) पद्धतीने ५ व्हीव्हीपॅट मशीनमधील चिठ्ठ्यांची मोजणी केली जाणार असून कंट्रोल युनिट वरील मतांची संख्या आणि व्हीव्हीपॅट मधील चिठ्ठ्यांची पडताळणी केली जाणार आहे. मतमोजणी केंद्रावर माध्यम कक्ष, निवडणूक अधिकारी कर्मचारी यांच्यासाठी थेरगाव येथील कामगारभवना शेजारील मोकळ्या जागेत वाहनतळ व्यवस्था करण्यात आली आहे, अशी माहिती निवडणूक निर्णय अधिकारी सचिन ढोले यांनी दिली.