पुणे, दि.१:  उपमुख्यमंत्री अजित पवार आणि क्रीडा व युवक कल्याण मंत्री संजय बनसोडे यांनी सकाळी पेरणेफाटा येथील ऐतिहासिक विजयस्तंभास अभिवादन केले.

यावेळी जिल्हाधिकारी डॉ. राजेश देशमुख, बार्टीचे महासंचालक सुनील वारे, प्र. सह पोलीस आयुक्त रामनाथ पोकळे, अपर पोलीस आयुक्त रंजन कुमार शर्मा,अरविंद चावरिया, जिल्हा पोलीस अधीक्षक अंकीत गोयल,जिल्हा परिषदेचे मुख्य कार्यकारी अधिकारी रमेश चव्हाण आदी उपस्थित होते.

उपमुख्यमंत्री अजित पवार यांच्या हस्ते  पेरणेफाटा येथील विजयस्तंभास अभिवादन सोहळ्याच्या अनुषंगाने जिल्हा प्रशासनाने उत्तम व्यवस्था केल्याबद्दल जिल्हाधिकारी डॉ. राजेश देशमुख यांचा सत्कार करण्यात आला.

क्रीडा व युवक कल्याण मंत्री संजय बनसोडे यांच्या हस्ते ग्रंथ प्रदर्शनाचे उद्घाटन

डॉ.बाबासाहेब आंबेडकर लिखित ‘द प्रॉब्लेम ऑफ रुपी’ या ग्रंथाच्या शताब्दी वर्षानिमित्त बार्टीमार्फत आयोजित ग्रंथ प्रदर्शनाचे क्रीडा व युवक कल्याण मंत्री संजय बनसोडे यांच्या हस्ते  उद्घाटन करण्यात आले.

यावेळी जिल्हाधिकारी डॉ. राजेश देशमुख, बार्टीचे महासंचालक सुनील वारे, जिल्हा परिषदेचे मुख्य कार्यकारी अधिकारी रमेश चव्हाण सामाजिक न्याय विभागाचे सहसचिव दिनेश डिगंळे, अतिरिक्त आयुक्त दिनेश ढोके, समाज कल्याण विभाग प्रादेशिक उपायुक्त बाळासाहेब सोळंकी, सहाय्यक आयुक्त विशाल लोंढे, जिल्हा समाज कल्याण अधिकारी प्रवीण कोरगंटीवार, उपायुक्त रवींद्र कदम पाटील, उपायुक्त वृषाली शिंदे आदी उपस्थित होते.

सावित्रीमाईंच्या जन्मदिनी पुण्यात रस्त्यावर भरवूनी शाळा,करणार महापलिकेच्या मिळकतकर विभागाचा निषेध

शिक्षण संस्था, शाळा कॉलेज यांना जप्तीच्या नोटीसा काढल्याने आंदोलन

पुणे- बड्या उद्योजकांना सवलतीचे रेड कार्पेट टाकणाऱ्या महापालिकेने मिळकत कारच्या वसुलीसाठी शाळांना टार्गेट केल्याच्या निषेधार्थ येत्या ३ जानेवारी या सावित्री माई फुलेंच्या जन्म दिनी रस्त्यावर शाळा भरवून महापालिकेचा निषेध करण्याचे आंदोलन करण्यात येनार असल्याचे कॉंग्रेसचे माजी नगरसेवक संजय बालगुडे यांनी म्हटले आहे. त्यांनी प्रसिद्धीस दिलेल्या पत्रकात असे म्हटले आहे कि,’महानगरपालिकेने कर आकरणी व कर वसुलीचे काम सुरू केले आहे. पुण्यातील अनेक शिक्षण संस्था तसेच शाळया व महाविद्यालयांना महापालिकेने कर थकलेत म्हणून जप्तीच्या नोटीसा दिल्या आहेत. संस्थाकडे कर थकले असतील परंतु म.न.पा. अधिकाऱ्यांनी अनेक शाळांना केवळ नोटीसा दिल्या नाहीत तर त्यांची कार्यालय सिल केली आहेत.
म.न.पा. कडून सरळ सरळ भेदभाव केला जात आहे. अनेक मंगल कार्यालय आहेत ज्यांना जाणिव पुर्वक कमी कर आकारणी केली आहे. पुण्यातील बऱ्याच मोठया व्यवसायिक व उद्योजकांना सवलत दिली गेली आहे.
ज्या पुण्यात महात्मा फुले, चिपळूणकर, बाबूराव जगताप यांनी समाजासाठी विद्या दानाचे कामे केले त्या विद्येचे माहेरघर असलेल्या पुण्यात शाळा जप्त करण्यासाठी व कार्यालय सिल केली जातात हे दुदैव आहे. अनेक संस्था या सेवाभावी पध्दतीने काम करातात त्यांना शिक्षक व इतर कर्मचाऱ्यांचे पगार घ्यायला पैसे नसतात ही वस्तुस्थिती आहे. व्यवसायिक दृष्टीकोन ठेवणारे व सेवा करणाऱ्या संस्थाना मात्र म.न.पा. ने फरक करावा.महापालिका शिक्षण संस्थांना कर आकारताना पण भेदभाव करत आहे. या सर्व बाबीचा निषेध म्हणुन ज्ञानज्योती सावित्रीबाई फुलेच्या जन्मदिनाचे औचित्य साधून महात्मा फुले गंज पेठ येथे दि. ०३ जानेवारी २०२४ बुधावा २ रोजी रस्त्यावर प्रतिकात्मक शाळा भरवून निषेध आंदोलन करण्यात येणार आहे.

पुणे दि.३१-विधान परिषदेच्या उपसभापती डॉ.नीलम गोऱ्हे यांनी येणारे नवीन वर्ष २०२४ च्या शुभेच्छा देत असताना जनतेने दिलेल्या प्रेमाविषयी कृतज्ञता व्यक्त केली आहे.

मावळते वर्ष २०२३ मध्ये विधान परिषदेचे शताब्दी महोत्सव वर्ष असल्यामुळे अनेक कार्यक्रम झाले. त्यासाठी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, विधानसभा अध्यक्ष राहुल नार्वेकर, सर्व आमदार तसेच विधान परिषदेच्या सर्व कर्मचाऱ्यांनी केलेल्या सहकार्याबद्दल डॉ.गोऱ्हे यांनी आभार मानले.

पत्रकार, अधिकारी, लोकप्रतिनिधी, कर्मचारी आणि जनतेने दिलेल्या प्रेमाविषयीदेखील डॉ. गोऱ्हे यांनी कृतज्ञता व्यक्त केली.

अनेक वर्षांपासून प्रलंबित महिलांच्या राजकीय आरक्षणाचा प्रश्न २०२३ मध्ये सुटला, त्यासाठी पंतप्रधान नरेंद्र मोदी यांनी दाखवलेल्या राजकीय इच्छाशक्तीबद्दल त्यांनी आभार मानले आहेत.

येणाऱ्या नवीन वर्षात निवडणुका होणार असून सर्वांनी मतदान करावे, असे आवाहनही डॉ.गोऱ्हे यांनी केले आहे.

येणारे वर्ष महाराष्ट्र आणि देशासाठी प्रगतीचे आणि भरभराटीचे जावो. तसेच नागरिकांना सुख, समृद्धी आणि आनंदाचे जावो अशी सदिच्छा त्यांनी व्यक्त केली आहे.

पोलीसांमार्फत महिला व वृध्द नागरीक यांना आवाहन करण्यात येते की, सार्वजनीक बसमधुन प्रवास करताना सतर्कता बाळगुन काहीही संशयास्पद प्रकार आढळुन आल्यास पोलीस कंट्रोल रुम नंबर ११२ अथवा महिला हेल्पलाईन नंबर १०९१ यावर तात्काळ मदतीसाठी संपर्क साधावा.

पुणे- पीएमटी बसमध्ये प्रवास करणा-या वृध्द नागरीकांना व महिलांना हेरुन त्यांचे सोन्याचे दागीने, मोबाईल, पर्स चोरणा-या सराईत चोरास सहकारनगर पोलिसांनी अटक केली आहे. मुळचा उत्तर प्रदेशचा असलेल्या या गुन्हेगाराचे नावचांदबाबु अलीहुसेन शेख वय ३० वर्षे रा.स.नं.४२, बेचाळीस चौक अलीभाई लेडीज टेलर मागे, कोंढवा खुर्द पुणे. मुळ रा.गाव गौरव काला पोष्ट महमदपुर ता. कैरनलगड जि. गोंडा राज्य उत्तर प्रदेश असे आहे. पोलिसांनी याप्रकरणी सांगितले कि,’
दि.२८/१२/२०२३ रोजी पुणे सातारा रोडवरील पद्मावती बसस्टॉप ते बालाजीनगर असा पीएमटी बसमध्ये बसुन एक महिला प्रवास करीत असताना आहिल्यादेवी चौकात त्यांचे हातातील २ तोळे वजनाची ४०,०००/- रुपये कि.ची सोन्याची बांगडी लोखंडी कटरच्या सहाय्याने जबरदस्तीने तोडुन चोरी करुन पळुन जाणारा पीएमटी बसमध्ये चो-या करणारा मुळचा उत्तर प्रदेश येथील रहिवाशी असलेला व सध्या कोंढवा भागात राहणारा सराईत गुन्हेगार चांदबाबु अलीहुसेन शेख वय ३० यास गस्तीवर असलेले पोलीस अंमलदार सुशांत फरांदे व महेश मंडलीक यांनी पाठलाग करुन छत्रपती मंगलकार्यासमोर पकडुन सहकारनगर पोलीस स्टेशन येथे आणले. संबधित दाखल गुन्हयाचा तपास वरिष्ठ पोलीस निरीक्षक सुरेंद्र माळाळे सहकारनगर पोलीस स्टेशन पुणे व पोलीस निरीक्षक (गुन्हे) . संदीप देशमाने यांचे मार्गदर्शनाखाली तपास पथकाचे प्रभारी पोलीस उप-निरीक्षक राहुल खंडाळे व तपास पथकाचे स्टाफने सुरु केला. तेव्हा चांदबाबु शेख याचे अंगझडतीमध्ये त्याने फिर्यादी यांची जबरदस्तीने चोरलेली ४०,०००/-रुपये कि.ची सोन्याची बांगडी व एक १००/- रुपये किमतीचे लोखंडी कटर जप्त केले . त्याची पोलीस कस्टडीची रिमांड घेवुन त्याचेकडे अधिक तपास करता त्याने दोन ते अडीच महिन्यापुर्वी एका महिलेची पीएमटी बसमध्ये बालाजीनगर येथे पर्स चोरुन त्यामधील २५,०००/- रुपये किमतीचे अर्ध्या तोळयाचे कानातील टॉप्स व २०००/-रुपये चोरल्याची माहिती दिली. त्यावरुन तपास करता सदर बाबत सहकारनगर पोलीस स्टेशन येथे गु.र.नं.२६८/२०२३ भादवी कलम ३७९ प्रमाणे गुन्हा नोंद असुन त्याचे कोंढवा येथील राहते घरातुन २५,०००/-रुपये किमतीचे अर्ध्या तोळ्याचे कानातील टॉप्स जप्त केले आहेत. सहकारनगर पोलीस स्टेशनकडील १) सहकारनगर पोलीस स्टेशन येथे गु.र.नं.२६८/२०२३ भादवी कलम ३७९ प्रमाणे व २) सहकारनगर पोलीस स्टेशन येथे गु.र.नं.३५६/२०२३ भादवी कलम ३९२ प्रमाणे हे दोन गुन्हे उघडकीस आणुन ६५,०००/-रुपये किमतीचे सोन्याचे दागीने जप्त केले आहेत.
सदरची कामगिरी अपर पोलीस आयुक्त पश्चिम प्रादेशिक विभाग, पुणे प्रवीणकुमार पाटील ,पोलीस उपायुक्त, परिमंडळ-२, श्रीमती स्मार्तना पाटील, सहा. पोलीस आयुक्त, स्वारगेट विभाग नारायण शिरगावकर वरिष्ठ पोलीस निरीक्षक सहकारनगर पोलीस स्टेशन सुरेंद्र माळाळे, पोलीस निरीक्षक (गुन्हे) संदीप देशमाने यांचे मार्गदर्शनाखाली सहकारनगर पोलीस स्टेशन तपास पथकाचे पोलीस उपनिरीक्षक राहुल खंडाळे, सहाय्यक पोलीस उप निरीक्षक बापु खुटवड, पोलीस अंमलदार सुशांत फरांदे, महेश मंडलिक, बजरंग पवार, नवनाथ शिंदे, अमोल पवार, निलेश शिवतरे, भुजंग इंगळे, सागर सुतकर, सागर कुंभार, विशाल वाघ यांनी केली आहे.

पुणे- हडपसर पोलीस ठाणे परिसरात दहशत माजविणा-या, अजय युसुफ मौजण, वय-१९ वर्षे, रा. पाचुंदकर वस्ती, देवाची वाडी, रांजणगाव गणपती, रांजणगाव, ता. शिरूर जि.पुणे या अट्टल गुन्हेगारावर पोलीस आयुक्त, पुणे शहर यांची एम.पी.डी.ए. कायद्यान्वये स्थानबध्दतेची कारवाई केली आहे.
या संदर्भात पोलिसांनी सांगितले कि,’ पुणे पोलीस आयुक्तालयातील हडपसर पोलीस स्टेशनचे हद्दीमध्ये गुन्हे करणारा अट्टल गुन्हेगार नामे अजय युसुफ मौजण, वय-१९ वर्षे, रा. पाचुंदकर वस्ती, देवाची वाडी, रांजणगावगणपती, रांजणगाव, ता. शिरूर जि.पुणे हा अभिलेखावरील सराईत गुन्हेगार आहे. त्याने साथीदारांसह रांजणगाव एमआयडीसी व हडपसर पोलीस स्टेशनचे पोलीस स्टेशनच्या हद्दीत चाकु, लोखंडी कोयता यासारख्या जीवघेण्या घातक हत्यारांसह दुखापतीसह जबरी चोरी, जबरी चोरी, चोरी, घराविषयी आगळीक, बेकायदा हत्यार बाळगणे यासारखे गंभीर स्वरुपाचे गुन्हे केले आहेत. मागील ०५ वर्षामध्ये त्याचे विरूध्द ०४ गंभीर गुन्हे दाखल आहेत. त्याच्या गुन्हेगारी कृत्यामुळे सदर परिसरातील सार्वजनिक सुव्यवस्थेस बाधा निर्माण झालेली होती. तसेच त्याच्यापासून जीविताचे व मालमत्तेचे नुकसान होईल या भितीमुळे नागरिक उघडपणे तक्रार करणेस धजावत नव्हते.
प्राप्त प्रस्ताव व सह कागदपत्रांची पडताळणी करुन मा. पोलीस आयुक्त, पुणे शहर, . रितेश कुमार यांनी नमूद इसमाचे विरुध्द एम.पी.डी.ए. कायद्यान्वये नागपुर मध्यवर्ती कारागृह, नागपुर येथे ०१ वर्षाकरीता स्थानबध्दतेचे आदेश पारीत केले आहेत. नमुद इसमास स्थानबध्द करण्यामध्ये रविंद्र शेळके, वरिष्ठ पोलीस निरीक्षक, हडपसर पोलीस स्टेशन, पुणे व चंद्रकांत बेदरे, वरिष्ठ पोलीस निरीक्षक, पी.सी. बी. गुन्हे शाखा, पुणे शहर यांचे आधिपत्याखाली पोलीस आधिकारी व पोलीस अंमलदार यांनी सदरची कामगिरी पार पाडली.
पोलीस आयुक्त, पुणे शहर यांनी कडक प्रतिबंधक कारवाई करण्याचे धोरण अवलंबिले आहे.
पोलीस आयुक्त यांनी चालु वर्षामध्ये दहशत निर्माण करणा-या व सक्रिय अट्टल गुन्हेगारांवर एम.पी.डी.ए.
कायद्यान्वये स्थानबध्दतेच्या ७७ कारवाया केल्या आहेत. यापुढेही सराईत व अट्टल गुन्हेगारांचे कृत्यांना आळा
घालण्यासाठी प्रभावी प्रतिबंधक कारवाई करण्यात येणार आहे.

पुणे, दि. ३१ : विकसित भारत संकल्प यात्रेची जिल्ह्यात प्रभावी अंमलबजावणी होत असून ८२६ ग्रामपंचायतीत झालेल्या कार्यक्रमात ४ लाख ७ हजार ६१९ नागरिकांनी सहभाग घेतला. यावेळी नागरिकांना विविध योजनांचा लाभदेखील देण्यात आला.

विकसित भारत संकल्प यात्रेच्या माध्यमातून शासनाच्या विविध योजनांची माहिती चित्रफिती आणि हस्तपत्रकांच्या माध्यमातून देण्यात येत आहे. नागरिकांशी संवाद साधून लाभार्थ्यांची नोंदणीदेखील करून घेण्यात येत आहे. यात्रेच्या माध्यमातून ‘हर घर जल’ च्या ४०९ जोडण्या, ३४ ओडीएफ शौचालय, ३९० मृदा आरोग्य कार्ड, ४६८ उज्वला गॅस, ३ हजार ७३२ सुरक्षा विमा योजना, ३ हजार २३ नागरिकांना पंतप्रधान जीवन ज्योती विमा योजनेचा लाभ देण्यात आला.

आरोग्य शिबिराअंतर्गत ८५ हजार ९०७ नागरिकांची तपासणी, ३५ हजार ६११ क्षय रोग तपासणी, २८ हजार ३४६ रुग्णांची तपासणी करण्यात आली. २६ हजार ६२४ खेळाडू, ५३ हजार ६०६ विद्यार्थी, २६ हजार ७३६ स्थानिक कलाकार आणि ९९ हजार १४४ महिलांना प्रोत्साहनपर पुरस्कार देण्यात आले.

विविध ठिकाणी शेतकऱ्यांसाठी ३ हजार ८८० ड्रोन प्रात्यक्षिकांचे आयोजन करण्यात आले. यात्रेद्वारे ५१२ शेतकऱ्यांशी नैसर्गिक शेतीविषयी संवाद साधला. २६० लाभार्थ्यांना शौचालय प्रमाणपत्र देण्यात आले. यावेळी १ लाख ९७ हजार ७८५ नागरिकांनी विकसित भारतासाठी संकल्प घेतला.

विकसित भारत संकल्प यात्रा २६ जानेवारी २०२४ पर्यंत सूरू राहणार असून जास्तीत जास्त नागरिकांनी यात्रेमध्ये सहभागी होऊन केंद्र शासनाच्या योजनांचा लाभ घ्यावा, असे आवाहन पुणे जिल्हा परिषद व जिल्हा प्रशासनाने केले आहे.