पुणे-पुणे लोकसभा मतदार संघातील पुणे कॅन्टॉन्मेंट आणि वडगाव शेरी विधानसभा मतदार संघातील महाविकास आघाडी आणि इंडिया आघाडीचे काँग्रेस पक्षाचे उमेदवार रवींद्र धंगेकर यांच्या पदयात्रांना नागरिकांचा चांगला प्रतिसाद मिळाला. मंगळवारी सायंकाळी वडगाव शेरी आणि बुधवारी सकाळी पुणे कॅन्टॉन्मेंट मतदार संघात शेकडो कार्यकर्ते व नागरिकांचा सहभाग असणाऱ्या या पदयात्रेत काँग्रेस पक्ष राष्ट्रवादी काँग्रेस शरदचंद्र पवार पक्ष, शिवसेना उद्धव बाळासाहेब ठाकरे पक्ष आणि आम आदमी पक्षाचे प्रमुख पदाधिकारी व कार्यकर्ते मोठ्या संख्येने सहभागी झाले होते. वडगाव शेरी येथील पदयात्रा मातृछाया हौसिंग सोसायटी येथून सुरु होऊन साईनाथ नगर येथे समाप्त झाली, तसेच पुणे कॅन्टॉन्मेंट मधील पदयात्रा लुंबिनी बौध्द विहार येथे सकाळी सुरु होऊन भारत टॉकिज येथे समाप्त झाली.

     या पदयात्रांमध्ये महिलांची संख्या देखील लक्षणीय होती. तिन्ही पक्षांचे झेंडे डौलाने फडकत होते. मार्गावर ठिकठिकाणी फुले उधळून पाठिंब्याच्या घोषणा दिल्या जात होत्या. अनेक व्यापाऱ्यांनी धंगेकरांचा सत्कार केला व मार्गावरील सार्वजनिक मंडळांचे कार्यकर्ते देखील एकत्र जमून धंगेकरांचा सत्कार करीत होते. अपोलो थेटर जवळ रवींद्र धंगेकर यांना ‘महात्मा फुले पगडी’ डोक्यावर चढवून सत्कार करण्यात आला. कार्यकर्त्यांच्या हातात काँग्रेस पक्षाचे चिन्ह ‘पंजा’ होते. जयजयकाराच्या घोषणांनी सारा परिसर दुमदुमून जात होता. दोन्ही पदयात्रांमध्ये प्रत्येकी ४०० हून अधिक कार्यकर्ते व नागरिक सहभागी झाले होते.

     या पदयात्रांमध्ये उमेदवार रवींद्र धंगेकरांसमवेत पुणे कॅन्टॉन्मेंट मतदार संघात पुणे शहर जिल्हा काँग्रेस कमिटी अध्यक्ष व निवडणूक समन्वयक अरविंद शिंदे, माजी गृहराज्यमंत्री रमेश बागवे, पुणे महिला काँग्रेस अध्यक्ष पूजा आनंद, माजी नगरसेविका सुजाता शेट्टी, माजी नगरसेवक अविनाश बागवे, माजी नगरसेवक विशाल धनवडे, संगीता तिवारी, अक्षय माने, सुजित यादव, पल्लवी जावळे, रवी आरडे, वैशाली रेड्डी, दत्ता पोळ, छाया वारभुवन, विजय वारभुवन, फय्याज शेख, प्रल्हाद विळेकर, राजेश शिंदे, मेहबूब नदाफ, शुभम कसबे, नतेंद्र भिंगारे, अय्याज खान, निलेश धुमाळ, नरेश नलावडे, गणेश शेडगे, महेश हाराळे, गोरख पळसकर, योगेश भोकरे, अमोल भोकरे, भारती कांबळे, बबलू कोळी, फिरोज शेख, प्रभाकर भिंगारे, चंद्रशेखर धावडे, चंद्रशेखर जावळे, नागेश शिंदे, दत्ता घोडेस्वार, कणव चव्हाण, ताई भिमाले आदी सर्व प्रमुख पदाधिकारी तसेच कार्यकर्ते सहभागी झाले होते.

वडगाव शेरी मतदार संघात उमेदवार आ. रवींद्र धंगेकरांसमवेत वडगाव शेरी काँग्रेस ब्लॉक अध्यक्ष राजू ठोंबरे, येरवडा काँग्रेस ब्लॉक अध्यक्ष रमेश सकट,राष्ट्रवादी काँग्रेस शरदचंद्र पवार पक्ष वडगाव शेरी अध्यक्ष आशिष माने, आम आदमी पार्टी वडगाव शेरी समन्वयक अमित म्हस्के, महाराष्ट्र प्रदेश एन एस यू आय अध्यक्ष अमीर शेख,पुणे शहर युवक काँग्रेस अध्यक्ष राहुल शिरसाट, माजी नगरसेवक राजेंद्र शिरसाट, माजी नगरसेविका संगीता देवकर, माजी नगरसेवक सुनिल मलके, रमेश आढाव, संकेत गलांडे, वडगाव शेरी महिला ब्लॉक अध्यक्ष शिवानी माने, प्रियांका रणपिसे,सीमा गट्टे, प्रकाश काळे, सोमनाथ शिंदे, शिवसेना उद्धव बाळासाहेब ठाकरे पक्षाचे नितीन भुजबळ आदी सर्व प्रमुख पदाधिकारी तसेच कार्यकर्ते सहभागी झाले होते.

पुणे-शहरातील सर्व आमदार, खासदार, शंभर नगरसेवक निवडून देवून पुणेकरांनी भाजपला एकहाती सत्ता दिली. मात्र या काळात भाजपच्या सत्ताधार्‍यांनी पुण्यासाठी काही दिले नाही. त्यांनी नदीचे वाटोळे केले, शहरातील टेकड्या उद्धवस्त करण्याचा घाट घातला. भाजप कार्यकाळ आणि मुरलीधर मोहोळ यांच्या महापौरपदाचा कार्यकाळ शहराच्या पर्यावरणासाठी घातकी ठरला आहे, अशी टिका ज्येष्ठ सामाजिक कार्यकर्ते डॉ. विश्वंभर चौधरी यांनी केली.

पुणे लोकसभा मतदार संघातील महाविकास आघाडी, इंडिया आघाडीचे उमेदवार रविंद्र धंगेकर यांच्या प्रचारार्थ काँग्रेस भवन येथे आयोजित केलेल्या पत्रकार परिषदेत चौधरी बोलत होते. यावेळी प्रदेश उपाध्यक्ष व लोकसभा निवडणूक प्रचारप्रमुख मोहन जोशी, वीरेंद्र किराड, राज्य प्रवक्ते गोपाळ तिवारी इत्यादी उपस्थित होते.

चौधरी म्हणाले, भाजपने शहराची सत्ता उपभोगताना पर्यावरणवाद्यांना विश्वासात न घेता, पर्यावरणाला मारक ठरणारे प्रकल्प आणले. त्यांचा कारभार हुकूमशाही पद्धतीने केला. पुण्यातील वाहतुकीचा प्रश्न गंभीर होत आहे. पाण्याचा प्रश्न ही गंभीर होत आहे, त्यांनी यावर काहीच केले नाही. या गोष्टी आम्ही ‘निर्भय बनो’ सभेच्या माध्यमातून पुणेकरांसमोर मांडणार आहोत. आम्ही उमेदवारांचा थेट प्रचार करत नाही. मात्र देशातील परिस्थिती पाहून आम्ही महाविकास आघाडीला पाठींबा देत आहोत. आम्ही मत मागत नाही पण लोकांची मते बदलतो. विदर्भात काँग्रेसची लाट आहे. तर मराठ्यात उद्धव ठाकरे व शरद पवार यांची लाट आहे. त्यामुळे राज्यात महाविकास आघाडीला 30 जागा मिळतील,  असेही चौधरी म्हणाले.

गेल्या दहा वर्षातील मोदी यांच्या कारकिर्दीचा सर्वाधिक फटका शेतकर्‍यांना बसल्याचे विदर्भ, मराठवाडा येथे घेतलेल्या निर्भय बनोच्या सभामध्ये निदर्शनास आले. नरेंद्र मोदींनी सत्तेच्या माध्यमातून संविधानाला नख लावण्याचे आणि लोकशाही संपवण्याचे काम सुरू केले आहे. भाजपने लोकसभेच्या पहिल्या दोन निवडणुकांमध्येही विकासाचा मुद्दा आणला नाही. ही निवडणुक निवडणुक रोखे व विकासावर आधारीत आहे, त्यामुळे मोदींनी दोऩ दिवसांपासून हिंदु मुस्लिमांवर भर देण्याचा प्रयत्न केला आहे. काँग्रेसच्या जाहीरनाम्यात न्यायव इतर गोष्टी आहेत. मात्र, भाजपकडून काँग्रेसच्या जाहीरनाम्यासंदर्भात धादांत खोटा प्रचार केला जात आहे. रामाचा मुद्दा संपलेला आहे. त्यामुळे ते धर्माकडे निवडणुक नेते आहेत. राज्यात मागील दोन महिन्यात 457 शेतकर्‍यांनी आत्महत्या केली. मात्र, यावर भाजपचे कोणीच बोलत नाहीत. 

प्रारंभी राज्य प्रवक्ते गोपाळ तिवारी यांनी प्रास्ताविक केले.

वंचितमुळे भाजपविरोधी मतांचे विभाजन होणार ःअ‍ॅड. बाळासाहेब आंबेडकर यांना महाविकास आघाडीमध्ये येण्याची विनंती केली होती. तसे पत्रही दिले होते. मात्र, त्याला यश मिळाले नाही. वंचितने पुण्यात उमेदवार देवू नये, अशीही आमची मागणी होती. मात्र ती मान्य झाली नाही. वंचितच्या उमेदवारामुळे भाजप विरोधी मतांचे विभाजन होणार आहे, त्याला आता कोणी काहीच करू शकत नाही.

पुण्यात लवकरच निर्भय बनो सभा ःमोदींच्या कारकीर्दीच्या विरोधात आम्ही राज्यात निर्भय बनोच्या 65 सभा घेतल्या. आणखी 18 मे पर्यंत आम्ही सभा घेणार आहोत. यामध्ये पुण्यात एक सभा होणार आहे. पुण्यात आमच्या वर हल्ला झाल्यानंतर राज्यातील इतर सभांसाठी आम्हाला आंबेडकरी चळवळीतील कार्यकर्त्यांनी संरक्षण दिले. लोकसभा निवडणुक झाल्यानंतर पुन्हा आम्ही राज्यातील सर्व विधानसभा मतदार संघामध्ये जावून निर्भय बनोच्या सभा घेणार आहोत, असेही चौधरी म्हणाले.

धंगेकरांच्या प्रचाराला पुणेकरांचा उत्स्फूर्त प्रतिसाद ः जोशी

महाविकास आघाडीचे उमेदवार रविंद्र धंगेकर यांच्या पदयात्रेला मोठा प्रतिसाद मिळत आहे. परिवर्तनाची लाट पुण्यात आली आहे, याची प्रचिती दररोज आम्हाला येत आहे. प्रचाराचा पहिला टप्पा पार पडला आहे. लोकांमध्ये भाजपविरोधात मोठा रोष असल्याचे या टप्प्यात निदर्शनास आल्याची माहिती प्रदेश उपाध्यक्ष व लोकसभा निवडणूक प्रचारप्रमुख मोहन जोशी यांनी दिली.

खासदार बारणे यांना विक्रमी मताधिक्याने विजयी करण्याचा मनसेचा निर्धार

खोपोली, दि. 24 एप्रिल – महाराष्ट्र सैनिकांसाठी राज साहेब ठाकरे यांचा शब्द अंतिम असतो. त्यांच्या आदेशानुसार मावळ लोकसभा मतदारसंघातून महायुतीचे उमेदवार खासदार श्रीरंग बारणे यांच्या हॅटट्रिकसाठी महाराष्ट्र नवनिर्माण सेना पूर्ण ताकतीनिशी प्रचारात उतरेल, अशी ग्वाही मनसेचे नेते नितीन सरदेसाई यांनी दिली.

मावळ लोकसभा मतदारसंघातील शिवसेना-भाजप- मनसे- राष्ट्रवादी- आरपीआय- रासप व मित्रपक्ष महायुतीचे उमेदवार खासदार श्रीरंग बारणे यांच्या प्रचारासाठी महाराष्ट्र नवनिर्माण सेनेच्या प्रमुख पदाधिकाऱ्यांची समन्वय बैठक खोपोली येथील युके रिसॉर्टमध्ये आयोजित करण्यात आली होती. त्यात ते बोलत होते. बैठकीस खासदार बारणे, आमदार महेंद्र थोरवे, महाराष्ट्र नवनिर्माण चित्रपट सेनेचे प्रमुख अमित खोपकर, मनसेचे वरिष्ठ पदाधिकारी रणजीत शिरोळे, जिल्हाप्रमुख जितेंद्र पाटील, शिवसेना जिल्हाप्रमुख संतोष भोईर, मनसेचे पिंपरी- चिंचवड शहराध्यक्ष सचिन चिखले तसेच विजय पाटील, योगेश चिले व मनसेचे पदाधिकारी मोठ्या संख्येने उपस्थित होते.

सरदेसाई म्हणाले की, राज साहेबांच्या आदेशानुसार आम्ही महायुतीचा प्रचार पूर्ण ताकतीनिशी करणार आहोत. निवडणूक झाल्यानंतर महायुतीच्या खासदारांनी पक्षीय दृष्टिकोन बाजूला ठेवून विकासाची कामे करावीत, एवढीच महाराष्ट्र सैनिकांची अपेक्षा आहे.

राज ठाकरे यांचा निर्णय दूरदृष्टीचा आहे, असे मत आमदार थोरवे यांनी व्यक्त केले. शिवसेना आणि मनसे यांची विचारधारा एकच आहे. बाळासाहेब ठाकरे यांचा विचार घेऊनच दोन्ही पक्ष काम करीत आहेत. दोन्ही पक्षांमध्ये काही मतभेद असले तरी मनभेद कधीच नव्हते, असेही ते म्हणाले.

खासदार बारणे म्हणाले की, मी संघर्षातून पुढे आलो आहे. एकनाथ शिंदे मुख्यमंत्री झाल्यानंतर शासकीय योजना अधिक प्रभावीपणे लोकांपर्यंत पोहोचवता आल्या. नरेंद्र मोदी पुन्हा पंतप्रधान व्हावेत, ही देशातील जनतेची भावना आहे. त्यामुळे महायुतीला बिनशर्त पाठिंबा देण्याचा राज ठाकरे यांचा निर्णय महत्त्वपूर्ण आहे.

निवडणुकीनंतरही समन्वयाच्या भूमिकेतून पुढील काम करू व मनसेला दिलेला शब्द पाळू, अशी ग्वाही देखील खासदार बारणे यांनी दिली.

तळेगाव दाभाडे येथील मान्यवरांच्या खासदार बारणे यांनी घेतल्या गाठीभेटी

तळेगाव दाभाडे, दि. 24 एप्रिल – पुणे जिल्ह्यातील ज्येष्ठ नेते माजी आमदार कृष्णराव भेगडे यांच्या निवासस्थानी जाऊन त्यांचे आशीर्वाद घेत मावळ लोकसभा मतदारसंघातील शिवसेना- भाजप- राष्ट्रवादी- मनसे- आरपीआय- रासप व मित्रपक्ष महायुतीचे उमेदवार खासदार श्रीरंग बारणे यांनी काल (मंगळवारी) रात्री तळेगाव दाभाडे शहरातील काही मान्यवरांची भेट घेऊन त्यांना सहकार्याचे आवाहन केले.

खासदार बारणे यांच्या तळेगाव दाभाडे दौऱ्यात त्यांच्यासमवेत माजी राज्यमंत्री बाळा भेगडे, भाजप किसान मोर्चाचे प्रदेशाध्यक्ष गणेश भेगडे, मावळ तालुका राष्ट्रवादी काँग्रेसचे तालुकाध्यक्ष गणेश खांडगे, माजी तालुकाध्यक्ष बबनराव भेगडे, भाजपचे प्रचार प्रमुख रवींद्र भेगडे, भाजपचे शहराध्यक्ष अशोक दाभाडे, माजी नगराध्यक्ष चित्रा जगनाडे तसेच प्रशांत ढोरे, गुलाबराव म्हाळसकर, संतोष भेगडे, अरुण माने, नवनाथ हारपुडे, सुनील मोरे आदी पदाधिकारी होते.

माजी नगरसेवक अरुण माने, माजी नगराध्यक्ष श्रीमंत सरदार अंजलीराजे दाभाडे, ‌ सामाजिक कार्यकर्ते रशीदभाई शिकीलकर, कलापिनीचे विश्वस्त डॉ. अनंत परांजपे, सामाजिक कार्यकर्ते संकेत खळदे, नामवंत उद्योजक इंदरशेठ ओसवाल, राष्ट्रवादी महिला काँग्रेसच्या अध्यक्ष शैलाताई कैलास काळोखे, श्रीमंत सरदार सत्यशीलराजे दाभाडे, माजी नगराध्यक्ष सुरेश धोत्रे व कृष्णा कारके आदी मान्यवरांच्या निवासस्थानी खासदार बारणे यांनी सदिच्छा भेट दिली. ठिकठिकाणी फटाके वाजवून व औक्षण करून त्यांना निवडणुकीसाठी शुभेच्छा देण्यात आल्या.

तळेगाव दाभाडे येथील मारुती व शनी मंदिरात जाऊन बारणे यांनी दर्शन घेतले. कडोलकर कॉलनी येथील गुर्जर क्षत्रीय समाज मंदिर ट्रस्टच्या राम मंदिरास त्यांनी भेट दिली. त्या ठिकाणी ब्रिजेंद्र किल्लावाला व सहकाऱ्यांनी त्यांचे स्वागत केले. श्रीराम जनमानस मंडळीच्या हनुमान जयंती उत्सवातही खासदार बारणे यांनी हजेरी लावली.‌ मुख्य संयोजक राजेश शर्मा, राजू बारसकर, परमेश्वर ठाकूर यांनी त्यांचा सत्कार केला व निवडणुकीसाठी शुभेच्छा दिल्या.

पुणे – दौंड दि. २४ एप्रिल – बारामती लोकसभा मतदारसंघाच्या राष्ट्रवादी कॉंग्रेस व महायुतीच्या उमेदवार सुनेत्रा पवार या आज दौंड तालुक्याच्या दौऱ्यावर आहेत. दौंड तालुक्यातील खडकी येथून सुनेत्रा पवार यांनी आपल्या दौऱ्याला सुरुवात केली.

या दौऱ्यात आमदार राहुल कुल, माजी आमदार रमेश थोरात, भाजपचे जिल्हाध्यक्ष वासुदेव काळे, कांचन कुल, वैशाली नागवडे, उत्तमराव आटोळे, नंदू पवार, वीरधवल जगदाळे आदींसह महायुतीचे पदाधिकारी व कार्यकर्ते मोठ्या संख्येने सहभागी झाले आहेत.

सुनेत्रा पवार यांचा उमेदवारी अर्ज दाखल झाल्यानंतर प्रथमच दौंड तालुक्यात संयुक्त दौरा होत आहे. या पार्श्वभूमीवर महायुतीचे सर्वच प्रमुख एकवटले आहेत. आम्ही प्रमुखच आता एकत्रपणाने या निवडणुकीला सामोरे जात आहोत. त्यामुळे दौंड तालुक्यातून मोठ्या प्रमाणात मताधिक्य मिळेल असा विश्वास माजी आमदार रमेश थोरात यांनी व्यक्त केला. तर महायुतीत आम्ही सर्वांनी एकत्रित पुढे जाण्याचा निर्णय घेतला आहे. त्यामुळे आता स्थानिक पातळीवरही कार्यकर्त्यांनी सामंजस्याची भुमिका घेवून सुनेत्रा पवार यांना अधिकाधिक मतदान होईल यासाठी प्रयत्नशील रहावे असे आवाहन आमदार राहुल कुल यांनी यावेळी केले.

देशाचे भवितव्य ठरवणारी ही निवडणुक आहे. विकासाला महत्व देणाऱ्यांच्या पाठिशी उभे राहण्याची भूमिका आपण घेतली पाहिजे असे आवाहन सुनेत्रा पवार यांनी यावेळी केले.

महायुतीची वज्रमूठ दिवसेंदिवस घट्ट होत असताना आपणही त्यात सामील होवून विकासरथात सहभागी होवून घड्याळाला अधिकाधिक मतदान करावे असेही सुनेत्रा पवार यांनी नमूद केले. दरम्यान, सुनेत्रा पवार यांचे दौंड तालुक्यातील विविध गावात उत्साहात स्वागत होत आहे.

महायुतीच्या उमेदवार सौ. सुनेत्रावहिनी पवार दौंड तालुका दौऱ्यावर असताना हातवळण गावात गेल्या असता तेथील स्थानिक शेतकऱ्यांशी संवाद साधत त्यांच्या अडचणी समजून घेतल्या व त्यांच्या अडचणी लवकरात लवकर सोडवल्या जातील असा विश्वास दिला. तसेच महायुतीच्या उमेदवाराला प्रचंड बहुमताने विजयी करण्याचे आवाहन केले. यावेळी महायुतीचे सर्व पदाधिकारी उपस्थित होते.