महाराणा प्रताप जयंतीनिमित्त डॉक्टरांचा सन्मान-

पुणे : अखिल भारतीय राजपूत (बलवार) समाज, पुणे व पतित पावन संघटना पुणे शहर यांच्या संयुक्त विद्यमाने वीरशिरोमणी महाराणा प्रताप यांच्या ४८१ व्या जयंतीनिमित्त पूर्व भागात कोरोना काळात २४ तास पूर्ण वेळ देऊन कर्तव्यरूपी कार्य करणा-या वेदांत क्लिनिकचे डॉ.जयवंत सूर्यवंशी यांचा विशेष सन्मान करण्यात आला. 
गुरुवार पेठेत झालेल्या कार्यक्रमात राष्ट्रीय स्वयंसेवक संघाचे हिंदू जागरण प्रमुख संजय चतुर, उमेशअण्णा चव्हाण, राजाभाऊ पाटील, स्वप्नील नाईक व राजू परदेशी यांच्या हस्ते हा सन्मान झाला. यावेळी संदीप गायकवाड, किशोर रजपूत, राजू परदेशी, अमित कंक, प्रणव गंजीवाले, मनोज पवार, संतोष शेंडगे, ललित खंडाळे, गुरु कोळी, योगेश वाडेकर, यादव पुजारी, शुभम कोष्टी, मंगेश शिंदे, सुनील तांबट, विजय रजपूत, आशीष रजपूत, निखिल बलवार, सचिन बलवार, प्रसाद रजपूत, तेजस रजपूत, ओमकार रजपूत, सागर बलवार, पीयूष राजपूत, विनीत रजपूत, राज रजपूत, अभिषेक रजपूत, अनिकेत रजपूत, निर्मला रजपूत, शिल्पा बलवार आदी उपस्थित होते. 
स्वप्नील नाईक म्हणाले, वीरशिरोमणी महाराणा प्रताप यांनी युद्धभूमीवर पराक्रम गाजवून शत्रूचा नायनाट केला. त्याप्रमाणे कोविडच्या काळात कोरोनारुपी शत्रूला हरवून सामान्यांना जीवन देण्याचे काम डॉक्टरांनी केले आहे. डॉ. जयवंत सूर्यवंशी यांनी ३५०० ते ४००० नागरिकांना कोव्हीड पासून अल्प दरात उपचार देऊन जीवनदान दिले आहे. त्यामुळे आम्ही त्यांचा सन्मान करीत आहोत. कार्यक्रमाचे आयोजन जय महाराणा ग्रुप चे राजाभाऊ राजपूत, अमित राजपूत, रोहित बलवार,सतीश बलवार, गणेश सावरकर यांनी केले आहे.