पुणे, दि.१७ : खेड (राजगुरुनगर) मधील मौजे कनेरसर, खेड सिटी आणि डीटीए औद्योगिक परिसरातील वाहतूक मार्गात बदल करण्यात येत असल्याबाबतचे आदेश जिल्हाधिकारी डॉ. राजेश देशमुख यांनी निर्गमित केले आहे. शासकीय व अत्यावश्यक सेवेतील वाहने (उदा. फायर ब्रिगेड, पोलीस वाहने, रुग्णवाहिका आदी) यांना हे आदेश लागू नसतील.
रस्ता क्रमांक १ वरील डीटीए प्रवेशद्वार ते जेएसडब्ल्यु चौक ते प्लॉट क्र.आय २८ पर्यंत, रोड क्र.२ वरील जेएसडब्ल्यू चौक ते श्रीनाथ मेटल कंपनीपर्यंत, रस्ता क्रमांक ३ वरील लोनऑफ कंपनी ते ए.डी. आर. एक्सेल कंपनी ते डायमंड पाईप सपोर्टर सर्व्हिसेस कंपनीपर्यंत, रोड नं. ५ वरील जे.एस. डब्ल्यु चौक से अजुटेक कंपनीपर्यंत आणि रोड नं. ६ वरील पॉवर हाऊस सब स्टेशन ते आर. आर. कॉलनीपर्यंत दुतर्फा वाहतूक असणाऱ्या मार्गावरील दोन्ही बाजूस वाहन उभे करण्यास मनाई (नो-पार्किंग) करण्यात आली आहे.
या आदेशाचे उल्लंघन करणाऱ्या व्यक्तींवर कायदेशीर कारवाई करण्यात येणार असल्याचेही आदेशात नमूद करण्यात आले आहे.