” कधीही राजकारणात येणार नाही ‘ – मीरा सुरेश कलमाडी यांची स्पष्टोक्ती

पुणे- — आपण कोणत्याही परिस्थितीत राजकारणात प्रवेश करणार नाही. परंतु सामाजिक कार्य चालूच ठेवणार असून , जमेल तेवढी जनतेची सेवा करणार आहे. असे मत सौ. मीरा सुरेश कलमाडी यांनी येथे  सांगितले.
शहर कॉंग्रेसच्या कार्यक्रमांपासून नेहमी अलग राहून आपले अस्तित्व दाखविण्याचा प्रयत्न करणारे महाराष्ट्र प्रदेश काँग्रेसचे सचिव संजय बालगुडे यांनी माजी दिवंगत पंतप्रधान इंदिरा गांधी व माजी मुख्यमंत्री स्वातंत्र्य सैनिक कै. वसंतदादा पाटील यांच्या जन्मशताब्दी निमित्त दिनांक ३१ ऑक्टो. ते दिनांक १९ नोव्हेंबर दरम्यानच्या काळात पुणे शहरात काही ठिकाणी रक्तदान शिबीर आयोजित केले होते. या रक्तदान शिबिरात सुमारे १ ,८०० बाटल्या रक्त संकलित करण्यात आले. हि रक्तदान शिबीरे  आयोजित करणाऱ्या संयोजक व कार्यकर्त्यांचा सौ. मीरा कलमाडी यांच्या हस्ते इंडियन मेडिकल असोसिएशन च्या डॉ . नितु मांडके सभागृहात खास सन्मान करण्यात आला .यावेळी आपले मनोगत व्यक्त करताना सौ. मीरा कलमाडी यांनी आलेल्या सर्व रक्तदान करणाऱ्या कार्यकर्त्यांचे आभार मानले व त्यांना शुभेच्छा दिल्या.या प्रसंगी अभय छाजेड, डॉ. सतीश देसाई, सदानंद शेट्टी आदी ,मान्यवर उपस्थित होते.
प्रास्तविक संजय बालगुडे यांनी केले तर आभार एडविन रॉबर्ट यांनी मानले.